ᱠᱩᱥᱟ.ᱞ ᱵᱟᱥᱠᱮ

ᱠᱩᱥᱟᱹᱞ ᱪᱚᱱᱫᱽᱨᱚ ᱵᱟᱥᱠᱮ ᱵᱟᱝᱢᱟ ᱠᱩᱥᱟᱹᱞ ᱵᱟᱥᱠᱮ ᱫᱚ ᱢᱤᱫ ᱧᱩᱛᱩᱢᱟᱱ ᱚᱱᱚᱞᱤᱭᱟᱹ,ᱥᱟᱱᱛᱟᱲᱤ ᱯᱟᱹᱨᱥᱤ ᱦᱩᱞᱜᱟᱹᱨᱤᱭᱟᱹ, ᱯᱟᱹᱨᱥᱤ ᱜᱟᱹᱠᱷᱩᱲᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱥᱟᱶᱛᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱞᱟᱲᱟᱣᱱᱟ ᱨᱮ ᱟᱹᱜᱤᱞ ᱟᱨ ᱥᱟᱢᱟᱝ ᱟᱹᱭᱩᱨᱤᱭᱟᱹ ᱞᱮᱠᱟᱛᱮ ᱫᱤᱥᱚᱢ ᱦᱚᱲᱫᱚ ᱯᱟᱹᱨᱥᱤ ᱠᱩᱞ ᱢᱮᱱᱛᱮ ᱦᱚᱸᱠᱚ ᱴᱷᱤᱠᱟᱹ ᱮᱭᱟ᱾ ᱠᱩᱥᱟᱹᱞ ᱵᱟᱥᱠᱮ ᱫᱚ ᱵᱟᱝ ᱦᱟᱹᱴᱤᱧ ᱵᱷᱟᱨᱚᱛ ᱫᱤᱥᱚᱢ ᱨᱮᱭᱟᱜ ᱜᱚᱯᱤᱵᱚᱞᱞᱚᱵᱷᱯᱩᱨ ᱵᱽᱞᱚᱠ ᱨᱮᱱᱟᱜ ᱥᱟᱱᱷᱟᱨᱢᱟᱹᱨᱤ ᱟᱹᱛᱩᱨᱮᱭ ᱡᱟᱱᱟᱢ ᱞᱮᱱᱟ᱾ᱟᱹᱫᱤᱵᱟᱥᱤ ᱥᱟᱶᱛᱟ ᱥᱮᱪᱮᱫ ᱞᱟᱠᱪᱟᱨ ᱥᱮᱢᱞᱮᱫ ᱨᱮᱱ ᱢᱤᱫ ᱧᱩᱛᱩᱢ ᱢᱟᱱ ᱦᱩᱞᱜᱟᱹᱨᱤᱭᱟᱹ ᱥᱚᱱᱟ ᱟᱠᱷᱚᱨ ᱛᱮ ᱚᱞ ᱠᱟᱛᱮ ᱨᱮ ᱦᱚ ᱵᱟᱝ ᱟᱫᱚᱜ ᱟ ᱾ ᱯᱩᱪᱷᱤ ᱵᱟᱝᱞᱟ ᱨᱮᱭᱟᱜ ᱢᱤᱫᱤᱱᱯᱩᱨ ᱡᱤᱞᱟᱹ ᱜᱩᱯᱤᱵᱚᱞᱞᱚᱵ ᱯᱩᱨ ᱛᱷᱟᱱᱟ ᱨᱮ ᱢᱮᱱᱟᱜ ᱥᱚᱱᱦᱟᱨᱤ ᱢᱟᱨᱟ ᱟᱹᱛᱩ ᱨᱮ ᱡᱟᱱᱟᱢ ᱞᱮᱱᱟ  ᱾ ᱠᱩᱥᱟᱹᱞ ᱵᱟᱥᱠᱮ ᱫᱚ ᱑᱙᱔᱓ ᱥᱟᱞ ᱡᱩᱞᱟᱹᱭ ᱪᱟᱸᱫᱚ ᱑᱘ ᱢᱟᱹᱦᱤᱛ ᱦᱤᱞᱚᱜ ᱮ ᱡᱟᱱᱟᱢ ᱞᱮᱱᱟ᱾ ᱵᱟᱵᱟ ᱫᱚ ᱵᱚᱸᱜᱟ ᱛᱟᱞᱟ ᱟᱠᱟᱱ ᱢᱟᱭᱥᱟ ᱵᱟᱥᱠᱮ ᱟᱨ ᱟᱭᱳ ᱫᱚ ᱯᱟᱨᱚ ᱵᱟᱥᱠᱮ. ᱾ ᱠᱩᱥᱟᱹᱞ ᱵᱟᱥᱠᱮ ᱫᱚ ᱟᱰᱤ ᱨᱮᱹᱜᱮᱡ ᱚᱲᱟᱜ ᱨᱮ ᱠᱤᱱ ᱡᱟᱱᱟᱢ ᱞᱮᱱᱟ᱾ ᱡᱟᱱᱟᱢ ᱟᱹᱛᱩ ᱫᱚ ᱢᱤᱫᱤᱱᱯᱩᱨ ᱡᱤᱞᱟᱹ ᱜᱩᱯᱤᱵᱚᱞᱞᱚᱵ ᱯᱩᱨ ᱛᱷᱟᱱᱟ ᱜᱚᱵᱚᱞ ᱨᱮ ᱢᱮᱱᱟᱜ ᱥᱚᱱᱦᱟᱨᱤ ᱢᱟᱨᱟ ᱟᱹᱛᱩ ᱾ ᱰᱟᱠ ᱚᱲᱟᱜ ᱥᱟᱹᱨᱭᱟᱹ ᱾ ᱮᱭᱟᱭ ᱤᱨᱟᱹᱞ ᱥᱮᱨᱢᱟ ᱩᱢᱮᱨ ᱨᱮ ᱟᱠᱚ ᱟᱹᱛᱩ ᱥᱩᱨ ᱯᱩᱴᱩᱞᱤᱭᱟᱹ ᱮᱛᱚᱦᱚᱵ ᱵᱤᱫᱽᱫᱷᱟᱹᱜᱟᱲ ᱨᱮᱭ ᱵᱷᱩᱨᱛᱤ ᱞᱮᱱᱟ ᱾ ᱤᱱᱟᱹ ᱛᱟᱭᱚᱢ  ᱵᱚᱥᱚᱱᱛᱚ ᱯᱩᱨ ᱡᱩᱱᱤᱭᱟᱨ ᱦᱟᱭ ᱤᱥᱠᱩᱞ ᱨᱮ ᱛᱩᱨᱩᱭ ᱪᱟᱱᱟᱪ ᱦᱟᱹᱵᱤᱡ ᱠᱤᱱ ᱯᱟᱲᱦᱟᱣ ᱮᱱᱟ ᱾ ᱤᱱᱟᱹ ᱛᱟᱭᱚᱢ ᱫᱚ ᱟᱠᱚ ᱟᱹᱛᱩ ᱠᱷᱚᱱ ᱕᱐/᱖᱐ ᱢᱟᱭᱤᱞ ᱥᱟᱺᱜᱤᱧ ᱢᱤᱫᱤᱱᱯᱩᱨ ᱡᱤᱞᱟᱹ ᱨᱮᱭᱟᱜ ᱠᱩᱞᱴᱤᱠᱨᱤ ᱮᱥ .ᱥᱤ ᱦᱟᱭ ᱤᱥᱠᱩᱞ ᱨᱮ ᱠᱤᱱ ᱵᱷᱩᱨᱛᱤ ᱞᱮᱱᱟ᱾ ᱩᱱᱤ ᱫᱚ ᱚᱞᱚᱜ ᱯᱟᱲᱦᱟᱣ ᱨᱮ ᱫᱚ ᱟᱰᱤ ᱵᱷᱟᱜᱤ ᱜᱤᱫᱽᱨᱟᱹ ᱥᱮ ᱯᱟᱹᱴᱷᱩᱭᱟᱹ ᱛᱟᱦᱮᱱ ᱠᱟᱱᱟ᱾ ᱤᱝᱨᱟᱡᱤ ᱑᱙᱖᱑ ᱥᱟᱞ ᱨᱮ ᱠᱩᱞᱴᱤᱠᱨᱤ ᱮᱥ .ᱥᱤ ᱦᱟᱭ ᱤᱥᱠᱩᱞ ᱠᱷᱚᱱ 1st Division ᱛᱮ ᱢᱮᱴᱨᱤᱠ ᱮ ᱯᱟᱥ ᱠᱮᱫᱟ ᱾ ᱤᱱᱟᱹ ᱛᱟᱭᱚᱢ ᱟᱡᱨᱤᱱ ᱜᱟᱛᱮ ᱠᱚ ᱥᱟᱞᱟᱜ ᱠᱳᱞᱠᱟᱛᱟ ᱨᱮᱱᱟᱜ ᱵᱟᱱᱜᱷᱟᱵᱟᱥᱤ ᱠᱳᱞᱮᱪ ᱨᱮ ᱯᱟᱲᱦᱟᱣ ᱚᱠᱛᱚ ᱜᱮ ᱛᱟᱞᱢᱟ ᱥᱚᱨᱠᱟᱨᱟᱜ Supply and Disposal Office ᱨᱮ ᱪᱟᱹᱠᱨᱤ ᱧᱟᱢ ᱠᱮᱫᱟ ᱾ ᱪᱟᱹᱠᱨᱤ ᱨᱮ ᱡᱚᱭᱮᱱ ᱠᱮᱫᱟ᱾ ᱢᱮᱱᱠᱷᱟᱱ ᱪᱮᱛᱟᱱ ᱥᱮᱫ ᱯᱟᱲᱦᱟᱣ ᱨᱮ ᱭᱟᱜ ᱟᱸᱥ ᱟᱨ ᱡᱮᱹᱫᱽ ᱟᱹᱰᱤ ᱛᱮᱫ ᱜᱮ ᱛᱟᱦᱮᱱ ᱠᱟᱱ ᱛᱟᱭᱟ ᱾ Ashutosh College ᱨᱮ ᱵᱤ.ᱠᱚᱢ ᱨᱮ ᱵᱷᱩᱨᱛᱤ ᱞᱮᱱᱟ᱾ ᱟᱨ ᱪᱟᱹᱠᱨᱤ ᱛᱩᱞᱩᱡ ᱚᱰᱮ ᱠᱷᱚᱱ ᱜᱮ B.com  ᱯᱟᱥ ᱠᱮᱫᱟ᱾ ᱟᱹᱰᱤ ᱥᱮᱨᱢᱟ ᱛᱟᱭᱚᱢ Private ᱛᱮ Ancient History ᱟᱛᱮ M.A ᱵᱤᱱᱤᱰ ᱨᱮ ᱫᱩᱲᱩᱵ ᱞᱮᱱᱟ ᱾ supply and Disposal Office ᱨᱮ ᱪᱟᱹᱠᱨᱤ ᱪᱟᱹᱠᱨᱤ ᱛᱮ ᱜᱮ ᱠᱩᱥᱟᱹᱞ ᱵᱟᱥᱠᱮ ᱫᱚ ᱠᱳᱞᱠᱟᱛᱟ ᱨᱮ ᱜᱮ ᱑᱙᱗᱑ ᱥᱟᱞ ᱨᱮ ᱥᱮᱫ ᱵᱷᱟᱨᱚᱛ ᱥᱚᱨᱠᱟᱨᱟᱜ Indian Audit & Account Department ᱨᱮ  Upper Division Clerk Post ᱨᱮ ᱪᱟᱹᱠᱨᱤᱭ ᱧᱟᱢ ᱠᱮᱫᱟ᱾ ᱟᱨ ᱚᱱᱟ ᱪᱟᱹᱠᱨᱤ ᱛᱩᱞᱩᱡ ᱜᱮ ᱯᱩᱪᱷᱤᱢ ᱵᱟᱝᱞᱟ ᱥᱮᱢᱞᱮᱫ ᱥᱟᱶ ᱫᱚᱭ ᱡᱚᱯᱲᱟᱣ ᱞᱮᱱᱟ ᱥᱟᱶᱛᱟ ᱥᱩᱥᱟᱹᱨ ᱠᱟᱹᱢᱤ ᱨᱮ ᱾ ᱚᱰᱮ ᱡᱚᱯᱲᱟᱣ ᱛᱩᱞᱩᱡ ᱜᱮ ᱱᱚᱣᱟ ᱠᱷᱚᱸᱫᱽᱨᱚᱱ ᱞᱮᱠᱟᱱᱟᱜ ᱚᱞ ᱫᱚᱭ ᱚᱞ ᱞᱮᱫᱟ ᱾ ᱵᱟᱥᱠᱮ ᱵᱟᱵᱩ ᱫᱚ ᱢᱟᱲᱟᱝ ᱛᱮ ᱚᱞ ᱞᱮᱫᱟ "ᱥᱟᱱᱛᱟᱲᱤ ᱵᱷᱟᱥᱟ ᱞᱤᱯᱤ ᱥᱚᱢᱚᱥᱥᱟ" ᱾ᱱᱚᱣᱟ ᱦᱚ ᱠᱷᱚᱸᱫᱽᱨᱚᱱ ᱢᱩᱞᱚᱡ ᱚᱞ ᱠᱟᱱ ᱛᱟᱭᱟ ᱾ ᱩᱱᱤ ᱫᱚ ᱡᱩᱠᱛᱤ ᱵᱩᱫᱷᱤ ᱟᱛᱮ ᱚᱞ ᱫᱚ ᱟᱹᱰᱤ ᱜᱮ ᱠᱩᱥᱤᱭᱟᱜ ᱛᱟᱦᱮᱸᱫ ᱾ ᱵᱟᱰᱟᱭ ᱟᱠᱟᱱᱟ , ᱩᱱᱤ ᱜᱮ ᱥᱮᱢᱞᱮᱫ ᱨᱮᱱ ᱯᱳᱭᱞᱩ ᱥᱩᱛᱨᱮᱫ ᱮ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱚᱞ ᱠᱚᱫᱚ ᱼ (᱑) ᱥᱟᱱᱛᱟᱲᱤ ᱵᱷᱟᱥᱟ ᱥᱚᱢᱚᱥᱥᱟ-᱑᱙᱗᱔ (᱒)The origin of language and Evolution of the santali term parsi- ᱑᱙᱙᱑ (᱓) ᱵᱚᱸᱜᱟ ᱦᱟᱛᱟᱲ(᱔) ᱥᱟᱱᱛᱟᱲᱤ ᱥᱮᱨᱣᱟ -᱑᱙᱘᱐ ᱟᱨ (᱕) ᱟᱢᱫᱚ ᱚᱠᱚᱭ ᱾

ᱡᱟᱱᱟᱢ

ᱯᱟᱹᱨᱥᱤ ᱠᱩᱞ ᱠᱩᱥᱟᱹᱞ ᱵᱟᱥᱠᱮ ᱫᱚ ᱑᱘ ᱡᱩᱞᱟᱭ ᱑᱙᱔᱓ ᱥᱟᱞᱮ ᱨᱮ ᱠᱩᱱᱟᱹᱢᱤ ᱫᱚᱥᱟᱨ ᱦᱤᱞᱚᱜ-ᱮ ᱡᱟᱱᱟᱢ ᱞᱮᱱᱟ᱾ ᱩᱱᱤ ᱨᱮᱱ ᱟᱯᱟᱛᱼᱟᱜ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ ᱢᱟᱭᱥᱟ ᱵᱟᱥᱠᱮ ᱟᱨ ᱮᱸᱜᱟᱛᱼᱟᱜ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ ᱯᱟᱨᱚ ᱵᱟᱥᱠᱮ᱾ ᱠᱩᱥᱟᱹᱞ ᱵᱟᱥᱠᱮ ᱫᱚ ᱯᱩᱱ ᱦᱚᱲ ᱵᱚᱭᱟ ᱵᱩᱦᱤᱱ ᱠᱚ ᱢᱩᱫᱽᱨᱮ ᱡᱷᱚᱛᱚ ᱠᱷᱚᱱ ᱞᱟᱹᱴᱩᱭ ᱛᱟᱸᱦᱮ ᱠᱟᱱᱟ᱾ ᱩᱱᱤ ᱨᱮᱱ ᱫᱚ ᱢᱤᱫ ᱵᱚᱭᱦᱟ ᱟᱨ ᱵᱟᱨᱭᱟ ᱵᱩᱦᱤᱱ ᱢᱮᱱᱟᱜ ᱠᱤᱱ ᱛᱟᱭᱟ ᱾ ᱟᱡᱟᱜ ᱵᱟᱯᱞᱟ ᱫᱚ ᱦᱤᱨᱟᱹᱢᱩᱱᱤ ᱥᱟᱶ ᱦᱩᱭ ᱞᱮᱱᱟ ᱟᱨ ᱟᱹᱠᱤᱱ ᱨᱤᱱ ᱕ ᱜᱚᱴᱟᱝ ᱦᱚᱱ ᱜᱟᱬᱟ ᱠᱚ ᱦᱩᱭ ᱞ᱾ᱱᱟ ᱾

ᱥᱮᱪᱮᱫ

ᱠᱩᱥᱟᱹᱞ ᱵᱟᱥᱠᱮ ᱫᱚ ᱟᱠᱚ ᱥᱚᱱᱷᱟᱨᱢᱟᱹᱨᱤ ᱟᱹᱛᱩ ᱥᱩᱨ ᱯᱩᱴᱩᱲᱤᱭᱟᱹ ᱮᱛᱦᱚᱵ ᱵᱤᱨᱫᱟᱹᱜᱟᱲ ᱠᱷᱚᱱ ᱥᱮᱪᱮᱫ ᱦᱚᱨᱟ ᱫᱚ ᱮᱭᱦᱮᱵ ᱞᱮᱱᱛᱟᱭᱟ᱾ ᱤᱱᱟᱹ ᱛᱟᱭᱚᱢ ᱵᱟᱸᱥᱫᱟ ᱡᱩᱱᱤᱭᱟᱨ ᱦᱟᱭ ᱥᱠᱩᱞ ᱨᱮᱭ ᱯᱟᱲᱦᱟᱣ ᱞᱮᱱᱟ᱾ ᱤᱱᱟᱹ ᱛᱟᱭᱚᱢ ᱑᱙᱕᱙ ᱥᱟᱞᱮ ᱨᱮ ᱠᱩᱞᱴᱤᱠᱨᱤ ᱮᱥᱹ ᱠᱮᱹ ᱦᱟᱭ ᱥᱠᱩᱞ ᱠᱷᱚᱱ ᱜᱮᱞ ᱪᱟᱱᱟᱪ ᱮ ᱯᱟᱲᱦᱟᱣ ᱯᱩᱨᱟᱹᱣ ᱞᱮᱫᱟ᱾ ᱟᱨ ᱦᱚᱸ ᱞᱟᱯᱷᱟᱝ ᱥᱮᱪᱮᱫ ᱦᱟᱢᱮᱴ ᱞᱟᱹᱜᱤᱫ ᱤᱢᱟᱹ ᱥᱮᱨᱢᱟ ᱜᱮ ᱢᱟᱨᱟᱝ ᱱᱟᱜᱟᱨ ᱠᱚᱞᱠᱟᱛᱟᱨᱮᱭ ᱥᱚᱦᱚᱨ ᱥᱮᱴᱮᱨ ᱞᱮᱱᱟ᱾ ᱠᱚᱞᱠᱟᱛᱟ ᱤᱭᱩᱱᱤᱵᱷᱟᱨᱥᱤᱴᱤ ᱠᱷᱚᱱ ᱑᱙᱖᱑ ᱥᱟᱞᱮ ᱨᱮ ᱯᱨᱤ ᱤᱭᱩᱱᱤᱵᱷᱟᱨᱥᱤᱴᱤ ᱥᱮᱪᱮᱫ ᱮ ᱦᱟᱢᱮᱴ ᱞᱮᱫᱟ᱾ ᱱᱤᱭᱟ ᱛᱟᱭᱚᱢ ᱥᱤᱸᱜᱟᱹᱲ ᱟᱥᱩᱛᱚᱥ ᱠᱚᱞᱮᱡᱽ ᱨᱮ ᱠᱟᱹᱣᱰᱤᱟᱹᱨᱤ ᱥᱟᱛᱟᱢ ᱛᱮ ᱵᱮᱪᱮᱞᱚᱨ ᱰᱤᱜᱽᱨᱤ ᱞᱟᱹᱜᱤᱫ-ᱮ ᱵᱷᱚᱨᱛᱤ ᱞᱮᱱᱟ᱾ ᱠᱚᱞᱮᱡᱽ ᱨᱮ ᱯᱟᱲᱦᱟᱜ ᱚᱠᱛᱚ ᱜᱮ ᱵᱷᱟᱨᱚᱛ ᱥᱚᱨᱠᱟᱨᱟᱜ ᱪᱟᱹᱠᱨᱤ ᱦᱚᱸᱭ ᱧᱟᱢ ᱞᱮᱫᱟ᱾ ᱪᱟᱹᱠᱨᱤ ᱥᱟᱞᱟᱜ ᱯᱲᱦᱟᱣ ᱛᱩᱞᱩᱡ ᱛᱮ ᱑᱙᱖᱗ ᱥᱟᱞᱮᱨᱮ Commerce ᱥᱮ ᱠᱟᱹᱣᱰᱤᱟᱹᱨᱤ ᱥᱟᱛᱟᱢ ᱟᱛᱮᱫ BᱹCom ᱰᱤᱜᱽᱨᱤᱭ ᱦᱟᱢᱮᱴ ᱞᱚᱫᱟ᱾ ᱥᱮᱢᱞᱮᱫ ᱵᱮᱨᱮᱫ ᱟᱨ ᱯᱟᱹᱨᱥᱤ ᱞᱟᱲᱟᱣᱱᱟ ᱠᱟᱹᱢᱤᱨᱮ ᱡᱚᱯᱚᱚᱲᱟᱣ ᱛᱟᱸᱦᱮᱱ ᱛᱩᱞᱩᱡ ᱜᱮ ᱑᱙᱘᱔ ᱥᱟᱞᱮ ᱨᱮ ᱱᱟᱜᱟᱢ ᱥᱟᱛᱟᱢ ᱟᱛᱮᱫ BᱹA ᱰᱤᱜᱽᱨᱤᱭ ᱦᱟᱢᱮᱴ ᱞᱮᱫᱟ᱾ ᱑᱙᱗᱔ ᱥᱟᱞᱮ ᱨᱮ ᱠᱚᱞᱠᱟᱛᱟ ᱨᱮᱭᱟᱜ ᱡᱚᱜᱮᱥ ᱪᱚᱱᱫᱨᱚ ᱞᱚ ᱠᱚᱞᱮᱡᱽ ᱨᱮ ᱟᱭᱤᱱ ᱟᱛᱮᱫ ᱮ ᱯᱟᱲᱦᱟᱜ ᱠᱟᱱ ᱛᱟᱸᱦᱮᱫ᱾ ᱱᱤᱭᱟᱹ ᱛᱚᱭᱚᱢ ᱠᱚᱞᱠᱟᱛᱟ ᱤᱭᱩᱱᱤᱵᱷᱟᱨᱥᱤᱴᱤᱨᱮ ᱑᱙᱙᱑ ᱥᱟᱥᱮᱞᱮ ᱨᱮ MᱹA ᱠᱷᱟᱹᱛᱤᱨ ᱦᱚᱸᱭ ᱵᱷᱩᱨᱛᱤ ᱞᱮᱱᱟ᱾

ᱠᱟᱹᱢᱤ ᱡᱤᱭᱚᱱ

ᱯᱟᱹᱨᱥᱤ ᱠᱩᱞ ᱠᱩᱥᱟᱹᱞ ᱵᱟᱥᱠᱮ ᱠᱚᱞᱮᱡᱽ ᱨᱮ ᱯᱟᱲᱦᱟᱜ ᱚᱠᱛᱚ ᱜᱮ ᱪᱟᱹᱠᱨᱤ ᱫᱚᱭ ᱧᱟᱢ ᱞᱮᱫᱟ᱾ ᱢᱟᱬᱟᱝ ᱫᱚ ᱰᱤᱥᱮᱢᱵᱚᱨ ᱑᱙᱖᱒ ᱥᱟᱞᱮ ᱨᱮ ᱵᱷᱟᱨᱚᱛ ᱥᱚᱨᱠᱟᱨᱟᱜ Supply and Disposal ᱚᱯᱤᱥ ᱨᱮ ᱜᱨᱩᱯ ᱰᱤ ᱠᱟᱹᱢᱤᱭᱟᱹ ᱞᱮᱠᱟᱛᱮ ᱪᱟᱹᱠᱨᱤᱭ ᱧᱟᱢ ᱞᱮᱫᱟ, ᱢᱮᱱᱠᱷᱟᱱ ᱚᱱᱟ ᱪᱟᱹᱠᱨᱤ ᱨᱮ ᱵᱟᱭ ᱯᱚᱲᱛᱟᱲ ᱞᱮᱱᱛᱮ ᱠᱚᱞᱠᱟᱛᱟ ᱮᱠᱟᱭᱩᱱᱴᱥ ᱡᱮᱱᱟᱨᱮᱞ ᱚᱯᱤᱥ ᱨᱮ ᱑᱙᱖᱙ ᱥᱟᱞᱮᱨᱮ ᱪᱟᱹᱠᱨᱤ ᱩᱪᱟᱹᱲᱮᱱᱟᱭ᱾ ᱠᱚᱞᱠᱟᱛᱟ ᱨᱮ ᱛᱷᱟᱢ ᱜᱟᱹᱰᱤ ᱛᱟᱸᱦᱮᱱ ᱚᱠᱛᱚ ᱜᱮ ᱟᱡ ᱥᱟᱞᱟᱜ ᱟᱨ ᱦᱚᱸ ᱱᱟᱣᱟᱱ ᱪᱟᱹᱠᱨᱤ ᱧᱟᱢ ᱠᱷᱮᱨᱣᱟᱲ ᱦᱚᱲ ᱦᱚᱯᱚᱱ ᱠᱚ ᱥᱟᱶ ᱮ ᱩᱯᱩᱨᱩᱢ ᱞᱮᱱᱟ᱾ ᱑᱙᱖᱔ ᱥᱟᱞᱮᱨᱮ ᱩᱰᱤᱥᱟ ᱥᱮᱢᱞᱮᱫ ᱵᱮᱨᱮᱫ ᱨᱟᱠᱟᱵ ᱥᱟᱶ ᱥᱟᱶ ᱛᱮᱜᱮ, ᱰᱟᱦᱟᱨᱰᱤ ᱟᱹᱛᱩᱨᱮ ᱥᱮᱱ ᱠᱟᱛᱮ ᱯᱚᱸᱰᱮᱛ ᱨᱟᱹᱜᱷᱩᱱᱟᱛᱷ ᱢᱩᱨᱢᱩ ᱥᱟᱞᱟᱜ ᱩᱯᱩᱨᱩᱢ ᱞᱮᱱᱛᱮ ᱯᱩᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮ ᱚᱞ ᱪᱤᱠᱤ ᱯᱟᱥᱱᱟᱣ ᱮ ᱨᱤᱠᱟᱹ ᱞᱮᱫᱟ᱾ ᱱᱚᱣᱟ ᱫᱤᱥᱟᱹ ᱠᱟᱛᱮᱜᱮ ᱩᱰᱤᱥᱟ ᱵᱤᱦᱟᱨ ᱛᱟᱭᱚᱢ ᱜᱮ ᱑᱙᱖᱖ ᱥᱟᱞᱮ ᱨᱮ ᱯᱩᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱦᱚᱸ ᱟᱹᱫᱤᱵᱟᱹᱥᱤ ᱥᱟᱶᱛᱟ ᱥᱮᱪᱮᱫ ᱞᱟᱠᱪᱟᱨ ᱥᱮᱢᱞᱮᱫ ᱵᱮᱨᱮᱫ ᱨᱟᱠᱟᱵ ᱮ ᱨᱤᱠᱟᱹ ᱠᱮᱫᱟ, ᱡᱟᱸᱦᱟᱫᱚ ᱑᱙᱖᱗ ᱥᱟᱞᱮ ᱨᱮ ᱨᱮᱡᱤᱥᱴᱨᱮᱥᱚᱱ ᱞᱮᱱᱟ ᱟᱨ ᱥᱮᱢᱞᱮᱫ ᱨᱮᱱ ᱮᱛᱚᱦᱚᱵ ᱢᱟᱬᱛᱮ ᱥᱩᱛᱨᱮᱫ ᱟᱜ ᱟ:ᱜᱤᱵᱷᱟᱨ ᱮ ᱜᱚᱜ ᱞᱮᱫᱟ᱾ ᱱᱤᱭᱟᱹ ᱚᱠᱛᱚ ᱠᱚᱞᱠᱟᱛᱟ ᱢᱟᱨᱟᱝ ᱱᱟᱜᱟᱨ ᱨᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱞᱟᱲᱟᱣᱱᱟ ᱯᱟᱹᱨᱥᱤ ᱠᱩᱞ ᱥᱟᱶ ᱡᱟᱸᱦᱟᱭ ᱠᱚᱠᱚ ᱛᱟᱸᱦᱮᱭᱟ ᱩᱱᱠᱩ ᱠᱚᱫᱚᱠᱚ ᱦᱩᱭᱩᱜ ᱠᱟᱱᱟ ᱵᱚᱭᱫᱚᱱᱟᱛᱷ ᱥᱚᱨᱮᱱ, ᱞᱚᱠᱠᱷᱤᱨᱟᱢ ᱴᱩᱰᱩ, ᱨᱟᱢᱠᱤᱥᱟᱹᱱ ᱢᱩᱨᱢᱩ, ᱵᱟᱹᱵᱩᱨᱟᱢ ᱦᱟᱸᱥᱫᱟᱜ ᱱᱚᱵᱤᱱ ᱢᱟᱱᱰᱤ, ᱵᱚᱱᱫᱤᱨᱟᱢ ᱢᱩᱨᱢᱩ ᱮᱢᱟᱱ ᱠᱚ᱾ ᱥᱮᱢᱞᱮᱫᱟᱜ ᱯᱩᱭᱞᱩ ᱪᱟᱸᱜᱟ ᱫᱚ ᱥᱮᱢᱞᱮᱫ ᱫᱩᱞᱟᱹᱲᱤᱭᱟ ᱠᱩᱥᱟᱹᱞ ᱵᱟᱥᱠᱮᱭᱟᱜ ᱟᱹᱭᱩᱨᱛᱮ ᱟᱡᱟᱜ ᱡᱟᱱᱟᱢ ᱟᱹᱛᱩ ᱥᱚᱱᱷᱟᱨᱢᱟᱹᱨᱤ ᱨᱮᱜᱮ ᱡᱷᱤᱡ ᱞᱮᱱᱟ᱾ ᱟᱨ ᱯᱩᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮ ᱚᱞ ᱪᱤᱠᱤ ᱯᱟᱥᱱᱟᱣ ᱞᱟᱹᱜᱤᱫ ᱥᱚᱱᱷᱟᱨᱢᱟᱹᱨᱤ ᱟᱹᱛᱩᱨᱮ ᱮᱛᱚᱦᱚᱵ ᱚᱞ ᱪᱤᱠᱤ ᱤᱛᱩᱱ ᱟᱥᱲᱟ ᱵᱮᱨᱮᱫ ᱨᱟᱠᱟᱵ ᱠᱩᱥᱟᱹᱞ ᱵᱟᱥᱠᱮᱭᱟᱜ ᱛᱤ ᱥᱟᱵ ᱠᱟᱛᱮ ᱜᱮ᱾ ᱚᱞ ᱪᱤᱠᱤ ᱯᱟᱥᱱᱟᱣ ᱥᱟᱶ ᱥᱟᱶ ᱛᱮ ᱯᱟᱹᱨᱥᱤ ᱞᱟᱲᱟᱣᱱᱟ ᱛᱚᱸᱜᱮ ᱤᱫᱤ ᱠᱟᱛᱮᱜᱮ ᱟᱡᱟᱜ ᱠᱟᱹᱢᱤ ᱡᱤᱣᱚᱱ ᱫᱚ ᱯᱟᱨᱚᱢ ᱟᱠᱟᱱ ᱛᱟᱭᱟ᱾

ᱚᱞ ᱵᱮᱞ

ᱠᱩᱥᱟᱹᱞ ᱵᱟᱥᱠᱮ ᱫᱚ ᱢᱤᱫ ᱫᱷᱟᱨᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱞᱟᱲᱟᱣᱱᱟ ᱨᱮᱱ ᱟᱹᱭᱩᱨᱤᱭᱟᱹ ᱥᱟᱶᱛᱮ ᱯᱟᱹᱨᱥᱤ ᱫᱩᱞᱟᱹᱲᱤᱭᱟᱹ ᱟᱨ ᱥᱟᱶᱦᱮᱫ ᱪᱟᱨᱪᱟ ᱨᱮᱦᱚᱸ ᱮᱱᱮᱢ ᱢᱮᱱᱟᱜ ᱛᱟᱭᱟ᱾ ᱚᱱᱚᱞᱤᱭᱟᱹ ᱞᱮᱠᱟᱛᱮᱫᱚ ᱥᱟᱱᱛᱟᱲᱤ, ᱵᱟᱝᱞᱟ ᱟᱨ ᱤᱝᱞᱤᱥ ᱯᱮᱱᱮ ᱯᱟᱹᱨᱥᱤ ᱛᱮᱜᱮᱭ ᱥᱟᱶᱦᱮᱫ ᱫᱚᱭ ᱪᱟᱨᱪᱟ ᱟᱠᱟᱫᱟ᱾ ᱯᱩᱪᱷᱤᱢ ᱵᱟᱝᱞᱟ ᱥᱮᱢᱞᱮᱫ ᱠᱷᱚᱱ ᱩᱪᱷᱟᱱ ᱥᱚᱫᱚᱨ ᱪᱟᱸᱫᱚ ᱠᱤᱭᱟᱹ ᱯᱟᱛᱷᱟᱢ ᱥᱤᱸᱜᱟᱹᱲ ᱥᱟᱠᱣᱟ ᱨᱮ ᱞᱮᱛᱟᱲ ᱜᱮ ᱚᱞ ᱠᱚ ᱪᱷᱟᱯᱟ ᱥᱚᱫᱚᱨ ᱟᱠᱟᱱ ᱛᱟᱭᱟ᱾ ᱠᱩᱥᱟᱹᱞ ᱵᱟᱥᱠᱮᱭᱟᱜ ᱚᱞ ᱟᱠᱟᱱ ᱯᱩᱛᱷᱤ ᱠᱚ ᱢᱩᱫᱽᱨᱮ ᱢᱮᱱᱟᱜ-ᱟ᱾

1. ) ᱥᱟᱱᱛᱟᱲ ᱥᱮᱨᱣᱟ (᱑᱙᱘᱐)
2. ) ᱚᱱᱚᱬᱦᱮ ᱯᱩᱛᱷᱤ, ᱟᱢ ᱫᱚ ᱚᱠᱚᱭ (᱑᱙᱘᱑‌)
3. )ᱫᱷᱟᱨᱹᱛᱤ ᱥᱚᱥᱱᱚᱜ ᱨᱮ ᱥᱟᱱᱛᱟᱲᱤ ᱯᱟᱨᱥᱤ ᱨᱮᱭᱟᱜ ᱮᱱᱮᱢ
4. )ᱵᱚᱸᱜᱟ ᱦᱟᱛᱚᱢ (᱑᱙᱙᱑)
5. )The Origin of Soul(᱑᱙᱙᱑)
6. ) The Evolution of Term "Parsi" in Santali Language(᱑᱙᱙᱑)
7. ) ᱥᱟᱶᱛᱟᱞᱤ ᱵᱷᱟᱥᱟᱨ ᱞᱤᱯᱤ ᱥᱚᱢᱚᱥᱥᱟ, ᱱᱚᱣᱟᱫᱚ ᱵᱟᱝᱞᱟ ᱯᱟᱹᱨᱥᱤ ᱛᱮ ᱪᱷᱟᱯᱟ ᱥᱚᱫᱚᱨ ᱟᱠᱟᱱᱟ᱾

ᱯᱟᱹᱨᱥᱤ ᱠᱩᱞ ᱠᱩᱥᱟᱹᱞ ᱵᱟᱥᱠᱮ ᱫᱚ ᱢᱤᱫ ᱫᱷᱟᱨᱮ ᱯᱟᱹᱨᱥᱤ ᱦᱩᱞᱜᱟᱹᱨᱤᱭᱟᱹ, ᱯᱟᱹᱨᱥᱤ ᱜᱟᱹᱠᱷᱩᱲᱤᱭᱟᱹ, ᱥᱟᱶᱛᱟ ᱫᱚᱨᱚᱫᱤᱭᱟᱹ ᱚᱱᱚᱞᱤᱭᱟᱹ ᱥᱟᱸᱜᱮ ᱜᱟᱹᱠᱷᱩᱲ ᱦᱚᱲ ᱮ ᱛᱟᱸᱦᱮ ᱠᱟᱱᱟ᱾ ᱟᱡᱟᱜ ᱡᱤᱭᱚᱱ ᱰᱟᱦᱟᱨ ᱨᱮ ᱮᱢᱟᱱ ᱞᱮᱠᱟᱱᱟᱜ ᱮᱸᱴᱠᱮᱴᱚᱬᱮ ᱛᱟᱸᱦᱮ ᱠᱟᱱ ᱨᱮᱦᱚᱸ ᱟᱡᱟᱜ ᱫᱤᱞ ᱫᱟᱲᱮ ᱟᱨ ᱪᱮᱞᱟ ᱞᱮᱠᱟᱛᱮ ᱯᱚᱸᱰᱮᱛ ᱨᱟᱹᱜᱷᱩᱱᱟᱛᱷ ᱢᱩᱨᱢᱩᱣᱟᱜ ᱩᱫᱩᱜ ᱰᱟᱦᱟᱨ ᱛᱮ ᱰᱟᱦᱨᱟᱣ ᱠᱟᱛᱮ ᱥᱮᱢᱞᱮᱫ ᱵᱮᱨᱮᱫ ᱨᱟᱠᱟᱵ ᱠᱷᱚᱱ ᱮᱛᱦᱚᱵ ᱠᱟᱛᱮ ᱯᱟᱹᱨᱥᱤ ᱞᱟᱲᱟᱣᱱᱟ ᱛᱟᱞᱟᱛᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱵᱷᱟᱨᱚᱛᱭᱚ ᱦᱚᱠ-ᱤᱛ ᱨᱮᱭᱟᱜ ᱤᱨᱟᱹᱞ ᱛᱷᱚᱠ ᱨᱮ ᱥᱮᱞᱮᱫᱚᱜ ᱫᱷᱟᱹᱵᱤᱡ ᱦᱩᱞᱜᱟᱹᱨᱤᱭᱟᱹ ᱫᱤᱞᱫᱟᱲᱮ ᱛᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱞᱟᱹᱜᱤᱫ ᱮᱱᱮᱢ ᱮ ᱫᱚᱦᱚ ᱦᱚᱴᱚ ᱟᱠᱟᱫᱟ᱾

ᱜᱩᱨ

ᱯᱟᱹᱨᱥᱤ ᱠᱩᱞ ᱠᱩᱥᱟᱹᱞ ᱵᱟᱥᱠᱮ ᱫᱚ ᱒᱐᱐᱕ ᱥᱟᱞᱮ ᱨᱮᱭᱟᱜ ᱑᱘ ᱢᱮ ᱦᱤᱞᱚᱜ ᱱᱚᱣᱟ ᱫᱷᱩᱲᱤ ᱫᱷᱟᱹᱨᱛᱤ ᱵᱟᱹᱜᱤ ᱠᱟᱛᱮᱫ ᱠᱚᱞᱠᱟᱛᱟ ᱨᱮᱭ ᱵᱚᱸᱜᱟ ᱛᱟᱞᱟᱣ ᱟᱠᱟᱱᱟ᱾ ᱪᱟᱹᱠᱨᱤᱭ ᱠᱷᱚᱱ ᱛᱟᱭᱚᱢ ᱥᱩᱥᱟᱹᱨ ᱦᱚᱲᱢᱚ ᱫᱚ ᱵᱟᱝ ᱛᱟᱦᱮᱱ ᱠᱟᱱ ᱛᱟᱭᱟ ᱾ ᱟᱡᱟᱨ ᱛᱮ ᱟᱹᱰᱤ ᱜᱟᱱ ᱜᱮ ᱞᱚᱦᱚᱡᱟᱨ ᱮᱱᱟ ᱾ ᱢᱩᱪᱟᱹᱫ ᱨᱮᱫᱚ ᱵᱤᱹᱪᱷᱱᱟᱹ ᱠᱷᱚᱱ ᱵᱟᱭ ᱵᱮᱨᱮᱫ ᱫᱟᱲᱮ ᱟᱫᱟ ᱾ ᱒᱐᱐᱕ ᱥᱟᱹᱦᱤᱛ ᱢᱮ ᱪᱟᱸᱫᱚ ᱨᱮᱱᱟᱜ ᱑᱘ ᱢᱟᱹᱦᱤᱛ ᱦᱤᱞᱚᱜ ᱥᱮᱛᱟᱜ ᱑᱐ᱺ᱓᱐ ᱴᱟᱲᱟᱝ ᱥᱮᱫ ᱠᱳᱞᱠᱟᱛᱟ ᱨᱮᱱᱟᱜ ᱢᱤᱫ ᱱᱟᱨᱥᱤᱝ ᱦᱳᱢ ᱨᱮ ᱡᱤᱣᱤ ᱵᱟᱹᱛᱤ ᱫᱚ ᱤᱬᱤᱡ ᱮᱱ ᱛᱟᱭᱟ ᱾