ᱠᱟᱡᱤ ᱱᱚᱡᱨᱩᱞ ᱤᱥᱞᱟᱢ
ᱠᱟᱡᱤ ᱱᱚᱡᱨᱩᱞ ᱤᱥᱞᱟᱢ ( ᱒᱕ ᱢᱮ ᱑᱘᱙᱙ ᱼ ᱒᱙ ᱟᱜᱚᱥᱴ ᱑᱙᱗᱖; ᱑᱑ ᱡᱚᱥᱴᱷᱚ ᱑᱓᱐᱖ ᱼ ᱑᱒ ᱵᱷᱟᱫᱨᱚ ᱑᱓᱘᱓ ᱵᱚᱝᱜᱟᱵᱫᱚ ) ᱵᱟᱝᱜᱟᱞᱤ ᱠᱚᱵᱤ ᱟᱨ ᱚᱱᱟ ᱯᱚᱨᱮ ᱚᱠᱛᱚᱨᱮ ᱵᱟᱝᱜᱞᱟᱫᱤᱥᱮᱢ ᱨᱮᱱ ᱡᱟᱛᱤᱭᱚ ᱠᱚᱵᱤ᱾ ᱟᱡ ᱵᱟᱜᱮᱥᱟᱭ ᱥᱚᱛᱟᱵᱫᱤ ᱨᱮᱱ ᱡᱚᱱᱚᱯᱨᱤᱭᱚ ᱵᱟᱝᱜᱟᱞᱤ ᱠᱚᱵᱤ, ᱚᱯᱚᱱᱤᱵᱮᱥᱚᱠ,ᱱᱟᱴᱴᱚᱠᱟᱨ,ᱥᱮᱨᱮᱜ ᱢᱟᱱᱚᱭᱟᱱ ᱚ ᱫᱟᱨᱥᱚᱱᱤᱠ ᱦᱚᱲᱮ ᱛᱟᱦᱮᱠᱟᱱᱟ ᱚᱱᱟ ᱥᱟᱚ ᱵᱟᱝᱜᱞᱟ ᱠᱟᱵᱵᱚᱨᱮ ᱵᱷᱩᱢᱤᱠᱟ ᱫᱚᱦᱚ ᱞᱟᱹᱜᱤᱫ ᱟᱭᱢᱟ ᱡᱚᱱᱚᱯᱨᱤᱭ ᱛᱟᱦᱮᱠᱟᱱᱟ᱾ ᱩᱱᱤᱟᱼᱜ ᱠᱚᱵᱤᱛᱟ ᱟᱨ ᱥᱮᱨᱮᱝ ᱵᱤᱫᱲᱚᱦᱤ ᱛᱮᱦᱮᱱ ᱠᱟᱜᱷᱟᱱ ᱛᱮ ᱵᱤᱫᱲᱚᱦᱤ ᱠᱚᱵᱤᱛᱮᱭ ᱵᱷᱩᱥᱤᱛᱚ ᱦᱚᱭ ᱠᱟᱱᱟ᱾ ᱟᱡᱟᱼᱜ ᱠᱚᱵᱤᱛᱟᱨᱮ ᱯᱨᱚᱫᱷᱟᱱ ᱵᱤᱭᱵᱚᱥᱛᱩ ᱦᱚᱲ ᱪᱮᱛᱟᱱ ᱦᱚᱲᱟᱼᱜ ᱚᱛᱛᱟᱪᱟᱨ,ᱥᱟᱢᱟᱡᱤᱠ ᱚᱱᱟᱪᱟᱨ ᱟᱨ ᱥᱚᱥᱚᱱ ᱵᱤᱨᱩᱫᱦᱨᱮ ᱥᱚᱪᱪᱟᱨ ᱯᱨᱚᱛᱤᱵᱟᱫ ᱛᱟᱦᱮᱠᱟᱱᱟ᱾ ᱵᱟᱜᱮᱥᱟᱭ ᱥᱚᱛᱟᱵᱫᱤᱨᱮᱱ ᱠᱟᱡᱤ ᱱᱚᱡᱨᱩᱞ ᱤᱥᱞᱟᱢ ᱟᱼᱜ ᱢᱚᱨᱡᱟᱫᱟ ᱚ ᱜᱩᱨᱚᱛᱛᱚ ᱟᱰᱹᱛᱮ ᱢᱮᱱᱟᱛᱟᱭᱟ᱾ ᱟᱡᱟᱜ ᱚᱞ ᱞᱮᱠᱟᱜᱮ ᱟᱡᱟᱜ ᱡᱤᱵᱚᱱ ᱛᱟᱦᱮᱞᱮᱱ ᱛᱟᱭᱟᱜ᱾ ᱟᱡᱟᱜ ᱡᱟᱱᱟᱢ ᱢᱟᱦᱟ ᱟᱨ ᱜᱚᱡᱚᱜ ᱢᱟᱦᱟ ᱢᱚᱨᱡᱟᱫᱟ ᱥᱟᱣ ᱵᱟᱱᱟᱨ ᱵᱟᱝᱜᱞᱟ ᱢᱤᱛᱥᱟᱣᱛᱮᱠᱚ ᱯᱟᱞᱚᱱᱟ᱾ ᱱᱚᱡᱨᱩᱞ ᱢᱤᱛ ᱨᱮᱝᱜᱮᱭ ᱢᱩᱥᱞᱤᱢ ᱜᱷᱟᱨᱚᱡᱨᱮᱭ ᱡᱟᱱᱟᱢᱞᱮᱱᱟ᱾ ᱟᱡ ᱟᱜ ᱯᱨᱟᱛᱷᱢᱤᱠ ᱥᱤᱜᱷᱟ ᱡᱤᱵᱚᱱ ᱫᱷᱚᱨᱢᱤᱭ ᱛᱮᱦᱮᱞᱮᱱ ᱛᱟᱭᱟ᱾ ᱮᱥᱛᱷᱟᱱᱤᱭ ᱢᱤᱛᱴᱮᱝ ᱢᱚᱥᱡᱤᱫᱨᱮ ᱢᱩᱟᱡᱤᱱ ᱦᱤᱥᱟᱹᱵᱛᱮ ᱠᱟᱢᱤᱞᱮᱫᱟᱭ᱾ ᱠᱟᱴ`ᱤᱨᱮ ᱟᱭᱢᱟ ᱛᱷᱤᱭᱮᱴᱟᱨ ᱫᱚᱞᱨᱮ ᱠᱟᱹᱢᱤᱛᱮ ᱟᱡ ᱠᱚᱵᱤᱛᱟ,ᱱᱟᱴᱚᱠ ᱟᱨ ᱥᱟᱦᱤᱛ` ᱥᱚᱢᱚᱱᱫᱷᱮ ᱜᱮᱱᱮ ᱭᱟᱢ ᱞᱮᱫᱟ᱾ ᱵᱷᱟᱨᱚᱛ ᱥᱮᱱᱟᱵᱟᱦᱤᱱᱤᱨᱮ ᱠᱤᱪᱷᱩᱰᱤᱱ ᱠᱟᱹᱢᱤ ᱠᱟᱛᱮ ᱯᱚᱨᱮ ᱥᱟᱹᱝᱵᱟᱫᱤᱠ ᱯᱮᱥᱟᱨᱮ ᱠᱟᱹᱢᱤ ᱞᱮᱫᱟ᱾ ᱱᱚᱭᱟ ᱥᱚᱢᱚᱭ ᱟᱡ ᱠᱚᱞᱠᱟᱛᱟᱨᱮᱭ ᱛᱟᱦᱮᱠᱟᱱᱟᱭ᱾ ᱱᱤᱰ ᱥᱚᱢᱚᱭ ᱟᱡ ᱵᱨᱤᱴᱤᱥ ᱵᱤᱨᱩᱫᱷᱨᱮ ᱯᱷᱮᱴᱨᱮᱱᱟᱭ᱾ ᱚᱱᱟ ᱞᱟᱹᱜᱤᱫ ᱡᱮᱞᱦᱚ ᱦᱚᱭᱞᱮᱱ ᱛᱟᱭᱟ᱾ ᱟᱡ ᱤᱥᱞᱟᱢᱤ ᱜᱚᱡᱚᱞ, ᱥᱮᱢᱟ ᱥᱚᱝᱜᱤᱛ ᱚ ᱦᱤᱱᱫᱩ ᱵᱷᱚᱜᱛᱤᱜᱤᱴᱤᱭ ᱨᱟᱪᱟᱣ ᱠᱟᱫᱟ ᱡᱟᱦᱟ ᱟᱹᱰᱤ ᱯᱨᱚᱥᱚᱝᱝᱚᱱᱤᱭ᱾ ᱟᱡ ᱟᱨᱦᱚ ᱓᱐᱐᱐ ᱥᱮᱨᱮᱝ ᱮ ᱚᱞᱟᱼᱜᱟᱫᱟ ᱚᱱᱟ ᱥᱮᱨᱮᱝᱠᱚ "ᱱᱚᱡᱨᱩᱞ ᱜᱤᱛᱤ" ᱧᱩᱛᱩᱢᱛᱮ ᱟᱹᱰᱤᱜᱮ ᱯᱚᱨᱤᱪᱤᱛᱤ ᱟᱨ ᱡᱚᱱᱚᱯᱨᱤᱭᱚ ᱜᱮᱭᱟ᱾ ᱡᱩᱭᱟᱹᱱ ᱵᱚᱭᱚᱥᱨᱮ ᱱᱚᱡᱨᱩᱞ ᱯᱤᱠᱥ ᱰᱤᱡᱤᱡᱮ ᱧᱩᱛᱩᱢᱟᱱ ᱨᱩᱟᱹᱞᱮᱱᱟᱭ᱾ ᱱᱚᱭᱟ ᱠᱟᱨᱚᱱᱛᱮ ᱜᱩᱡᱩ ᱫᱷᱟᱹᱵᱤ ᱥᱟᱦᱤᱛᱛᱚ ᱠᱟᱹᱢᱤᱠᱚᱭ ᱡᱩᱫᱟᱹᱞᱮᱱᱟᱭ᱾ ᱚᱱᱟ ᱥᱟᱣᱛᱮ ᱟᱭᱟᱜ ᱢᱟᱱᱚᱥᱤᱠ ᱵᱷᱟᱨᱥᱚᱢᱢᱚᱭ ᱟᱫᱞᱮᱫᱟ᱾ ᱵᱟᱝᱜᱞᱟᱫᱮᱥ ᱥᱚᱨᱠᱟᱨᱟᱼᱜ ᱱᱮᱳᱛᱟᱛᱮ ᱑᱙᱗᱒ ᱥᱟᱞᱨᱮ ᱟᱡ ᱜᱚᱴᱟ ᱯᱚᱨᱤᱵᱟᱨ ᱰᱷᱟᱠᱟᱨᱮᱠᱩ ᱦᱮᱩᱛᱛᱟᱨ ᱱᱟ᱾ ᱱᱚᱱᱰᱮᱜᱮ ᱟᱡ ᱜᱚᱡᱮᱱᱟ᱾
ᱥᱚᱢᱢᱟᱱᱚᱱᱟ
ᱥᱟᱯᱲᱟᱣᱵᱷᱟᱨᱚᱛ ᱵᱷᱟᱨᱚᱛ ᱯᱟᱥᱪᱷᱤᱢ ᱵᱚᱝᱜᱚ ᱨᱟᱡᱡᱚ ᱪᱩᱨᱩᱞᱤᱭᱟᱨᱮ "ᱱᱚᱡᱨᱩᱞ ᱮᱠᱟᱰᱮᱢᱤ" ᱧᱩᱛᱩᱢᱛᱮ ᱢᱤᱛᱴᱮᱝ ᱵᱮᱥᱚᱨᱠᱟᱨᱤ ᱱᱚᱡᱨᱩᱞ ᱪᱚᱨᱪᱟ ᱠᱮᱱᱫᱨᱚ ᱢᱮᱱᱟᱜᱼᱟ᱾ ᱪᱩᱨᱩᱞᱤᱭᱟ ᱟᱥᱟᱱᱥᱚᱞ ᱢᱚᱦᱟᱱᱚᱜᱚᱨ ᱨᱮ ᱒᱐᱑᱒ ᱥᱟᱞᱨᱮ ᱠᱟᱡᱤ ᱱᱚᱡᱨᱩᱞ ᱵᱤᱥᱥᱚᱵᱤᱫᱫᱟᱞᱚᱭ ᱛᱮᱭᱟᱨ ᱟᱠᱟᱱᱟ᱾ ᱟᱥᱟᱱᱥᱚᱞ ᱫᱩᱨᱜᱟᱯᱩᱨ ᱢᱚᱦᱟᱱᱚᱜᱚᱨ ᱨᱮ ᱞᱟᱜᱚᱭᱟ ᱟᱱᱛᱚᱨᱡᱟᱛᱤᱠ ᱵᱤᱢᱟᱱᱵᱚᱱᱫᱚᱨ ᱨᱮᱱᱝ ᱧᱩᱛᱩᱢ "ᱠᱟᱡᱤ ᱱᱚᱡᱨᱩᱞ ᱤᱥᱞᱟᱢ" ᱫᱚᱦᱚ ᱦᱚᱭ ᱠᱟᱱᱟ᱾ ᱠᱚᱞᱠᱟᱛᱟ ᱜᱚᱲᱤᱭᱟ ᱵᱟᱡᱟᱨ ᱢᱮᱴᱨᱚ ᱤᱥᱴᱤᱥᱚᱱᱨᱮᱱᱟ ᱧᱩᱛᱩᱢ "ᱠᱚᱵᱤ ᱱᱚᱡᱨᱩᱞ ᱢᱮᱴᱨᱚ ᱤᱥᱴᱮᱥᱚᱱ" ᱫᱚᱦᱚ ᱦᱚᱭ ᱠᱟᱱᱟ᱾ ᱑᱙᱔᱕ ᱥᱟᱞᱨᱮ ᱠᱚᱞᱠᱟᱛᱟ ᱵᱤᱥᱥᱚᱵᱤᱫᱫᱟᱞᱚᱭᱜᱷᱚᱱ ᱵᱟᱝᱜᱞᱟ ᱥᱟᱦᱤᱛᱛᱚ ᱨᱮᱱᱝ ᱥᱚᱨᱵᱚᱪᱪᱚ "ᱡᱟᱜᱛᱛᱟᱨᱤᱱᱤ ᱥᱚᱨᱱᱚᱯᱚᱫᱚᱠ" ᱱᱚᱡᱨᱩᱞ ᱮᱢ ᱦᱚᱭᱟᱠᱟᱱᱟ᱾ ᱑᱙᱖᱐ ᱥᱟᱞᱨᱮ ᱵᱟᱨᱚᱛᱨᱮ ᱛᱮᱥᱟᱨ ᱥᱚᱨᱵᱚᱪᱪᱚ ᱵᱮᱥᱟᱢᱚᱨᱤᱠ ᱥᱚᱢᱢᱟᱱᱚᱱᱟ "ᱯᱚᱫᱢᱚᱵᱷᱩᱥᱚᱱ" ᱨᱮ ᱵᱷᱩᱥᱤᱛᱚ ᱦᱚᱭ ᱠᱟᱱᱟ᱾
ᱵᱟᱝᱜᱞᱟᱫᱮᱥ ᱠᱟᱡᱤ ᱱᱚᱡᱨᱩᱞ ᱤᱥᱞᱟᱢᱠᱚ ᱵᱟᱝᱜᱞᱟᱫᱮᱥᱨᱮ "ᱡᱟᱛᱤᱭ ᱠᱚᱵᱤ" ᱨᱮᱱᱟᱝ ᱢᱚᱨᱡᱟᱫᱟ ᱮᱢ ᱦᱚᱭ ᱠᱟᱱᱟ᱾ ᱟᱭᱟᱜ ᱨᱟᱪᱟᱣ "ᱪᱚᱞ ᱪᱚᱞ ᱪᱚᱞ" ᱩᱨᱫᱷᱚᱜᱚᱜᱚᱱᱮ ᱵᱟᱡᱮ ᱢᱟᱫᱚᱞ" ᱥᱮᱨᱮᱝ ᱵᱟᱝᱜᱞᱟᱰᱤᱥᱟᱹᱢᱨᱮ ᱨᱚᱱᱚᱥᱚᱝᱜᱤᱛ ᱦᱤᱥᱟᱹᱵᱛᱮ ᱜᱨᱤᱦᱤᱛᱚ ᱠᱟᱱᱟ᱾ ᱒᱐᱐᱕ ᱥᱟᱞᱨᱮ ᱢᱚᱭᱢᱚᱱᱥᱤᱝ ᱡᱤᱞᱟᱹᱨᱮ "ᱠᱚᱵᱤ ᱠᱟᱡᱤ ᱱᱚᱨᱩᱞ ᱤᱥᱞᱟᱢ ᱵᱤᱥᱥᱚᱵᱤᱫᱫᱟᱞᱚᱭ" ᱧᱩᱛᱩᱢᱟᱱ ᱥᱚᱨᱠᱟᱨᱤ ᱵᱤᱥᱥᱚᱵᱤᱫᱫᱟᱞᱚᱭ ᱛᱮᱭᱟᱨ ᱠᱟᱱᱟ᱾ ᱠᱚᱵᱤ ᱧᱩᱛᱩᱢᱛᱮ ᱰᱷᱟᱠᱟᱨᱮ "ᱱᱚᱡᱨᱩᱞ ᱮᱠᱟᱰᱮᱢᱤ","ᱵᱩᱞᱵᱩᱞ ᱞᱚᱞᱤᱛᱠᱚᱞᱟ ᱮᱠᱟᱰᱮᱢᱤ" ᱚ "ᱥᱤᱥᱩ ᱥᱚᱝᱜᱚᱴᱷᱚᱱ ᱵᱟᱝᱜᱞᱟᱰᱮᱥ ᱱᱚᱡᱨᱩᱞ ᱥᱮᱱᱟ" ᱦᱚᱭ ᱠᱟᱱᱟ᱾ ᱤᱱᱟᱥᱟᱣ ᱥᱚᱨᱠᱟᱨᱤᱵᱷᱟᱵᱮ "ᱱᱚᱡᱨᱩᱞ ᱤᱱᱥᱴᱤᱴᱤᱩᱴ" ᱜᱚᱵᱮᱥᱚᱱᱟ ᱯᱨᱚᱛᱤᱥᱴᱷᱟᱱ ᱛᱮᱭᱟᱨ ᱠᱟᱱᱟ᱾ ᱰᱷᱟᱠᱟ ᱥᱚᱲᱚᱠ ᱨᱮᱱᱟᱝ ᱢᱤᱛᱴᱮᱝ ᱥᱚᱲᱚᱠ "ᱠᱟᱡᱤ ᱱᱚᱡᱨᱩᱞ ᱤᱥᱞᱟᱢ ᱮᱵᱷᱤᱣᱩ" ᱮᱢ ᱦᱚᱭ ᱠᱟᱱᱟ᱾ ᱵᱟᱝᱜᱞᱟ ᱥᱟᱦᱤᱛᱛᱚ ᱟᱨ ᱟᱥᱤᱪᱟᱨᱤᱨᱮ ᱚᱵᱚᱫᱟᱱ ᱮᱢ ᱠᱟᱠᱟᱱ ᱛᱮ ᱰᱷᱟᱠᱟ ᱵᱤᱥᱥᱚᱵᱤᱫᱫᱟᱠᱚᱭ ᱑᱙᱗᱔ ᱥᱟᱞ ᱙ ᱰᱤᱥᱮᱢᱵᱚᱨ ᱨᱮ ᱥᱚᱢᱢᱟᱱᱥᱩᱪᱚᱠ "ᱰᱤ ᱞᱤᱴ" ᱩᱯᱟᱫᱷᱤᱛᱮ ᱵᱦᱩᱥᱤᱴᱚ ᱠᱟᱫᱤᱭᱟᱠᱳ᱾ ᱑᱙᱗᱖ ᱥᱟᱞᱨᱮ ᱡᱟᱱᱩᱟᱨᱤ ᱢᱟᱥᱨᱮ ᱵᱟᱝᱜᱞᱟᱫᱮᱥ ᱥᱚᱨᱠᱟᱨ ᱠᱚᱵᱤ ᱵᱟᱝᱜᱞᱟᱫᱤᱨᱮᱱᱟᱝ ᱱᱟᱜᱚᱨᱤᱠ ᱮᱢ ᱞᱤᱫᱤ ᱟᱭ᱾ ᱚᱱᱟ ᱵᱚᱪᱷᱨ ᱨᱮᱜᱮ ᱒᱑ ᱥᱮ ᱯᱷᱮᱵᱨᱩᱟᱨᱤ ᱨᱮ ᱩᱱᱤᱠᱚ "ᱮᱠᱩᱥᱮ" ᱯᱚᱫᱚᱠᱨᱮᱠᱚ ᱵᱷᱩᱥᱤᱛᱚ ᱞᱮᱰᱮᱭᱟᱠᱚ᱾ ᱮᱠᱩᱥᱮ ᱯᱚᱫᱚᱠ ᱵᱟᱝᱜᱞᱟᱫᱮᱥᱨᱮ ᱡᱚᱛᱚᱜᱷᱭ ᱥᱚᱢᱢᱟᱱ ᱥᱩᱪᱚᱠ ᱯᱚᱫᱚᱠ ᱦᱤᱥᱮᱵᱮ ᱵᱤᱵᱮᱪᱤᱛᱚᱟᱜ᱾