ᱠᱟᱵᱤᱨᱣᱟᱞᱟ

ᱠᱟᱵᱤᱨᱣᱟᱞᱟ
كبِير والا
ᱠᱟᱵᱤᱨᱣᱟᱞᱟ; كبِير والا
ᱥᱚᱦᱚᱨ
	ᱭᱳᱫᱷᱟ-ᱥᱟᱱᱛ ᱠᱷᱚᱞᱤᱫᱽ ᱣᱟᱞᱤᱫᱟᱜ ᱑᱒ ᱟᱱᱟᱜ ᱥᱟᱭ ᱥᱮᱨᱢᱟ ᱨᱮᱱᱟᱜ ᱢᱚᱱᱫᱤᱨ ᱫᱚ ᱠᱟᱵᱤᱨᱣᱟᱞᱟ ᱥᱩᱨ ᱨᱮ ᱢᱮᱱᱟᱜᱼᱟ ᱾
	ᱠᱟᱵᱤᱨᱣᱟᱞᱟ
	Coordinates: 30°12′N 70°26′E / 30.20°N 70.43°ECoordinates: 30°12′N 70°26′E / 30.20°N 70.43°E
ᱫᱤᱥᱚᱢ	ᱯᱟᱠᱤᱥᱛᱟᱱ
ᱯᱨᱚᱫᱮᱥ	ᱯᱟᱧᱡᱟᱵᱽ
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱒᱓)
• ᱞᱮᱠᱷᱟᱜᱩᱴ	᱙᱑,᱙᱓᱒
	PST (ᱭᱩᱴᱤᱥᱤ+᱐᱕:᱐᱐)
ᱭᱩᱱᱤᱭᱚᱱ ᱠᱚᱣᱩᱱᱥᱤᱞ ᱨᱮᱱᱟᱜ ᱮᱞ ᱠᱚ	᱒

ᱠᱟᱵᱤᱨᱣᱟᱞᱟ (ᱩᱨᱫᱩ:کبِیروالا, ᱯᱟᱧᱡᱟᱵᱤ كبِير والا), ᱫᱚ ᱯᱟᱠᱤᱥᱛᱟᱱ ᱨᱮᱱᱟᱜ ᱯᱟᱧᱡᱟᱵᱽ ᱯᱨᱚᱫᱮᱥ ᱨᱮᱱᱟᱜ ᱠᱷᱟᱱᱮᱣᱟᱞ ᱦᱚᱱᱚᱛ ᱨᱮᱱᱟᱜ ᱢᱤᱫ ᱥᱚᱦᱚᱨ ᱠᱟᱱᱟ ᱾ ᱱᱚᱣᱟ ᱥᱚᱦᱚᱨ ᱫᱚ ᱠᱟᱵᱤᱨᱣᱟᱞᱟ ᱴᱚᱴᱷᱟ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱠᱟᱱᱟ, ᱡᱟᱦᱟᱸ ᱫᱚ ᱠᱷᱟᱱᱮᱣᱟᱞ ᱦᱚᱱᱚᱛ ᱨᱮᱱᱟᱜ ᱢᱤᱫ ᱥᱟᱥᱚᱱ ᱪᱟᱪᱞᱟᱣ ᱦᱟᱹᱴᱤᱧ ᱠᱟᱱᱟ ᱾^[᱑] ᱠᱟᱵᱤᱨᱣᱟᱞᱟ ᱨᱮ ᱙᱑,᱙᱓᱒ ᱜᱚᱴᱟᱝ ᱦᱚᱲ ᱢᱮᱱᱟᱜ ᱠᱚᱣᱟ ᱾^[᱒] ᱯᱟᱠᱤᱥᱛᱟᱱ ᱨᱮᱱᱟᱜ ᱒᱐᱒᱓ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱠᱟᱵᱤᱨᱣᱟᱞᱟ ᱛᱚᱦᱥᱤᱞ ᱨᱮ ᱑,᱑᱑᱙,᱒᱒᱙ ᱦᱚᱲ ᱢᱮᱱᱟᱜ ᱠᱚᱣᱟ ᱾^[᱓]

ᱴᱷᱟᱶ

ᱠᱟᱵᱤᱨᱣᱟᱞᱟ ᱫᱚ ᱯᱟᱠᱤᱥᱛᱟᱱ ᱨᱮᱱᱟᱜ ᱯᱟᱧᱡᱟᱵᱽ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱨᱮᱱᱟᱜ ᱚᱛᱱᱚᱜ ᱠᱳᱨᱳᱰᱤᱱᱟᱸᱴ ᱫᱚ ᱦᱩᱭᱩᱜ ᱠᱟᱱᱟ ᱓᱐°᱒᱐'᱑᱐" ᱠᱚᱧᱮ, ᱗᱐°᱔᱓'᱓᱐" ᱥᱟᱢᱟᱝ ᱾ ᱱᱚᱣᱟ ᱫᱚ ᱠᱷᱟᱱᱮᱣᱟᱞ ᱦᱚᱱᱚᱛ ᱨᱮᱱᱟᱜ ᱯᱩᱱᱭᱟᱹ ᱛᱚᱦᱥᱤᱞ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾ ᱠᱟᱵᱤᱨᱣᱟᱞᱟ ᱫᱚ ᱢᱩᱞᱛᱟᱱ-ᱡᱷᱟᱝ ᱨᱳᱰ ᱨᱮ ᱦᱚᱱᱚᱛ ᱨᱟᱡᱽᱜᱟᱲ ᱠᱷᱟᱱᱮᱣᱟᱞ ᱠᱷᱚᱱ ᱑᱐ ᱠᱤᱞᱚᱢᱤᱴᱚᱨ ᱠᱚᱧᱮ ᱨᱮ ᱢᱮᱱᱟᱜᱼᱟ ᱾ ᱠᱟᱵᱤᱨᱣᱟᱞᱟ ᱫᱚ ᱢᱩᱞᱛᱟᱱ ᱥᱚᱦᱚᱨ ᱠᱷᱚᱱ ᱔᱐ ᱠᱤᱞᱚᱢᱤᱴᱚᱨ ᱠᱚᱧᱮ ᱨᱮ ᱢᱮᱱᱟᱜ ᱢᱤᱫ ᱥᱚᱦᱚᱨ ᱠᱟᱱᱟ ᱾

ᱱᱟᱜᱟᱢ

ᱱᱚᱣᱟ ᱴᱚᱴᱷᱟ ᱨᱮ ᱛᱟᱦᱮᱸᱱ ᱠᱟᱱ ᱵᱟᱵᱟ ᱯᱤᱨ ᱠᱟᱵᱤᱨ ᱟᱜ ᱧᱩᱛᱩᱢ ᱛᱮ ᱱᱚᱣᱟ ᱥᱚᱦᱚᱨ ᱨᱮᱱᱟᱜ ᱧᱩᱛᱩᱢ ᱫᱚ ᱠᱟᱵᱤᱨᱣᱟᱞᱟ ᱧᱩᱛᱩᱢ ᱛᱮ ᱠᱚ ᱫᱚᱦᱚ ᱟᱠᱟᱫᱼᱟ ᱾ ᱫᱚᱦᱲᱟ ᱥᱟᱯᱲᱟᱣ ᱞᱟᱦᱟ ᱨᱮ ᱠᱟᱵᱤᱨᱣᱟᱞᱟ ᱫᱚ ᱢᱩᱞᱛᱟᱱ ᱨᱮᱱᱟᱜ ᱦᱟᱹᱴᱤᱧ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱠᱷᱟᱱᱮᱣᱟᱞ ᱦᱚᱱᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱥᱟᱵᱽᱰᱤᱵᱤᱡᱚᱱ ᱞᱮᱠᱟᱛᱮ ᱵᱮᱱᱟᱣ ᱟᱠᱟᱱᱟ ᱾ ᱥᱤᱨᱟᱭ ᱥᱤᱫᱷᱩ, ᱢᱤᱫ ᱱᱟᱜᱟᱢᱤᱭᱟᱹ ᱥᱚᱦᱚᱨ ᱠᱟᱱᱟ, ᱑᱙᱓᱗ ᱥᱮᱨᱢᱟ ᱢᱟᱬᱟᱝ ᱨᱮ ᱱᱚᱣᱟ ᱦᱚᱱᱚᱛ ᱨᱮᱱᱟᱜ ᱛᱚᱦᱥᱤᱞ ᱦᱮᱰᱠᱩᱣᱟᱴᱚᱨ ᱛᱟᱦᱮᱸ ᱠᱟᱱᱟ ᱾ ᱵᱨᱤᱴᱤᱥ ᱥᱟᱥᱚᱱ ᱚᱠᱛᱚ ᱨᱮ, ᱠᱟᱵᱤᱨᱣᱟᱞᱟ ᱫᱚ ᱯᱟᱧᱡᱟᱵᱽ ᱨᱮᱱᱟᱜ ᱢᱩᱞᱛᱟᱱ ᱦᱚᱱᱚᱛ ᱨᱮᱱᱟᱜ ᱥᱟᱱᱟᱢ ᱠᱷᱚᱱ ᱠᱚᱧᱮ ᱛᱚᱦᱥᱤᱞ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱨᱮᱱᱟᱜ ᱥᱤᱢᱟᱹ ᱫᱚ ᱱᱟᱦᱟᱜ ᱠᱷᱚᱱ ᱓᱐°᱕' ᱠᱷᱚᱱ ᱓᱐°᱕' ᱛᱟᱞᱟ ᱨᱮ ᱢᱟᱨᱟᱝ ᱛᱟᱦᱮᱸ ᱠᱟᱱᱟ ᱾ ᱓᱐°᱔᱕'ᱠᱚᱧᱮ ᱟᱨ ᱗᱑°᱓᱕' ᱟᱨ ᱗᱒°᱓᱖' ᱥᱟᱢᱟᱝ, ᱑,᱖᱐᱓ ᱜᱟᱺᱴ ᱢᱤᱞ (᱔,᱑᱕᱐ ᱠᱤᱞᱚᱢᱤᱴᱟᱨ) ᱡᱟᱭᱜᱟ ᱛᱮ ᱴᱚᱯᱟᱨ ᱟᱠᱟᱱᱟ ᱾ ᱑᱙᱐᱑ ᱥᱮᱨᱢᱟ ᱨᱮ ᱱᱚᱸᱰᱮ ᱑᱓᱐,᱕᱐᱗ ᱜᱚᱴᱟᱝ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱑᱘᱙᱑ ᱥᱮᱨᱢᱟ ᱨᱮ ᱱᱚᱸᱰᱮ ᱑᱑᱓,᱔᱑᱒ ᱜᱚᱴᱟᱝ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱛᱚᱵᱮ ᱱᱚᱣᱟ ᱨᱮ ᱓᱒᱐ ᱜᱚᱴᱟᱝ ᱟᱹᱛᱩ ᱢᱮᱱᱟᱜᱼᱟ, ᱚᱱᱟ ᱠᱚ ᱨᱮ ᱛᱩᱞᱟᱢᱵᱟ ᱥᱚᱦᱚᱨ (᱑᱙᱐᱑ - ᱒᱕᱒᱖ ᱨᱮ ᱦᱚᱲ ᱮᱞ) ᱟᱨ ᱦᱮᱰᱠᱩᱣᱟᱴᱚᱨ ᱠᱟᱵᱤᱨᱣᱟᱞᱟ ᱦᱚᱸ ᱢᱮᱱᱟᱜᱼᱟ ᱾ ᱑᱙᱑᱓-᱑᱙᱔᱔ ᱨᱮ ᱵᱷᱩ-ᱨᱟᱡᱚᱥᱵᱷᱩ ᱟᱨ ᱥᱩᱯᱚᱠᱥᱟᱨ ᱨᱮᱱᱟᱜ ᱛᱷᱚᱠ ᱫᱚ ᱕᱒᱐,᱐᱐᱐ ᱛᱟᱦᱮᱸ ᱠᱟᱱᱟ ᱾ ᱨᱚᱵᱤ ᱫᱚ ᱛᱚᱦᱥᱤᱞ ᱨᱮᱱᱟᱜ ᱠᱚᱧᱮ ᱥᱮᱦᱮᱫ ᱠᱷᱚᱱ ᱦᱮᱡ ᱠᱟᱛᱮ ᱠᱚᱧᱮ-ᱯᱟᱪᱮ ᱫᱷᱟᱨᱮ ᱨᱮ ᱪᱤᱱᱟᱵᱽ ᱥᱟᱶ ᱟᱡᱟᱜ ᱡᱚᱸᱠᱥᱚᱱ ᱫᱷᱟᱹᱨᱤᱡ ᱪᱟᱞᱟᱜᱼᱟ ᱾ ᱠᱚᱧᱮ ᱟᱨ ᱯᱟᱪᱮ ᱥᱮᱦᱮᱫ ᱨᱮ ᱥᱤᱸᱫᱽᱱᱟᱭ ᱠᱮᱱᱟᱞ ᱛᱮ ᱫᱟᱜ ᱮᱢ ᱞᱮᱱᱟ, ᱮᱱᱠᱷᱟᱱ ᱮᱛᱚᱢ ᱨᱮ ᱵᱚᱸᱡᱚᱨ ᱡᱟᱭᱜᱟ ᱵᱟᱨᱭᱟ ᱵᱤᱨ ᱛᱟᱦᱮᱸ ᱠᱟᱱᱟ ᱾

ᱵᱨᱤᱴᱤᱥ ᱥᱟᱥᱚᱱ ᱚᱠᱛᱚ ᱨᱮ ᱱᱚᱣᱟ ᱫᱚ ᱢᱩᱞᱛᱟᱱ ᱦᱚᱱᱚᱛ ᱨᱮᱱᱟᱜ ᱢᱤᱫ ᱥᱟᱵᱽ-ᱰᱤᱵᱤᱡᱚᱱ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱟᱨ ᱱᱚᱣᱟ ᱨᱮᱱᱟᱜ ᱥᱮᱨᱢᱟᱠᱤᱭᱟᱹ ᱦᱟᱥᱟ ᱫᱚ ᱕ ᱞᱟᱠᱷ ᱴᱟᱠᱟ ᱠᱷᱚᱱ ᱦᱚᱸ ᱰᱷᱮᱨ ᱛᱟᱦᱮᱸ ᱠᱟᱱᱟ ᱾

ᱫᱷᱚᱨᱚᱢ ᱟᱨ ᱟᱹᱨᱤᱪᱟᱹᱞᱤ

ᱠᱟᱵᱤᱨᱣᱟᱞᱟ ᱴᱚᱴᱷᱟ ᱫᱚ ᱟᱹᱰᱤ ᱞᱮᱠᱟᱱ ᱫᱷᱚᱨᱚᱢ ᱟᱨ ᱟᱹᱨᱤᱪᱟᱹᱞᱤ ᱨᱮᱱᱟᱜ ᱴᱚᱴᱷᱟ ᱠᱟᱱᱟ ᱾ ᱱᱚᱰᱮ ᱢᱩᱥᱞᱤᱢ ᱥᱩᱯᱷᱤ ᱥᱟᱱᱛ ᱠᱚᱣᱟᱜ ᱢᱩᱴᱷᱟᱹᱱ ᱥᱟᱶᱛᱮ ᱦᱤᱱᱫᱩ ᱫᱷᱚᱨᱚᱢ ᱯᱟᱥᱱᱟᱣ ᱴᱚᱴᱷᱟ ᱦᱚᱸ ᱢᱮᱱᱟᱜᱼᱟ ᱾ ᱠᱟᱵᱤᱨᱣᱟᱞᱟ ᱥᱚᱦᱚᱨ ᱫᱚ ᱵᱟᱵᱟ ᱯᱤᱨ ᱠᱟᱵᱤᱨ ᱟᱜ ᱴᱷᱟᱶ ᱠᱟᱱᱟ ᱾^[᱔] ᱠᱟᱵᱤᱨᱣᱟᱞᱟ ᱥᱚᱦᱚᱨ ᱠᱷᱚᱱ ᱒᱔ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱢᱩᱞᱛᱟᱱ - ᱥᱤᱨᱟᱭ ᱥᱤᱫᱷᱩ ᱨᱳᱰ ᱫᱷᱟᱨᱮ ᱨᱮ ᱢᱮᱱᱟᱜᱼᱟ ᱾ ᱥᱟᱱᱛ ᱟᱵᱽᱫᱩᱞ ᱦᱟᱠᱤᱢ ᱟᱜ ᱢᱩᱴᱷᱟᱹᱱ ᱫᱚ ᱱᱚᱣᱟ ᱴᱚᱴᱷᱟ ᱨᱮ ᱜᱮ ᱢᱮᱱᱟᱜᱼᱟ ᱾ ᱥᱟᱱᱛ ᱟᱞᱤ ᱥᱮᱨ ᱵᱷᱩᱴᱴᱟ ᱱᱚᱠᱥᱵᱟᱱᱫᱤ ᱟᱜ ᱢᱩᱴᱷᱟᱹᱱ ᱦᱚᱸ ᱱᱚᱣᱟ ᱥᱚᱦᱚᱨ ᱨᱮ ᱢᱮᱱᱟᱜᱼᱟ ᱾ ᱢᱚᱠᱵᱟᱨᱟ ᱫᱚ ᱱᱮᱛᱟᱨ ᱜᱮ ᱵᱮᱱᱟᱣ ᱟᱠᱟᱱᱟ ᱟᱨ ᱱᱚᱣᱟ ᱫᱚ ᱱᱚᱣᱟ ᱴᱷᱟᱶ ᱨᱮ ᱵᱮᱱᱟᱣ ᱟᱠᱟᱱᱟ ᱡᱟᱦᱟᱸ ᱨᱮ ᱟᱞᱤ ᱥᱮᱨ ᱫᱚ ᱟᱡᱟᱜ ᱥᱮᱞᱮᱫᱤᱭᱟᱹ ᱠᱚ ᱥᱟᱶ ᱧᱟᱯᱟᱢᱚᱜ ᱠᱟᱱ ᱛᱟᱦᱮᱸᱫ ᱟᱨ ᱟᱹᱛᱩ ᱨᱤᱱ ᱦᱚᱲ ᱠᱚ ᱟᱨ ᱥᱟᱺᱜᱤᱧ ᱨᱤᱱ ᱦᱚᱲ ᱠᱚ ᱵᱟᱱᱟᱨᱟᱜ ᱜᱚᱲᱚᱭ ᱮᱢᱚᱜ ᱠᱟᱱ ᱛᱟᱦᱮᱸᱫ ᱾

ᱠᱟᱵᱤᱨᱣᱟᱞᱟ ᱥᱚᱦᱚᱨ ᱫᱚ ᱡᱚᱛᱚ ᱠᱷᱚᱱ ᱢᱟᱨᱟᱝ ᱥᱤᱭᱟ ᱥᱟᱶᱛᱟ ᱠᱚᱣᱟᱜ ᱛᱟᱞᱢᱟ ᱦᱚᱸ ᱠᱟᱱᱟ, ᱡᱟᱦᱟᱸ ᱨᱮ ᱗᱙% ᱠᱷᱚᱱ ᱵᱟᱹᱲᱛᱤ ᱦᱚᱲ ᱫᱚ ᱥᱤᱭᱟ ᱢᱩᱥᱞᱤᱢ ᱠᱟᱱᱟ ᱠᱚ ᱾ ᱢᱮᱱᱠᱷᱟᱱ, ᱠᱟᱵᱤᱨᱣᱟᱞᱟ ᱨᱮ ᱥᱩᱱᱱᱤ (ᱫᱮᱣᱵᱚᱱᱫᱤ, ᱵᱨᱟᱞᱮᱵᱤᱥ) ᱟᱨ ᱟᱦᱟᱞ-ᱮ-ᱦᱟᱫᱤᱥ ᱦᱚᱸ ᱢᱩᱥᱞᱤᱢ ᱥᱟᱶᱛᱟ ᱠᱚᱣᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱾

ᱤᱥᱞᱟᱢᱤ ᱥᱮᱪᱮᱫ ᱨᱮᱱᱟᱜ ᱛᱟᱞᱢᱟ ᱪᱷᱟᱰᱟ ᱠᱟᱛᱮ ᱠᱟᱵᱤᱨᱣᱟᱞᱟ ᱨᱮ ᱨᱟᱵᱤ ᱜᱟᱰᱟ ᱫᱷᱟᱨᱮ ᱨᱮ ᱵᱟᱨᱭᱟ ᱦᱤᱱᱫᱩ ᱥᱚᱢᱥᱟᱱ ᱜᱷᱟᱴ (ᱦᱤᱱᱫᱩ ᱜᱚᱡ ᱦᱚᱲ ᱥᱟᱸᱜᱷᱟᱨ ᱨᱮᱱᱟᱜ ᱴᱷᱟᱶ), ᱨᱟᱢ ᱪᱷᱳᱛᱨᱟ ᱟᱨ ᱞᱚᱪᱷᱢᱚᱱ ᱪᱷᱳᱛᱨᱟ ᱦᱚᱸ ᱢᱮᱱᱟᱜᱼᱟ ᱾ ᱠᱟᱵᱤᱨᱣᱟᱞᱟ ᱨᱮᱱᱟᱜ ᱢᱤᱫᱴᱟᱹᱝ ᱥᱚᱦᱚᱨ ᱥᱤᱨᱟᱭ ᱥᱤᱫᱷᱩ ᱨᱮ ᱢᱤᱫᱴᱟᱹᱝ ᱢᱚᱱᱫᱤᱨ (ᱦᱤᱱᱫᱩ ᱢᱚᱱᱫᱤᱨ) ᱢᱮᱱᱟᱜᱼᱟ ᱾ ᱱᱚᱝᱠᱟ ᱜᱮ, ᱯᱩᱭᱞᱩ ᱯᱟᱛᱟᱥᱟᱦᱤ ᱧᱩᱛᱩᱢᱟᱱ ᱥᱤᱠᱷ ᱜᱩᱨᱩᱫᱣᱟᱨᱟ ᱫᱚ ᱠᱟᱵᱤᱨᱵᱟᱞᱟ ᱠᱷᱚᱱ ᱑᱒ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱚᱠᱷᱫᱩᱢᱯᱩᱨ ᱡᱚᱜᱚ-ᱱᱚᱜᱚᱨ ᱨᱮ ᱢᱮᱱᱟᱜᱼᱟ ᱾

ᱯᱨᱚᱰᱚᱠᱥᱚᱱ, ᱯᱨᱚᱥᱮᱥᱤᱝ ᱟᱨ ᱵᱮᱯᱟᱨ

ᱱᱮᱥᱞᱮ ᱫᱚ ᱑᱙᱙᱐ ᱥᱮᱨᱢᱟ ᱨᱮ ᱠᱟᱵᱤᱨᱣᱟᱞᱟ ᱰᱮᱭᱨᱤ ᱞᱤᱢᱤᱴᱮᱰ ᱠᱤᱨᱤᱧ ᱠᱟᱛᱮ ᱱᱚᱣᱟ ᱰᱟᱦᱟᱨ ᱨᱮ ᱟᱠᱚᱣᱟᱜ ᱢᱟᱨᱟᱝ ᱮᱥᱤᱭᱟᱱ ᱛᱳᱣᱟ ᱯᱨᱚᱥᱮᱥᱤᱝ ᱯᱞᱟᱱᱴ ᱞᱟᱹᱜᱤᱫ ᱠᱟᱵᱤᱨᱣᱟᱞᱟ ᱵᱟᱪᱷᱟᱣ ᱠᱮᱫᱟ ᱾ ᱠᱷᱚᱵᱚᱨ ᱞᱮᱠᱟᱛᱮ, ᱱᱚᱣᱟ ᱯᱞᱟᱱᱴ ᱨᱮ ᱫᱤᱱᱟᱹᱢ ᱵᱟᱨ ᱢᱤᱞᱤᱭᱚᱱ ᱞᱤᱴᱟᱨ ᱛᱳᱣᱟ ᱯᱨᱚᱥᱮᱥᱤᱝ ᱫᱟᱲᱮ ᱢᱮᱱᱟᱜᱼᱟ, ᱥᱩᱨ ᱟᱜᱟᱢ ᱨᱮ ᱱᱚᱣᱟ ᱯᱮ ᱢᱤᱞᱤᱭᱚᱱ ᱫᱷᱟᱹᱨᱤᱡ ᱵᱟᱹᱲᱛᱤ ᱦᱩᱭᱩᱜᱼᱟ ᱾ ᱱᱮᱥᱞᱮ ᱫᱚ ᱯᱟᱧᱡᱟᱵᱽ ᱯᱨᱚᱫᱮᱥ ᱨᱮ ᱯᱟᱥᱱᱟᱣ ᱟᱠᱟᱱ ᱛᱳᱣᱟ ᱡᱟᱣᱨᱟ ᱠᱷᱚᱱ ᱟᱡᱟᱜ ᱱᱮᱴᱣᱟᱨᱠ ᱦᱚᱛᱮᱛᱮ ᱑᱔᱐,᱐᱐ ᱠᱷᱚᱱ ᱵᱟᱹᱲᱛᱤ ᱰᱟᱭᱨᱤ ᱪᱟᱹᱥᱤ ᱴᱷᱮᱱ ᱠᱷᱚᱱ ᱛᱳᱣᱟ ᱡᱟᱣᱨᱟᱜ ᱠᱟᱱᱟ ᱾

ᱥᱟᱹᱠᱷᱭᱟᱹᱛ

↑ Tehsils & Unions in the District of Khanewal Archived ᱗ ᱚᱜᱚᱥᱴ ᱒᱐᱑᱑ at the Wayback Machine. National Reconstruction Bureau, Government of Pakistan
↑ "Kabīrwāla (Khanewal, Punjab, Pakistan) - Population Statistics, Charts, Map, Location, Weather and Web Information". www.citypopulation.de. Retrieved 2024-09-05.
↑ "Kabirwala (Tehsil, Pakistan) - Population Statistics, Charts, Map and Location". www.citypopulation.de. Retrieved 2024-09-05.
↑ "Baba Pir Kabir ( Great Saint) by Sohail Anjum (Kabir Wala)". wikimapia. Retrieved 9 February 2011.

[1] Tehsils & Unions in the District of Khanewal Archived ᱗ ᱚᱜᱚᱥᱴ ᱒᱐᱑᱑ at the Wayback Machine. National Reconstruction Bureau, Government of Pakistan

[2] "Kabīrwāla (Khanewal, Punjab, Pakistan) - Population Statistics, Charts, Map, Location, Weather and Web Information". www.citypopulation.de. Retrieved 2024-09-05.

[3] "Kabirwala (Tehsil, Pakistan) - Population Statistics, Charts, Map and Location". www.citypopulation.de. Retrieved 2024-09-05.

[4] "Baba Pir Kabir ( Great Saint) by Sohail Anjum (Kabir Wala)". wikimapia. Retrieved 9 February 2011.

[᱑]

[᱒]

[᱓]

[᱔]