ᱠᱟᱥᱩᱨ ᱦᱚᱱᱚᱛ
ᱠᱟᱥᱩᱨ ᱦᱚᱱᱚᱛ ᱫᱚ ᱯᱟᱠᱤᱥᱛᱟᱱ ᱨᱮᱱᱟᱜ ᱯᱟᱧᱡᱟᱵᱽ ᱨᱮᱱᱟᱜ ᱞᱟᱦᱳᱨ ᱰᱤᱵᱤᱡᱚᱱ ᱨᱮ ᱢᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ᱱᱚᱶᱟ ᱫᱚ ᱑ ᱡᱩᱞᱟᱭ ᱑᱙᱗᱖ ᱥᱟᱞᱮᱨᱮ ᱵᱮᱱᱟᱣ ᱞᱮᱱᱟ ᱾[᱑] ᱱᱚᱶᱟ ᱵᱮᱱᱟᱣ ᱢᱟᱬᱟᱝ ᱨᱮ ᱱᱚᱶᱟ ᱫᱚ ᱞᱟᱦᱳᱨ ᱦᱚᱱᱚᱛ ᱨᱮᱱᱟᱜ ᱢᱤᱫ ᱛᱚᱦᱥᱤᱞ ᱛᱟᱦᱮᱸ ᱠᱟᱱᱟ ᱾ ᱯᱟᱠᱤᱥᱛᱟᱱ ᱨᱮᱱᱟᱜ ᱒᱐᱒᱓ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱠᱟᱥᱩᱨ ᱦᱚᱱᱚᱛ ᱨᱤᱱ ᱦᱚᱲ ᱮᱞ ᱫᱚ ᱔,᱐᱘᱑,᱕᱖᱘ (᱔.᱘ ᱢᱤᱞᱤᱭᱚᱱ) ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾
| ᱠᱟᱥᱩᱨ ᱦᱚᱱᱚᱛ ضلع قصور | |
|---|---|
| ᱯᱟᱧᱡᱟᱵᱽ ᱨᱮᱱᱟᱜ ᱦᱚᱱᱚᱛ | |
     ᱪᱮᱛᱟᱱ ᱠᱷᱚᱱ ᱞᱮᱸᱜᱟ ᱠᱷᱚᱱ ᱡᱚᱡᱚᱢ ᱥᱮᱫ; ᱠᱟᱥᱩᱨ ᱥᱚᱦᱚᱨ ᱨᱮᱱᱟᱜ ᱵᱟᱦᱨᱮ ᱴᱚᱴᱷᱟ, ᱜᱳᱦᱟᱨ ᱡᱟᱜᱮᱨ ᱟᱹᱛᱩ, ᱪᱟᱝᱜᱟ ᱢᱚᱝᱜᱟ, ᱜᱟᱱᱫᱟ ᱥᱤᱝ ᱣᱟᱞᱟ ᱥᱩᱨ ᱨᱮᱱᱟᱜ ᱯᱷᱤᱞᱰᱥ, ᱠᱟᱥᱩᱨ ᱨᱮᱱᱟᱜ ᱡᱤᱱ ᱢᱚᱥᱡᱤᱫᱽ, ᱵᱩᱞᱮᱦ ᱥᱟᱦ ᱟᱜ ᱛᱚᱯᱟ | |
 ᱯᱟᱧᱡᱟᱵᱽ ᱨᱮ ᱠᱟᱥᱩᱨ ᱦᱚᱱᱚᱛ ᱨᱮᱱᱟᱜ ᱢᱮᱯ (ᱟᱨᱟᱜ ᱨᱮ ᱦᱟᱭᱞᱟᱭᱤᱴ ᱟᱠᱟᱱᱟ) | |
| ᱫᱤᱥᱚᱢ |  ᱯᱟᱠᱤᱥᱛᱟᱱ |
| ᱯᱨᱚᱫᱮᱥ | ᱯᱟᱧᱡᱟᱵᱽ |
| ᱦᱟᱹᱴᱤᱧ | ᱞᱟᱦᱚᱨ |
| ᱦᱮᱰᱠᱩᱣᱟᱴᱚᱨ | ᱠᱟᱥᱩᱨ |
| ᱥᱚᱨᱠᱟᱨ | |
| • ᱞᱮᱠᱟᱱ | ᱦᱚᱱᱚᱛ ᱪᱟᱪᱞᱟᱣ |
| • ᱰᱤᱯᱴᱤ ᱠᱚᱢᱤᱥᱚᱱᱟᱨ | ᱟᱨᱥᱟᱫᱽ ᱵᱷᱟᱛᱛᱤ |
| • ᱦᱚᱱᱚᱛ ᱯᱩᱞᱤᱥ ᱚᱯᱷᱤᱥ (ᱰᱤ.ᱯᱤ.ᱳ.) | ᱛᱟᱛᱤᱠ ᱟᱡᱤᱡᱽ ᱥᱟᱱᱫᱷᱩ |
| • ᱦᱚᱱᱚᱛ ᱦᱮᱞᱛᱷ ᱚᱯᱷᱤᱥᱟᱨ | N/A |
| ᱮᱨᱤᱭᱟ [᱑] | |
| • ᱞᱮᱠᱷᱟᱜᱩᱴ | 3995 ᱠᱤᱢᱤ২ (1542 ᱜᱟᱺᱴ ᱢᱟᱭᱤᱞ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱗) |
| • ᱞᱮᱠᱷᱟᱜᱩᱴ | ᱓,᱔᱕᱔,᱘᱘᱑ |
| • ᱰᱮᱱᱥᱤᱴᱤ | 860/ᱠᱤᱢᱤ2 (2200/ᱜᱟᱺᱴ ᱢᱟᱹᱭᱤᱞ) |
| PST (ᱭᱩᱴᱤᱥᱤ+᱐᱕:᱐᱐) | |
| ᱛᱚᱦᱥᱤᱞ ᱨᱮᱱᱟᱜ ᱮᱞ ᱠᱚ | ᱠᱟᱥᱩᱨ ᱠᱳᱴ ᱨᱟᱫᱷᱟ ᱠᱤᱥᱟᱱ ᱯᱟᱴᱴᱳᱠᱤ ᱪᱩᱱᱤᱭᱟᱱ |
| ᱣᱮᱵᱽᱥᱟᱭᱤᱴ | kasur |
ᱱᱚᱣᱟ ᱦᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱫᱚ ᱠᱟᱥᱩᱨ ᱥᱚᱦᱚᱨ ᱠᱟᱱᱟ, ᱡᱟᱦᱟᱸ ᱫᱚ ᱥᱩᱯᱷᱤ ᱚᱱᱚᱬᱦᱤᱭᱟᱹ ᱵᱩᱞᱞᱮᱦ ᱥᱟᱦ ᱟᱜ ᱡᱟᱱᱟᱢ ᱥᱚᱦᱚᱨ ᱠᱟᱱᱟ, ᱡᱟᱦᱟᱸᱭ ᱫᱚ ᱱᱚᱶᱟ ᱴᱚᱴᱷᱟ ᱨᱮ ᱥᱟᱶᱛᱮ ᱯᱟᱠᱤᱥᱛᱟᱱ ᱨᱮᱱᱟᱜ ᱡᱚᱛᱚ ᱴᱚᱴᱷᱟ ᱨᱮᱜᱮ ᱵᱟᱰᱟᱭᱚᱜᱼᱟ ᱾ ᱱᱚᱶᱟ ᱦᱚᱱᱚᱛ ᱨᱮᱱᱟᱜ ᱚᱥᱟᱨ ᱵᱤᱥᱟᱹᱨ ᱫᱚ ᱓,᱙᱕᱕ ᱥᱠᱚᱭᱟᱨ ᱠᱤᱞᱚᱢᱤᱴᱚᱨ ᱢᱮᱱᱟᱜᱼᱟ ᱾[᱒]
ᱱᱟᱜᱟᱢ
ᱥᱟᱯᱲᱟᱣᱢᱟᱨᱮ ᱚᱠᱛᱚ ᱨᱮ, ᱠᱟᱥᱩᱨ ᱫᱚ ᱟᱡᱟᱜ ᱥᱮᱪᱮᱫ ᱟᱨ ᱦᱟᱹᱠᱩ ᱞᱟᱹᱜᱤᱫ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱫ ᱾ ᱠᱟᱥᱩᱨ ᱨᱮᱭᱟᱜ ᱱᱟᱜᱟᱢ ᱫᱚ ᱑᱐᱐᱐ ᱥᱮᱨᱢᱟ ᱠᱷᱚᱱ ᱦᱚᱸ ᱵᱟᱹᱲᱛᱤ ᱢᱟᱨᱮ ᱜᱮᱭᱟ ᱾ ᱥᱤᱱᱫᱷᱩ ᱜᱷᱟᱹᱴᱤ ᱥᱚᱥᱱᱚᱜ ᱚᱠᱛᱚ ᱨᱮ ᱠᱟᱥᱩᱨ ᱴᱚᱴᱷᱟ ᱫᱚ ᱵᱤᱨ ᱥᱟᱶ ᱢᱤᱫ ᱪᱟᱥ ᱴᱚᱴᱷᱟ ᱛᱟᱦᱮᱸ ᱠᱟᱱᱟ ᱾ ᱵᱳᱭᱫᱤᱠ ᱚᱠᱛᱚ ᱫᱚ ᱤᱱᱫᱳ-ᱟᱨᱡᱚ ᱞᱟᱠᱪᱟᱨ ᱫᱟᱨᱟᱭ ᱛᱮ ᱪᱤᱱᱦᱟᱹ ᱟᱠᱟᱱᱟ ᱡᱟᱦᱟᱸ ᱫᱚ ᱛᱟᱞᱟ ᱮᱥᱤᱭᱟ ᱠᱷᱚᱱ ᱦᱮᱡ ᱟᱠᱟᱱᱟ ᱟᱨ ᱯᱟᱧᱡᱟᱵᱽ ᱴᱚᱴᱷᱟ ᱨᱮ ᱛᱷᱟᱯᱚᱱ ᱟᱠᱟᱱᱟ ᱾ ᱠᱟᱢᱵᱳᱡᱟ ᱫᱟᱨᱫᱟᱥ ᱠᱟᱭᱠᱟᱭᱚᱥ ᱯᱩᱨᱵᱟᱥ ᱤᱭᱳᱫᱷᱮᱭᱟᱥ ᱢᱟᱞᱚᱵᱽ ᱟᱨ ᱠᱩᱨᱩ ᱠᱚᱫᱚ ᱢᱟᱨᱮ ᱯᱟᱧᱡᱟᱵᱽ ᱴᱚᱴᱷᱟ ᱨᱮ ᱦᱮᱡ ᱠᱟᱛᱮ ᱠᱚ ᱵᱟᱥᱟ ᱮᱱᱟ ᱟᱨ ᱠᱚ ᱥᱟᱥᱚᱱ ᱠᱮᱫᱟ ᱾ ᱓᱓᱑ ᱠᱷᱨᱤᱥᱴᱟᱵᱽ ᱫᱚ ᱨᱮ ᱟᱪᱮᱢᱤᱱᱤᱰ ᱨᱟᱡᱽᱯᱟᱴ ᱠᱚ ᱦᱟᱨᱟᱣ ᱛᱟᱭᱚᱢ, ᱟᱞᱚᱠᱡᱟᱱᱫᱟᱨ ᱕᱐,᱐᱐᱐ ᱦᱚᱲ ᱯᱷᱟᱹᱫ ᱥᱟᱶᱛᱮ ᱱᱟᱦᱟᱜ ᱯᱟᱧᱡᱟᱵᱽ ᱴᱚᱴᱷᱟ ᱨᱮ ᱪᱟᱞᱟᱣ ᱞᱮᱱᱟ ᱾ ᱠᱟᱥᱩᱨ ᱴᱚᱴᱷᱟ ᱫᱚ ᱢᱳᱨᱡᱚ ᱨᱟᱡᱽᱯᱟᱴ , ᱤᱱᱰᱳᱼᱜᱨᱤᱠ ᱯᱚᱱᱚᱛ, ᱠᱩᱥᱟᱱ ᱨᱟᱡᱽᱯᱟᱴ, ᱜᱩᱯᱛᱚ ᱨᱟᱡᱽᱯᱟᱴ, ᱳᱣᱟᱴ ᱦᱩᱱᱥ ᱠᱩᱥᱟᱱᱳᱼᱦᱤᱯᱛᱷᱟᱞᱟᱭᱤᱴ ᱟᱨ ᱛᱩᱨᱠ ᱟᱨ ᱦᱤᱱᱫᱩ ᱥᱟᱦᱚ ᱯᱚᱱᱚᱛ ᱠᱚ ᱥᱟᱥᱚᱱ ᱞᱮᱫᱟ ᱾
᱙᱙᱗ ᱠᱷᱨᱤᱥᱴᱟᱵᱫᱚ ᱨᱮ ᱥᱩᱞᱛᱟᱱ ᱢᱚᱦᱚᱢᱩᱫᱽ ᱜᱚᱡᱽᱱᱚᱵᱷᱤ ᱟᱡ ᱵᱟᱵᱟ ᱥᱩᱞᱛᱟᱱ ᱥᱮᱵᱩᱠᱴᱮᱜᱤ ᱫᱟᱨᱟᱭ ᱛᱮ ᱛᱷᱟᱯᱚᱱ ᱟᱠᱟᱱ ᱜᱚᱡᱽᱱᱚᱵᱷᱤ ᱨᱟᱡᱽᱵᱚᱝᱥᱚ ᱨᱟᱡᱽᱯᱚᱱᱚᱛ ᱮ ᱦᱟᱢᱮᱴ ᱞᱮᱫᱟ ᱾ ᱑᱐᱐᱕ ᱠᱷᱨᱤᱥᱴᱟᱵᱽᱫᱚ ᱨᱮ ᱩᱱᱤ ᱫᱚ ᱠᱟᱵᱟᱞ ᱨᱮ ᱥᱟᱦᱤᱥ ᱠᱚ ᱡᱤᱛᱠᱟᱹᱨ ᱞᱮᱫᱟ ᱟᱨ ᱚᱱᱟ ᱛᱟᱭᱚᱢ ᱯᱟᱧᱡᱟᱵᱽ ᱴᱚᱴᱷᱟ ᱡᱤᱛᱠᱟᱹᱨ ᱞᱮᱱᱟ ᱾ ᱫᱤᱞᱞᱤ ᱥᱚᱞᱛᱟᱱᱟᱛ ᱟᱨ ᱛᱟᱭᱚᱢ ᱛᱮ ᱢᱩᱜᱷᱚᱞ ᱥᱟᱢᱨᱟᱡᱽᱭᱚ ᱫᱚ ᱱᱚᱶᱟ ᱴᱚᱴᱷᱟ ᱥᱟᱥᱚᱱ ᱞᱮᱫᱟᱭ ᱾ ᱫᱷᱚᱨᱚᱢ ᱥᱟᱯᱷᱤ ᱥᱟᱫᱷᱤᱭᱟᱹ ᱠᱚ ᱚᱡᱮᱛᱮ ᱯᱟᱧᱡᱟᱵᱽ ᱴᱚᱴᱷᱟ ᱫᱚ ᱢᱩᱬᱩᱛ ᱞᱮᱠᱟᱛᱮ ᱢᱩᱥᱞᱤᱢ ᱵᱮᱱᱟᱣ ᱮᱱᱟ, ᱡᱟᱦᱟᱸᱭ ᱠᱚᱣᱟᱜ ᱰᱚᱨᱜᱟᱦᱚ ᱯᱟᱧᱡᱟᱵᱽ ᱴᱚᱴᱷᱟ ᱨᱮᱭᱟᱜ ᱚᱛ ᱨᱮ ᱢᱮᱱᱟᱜᱼᱟ ᱾
ᱢᱩᱜᱷᱚᱞ ᱨᱟᱡᱽᱯᱟᱴ ᱫᱚ ᱒᱐᱐ ᱥᱮᱨᱢᱟ ᱫᱷᱟᱹᱨᱤᱡ ᱠᱟᱥᱩᱨ ᱮ ᱥᱟᱥᱚᱱ ᱞᱮᱫᱟ ᱾ ᱢᱩᱜᱷᱚᱞ ᱨᱟᱡᱽᱯᱟᱴ ᱟᱜ ᱢᱩᱪᱟᱹᱫ ᱛᱟᱭᱚᱢ ᱟᱨ ᱚᱱᱟ ᱚᱠᱛᱚ ᱥᱤᱠᱷ ᱠᱚ ᱠᱟᱥᱩᱨ ᱦᱚᱱᱚᱛ ᱠᱚ ᱦᱟᱢᱮᱴ ᱞᱮᱫᱟ ᱾ ᱥᱤᱠᱷ ᱥᱮᱱᱟᱯᱷᱟᱹᱫᱽ ᱨᱤᱱ ᱟᱹᱭᱩᱨ ᱟᱨ ᱜᱚᱲᱚ ᱠᱚ ᱪᱟᱥ ᱨᱮᱭᱟᱜ ᱦᱟᱥᱟ ᱠᱚ ᱮᱢ ᱞᱮᱫᱟ ᱾ ᱑᱘᱔᱙ ᱥᱮᱨᱢᱟ ᱨᱮ ᱤᱥᱴ ᱤᱱᱰᱤᱭᱟ ᱠᱳᱢᱯᱟᱹᱱᱤ ᱯᱟᱧᱡᱟᱵᱽ ᱴᱚᱴᱷᱟ ᱨᱮᱭᱟᱜ ᱡᱟᱹᱥᱛᱤ ᱦᱤᱸᱥ ᱜᱮ ᱥᱮᱞᱮᱫ ᱞᱮᱫᱟ ᱟᱨ ᱱᱚᱶᱟ ᱫᱚ ᱮᱛᱚᱢ ᱮᱥᱤᱭᱟ ᱨᱮᱭᱟᱜ ᱢᱩᱪᱟᱹᱫ ᱴᱚᱴᱷᱟ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱵᱨᱤᱴᱤᱥ ᱳᱣᱳᱱᱤᱭᱳᱞᱤ ᱥᱟᱥᱚᱱ ᱨᱮᱭᱟᱜ ᱟᱶᱛᱟ ᱨᱮ ᱦᱮᱡ ᱞᱮᱱᱟ ᱾ ᱵᱨᱤᱴᱤᱥ ᱨᱟᱡᱽ ᱚᱠᱛᱚ ᱨᱮ ᱠᱮᱱᱟᱞ ᱵᱮᱱᱟᱣ ᱦᱩᱭ ᱞᱮᱱᱟ ᱡᱟᱦᱟᱸ ᱫᱚ ᱠᱟᱥᱩᱨ ᱦᱚᱱᱚᱛ ᱨᱮᱭᱟᱜ ᱵᱟᱝᱼᱵᱟᱹᱲᱤᱡ ᱦᱟᱥᱟ ᱨᱮᱭᱟᱜ ᱟᱹᱰᱤ ᱢᱟᱨᱟᱝ ᱴᱚᱴᱷᱟ ᱠᱚᱨᱮ ᱫᱟᱜ ᱮ ᱮᱢ ᱞᱮᱫᱟᱭ ᱾
ᱢᱩᱬ ᱞᱮᱠᱟᱛᱮ ᱢᱩᱥᱞᱤᱢ ᱦᱚᱲ ᱮᱞ ᱫᱚ ᱢᱩᱥᱞᱤᱢ ᱞᱤᱜᱽ ᱟᱨ ᱯᱟᱠᱤᱥᱛᱟᱱ ᱞᱟᱹᱲᱦᱟᱹᱭ ᱨᱮ ᱜᱚᱲᱚ ᱠᱚ ᱮᱢ ᱞᱮᱫᱟ ᱾ ᱑᱙᱔᱗ ᱥᱮᱨᱢᱟ ᱨᱮ ᱯᱟᱠᱤᱥᱛᱟᱱ ᱯᱷᱩᱨᱜᱟᱹᱞ ᱛᱟᱭᱚᱢ, ᱠᱟᱹᱴᱤᱡ ᱡᱟᱹᱛ ᱠᱚ ᱥᱤᱠᱷ ᱟᱨ ᱦᱤᱱᱫᱩ ᱫᱚ ᱥᱤᱧᱚᱛ ᱠᱚ ᱪᱟᱞᱟᱣ ᱮᱱᱟ ᱟᱨ ᱥᱤᱧᱚᱛ ᱠᱷᱚᱱ ᱢᱩᱥᱞᱟᱹ ᱨᱮᱯᱷᱤᱡᱤ ᱠᱚᱫᱚ ᱠᱟᱥᱩᱨ ᱦᱚᱱᱚᱛ ᱨᱮᱠᱚ ᱵᱟᱥᱟ ᱮᱱᱟ ᱾
ᱦᱚᱲ ᱞᱮᱠᱷᱟ
ᱥᱟᱯᱲᱟᱣ᱒᱐᱑᱗ ᱥᱮᱨᱢᱟ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱚᱠᱛᱚ ᱨᱮ ᱱᱚᱣᱟ ᱦᱚᱱᱚᱛ ᱨᱮ ᱓,᱔᱕᱔,᱘᱘᱑ ᱜᱚᱴᱟᱝ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱱᱟ ᱢᱩᱫᱽ ᱨᱮ ᱑,᱗᱘᱘,᱖᱑᱗ ᱜᱚᱴᱟᱝ ᱠᱚᱲᱟ ᱟᱨ ᱑,᱖᱖᱖,᱐᱔᱔ ᱜᱚᱴᱟᱝ ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱒,᱕᱖᱔,᱑᱐᱑ ᱜᱚᱴᱟᱝ ᱟᱹᱛᱩ ᱨᱮ ᱟᱨ ᱘᱙᱐,᱗᱘᱐ ᱜᱚᱴᱟᱝ ᱥᱚᱦᱚᱨ ᱨᱮᱠᱚ ᱛᱟᱦᱮᱸ ᱠᱟᱱᱟ ᱾ ᱥᱤᱠᱷᱱᱟᱹᱛ ᱫᱚᱨ ᱖᱐.᱗᱗% ᱛᱟᱦᱮᱸ ᱠᱟᱱᱟ ᱾ ᱢᱩᱥᱞᱤᱢ ᱫᱚ ᱢᱩᱬ ᱫᱷᱚᱨᱚᱢ ᱨᱤᱱ ᱦᱚᱲ ᱠᱟᱱᱟ ᱠᱚ, ᱡᱟᱦᱟᱸ ᱫᱚ ᱙᱖.᱔᱘% ᱠᱚ ᱛᱟᱦᱮᱸ ᱠᱟᱱᱟ, ᱢᱮᱱᱠᱷᱟᱱ ᱤᱥᱟᱹᱭ ᱫᱷᱚᱨᱚᱢ ᱫᱚ ᱓.᱔᱗% ᱠᱚ ᱛᱟᱦᱮᱸ ᱠᱟᱱᱟ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ ᱑.᱐ ᱑.᱑ 1998 District Census report of Kasur. Census publication. Vol. 112. Islamabad: Population Census Organization, Statistics Division, Government of Pakistan. 2000.
- ↑ "Kasur Police". Archived from the original on 4 January 2008. Retrieved 31 August 2021.