ᱠᱚᱢᱞᱟ ᱵᱮᱱᱤᱣᱟᱞ
ᱠᱚᱢᱞᱟ ᱵᱮᱱᱤᱣᱟᱞ ᱫᱚ (ᱡᱟᱱᱟᱢ: ᱑᱒ ᱡᱟᱱᱩᱣᱟᱨᱤ ᱑᱙᱒᱗) ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤ ᱠᱟᱱᱟᱭ ᱾ ᱱᱚᱣᱟ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ ᱯᱟᱨᱴᱤ ᱨᱤᱱᱤᱡ ᱢᱤᱫ ᱥᱤᱱᱤᱭᱟᱨ ᱥᱚᱦᱮᱫ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤᱫᱚ ᱨᱟᱡᱚᱥᱛᱷᱟᱱ ᱨᱮ ᱵᱷᱮᱡᱟᱨᱼᱵᱷᱮᱡᱟᱨ ᱚᱠᱛᱚ ᱨᱮ ᱵᱷᱤᱱᱟᱹ ᱵᱷᱤᱱᱟᱹ ᱯᱚᱫᱽ ᱨᱮ ᱢᱚᱱᱛᱨᱤ ᱟᱨ ᱡᱚᱜᱚ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮ ᱠᱟᱹᱢᱤ ᱟᱠᱟᱫᱟ ᱾ ᱛᱟᱭᱚᱢ ᱛᱮ ᱩᱱᱤᱫᱚ ᱒᱐᱐᱙ ᱥᱟᱞ ᱟᱨ ᱒᱐᱑᱔ ᱥᱟᱞ ᱛᱟᱞᱟ ᱨᱮ ᱵᱷᱤᱱᱟᱹ ᱵᱷᱤᱱᱟᱹ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ ᱞᱮᱠᱟᱛᱮ ᱠᱟᱹᱢᱤ ᱟᱠᱟᱫᱟ ᱾ ᱱᱚᱣᱟ ᱑᱙᱕᱔ ᱥᱟᱞ ᱨᱮ ᱒᱗ ᱥᱟᱞ ᱩᱢᱚᱨ ᱨᱮ ᱨᱟᱡᱚᱥᱛᱷᱟᱱ ᱨᱮ ᱯᱩᱭᱞᱩ ᱛᱤᱨᱞᱟᱹ ᱢᱚᱱᱛᱨᱤ ᱵᱮᱱᱟᱣ ᱮᱱᱟ ᱾ ᱩᱱᱤᱫᱚ ᱒᱐᱐᱓ ᱥᱟᱞ ᱨᱮ ᱨᱟᱡᱚᱥᱛᱷᱟᱱ ᱨᱤᱱᱤᱡ ᱡᱚᱜᱚ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮ ᱠᱟᱹᱢᱤ ᱟᱠᱟᱫᱟ ᱾ ᱩᱱᱤᱫᱚ ᱛᱨᱤᱯᱩᱨᱟ (᱒᱐᱐᱙) ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ ᱞᱮᱠᱟᱛᱮ ᱦᱚᱸ ᱠᱟᱹᱢᱤ ᱟᱠᱟᱫᱟ ), ᱜᱩᱡᱽᱨᱟᱴ (᱒᱐᱐᱙ᱼ᱒᱐᱑᱔) ᱟᱨ ᱢᱤᱡᱚᱨᱟᱢ (᱒᱐᱑᱔) ᱾ ᱱᱩᱭ ᱡᱟᱦᱟᱸ ᱠᱚᱧᱮ ᱥᱟᱢᱟᱝ ᱯᱚᱱᱚᱛ ᱨᱤᱱᱤᱡ ᱯᱩᱭᱞᱩ ᱛᱤᱨᱞᱟᱹ ᱯᱚᱱᱚᱛ ᱜᱚᱢᱠᱮ ᱢᱮᱱᱟᱭᱟ ᱾ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭ ᱨᱮ ᱟᱡᱟᱜ ᱮᱱᱮᱢ ᱞᱟᱹᱜᱤᱫ ᱛᱮ ᱩᱱᱤ ᱢᱟᱲᱟᱝ ᱢᱟᱨᱟᱝ ᱢᱚᱱᱛᱨᱤ ᱤᱱᱫᱤᱨᱟ ᱜᱟᱱᱫᱷᱤ ᱦᱚᱛᱮᱛᱮ ᱛᱟᱢᱨᱟᱯᱟᱛᱨᱟ ᱛᱮ ᱥᱟᱨᱦᱟᱣ ᱪᱟᱞ ᱟᱫᱮᱭᱟ ᱛᱟᱦᱮᱸᱫ ᱾
| ᱠᱚᱢᱞᱟ ᱵᱮᱱᱤᱣᱟᱞ | |
|---|---|
 Beniwal at the inauguration of National Museum | |
| ᱑᱐ ᱟᱱᱟᱜ ᱢᱤᱡᱚᱨᱟᱢ ᱯᱚᱱᱚᱛ ᱜᱚᱢᱠᱮ | |
| ᱟᱹᱢᱟᱹᱞᱤ ᱨᱮ ᱖ ᱡᱩᱞᱟᱭ ᱒᱐᱑᱔ – ᱖ ᱚᱜᱚᱥᱴ ᱒᱐᱑᱔ [᱑] | |
| ᱥᱤᱨᱟᱹ ᱢᱚᱱᱛᱨᱤ | ᱞᱟᱞ ᱛᱷᱟᱱᱦᱟᱣᱞᱟ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱵᱷᱟᱠᱠᱚᱢ ᱯᱩᱨᱩᱥᱚᱛᱷᱟᱢᱟᱱ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱵᱤᱱᱚᱫᱽ ᱠᱩᱢᱟᱨ ᱫᱩᱜᱽᱜᱟᱞ |
| ᱑᱘ ᱟᱱᱟᱜ ᱜᱩᱡᱽᱨᱟᱴ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ | |
| ᱟᱹᱢᱟᱹᱞᱤ ᱨᱮ ᱒᱗ ᱱᱚᱵᱷᱮᱢᱵᱚᱨ ᱒᱐᱐᱙ – ᱖ ᱡᱩᱞᱟᱭ ᱒᱐᱑᱔ | |
| ᱥᱤᱨᱟᱹ ᱢᱚᱱᱛᱨᱤ | ᱱᱚᱨᱮᱱᱫᱽᱨᱚ ᱢᱚᱫᱤ ᱟᱱᱟᱱᱫᱤᱵᱮᱱ ᱯᱟᱴᱮᱞ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱮᱥ.ᱥᱤ. ᱡᱟᱢᱤᱨ(Additional Charge) |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱢᱟᱨᱜᱟᱨᱮᱛ ᱟᱞᱵᱷᱟ(Additional Charge) |
| ᱑᱑ ᱟᱱᱟᱜ ᱛᱨᱤᱯᱩᱨᱟ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ | |
| ᱟᱹᱢᱟᱹᱞᱤ ᱨᱮ ᱑᱕ ᱚᱠᱴᱚᱵᱚᱨ ᱒᱐᱐᱙ – ᱒᱖ ᱱᱚᱵᱷᱮᱢᱵᱚᱨ ᱒᱐᱐᱙ | |
| ᱥᱤᱨᱟᱹ ᱢᱚᱱᱛᱨᱤ | ᱢᱟᱱᱤᱠ ᱥᱚᱨᱠᱟᱨ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱫᱤᱱᱮᱥ ᱱᱟᱱᱫᱟᱱ ᱥᱟᱦᱟᱭ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱫᱱᱤᱭᱟᱱᱫᱮᱣ ᱭᱟᱥᱣᱟᱱᱴᱨᱟᱣ ᱯᱟᱴᱮᱞ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱑᱒ ᱡᱟᱱᱩᱣᱟᱨᱤ ᱑᱙᱒᱗ ᱜᱚᱨᱤᱨ ᱟᱹᱛᱩ, ᱵᱩᱦᱟᱱᱟ, ᱡᱷᱩᱱᱡᱷᱩᱱᱩ ᱦᱚᱱᱚᱛ, ᱨᱟᱡᱚᱥᱛᱷᱟᱱ |
| ᱡᱟᱹᱛᱤᱭᱟᱹᱨᱤ | ᱥᱤᱧᱚᱛᱤᱭᱟᱹ |
| ᱨᱟᱡᱽᱟᱹᱨᱤ ᱫᱚᱞ | ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ (retired) |
| ᱡᱤᱭᱚᱱ ᱥᱚᱦᱮᱫ | ᱨᱟᱢᱪᱚᱱᱫᱽᱨᱚ ᱵᱮᱱᱤᱣᱟᱞ |
| ᱥᱮᱪᱮᱫ ᱟᱠᱷᱲᱟ | ᱢᱟᱦᱟᱨᱟᱹᱱᱤ ᱠᱚᱞᱮᱡᱽ, ᱡᱚᱭᱯᱩᱨ ᱟᱨ ᱵᱟᱱᱟᱥᱛᱷᱟᱞᱤ ᱵᱷᱤᱫᱽᱭᱟᱯᱤᱛᱷ ᱵᱤ.ᱮ, ᱮᱢ.ᱮ |
| ᱠᱟᱹᱢᱤ | ᱨᱟᱡᱽᱟᱹᱨᱤᱭᱟᱱ |
| ᱠᱟᱹᱢᱤ | ᱪᱟᱹᱥ |
ᱨᱟᱡᱽᱟᱹᱨᱤ ᱡᱤᱭᱚᱱ
ᱥᱟᱯᱲᱟᱣᱟᱡᱟᱜ ᱥᱮᱪᱮᱫ ᱯᱩᱨᱟᱹᱣ ᱠᱟᱛᱮ ᱛᱟᱭᱚᱢ ᱱᱚᱣᱟ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ ᱨᱮ ᱥᱮᱞᱮᱫ ᱮᱱᱟ ᱾
᱑᱙᱕᱔ ᱥᱟᱞ ᱨᱮ, ᱒᱗ ᱥᱟᱞ ᱩᱢᱚᱨ ᱨᱮ, ᱩᱱᱤᱫᱚ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱡᱤᱛᱠᱟᱹᱨ ᱮᱱᱟ ᱟᱨ ᱨᱟᱡᱚᱥᱛᱷᱟᱱ ᱯᱚᱱᱚᱛ ᱥᱚᱨᱠᱟᱨ ᱨᱮ ᱢᱚᱱᱛᱨᱤ ᱵᱮᱱᱟᱣ ᱮᱱᱟ ᱾ ᱵᱮᱱᱤᱣᱟᱞ ᱫᱚ ᱑᱙᱕᱔ ᱥᱟᱞ ᱠᱷᱚᱱ ᱨᱟᱡᱚᱥᱛᱷᱟᱱ ᱨᱮ ᱞᱮᱛᱟᱨ ᱜᱮ ᱠᱚᱝᱜᱽᱨᱮᱥ ᱥᱚᱨᱠᱟᱨ ᱨᱮ ᱢᱚᱱᱛᱨᱤ ᱢᱮᱱᱟᱭᱟ, ᱩᱱᱤᱭᱟᱜ ᱚᱲᱟᱜ, ᱢᱮᱰᱤᱠᱟᱞ ᱟᱨ ᱦᱤᱞᱛᱷ, ᱥᱮᱪᱮᱫ ᱟᱨ ᱪᱟᱥ ᱥᱟᱶᱛᱮ ᱵᱷᱤᱱᱟᱹ ᱵᱷᱤᱱᱟᱹ ᱞᱟᱹᱠᱛᱤᱭᱟᱱ ᱵᱤᱵᱷᱟᱜᱽ ᱮ ᱥᱟᱢᱵᱽᱲᱟ ᱠᱮᱜᱼᱟ ᱾ ᱱᱚᱣᱟ ᱟᱥᱚᱠ ᱜᱟᱦᱞᱚᱛ ᱥᱚᱨᱠᱟᱨ ᱨᱮ ᱨᱟᱡᱽᱥᱣᱟ ᱢᱚᱱᱛᱨᱤ ᱛᱟᱦᱮᱸ ᱠᱟᱱᱟᱭ ᱾
ᱜᱮᱞ ᱥᱮᱨᱢᱟ ᱫᱷᱟᱹᱵᱤᱡ, ᱑᱙᱘᱐ ᱠᱷᱚᱱ ᱑᱙᱙᱐ ᱫᱷᱟᱹᱵᱤᱡ, ᱩᱱᱤ ᱨᱟᱡᱚᱥᱛᱷᱟᱱ ᱥᱚᱨᱠᱟᱨ ᱨᱮ ᱠᱮᱵᱤᱱᱮᱴ ᱢᱚᱱᱛᱨᱤ ᱛᱟᱦᱮᱸ ᱠᱟᱱᱟ ᱾
᱑᱙᱙᱓ ᱥᱟᱞ ᱨᱮ ᱩᱱᱤ ᱢᱚᱱᱛᱨᱤ ᱵᱟᱭ ᱛᱟᱦᱮᱸ ᱠᱟᱱᱟ, ᱢᱮᱱᱠᱷᱟᱱ ᱟᱨᱦᱚᱸ ᱵᱮᱭᱨᱟᱛᱷ (ᱱᱤᱛᱚᱜ ᱫᱚ ᱵᱤᱨᱟᱴᱱᱚᱜᱚᱨ), ᱡᱚᱭᱯᱩᱨ ᱠᱷᱚᱱ ᱵᱤᱫᱷᱟᱱ ᱥᱚᱵᱷᱟ ᱞᱟᱹᱜᱤᱫ ᱵᱟᱪᱷᱱᱟᱣ ᱮᱱᱟ ᱾ ᱩᱱᱤ ᱑᱙᱙᱘ ᱥᱟᱞ ᱨᱮ ᱟᱨᱦᱚᱸ ᱠᱮᱵᱤᱱᱮᱴ ᱢᱚᱱᱛᱨᱤ ᱵᱮᱱᱟᱣ ᱮᱱᱟ ᱟᱨ ᱒᱐᱐᱓ ᱠᱷᱚᱱ ᱨᱟᱡᱚᱥᱛᱷᱟᱱ ᱨᱤᱱᱤᱡ ᱡᱚᱜᱚ ᱥᱤᱨᱟᱹ ᱢᱚᱱᱛᱨᱤ ᱢᱮᱱᱟᱭᱟ ᱾
ᱩᱱᱤ ᱚᱠᱴᱚᱵᱚᱨ ᱒᱐᱐᱙ ᱥᱟᱞ ᱨᱮ ᱛᱨᱤᱯᱩᱨᱟ ᱨᱮᱱᱟᱜ ᱯᱚᱱᱚᱛ ᱜᱚᱢᱠᱮ ᱯᱚᱫᱽ ᱨᱮ ᱞᱟᱜᱟᱣ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱠᱚᱧᱮ ᱥᱟᱢᱟᱝ ᱥᱤᱧᱚᱛ ᱨᱮᱱᱟᱜ ᱡᱟᱦᱟᱸ ᱯᱚᱱᱚᱛ ᱨᱤᱱᱤᱡ ᱜᱮ ᱯᱩᱭᱞᱩ ᱛᱤᱨᱞᱟᱹ ᱯᱚᱱᱚᱛ ᱜᱚᱢᱠᱮ ᱛᱟᱦᱮᱸ ᱠᱟᱱᱟᱭ ᱾[᱒] ᱢᱤᱫ ᱪᱟᱸᱫᱚ ᱛᱟᱭᱚᱢ, ᱩᱱᱤ ᱒᱗ ᱱᱚᱵᱷᱮᱢᱵᱚᱨ ᱒᱐᱐᱙ ᱥᱟᱞ ᱨᱮ ᱜᱩᱡᱽᱨᱟᱴ ᱨᱮᱱᱟᱜ ᱯᱚᱱᱚᱛ ᱜᱚᱢᱠᱮ ᱞᱮᱠᱟᱛᱮ ᱞᱟᱜᱟᱣ ᱮᱱᱟ ᱚᱠᱟ ᱩᱱᱤᱫᱚ ᱯᱩᱱ ᱥᱟᱞ ᱠᱷᱚᱱ ᱰᱮᱦᱮᱨ ᱚᱠᱛᱚ ᱫᱷᱟᱹᱵᱤᱡ ᱥᱮᱵᱟ ᱠᱮᱜᱼᱟ ᱾ ᱖ ᱡᱩᱞᱟᱭ ᱒᱐᱑᱔ ᱥᱟᱞ ᱨᱮ, ᱢᱤᱡᱚᱨᱟᱢ ᱨᱮᱱᱟᱜ ᱯᱚᱱᱚᱛ ᱜᱚᱢᱠᱮ ᱯᱚᱫᱽ ᱨᱮ ᱥᱮᱱ ᱮᱱᱟ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "Mizoram Governor Kamla Beniwal Axed for Misuse of Office in Gujarat". The Times of India. 6 August 2014. Retrieved 16 April 2021.
- ↑ "Hindustan Times - Archive News". Hindustan Times. Retrieved 26 December 2019.