ᱠᱟᱨᱱᱟᱴᱟᱠ ᱨᱮᱱ ᱡᱟᱹᱛᱤ ᱠᱚ

ᱠᱟᱨᱱᱟᱴᱟᱠ ᱫᱚ ᱮᱛᱚᱢ ᱥᱤᱧᱚᱴ ᱨᱮᱱ ᱢᱮᱫᱴᱮᱱ ᱯᱚᱱᱚᱛ ᱠᱟᱱᱟ|ᱯᱚᱱᱚᱛ ᱵᱮᱱᱟᱣ ᱟᱹᱨᱩ ᱟᱹᱱ ᱞᱮᱠᱟ ᱛᱮ ᱱᱤᱭᱟᱹ ᱯᱚᱱᱚᱛ ᱫᱚ ᱑ ᱱᱚᱵᱷᱮᱢᱵᱚᱨ ᱑᱙᱕᱖ ᱥᱮᱨᱢᱟ ᱨᱮ ᱠᱚ ᱵᱮᱨᱮᱫ ᱞᱮᱫᱟ|ᱱᱤᱭᱟᱹ ᱯᱚᱱᱚᱛ ᱨᱮᱭᱟᱜ ᱯᱟᱪᱷᱮ ᱱᱟᱠᱷᱟ ᱨᱮ ᱫᱚ ᱟᱨᱟᱵᱤᱭᱟᱱ ᱫᱚᱨᱭᱟ ᱨᱮ ᱡᱟᱯᱟᱜ ᱟᱠᱟᱱᱟ,ᱠᱚᱸᱭᱮᱸ-ᱯᱟᱪᱷᱮ ᱱᱟᱠᱷᱟ ᱨᱮ ᱫᱚ ᱜᱚᱣᱟ ᱯᱚᱱᱚᱛ ᱨᱮ ᱡᱯᱟᱜ ᱟᱠᱟᱱᱟ, ᱠᱚᱸᱭᱮᱱ ᱱᱟᱠᱷᱟ ᱨᱮ ᱫᱚ ᱢᱚᱦᱟᱨᱟᱥᱴᱨᱚ, ᱥᱟᱢᱟᱝ ᱱᱟᱠᱷᱟ ᱨᱮ ᱫᱚ ᱴᱮᱞᱮᱝᱜᱟᱱᱟ ᱟᱨ ᱟᱱᱫᱷᱨᱟ ᱯᱨᱚᱫᱮᱥ ᱯᱚᱱᱚᱛ, ᱮᱛᱚᱢ- ᱥᱟᱢᱟᱝ ᱱᱟᱠᱷᱟ ᱨᱮ ᱫᱚ ᱛᱟᱢᱤᱞ ᱱᱟᱰᱩ ᱟᱨ ᱮᱴᱳᱢ ᱯᱟᱪᱷᱮ ᱱᱟᱠᱷᱟ ᱨᱮ ᱫᱚ ᱠᱮᱨᱟᱞᱟ ᱯᱚᱱᱚᱛ ᱢᱮᱱᱟᱜ ᱟᱠᱟᱫᱟ|ᱱᱤᱭᱟᱹ ᱦᱚᱱᱚᱛ ᱫᱚ ᱗᱔,᱑᱒᱒ ᱪᱟᱹᱣᱠᱟᱹ ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ|ᱱᱚᱣᱟ ᱯᱚᱱᱚᱛ ᱨᱮ ᱫᱚ ᱓᱐ ᱜᱚᱴᱟᱝ ᱦᱚᱱᱚᱛ ᱠᱚ ,ᱢᱮᱱᱟᱜ ᱟᱠᱟᱫᱟ|ᱠᱟᱱᱱᱟᱲᱟ ᱫᱚ ᱱᱤᱭᱟᱹ ᱯᱚᱱᱚᱛ ᱨᱮᱭᱟᱜ ᱨᱟᱡᱽ ᱯᱟᱹᱨᱥᱤ ᱠᱟᱱᱟ|ᱱᱤᱭᱟᱹ ᱯᱚᱱᱚᱛ ᱨᱮ ᱖᱕% ᱦᱤᱸᱥ ᱦᱚᱲ ᱜᱮ ᱠᱟᱱᱱᱟᱲᱟ ᱯᱟᱹᱨᱥᱤ ᱠᱚ ᱞᱟᱲᱪᱟᱲᱮᱰ ᱠᱟᱱᱟ|ᱱᱤᱭᱟᱹ ᱯᱚᱱᱚᱛ ᱨᱮ ᱟᱹᱰᱤ ᱟᱭᱢᱟ ᱡᱟᱹᱛᱤ ᱠᱚ ᱢᱮᱱᱟᱜ ᱠᱚᱣᱟ,ᱚᱠᱭ ᱠᱚᱣᱟᱜ ᱚᱱᱚᱱ ᱫᱚ ᱧᱤᱥᱚᱛ ᱨᱮᱭᱟᱜ ᱮᱴᱟᱜ ᱮᱴᱟᱜ ᱴᱚᱴᱷᱟ ᱨᱮ ᱦᱩᱭ ᱟᱠᱟᱱ, ᱡᱩᱫᱟᱹ ᱯᱟᱹᱨᱥᱤ ᱟᱨ ᱟᱹᱨᱤ ᱪᱟᱹᱞᱤ ᱢᱮᱱᱟᱜ ᱛᱟᱠᱚᱣᱟ ᱱᱤᱭᱟᱹ ᱱᱤᱭᱟᱹ ᱦᱚᱱᱚᱛ ᱨᱮ ᱦᱚᱸ ᱟᱠᱚᱟᱜ ᱜᱚᱜᱚ ᱯᱟᱹᱨᱥᱤ ᱜᱮ ᱠᱚ ᱞᱟᱲᱪᱟᱲᱮᱰ ᱠᱟᱱᱟ|᱑᱙᱙᱑ ᱨᱮᱭᱟᱜ ᱞᱮᱠᱷᱟ ᱡᱚᱠᱷᱟ ᱞᱮᱠᱟ ᱛᱮ ᱱᱩᱠᱩ ᱡᱟᱹᱛᱤ ᱠᱚᱣᱟᱦ ᱞᱮᱠᱷᱟ ᱡᱚᱠᱷᱟ ᱫᱚ ᱱᱚᱝᱠᱟ ᱞᱮᱠᱟ- ᱛᱮᱞᱜᱩ ᱦᱚᱲ (᱘%), ᱛᱟᱢᱤᱞ ᱦᱚᱲ (᱓ᱹ᱘%) ᱢᱟᱨᱟᱴᱷᱤ ᱦᱚᱲ (᱓ᱹ᱙᱕%) ᱛᱩᱞᱩᱣᱟᱥ ᱦᱚᱲ (᱓ᱹ᱓᱘%) ᱦᱤᱱᱫᱤ ᱵᱷᱟᱥᱤᱠ ᱦᱚᱲ (᱑ᱹ᱘᱗%) ᱠᱚᱱᱠᱟᱱᱤ ᱦᱚᱲ (᱑ᱹ᱗᱘%), ᱢᱟᱞᱟᱭᱟᱞᱤ ᱦᱚᱲ (᱑ᱹ᱖᱙%), ᱠᱚᱰᱟᱣᱟᱥ ᱦᱚᱲ (᱐ᱹ᱒᱕%) ᱟᱨ ᱜᱩᱡᱽᱨᱟᱴ᱾ ᱦᱚᱲ (᱐ᱹ᱑᱐%)|

ᱜᱟᱭ ᱜᱷᱟᱹᱱᱴᱤ ᱠᱟᱨᱱᱟᱴᱟᱠᱟ ᱨᱮᱭᱟᱜ ᱡᱟᱱᱟᱫᱟ ᱞᱚᱠᱟ ᱠᱷᱚᱱ ᱛᱩᱢᱟᱹᱞ ᱟᱠᱟᱱᱟ

ᱠᱟᱱᱟᱲᱤᱜᱟ ᱡᱟᱹᱛᱤ ᱥᱟᱯᱲᱟᱣ

ᱠᱟᱱᱟᱲᱤᱜᱟ ᱡᱟᱹᱛᱤ ᱱᱤᱭᱟᱹ ᱯᱚᱱᱚᱛ ᱨᱴᱮᱱ ᱡᱚᱛᱚ ᱠᱷᱚᱱ ᱥᱟᱝᱜᱮ ᱩᱛᱟᱹᱨ ᱡᱟᱹᱛᱤ ᱠᱟᱱᱟ ᱠᱚ, ᱱᱩᱠᱚᱣᱟᱜ ᱞᱮᱠᱷᱟ ᱡᱚᱠᱷᱟ ᱫᱚ ᱗᱒% ᱦᱤᱸᱥ ᱢᱮᱱᱟᱜ ᱟᱠᱟᱫᱟ|ᱩᱱᱠᱩ ᱣᱟᱜ ᱜᱚᱜᱚ ᱯᱟᱹᱨᱥᱤ ᱫᱚ ᱠᱟᱱᱱᱟᱲᱟ ᱠᱟᱱ ᱜᱮᱭᱟ| ᱠᱟᱱᱱᱟᱲᱟ ᱯᱟᱹᱨᱥᱤ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱤᱨᱟᱹᱞ ᱟᱜ ᱫᱷᱟᱯ ᱨᱮᱭᱟᱜ ᱒᱒ ᱜᱚᱴᱟᱝ ᱦᱚᱱᱚᱛ ᱠᱚ ᱢᱩᱫᱽ ᱨᱮ ᱢᱤᱫᱴᱮᱱ ᱠᱟᱱᱟ ᱟᱨ ᱠᱟᱨᱱᱟᱴᱟᱠᱟ ᱯᱚᱱᱚᱛ ᱨᱮᱭᱟᱜ ᱨᱟᱡᱽ ᱯᱟᱹᱨᱥᱤ ᱠᱟᱱᱟ|

ᱴᱩᱞᱩᱣᱟ ᱡᱟᱹᱛᱤ ᱥᱟᱯᱲᱟᱣ

ᱴᱩᱞᱩ ᱯᱟᱹᱨᱥᱤ ᱫᱚ ᱴᱩᱞᱩᱣᱟ ᱡᱟᱹᱛᱤ ᱭᱟᱜ ᱜᱚᱜᱚ ᱯᱟᱹᱨᱥᱤ ᱠᱟᱱ ᱛᱟᱠᱚᱣᱟ|ᱩᱱᱠᱩ ᱫᱚ ᱠᱟᱨᱱᱟᱴᱟᱠ ᱯᱚᱱᱚᱛ ᱨᱮᱭᱟᱜ ᱠᱟᱱᱟᱨᱟ ᱴᱚᱴᱷᱟ ᱨᱮ ᱟᱠᱚ ᱡᱟᱹᱛᱤ ᱭᱟᱜ ᱨᱟᱯᱟᱡᱟ ᱛᱮᱫ ᱢᱮᱱᱟᱜ ᱛᱟᱠᱚᱣᱟ|ᱭᱟᱠᱥᱟᱜᱟ, ᱱᱟᱜᱟᱨᱟ ᱫᱷᱟᱱᱮ, ᱵᱩᱴᱟ ᱠᱚᱞᱟ ᱟᱨ ᱟᱛᱤ ᱠᱟᱞᱮᱧᱡᱟ ᱫᱚ ᱴᱩᱞᱩᱣᱟ ᱡᱟᱹᱛᱤ ᱨᱮᱭᱟᱜ ᱜᱩᱱ ᱛᱮᱫ ᱠᱟᱱ ᱛᱟᱠᱚᱣᱟ|ᱴᱩᱞᱩᱣᱟ ᱫᱚ ᱡᱟᱹᱛᱤ ᱜᱚᱜᱚ ᱢᱟᱨᱟᱝ ᱥᱟᱶᱛᱟ ᱠᱟᱱ ᱛᱟᱠᱚᱣᱟ, ᱚᱠᱟ ᱫᱚ ᱟᱞᱤᱭᱟ ᱥᱟᱱᱟᱛᱟᱱ ᱢᱮᱱᱛᱮ ᱵᱟᱰᱟᱭᱚᱜ ᱠᱟᱱᱟ, ᱚᱠᱟ ᱰᱚ ᱩᱱᱠᱩ ᱢᱤᱫᱴᱮᱱ ᱵᱷᱮᱱᱮᱜᱟᱨ ᱞᱟᱭᱞᱟᱠᱪᱟᱨ ᱨᱮᱭᱟᱜ ᱩᱱᱩᱯᱨᱩᱢ ᱞᱮᱠᱷᱟᱜ ᱠᱟᱱ ᱛᱟᱠᱚ|᱑᱙᱙᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱠᱟᱨᱱᱟᱴᱟᱠᱟ ᱯᱚᱱᱚᱛ ᱨᱮ, ᱴᱩᱞᱩᱣᱟ ᱠᱚᱣᱟᱜ ᱞᱮᱠᱷᱟ ᱫᱚ ᱒ᱹ᱓᱘% ᱦᱤᱸᱥ ᱛᱟᱸᱦᱮᱸ ᱠᱟᱱ ᱛᱟᱠᱚᱣᱟ|

ᱠᱚᱱᱠᱟᱱᱤ ᱥᱟᱯᱲᱟᱣ

ᱠᱚᱱᱠᱟᱱᱤ ᱯᱟᱹᱨᱥᱤ ᱨᱚᱨᱚᱲ ᱡᱟᱹᱛᱤ ᱠᱚ ᱫᱚ ᱩᱛᱛᱟᱨᱟ ᱠᱟᱱᱟᱰᱟ, ᱩᱰᱩᱯᱤ ᱟᱨ ᱫᱟᱠᱥᱷᱤᱱ ᱠᱟᱱᱟᱰᱟ ᱴᱚᱴᱷᱟ ᱠᱚ ᱨᱮ ᱥᱟᱝᱜᱮ ᱜᱤᱨᱟᱹ ᱵᱟᱥ ᱟᱠᱟᱱ ᱢᱮᱱᱟᱜ ᱠᱚᱣᱟ|

ᱠᱚᱰᱟᱣᱟ ᱡᱟᱹᱛᱤ ᱥᱟᱯᱲᱟᱣ

ᱠᱚᱰᱟᱣᱟ ᱯᱟᱹᱨᱥᱤ ᱫᱚ ᱠᱚᱰᱟᱣᱟ ᱦᱚᱲ ᱠᱚᱣᱟᱜ ᱜᱚᱜᱚ ᱯᱟᱹᱨᱥᱤ ᱠᱟᱱ ᱛᱟᱠᱚᱣᱟ| ᱱᱩᱠᱩ ᱫᱚ ᱜᱚᱜᱚ ᱢᱟᱨᱟᱝ ᱡᱟᱹᱛᱤ ᱠᱟᱱᱟ, ᱱᱩᱠᱩ ᱫᱚ ᱵᱟᱹᱲᱴᱤ ᱠᱟᱭᱛᱮ ᱠᱚᱰᱟᱜᱩ ᱦᱚᱱᱚᱛ ᱨᱮ ᱥᱟᱝᱜᱮ ᱜᱤᱨᱟᱹ ᱵᱟᱥ ᱟᱠᱟᱱ ᱢᱮᱱᱟᱜ ᱠᱚᱣᱟ|᱑᱙᱙᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱜᱚᱴᱟ ᱠᱟᱨᱱᱟᱴᱟᱠ ᱯᱚᱱᱚᱛ ᱨᱮ ᱠᱚᱰᱟᱣᱟ ᱡᱟᱹᱛᱤ ᱠᱚᱣᱟᱜ ᱞᱮᱠᱷᱟ ᱫᱚ ᱐ᱹ᱒᱕% ᱦᱤᱸᱥ ᱛᱟᱸᱦᱮᱸ ᱠᱟᱱᱟ|ᱠᱟᱨᱱᱟᱴᱟᱠᱟ ᱠᱚᱰᱟᱣᱟ ᱥᱟᱦᱤᱛᱭᱟ ᱮᱠᱟᱰᱮᱢᱤ ᱫᱚ ᱠᱚᱰᱟᱣᱟ ᱯᱟᱹᱨᱥᱤ ᱦᱟᱨᱟ ᱵᱩᱨᱩᱜ ᱞᱟᱹᱜᱤᱫ ᱵᱮᱨᱮᱫ ᱟᱠᱟᱱᱟ, ᱚᱱᱟ ᱵᱮᱜᱚᱨ ᱦᱚᱸ ᱠᱚᱰᱟᱣᱟ ᱯᱟᱹᱨᱥᱤ ᱪᱟᱝᱜᱷᱟ ᱨᱮ ᱮᱴᱟᱜ ᱯᱟᱹᱨᱥᱤ ᱠᱚ ᱡᱮᱞᱮᱠᱟ- ᱦᱮᱜᱜᱽᱲᱮ,ᱤᱨᱤ,ᱠᱚᱭᱟᱣᱟ, ᱵᱟᱱᱱᱟ ᱠᱩᱰᱤᱭᱟ, ᱠᱮᱢᱵᱟᱟᱛᱛᱤ ᱟᱨ ᱢᱮᱰᱟ ᱮᱢᱟᱱ|ᱢᱟᱲᱟᱝ ᱫᱚ ᱱᱤᱭᱟᱹ ᱯᱟᱹᱨᱥᱤ ᱚᱞᱚᱜ ᱞᱟᱹᱜᱤᱫ ᱡᱟᱦᱟᱱ ᱪᱤᱠᱤ ᱵᱟᱝ ᱛᱟᱸᱦᱮᱸ ᱠᱟᱱᱟ, ᱦᱟᱞᱮ ᱜᱮ ᱡᱟᱨᱢᱟᱱᱤ ᱯᱟᱹᱨᱥᱤ ᱥᱟᱬᱮᱥᱤᱭᱟᱹ ᱜᱽᱨᱮᱜᱽ ᱮᱢᱹ ᱫᱚ ᱠᱚᱰᱟᱣᱟ ᱯᱟᱹᱨᱥᱤ ᱞᱟᱹᱜᱤᱫ ᱠᱩᱨᱜᱤ ᱠᱚᱠᱥ ᱪᱤᱞᱤ ᱭᱮ ᱛᱮᱭᱟᱨ ᱟᱠᱟᱫᱟ| ᱟᱨ ᱱᱟᱦᱟᱜ ᱟᱫᱚᱢ ᱠᱚᱰᱟᱟᱜᱩ ᱦᱚᱲ ᱦᱚᱸ ᱱᱤᱭᱟᱹ ᱪᱤᱠᱤ ᱜᱮ ᱠᱚ ᱞᱟᱲᱪᱟᱲ ᱮᱫ ᱠᱟᱱᱟ|

ᱥᱟ.ᱠᱷᱭᱟ.ᱛ ᱥᱟᱯᱲᱟᱣ