ᱢᱟᱠᱥ ᱯᱞᱟᱸᱠ: ᱨᱮᱱᱟᱜ ᱫᱚᱦᱲᱟᱭᱮᱱ ᱛᱟᱞᱟᱨᱮᱭᱟᱜ ᱯᱷᱟᱨᱟᱠ ᱠᱚ

'''ᱯᱞᱟᱸᱠ''' ᱫᱚ ᱒᱓ ᱮᱯᱨᱤᱞ ᱑᱘᱕᱘ ᱥᱟᱞᱮ ᱨᱮ ᱢᱤᱫ ᱥᱟᱶᱛᱟ ᱟᱹᱨᱤ ᱜᱮᱭᱟᱱ ᱚᱲᱟᱜ ᱨᱮᱭ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱟᱡ ᱜᱚᱲᱚᱢ ᱦᱟᱲᱟᱢ ᱟᱨ ᱢᱟᱢᱚ ᱵᱟᱵᱟ ᱵᱟᱱᱟᱦᱚᱲ '''ᱛᱷᱤᱭᱚᱞᱚᱡᱤ''' ᱨᱤᱱ ᱯᱩᱨᱩᱫᱷᱩᱞ ᱢᱟᱪᱮᱫ ᱠᱤᱱ ᱛᱟᱦᱮᱸᱠᱟᱱᱟ ''ᱜᱚᱴᱤᱱᱜᱮᱱ'' ᱨᱮ ᱾ ᱟᱡ ᱟᱯᱟᱛ '''ᱡᱩᱞᱤᱭᱚᱥ ᱣᱤᱞᱦᱮᱣᱢ ᱯᱞᱟᱸᱠᱥ''' ᱫᱚ ᱟᱹᱨᱤ (law) ᱯᱩᱨᱩᱫᱷᱩᱞ ᱢᱟᱪᱮᱫ-ᱮᱢᱟᱪᱮᱫᱼᱮ ᱛᱟᱦᱮᱸᱠᱟᱱᱟ ᱢᱩᱱᱤᱪ ᱨᱮ ᱾ ᱟᱨ ᱮᱸᱜᱟᱛ ᱫᱚ '''ᱤᱢᱟ ᱯᱟᱴᱡᱤᱜᱽ''' ᱧᱩᱛᱩᱢᱟᱭ ᱛᱟᱦᱮᱸᱫ ᱾ ᱧᱩᱛᱩᱢ ᱫᱚ ᱟᱹᱰᱤ ᱡᱤᱞᱤᱧ ᱜᱮ ᱠᱚ ᱫᱚᱦᱚ ᱞᱮᱫ ᱛᱟᱭᱟ, ᱢᱮᱱᱠᱷᱟᱱ ᱜᱮᱞ ᱵᱚᱪᱷᱚᱨ ᱵᱚᱭᱚᱥ ᱠᱷᱚᱱ ᱫᱚ '''ᱢᱟᱨᱠᱥ''' ᱥᱩᱢᱩᱝ ᱜᱮ ᱚᱞ ᱟᱹᱜᱩᱭᱮᱫ ᱛᱟᱦᱮᱸᱫ , ᱚᱸᱰᱮ ᱠᱷᱚᱱ ᱱᱟᱥᱮ ᱞᱤᱪᱟᱹᱲ ᱧᱚᱜ ᱠᱟᱛᱮ '''ᱢᱟᱠᱥ''' ᱠᱚ ᱫᱚᱦᱚᱠᱮᱜ-ᱟᱫᱚᱦᱚᱠᱮᱜᱼᱟ ᱡᱤᱭᱚᱱ ᱵᱷᱩᱨ ᱾ ᱟᱡ ᱫᱚ ᱛᱩᱨᱩᱭ ᱟᱱᱤᱡ ᱜᱤᱫᱽᱨᱟᱹᱭ ᱛᱟᱦᱮᱸᱠᱟᱱᱟ ᱟᱠᱚ ᱜᱷᱟᱨᱚᱡᱽ ᱨᱮ ᱟᱨ ᱟᱡ ᱫᱚ ᱪᱷᱩᱴᱠᱤ ᱦᱚᱯᱚᱱᱮ ᱛᱟᱦᱮᱸ ᱠᱟᱱᱟ ᱾ ᱟᱡ ᱟᱯᱟᱛ ᱫᱚ ᱵᱟᱨᱭᱟ ᱵᱟᱹᱦᱩ ᱛᱟᱭ ᱠᱤᱱ ᱛᱟᱦᱮᱸᱠᱟᱱᱟ ᱾ ᱢᱟᱬᱟᱝ ᱮᱨᱟ ᱨᱤᱱ ᱫᱚ ᱵᱟᱨᱭᱟ ᱠᱚᱲᱟ ᱜᱤᱫᱽᱨᱟᱹ ᱠᱤᱱ ᱛᱟᱦᱮᱸᱠᱟᱱᱟ ᱾ ᱑᱘᱖᱗ ᱥᱟᱞᱮ ᱨᱮ ᱟᱠᱚ ᱫᱚ ᱢᱩᱱᱤᱪ ᱛᱮ ᱠᱚ ᱩᱪᱟᱹᱲ ᱞᱮᱱ ᱛᱟᱦᱮᱸᱫ ᱟᱨ ᱚᱸᱰᱮ ᱜᱮ ᱟᱡ ᱫᱚ '''ᱢᱟᱠᱥᱤᱢᱤᱞᱤᱭᱟᱱ ᱡᱤᱢᱱᱟᱥᱤᱭᱚᱢ ᱟᱥᱲᱟ''' ᱨᱮ ᱥᱮᱪᱮᱫ-ᱮᱥᱮᱪᱮᱫᱼᱮ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ ᱚᱱᱠᱟᱛᱮ ᱑᱗ ᱵᱚᱪᱷᱚᱨ ᱵᱚᱭᱚᱥ ᱨᱮ ᱟᱡ ᱫᱚᱭ ᱥᱚᱱᱮᱨ ᱞᱮᱫ ᱛᱟᱦᱮᱸᱫ ᱾