ᱠᱷᱮᱨᱣᱟᱲ ᱜᱟᱲ
ᱠᱷᱮᱨᱣᱟᱲ ᱠᱚᱣᱟᱜ ᱱᱟᱜᱟᱢ ᱞᱮᱠᱟᱛᱮ ᱡᱟᱦᱟᱸ ᱵᱚ ᱢᱮᱛᱟᱜ ᱠᱟᱱᱟ ᱪᱟᱢᱯᱟ ᱫᱤᱥᱚᱢ - ᱥᱩᱲᱟᱹᱱᱟᱹᱭ, ᱡᱷᱤᱯᱩ ᱱᱟᱹᱭ, ᱡᱚᱢ ᱱᱟᱹᱭ, ᱥᱟᱝ ᱱᱟᱹᱭ, ᱵᱟᱦᱟ ᱱᱟᱹᱭ, ᱥᱤᱛᱟᱹ ᱱᱟᱞᱟ, ᱟᱨᱥᱤ ᱱᱟᱹᱭ ᱱᱚᱣᱟ ᱮᱭᱟᱭ ᱱᱟᱹᱭ ᱜᱟᱰᱟ ᱛᱟᱞᱟ ᱨᱮ ᱛᱤᱸᱜᱩ ᱠᱮᱴᱮᱡ ᱞᱮᱱᱟ ᱠᱷᱮᱨᱣᱟᱲ ᱠᱚᱣᱟᱜ ᱱᱟᱜᱟᱨ ᱥᱚᱥᱚᱱᱚᱜ ᱾ ᱵᱤᱨ ᱵᱩᱨᱩ ᱢᱟᱜ ᱯᱷᱟᱫᱟ ᱚᱛᱮᱛ ᱥᱟᱵᱩᱫ ᱚᱛ ᱦᱟᱥᱟ ᱨᱮ ᱪᱟᱥ ᱠᱤᱨᱥᱤ ᱛᱮ ᱟᱨᱡᱟᱣᱚᱜ ᱠᱟᱱ ᱛᱟᱦᱮᱱ ᱴᱩᱭ ᱦᱟᱨᱤᱡ ᱪᱚᱸᱫᱟ ᱯᱮᱨᱮᱡ ᱡᱚᱢᱟᱜ ᱟᱱᱮᱡ ᱫᱷᱟᱱᱮᱡ ᱾ ᱩᱱᱨᱮ ᱮᱭᱟᱭ ᱱᱟᱹᱭ ᱛᱟᱞᱟ ᱨᱮ ᱵᱮᱨᱮᱫ ᱞᱮᱱᱟ ᱜᱮᱞᱵᱟᱨ ᱯᱟᱨᱤᱥ ᱦᱚᱲ ᱠᱚᱣᱟᱜ ᱡᱩᱫᱟᱹ ᱡᱩᱫᱟᱹ ᱜᱟᱲ ᱱᱟᱜᱟᱨ---
ᱪᱟᱢᱯᱟ ᱫᱤᱥᱚᱢ ᱨᱮᱫᱚ ᱜᱮᱞᱵᱟᱨ ᱯᱟᱹᱨᱤᱥ ᱦᱚᱲ ᱠᱚᱣᱟᱜ ᱜᱮᱞᱵᱟᱨ ᱜᱚᱴᱟᱝ ᱱᱟᱜᱟᱨ ᱛᱟᱦᱮᱸ ᱠᱟᱱᱟ ᱟᱨ ᱡᱩᱫᱟᱹ ᱡᱩᱫᱟᱹ ᱜᱟᱲ ᱠᱚ ᱵᱮᱨᱮᱫ ᱞᱮᱱᱟ ᱾ ᱢᱮᱱᱢᱟ---
(᱑) ᱦᱟᱸᱥᱫᱟᱜ ᱠᱚᱣᱟᱜ ᱫᱚᱼ
ᱪᱟᱹᱭ ᱱᱟᱜᱟᱨ, ᱪᱟᱹᱭ ᱜᱟᱲ, ᱠᱩᱴᱟᱹᱢ ᱯᱩᱨᱤ ᱜᱟᱲ, ᱴᱟᱹᱴᱤ ᱡᱷᱟᱹᱨᱤ ᱜᱟᱲ ᱟᱨ ᱪᱟᱶᱨᱤᱡ ᱜᱟᱲ ᱾
(᱒) ᱢᱩᱨᱢᱩ ᱠᱚᱣᱟᱜ ᱫᱚ-
ᱪᱟᱢᱯᱟ ᱱᱟᱜᱟᱨ, ᱪᱟᱢᱯᱟ ᱜᱟᱲ, ᱫᱷᱤᱨᱤ ᱜᱟᱲ, ᱫᱟᱨᱮ ᱜᱟᱲ ᱟᱨ ᱵᱟᱦᱟ ᱜᱟᱲ ᱮᱢᱟᱱ ᱾
(᱓) ᱠᱤᱥᱠᱩ ᱠᱚᱣᱟᱜ ᱫᱚ-
ᱪᱟᱢᱯᱟ ᱱᱟᱜᱟᱨ, ᱠᱚᱸᱭᱰᱟ ᱜᱟᱲ, ᱢᱟᱱ ᱜᱟᱲ ᱟᱨ ᱪᱤᱨᱩ ᱜᱟᱲ ᱮᱢᱟᱱ ᱾
(᱔) ᱦᱮᱢᱵᱽᱨᱚᱢ ᱠᱚᱣᱟᱜ ᱫᱚ-
ᱠᱷᱟᱭᱨᱤ ᱱᱟᱜᱟᱨ ᱟᱨ ᱠᱷᱟᱭᱨᱤ ᱜᱟᱲ ᱮᱢᱟᱱ ᱾
(᱕) ᱢᱟᱨᱰᱤ ᱠᱚᱣᱟᱜ ᱫᱚ-
ᱪᱤᱨᱩ ᱱᱟᱜᱟᱨ, ᱵᱟᱫᱚᱞᱤ ᱜᱟᱲ, ᱪᱤᱨᱩ ᱜᱟᱲ ᱟᱨ ᱢᱤᱨᱩ ᱜᱟᱲ ᱮᱢᱟᱱ ᱾
(᱖) ᱥᱚᱨᱮᱱ ᱠᱚᱣᱟᱜ ᱫᱚ-
ᱵᱩᱭᱥᱟᱹ ᱱᱟᱜᱟᱨ, ᱪᱟᱹᱭ ᱵᱚᱦᱟᱨ ᱜᱟᱲ, ᱵᱩᱭᱥᱟᱹ ᱜᱟᱲ ᱟᱨ ᱪᱟᱹᱭ ᱜᱟᱲ ᱮᱢᱟᱱ ᱾
(᱗) ᱴᱩᱰᱩ ᱠᱚᱣᱟᱜ ᱫᱚ-
ᱤᱪᱟᱹᱜ ᱱᱟᱜᱟᱨ, ᱥᱤᱢ ᱜᱟᱲ, ᱢᱟᱱ ᱜᱟᱲ, ᱢᱟᱰᱚᱣᱟ ᱜᱟᱲ, ᱞᱩᱭ ᱵᱟᱹᱲᱤ-ᱞᱩᱠᱩᱭ ᱵᱟᱹᱲᱤ ᱜᱟᱲ ᱟᱨ ᱤᱪᱟᱹᱜ ᱜᱟᱲ ᱮᱢᱟᱱ ᱾
(᱘) ᱵᱟᱥᱠᱮ ᱠᱚᱣᱟᱜ ᱫᱚ-
ᱪᱟᱹᱨᱟᱹᱭ ᱱᱟᱜᱟᱨ, ᱦᱟᱨᱵᱟ ᱞᱚᱭᱚᱝ ᱜᱟᱲ, ᱦᱚᱞᱚᱝ ᱜᱟᱰᱟ ᱜᱟᱲ ᱟᱨ ᱪᱟᱹᱨᱟᱹᱭ ᱜᱟᱲ ᱮᱢᱟᱱ ᱾
(᱙) ᱵᱮᱥᱨᱟ ᱠᱚᱣᱟᱜ ᱫᱚ-
ᱫᱩ ᱱᱟᱜᱟᱨ, ᱪᱟᱹᱭ ᱜᱟᱲ, ᱥᱤᱢ ᱜᱟᱲ, ᱥᱩᱠᱚᱨᱤ ᱜᱟᱲ, ᱢᱟᱱ ᱜᱟᱲ ᱟᱨ ᱫᱩ ᱜᱟᱲ ᱮᱢᱟᱱ ᱾
(᱑᱐) ᱪᱚᱬᱮ ᱠᱚᱣᱟᱜ ᱫᱚ-
ᱫᱩᱜᱽᱫᱟᱹ ᱱᱟᱜᱟᱨ, ᱡᱟᱸᱜᱮ ᱠᱚᱸᱰᱮ ᱜᱟᱲ ᱟᱨ ᱫᱩᱜᱽᱫᱟᱹ ᱮᱢᱟᱱ ᱾
(᱑᱑) ᱵᱮᱫᱮᱭᱟ/ᱰᱚᱸᱰᱠᱟ/ᱜᱚᱸᱰᱣᱟᱨ ᱠᱚᱣᱟᱜ ᱫᱚ-
ᱰᱤᱞᱦᱤ ᱱᱟᱜᱟᱨ, ᱰᱤᱞᱦᱤ ᱜᱟᱲ, ᱨᱟᱦᱮᱲ ᱱᱟᱜᱟᱨ ᱟᱨ ᱨᱟᱦᱮᱲ ᱜᱟᱲ ᱮᱢᱟᱱ ᱾
(᱑᱒) ᱯᱟᱶᱨᱤᱭᱟ ᱠᱚᱣᱟᱜ ᱫᱚ-
ᱯᱟᱹᱣᱲᱟᱹ ᱱᱟᱜᱟᱨ, ᱱᱟᱢᱟ ᱜᱟᱲ ᱟᱨ ᱯᱟᱹᱣᱲᱟᱹ ᱜᱟᱲ ᱮᱢᱟᱱ ᱾
ᱩᱱᱨᱮ ᱦᱟᱸᱥᱫᱟᱜ ᱠᱚ ᱫᱚ ᱯᱩᱨᱩᱫᱷᱩᱞ , ᱢᱩᱨᱢᱩ ᱠᱚ ᱫᱚ ᱴᱷᱟᱹᱠᱩᱨ, ᱠᱤᱥᱠᱩ ᱠᱚ ᱫᱚ ᱨᱟᱯᱟᱡᱽ, ᱢᱟᱨᱰᱤ ᱠᱚ ᱫᱚ ᱠᱤᱥᱟᱹᱬ, ᱦᱮᱢᱵᱽᱨᱚᱢ ᱠᱚ ᱫᱚ ᱠᱟᱨᱡᱤ, ᱥᱚᱨᱮᱱ ᱠᱚ ᱫᱚ ᱥᱤᱯᱟᱹᱦᱤ, ᱴᱩᱰᱩ ᱠᱚ ᱫᱚ ᱨᱩᱥᱤᱠᱟ, ᱵᱟᱥᱠᱮ ᱠᱚ ᱫᱚ ᱵᱟᱱᱤᱡ ᱵᱮᱯᱟᱨ ᱟᱨ ᱵᱮᱥᱨᱟ ᱠᱚ ᱫᱚ ᱵᱟᱭᱟᱨ ᱟᱨ ᱵᱟᱝ ᱮᱱᱮᱡ ᱥᱮᱨᱮᱧ ᱞᱮᱠᱟᱱ ᱵᱤᱨᱤᱛ ᱛᱟᱦᱮᱸ ᱞᱮᱱ ᱛᱟᱠᱚᱣᱟ ᱾ ᱱᱟᱹᱜᱟᱹᱢᱤᱭᱟᱹ ᱠᱚ ᱠᱚ ᱞᱟᱹᱭᱟ ᱦᱚᱨᱯᱯᱟ ᱥᱚᱥᱚᱱᱚᱜ ᱟᱨ ᱵᱟᱝ ᱥᱤᱱᱫᱷᱩ ᱥᱚᱥᱚᱱᱚᱜ ᱚᱱᱟ ᱫᱚ ᱵᱟᱱᱟᱨ ᱜᱮ ᱢᱤᱫ ᱟ ᱾ ᱟᱵᱚ ᱟᱜᱤᱞ ᱦᱟᱯᱲᱟᱢ ᱠᱚᱣᱟᱜ ᱞᱟᱹᱭ ᱞᱟᱠᱪᱟᱨ ᱞᱮᱠᱟᱛᱮ ᱱᱚᱣᱟ ᱫᱚ ᱮᱭᱟᱭ ᱱᱟᱹᱭ ᱫᱤᱥᱚᱢ ᱟᱨ ᱵᱟᱝ ᱪᱟᱹᱭ ᱪᱟᱢᱯᱟ ᱫᱤᱥᱚᱢ ᱢᱮᱱᱛᱮ ᱠᱚ ᱞᱟᱹᱭᱟ ᱾ ᱟᱨ ᱥᱮᱨᱮᱧ ᱫᱩᱨᱟᱹᱝ ᱜᱮ ᱱᱚᱣᱟ ᱨᱮᱭᱟᱜ ᱥᱟᱹᱨᱤ ᱫᱟᱹᱭᱠᱟᱹ- ᱪᱟᱹᱭ ᱪᱟᱢᱯᱟ ᱜᱟᱲ ᱫᱚ ᱞᱤᱞᱤᱵᱤᱪᱷᱤ - ᱵᱟᱫᱚᱞᱤ ᱠᱚᱸᱭᱰᱟ ᱜᱟᱲ ᱫᱚ ᱞᱤᱠᱷᱚᱱ ᱜᱚᱲᱦᱚᱱ ᱾ ᱪᱟᱹᱭ ᱪᱟᱢᱯᱟ ᱱᱟᱜᱟᱨ ᱵᱟᱫᱚᱞᱤ ᱠᱚᱸᱭᱰᱟ - ᱫᱟᱭᱟ ᱜᱮ ᱜᱟᱲ ᱫᱚᱢ ᱵᱟᱜᱤᱭᱟᱜ ᱠᱟᱱ ᱾ ᱛᱚᱵᱮ ᱚᱱᱟ ᱞᱮᱠᱟᱱ ᱱᱟᱜᱟᱨ ᱥᱚᱥᱚᱱᱚᱜ ᱢᱟᱞᱚᱴ ᱟᱠᱟᱱᱟ ᱾ ᱦᱚᱭᱛᱚ ᱵᱟᱹᱭᱨᱤ ᱠᱚ ᱥᱚᱲᱚ ᱵᱚᱞᱚᱭᱮᱱ, ᱦᱚᱭᱛᱚ ᱮᱭᱟᱭ ᱱᱟᱹᱭ ᱨᱮᱱᱟᱜ ᱵᱟᱸᱫᱷᱚ ᱫᱟᱜ ᱛᱮ ᱥᱮᱨᱢᱟ ᱯᱤᱪᱷᱤ ᱰᱩᱵᱩᱡ ᱮᱱ, ᱟᱨ ᱵᱟᱝ ᱢᱟᱫᱷᱚᱪ ᱥᱤᱝ ᱟᱜ ᱨᱚᱰᱚᱪ ᱠᱚᱪᱞᱚᱱ ᱱᱟᱦᱟᱪᱟᱨ ᱵᱚᱛᱚᱨᱛᱮ ᱥᱤᱸᱡᱳ ᱫᱤᱥᱚᱢ ᱛᱮ ᱠᱚ ᱣᱰᱟᱹᱨ ᱞᱮᱱᱟ ᱾