ᱢᱩᱬᱩᱛ ᱢᱮᱱᱩ ᱡᱷᱤᱡᱽ ᱢᱮ
ᱠᱚᱢᱚᱱᱚᱭᱮᱞᱛᱷ ᱨᱮ ᱥᱮᱞᱮᱫ ᱫᱤᱥᱟᱹᱢ ᱠᱚ

ᱟᱵᱚ ᱵᱟᱰᱟᱭᱟ ᱢᱤᱫ ᱚᱠᱛᱮ ᱜᱚᱴᱟ ᱫᱷᱟᱹᱨᱛᱤ ᱨᱮ ᱵᱨᱤᱴᱤᱥ ᱠᱚᱣᱟᱜ ᱨᱟᱡᱽ ᱛᱟᱸᱦᱮᱠᱟᱱᱟ᱾ ᱟᱵᱚᱣᱟᱜ ᱫᱤᱥᱟᱹᱢ ᱦᱚᱸ ᱚᱱᱟ ᱚᱠᱛᱮ ᱵᱨᱤᱴᱤᱥ ᱨᱟᱡᱽ ᱨᱮ ᱜᱮ ᱛᱟᱦᱮ ᱠᱟᱱᱟ᱾ ᱵᱨᱤᱴᱤᱥ ᱫᱚ ᱟᱹᱰᱤ ᱫᱟᱲᱮᱭᱟᱛᱮ ᱜᱚᱴᱟ ᱫᱷᱟᱹᱨᱛᱤ ᱠᱚ ᱥᱟᱥᱚᱱᱮᱜ ᱠᱟᱱ ᱛᱟᱦᱮᱱᱟ᱾ ᱢᱮᱱᱠᱷᱟᱱ ᱛᱟᱭᱚᱢ ᱛᱮ ᱟᱭᱢᱟ ᱫᱤᱥᱚᱢ ᱜᱮ ᱵᱨᱤᱴᱤᱥ ᱨᱟᱡᱽ ᱠᱷᱚᱱ ᱯᱷᱩᱨᱜᱟᱹᱞᱚᱜ ᱠᱚ ᱮᱦᱚᱵ ᱮᱱᱟ᱾ ᱟᱫᱚ ᱵᱨᱤᱴᱤᱥ ᱨᱟᱡᱽ ᱠᱷᱚᱱ ᱯᱷᱩᱨᱜᱟᱹᱞᱟᱠᱟᱱ ᱫᱤᱥᱚᱢ ᱥᱟᱶ ᱛᱟᱭᱚᱢ ᱫᱟᱨᱟᱢᱛᱮ ᱢᱚᱡᱽ ᱥᱟᱹᱜᱟᱹᱭ ᱫᱚᱦᱚᱭ ᱞᱟᱹᱜᱤᱫ ᱛᱮ ᱵᱨᱤᱴᱤᱥ ᱥᱚᱨᱠᱟᱨ ᱫᱚ ᱠᱚᱢᱚᱱᱣᱮᱞᱛᱷ[᱑] ᱧᱩᱛᱩᱢᱟᱱ ᱢᱤᱫ ᱚᱨᱜᱟᱱᱟᱭᱡᱮᱥᱚᱱᱮ ᱵᱮᱱᱟᱣ ᱠᱮᱫᱟ᱾ ᱵᱨᱤᱴᱤᱥ ᱨᱟᱡᱽ ᱨᱮ ᱛᱟᱦᱮᱠᱟᱱ ᱫᱤᱥᱚᱢ ᱠᱚ ᱱᱤᱭᱟᱹᱨᱮᱱ ᱢᱮᱢᱵᱟᱨ ᱠᱚ ᱦᱩᱭᱩᱜᱼᱟ᱾ ᱚᱠᱚᱭ ᱫᱤᱥᱟᱹᱢ ᱡᱚᱫᱤ ᱢᱮᱢᱵᱟᱨ ᱛᱟᱦᱮᱱ ᱵᱟᱭ ᱢᱮᱱᱠᱷᱟᱱ ᱵᱟᱭ ᱛᱟᱦᱮᱱᱟ᱾ ᱧᱮᱛᱚᱜ ᱠᱚᱢᱚᱱᱣᱮᱞᱛᱷ ᱨᱮᱱ ᱢᱮᱢᱵᱟᱨ ᱫᱚ ᱕᱓ ᱜᱚᱴᱟᱝ᱾

ᱠᱚᱢᱚᱱᱣᱮᱞᱛᱷ ᱫᱚ ᱤᱱᱴᱟᱨᱱᱮᱥᱱᱟᱞ ᱥᱚᱝᱥᱛᱷᱟ ᱠᱟᱱᱟ᱾ ᱑᱙᱔᱙ ᱥᱮᱨᱢᱟ ᱨᱮ ᱱᱤᱭᱟᱹ ᱫᱚ ᱵᱮᱱᱟᱣ ᱟᱠᱟᱱᱟ᱾ ᱥᱮᱫᱟᱭ ᱱᱤᱭᱟᱹ ᱨᱮᱱᱟᱜ ᱧᱤᱛᱩᱢ ‘ᱵᱨᱤᱴᱤᱥ ᱠᱚᱢᱚᱱᱣᱮᱞᱛᱷ ᱚᱵᱽ ᱱᱮᱥᱚᱱᱥ (British Commonwealth of Nations)’ ᱛᱟᱦᱮᱠᱟᱱᱟ᱾ ᱛᱟᱭᱚᱢ ᱛᱮ ‘ᱵᱨᱤᱴᱤᱥ’ ᱟᱹᱲᱟᱹ ᱫᱚ ᱚᱪᱚᱜ ᱠᱮᱫᱟ ᱠᱚ᱾ ᱱᱤᱭᱟᱹ ᱨᱮᱱ ᱢᱩᱠᱷᱤᱭᱟᱹ ᱫᱚ ᱵᱨᱤᱴᱤᱥ ᱨᱮᱱ ᱨᱟᱡᱟ ᱵᱟᱝᱠᱷᱟᱱ ᱨᱟᱹᱱᱤ᱾ ᱠᱟᱹᱢᱤ ᱠᱚ ᱪᱟᱞᱟᱣ ᱞᱟᱹᱜᱤᱫ ᱛᱮ ᱱᱤᱭᱟᱹ ᱨᱮᱱᱟᱜ ᱳᱯᱷᱤᱥ ᱢᱮᱱᱟᱜᱼᱟ᱾ ᱳᱯᱷᱤᱥ ᱨᱮᱱ ᱢᱩᱠᱷᱤᱭᱟᱹ ᱫᱚ ‘ᱥᱮᱠᱨᱮᱴᱟᱨᱤ’ ᱠᱚ ᱢᱮᱛᱟᱭᱟ᱾ ᱵᱟᱨ ᱵᱚᱪᱷᱚᱨ ᱚᱠᱛᱮ ᱨᱮ ᱢᱮᱢᱵᱟᱨ ᱫᱤᱥᱚᱢ ᱠᱚᱨᱮᱱ ᱢᱩᱠᱷᱤᱭᱟᱹ ᱠᱚ ᱥᱚᱸᱜᱮ ᱠᱟᱛᱮᱜ ᱥᱮᱢᱞᱮᱫ ᱦᱩᱭᱩᱜᱼᱟ᱾

ᱵᱟᱨᱦᱮ ᱡᱚᱱᱚᱲᱥᱟᱯᱲᱟᱣ