ᱠᱟᱱᱟᱭᱞᱟᱞ ᱴᱩᱰᱩ

ᱠᱟ.ᱱᱟ.ᱭᱞᱟᱞ ᱴᱩᱰᱩ ᱫᱚ ᱢᱤᱫ ᱧᱩᱛᱩᱢᱟᱱ ᱚᱱᱚᱞᱤᱭᱟ. ᱠᱟᱱᱟᱭ ᱾ ᱩᱱᱤᱭᱟᱜ ᱫᱚ ᱯᱩᱪᱷᱤᱢ ᱵᱟᱸᱜᱽᱞᱟ ᱯᱟᱦᱴᱟ ᱠᱷᱚᱱ ᱥᱟᱱᱛᱟᱲᱤ ᱯᱟ.ᱨᱥᱤ, ᱥᱟᱶᱦᱮᱫ ᱟᱨ ᱞᱟᱠᱪᱟᱨ ᱟᱠᱷᱲᱟ ᱨᱮ ᱟ.ᱰᱤ ᱜᱟᱺᱦᱤᱨ ᱡᱚᱱᱚᱲᱟᱣ ᱢᱮᱱᱟᱜ ᱛᱟᱭᱟ ᱾ ᱩᱱᱤ ᱫᱚ ᱠᱷᱟ.ᱞᱤ ᱢᱤᱫ ᱧᱩᱛᱩᱢᱟᱱ ᱚᱱᱚᱞᱤᱭᱟ. ᱥᱩᱢᱩᱝ ᱫᱚᱭ ᱵᱟᱝ ᱠᱟᱱᱟ, ᱩᱱᱤ ᱫᱚ ᱢᱤᱫ ᱧᱩᱛᱩᱢᱟᱱ ᱥᱟᱯᱲᱮᱛ, ᱪᱷᱟᱯᱟ ᱮᱫᱤᱡ, ᱯᱩᱛᱷᱤ ᱟ.ᱠᱷᱨᱤᱧᱤᱭᱟ. ᱟᱨ ᱥᱟᱶᱛᱟᱨᱤ ᱠᱟ.ᱢᱤᱭᱟ, ᱥᱩᱥᱟ.ᱨᱤᱭᱟ. ᱞᱮᱠᱟ ᱛᱮᱦᱚᱸ ᱟ.ᱰᱤ ᱜᱟᱺᱦᱤᱨ ᱩᱯᱨᱩᱢ ᱢᱮᱱᱟᱜ ᱛᱟᱭᱟ ᱱᱚᱣᱟ ᱥᱟᱶᱛᱟ ᱨᱮ ᱾

ᱠᱟᱹᱱᱟᱹᱭᱞᱟᱞ ᱴᱩᱰᱩ

ᱡᱟᱱᱟᱢ

ᱠᱟ.ᱱᱟ.ᱭᱞᱟᱞ ᱴᱩᱰᱩ ᱫᱚ ᱗ ᱯᱷᱩᱵᱨᱩᱣᱟᱨᱤ ᱑᱙᱔᱔ ᱥᱟᱞᱮ ᱨᱮᱭ ᱡᱟᱱᱟᱢ ᱞᱮᱱᱟ ᱯᱩᱪᱷᱤᱢ ᱵᱟᱸᱜᱽᱞᱟ ᱯᱚᱱᱚᱛ ᱨᱮᱭᱟᱜ ᱵᱤᱞᱫᱟ. ᱟ.ᱛᱩ ᱥᱩᱨ ᱱᱤᱞᱟᱢᱵᱚᱨᱯᱩᱨ ᱴᱚᱞᱟ ᱨᱮ ᱾ ᱡᱟᱱᱟᱢ ᱵᱟᱵᱟ ᱧᱩᱛᱩᱢ ᱫᱚ ᱥᱤᱸᱜᱽᱨᱟ.ᱭ ᱴᱩᱰᱩ ᱛᱟᱦᱮᱸ ᱠᱟᱱᱟ ᱟᱨ ᱡᱟᱱᱟᱢ ᱟᱭᱳᱣᱟᱜ ᱧᱩᱛᱩᱢ ᱫᱚ ᱨᱟᱶᱫᱮ ᱴᱩᱰᱩ ᱛᱟᱦᱮᱸ ᱠᱟᱱᱟ ᱾ ᱠᱟ.ᱱᱟ.ᱭᱞᱟᱞ ᱫᱚ ᱵᱚᱭᱦᱟ ᱵᱷᱤᱛᱨᱤ ᱨᱮ ᱟᱡ ᱫᱚ ᱡᱚᱛᱚ ᱠᱷᱚᱱ ᱦᱩᱰᱤᱧ ᱟᱨ ᱮᱭᱟᱭ ᱟᱱᱟᱜ ᱴᱷᱟᱶ ᱨᱮᱱᱤᱡ ᱦᱚᱯᱚᱱ ᱠᱟᱱᱟᱭ ᱾ ᱟᱡ ᱥᱟᱶᱛᱮ ᱟᱡ ᱨᱤᱱ ᱯᱮ ᱦᱚᱲ ᱠᱚᱲᱟ ᱵᱚᱭᱦᱟ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱯᱮ ᱦᱚᱲ ᱫᱚ ᱠᱩᱲᱤ ᱵᱩᱦᱤᱱ ᱠᱚ ᱛᱟᱦᱮᱸ ᱠᱟᱱᱟ ᱾

ᱥᱮᱪᱮᱫ

ᱠᱟ.ᱱᱟ..ᱭᱞᱟᱞ ᱫᱚ ᱜᱷᱟᱨᱚᱸᱡᱽ ᱨᱮ ᱠᱟ.ᱣᱰᱤ ᱴᱟᱠᱟ ᱨᱮᱭᱟᱜ ᱟᱱᱟᱴ ᱮᱴᱠᱮᱴᱚᱬᱮ ᱠᱷᱟ.ᱛᱤᱨ ᱥᱮᱪᱮᱫ ᱟᱢᱮᱴ ᱡᱚᱝ ᱨᱮ ᱱᱟᱥᱮᱭ ᱵᱤᱞᱚᱢ ᱞᱮᱫ-ᱟ ᱾ ᱨᱮᱸᱜᱮᱡ ᱵᱩᱱᱤᱭᱟ.ᱫᱽ ᱠᱷᱟ.ᱛᱤᱨ ᱚᱠᱛᱚ ᱡᱟ.ᱱᱤ ᱟᱥᱲᱟ ᱥᱮᱱᱚᱜ ᱨᱮᱭᱟᱜ ᱛᱟᱠ ᱵᱟᱭ ᱧᱟᱢ ᱫᱟᱲᱮᱭᱟᱫ ᱛᱟᱦᱮᱸᱫ ᱾ ᱟᱨ ᱫᱚᱥᱟᱨ ᱮᱛᱮᱫ ᱛᱟᱦᱮᱸ ᱠᱟᱱᱟ, ᱟᱠᱚ ᱟ.ᱛᱩ ᱥᱩᱨ ᱥᱩᱯᱩᱨ ᱨᱮ ᱯᱩᱭᱞᱩ ᱥᱮᱪᱮᱫᱚᱜ ᱟᱥᱲᱟ ᱜᱮ ᱵᱟᱝ ᱛᱟᱦᱮᱸ ᱠᱟᱱᱟ ᱚᱱᱟ ᱚᱠᱛᱚ ᱨᱮ ᱾ ᱤᱠᱷᱟ.ᱱ ᱩᱱᱤ ᱫᱚ ᱟᱡ ᱨᱤᱱ ᱵᱚᱭᱦᱟ ᱠᱚᱨᱮ ᱠᱷᱚᱱ ᱫᱚ ᱟ.ᱰᱤ ᱠᱚᱯᱟᱲ ᱟᱱ ᱦᱚᱲ ᱜᱮᱭ ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸ ᱠᱷᱟ.ᱛᱤᱨ ᱩᱱᱤ ᱫᱚ ᱵᱤᱞᱚᱢ ᱠᱟᱛᱮ ᱨᱮᱦᱚᱸ ᱤᱛᱩᱱ ᱟᱥᱲᱟ ᱥᱮᱱᱚᱜ ᱛᱟᱠ ᱫᱚᱭ ᱟᱢᱮᱴ ᱞᱮᱫ ᱜᱮᱭᱟ ᱾ ᱩᱱᱤᱭᱟᱜ ᱮᱛᱚᱦᱚᱵ ᱯᱩᱭᱞᱩ ᱪᱟᱱᱚᱪ ᱫᱚ ᱮᱛᱚᱦᱚᱵ ᱞᱮᱱᱟ ᱱᱮᱠᱩᱨᱥᱮᱱᱤ ᱟ.ᱛᱩ ᱨᱮ ᱑᱙᱕᱑ ᱥᱟᱞᱮᱨᱮ ᱾ ᱩᱱ ᱡᱚᱦᱚᱜ ᱫᱚ ᱟᱥᱲᱟ ᱪᱟᱪᱞᱟᱣᱤᱭᱟ. ᱠᱚ ᱚᱲᱟᱜ ᱚᱲᱟᱜ ᱪᱟᱞᱟᱣ ᱠᱟᱛᱮ ᱟᱥᱲᱟ ᱨᱮ ᱥᱮᱪᱮᱫᱚᱜ ᱞᱟ.ᱜᱤᱫ ᱜᱤᱫᱽᱨᱟ. ᱠᱚ ᱯᱟᱱᱛᱮ ᱧᱟᱢ ᱡᱟᱣᱨᱟ ᱮᱫ ᱠᱚ ᱛᱟᱦᱮᱸᱫ ᱾ ᱩᱱ ᱡᱚᱦᱚᱜ ᱠᱟ.ᱱᱟ.ᱭᱞᱟᱞ ᱤᱡ ᱢᱟᱨᱟᱝ ᱫᱟᱫᱟ ᱢᱟᱫᱷᱚᱵᱽ ᱟᱜ ᱵᱚᱲᱦᱮ ᱛᱮ ᱠᱟ.ᱱᱟ.ᱭᱞᱟᱞ ᱫᱚ ᱟᱥᱲᱟ ᱛᱮᱠᱚ ᱵᱷᱮᱡᱟ ᱞᱮᱫᱮᱭᱟ ᱾ ᱠᱟ.ᱱᱟ.ᱭᱞᱟᱞ ᱫᱚ ᱑᱙᱕᱒ ᱥᱟᱞᱮᱨᱮ ᱛᱤᱱ ᱡᱚᱦᱚᱜ ᱟᱡᱟᱜ ᱘ ᱥᱮᱨᱢᱟ ᱵᱚᱭᱚᱥ ᱛᱟᱦᱮᱸ ᱠᱟᱱᱟ, ᱤᱛᱩᱱ ᱟᱥᱲᱟ ᱥᱮᱱᱚᱜ ᱢᱟᱬᱟᱝ ᱨᱮ ᱩᱱᱤ ᱫᱚ ᱚᱲᱟᱜ ᱨᱤᱱ ᱟ.ᱥᱩᱞ ᱡᱟᱱᱣᱟ ᱠᱚᱭ ᱜᱩᱯᱤ ᱵᱟᱲᱟ ᱠᱚ ᱛᱟᱦᱮᱸᱫ ᱾

ᱜᱤᱫᱽᱨᱟ. ᱚᱠᱛᱚ ᱨᱮ ᱟᱡᱟᱜ ᱡᱟᱱᱟᱢ ᱟᱭᱳ ᱟᱲᱟᱝ ᱫᱚ ᱥᱟᱱᱛᱟᱲᱤ ᱛᱟᱦᱮᱸ ᱠᱟᱱ ᱠᱷᱟ.ᱛᱤᱨ ᱟᱥᱲᱟ ᱨᱮ ᱮᱴᱟᱜ ᱯᱟ.ᱨᱥᱤ ᱛᱮ ᱥᱮᱪᱮᱫᱚᱜ ᱨᱮ ᱟ.ᱰᱤ ᱜᱮ ᱮᱴᱠᱮᱴᱚᱬᱮᱭ ᱟ.ᱭᱠᱟ.ᱣ ᱞᱮᱫ ᱛᱟᱦᱮᱸᱱ ᱾ ᱟᱡᱟᱜ ᱟᱥᱲᱟ ᱨᱮᱫᱚ ᱵᱟ.ᱝᱜᱟ.ᱞᱤ ᱯᱟ.ᱨᱥᱤ ᱛᱮ ᱥᱮᱪᱮᱫ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱾ ᱩᱱ ᱡᱚᱦᱚᱜ ᱩᱱᱤ ᱟᱡᱤᱡ ᱴᱤᱣᱥᱚᱱ ᱢᱟᱪᱮᱛ ᱵᱷᱚᱲᱟᱱᱟᱛᱷ ᱢᱟᱺᱨᱰᱤ ᱦᱚᱛᱮᱛᱮ ᱵᱟ.ᱝᱜᱟ.ᱞᱤ ᱯᱟ.ᱨᱥᱤᱭ ᱮᱛᱚ ᱞᱮᱫ-ᱟ ᱾ ᱢᱤᱫ ᱱᱟᱯᱟᱭ ᱮᱠᱟᱰᱮᱢᱤᱠ ᱨᱮᱠᱳᱰ ᱥᱟᱶᱛᱮ ᱩᱱᱤ ᱫᱚ ᱑᱙᱖᱒ ᱥᱟᱞᱮᱨᱮ ᱢᱮᱴᱨᱤᱠ ᱮ ᱥᱟ.ᱛ ᱞᱮᱫ-ᱟ ᱾ ᱤᱱᱟ. ᱛᱟᱭᱚᱢ ᱩᱱᱤ ᱫᱚ ᱢᱟᱬᱟᱝ ᱥᱮᱫ ᱯᱟᱲᱦᱟᱣᱜ ᱞᱟ.ᱜᱤᱫ ᱵᱟᱭ ᱛᱚᱸᱜᱮ ᱫᱚᱦᱚ ᱫᱟᱲᱮᱭᱟᱫ-ᱟ ᱾ ᱟᱨ ᱜᱷᱟᱨᱚᱸᱡᱽ ᱨᱮᱭᱟᱜ ᱠᱟ.ᱣᱰᱤ ᱟᱱᱟᱴ ᱮᱴᱠᱮᱴᱚᱬᱮ ᱠᱷᱟ.ᱛᱤᱨ ᱚᱞ ᱯᱟᱲᱦᱟᱣ ᱵᱟ.ᱜᱤ ᱠᱟᱛᱮ ᱪᱟᱥ-ᱵᱟᱥ ᱠᱟ.ᱢᱤᱭ ᱥᱟᱵ ᱠᱮᱫ-ᱟ ᱾

ᱦᱟᱨᱟᱛᱚᱨᱟ ᱚᱠᱛᱚ

ᱦᱟᱨᱟᱛᱚᱨᱟ ᱚᱠᱛᱚ ᱠᱷᱚᱱ ᱜᱮ ᱠᱟ.ᱱᱟ.ᱭᱞᱟᱞ ᱴᱩᱰᱩ ᱜᱚᱢᱠᱮ ᱫᱚ ᱢᱚᱭᱩᱨᱵᱷᱚᱸᱫᱽ ᱨᱤᱱᱤᱡ ᱥᱩᱱᱟ.ᱨᱟᱢ ᱥᱚᱨᱮᱱ ᱜᱚᱢᱠᱮ ᱟᱨ ᱯᱩᱪᱷᱤᱢ ᱢᱤᱫᱽᱱᱟᱯᱩᱨ ᱨᱤᱱᱤᱡ ᱡᱚᱜᱚᱛᱯᱚᱛᱤ ᱦᱟᱸᱥᱫᱟᱜ ᱛᱤᱠᱤᱱᱟᱜ ᱥᱟᱶᱛᱟ ᱠᱟ.ᱢᱤᱦᱚᱨᱟ ᱤᱫᱤ ᱠᱟᱛᱮᱭ ᱵᱟᱰᱟᱭ ᱟᱸᱡᱚᱢ ᱟᱠᱟᱫ ᱛᱟᱦᱮᱸᱫ ᱾ ᱩᱱᱠᱤᱱᱟᱜ ᱠᱟ.ᱢᱤᱦᱚᱨᱟ ᱧᱮᱞᱛᱮ ᱢᱩᱦᱤᱛ ᱠᱟᱛᱮ ᱥᱟᱶᱛᱟ ᱪᱤᱨᱜᱟ.ᱞ ᱟᱨ ᱪᱮᱸᱜᱷᱟᱭ ᱰᱟᱦᱟᱨ ᱨᱮ ᱥᱟᱶᱛᱟ ᱵᱟ.ᱭᱨᱤ ᱵᱤᱨᱩᱫᱷ ᱥᱮᱨᱮᱧ ᱟᱨ ᱠᱷᱮᱞᱚᱸᱰ ᱮᱢᱟᱱ ᱠᱚ ᱚᱜ-ᱚᱞ ᱮ ᱮᱛᱚᱦᱚᱵ ᱠᱮᱫ-ᱟ ᱾ ᱟᱡᱟᱜ ᱯᱩᱭᱞᱩ ᱛᱩᱢᱟ.ᱞ ᱥᱮᱨᱮᱧ ᱯᱚᱛᱚᱵ ᱫᱚ ᱟ.ᱠᱤᱞ ᱢᱟᱨᱥᱟᱞ ᱫᱚ ᱑᱙᱖᱒ ᱨᱮ ᱚᱞ-ᱛᱚᱞ ᱠᱟᱛᱮ ᱑᱙᱖᱓ ᱥᱟᱞᱮ ᱨᱮᱭ ᱯᱟᱨᱥᱟᱞ ᱠᱮᱫ-ᱟ ᱾ ᱩᱱᱤ ᱦᱟᱯᱛᱟᱠᱤᱭᱟ. ᱦᱟᱴ, ᱯᱟᱛᱟ (ᱥᱟᱶᱛᱟ ᱡᱩᱢᱤᱫᱽ) ᱠᱚᱨᱮ ᱥᱮᱞᱮᱫ ᱮ ᱛᱟᱦᱮᱸ ᱮᱱᱟ ᱾ ᱟᱡᱟᱜ ᱠᱷᱮᱞᱚᱸᱰ ᱯᱚᱛᱚᱵ ᱫᱷᱚᱨᱚᱢ ᱫᱟᱲᱮ ᱫᱚ ᱑᱙᱗᱘ ᱥᱟᱞᱮᱨᱮ ᱯᱟᱨᱥᱟᱞ ᱟᱠᱟᱱᱟ ᱾ ᱫᱩᱞᱟ.ᱲ ᱢᱤᱨᱩ ᱟᱨ ᱠᱟ.ᱨᱤ ᱱᱟ.ᱜᱤᱱ ᱫᱚ ᱑᱙᱖᱗ ᱟᱨ ᱑᱙᱘᱔ ᱥᱟᱞᱮᱨᱮ ᱯᱟᱨᱥᱟᱞ ᱟᱠᱟᱱᱟ ᱾ ᱱᱚᱣᱟ ᱯᱚᱛᱚᱵ ᱠᱚᱦᱚᱸ ᱥᱟᱶᱛᱟᱨᱤ ᱜᱷᱚᱴᱚᱱ ᱪᱮᱛᱟᱱ ᱨᱮᱜᱮ ᱚᱞ-ᱛᱚᱞ ᱢᱮᱱᱟᱜ-ᱟ ᱾ ᱟᱡᱟᱜ ᱠᱷᱮᱞᱚᱸᱰ ᱯᱚᱛᱚᱵ ᱫᱚ ᱟ.ᱰᱤ ᱴᱚᱴᱷᱟ ᱢᱮᱞᱟᱝᱠᱤ ᱠᱚᱨᱮ ᱩᱫᱩᱜ ᱥᱚᱫᱚᱨ ᱟᱠᱟᱱᱟ ᱟᱨ ᱟᱭᱢᱟ ᱟᱭᱢᱟ ᱦᱚᱲ ᱦᱚᱸ ᱱᱚᱣᱟ ᱦᱮᱛᱟ ᱠᱟᱛᱮ ᱠᱚ ᱢᱟᱣᱟᱣ ᱵᱟᱛᱟᱣ ᱟᱠᱟᱫ-ᱟ ᱾ ᱚᱱᱟ ᱡᱚᱛᱚ ᱠᱚᱨᱮ ᱠᱷᱚᱱ ᱜᱮ ᱥᱟᱶᱛᱟ ᱨᱮ ᱵᱚᱭᱦᱟ ᱵᱚᱭᱦᱟ ᱡᱩᱢᱤᱫᱽ ᱟᱨ ᱵᱟ.ᱭᱨᱤ ᱠᱷᱚᱱ ᱥᱟᱶᱛᱟ ᱫᱩᱜ ᱫᱚᱦᱚᱭ ᱞᱟ.ᱜᱤᱫ ᱱᱟᱯᱟᱭ ᱥᱟ.ᱜᱟ.ᱭ ᱡᱚᱲᱟᱣ ᱡᱚᱛᱚᱱ ᱫᱚᱦᱚᱭ ᱨᱮᱭᱟᱜ ᱫᱤᱥᱟ. ᱩᱫᱩᱜ ᱢᱮᱱᱟᱜ-ᱟ ᱾ ᱟᱡᱟᱜ ᱢᱩᱦᱤᱛᱟᱱ ᱠᱷᱮᱞᱚᱸᱰ ᱯᱚᱛᱚᱵ ᱫᱩᱞᱟ.ᱲ ᱢᱤᱨᱩ ᱫᱚ ᱑᱙᱖᱗ ᱥᱟᱞᱮᱨᱮ ᱯᱟᱨᱥᱟᱞ ᱞᱮᱱᱟ ᱟᱨ ᱚᱱᱟ ᱨᱮᱫᱚ ᱢᱤᱫ ᱥᱟ.ᱨᱤ ᱫᱩᱞᱟ.ᱲ ᱟᱨ ᱥᱩᱞᱩᱠ ᱜᱷᱟᱨᱚᱸᱡᱽ ᱡᱤᱭᱚᱱ ᱴᱷᱟᱶ ᱮ ᱧᱟᱢ ᱟᱠᱟᱫ-ᱟ ᱾

ᱵᱟᱯᱞᱟ

ᱠᱟ.ᱱᱟ.ᱭᱞᱟᱞ ᱴᱩᱰᱩ ᱜᱚᱢᱠᱮ ᱫᱚ ᱑᱙᱖᱔ ᱥᱟᱞᱮ ᱨᱮᱭ ᱵᱟᱯᱞᱟ ᱮᱱᱟ ᱾ ᱟᱡᱤᱡ ᱮᱨᱟ ᱟᱜ ᱧᱩᱛᱩᱢ ᱜᱚ ᱟᱥᱟᱯᱮᱨᱮᱡ, ᱢᱤᱫ ᱯᱨᱟᱭᱢᱟᱨᱤ ᱟᱥᱲᱟ ᱢᱟᱪᱮᱛ ᱮ ᱛᱟᱦᱮᱸ ᱠᱟᱱᱟ ᱾ ᱠᱟ.ᱱᱟ.ᱭᱞᱟᱞ ᱜᱚᱢᱠᱮ ᱫᱚ Post & Telegraph department ᱨᱮ postal Assistant ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱑᱙᱖᱗ ᱥᱟᱞᱮᱨᱮ ᱾ ᱛᱟᱭᱚᱢ ᱛᱮ ᱑᱙᱖᱙ ᱥᱟᱞᱮ ᱨᱮ ᱠᱳᱞᱠᱟᱛᱟᱭ ᱥᱮᱱ ᱞᱮᱱ ᱚᱠᱛᱚ ᱨᱮ Adivasi Socio-Educational & Cultural Association of West Bangal ᱥᱟᱶ ᱡᱚᱲᱟᱣ ᱨᱮᱭ ᱦᱮᱡ ᱮᱱᱟ ᱾ ᱚᱱᱟ ᱨᱮᱭᱟᱜ ᱵᱩᱫᱷᱤ ᱫᱤᱥᱟ. ᱟᱨ ᱠᱟ.ᱢᱤᱦᱚᱨᱟ ᱠᱚ ᱧᱮᱞ ᱠᱟᱛᱮ ᱩᱱᱤ ᱫᱚ ASECA ᱨᱮ ᱥᱮᱞᱮᱫ ᱮ ᱦᱟᱛᱟᱣ ᱠᱮᱫ-ᱟ ᱾

ᱥᱟᱶᱛᱟ ᱠᱟ.ᱢᱤᱦᱚᱨᱟ ᱮᱛᱚᱦᱚᱵ

ᱦᱟᱨᱟᱛᱚᱨᱟ ᱚᱠᱛᱚ ᱠᱷᱚᱱ ᱜᱮ ᱠᱟᱱᱟᱭᱞᱟᱞ ᱴᱩᱰᱩ ᱜᱚᱢᱠᱮ ᱫᱚ ᱥᱟᱶᱛᱟ ᱠᱟ.ᱢᱤ ᱥᱟᱶ ᱥᱟ.ᱜᱟ.ᱭ ᱮ ᱡᱚᱲᱟᱣ ᱠᱮᱫ-ᱟ ᱾ ᱡᱷᱟᱲᱜᱨᱟᱢ ᱨᱮ ᱟᱡᱟᱜ ᱠᱟ.ᱢᱤ ᱚᱠᱛᱚ ᱨᱮ ᱩᱱᱤ ᱢᱩᱪᱤᱨᱟᱢ ᱥᱚᱨᱮᱱ ᱟᱨ ᱵᱤᱱᱚᱫᱽ ᱥᱚᱨᱮᱱ ᱜᱚᱢᱠᱮ ᱥᱟᱶ ᱮ ᱧᱟᱯᱟᱢ ᱮᱱᱟ ᱾ ᱥᱚᱨᱮᱱ ᱵᱚᱭᱦᱟ ᱠᱚᱣᱟᱜ ᱜᱚᱲᱚ ᱥᱚᱦᱚᱫ ᱛᱮ ᱩᱱᱤ ᱫᱚ ᱑᱙᱗᱑ ᱥᱟᱞᱮᱨᱮ ASECA ᱨᱮᱭᱟᱜ ᱪᱟᱸᱜᱟ ᱳᱯᱷᱤᱥ ᱡᱷᱟᱲᱜᱨᱟᱢ ᱨᱮᱭ ᱵᱮᱨᱮᱫ ᱠᱮᱫ-ᱟ ᱾ ᱩᱱᱤ ᱫᱚ ASECA ᱨᱤᱱᱤᱡ ᱥᱩᱛᱨᱮᱛ ᱞᱮᱠᱟ ᱛᱟᱦᱮᱸ ᱠᱟᱛᱮ ᱡᱮᱛᱮ ᱠᱟ.ᱢᱤᱦᱚᱨᱟ ᱨᱮ ᱟ.ᱰᱤ ᱪᱩᱦᱩᱞ ᱡᱩᱦᱲᱟ.ᱣ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱡᱷᱟᱲᱜᱨᱟᱢ ᱥᱩᱨ ᱵᱮᱛᱠᱩᱸᱫᱽᱨᱤ ᱨᱮ ᱯᱷᱮᱵᱨᱩᱣᱟᱨᱤ ᱑᱙᱗᱗ ᱥᱟᱞᱮ ᱨᱮ All India Santali Council Meet ᱮ ᱥᱟᱯᱲᱟᱣ ᱞᱮᱫ-ᱟ ᱾ ᱯᱚᱸᱰᱤᱛ ᱨᱚᱜᱷᱩᱱᱟᱛᱷ ᱢᱩᱨᱢᱩ, ᱥᱤᱵᱩ ᱥᱚᱨᱮᱱ ᱟᱨ ᱟ.ᱰᱤ ᱟᱭᱢᱟ ᱜᱚᱢᱠᱮ ᱠᱚᱜᱮ ᱚᱱᱟ ᱥᱮᱱᱮᱞᱮᱫ ᱨᱮ ᱢᱟ.ᱱᱟᱱ ᱯᱮᱲᱟ ᱞᱮᱠᱟ ᱛᱮᱠᱚ ᱛᱟᱦᱮᱸ ᱠᱟᱱᱟ ᱾ ᱫᱤᱱᱟ.ᱢ ᱦᱤᱞᱚᱜ ᱥᱟᱱᱛᱟᱲ ᱥᱟᱶᱛᱟ ᱩᱛᱱᱟ.ᱣ ᱠᱟ.ᱢᱤᱦᱚᱨᱟ ᱨᱮ ᱡᱚᱦᱲᱟᱣ ᱠᱤᱱ ᱛᱟᱦᱮᱸ ᱮᱱ ᱠᱷᱟ.ᱛᱤᱨ All India Santal Council ᱨᱤᱱᱤᱡ Treasurer ᱞᱮᱠᱟ ᱛᱮᱠᱚ ᱵᱟᱪᱷᱚᱱ ᱠᱮᱫ ᱠᱤᱱᱟ ᱟᱨ ᱦᱚᱸ ᱚᱱᱟ ᱥᱟᱶᱛᱮ ᱒᱐᱐᱖ ᱥᱟᱞᱮᱨᱮ ᱢᱤᱫᱽᱱᱟᱯᱩᱨ ᱦᱚᱱᱚᱛ ᱨᱮᱭᱟᱜ ASECA ᱞᱟ.ᱜᱤᱫ ᱫᱚ ᱯᱟᱨᱥᱮᱛ ᱞᱮᱠᱟ ᱛᱮᱠᱚ ᱵᱟᱪᱷᱚᱱ ᱠᱮᱫᱮᱭᱟ ᱾

ᱚᱞ-ᱵᱮᱞ

ᱥᱟᱱᱛᱟᱲ ᱡᱟ.ᱛᱤᱭᱟᱜ ᱩᱯᱨᱩᱢ ᱵᱟᱧᱪᱟᱣ ᱫᱚᱦᱚᱭ ᱞᱟ.ᱜᱤᱫ ᱛᱮ ᱥᱟᱶᱛᱟᱨᱤ ᱚᱱᱚᱞ ᱠᱚ ᱟ.ᱰᱤᱜᱟᱱ ᱮ ᱚᱞ ᱟᱠᱟᱫ-ᱟ ᱾ ᱚᱱᱟ ᱠᱚ ᱢᱩᱫᱽᱨᱮ ᱢᱟᱨᱟᱝ ᱵᱳᱨᱳ ᱵᱤᱱᱛᱤ, ᱡᱚᱢᱥᱤᱢ ᱵᱤᱱᱛᱤ, ᱠᱟᱨᱟᱢ ᱵᱤᱱᱛᱤ ᱟᱨ ᱢᱟᱨᱟᱝ ᱵᱳᱨᱳ ᱚᱦᱬᱮ ᱮᱢᱟᱱ ᱾ ᱱᱚᱣᱟ ᱠᱚᱫᱚ ᱥᱟᱱᱛᱟᱲᱤ ᱫᱷᱚᱨᱚᱢ ᱟᱨ ᱞᱟ.ᱭ ᱞᱟᱠᱪᱟᱨ ᱪᱮᱛᱟᱱ ᱨᱮ ᱚᱞ-ᱛᱚᱞ ᱢᱮᱱᱟᱜ-ᱟ ᱾ ᱱᱚᱣᱟ ᱠᱚᱫᱚ ᱥᱮᱨᱢᱟ ᱑᱙᱘᱕, ᱑᱙᱙᱓, ᱑᱙᱙᱕ ᱟᱨ ᱒᱐᱐᱗ ᱥᱟᱞᱮ ᱨᱮᱭᱟᱜ ᱛᱷᱟᱨ ᱮᱞ ᱞᱮᱠᱟᱛᱮ ᱯᱟᱨᱥᱟᱞ ᱟᱠᱟᱱᱟ ᱾ ᱱᱚᱣᱟ ᱠᱚ ᱢᱩᱫᱽ ᱨᱮ ᱢᱟᱨᱟᱝ ᱵᱳᱨᱳ ᱚᱦᱬᱮ ᱫᱚ UPSC ᱦᱚᱛᱮᱛᱮ ᱥᱤᱵᱤᱞ ᱥᱟᱨᱵᱤᱥ ᱵᱤᱱᱤᱰ ᱨᱮᱭᱟᱜ ᱥᱤᱞᱟᱵᱚᱥ ᱞᱮᱠᱟᱛᱮ ᱴᱷᱟ.ᱣᱠᱟ. ᱟᱠᱟᱱᱟ ᱾

ᱯᱚᱛᱚᱵ ᱯᱩᱛᱷᱤ ᱠᱚ ᱚᱞ-ᱛᱚᱞ ᱪᱮᱛᱟᱱ ᱨᱮ ᱟᱡᱟᱜ ᱠᱩᱨᱩᱢᱩᱴᱩ ᱫᱚ ᱟ.ᱰᱤ ᱵᱟ.ᱲᱛᱤ ᱜᱮᱭᱟ ᱾ ᱯᱚᱛᱚᱵ ᱯᱩᱛᱷᱤ ᱠᱚ ᱢᱩᱫᱽ ᱨᱮ English Dictionary (᱑᱐᱐᱔), ᱟ.ᱲᱟ. ᱯᱟ.ᱨᱤᱭᱟᱺ (᱒᱐᱐᱘), ᱟᱨ word book entitled ESB Book (᱒᱐᱐᱓) ᱾ ᱟᱡᱟᱜ ᱮᱱᱮᱢ ᱠᱚ ᱛᱟᱞᱟ ᱨᱮ ᱮᱭᱟᱭ ᱜᱚᱴᱟᱝ ᱫᱚ ᱪᱤᱠᱤ ᱟᱨ ᱯᱟ.ᱨᱥᱤ ᱪᱮᱛᱟᱱ ᱨᱮ, ᱛᱩᱨᱩᱭ ᱜᱚᱴᱟᱝ ᱫᱚ ᱞᱟᱠᱪᱟᱨᱤᱭᱟ. ᱥᱮᱨᱮᱧ ᱨᱮᱭᱟᱜ ᱛᱩᱢᱟ.ᱞ ᱾ ᱟᱡᱟᱜ ᱥᱟᱛᱟᱢ ᱠᱚᱫᱚ ᱟ.ᱰᱤᱜᱟᱱ ᱯᱟᱛᱷᱟᱢ ᱠᱚᱨᱮ ᱦᱚᱸ ᱪᱷᱟᱯᱟ ᱯᱟᱨᱥᱟᱞ ᱟᱠᱟᱱᱟ ᱾ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ, ᱥᱤᱸᱜᱟ.ᱲ ᱥᱟᱠᱚᱣᱟ, ᱠᱤᱭᱟ. ᱥᱤᱸᱫᱩᱨ, ᱞᱩᱜᱩ ᱞᱩᱢᱟ.ᱝ, ᱛᱤᱛᱨᱤ, ᱟᱠᱟᱞ, ᱛᱟᱨᱟᱥ, ᱡᱷᱟᱲᱜᱨᱟᱢ ᱵᱟᱨᱛᱟ ᱮᱢᱟᱱ ᱾ ᱚᱱᱚᱞᱤᱭᱟ. ᱥᱟᱶ ᱥᱟᱶ ᱛᱮ ᱩᱱᱤ ᱫᱚ ᱢᱤᱫ ᱱᱟᱯᱟᱭ ᱥᱮᱨᱮᱧ ᱜᱟᱵᱱᱤᱭᱟ. ᱟᱨ ᱥᱮᱨᱮᱧᱤᱭᱟ. ᱦᱚᱸ ᱠᱟᱱᱟᱭ ᱟᱨ ᱟᱡᱟᱜ ᱥᱮᱨᱮᱧ ᱟ.ᱰᱤ ᱜᱟᱱ ᱜᱟᱭᱟᱱ ᱠᱚᱨᱮ ᱦᱚᱸ ᱴᱷᱟᱶ ᱮ ᱧᱟᱢ ᱟᱠᱟᱫ-ᱟ ᱾

ᱥᱤᱨᱯᱷᱟ.

ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟ. ᱜᱟᱶᱛᱟ ᱟᱨ ᱟ.ᱫᱤᱵᱟ.ᱥᱤ ᱥᱟᱶᱛᱟ ᱥᱮᱪᱮᱫ ᱞᱟᱠᱪᱟᱨ ᱥᱮᱢᱞᱮᱫ ᱠᱷᱚᱱ ᱦᱚᱸ ᱠᱟ.ᱱᱟ.ᱭᱞᱟᱞ ᱴᱩᱰᱩ ᱜᱚᱢᱠᱮ ᱫᱚ ᱟᱡᱟᱜ ᱫᱟᱢᱟᱱ ᱥᱟᱶᱦᱮᱫ ᱮᱱᱮᱢ ᱠᱷᱟ.ᱛᱤᱨ ᱥᱮᱨᱢᱟ ᱑᱙᱙᱖ ᱟᱨ ᱒᱐᱐᱖ ᱥᱟᱞᱮᱨᱮ ᱢᱟ.ᱱ ᱥᱟᱨᱦᱟᱣ ᱟᱠᱟᱱᱟᱭ ᱾ ᱟᱨ ᱦᱚᱸ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟ. ᱜᱟᱶᱛᱟ ᱯᱟᱦᱴᱟ ᱠᱷᱚᱱ ᱯᱚᱸᱰᱤᱛ ᱨᱚᱜᱷᱩᱱᱟᱛᱷ ᱢᱩᱨᱢᱩ ᱪᱮᱞᱟ ᱞᱮᱠᱟ ᱛᱮᱦᱚᱸ ᱒᱐᱐᱔ ᱥᱟᱞᱮᱨᱮ ᱵᱷᱩᱵᱽᱱᱮᱥᱚᱨ ᱨᱮᱭ ᱢᱟ.ᱱ ᱦᱟᱞᱟᱝ ᱟᱠᱟᱱᱟ ᱾ ᱱᱩᱭ ᱫᱚ member of Santali Advisory Board of Sahitya Akademi, New Delhi ᱦᱚᱸᱭ ᱛᱟᱦᱮᱸ ᱟᱠᱟᱱᱟ ᱾

ᱟᱡᱟᱜ ᱯᱩᱛᱷᱤ ᱠᱚ

• ᱥᱮᱨᱮᱧ ᱠᱚ ᱺ-

᱑. ᱟ.ᱠᱤᱞ ᱢᱟᱨᱥᱟᱞ (ᱫᱚᱝ ᱟᱨ ᱞᱟᱜᱽᱬᱮ) - ᱑᱙᱙᱓

᱒. ᱚᱞ ᱥᱟᱨᱦᱟᱣ (ᱫᱚᱝ, ᱞᱟᱜᱽᱬᱮ ᱟᱨ ᱫᱟᱥᱟᱸᱭ) - ᱑᱙᱘᱑ ᱾

᱓. ᱢᱟᱛᱠᱩ ᱦᱟᱯᱟ - ᱑᱙᱘᱖ ᱾

᱔. ᱵᱟᱞᱮ ᱟᱲᱟᱝ - ᱑᱙᱙᱓ ᱾

᱕. ᱥᱮᱨᱮᱧ ᱟᱲᱟᱝ (ᱫᱚᱝ ᱟᱨ ᱞᱟᱜᱽᱬᱮ) - ᱑᱙᱙᱔ ᱾

᱖. ᱥᱮᱨᱮᱧ ᱟᱲᱟᱝ (ᱯᱟᱛᱟ) - ᱑᱙᱙᱖ ᱾

• ᱪᱤᱠᱤ ᱟᱨ ᱯᱟ.ᱨᱥᱤ ᱥᱮᱪᱮᱫ ᱪᱮᱛᱟᱱ ᱨᱮ

᱑. ᱥᱟᱱᱛᱟᱲᱤ ᱚᱞ ᱪᱮᱢᱮᱫ - ᱑᱙᱗᱗ ᱾

᱒. ᱚᱞ ᱪᱤᱱᱦᱟ.ᱣ - ᱑᱙᱘᱐ ᱾

᱓. ᱚᱞ ᱯᱟᱲᱦᱟᱣ - ᱑᱙᱘᱐ ᱾

᱔. ᱥᱟᱱᱛᱟᱲᱤ ᱟᱲᱟᱝ ᱟᱨ ᱚᱞ ᱪᱮᱢᱮᱫ - ᱑᱙᱙᱖ ᱾

᱕. ᱠᱩᱫᱩᱢ ᱯᱟᱜ - ᱒᱐᱐᱔ ᱾

᱖. ᱤᱸᱜᱽᱨᱟ.ᱡᱤ ᱚᱞ ᱪᱮᱢᱮᱫ - ᱒᱐᱐᱖ ᱾

᱗. ᱵᱚᱸᱜᱟ ᱟᱲᱟᱝ ᱚᱞ ᱪᱮᱢᱮᱫ - ᱒᱐᱐᱗ ᱾

• ᱚᱱᱚᱞ ᱺ-

᱑. ᱢᱟᱨᱟᱝ ᱵᱳᱨᱳ ᱵᱤᱱᱛᱤ - ᱑᱙᱘᱕ ᱾

᱒. ᱡᱚᱢᱥᱤᱢ ᱵᱤᱱᱛᱤ - ᱑᱙᱙᱓ ᱾

᱓. ᱠᱟᱨᱟᱢ ᱵᱤᱱᱛᱤ - ᱑᱙᱙᱕ ᱾

• ᱚᱱᱚᱬᱦᱮ ᱺ-

᱑. ᱢᱟᱨᱟᱝ ᱵᱳᱨᱳ ᱚᱬᱦᱮ - ᱒᱐᱐᱗ ᱾

᱒. ᱵᱩᱨᱵᱩᱰᱩᱡ - ᱒᱐᱐᱘ ᱾

• Dictionaries :-

1. ESB Word Book - 2003.

2. To-Do English Dictionary (Santali-English) - 2004.

3. Ara Pariyan (Santali-Santali) - 2008.

• ᱱᱟᱜᱟᱢ ᱺ-

᱑. ᱦᱚᱲ ᱦᱩᱞᱥᱟ.ᱭ - ᱑᱙᱙᱓ ᱾

• ᱚᱛᱱᱚ ᱺ-

ᱚᱛ ᱪᱤᱱᱦᱟ.ᱣ - ᱒᱐᱐᱘ ᱾