ᱠᱚᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ
ᱠᱳᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱠᱳᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱦᱚᱠᱚ ᱢᱮᱱ ᱜᱮᱭᱟ, ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱨᱟᱡᱽᱜᱟᱲ ᱠᱳᱞᱠᱟᱛᱟ ᱨᱮ ᱢᱮᱱᱟᱜ ᱢᱤᱫ ᱥᱚᱨᱠᱟᱨᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱟᱱᱟ᱾ ᱑᱘᱕᱗ ᱥᱮᱨᱢᱟ ᱨᱮᱭᱟᱜ ᱒᱔ ᱡᱟᱱᱩᱣᱟᱨᱤ ᱨᱮ ᱛᱷᱟᱯᱚᱱ ᱟᱠᱟᱱ ᱱᱚᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱫᱚ ᱥᱤᱧᱚᱛ ᱨᱮᱭᱟᱜ ᱯᱩᱭᱞᱩ ᱱᱮᱵᱮᱛᱟᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱟᱱᱟ᱾ ᱱᱤᱛ ᱱᱚᱣᱟ ᱨᱮᱭᱟᱜ ᱪᱟᱪᱞᱟᱣ ᱮᱞᱟᱠᱟ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱛᱷᱚᱨᱟ ᱜᱟᱱ ᱦᱚᱱᱚᱛ ᱨᱮᱜᱮ ᱢᱮᱱᱟᱜᱼᱟ, ᱢᱮᱱᱠᱷᱟᱱ ᱱᱚᱣᱟ ᱛᱷᱟᱯᱚᱱ ᱚᱠᱛᱮ ᱱᱚᱣᱟ ᱨᱮᱭᱟᱜ ᱪᱟᱪᱞᱟᱣ ᱮᱞᱟᱠᱟ ᱞᱟᱦᱳᱨ ᱠᱷᱚᱱ ᱢᱤᱭᱟᱱᱢᱟᱨ ᱦᱟᱹᱵᱤᱫ ᱛᱟᱸᱦᱮ ᱠᱟᱱᱟ᱾ ᱱᱚᱣᱟ ᱜᱮ ᱥᱤᱧᱚᱛ ᱨᱮᱭᱟᱜ ᱱᱚᱝᱠᱟᱱ ᱢᱤᱫ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱟᱱᱟ ᱡᱟᱦᱟᱸ ᱥᱟᱶ ᱯᱩᱱ ᱯᱩᱱᱭᱟ ᱱᱳᱵᱮᱞ ᱥᱤᱨᱯᱷᱟᱹ ᱡᱤᱛᱠᱟᱹᱨᱤᱭᱟᱹ ᱟᱜ ᱥᱟᱹᱜᱟᱹᱭ ᱢᱮᱱᱟᱜᱼᱟ᱾ ᱱᱚᱣᱟ ᱫᱚ ᱥᱤᱧᱚᱛ ᱨᱮᱭᱟᱜ ᱱᱮᱥᱟᱱᱟᱞ ᱮᱥᱮᱥᱢᱮᱱᱴ ᱮᱱᱰ ᱮᱠᱨᱮᱰᱮᱴᱮᱥᱚᱱ ᱠᱟᱭᱩᱱᱥᱤᱞ ᱦᱚᱛᱮᱛᱮ "ᱢᱚᱬᱮ ᱤᱯᱤᱞ ᱡᱮᱜᱮᱛ ᱵᱤᱨᱫᱟᱹᱜᱟᱲ" ᱞᱮᱠᱟᱛᱮ ᱩᱯᱨᱩᱢ ᱟᱨ "ᱮᱹ" ᱜᱨᱮᱰ ᱢᱟᱹᱱ ᱮ ᱮᱢ ᱟᱠᱟᱫᱟ᱾
| ᱠᱳᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ | |
|---|---|
 | |
| ᱩᱱᱩᱭᱦᱟᱹᱨ | ᱥᱮᱪᱮᱫ ᱨᱮᱭᱟᱜ ᱞᱟᱦᱟᱱᱛᱤ (Advancement of Learning) |
| ᱛᱷᱟᱯᱚᱱ | ᱒᱔ ᱡᱟᱱᱩᱣᱟᱨᱤ ᱑᱘᱕᱗; ᱑᱖᱕ ᱥᱮᱨᱢᱟ ᱢᱟᱲᱟᱝ ᱨᱮ |
| ᱞᱮᱠᱟᱱ | ᱥᱚᱨᱠᱟᱨᱤ |
| ᱵᱟᱡᱮᱴ |  ᱓᱓᱗ ᱠᱳᱴᱤ (US$᱔᱖.᱘᱙ ᱢᱤᱞᱤᱭᱚᱱ) (ᱟᱢᱫᱟᱡᱽ ᱒᱐᱒᱑-᱒᱒)[᱑] |
| ᱪᱟᱱᱥᱮᱞᱚᱨ | ᱯᱚᱪᱷᱤᱢ ᱵᱟᱝᱞᱟ ᱨᱮᱱ ᱯᱚᱱᱚᱛ ᱜᱚᱢᱠᱮ |
| ᱵᱷᱟᱭᱤᱥ ᱪᱟᱱᱥᱮᱞᱚᱨ | ᱥᱳᱱᱟᱞᱤ ᱪᱚᱠᱨᱚᱵᱚᱨᱛᱤ ᱵᱮᱱᱟᱨᱡᱤ |
| ᱥᱮᱪᱮᱫ ᱥᱚᱦᱮᱫ | ᱑,᱒᱕᱕ (᱒᱐᱒᱒) |
| ᱟᱪᱮᱫᱤᱭᱟᱹ ᱮᱞᱮᱞ | ᱑᱙,᱑᱑᱙ (᱒᱐᱒᱒)[᱒] |
| ᱞᱟᱛᱟᱨ ᱥᱚᱱᱮᱨ | ᱒,᱘᱓᱐ (᱒᱐᱒᱒) |
| ᱥᱮᱬᱟ ᱥᱚᱱᱮᱨ | ᱑᱒,᱗᱗᱙ (᱒᱐᱒᱒) |
| ᱠᱷᱚᱸᱫᱽᱨᱚᱝ ᱟᱪᱮᱫᱤᱭᱟᱹ | ᱓,᱕᱑᱐ (᱒᱐᱒᱒) |
| ᱴᱷᱟᱶ | ᱠᱚᱞᱠᱟᱛᱟ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱠᱮᱢᱯᱚᱥ | ᱵᱟᱡᱟᱨ ᱨᱮ |
| ᱠᱷᱟᱴᱚ ᱧᱩᱛᱩᱢ | ᱥᱤ.ᱭᱩ |
| ᱣᱮᱵᱽᱥᱟᱭᱤᱴ | www |
ᱠᱚᱞᱠᱟᱛᱟ ᱟᱨ ᱚᱱᱟ ᱟᱸᱰᱮᱯᱟᱥᱮ ᱵᱟᱡᱟᱨ ᱨᱮ ᱱᱚᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱜᱮᱞ ᱯᱩᱱ ᱜᱚᱴᱟᱱ ᱠᱮᱢᱯᱟᱥ ᱢᱮᱱᱟᱜᱼᱟ᱾ ᱒᱐᱒᱐ ᱨᱮᱭᱟᱜ ᱦᱤᱥᱟᱹᱵᱽ ᱞᱮᱠᱟᱛᱮ, ᱑᱕᱑ ᱜᱚᱴᱟᱱ ᱠᱚᱞᱮᱡᱽ ᱟᱨ ᱒᱑ ᱜᱚᱴᱟᱱ ᱛᱷᱟᱹᱯᱱᱤᱛ ᱟᱨ ᱥᱮᱪᱮᱫ ᱛᱟᱞᱢᱟ ᱱᱚᱣᱟ ᱥᱟᱶᱛᱮ ᱡᱚᱯᱲᱟᱣ ᱢᱮᱱᱟᱜᱼᱟ᱾ ᱥᱤᱧᱚᱛ ᱥᱚᱨᱠᱟᱨ ᱨᱮᱭᱟᱜ ᱥᱮᱪᱮᱫ ᱢᱚᱱᱛᱨᱤ ᱢᱟᱰᱮᱨ ᱟᱜ ᱡᱟᱹᱛᱤᱭᱟᱹᱨᱤ ᱛᱷᱟᱹᱯᱱᱤᱛᱟᱱ ᱨᱮᱝᱠᱤᱝ ᱯᱷᱨᱮᱢᱣᱟᱨᱠ ᱨᱮᱭᱟᱜ ᱒᱐᱒᱑ ᱥᱮᱨᱢᱟ ᱨᱮᱭᱟᱜ ᱥᱤᱧᱚᱛᱤᱭᱟᱹ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱛᱷᱚᱠ ᱨᱮ ᱱᱚᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱯᱩᱱᱟᱜ ᱴᱷᱟᱶ ᱨᱮ ᱛᱟᱦᱮᱸ ᱠᱟᱱᱟ᱾
ᱱᱚᱣᱟ ᱨᱮᱱ ᱢᱟᱨᱮ ᱯᱟᱹᱴᱷᱩᱣᱟᱹ ᱟᱨ ᱢᱟᱪᱮᱫ ᱠᱚ ᱫᱤᱥᱚᱢ ᱟᱨ ᱥᱚᱨᱠᱟᱨ ᱨᱮᱱ ᱢᱩᱬᱩᱛ, ᱧᱩᱛᱩᱢᱟᱱ ᱵᱟᱰᱚᱦᱤ, ᱥᱟᱶᱛᱟ ᱥᱩᱥᱟᱹᱨᱤᱭᱟᱹ, ᱥᱤᱧᱚᱛ ᱨᱮᱱ ᱮᱠᱞᱟ ᱢᱤᱫ ᱮᱠᱟᱰᱮᱢᱤ ᱥᱤᱨᱯᱷᱟᱹ (ᱳᱥᱠᱟᱨ) ᱟᱨ ᱰᱤᱨᱮᱠ ᱥᱤᱨᱯᱷᱟᱹ ᱡᱤᱛᱠᱟᱹᱨᱤᱭᱟᱹ ᱟᱨ ᱢᱚᱬᱮ ᱜᱚᱴᱟᱱ ᱱᱳᱵᱮᱞ ᱡᱤᱛᱠᱟᱹᱨᱤᱭᱟᱹ - (ᱡᱟᱦᱟᱸ ᱫᱚ ᱒᱐᱑᱙ ᱨᱮᱭᱟᱜ ᱦᱤᱥᱟᱹᱵᱽ ᱞᱮᱠᱟᱛᱮ ᱮᱥᱤᱭᱟ ᱢᱩᱸᱫᱽ ᱨᱮ ᱥᱟᱱᱟᱢ ᱠᱷᱚᱱ ᱰᱷᱮᱨ) ᱥᱮᱞᱮᱫ ᱢᱮᱱᱟᱜ ᱠᱚᱣᱟ᱾ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱟᱶ ᱥᱟᱹᱜᱟᱹᱭᱟᱱ ᱢᱚᱬᱮ ᱜᱚᱴᱟᱱ ᱱᱳᱵᱮᱞ ᱡᱤᱛᱠᱟᱹᱨᱤᱭᱟᱹ ᱠᱚᱫᱚ - ᱨᱳᱵᱟᱞᱰ ᱨᱚᱥ, ᱨᱚᱵᱤᱱᱫᱽᱨᱚᱱᱟᱛᱷ ᱴᱷᱟᱹᱴᱩᱨ, ᱪᱟᱱᱫᱽᱨᱟ ᱥᱮᱠᱷᱟᱨ ᱵᱷᱮᱝᱠᱟᱴᱟ ᱨᱟᱢᱟᱱ, ᱚᱢᱚᱨᱛᱚ ᱥᱮᱱ ᱟᱨ ᱚᱵᱷᱤᱡᱤᱛ ᱵᱚᱱᱫᱚᱯᱟᱫᱽᱫᱷᱟᱭ᱾ ᱡᱟᱹᱛᱤᱭᱟᱹᱨᱤ ᱞᱮᱠᱢᱟᱱᱚᱛ ᱵᱤᱰᱟᱹᱣ (ᱱᱤᱴ) ᱨᱮ ᱯᱟᱥ ᱟᱠᱟᱫ ᱯᱟᱹᱴᱷᱩᱣᱟᱹ ᱠᱚᱣᱟᱜ ᱮᱞᱠᱷᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱥᱟᱱᱟᱢ ᱠᱷᱚᱱ ᱡᱟᱹᱥᱛᱤ ᱢᱮᱱᱟᱜᱼᱟ᱾
ᱱᱟᱜᱟᱢ
ᱥᱟᱯᱲᱟᱣᱥᱤᱞ
ᱥᱟᱯᱲᱟᱣᱠᱮᱢᱯᱟᱥ ᱠᱚ
ᱥᱟᱯᱲᱟᱣᱛᱷᱟᱹᱯᱱᱤᱛ ᱟᱨ ᱪᱟᱪᱞᱟᱣ
ᱥᱟᱯᱲᱟᱣᱯᱚᱲᱦᱚᱱ
ᱥᱟᱯᱲᱟᱣᱯᱟᱹᱴᱷᱩᱣᱟᱹ ᱡᱤᱭᱚᱱ
ᱥᱟᱯᱲᱟᱣᱧᱩᱛᱩᱢᱟᱱ ᱢᱟᱨᱮ ᱯᱟᱹᱴᱷᱩᱣᱟᱹ ᱠᱚ
ᱥᱟᱯᱲᱟᱣᱥᱟ.ᱠᱷᱭᱟ.ᱛ
ᱥᱟᱯᱲᱟᱣ- ↑ Budget Publication No. 23 (PDF). Government of West Bengal. 2021. p. 95. Archived from the original (PDF) on 27 June 2021. Retrieved 18 July 2021.
- ↑ "NIRF 2022" (PDF). Calcutta University.
ᱵᱟᱨᱦᱮ ᱡᱚᱱᱚᱲ
ᱥᱟᱯᱲᱟᱣ
Media related to ᱠᱚᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ at Wikimedia Commons