ᱠᱚᱦᱞᱩ ᱦᱚᱱᱚᱛ
ᱠᱚᱦᱞᱩ (ᱩᱨᱫᱩ ᱟᱨ ᱵᱟᱞᱚᱪᱤ کوہلو) ᱫᱚ ᱯᱟᱠᱤᱥᱛᱟᱱ ᱫᱤᱥᱚᱢ ᱨᱮᱭᱟᱜ ᱵᱟᱞᱚᱪᱤᱥᱛᱟᱱ ᱯᱨᱚᱠᱷᱚᱱᱰ ᱨᱮᱭᱟᱜ ᱢᱤᱫ ᱡᱤᱞᱟᱹ ᱠᱟᱱᱟ ᱾ ᱱᱚᱣᱟ ᱨᱮᱭᱟᱜ ᱩᱛᱟᱹᱨ ᱨᱮᱫᱚ ᱞᱚᱨᱟᱞᱟᱭ ᱦᱚᱱᱚᱛ, ᱫᱟᱹᱠᱷᱤᱱ ᱨᱮᱫᱚ ᱰᱮᱨᱟ ᱵᱩᱜᱽᱛᱤ ᱦᱚᱱᱚᱛ, ᱯᱨᱩᱵᱽ ᱨᱮᱫᱚ ᱵᱟᱨᱠᱷᱟᱱ ᱦᱚᱱᱚᱛ ᱟᱨ ᱯᱟᱹᱪᱷᱤᱢ ᱨᱮᱫᱚ ᱥᱤᱵᱤ ᱦᱚᱱᱚᱛ ᱢᱮᱱᱟᱜ-ᱟ ᱾ ᱯᱟᱠᱤᱥᱭᱟᱱ ᱨᱮᱭᱟᱜ ᱑᱙᱙᱘ ᱥᱟᱞ ᱨᱮᱭᱟᱜ ᱦᱚᱲ ᱞᱮᱠᱷᱟ ᱚᱝᱥᱟᱨ ᱱᱚᱰᱮ ᱫᱚ ᱙᱙,᱘᱕᱐ ᱠᱷᱚᱬ ᱦᱚᱲ ᱠᱚ ᱛᱟᱦᱮᱸᱱᱟ ᱾ [᱓] ᱱᱚᱰᱮ ᱵᱟᱹᱲᱛᱤ ᱠᱚ ᱨᱚᱲ ᱠᱟᱱ ᱯᱟᱹᱨᱥᱤ ᱠᱚᱫᱚ ᱦᱩᱭᱩᱜ ᱠᱟᱱᱟ ᱵᱟᱞᱚᱪᱤ (᱙᱑%) ᱟᱨ ᱯᱟᱥᱛᱷᱚ ᱾ (᱖.᱖%) [᱔]
| ᱠᱚᱦᱞᱩ ᱦᱚᱱᱚᱛ | |
|---|---|
| ᱦᱚᱱᱚᱛ | |
 Map of Balochistan Districts with Kohlu District highlighted | |
| ᱫᱤᱥᱚᱢ | ᱯᱟᱠᱤᱥᱛᱟᱱ |
| ᱯᱨᱚᱠᱷᱚᱱᱰ | ᱵᱟᱞᱚᱪᱤᱥᱛᱟᱱ |
| ᱢᱩᱬᱩᱛ ᱟᱹᱯᱤᱥ | ᱠᱚᱦᱞᱩ |
| ᱥᱚᱨᱠᱟᱨ | |
| • Chief of Marri | Nawab Changez Khan Marri |
| • Chief of Zarkoon | Sardar Abdul Rasheed Zarkoon |
| ᱮᱨᱤᱭᱟ [᱑] | |
| • ᱞᱮᱠᱷᱟᱜᱩᱴ | 7610 ᱠᱤᱢᱤ২ (2940 ᱜᱟᱺᱴ ᱢᱟᱭᱤᱞ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2017)[᱒] |
| • ᱞᱮᱠᱷᱟᱜᱩᱴ | ᱒᱑᱔,᱓᱕᱐ |
| • ᱰᱮᱱᱥᱤᱴᱤ | 28/ᱠᱤᱢᱤ2 (73/ᱜᱟᱺᱴ ᱢᱟᱹᱭᱤᱞ) |
| PST (ᱭᱩᱴᱤᱥᱤ+5) | |
| Number of Tehsils | 3 |
ᱥᱮᱪᱮᱫ
ᱥᱟᱯᱲᱟᱣ᱒᱐᱑᱗ ᱥᱟᱞ ᱨᱮᱭᱟᱜ ᱯᱟᱠᱤᱥᱛᱟᱱ ᱨᱮᱭᱟᱜ ᱡᱤᱞᱟᱹ ᱥᱮᱪᱮᱫ ᱨᱮᱝᱠᱤᱝ ᱚᱝᱥᱟᱨ ᱠᱚᱦᱞᱩ ᱦᱚᱱᱚᱛ ᱨᱮᱭᱟᱜ ᱨᱮᱝᱠ ᱫᱚ ᱦᱩᱭᱩᱜ ᱠᱟᱱᱟ ᱑᱔᱑ ᱠᱷᱚᱱᱟᱜ ᱑᱑᱖ ᱾ ᱱᱚᱣᱟ ᱨᱮᱝᱠ ᱫᱚ ᱥᱮᱪᱮᱫ, ᱠᱚᱲᱟ ᱠᱩᱲᱤ ᱵᱷᱮᱫᱽ ᱵᱷᱟᱵᱽ, ᱧᱩᱫᱟᱜ, ᱟᱥᱲᱟ ᱨᱮᱭᱟᱜ ᱯᱚᱨᱤᱵᱮᱥ ᱮᱢᱟᱱ ᱵᱤᱪᱟᱹᱨ ᱠᱟᱛᱮ ᱠᱚ ᱵᱮᱱᱟᱣ ᱟᱠᱟᱜ-ᱟ ᱾
᱒᱐᱑᱔-᱑᱕ ᱥᱟᱞ ᱟᱨ ᱚᱱᱟ ᱨᱮᱭᱟᱜ ᱑᱐ ᱥᱮᱨᱢᱟ ᱢᱟᱬᱟᱝ ᱨᱮᱭᱟᱜ ᱥᱟᱠᱷᱭᱚᱨ ᱦᱟᱨ ᱫᱚ ᱓᱒ % ᱨᱮ ᱜᱮ ᱛᱷᱤᱨ ᱟᱠᱟᱱᱟ ᱾ ᱚᱱᱟ ᱠᱷᱚᱱ ᱠᱩᱲᱤ ᱜᱤᱫᱽᱨᱟᱹ ᱠᱚᱣᱟᱜ ᱥᱟᱠᱷᱭᱚᱨᱴ ᱥᱟᱭᱠᱚᱲᱟ ᱫᱚ ᱦᱩᱭᱩᱜ ᱠᱟᱱᱟ ᱑᱒ % ᱥᱩᱢᱩᱝ ᱾ ᱱᱚᱣᱟ ᱫᱚ ᱩᱥᱩᱞ ᱮᱛᱚᱦᱚᱵ ᱟᱥᱲᱟ ᱨᱮ ᱚᱞᱚᱜ ᱵᱟᱹᱜᱤ ᱫᱚ ᱱᱚᱰᱮ ᱟᱹᱰᱤ ᱢᱟᱨᱟᱝ ᱥᱚᱢᱚᱥᱭᱟ ᱠᱟᱱᱟ ᱾ ᱩᱥᱩᱞ ᱮᱛᱚᱦᱚᱵ ᱟᱥᱲᱟ ᱛᱟᱭᱤᱚᱢ ᱙᱑ % ᱜᱤᱫᱽᱨᱟᱹ ᱱᱚᱰᱮ ᱚᱞᱚᱜ ᱠᱚ ᱵᱟᱹᱜᱤᱭᱟ ᱾ ᱱᱚᱰᱮ ᱔ % ᱥᱩᱢᱩᱝ ᱥᱚᱨᱠᱟᱨᱤ ᱩᱱᱩᱥᱩᱞ ᱟᱥᱲᱟ ᱫᱚ ᱢᱮᱱᱟᱜ-ᱟ ᱾ ᱒᱐᱑᱕-᱑᱗ ᱥᱟᱞ ᱨᱮᱭᱟᱜ ᱨᱤᱯᱚᱴ ᱠᱷᱚᱱ ᱵᱟᱰᱟᱭᱚᱜ-ᱟ ᱡᱮ ᱑ ᱠᱷᱚᱱ ᱕ ᱪᱟᱱᱚᱪ ᱨᱮ ᱒,᱗᱕᱔ ᱡᱷᱚᱬ ᱜᱤᱫᱽᱨᱟᱹ ᱠᱚ ᱵᱷᱤᱥᱮᱞᱮᱫᱚᱜ ᱡᱷᱚᱜ ᱙ ᱠᱷᱚᱱ ᱑᱐ ᱪᱟᱱᱚᱪ ᱨᱮᱫᱚ ᱥᱩᱢᱩᱝ ᱘ ᱡᱷᱚᱬ ᱜᱤᱫᱨᱟᱹ ᱠᱚ ᱵᱷᱤᱥᱮᱞᱮᱫᱚᱜ-ᱟ ᱾
ᱠᱚᱲᱟ ᱠᱩᱲᱤ ᱵᱷᱮᱫᱽ ᱵᱷᱟᱵᱽ ᱦᱚᱸ ᱱᱚᱰᱮ ᱫᱚ ᱟᱹᱰᱤ ᱵᱟᱹᱲᱛᱤ ᱜᱮ ᱧᱮᱞᱚᱜ-ᱟ ᱾ ᱡᱤᱞᱟᱹ ᱨᱮ ᱢᱮᱱᱟᱜ ᱟᱥᱲᱟ ᱠᱷᱚᱱᱟᱜ ᱠᱩᱲᱤ ᱜᱤᱫᱽᱨᱟᱹ ᱟᱥᱲᱟ ᱫᱚ ᱦᱩᱭᱩᱜ ᱠᱟᱱᱟ ᱥᱩᱢᱩᱝ ᱒᱐% ᱾ ᱱᱚᱰᱮᱱ ᱠᱚ ᱦᱚᱲ ᱠᱩᱲᱤ ᱜ᱾ᱫᱽᱨᱟᱹ ᱫᱚ ᱟᱹᱰᱤ ᱠᱚᱢ ᱜᱮ ᱟᱥᱲᱟ ᱠᱚ ᱵᱷᱮᱡᱟ ᱠᱚᱣᱟ ᱡᱟᱦᱟᱸ ᱠᱷᱟᱹᱛᱤᱨ ᱱᱚᱰᱮᱱ ᱠᱚ ᱠᱩᱲᱤᱭᱟᱜ ᱥᱟᱠᱷᱭᱚᱨ ᱦᱟᱨ ᱫ ᱟᱹᱰᱤ ᱛᱮᱫ ᱠᱚᱢ ᱜᱮᱭᱟ ᱾
ᱱᱚᱰᱮᱱᱟᱜ ᱟᱥᱲᱟ ᱨᱮᱫᱚ ᱢᱚᱣᱲᱤᱠ ᱥᱩᱵᱤᱫᱷᱟ ᱦᱚᱸ ᱵᱟᱹᱱᱩᱜ-ᱟ ᱾ ᱒᱐᱑᱗ ᱥᱟᱞ ᱨᱮᱭᱟᱜ ᱟᱞᱤᱯ ᱮᱭᱞᱟᱱ ᱯᱟᱠᱤᱥᱛᱟᱱ ᱥᱮᱪᱮᱫ ᱨᱮᱝᱠᱤᱝ ᱚᱝᱥᱟᱨ ᱱᱚᱣᱟ ᱡᱤᱞᱟᱹ ᱨᱮᱭᱟᱜ ᱨᱮᱝᱠ ᱫᱚ ᱦᱩᱭᱩᱜ ᱠᱟᱱᱟ ᱑᱕᱕ ᱦᱚᱱᱚᱛ ᱠᱷᱚᱱᱟᱜ ᱑᱕᱐ ᱾ ᱛᱟᱱᱟᱞᱟ ᱟᱥᱲᱟ ᱨᱮ ᱱᱚᱰᱮᱱᱟᱜ ᱨᱮᱝᱠ ᱫᱚ ᱦᱩᱭᱩᱜ ᱠᱟᱱᱟ ᱑᱕᱕ ᱠᱷᱚᱱᱟᱜ ᱑᱔᱙ ᱾ ᱱᱚᱣᱟ ᱨᱮᱝᱠ ᱫᱚ ᱢᱚᱣᱞᱤᱠ ᱥᱩᱵᱤᱫᱷᱟ ᱢᱮᱱᱢᱮ ᱧᱩ ᱫᱟᱜ, ᱴᱚᱭᱞᱮᱴ, ᱵᱟᱣᱱᱰᱨᱤ ᱮᱴᱮᱫ, ᱵᱤᱡᱽᱞᱤ, ᱵᱤᱞᱰᱤᱝ ᱨᱮᱭᱟᱜ ᱚᱵᱚᱥᱛᱟ ᱮᱢᱟᱱ ᱵᱤᱪᱟᱹᱨ ᱨᱮ ᱤᱫᱤ ᱠᱟᱛᱮ ᱵᱮᱱᱟᱣ ᱟᱠᱟᱱᱟ ᱾ ᱕ ᱜᱚᱴᱟᱝ ᱟᱥᱲᱟ ᱠᱷᱳᱱᱟᱜ ᱔ ᱭᱟᱹ ᱨᱮ ᱵᱤᱡᱽᱞᱤ ᱵᱟᱹᱱᱩᱜ-ᱟ, ᱑᱐ ᱜᱚᱴᱟᱝ ᱟᱥᱲᱟ ᱠᱷᱚᱱᱟᱜ ᱙ ᱜᱚᱴᱟᱝ ᱨᱮ ᱴᱚᱭᱞᱮᱴ ᱵᱟᱹᱱᱩᱜ-ᱟ, ᱔ ᱭᱟᱹ ᱟᱥᱲᱟ ᱠᱷᱳᱱᱟᱜ ᱓ ᱭᱟ ᱟᱥᱲᱟ ᱨᱮ ᱵᱚᱣᱩᱱᱰᱨᱤ ᱮᱴᱮᱫ ᱵᱟᱹᱱᱩᱜ-ᱟ ᱟᱨ ᱒ ᱭᱟ ᱟᱥᱲᱟ ᱠᱷᱳᱱᱟᱜ ᱑ ᱴᱟᱝ ᱟᱥᱲᱟ ᱨᱮ ᱥᱟᱯᱷᱟ ᱧᱩ ᱫᱟᱜ ᱵᱟᱹᱱᱩᱜ-ᱟ ᱾
ᱢᱟᱨᱟᱝ ᱥᱚᱢᱚᱥᱭᱟ Taleem Do! App Archived ᱒᱐᱑᱘-᱐᱘-᱐᱓ at the Wayback Machine. ᱨᱮ ᱫᱚᱲᱚᱢ ᱟᱠᱟᱱᱟᱜ ᱫᱚ ᱦᱩᱭᱩᱜ ᱠᱟᱱᱟ ᱟᱥᱲᱟ ᱠᱚᱨᱮ ᱢᱟᱪᱮᱫ ᱵᱟᱹᱱᱩᱜ ᱠᱚᱣᱟ ᱾
ᱟᱨᱦᱚᱸ ᱧᱮᱞ ᱢᱮ
ᱥᱟᱯᱲᱟᱣᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣ- Kohlu District at www.balochistan.gov.pk
- Kohlu District Archived ᱒᱐᱑᱘-᱐᱔-᱒᱖ at the Wayback Machine. at www.balochistanpolice.gov.pk
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ PCO 1999, p. 13.
- ↑ "DISTRICT WISE CENSUS RESULTS CENSUS 2017" (PDF). www.pbscensus.gov.pk. Archived from the original (PDF) on 2017-08-29. Retrieved 2019-11-06.
- ↑ PCO 1999, p. 27.
- ↑ PCO 1999, p. 32.