ᱡ
ᱡ ᱫᱚ ᱚᱞ ᱪᱤᱠᱤ ᱨᱮᱭᱟᱜ ᱤᱨᱟᱹᱞᱟᱜ ᱟᱠᱷᱚᱨ ᱠᱟᱱᱟ᱾ ᱱᱚᱶᱟ ᱠᱮᱪᱮᱫ ᱟᱲᱟᱝ (en:consonant) ᱫᱚ 'ᱟᱡ' ᱦᱚᱦᱚ ᱡᱚᱠᱷᱮᱡ ᱡᱚᱡᱚᱢ ᱛᱤ ᱨᱮᱭᱟᱜ ᱪᱤᱛᱟᱹᱨ ᱠᱷᱚᱱ ᱦᱟᱛᱟᱣ ᱟᱠᱟᱱᱟ᱾ ᱟᱡ ᱨᱚᱲ ᱠᱷᱚᱱ ᱟᱡ ᱥᱟᱰᱮ ᱫᱚ ᱦᱟᱛᱟᱶ ᱟᱠᱟᱱᱟ᱾
ᱛᱟ.ᱯᱩᱜ ᱠᱮᱪᱮᱫ ᱟᱲᱟᱝ ᱨᱮᱭᱟᱝ ᱞᱟᱜᱟᱛ ᱟ.ᱨᱤ ᱥᱟᱯᱲᱟᱣ
ᱱᱚᱰᱮ ᱫᱚ "ᱡ " ᱟᱛᱮ ᱟ.ᱲᱟ. ᱜᱟᱵᱟᱱ ᱟᱨ ᱟ.ᱨᱤ ᱥᱮᱲᱟᱭ ᱢᱮ I "ᱡ " ᱛᱮᱫᱚ ᱯᱩᱱ ᱞᱮᱠᱟᱱ ᱟᱲᱟᱝ ᱯᱷᱚᱴᱮᱞᱚᱜ ᱟ I ᱟᱨ ᱚᱱᱟ ᱞᱮᱠᱟᱛᱮ ᱟᱲᱟᱝ ᱜᱟᱵᱟᱱᱚᱜ ᱟ I ᱡᱮᱞᱮᱠᱟ - (1) ᱡ ᱫᱚ ᱛᱟ.ᱯᱩᱜ ᱠᱮᱪᱮᱫ ᱟᱲᱟᱝ ᱟᱨ ᱛᱟ.ᱯᱩᱜᱚᱜ ᱟ I ᱩᱱ ᱫᱚ ᱡ ᱟ.ᱲᱟ. ᱨᱮᱭᱟᱜ ᱛᱟᱞᱟ ᱟᱨ ᱢᱩᱪᱟ.ᱫ ᱨᱮ ᱞᱟᱜᱟᱛᱚᱜ ᱟ I ᱡᱟᱦᱟ ᱨᱮ ᱟᱲᱟᱝ ᱫᱚ ᱢᱚᱪᱟ ᱨᱮ ᱱᱟᱥᱮ ᱛᱟ.ᱯᱩᱜ ᱠᱟᱛᱮ ᱠᱟᱱᱴᱟ ᱠᱷᱚᱱ ᱨᱚᱲᱟᱝ ᱚᱰᱳᱠᱚᱜ ᱟ I ᱚᱰᱮ ᱜᱮ "ᱡ " ᱞᱟᱜᱟᱛᱚᱜ ᱟ I ᱡᱮᱞᱮᱠᱟ - ᱚᱦᱚᱡ , ᱠᱟᱴᱤᱡ ᱟᱨ ᱴᱩᱠᱩᱡ ᱮᱢᱟᱱ ᱠᱚ I
(2) ᱟ.ᱲᱟ. ᱨᱮᱬᱟᱜ ᱡᱟᱦᱟ ᱴᱷᱮᱱ " ᱡ" ᱟᱲᱟᱝ ᱱᱟᱥᱮ ᱦᱚᱫ ᱥᱮ ᱛᱟ.ᱯᱩᱜ ᱦᱚ ᱵᱟᱝ ᱟᱨ ᱯᱷᱚᱴᱮᱞ ᱦᱚ ᱵᱟᱝ ᱚᱱᱟ ᱛᱟᱞᱟ ᱨᱮ ᱨᱚᱲᱚᱜ ᱟ I ᱚᱰᱮ ᱪᱚ " ᱡ " ᱥᱟᱶ " ᱚᱦᱚᱫ " ᱡᱟᱯᱟᱜᱚᱜ ᱟ ᱟᱨ ᱟ.ᱲᱟ. ᱨᱮᱭᱟᱜ ᱛᱟᱞᱟ ᱟᱨ ᱢᱩᱪᱟ.ᱫ ᱨᱮ ᱨᱚᱲᱚᱝᱚᱜ ᱟ I ᱡᱮᱞᱮᱠᱟ - ᱨᱟᱡ ᱨᱮ ᱚᱦᱚᱫ ᱥᱮᱞᱮᱫ ᱦᱩᱭᱩᱜ ᱟ I
(3) ᱟ.ᱲᱟ. ᱨᱮᱭᱟᱜ ᱡᱟᱦᱟ ᱴᱷᱮᱱ " ᱡ " ᱟᱲᱟᱝ ᱯᱩᱥᱴᱟ.ᱣ ᱯᱷᱚᱴᱮᱞ ᱡᱟᱨᱩᱲᱟ I ᱚᱰᱮ ᱫᱚ " ᱡ " ᱛᱟᱭᱚᱢ ᱨᱟᱦᱟ ᱟᱲᱠᱝ ᱜᱟᱵᱟᱱ ᱦᱩᱭᱩᱜ ᱟ I ᱩᱱᱫᱚ " ᱡ " ᱵᱟᱝ ᱛᱟ.ᱯᱩᱜᱚᱜ ᱛᱮ ᱯᱩᱨᱟ. ᱯᱷᱚᱴᱮᱞᱚᱜ ᱟ I ᱱᱚᱣᱟ ᱫᱚ ᱟ.ᱲᱟ. ᱨᱮᱭᱟᱜ ᱡᱷᱚᱛᱚ ᱴᱶᱮᱱ ᱞᱟᱜᱟᱛᱚᱜ ᱟ I ᱡᱮᱞᱮᱠᱟ - ᱡᱚᱡᱚ , ᱡᱟᱨᱟ ᱟᱨ ᱥᱟᱡᱚ ᱮᱢᱟᱱ ᱠᱚ I
(4) " ᱡ " ᱡᱟᱦᱟ ᱨᱮ ᱛᱟ.ᱯᱤᱥ ᱥᱮ ᱮ.ᱫᱨᱮ ᱦᱚᱪᱚᱭ ᱞᱟ.ᱜᱤᱫ ᱫᱚ " ᱡ " ᱥᱟᱶ " ᱷ " ᱟᱲᱟᱝ ᱢᱮᱥᱟ ᱦᱩᱭᱩᱜ ᱟ I " ᱡᱷ " ᱛᱮᱫᱚ ᱟᱲᱟᱝ ᱛᱟ.ᱯᱤᱥᱚᱜ ᱟ I ᱱᱚᱣᱟ ᱫᱚ ᱟ.ᱲᱟ. ᱨᱮᱭᱟᱜ ᱡᱷᱚᱛᱚ ᱴᱷᱮᱱ ᱞᱟᱜᱟᱛᱚᱜ ᱟ I ᱡᱮᱞᱮᱠᱟ - ᱡᱷᱚᱞ , ᱡᱷᱟᱱᱴᱤ ᱟᱨ ᱡᱷᱟᱴᱟ ᱮᱢᱟᱱ ᱠᱚ I
ᱛᱷᱚᱠ ᱥᱟᱯᱲᱟᱣ
ᱱᱚᱶᱟ ᱫᱚ ᱛᱟᱹᱯᱩᱜ ᱠᱮᱪᱮᱫ ᱛᱷᱚᱠ ᱨᱮᱭᱟᱜ ᱫᱚᱥᱟᱨ ᱟᱠᱷᱚᱨ ᱠᱟᱱᱟ᱾ ᱱᱚᱶᱟ ᱪᱤᱠᱤ ᱯᱟᱨᱦᱟᱲ ᱚᱪᱚᱭ ᱞᱟᱹᱜᱤᱫ, ᱱᱚᱶᱟ ᱨᱮᱱᱟᱜ ᱡᱚᱡᱚᱢ ᱥᱟᱦᱟ ᱨᱮ ᱢᱤᱫ ᱨᱟᱦᱟ ᱟᱲᱟᱝ ᱞᱟᱜᱟᱶ ᱦᱩᱭᱩᱜᱼᱟ᱾
ᱽ ᱵᱮᱜᱚᱨ ᱟᱨ ᱽ ᱥᱟᱶ 'ᱡ' ᱥᱟᱯᱲᱟᱣ
ᱡ ᱥᱟᱶ ᱽ (ᱚᱦᱚᱫ) ᱞᱟᱜᱟᱣ ᱞᱮᱱ ᱠᱷᱟᱱ ᱟᱲᱟᱝ ᱫᱚ ᱯᱟᱨᱦᱟᱲᱚᱜᱼᱟ ᱾ ᱟᱨ ᱽ ᱵᱟᱝ ᱞᱟᱜᱟᱣ ᱞᱮᱱ ᱠᱷᱟᱱ ᱫᱚ ᱛᱟᱯᱩᱜ ᱜᱮ ᱛᱟᱦᱮᱸᱱᱟ ᱾ ᱥᱟᱱᱛᱟᱲᱤ ᱯᱟᱹᱨᱥᱤ ᱨᱮ ᱱᱚᱣᱟ ᱨᱮᱱᱟᱜ ᱞᱟᱜᱟᱛ ᱫᱚ ᱟᱹᱰᱤ ᱜᱮ ᱞᱟᱹᱠᱛᱤ ᱭᱟᱱᱟ ᱾
| ᱽ ᱵᱮᱜᱚᱨ | ᱞᱟᱜᱟᱛ | ᱽ ᱥᱟᱶ | ᱞᱟᱜᱟᱛ |
|---|---|---|---|
| ᱜᱚᱡ | ᱚᱱᱟ ᱫᱟᱨᱮ ᱜᱚᱡ ᱮᱱᱟ | ᱜᱚᱡᱽ | ᱠᱟᱜᱚᱡᱽ ᱫᱚ ᱯᱩᱸᱰ ᱜᱮᱭᱟ |
| ᱟᱡ | ᱟᱡ ᱫᱚᱭ ᱚᱠᱟᱭᱮᱱᱟ ? | ᱟᱡᱽ | ᱤᱧ ᱡᱟᱦᱟᱡᱽ ᱨᱮ ᱵᱟᱹᱧ ᱫᱮᱡ ᱟᱠᱟᱱᱟ |
| ᱤᱡ | ᱥᱤᱢ ᱤᱡ ᱡᱚᱜ ᱜᱤᱰᱤ ᱢᱮ | ᱤᱡᱽ | ᱯᱟᱹᱭᱠᱷᱟᱱᱟ ᱨᱮ ᱤᱡᱽ ᱢᱮ |
| ᱵᱩᱡ | ᱩᱱᱤ ᱫᱟᱜ ᱨᱮ ᱰᱩᱵᱩᱡ ᱮᱱᱟᱭ | ᱵᱩᱡᱽ | ᱵᱩᱡᱽ ᱠᱮᱫᱟᱢ ᱪᱮ ᱵᱟᱝ ? |
| ᱚᱲᱮᱡ | ᱩᱱᱤ ᱚᱲᱮᱡ ᱫᱚᱛᱚᱭ ᱦᱚᱨᱚᱜ ᱟᱠᱟᱫᱟ | ᱚᱲᱮᱡᱽ | ᱥᱟᱠᱟᱢ ᱚᱲᱮᱡᱽ ᱢᱮ |