ᱠᱷᱚᱜᱮᱱ ᱢᱳᱦᱳᱱᱛᱳ
ᱠᱷᱚᱜᱮᱱ ᱢᱳᱦᱳᱱᱛᱳ (ᱤᱝᱨᱮᱡᱤ: Khagen Mahanta) ᱫᱚ ᱥᱤᱧᱚᱛ ᱨᱮᱱ ᱚᱥᱚᱢ ᱯᱚᱱᱚᱛ ᱨᱮᱱ ᱢᱤᱫ ᱜᱟᱭᱱᱟᱦᱟ ᱟᱨ ᱥᱮᱨᱮᱧ ᱚᱱᱚᱞᱤᱭᱟᱹ ᱠᱟᱱᱟᱭ᱾ ᱚᱥᱚᱢ ᱨᱮᱱᱟᱜ ᱵᱤᱦᱩ ᱥᱮᱨᱮᱧ ᱨᱮ ᱟᱹᱰᱤ ᱛᱩᱠᱷᱟᱹᱲᱟᱱ ᱜᱟᱭᱱᱟᱦᱟ ᱦᱤᱥᱟᱹᱵᱛᱮ ᱠᱷᱚᱜᱮᱱ ᱢᱳᱦᱳᱱᱛᱳ ᱫᱚ ᱚᱸᱰᱮ ᱵᱤᱦᱩ ᱥᱚᱢᱨᱟᱴ ᱠᱚ ᱢᱮᱛᱟᱭᱟ᱾ ᱚᱱᱟᱨᱥ ᱯᱟᱲᱦᱟᱣ ᱢᱩᱪᱟᱹᱫ ᱠᱟᱛᱮ ᱩᱱᱤ ᱫᱚ ᱥᱮᱨᱮᱧ ᱫᱩᱱᱤᱭᱟᱹ ᱨᱮᱭ ᱯᱷᱮᱰ ᱞᱮᱱᱟ᱾ ᱩᱱᱤ ᱫᱚ ᱯᱷᱤᱞᱢ ᱠᱨᱟᱯᱷᱴ ᱮᱣᱟᱨᱰ, ᱥᱮᱨᱮᱧ ᱱᱟᱴᱚᱠ ᱮᱠᱟᱰᱮᱢᱤ ᱵᱚᱴᱟ, ᱥᱚᱱᱜᱤᱛᱟᱪᱟᱨᱡᱳ ᱵᱚᱴᱟ ᱮᱢᱟᱱᱛᱮᱭᱟᱜ ᱥᱤᱨᱯᱟᱹ ᱠᱚᱭ ᱧᱟᱢ ᱞᱮᱫᱟ᱾
| ᱡᱷᱚᱜᱮᱱ ᱢᱳᱦᱳᱱᱛᱳ | |
|---|---|
 ᱠᱷᱚᱜᱮᱱ ᱢᱳᱦᱳᱱᱛᱳ, ᱚᱨᱪᱚᱱᱟ ᱢᱳᱦᱳᱱᱛᱳ ᱟᱨ & ᱦᱤᱨᱚᱱ ᱵᱷᱚᱴᱴᱟᱪᱟᱨᱡᱳ[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ] | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱗ ᱚᱜᱚᱥᱴ ᱑᱙᱔᱒ ᱵᱚᱜᱟᱶ, ᱟᱥᱟᱢ, ᱵᱨᱤᱴᱤᱥ ᱵᱷᱟᱨᱚᱛ |
| ᱜᱩᱨ | ᱑᱒ ᱡᱩᱱ ᱒᱐᱑᱔ (᱗᱑ ᱵᱚᱭᱚᱥ) ᱜᱩᱦᱟᱴᱤ, ᱟᱥᱟᱢ |
| ᱮᱴᱟᱜ ᱧᱩᱛᱩᱢ | ᱵᱤᱦᱩ ᱥᱚᱢᱨᱟᱴ |
| ᱠᱟᱹᱢᱤ | ᱜᱟᱭᱱᱟᱦᱟ, ᱥᱮᱨᱮᱧ ᱚᱱᱚᱞᱤᱭᱟᱹ |
| ᱠᱟᱹᱢᱤ ᱚᱠᱛᱚ | ᱑᱙᱕᱘–᱒᱐᱑᱔ |
| ᱡᱤᱭᱚᱱ ᱥᱚᱦᱮᱫ | ᱚᱨᱪᱚᱱᱟ ᱢᱳᱦᱳᱱᱛᱳ |
| ᱦᱚᱯᱚᱱ | ᱚᱝᱜᱚᱨᱟᱜᱽ ᱢᱳᱦᱳᱱᱛᱳ , ᱠᱤᱝᱠᱤᱱᱤ ᱢᱳᱦᱳᱱᱛᱳ[᱑] |
ᱜᱤᱫᱨᱟᱹ ᱚᱠᱛᱚ ᱥᱟᱯᱲᱟᱣ
᱑᱙᱔᱒ ᱥᱮᱨᱢᱟ ᱨᱮᱱᱟᱜ ᱑᱗ ᱟᱜᱚᱥᱴ ᱱᱚᱜᱟᱶ ᱦᱚᱱᱚᱛ ᱨᱮᱱᱟᱜ ᱵᱚᱜᱽᱨᱤ ᱟᱢᱛᱚᱞᱟᱨᱮ ᱠᱷᱚᱜᱮᱱ ᱢᱳᱦᱳᱱᱛᱳ ᱫᱚᱭ ᱡᱟᱱᱟᱢ ᱞᱮᱱᱟ᱾ ᱟᱡ ᱵᱟᱵᱟ ᱫᱚ ᱦᱚᱨᱮᱱᱫᱨᱚᱱᱟᱴᱷ ᱢᱳᱦᱳᱱᱛᱳ ᱟᱨ ᱟᱡ ᱜᱚᱜᱚ ᱫᱚ ᱞᱚᱠᱠᱷᱤᱯᱨᱤᱭᱟ ᱫᱮᱵᱤ᱾ ᱠᱟᱹᱴᱤᱡ ᱨᱮᱜᱮ ᱟᱡ ᱵᱟᱵᱟ ᱴᱷᱮᱱ ᱠᱷᱚᱱ ᱠᱤᱨᱛᱚᱱ ᱟᱨ ᱮᱱᱮᱡ ᱥᱮᱨᱮᱧ ᱨᱮᱱᱟᱜ ᱥᱤᱠᱷᱱᱟᱹᱛᱮ ᱦᱟᱛᱟᱣ ᱞᱮᱫᱟ᱾ ᱚᱱᱟ ᱥᱟᱶᱛᱮ ᱠᱷᱳᱞ ᱨᱩᱨᱩ ᱦᱚᱸ ᱟᱹᱰᱤ ᱜᱮᱭ ᱡᱷᱩᱠᱟᱹᱲ ᱛᱟᱸᱦᱮᱸᱱᱟ᱾
ᱠᱟᱹᱢᱤ ᱡᱤᱭᱚᱱ ᱥᱟᱯᱲᱟᱣ
᱑᱙᱖᱕ ᱥᱮᱨᱢᱟ ᱠᱷᱚᱱ ᱟᱠᱟᱥᱵᱟᱱᱤ ᱨᱮ ᱠᱷᱚᱜᱮᱱ ᱢᱳᱦᱳᱱᱳO ᱥᱮᱨᱮᱧ ᱮ ᱮᱛᱦᱚᱵ ᱞᱮᱫᱟ᱾ ᱑᱙᱗᱒ ᱥᱮᱨᱢᱟ ᱨᱮ ᱩᱱᱤ ᱫᱚ ᱞᱳᱠ ᱥᱚᱱᱜᱤᱛ ᱥᱮᱨᱮᱧ ᱵᱟᱰᱚᱦᱤ ᱦᱤᱥᱟᱹᱵᱛᱮ ᱟᱹᱭᱫᱟᱹᱨᱤ ᱧᱟᱢ ᱠᱮᱫᱟᱭ᱾ ᱑᱙᱗᱖ ᱠᱷᱚᱱ ᱩᱱᱤ ᱫᱚ ᱟᱠᱟᱥᱵᱟᱱᱤ ᱨᱮ ᱠᱚᱢᱯᱳᱥᱟᱨ ᱦᱤᱥᱟᱹᱵᱛᱮ ᱪᱟᱹᱠᱨᱤ ᱮᱛᱦᱚᱵ ᱞᱮᱫᱟ᱾ ᱤᱱᱟᱹ ᱛᱟᱭᱚᱢ ᱥᱮᱨᱮᱧ ᱯᱨᱳᱡᱳᱡᱳᱠ ᱥᱟᱶ ᱟᱠᱟᱥᱵᱟᱱᱤ ᱨᱮᱱᱟᱜ ᱩᱛᱟᱹᱨ ᱯᱩᱨᱩᱵᱽ ᱨᱮᱱ ᱰᱮᱯᱩᱴᱤ ᱰᱟᱭᱨᱮᱠᱴᱚᱨ ᱦᱚᱸᱭ ᱛᱟᱸᱦᱮᱸᱠᱟᱱᱟ᱾ ᱜᱩᱣᱟᱦᱟᱴᱤ ᱟᱠᱟᱥᱵᱟᱱᱤ ᱨᱮ ᱛᱟᱸᱦᱮᱸ ᱡᱚᱠᱷᱚᱡ ᱩᱱᱤ ᱫᱚ ᱚᱥᱚᱢ ᱨᱮᱱᱟᱜ ᱞᱳᱠᱳ ᱥᱮᱨᱮᱧ ᱵᱟᱰᱚᱦᱤ ᱠᱳᱣᱟᱜ ᱞᱟᱦᱟᱱᱛᱤ ᱞᱟᱹᱜᱤᱛ ᱱᱟᱱᱟᱱ ᱯᱨᱟᱠᱟᱱ ᱠᱟᱹᱢᱤ ᱠᱚᱭ ᱮᱛᱦᱚᱵ ᱞᱮᱫᱟ᱾
ᱜᱷᱟᱸᱨᱚᱡᱽ ᱡᱤᱭᱚᱱ ᱥᱟᱯᱲᱟᱣ
ᱠᱷᱚᱜᱮᱱ ᱢᱳᱦᱳᱱᱛᱳ ᱫᱚ ᱑᱙᱖᱕ ᱥᱮᱨᱢᱟ ᱨᱮ ᱧᱩᱛᱩᱢᱟᱱ ᱥᱮᱨᱮᱧ ᱵᱟᱰᱚᱦᱤ ᱚᱨᱪᱚᱱᱟ ᱢᱳᱦᱳᱱᱛᱳᱭ ᱵᱟᱯᱞᱟ ᱞᱤᱫᱤᱭᱟ᱾ ᱩᱱᱠᱤᱱ ᱨᱮᱱ ᱠᱚᱲᱟ ᱜᱤᱫᱽᱨᱟᱹ ᱚᱝᱜᱚᱨᱟᱜᱽ ᱢᱳᱦᱳᱱᱛᱳ ᱦᱚ ᱚᱥᱚᱢ ᱨᱮᱱ ᱢᱤᱫ ᱧᱩᱛᱩᱢᱟᱱ ᱥᱮᱨᱮᱧ ᱵᱟᱰᱚᱦᱤ ᱠᱟᱱᱟᱭ᱾
ᱥᱮᱨᱮᱧ ᱫᱩᱱᱤᱭᱟ ᱨᱮ ᱮᱱᱮᱢ ᱥᱟᱯᱲᱟᱣ
᱑᱙᱖᱐ ᱥᱮᱨᱢᱟ ᱨᱮ ᱚᱥᱚᱢ ᱨᱮᱱᱟᱜ ᱯᱟᱹᱨᱥᱤ ᱞᱟᱹᱲᱦᱟᱹᱭ ᱨᱮ ᱵᱤᱥᱱᱩᱯᱨᱚᱥᱟᱫᱽ ᱨᱟᱵᱷᱟ, ᱦᱮᱢᱟᱱᱜᱚ ᱵᱤᱥᱥᱟᱥ, ᱡᱩᱜᱚᱞ ᱠᱳᱣᱟᱜ ᱵᱮᱱᱟᱣᱠᱟᱱ ᱦᱟᱨᱢᱚᱱᱤ ᱫᱚᱞ ᱨᱮᱱ ᱢᱤᱫ ᱥᱚᱦᱮᱫᱮ ᱛᱟᱸᱦᱮᱸᱠᱟᱱᱟ᱾ ᱱᱤᱭᱟᱹ ᱡᱚᱠᱷᱚᱡ ᱩᱱᱤ ᱜᱚᱴᱟ ᱚᱥᱚᱢ ᱨᱮ ᱥᱟᱹᱱᱛᱤ ᱠᱟᱢᱱᱟ ᱠᱟᱛᱮᱜ ᱮ ᱥᱮᱨᱮᱧᱮᱜ ᱛᱟᱸᱦᱮᱸᱱᱟ᱾ ᱩᱱᱤ ᱫᱚ ᱚᱥᱚᱢ ᱨᱮᱱᱟᱜ ᱟᱭᱢᱟ ᱞᱳᱠᱳ ᱥᱮᱨᱮᱧ ᱠᱚ ᱟᱛᱚ ᱟᱛᱚ ᱫᱟᱬᱟ ᱠᱟᱛᱮᱜ ᱮ ᱡᱳᱜᱟᱣ ᱞᱮᱫᱟ᱾
ᱵᱚᱸᱜᱟ ᱛᱟᱞᱟ ᱥᱟᱯᱲᱟᱣ
᱒᱐᱑᱔ ᱥᱮᱨᱢᱟ ᱨᱮᱱᱟᱜ ᱑᱒ ᱡᱩᱱ ᱠᱷᱚᱜᱮᱱ ᱢᱳᱦᱳᱱᱛᱳ ᱫᱚᱭ ᱵᱚᱸᱜᱟ ᱛᱟᱞᱟᱭᱮᱱᱟ᱾ ᱩᱱ ᱚᱠᱛᱮᱨᱮ ᱟᱭᱟᱜ ᱵᱚᱭᱚᱥ ᱛᱟᱸᱦᱮᱸᱠᱟᱱᱛᱟᱭᱟ ᱗᱒ ᱵᱚᱪᱷᱚᱨ᱾ ᱩᱱ ᱦᱤᱞᱟᱹ ᱜᱚᱴᱟ ᱚᱥᱚᱢ ᱨᱮᱱ ᱢᱟᱹᱱᱢᱤ ᱠᱚ ᱥᱳᱠ ᱠᱚ ᱢᱟᱱᱟᱣ ᱞᱮᱫᱟ᱾
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ Staff Reporter (13 June 2014). "Legendary Assamese Singer Khagen Mahanta dies at 72". Times of Assam. Retrieved 13 June 2014.