ᱞᱤᱭᱚ ᱴᱚᱞᱥᱴᱚᱭ: ᱨᱮᱱᱟᱜ ᱫᱚᱦᱲᱟᱭᱮᱱ ᱛᱟᱞᱟᱨᱮᱭᱟᱜ ᱯᱷᱟᱨᱟᱠ ᱠᱚ

[[File:L.N.Tolstoy Prokudin-Gorsky.jpg|thumb|ᱞᱤᱭᱚ ᱴᱚᱞᱥᱴᱚᱭ]] '''ᱞᱤᱭᱚ ᱴᱚᱞᱥᱴᱚᱭ''' ᱤᱝᱞᱤᱥ ᱛᱮ [https://en.wikipedia.org/wiki/Leo_Tolstoy (Leo Tolstoy)] (Лев Николаевич Толстой) (᱒᱘ ᱟᱜᱚᱥᱴ ᱑᱘᱒᱘ – ᱒᱐ ᱱᱚᱵᱷᱮᱢᱵᱚᱨ ᱑᱙᱑᱐) ᱫᱚ ᱢᱤᱫᱴᱟᱹᱝ ᱨᱩᱥ ᱚᱱᱚᱞᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱨᱩᱥ ᱥᱟᱶᱦᱮᱫ ᱨᱮᱱ ᱢᱟᱨᱟᱝ ᱚᱱᱚᱞᱤᱭᱟᱹ ᱚᱱᱟ ᱥᱟᱶ ᱫᱷᱟᱹᱨᱛᱤ ᱨᱮᱱ ᱦᱚᱸ ᱢᱟᱨᱟᱝ ᱚᱱᱚᱞᱤᱭᱟᱹ ᱠᱚ ᱞᱮᱠᱷᱟ ᱮᱭᱟ ᱾ ᱩᱱᱤᱭᱟᱜ ᱵᱟᱨᱭᱟ ᱟᱹᱰᱤ ᱧᱩᱛᱩᱢᱟᱱ ᱱᱚᱵᱷᱮᱞ ᱦᱩᱭᱩᱜ ᱠᱟᱱᱟ [[ᱚᱣᱟᱨ ᱮᱱᱫ ᱯᱤᱥ|ᱚᱣᱟᱨ ᱮᱱᱫ ᱯᱤᱥ]] ᱟᱨ [[ᱟᱱᱱᱟ ᱠᱟᱨᱤᱱᱟ|ᱟᱱᱱᱟ ᱠᱟᱨᱮᱱᱤᱱᱟ]]| ᱾ ᱴᱚᱞᱥᱴᱚᱭ ᱟᱜ ᱡᱟᱱᱟᱢ ᱫᱚ ᱛᱩᱞᱟ ᱯᱨᱚᱫᱮᱥ ᱨᱮᱱᱟᱜ ᱤᱭᱟᱥᱱᱟᱭᱟ ᱯᱚᱞᱤᱭᱟᱱᱟ ᱧᱩᱛᱩᱢᱟᱱ ᱡᱟᱜᱟ ᱨᱮ ᱦᱩᱭ ᱞᱮᱱᱟ ᱾ ᱩᱱᱤ ᱫᱚ ᱜᱷᱟᱨᱚᱸᱡᱽ ᱨᱮᱱ ᱮᱠᱞᱟ ᱜᱤᱫᱽᱨᱟᱹᱭ ᱛᱟᱦᱮᱸ ᱠᱟᱱᱟ ᱾ ᱵᱟᱞᱮ ᱩᱢᱤᱨ ᱨᱮ ᱜᱮ ᱟᱡ ᱵᱟᱵᱟ ᱜᱚᱜᱚ ᱛᱟᱠᱤᱱ ᱫᱚ ᱠᱤᱱ ᱵᱚᱸᱜᱟ ᱛᱟᱞᱟ ᱮᱱᱟ ᱟᱨ ᱯᱮᱲᱟ ᱠᱚ ᱜᱮ ᱠᱚ ᱦᱟᱨᱟ ᱟᱠᱟᱫᱮᱭᱟ ᱾ ᱩᱱᱤ ᱫᱚ ᱱᱚᱵᱷᱮᱞ ᱪᱷᱟᱰᱟ ᱦᱚᱸ ᱱᱟᱴᱚᱠ, ᱯᱨᱚᱵᱚᱱᱫᱷ ᱚᱞ ᱠᱟᱛᱮᱜ ᱦᱚᱸ ᱟᱹᱰᱤ ᱧᱩᱛᱩᱢ ᱮ ᱟᱢᱮᱴ ᱟᱠᱟᱜᱼᱟ ᱾ ᱩᱱᱤ ᱫᱚ ᱱᱤᱣᱢᱚᱱᱤᱭᱟ ᱨᱩᱣᱟᱹ ᱧᱟᱢ ᱠᱟᱛᱮᱜᱼᱮ ᱵᱚᱸᱜᱟ ᱛᱟᱞᱟ ᱮᱱᱟ ᱾ ᱑᱙᱑᱐ ᱥᱮᱨᱢᱟ ᱨᱮᱱᱟ ᱒᱐ ᱱᱚᱵᱷᱮᱢᱵᱚᱨ ᱨᱩᱥᱤᱭᱟᱹ ᱨᱮᱱᱟᱜ ᱟᱥᱛᱟᱯᱚᱵᱷᱟ ᱧᱩᱛᱩᱢᱟᱱ ᱢᱤᱫ ᱨᱮᱞ ᱮᱥᱴᱮᱥᱚᱱ ᱨᱮ ᱨᱩᱣᱟᱹ ᱧᱟᱢ ᱠᱮᱫᱮᱭᱟ ᱟᱨ ᱛᱟᱭᱚᱢ ᱛᱮ ᱵᱚᱸᱜᱟ ᱛᱟᱞᱟ ᱮᱱᱟ ᱾ ᱩᱱᱤ ᱜᱚᱡ ᱛᱟᱭᱚᱢ ᱑᱙᱒᱘ – ᱑᱙᱕᱘ ᱥᱮᱨᱢᱟ ᱨᱩᱥᱤᱭᱟ ᱨᱮ ᱩᱱᱤᱭᱟᱜ ᱚᱞ ᱠᱚ ᱙᱐ ᱦᱟᱹᱴᱤᱧ ᱨᱮ ᱩᱪᱷᱟᱹᱱ ᱮᱱᱟ ᱾

ᱢᱚᱱ ᱨᱮᱱᱟᱜ ᱫᱟᱲᱮ ᱥᱮᱡ ᱛᱮ ᱫᱚ ᱟᱹᱰᱤ ᱠᱮᱴᱮᱡᱼᱮ ᱛᱟᱦᱮᱸ ᱠᱟᱱᱟ ᱾ ᱟᱹᱰᱤ ᱢᱚᱡᱽ ᱥᱤᱠᱟᱨᱤ ᱟᱨ ᱟᱹᱰᱤ ᱴᱮᱲᱦᱟ (ᱮᱠ ᱜᱩᱭᱮ) ᱦᱚᱲᱮ ᱛᱟᱦᱮᱸ ᱠᱟᱱᱟ ᱾ ᱢᱤᱫ ᱫᱷᱟᱣ ᱥᱮᱸᱫᱽᱨᱟ ᱥᱮᱱ ᱠᱟᱛᱮ ᱢᱤᱫᱴᱟᱹᱝ ᱵᱟᱱᱟ ᱴᱷᱮᱱ ᱮ ᱨᱟᱹᱵᱩᱲ ᱚᱪᱚ ᱞᱮᱱᱟ ᱾ ᱢᱮᱫ ᱞᱟᱛᱟᱨ ᱠᱷᱚᱱ ᱡᱚᱦᱟ ᱥᱟᱱᱟᱢ ᱠᱚ ᱨᱟᱹᱵᱩᱲ ᱠᱷᱟᱞ ᱞᱮᱫ ᱛᱟᱭᱟ ᱾ ᱮᱱ ᱨᱮᱦᱚᱸ ᱵᱮᱥ ᱨᱩᱭᱟᱹᱲ ᱠᱟᱛᱮ ᱟᱵᱟᱨ ᱥᱮᱸᱫᱽᱨᱟ ᱪᱟᱞᱟᱣᱮᱱᱟ ᱟᱨ ᱩᱱᱤ ᱵᱟᱱᱟᱭ ᱜᱚᱡ ᱟᱹᱜᱩ ᱠᱮᱫᱮᱭᱟ ᱾ ᱦᱚᱲ ᱪᱮᱫ ᱠᱚ ᱢᱮᱱᱟ ᱚᱱᱟ ᱵᱟᱝ ᱟᱸᱡᱚᱢ ᱠᱟᱛᱮᱜ ᱟᱡ ᱚᱠᱟ ᱢᱚᱡᱮ ᱢᱚᱱᱮ ᱟᱠᱟᱫᱼᱟ ᱚᱱᱟ ᱜᱮᱭ ᱠᱟᱹᱢᱤ ᱟᱠᱟᱫᱼᱟ ᱾ ᱡᱩᱣᱟᱹᱱ ᱩᱢᱮᱨ ᱨᱮ ᱫᱚ ᱟᱭᱢᱟᱭ ᱯᱟᱧᱪᱟ ᱵᱟᱲᱟ ᱞᱮᱫᱟ ᱟᱨ ᱟᱭᱢᱟ ᱫᱷᱚᱱ ᱥᱚᱢᱯᱚᱫ ᱦᱚᱸᱭ ᱱᱚᱥᱴᱚ ᱟᱠᱟᱫᱼᱟ ᱾ ᱯᱟᱹᱫᱽᱨᱤ ᱠᱚᱣᱟᱜ ᱵᱤᱨᱩᱫᱷ ᱨᱮᱭ ᱨᱚᱲᱮᱜ ᱛᱟᱦᱮᱱ ᱛᱮ ᱩᱱᱤ ᱫᱚ ᱤᱥᱟᱹᱭ ᱫᱷᱚᱨᱚᱢ ᱠᱷᱚᱱ ᱠᱚ ᱩᱰᱩᱠ ᱞᱮᱫᱮᱭᱟ ᱾ ᱚᱱᱟ ᱨᱮ ᱩᱱᱤ ᱨᱚᱲ ᱨᱩᱣᱟᱲ ᱞᱮᱫᱼᱟ ᱚᱠᱚᱭ ᱥᱤᱥᱤᱨᱡᱟᱹᱣᱤᱡ ᱟᱨ ᱡᱤᱥᱩ ᱤᱫᱤ ᱠᱟᱛᱮ ᱠᱚ ᱵᱮᱯᱟᱨᱤ ᱮᱫᱟ ᱩᱝᱠᱩ ᱠᱷᱚᱱ ᱫᱚ ᱤᱧ ᱥᱟᱭ ᱥᱟᱭ ᱰᱷᱮᱨ ᱫᱷᱟᱹᱨᱢᱤᱠ ᱤᱥᱟᱹᱭ ᱠᱟᱹᱱᱟᱹᱧ ᱾ ᱩᱱᱤ ᱛᱤᱱ ᱨᱮ ᱵᱚᱸᱜᱟ ᱛᱟᱞᱟᱭᱮᱱ ᱤᱱ ᱨᱮ ᱯᱟᱹᱫᱽᱨᱤ ᱠᱚ ᱠᱚ ᱦᱮᱡ ᱞᱮᱱᱟ ᱢᱮᱱᱠᱷᱟᱱ ᱵᱟᱠᱚ ᱥᱩᱨ ᱟᱪᱚᱣᱟᱜ ᱠᱚᱣᱟ ᱾ ᱫᱮᱥ ᱵᱤᱫᱮᱥ ᱨᱮᱱ ᱟᱭᱢᱟ ᱦᱚᱲ ᱜᱮ ᱩᱱᱤᱭᱟᱜ ᱜᱚᱡᱚᱜ ᱨᱮ ᱠᱚ ᱥᱮᱴᱮᱨ ᱞᱮᱱᱟ ᱢᱮᱱᱠᱷᱟ ᱫᱷᱚᱨᱚᱢ ᱨᱮᱱᱟᱜ ᱚᱠᱟ ᱟᱹᱨᱤ ᱦᱚᱸ ᱵᱟᱝ ᱢᱟᱱᱟᱣ ᱠᱟᱛᱮ ᱠᱚ ᱛᱚᱯᱟ ᱠᱟᱫᱮᱭᱟ ᱾ ᱩᱱᱤ ᱫᱚ ᱤᱱᱟᱹ ᱚᱠᱛᱮ [[ᱡᱟᱨ|ᱡᱟᱨ]] ᱟᱜ ᱠᱚᱪᱞᱚᱱ ᱵᱤᱨᱩᱫᱷ ᱨᱮᱦᱚᱸᱭ ᱨᱚᱲ ᱞᱮᱫᱼᱟ ᱾ ᱧᱤᱛᱩ ᱥᱮ ᱫᱟᱱᱟᱝ ᱧᱩᱛᱩᱢ ᱛᱮ ᱟᱭᱢᱟ ᱚᱞ ᱪᱷᱟᱯᱟ ᱞᱮᱱ ᱛᱟᱭᱟ ᱾ ᱢᱮᱱᱠᱷᱟᱱ ᱡᱟᱨ ᱫᱚ ᱩᱱᱤ ᱵᱤᱨᱩᱫᱷ ᱨᱮ ᱡᱟᱦᱟᱱ ᱵᱮᱵᱚᱥᱛᱷᱟ ᱵᱟᱭ ᱦᱟᱛᱟᱣ ᱞᱮᱫᱼᱟ ᱾ ᱵᱚᱛᱚᱨ ᱛᱟᱦᱮᱸ ᱠᱟᱱᱟ ᱯᱟᱥᱮᱡ ᱤᱱᱟ ᱛᱮ ᱟᱨᱦᱚᱸ ᱡᱷᱟᱢᱞᱟ ᱰᱷᱮᱨᱚᱜᱼᱟ ᱾ ᱟᱡᱟᱜ ᱡᱩᱢᱤᱫᱟᱨᱤ ᱨᱮ ᱤᱥᱠᱩᱞᱮ ᱪᱟᱹᱞᱩ ᱞᱮᱫᱼᱟ ᱟᱨ ᱟᱡ ᱜᱮ ᱜᱤᱫᱽᱨᱟᱹ ᱠᱚᱭ ᱯᱟᱲᱦᱟᱣ ᱮᱫ ᱠᱚ ᱛᱟᱦᱮᱸᱱᱟ ᱾ ᱫᱤᱥᱚᱢ ᱨᱮ [[ᱟᱛᱟᱱᱛᱷᱟᱨ|ᱟᱛᱟᱱᱛᱷᱟᱨ]] ᱦᱩᱭ ᱞᱮᱱ ᱠᱷᱟᱱ ᱟᱡ ᱜᱮ ᱥᱮᱱ ᱠᱟᱛᱮ ᱦᱚᱲᱮ ᱧᱮᱞ ᱟᱜᱩᱭᱮᱝ ᱠᱚ ᱛᱟᱦᱮᱸ ᱠᱟᱱᱟ ᱾ ᱥᱚᱨᱠᱟᱨ ᱢᱚᱡᱽ ᱨᱮ ᱦᱚᱲ ᱵᱟᱭ ᱞᱮᱠᱷᱟ ᱮᱫ ᱠᱚᱣᱟ ᱚᱱᱟ ᱢᱮᱱ ᱛᱮ ᱟᱡ ᱜᱮ ᱦᱚᱲ ᱞᱮᱠᱷᱟ ᱠᱟᱹᱢᱤᱨᱮᱭ ᱥᱮᱞᱮᱫ ᱞᱮᱱᱟ ᱾ ᱟᱫᱟᱞᱚᱛ ᱨᱮ ᱪᱮᱫ ᱞᱮᱠᱟ ᱮᱲᱮ ᱵᱤᱪᱟᱹᱨ ᱦᱩᱭᱩᱜᱼᱟ ᱚᱱᱟ ᱵᱟᱰᱟᱭ ᱞᱟᱹᱜᱤᱫ ᱟᱭᱢᱟ ᱫᱤᱱ ᱡᱮᱞᱠᱷᱟᱱᱟ ᱨᱮᱦᱚᱸᱭ ᱛᱟᱦᱮᱸ ᱟᱠᱟᱱᱟ ᱾ ᱱᱚᱠᱟᱱ ᱥᱚᱛ ᱟᱨ ᱫᱟᱹᱭᱤᱠ ᱦᱚᱲ ᱧᱟᱢ ᱫᱚ ᱟᱹᱰᱤ ᱢᱩᱥᱠᱤᱞ ᱜᱮᱭᱟ ᱾ ᱚᱱᱟ ᱛᱮ ᱩᱱᱤᱭᱟᱜ ᱚᱞ ᱠᱚ ᱨᱮ ᱫᱚ ᱟᱹᱣᱲᱤᱭᱟᱜ ᱡᱟᱦᱟᱱᱟᱜ ᱚᱞ ᱵᱟᱝ ᱧᱟᱢᱚᱜᱼᱟ ᱾ ᱩᱱᱤ ᱫᱚ ᱚᱠᱟᱭ ᱧᱮᱞ ᱟᱠᱟᱫ ᱟᱨ ᱚᱠᱟ ᱥᱟᱹᱨᱤ ᱜᱮ ᱚᱱᱟ ᱠᱚ ᱜᱮ ᱟᱡᱟᱜ ᱚᱞ ᱨᱮ ᱯᱷᱚᱴᱮᱞ ᱟᱠᱟᱱᱟᱹ ᱡᱟᱦᱟᱱᱟᱜ ᱜᱮ ᱵᱮᱜᱚᱨ ᱠᱩᱠᱞᱤ ᱛᱮ ᱵᱟᱭ ᱦᱟᱛᱟᱣ ᱟᱠᱟᱫᱼᱟ ᱾

ᱴᱚᱞᱥᱴᱚᱭ ᱫᱚ ᱟᱭᱢᱟ ᱜᱟᱱ ᱠᱟᱹᱴᱤᱡ ᱠᱟᱹᱦᱟᱹᱱᱤ, ᱞᱟᱹᱴᱩ ᱠᱟᱹᱦᱟᱹᱱᱤ, ᱱᱚᱵᱷᱮᱞ, ᱜᱟᱭᱱᱟᱦᱟ (ᱰᱨᱟᱢᱟ), ᱜᱤᱫᱽᱨᱟᱹ ᱠᱚᱣᱟᱜ ᱚᱞ, ᱯᱨᱚᱵᱚᱱᱫᱷ, ᱪᱤᱴᱷᱤ, ᱰᱟᱭᱨᱤ ᱠᱚᱭ ᱚᱞ ᱟᱠᱟᱫᱟ᱾ ᱡᱚᱛᱚ ᱠᱚ ᱛᱮ ᱩᱱᱤᱭᱟᱜ [[ᱚᱞ ᱢᱩᱬᱩᱫ|ᱚᱞ ᱢᱩᱬᱩᱫ]] ᱙᱐ ᱦᱟᱹᱴᱤᱧ ᱨᱮ ᱩᱪᱷᱮᱱ ᱟᱠᱟᱱᱟ ᱾

=== ᱜᱟᱭᱱᱟᱦᱟ (ᱰᱨᱟᱢᱟ) ===