ᱟᱯᱷᱜᱟᱱᱤᱥᱛᱟᱱ

ᱟᱯᱷᱜᱟᱱᱤᱥᱛᱟᱱ (/æfˈɡænɪstæn, -ɡɑːnɪstɑːn/ (listen); Pashto/Dari: افغانستان‬, Pashto: Afġānistān [avɣɒnisˈtɒn, ab-], Dari: Afġānestān [avɣɒnesˈtɒn]) ᱫᱚ ᱮᱛᱚᱢ ᱮᱥᱤᱭᱟ ᱨᱮᱱᱟᱜ ᱢᱤᱫᱴᱟᱹᱝ ᱫᱤᱥᱚᱢ ᱠᱟᱱᱟ ᱾ ᱟᱯᱷᱜᱟᱱᱤᱥᱛᱟᱱ ᱫᱚ ᱤᱨᱟᱱ, ᱯᱟᱠᱤᱥᱛᱟᱱ, ᱪᱤᱱ, ᱛᱟᱡᱤᱠᱤᱥᱛᱟᱱ, ᱩᱡᱽᱵᱮᱠᱤᱥᱛᱟᱱ ᱟᱨ ᱛᱩᱨᱠᱢᱮᱱᱤᱥᱛᱟᱱ ᱛᱟᱞᱟ ᱨᱮ ᱢᱮᱱᱟᱜᱼᱟ ᱾

ᱟᱯᱷᱜᱟᱱᱤᱥᱛᱟᱱ ᱨᱮᱱᱟᱜ ᱪᱤᱨ

ᱱᱟᱜᱟᱢ

᱕᱐᱐᱐᱐ ᱦᱟᱡᱟᱨ ᱥᱮᱨᱢᱟ ᱞᱟᱦᱟᱨᱮ ᱟᱯᱷᱜᱟᱱᱤᱥᱛᱟᱱ ᱨᱮ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱢᱮᱱᱛᱮ ᱵᱟᱰᱟᱭ ᱧᱟᱢ ᱟᱠᱟᱱᱟ ᱾ ᱪᱟᱥᱟᱵᱟᱫᱽ ᱦᱚᱲ ᱜᱮ ᱱᱚᱸᱰᱮᱱ ᱨᱤᱱ ᱢᱟᱨᱮ ᱦᱚᱲ ᱠᱟᱱᱟ ᱠᱚ ᱾ ᱱᱩᱠᱩ ᱦᱚᱲ ᱫᱚ ᱡᱟᱹᱥᱛᱤ ᱵᱷᱟᱜᱽ ᱜᱮ ᱟᱨᱡᱚ ᱠᱚ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱠᱚ ᱫᱚ ᱤᱨᱟᱱ ᱟᱨ ᱥᱤᱧᱚᱛ ᱨᱮ ᱠᱚ ᱚᱲᱟᱜ ᱫᱩᱣᱟᱹᱨ ᱠᱟᱛᱮ ᱛᱟᱦᱮᱱ ᱠᱚ ᱫᱷᱩᱨᱟᱹᱣ ᱞᱮᱱᱟ ᱾ ᱩᱱ ᱡᱚᱠᱷᱚᱡ ᱱᱚᱣᱟ ᱡᱟᱜᱟ ᱫᱚ ᱟᱨᱤᱭᱟᱱᱟ ᱧᱩᱛᱩᱢ ᱛᱟᱦᱮᱸ ᱠᱟᱱᱟ ᱾

ᱚᱛᱱᱚ

ᱟᱯᱷᱜᱟᱱᱤᱥᱛᱟᱱ ᱩᱛᱟᱹᱨ ᱥᱤᱢᱟᱹᱱᱟᱨᱮ ᱛᱩᱨᱠᱢᱮᱱᱤᱥᱛᱟᱱ, ᱩᱡᱽᱵᱮᱠᱤᱥᱛᱟᱱ ᱟᱨ ᱛᱟᱡᱤᱠᱤᱥᱛᱟᱱ, ᱥᱟᱢᱟᱝ ᱥᱮᱡ ᱫᱚ ᱪᱤᱱ ᱟᱨ ᱯᱟᱠᱤᱥᱛᱟᱱ ᱨᱮᱱᱟᱜ ᱡᱚᱢᱢᱩ ᱟᱨ ᱠᱟᱹᱥᱢᱤᱨ, ᱮᱛᱚᱢ ᱥᱮᱡ ᱯᱟᱠᱤᱥᱛᱟᱱ ᱟᱨ ᱯᱟᱪᱮ ᱥᱮᱡ ᱤᱨᱟᱱ ᱢᱮᱱᱟᱜᱼᱟ ᱾ ᱟᱯᱷᱜᱟᱱᱤᱥᱛᱟᱱ ᱨᱮᱱᱟᱜ ᱚᱛ ᱦᱟᱥᱟ ᱫᱚ ᱦᱩᱭᱩᱜ ᱠᱟᱱᱟ ᱖᱕᱒,᱐᱐᱐ ᱜᱟᱺᱴ ᱠᱤᱞᱚᱢᱤᱴᱚᱨ (᱒᱕᱒,᱐᱐᱐ ᱜᱟᱺᱴ ᱢᱤᱞ) ᱾ ᱱᱚᱣᱟ ᱫᱤᱥᱚᱢ ᱨᱮᱱᱟᱜ ᱡᱟᱹᱥᱛᱤ ᱵᱷᱟᱜᱽ ᱜᱮ ᱵᱩᱨᱩ ᱠᱟᱱᱟ ᱾ ᱟᱯᱷᱜᱟᱱᱤᱥᱛᱟᱱ ᱨᱮᱱᱟᱜ ᱟᱨᱫᱷᱮᱠ ᱚᱛ ᱦᱟᱥᱟᱜᱮ ᱫᱚᱨᱮᱭᱟ ᱠᱷᱚᱱ ᱒᱐᱐᱐ ᱢᱤᱴᱟᱨ ᱪᱮᱛᱟᱱ ᱨᱮ ᱢᱮᱱᱟᱜᱼᱟ ᱾

ᱯᱟᱹᱨᱥᱤ

ᱟᱯᱷᱜᱟᱱᱤᱥᱛᱟᱱ ᱨᱮᱱᱟᱜ ᱫᱤᱥᱚᱢ ᱯᱟᱹᱨᱥᱤ ᱫᱚ ᱦᱩᱭᱩᱜ ᱠᱟᱱᱟ ᱯᱳᱥᱛᱩ ᱟᱨ ᱫᱟᱨᱤ ᱾ ᱱᱚᱣᱟ ᱵᱟᱨᱮᱭᱟ ᱵᱟᱫᱽ ᱠᱟᱛᱮ ᱦᱚᱸ ᱟᱭᱢᱟ ᱯᱟᱹᱨᱥᱤ ᱨᱮᱱ ᱦᱚᱲ ᱱᱚᱸᱰᱮ ᱢᱮᱱᱟᱜ ᱠᱚᱣᱟ ᱾ ᱒᱐᱐᱔ ᱥᱮᱨᱢᱟ ᱠᱷᱚᱱ ᱟᱯᱷᱜᱟᱱᱤᱥᱛᱟᱱ ᱨᱮᱱᱟᱜ ᱡᱚᱛᱚ ᱯᱟᱹᱨᱥᱤ ᱟᱨ ᱟᱭᱢᱟ ᱞᱮᱠᱟᱱ ᱡᱟᱹᱛᱤ ᱠᱚᱣᱟᱜ ᱯᱟᱹᱨᱥᱤ ᱟᱨ ᱟᱹᱨᱤᱪᱟᱹᱞᱤ ᱵᱟᱱᱪᱟᱣ ᱫᱚᱦᱚ ᱞᱟᱹᱜᱤᱛ ᱟᱹᱭᱤᱱ ᱠᱟᱹᱱᱩᱱ ᱛᱮᱭᱟᱨ ᱟᱠᱟᱱᱟ ᱾ ᱯᱳᱥᱛᱩᱱ ᱫᱚ ᱤᱱᱫᱳ-ᱤᱨᱟᱱᱤᱭᱳ ᱯᱟᱹᱨᱥᱤ ᱠᱟᱱᱟ ᱾

ᱟᱹᱨᱤᱪᱟᱹᱞᱤ ᱟᱨ ᱫᱷᱚᱨᱚᱢ

ᱟᱯᱷᱜᱟᱱᱤᱥᱛᱟᱱ ᱨᱮ ᱟᱭᱢᱟ ᱞᱮᱠᱟᱱ ᱡᱟᱹᱛᱤ ᱛᱟᱦᱮᱸ ᱨᱮᱦᱚᱸ ᱫᱷᱚᱨᱚᱢ ᱜᱮ ᱩᱝᱠᱩ ᱠᱳᱣᱟᱜ ᱥᱟᱹᱜᱟᱹᱭᱮ ᱛᱚᱞ ᱫᱚᱦᱚ ᱟᱠᱟᱫᱟ ᱾ ᱙᱙ ᱵᱷᱟᱜᱽ ᱜᱮ ᱤᱥᱞᱟᱢ ᱫᱷᱚᱨᱚᱢ ᱨᱮᱱ ᱦᱚᱲ ᱢᱮᱱᱟᱜ ᱠᱚᱣᱟ ᱾ ᱟᱫᱚ ᱢᱤᱫ ᱵᱟᱨᱮᱭᱟ ᱦᱤᱱᱫᱩ, ᱥᱤᱠᱷ, ᱯᱟᱨᱥᱤᱠ ᱟᱨ ᱤᱦᱩᱫᱤ ᱫᱷᱚᱨᱚᱢ ᱨᱮᱱ ᱦᱚᱲ ᱠᱚ ᱦᱚᱸ ᱢᱮᱱᱟᱜ ᱠᱚ ᱜᱮᱭᱟ ᱾

ᱟᱨᱦᱚᱸ ᱧᱮᱞᱢᱮ

• Bibliography of Afghanistan
• Index of Afghanistan-related articles
• Outline of Afghanistan

ᱵᱟᱨᱦᱮ ᱡᱚᱱᱚᱲ

• Office of the President

• Afghanistan web resources provided by GovPubs at the University of Colorado–Boulder Libraries
• Afghanistan at Curlie (based on DMOZ)
• Wikimedia Atlas of Afghanistan
• Research Guide to Afghanistan Archived ᱒᱐᱑᱕-᱐᱘-᱒᱓ at the Wayback Machine.