ᱠᱩᱞᱤ-ᱟᱱᱟ ᱵᱽᱞᱚᱠ

ᱠᱩᱞᱤ-ᱟᱱᱟ (କୁଳିଅଣା/KULIANA) ᱳᱰᱤᱥᱟ ᱯᱚᱱᱚᱛ ᱢᱭᱩᱨᱵᱷᱸᱡᱽ ᱦᱚᱱᱚᱛ ᱨᱮᱱᱟᱜ ᱒᱖ ᱜᱚᱴᱟᱝ[᱑] ᱵᱽᱞᱚᱠ ᱠᱷᱚᱱ ᱢᱤᱫ ᱴᱟᱝ ᱵᱽᱞᱚᱠ ᱦᱩᱭᱩᱜ ᱠᱟᱱᱟ ᱠᱩᱞᱤᱟᱱᱟ ᱾ ᱢᱚᱭᱩᱨᱵᱷᱚᱸᱡᱽ ᱨᱮᱱᱟᱜ ᱨᱮᱱᱟᱜᱼᱟ ᱵᱟᱨᱤᱯᱚᱫᱟ ᱢᱩᱠᱷᱭᱟᱹ ᱥᱚᱫᱚᱨ ᱠᱷᱚᱱ ᱵᱮᱲᱟ ᱨᱟᱠᱟᱵ ᱮᱛᱚᱢ ᱥᱮᱫ ᱑᱗ ᱠᱤᱞᱚᱢᱤᱴᱚᱨ ᱨᱮ ᱠᱩᱞᱤ ᱟᱱᱟ ᱧᱟᱢᱚᱜᱼᱟ ᱾ ᱠᱩᱞᱤ-ᱟᱱᱟ ᱵᱚ ᱟᱨ ᱴᱨᱮᱱ ᱛᱮ ᱥᱮᱴᱮᱨ ᱜᱟᱱᱚᱜᱼᱟ ᱾ ᱡᱟᱢᱥᱮᱫᱯᱩᱨ ᱠᱷᱚᱱ ᱑᱑᱘ ᱠᱤᱞᱚᱢᱤᱴᱚᱨ ᱨᱟᱭᱨᱚᱢᱯᱩᱨ ᱦᱚᱨ ᱛᱮ ᱵᱟᱵᱚᱱ ᱜᱷᱟᱹᱴᱤ ᱠᱷᱚᱱ ᱟᱬᱜᱚ ᱟᱛᱮ ᱵᱟᱺᱜᱨᱤᱯᱩᱥᱤ ᱥᱮᱫ ᱛᱮ ᱦᱮᱡ ᱞᱮᱱ ᱠᱷᱟᱱ ᱠᱚᱲᱟᱵᱟᱹᱰᱤᱭᱟᱹ ᱛᱟᱭᱚᱢ ᱠᱩᱞᱤ-ᱟᱱᱟ ᱧᱟᱢᱚᱜᱼᱟ ᱾ ᱚᱱᱠᱟ ᱜᱮ ᱠᱷᱚᱨᱚᱜᱯᱩᱨ ᱠᱷᱚᱱ ᱔᱙ ᱮᱞ ᱡᱟᱹᱛᱤᱭᱟᱹᱨᱤ ᱨᱟᱡᱽᱦᱚᱨ ᱛᱮ ᱘᱘ ᱠᱤᱞᱚᱢᱤᱴᱚᱨ ᱵᱚᱦᱚᱲᱟᱜᱩᱰᱟᱹ ᱥᱮᱫ ᱛᱮ ᱑᱘ ᱮᱞ ᱡᱟᱹᱛᱤᱭᱟᱹᱨᱤ ᱨᱟᱡᱽ ᱦᱚᱨ ᱞᱮᱵᱫᱽ ᱟᱛᱮᱫ ᱡᱷᱟᱨᱯᱳᱠᱷᱚᱨᱤᱭᱟᱹ (ᱵᱚᱢᱵᱮ ᱪᱷᱚᱠ), ᱵᱩᱰᱟᱹᱢᱚᱨᱟ ᱠᱚᱲᱟᱵᱟᱰᱤᱭᱟ ᱛᱟᱭᱚᱢ ᱠᱩᱞᱤ-ᱟᱱᱟ ᱧᱟᱢᱚᱜᱼᱟ ᱾

ᱥᱤᱢᱟᱹ ᱥᱟᱯᱲᱟᱣ

ᱠᱩᱞᱤ-ᱟᱱᱟ ᱵᱽᱞᱚᱠ ᱨᱮᱱᱟᱜ ᱟᱭᱛᱟᱱ ᱦᱩᱭᱩᱜᱠᱟᱱᱟ ᱒᱙᱙ km²[᱒] ᱾ ᱵᱽᱞᱚᱠ ᱨᱮᱱᱟᱜ ᱥᱟᱢᱟᱝ ᱨᱮ ᱥᱩᱲᱤᱭᱟᱹᱯᱚᱫᱚᱟ ᱵᱽᱞᱚᱠ, ᱯᱟᱪᱮ ᱨᱮ ᱵᱟᱺᱨᱤᱯᱩᱥᱤ ᱵᱽᱞᱚᱠ, ᱮᱛᱚᱢ ᱨᱮ ᱥᱟᱨᱚᱥᱠᱚᱬᱟ ᱵᱽᱞᱚᱠ ᱟᱨ ᱵᱮᱸᱜᱚᱞ ᱯᱚᱱᱚᱛ ᱟᱨ ᱠᱚᱧᱮ ᱨᱮ ᱵᱟᱨᱤᱯᱚᱫᱟ ᱟᱨ ᱥᱭᱟᱢᱟᱠᱷᱩᱱᱴᱟ ᱵᱽᱞᱚᱠ ᱢᱮᱱᱟᱜᱼᱟ ᱾ [᱓]

ᱞᱮᱠᱷᱟ ᱠᱚ ᱥᱟᱯᱲᱟᱣ

᱒᱐᱑᱑ ᱨᱮᱱᱟᱜ ᱦᱚᱲ ᱮᱞ ᱞᱮᱠᱟᱛᱮ ᱱᱚᱣᱟ ᱵᱽᱞᱚᱠ ᱨᱮ ᱒᱓᱕ ᱜᱚᱴᱟᱝ ᱟᱹᱛᱩ ᱟᱨ ᱑᱗ ᱜᱚᱴᱟᱝ ᱜᱨᱟᱢᱯᱚᱸᱪᱟᱭᱚᱴ ᱢᱮᱱᱟᱜᱼᱟ ᱾ ᱵᱽᱞᱚᱠ ᱨᱮ ᱒᱓᱙᱓᱕ ᱚᱲᱟᱜ ᱢᱮᱱᱟᱜᱼᱟ ᱾ ᱱᱚᱣᱟ ᱵᱽᱞᱚᱠ ᱨᱮ ᱑,᱐᱑,᱑᱕᱑ ᱦᱚᱲ ᱢᱮᱱᱟᱜ ᱠᱚᱣᱟ ᱚᱱᱟ ᱢᱩᱫ ᱨᱮ ᱠᱚᱲᱟ ᱠᱚ ᱦᱦᱩᱭᱩᱜ ᱠᱟᱱᱟ ᱕᱐᱗᱒᱒ ᱟᱨ ᱠᱩᱲᱤ ᱠᱚ ᱦᱩᱭᱩᱜ ᱠᱟᱱᱟ ᱕᱐᱔᱒᱙ ᱾ ᱱᱚᱰᱮ ᱨᱮᱱ ᱡᱚᱛᱚ ᱵᱟᱹᱥᱤᱸᱫᱟ ᱟᱹᱴᱩ ᱨᱤᱱ ᱠᱟᱱᱟ ᱠᱚ ᱾ [᱒]

ᱟᱹᱢᱟᱹᱞᱤ ᱥᱟᱯᱲᱟᱣ

ᱠᱩᱞᱤ-ᱟᱱᱟ ᱨᱮᱱᱟᱜ ᱴᱚᱦᱚᱥᱤᱞ ᱫᱚ ᱠᱩᱞᱤᱟᱱᱟ ᱨᱮᱜᱮ ᱢᱮᱱᱟᱜᱼᱟ ᱤᱠᱦᱟᱱ ᱱᱚᱣᱟ ᱨᱮᱱᱟᱜ ᱵᱽᱞᱚᱠ ᱚᱯᱷᱤᱥ ᱰᱚ ᱪᱟᱱᱫᱣᱟ ᱨᱮ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱥᱚᱫᱚᱨ ᱠᱩᱞᱤᱟᱱᱟ ᱠᱷᱚᱱ ᱑᱒ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ᱠᱩᱞᱤᱟᱱᱟ ᱛᱚᱦᱚᱥᱤᱞ ᱨᱮ ᱕ ᱜᱚᱴᱟᱝ ᱟᱨ ᱟᱭᱤ ᱢᱚᱱᱰᱚᱲ ᱢᱮᱱᱟᱜᱼᱟ ᱡᱮᱢᱚᱱ ᱰᱩᱢᱩᱨᱰᱤᱦᱟᱹ, ᱜᱮᱱᱰᱟᱯᱳᱠᱷᱨᱤ, ᱠᱩᱪᱮᱭᱤ, ᱠᱩᱞᱤᱟᱱᱟ, ᱪᱟᱱᱫᱣᱟ[᱔]᱾ ᱵᱽᱞᱚᱠ ᱨᱮ ᱵᱟᱨᱭᱟ ᱛᱷᱟᱱ ᱢᱮᱱᱟᱜᱼᱟ ᱢᱤᱫᱴᱟᱝ ᱫᱚ ᱠᱩᱞᱤᱟᱱᱟ ᱨᱮ ᱟᱨ ᱢᱤᱫ ᱫᱚ ᱪᱟᱱᱫᱣᱟ ᱨᱮ[᱕] ᱾ ᱠᱩᱞᱤᱟᱱᱟ ᱨᱮ ᱢᱤᱫ ᱜᱩᱥᱴᱤ ᱰᱟᱠᱛᱚᱨᱠᱦᱟᱱ ᱢᱮᱱᱟᱜᱼᱟ[᱖] ᱚᱱᱟ ᱥᱟᱶ ᱪᱟᱸᱫᱣᱟ, ᱠᱮᱣᱴᱩᱬᱤᱢᱟᱹᱨᱤ, ᱥᱟᱱ ᱥᱟᱨᱚᱥᱯᱚᱥᱤ ᱟᱨ ᱢᱟᱨᱟᱝ ᱛᱟᱺᱰᱤ ᱨᱮ ᱯᱩᱭᱞᱩ ᱛᱤᱠᱪᱷᱟᱹ ᱛᱟᱞᱢᱟ ᱢᱮᱱᱟᱜᱼᱟ[᱗] ᱾ ᱠᱩᱞᱤᱟᱱᱟ ᱨᱮ ᱵᱮᱸᱠ ᱚᱯᱷ ᱤᱱᱰᱤᱭᱟ, ᱯᱚᱱᱡᱟᱵ ᱱᱮᱥᱚᱱᱟᱞ ᱵᱮᱸᱠ ᱟᱨ ᱭᱩᱱᱟᱭᱴᱮᱰ ᱵᱮᱸᱠ ᱚᱯᱷ ᱤᱱᱰᱤᱭᱟ ᱢᱮᱱᱟᱜᱼᱟ (ᱯᱚᱱᱡᱟᱵ ᱱᱮᱥᱱᱟᱞ ᱵᱮᱱᱠ ᱟᱨ ᱭᱩᱱᱟᱭᱴᱮᱰ ᱵᱮᱸᱠ ᱚᱯᱷ ᱤᱱᱰᱤᱭᱟ ᱱᱤᱛᱚᱜ ᱫᱚ ᱢᱮᱥᱟ ᱟᱠᱟᱱᱟ) ᱾

ᱯᱟᱛᱟ ᱯᱟᱨᱟᱵ ᱠᱷᱮᱞᱚᱸᱰ ᱥᱟᱯᱲᱟᱣ

ᱱᱚᱣᱟ ᱵᱚᱞᱚᱠ ᱨᱮᱱᱟᱜ ᱧᱩᱛᱩᱢᱟᱱ ᱠᱷᱮᱞᱚᱸᱰ ᱦᱮᱯᱨᱟᱣ ᱦᱩᱭᱩᱜ ᱠᱟᱱᱟ ᱪᱟᱱᱫᱣᱟ ᱯᱷᱩᱴᱵᱚᱞ ᱠᱦᱮᱞᱚᱸᱰ ᱦᱮᱯᱨᱟᱣ, ᱰᱩᱢᱵᱩᱨᱰᱤᱦᱟᱹ ᱵᱚᱞ ᱠᱷᱮᱞᱚᱱᱰ ᱦᱮᱯᱨᱟᱣ, ᱛᱤᱲᱚᱛᱚᱞᱠᱷᱚ ᱵᱚᱞ ᱦᱮᱯᱨᱟᱣ, ᱠᱩᱠᱩᱱᱰᱤᱭᱟᱹ ᱵᱚᱞ ᱠᱦᱮᱞᱚᱱᱰ ᱦᱮᱯᱨᱟᱣ ᱾

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ

ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ