ᱵᱮᱵᱷᱟᱨᱤᱭᱟᱹ:Fagu Baskey/sandbox/ᱱᱤᱥᱟᱹ: ᱨᱮᱱᱟᱜ ᱫᱚᱦᱲᱟᱭᱮᱱ ᱛᱟᱞᱟᱨᱮᱭᱟᱜ ᱯᱷᱟᱨᱟᱠ ᱠᱚ
Fagu Baskey (ᱨᱚᱲ | ᱮᱱᱮᱢ) ""ᱟᱪᱷᱟᱧᱚᱜ ᱨᱮᱦᱚᱸ ᱧᱩ ᱧᱚᱜᱽ ᱢᱮ, ᱛᱤᱱᱟᱹᱜ ᱮᱢ ᱫᱟᱲᱮᱭᱟᱜ ᱤᱱᱟᱹᱜ..." ᱥᱟᱶᱛᱮ ᱥᱟᱦᱴᱟ ᱵᱮᱱᱟᱣᱟᱠᱟᱱᱟ |
(ᱵᱷᱮᱜᱮᱫ ᱵᱟᱹᱱᱩᱜ)
|
᱐᱒:᱕᱓, ᱙ ᱮᱯᱨᱤᱞ ᱒᱐᱒᱑ ᱧᱮᱞᱟᱹᱨᱩ ᱞᱮᱠᱟᱛᱮ
"ᱟᱪᱷᱟᱧᱚᱜ ᱨᱮᱦᱚᱸ ᱧᱩ ᱧᱚᱜᱽ ᱢᱮ, ᱛᱤᱱᱟᱹᱜ ᱮᱢ ᱫᱟᱲᱮᱭᱟᱜ ᱤᱱᱟᱹᱜ ᱤᱧ ᱫᱩᱞᱟᱢᱟ, ᱵᱟᱢ ᱧᱩᱭ ᱠᱷᱟᱱᱮᱢ ᱟᱹᱲᱤᱥᱟᱠᱟᱱᱟ ᱢᱮᱱᱛᱮ ᱞᱮ ᱢᱚᱱᱮᱭᱟ ᱾" ᱢᱤᱥᱨᱟᱹᱧ ᱵᱟᱠᱷᱨᱟ ᱡᱟᱣᱟᱸᱭ ᱧᱮᱞ ᱞᱮ ᱥᱮᱱ ᱞᱮᱱ ᱡᱷᱚᱜ ᱱᱚᱝᱠᱟᱱ ᱠᱟᱛᱷᱟ ᱠᱚᱫᱚ ᱥᱟᱢᱟᱝ ᱦᱩᱭ ᱟᱹᱫᱤᱧ ᱛᱟᱦᱮᱸᱫ ᱾ ᱤᱧ ᱚᱱᱰᱮ ᱦᱟᱺᱰᱤ ᱵᱟᱝ ᱧᱩ ᱥᱟᱱᱟᱧ ᱠᱟᱱ ᱛᱟᱦᱮᱸᱫ, ᱤᱠᱷᱟᱹᱱ ᱩᱱᱠᱩ ᱤᱧ ᱡᱚᱵᱚᱨ ᱠᱟᱛᱮ ᱦᱟᱺᱰᱤ ᱠᱚ ᱧᱩ ᱚᱪᱚᱭᱤᱧ ᱠᱟᱱ ᱛᱟᱦᱮᱸᱫ ᱾ ᱚᱱᱠᱟ ᱢᱟ ᱤᱧ ᱦᱟᱺᱰᱤ ᱵᱟᱹᱧ ᱧᱩ ᱵᱟᱲᱟ ᱟᱠᱟᱜ-ᱟ ᱚᱱᱰᱮ ᱯᱩᱭᱞᱩ ᱫᱷᱟᱣ ᱦᱟᱺᱰᱤ ᱵᱚᱲᱦᱮ ᱠᱚ ᱧᱩ ᱚᱪᱚᱭᱤᱧ ᱠᱟᱱ ᱠᱷᱟᱱ ᱟᱸᱴ ᱜᱤᱧ ᱟᱹᱭᱠᱟᱹᱣᱮᱜ-ᱟ ᱾ ᱱᱚᱶᱟ ᱫᱚ ᱦᱩᱭᱩᱜ ᱠᱟᱱᱟ ᱯᱩᱭᱞᱩ ᱫᱟᱹᱭᱠᱟᱹ ᱟᱨ ᱤᱧᱟᱜ ᱡᱤᱭᱚᱱ ᱨᱮᱭᱟᱜ ᱫᱚᱥᱟᱨ ᱜᱷᱚᱴᱚᱱ ᱾ ᱯᱩᱭᱞᱩ ᱜᱷᱚᱴᱚᱱ ᱫᱚ ᱱᱚᱝᱠᱟ- "ᱟᱢ ᱫᱚᱠᱛᱟ ᱵᱟᱢ ᱡᱚᱢ ᱠᱷᱟᱱ ᱜᱩᱯᱤ ᱵᱟᱞᱮ ᱢᱮᱥᱟ ᱢᱮᱭᱟ, ᱟᱢ ᱫᱚᱠᱛᱟ ᱡᱚᱢ ᱛᱮᱜᱮ ᱦᱩᱭᱩᱜ ᱛᱟᱢᱟ ᱾" ᱟᱹᱰᱤ ᱟᱸᱴ ᱠᱟᱛᱷᱟ ᱫᱚᱭᱟ ᱱᱚᱶᱟ ᱢᱟ ᱾ ᱜᱩᱯᱤ ᱵᱟᱠᱚ ᱢᱮᱥᱟᱭᱤᱧ ᱵᱚᱨᱚ ᱛᱮ ᱤᱧ ᱢᱤᱫ ᱵᱟᱨ ᱫᱷᱟᱣ ᱫᱚ ᱫᱚᱠᱛᱟᱹᱧ ᱡᱚᱢ ᱟᱠᱟᱜ-ᱟ, ᱵᱚᱦᱚᱜ ᱛᱤᱧ ᱵᱷᱟᱸᱭ ᱵᱷᱟᱸᱭ ᱟᱠᱟᱱᱟ, ᱫᱤᱥᱚᱢ ᱠᱚ ᱟᱹᱪᱩᱨᱚᱜ ᱠᱟᱱ ᱞᱮᱠᱟᱹᱧ ᱟᱴᱠᱟᱨ ᱟᱠᱟᱜ-ᱟ, ᱚᱛ ᱨᱮᱧ ᱜᱩᱲᱫᱟᱹᱣ ᱟᱠᱟᱱ ᱨᱮᱦᱚᱸ ᱥᱮᱨᱢᱟ ᱨᱮᱧ ᱚᱴᱟᱝᱚᱜ ᱠᱟᱱ ᱞᱮᱠᱟᱹᱧ ᱟᱴᱠᱟᱨ ᱟᱠᱟᱜ-ᱟ ᱾