ᱠᱩᱝ ᱯᱷᱩ
"ᱠᱩᱝ ᱯᱷᱩ" ᱫᱚ ᱛᱩᱯᱩᱫ ᱨᱮᱭᱟᱜ ᱢᱤᱫ ᱠᱟᱭᱫᱟ ᱠᱟᱱᱟ᱾ ᱠᱩᱝ ᱯᱷᱩ ᱫᱚ ᱪᱟᱤᱱᱟ ᱟᱹᱲᱟᱹ ᱠᱟᱱᱟ ᱾ ᱚᱱᱟ ᱫᱤᱥᱚᱢ ᱨᱮᱭᱟᱜ ᱛᱩᱯᱩᱫ ᱠᱟᱭᱫᱟ ᱠᱩᱝ ᱯᱷᱩ ᱧᱩᱛᱩᱢ ᱛᱮ ᱡᱮᱜᱮᱛ ᱡᱟᱠᱟᱛ ᱨᱮ ᱧᱩᱛᱩᱢ ᱮ ᱟᱨᱡᱟᱣ ᱟᱠᱟᱫᱼᱟ᱾ ᱱᱚᱣᱟ ᱫᱚ ᱠᱮᱴᱮᱡ ᱠᱟᱹᱢᱤ ᱛᱮ ᱪᱩᱯᱩᱫ ᱟᱠᱟᱱ ᱥᱮᱴᱮᱨ ᱮ ᱟᱹᱭᱠᱟᱹᱣᱟ ᱾
ᱠᱩᱝ ᱯᱷᱩ ᱫᱚ ᱠᱷᱟᱞᱤ ᱛᱩᱯᱩᱫ ᱠᱟᱭᱫᱟ ᱫᱚ ᱵᱟᱭ ᱟᱹᱭᱠᱟᱹᱣᱟ ᱾ ᱱᱚᱣᱟ ᱢᱤᱫ ᱦᱚᱲᱟᱜ ᱛᱟᱹᱞᱤᱢ ᱰᱟᱦᱟᱨ ᱮ ᱟᱹᱭᱠᱟᱹᱣᱟ ᱾ ᱛᱟᱹᱞᱤᱢ ᱞᱟᱭ ᱠᱷᱟᱱᱫᱚ ᱦᱚᱲᱢᱚᱟᱱ ᱟᱨ ᱦᱟᱛᱟᱝᱟᱱ ᱞᱮᱠᱟᱛᱮ ᱫᱟᱲᱮᱟᱱ ᱦᱩᱭᱩᱜ ᱟᱨ ᱢᱤᱫ ᱠᱟᱭᱫᱟ ᱪᱮᱫ ᱟᱨ ᱞᱟᱦᱟᱸᱛᱤ ᱠᱚᱨᱟᱣ ᱾ ᱱᱚᱣᱟ ᱡᱷᱟᱹᱞ ᱚᱠᱛᱚ ᱚᱵᱷᱭᱟᱥ ᱟᱨ ᱠᱩᱨᱩᱢᱩ ᱛᱮ ᱟᱨᱡᱟᱣ ᱠᱟᱭᱫᱟ ᱠᱟᱱᱟ᱾
ᱦᱚᱲᱨᱚᱲ ᱛᱮᱫᱚ ᱱᱚᱣᱟ ᱫᱚ ᱥᱟᱫᱷᱟᱨᱚᱬ ᱫᱤᱱᱟᱹᱢ ᱠᱟᱹᱢᱤ ᱢᱮᱱᱫᱚ ᱪᱚᱸᱫᱟ ᱟᱨ ᱚᱚᱞ ᱰᱷᱚᱝ ᱞᱮᱠᱟᱱ ᱠᱟᱹᱢᱤ ᱨᱮ ᱨᱚᱭᱟᱸ ᱮ ᱟᱹᱭᱠᱟᱹᱣ ᱫᱟᱲᱮᱜᱼᱟ ᱾ ᱱᱚᱣᱟ ᱨᱮᱭᱟᱜ ᱢᱟᱱᱮ ᱫᱚ ᱢᱤᱫ ᱦᱚᱲ ᱢᱤᱫ ᱥᱠᱤᱞ(skill) ᱦᱟᱥᱚᱞ ᱞᱟᱹᱜᱤᱫ ᱥᱨᱩᱝᱠᱷᱚᱞᱟ ᱛᱮ ᱠᱟᱹᱢᱤ ᱟᱠᱟᱫᱼᱟ ᱾ ᱚᱱᱟᱛᱮ ᱦᱚᱲ ᱨᱚᱲ ᱨᱮ ᱱᱚᱣᱟ ᱱᱩᱭ ᱟᱹᱲᱟᱹ ᱨᱮᱭᱟᱜ ᱯᱷᱮᱰᱟᱛ ᱢᱮᱱᱮᱛ ᱠᱟᱱᱟ ᱾
ᱠᱩᱝ ᱯᱷᱩ ᱫᱚ ᱥᱤᱧᱚᱛ ᱨᱮᱭᱟᱜ ᱠᱟᱹᱞᱨᱤᱯᱟᱹᱭᱟᱹᱴᱴᱩ ᱛᱩᱯᱩᱫ ᱠᱟᱭᱫᱟ ᱠᱷᱚᱱ ᱜᱮ ᱪᱟᱤᱱᱟ ᱫᱤᱥᱚᱢ ᱛᱮ ᱥᱮᱱ ᱟᱠᱟᱱᱟ ᱾ ᱠᱩᱝ ᱯᱷᱩ, ᱠᱟᱨᱟᱴᱮ, ᱛᱟᱭᱠᱚᱸᱰ ᱞᱮᱠᱟᱱ ᱛᱩᱯᱩᱫ ᱠᱟᱭᱫᱟ ᱠᱚᱫᱚ ᱠᱟᱹᱞᱨᱤᱯᱟᱹᱭᱟᱹᱴᱴᱩ ᱠᱷᱚᱱ ᱥᱤᱨᱡᱟᱹᱣ ᱟᱠᱟᱱᱟ ᱾ ᱡᱮᱜᱮᱫ ᱨᱮᱭᱟᱜ ᱴᱷᱟᱶ ᱤᱫᱤ ᱠᱟᱛᱮ ᱱᱚᱣᱟ ᱨᱮᱭᱟᱜ ᱧᱩᱛᱩᱢ ᱦᱚᱸ ᱵᱷᱮᱜᱟᱨ ᱵᱷᱮᱜᱟᱨ ᱜᱮᱭᱟ ᱾
