ᱢᱩᱬᱩᱛ ᱢᱮᱱᱩ ᱡᱷᱤᱡᱽ ᱢᱮ
ᱡᱚᱢᱟᱜ ᱡᱚ ᱡᱚ ᱡᱤᱱᱤᱥ ᱠᱚ
ᱡᱤᱞ
ᱟᱭᱢᱟ ᱞᱮᱠᱟᱱ ᱡᱚᱢᱟᱜ ᱠᱚ
ᱵᱚᱨᱜᱚᱨᱥ

ᱡᱚᱢᱟᱜ ᱢᱮᱱᱞᱮᱠᱷᱟᱱ ᱫᱚ ᱢᱟᱹᱱᱢᱤ ᱟᱨ ᱡᱤᱭᱟᱹᱞᱤ ᱠᱚ ᱡᱟᱦᱟᱸ ᱵᱚᱱ ᱡᱚᱢᱮᱫ-ᱟ, ᱚᱱᱟ ᱜᱮ ᱡᱚᱢᱟᱜ ᱫᱚ ᱾[᱑] ᱡᱚᱢᱟᱜ ᱫᱚ ᱤᱝᱞᱤᱥ ᱛᱮ ᱯᱷᱩᱰ (Food) ᱠᱚ ᱢᱮᱛᱟᱜ ᱠᱟᱱᱟ ᱾ᱡᱚᱢᱟᱜ ᱫᱚ ᱫᱟᱨᱮ-ᱱᱟᱹᱬᱤ ᱟᱨ ᱡᱤᱭᱟᱹᱞᱤ ᱠᱚᱨᱮ ᱠᱷᱚᱱ ᱦᱤᱡᱩᱜ-ᱟ ᱾ ᱡᱚᱢᱟᱜ ᱫᱚ ᱡᱤᱣᱤᱭᱟᱱ ᱠᱚ ᱠᱚ ᱡᱚᱢᱟ ᱵᱟᱧᱪᱟᱣ ᱟᱨ ᱫᱟᱲᱮ ᱧᱟᱢ ᱞᱟᱹᱜᱤᱫ ᱾ [᱒] ᱡᱚᱢᱟᱜ ᱨᱮ ᱫᱚ ᱱᱤᱣᱴᱨᱤᱥᱚᱱ (nutrition) ᱛᱟᱦᱮᱸᱱᱟ, ᱡᱟᱦᱟᱸ ᱫᱚ ᱢᱟᱹᱢᱤ ᱟᱨ ᱡᱤᱭᱟᱹᱞᱤ ᱠᱚᱣᱟᱜ ᱦᱚᱲᱢᱚ ᱨᱮ ᱟᱹᱰᱤ ᱞᱟᱹᱠᱛᱤᱭᱟᱱᱟ ᱾ ᱡᱚᱢ ᱞᱮᱠᱷᱟᱱ ᱢᱟᱹᱢᱤ ᱫᱚ ᱨᱟᱹᱥᱠᱟᱹ ᱨᱮᱠᱚ ᱛᱟᱦᱮᱸᱱᱟ ᱾ ᱱᱚᱣᱟ ᱨᱮ ᱫᱚ ᱯᱨᱚᱴᱤᱱ (protein), ᱯᱷᱮᱴ (fat), ᱠᱟᱨᱵᱚᱦᱟᱭᱰᱨᱮᱴ (carbohydrate), ᱵᱷᱤᱴᱟᱢᱤᱱ (vitamin) ᱟᱨ ᱢᱤᱱᱮᱨᱟᱞ (mineral) ᱮᱢᱟᱱ ᱠᱚ ᱛᱟᱦᱮᱸᱱᱟ ᱾ ᱫᱟᱜ ᱞᱮᱠᱟᱱᱟᱜ ᱠᱚ ᱫᱟᱲᱮ ᱟᱨ ᱱᱤᱣᱴᱨᱤᱥᱚᱱ ᱧᱟᱢ ᱞᱟᱹᱜᱤᱫ ᱵᱮᱵᱷᱟᱨᱚᱜ ᱠᱟᱱᱟᱜ ᱠᱚ ᱫᱚ ᱧᱩᱣᱟᱜ ᱠᱚ ᱢᱮᱛᱟᱜᱟᱜ-ᱟ ᱟᱨ ᱤᱝᱞᱤᱥ ᱛᱮ ᱫᱚ ᱰᱨᱤᱸᱠᱥ (Drinks) ᱠᱚ ᱢᱮᱛᱟᱜᱟᱜ-ᱟ ᱾ ᱡᱟᱦᱟᱸᱭ ᱡᱚᱢᱟᱜ ᱵᱟᱭ ᱧᱟᱢᱟ ᱩᱱᱤ ᱫᱚ ᱨᱮᱸᱜᱮᱡ ᱮᱭᱟ ᱾ ᱢᱟᱹᱢᱤ ᱠᱚ ᱞᱟᱹᱜᱤᱫ ᱡᱚᱢᱟᱜ ᱫᱤ ᱪᱟᱥ ᱠᱷᱚᱱ ᱧᱟᱢᱚᱜ-ᱟ ᱾ ᱛᱤᱢᱤᱱ ᱜᱟᱱ ᱦᱚᱲ ᱫᱚ ᱡᱤᱣᱟᱹᱞᱤ ᱠᱚᱨᱮ ᱠᱷᱚᱱ ᱦᱤᱡᱩᱜ ᱠᱟᱱ ᱡᱚᱢᱟᱜ, ᱢᱮᱱᱫᱚ ᱡᱤᱞ, ᱦᱟᱹᱠᱩ, ᱥᱤᱢ ᱵᱤᱞᱤ ᱟᱨ ᱛᱳᱣᱟ ᱮᱢᱟᱱ ᱠᱚ ᱾ ᱡᱤᱞ ᱵᱟᱝ ᱡᱚᱢᱤᱡ ᱫᱚ ᱤᱝᱞᱤᱥ ᱛᱮ ᱵᱷᱮᱡᱤᱴᱮᱨᱤᱭᱟᱱ (vegiterian) ᱠᱚ ᱢᱮᱛᱟᱭ ᱠᱟᱱᱟ ᱾

ᱩᱱᱩᱫᱩᱜ

ᱡᱚᱢᱟᱜ ᱟᱨᱡᱟᱣᱥᱟᱯᱲᱟᱣ

ᱡᱚᱢᱟᱜ ᱫᱚ ᱪᱟᱥ ᱠᱟᱛᱮ ᱟᱨᱡᱟᱣ ᱦᱩᱭᱩᱜ-ᱟ ᱾ ᱟᱭᱢᱟ ᱦᱚᱲ ᱜᱮ ᱟᱯᱱᱟᱨᱟᱜ ᱡᱚᱢ ᱞᱟᱹᱜᱤᱫ ᱵᱟᱠᱚ ᱪᱟᱥᱟ, ᱮᱴᱟᱜ ᱦᱚᱲ ᱪᱟᱥ ᱟᱨᱡᱟᱣᱟᱜ ᱠᱤᱨᱤᱧ ᱠᱟᱛᱮ ᱠᱚ ᱡᱚᱢᱟ ᱾ ᱛᱤᱢᱤᱱ ᱜᱟᱱ ᱦᱚᱲ ᱫᱚ ᱫᱚᱠᱟᱱ ᱟᱨ ᱦᱟᱴ ᱠᱷᱚᱱ ᱡᱚᱢᱟᱫ ᱛᱮᱭᱟᱨ ᱞᱟᱹᱜᱤᱫ ᱠᱚ ᱠᱤᱨᱤᱧᱟ ᱟᱨ ᱛᱤᱢᱤᱱ ᱜᱟᱱ ᱫᱚ ᱟᱯᱱᱟᱨ ᱛᱮ ᱪᱟᱥ ᱟᱨᱡᱟᱣᱟᱠᱚ ᱾ ᱟᱫᱷᱟᱱ ᱦᱚᱲ ᱫᱚ ᱚᱱᱟ ᱠᱚ ᱠᱤᱨᱤᱧ ᱠᱟᱛᱮ ᱚᱲᱟᱜ ᱤᱥᱤᱱ ᱵᱟᱥᱟᱝ ᱠᱟᱛᱮ ᱠᱚ ᱡᱚᱢᱟ ᱟᱠ ᱛᱤᱢᱤᱱ ᱜᱟᱱ ᱫᱚ ᱴᱷᱟᱹᱣᱠᱟᱹ ᱤᱥᱤᱱ ᱴᱷᱤᱠᱟᱜ ᱡᱚᱢᱟᱜ ᱠᱤᱨᱤᱧ ᱠᱟᱛᱮ ᱠᱚ ᱡᱚᱢᱟ ᱾

ᱟᱱᱟᱴᱥᱟᱯᱲᱟᱣ

ᱡᱚᱢᱟᱜ ᱨᱮᱱᱟᱝ ᱚᱵᱷᱟᱵᱽ ᱫᱚ ᱱᱤᱛᱚᱜ ᱦᱚᱸ ᱡᱮᱜᱮᱛ ᱨᱮᱱᱟᱜ ᱟᱰᱤ ᱢᱟᱨᱟᱝ ᱟᱱᱟᱴ ᱠᱟᱱᱟ ᱾ ᱟᱭᱢᱟ ᱦᱚᱲ ᱠᱚᱣᱟᱜ ᱩᱱᱟᱹᱜ ᱠᱟᱹᱣᱰᱤ ᱵᱟᱹᱱᱩᱜ ᱟᱱᱟ, ᱢᱤᱫ ᱥᱟᱸᱡᱽ ᱡᱚᱢᱟᱜ ᱠᱤᱨᱤᱧ ᱞᱟᱹᱜᱤᱫ ᱦᱚᱸ ᱾ ᱵᱟᱹᱲᱤᱡ ᱦᱚᱭ-ᱦᱤᱥᱤᱫ ᱫᱟᱜ ᱟᱨᱵᱟᱝ ᱮᱴᱟᱜ ᱮᱴᱠᱮᱴᱚᱬᱮ ᱠᱚ ᱦᱟᱨᱟᱜ ᱠᱟᱱ ᱡᱚᱢᱟᱜ ᱠᱚᱭ ᱵᱟᱹᱲᱤᱡ ᱚᱪᱚᱭᱟ ᱾ ᱡᱚᱠᱷᱚᱱ ᱞᱟᱹᱠᱛᱤ ᱡᱟᱹᱱᱤ ᱦᱚᱲ ᱡᱚᱢᱟᱜ ᱵᱟᱠᱚ ᱧᱟᱢᱟ, ᱚᱱᱟ ᱫᱚ ᱵᱚ ᱢᱮᱛᱟᱜ-ᱟ ᱪᱤ ᱩᱱᱠᱩ ᱫᱚ ᱠᱚ ᱨᱮᱸᱜᱮᱡ ᱜᱮᱭᱟ ᱾ ᱢᱟᱹᱱᱢᱩ ᱟᱹᱰᱤ ᱫᱤᱱ ᱦᱟᱹᱵᱤᱡ ᱨᱮᱸᱜᱮᱡ ᱛᱮ ᱛᱮᱦᱮᱸ ᱞᱮᱱᱠᱷᱟᱱ ᱟᱨᱵᱟᱝ ᱡᱚᱢᱟᱝ ᱵᱟᱭ ᱧᱟᱢ ᱞᱮᱠᱷᱟᱱ ᱦᱚᱲᱢᱚ ᱫᱚ ᱫᱩᱨᱵᱩᱲ ᱩᱛᱟᱹᱨᱚᱜ-ᱟ ᱟᱨ ᱵᱤᱱᱡᱚᱢ (starvation) ᱛᱮ ᱜᱚᱡ ᱦᱚᱸ ᱠᱚ ᱜᱩᱡᱩᱜ ᱜᱮᱭᱟ ᱾ ᱢᱤᱫ ᱮᱞᱟᱠ ᱨᱮ ᱟᱹᱰᱤ ᱜᱟᱱ ᱦᱚᱲ ᱞᱟᱹᱠᱛᱤ ᱡᱟᱹᱱᱤ ᱡᱚᱢᱟᱜ ᱵᱟᱠᱚ ᱧᱟᱢ ᱠᱷᱟᱱ ᱚᱸᱰᱮ ᱫᱚ ᱡᱚᱢᱟᱠᱟᱞ (famine) ᱵᱚᱞᱚᱭᱮᱱᱟ ᱢᱮᱱᱛᱮ ᱵᱚᱱ ᱢᱮᱛᱟᱜ ᱠᱟᱱᱟ ᱾

ᱫᱷᱚᱨᱚᱢ ᱨᱮ ᱡᱚᱢᱟᱜᱥᱟᱯᱲᱟᱣ

ᱫᱷᱚᱨᱚᱢ ᱠᱚᱨᱚᱢ ᱵᱳᱸᱜᱟ ᱵᱳᱨᱳ ᱫᱚ ᱵᱤᱱ ᱡᱚᱢ ᱠᱟᱛᱮ ᱠᱚ ᱛᱟᱨᱟᱣᱟ ᱾ ᱵᱷᱤᱛᱟᱹᱨ, ᱜᱚᱲᱟ ᱟᱨᱟᱵᱟᱝ ᱡᱟᱦᱮᱨ ᱦᱩᱭᱮᱱ ᱚᱠᱟ ᱨᱮᱸᱦᱚᱸ ᱡᱚᱢ ᱠᱟᱛᱮ ᱫᱚ ᱵᱟᱠᱚ ᱵᱳᱸᱜᱟᱭᱟ ᱾ ᱵᱳᱸᱜᱟ ᱵᱳᱨᱳ ᱡᱚᱠᱷᱟᱜ ᱫᱚ ᱱᱤᱨᱵᱟᱨ ᱟᱹᱰᱤ ᱜᱮ ᱞᱟᱹᱠᱛᱤᱭᱟᱱᱟ ᱾ ᱮᱴᱟᱜ ᱡᱟᱹᱛ ᱠᱚᱣᱟᱜ ᱫᱷᱚᱨᱚᱢ ᱨᱮᱦᱚᱸ ᱱᱚᱝᱠᱟ ᱧᱮᱞᱚᱜ ᱜᱮᱭᱟ ᱾ ᱡᱩᱫᱟᱭᱤᱡᱢ ᱟᱨ ᱤᱥᱞᱟᱢ ᱫᱷᱚᱨᱚᱢ ᱨᱮ ᱫᱚ ᱥᱩᱠᱨᱤ ᱡᱤᱞ ᱡᱚᱢ ᱫᱚ ᱢᱟᱱᱟ ᱜᱮᱭᱟ ᱾ ᱦᱤᱱᱫᱩ ᱫᱷᱚᱨᱚᱢ ᱨᱮ ᱫᱚ ᱰᱟᱺᱜᱽᱨᱤ ᱡᱤᱞ ᱵᱟᱠᱚ ᱡᱚᱢᱟ ᱾ ᱛᱤᱢᱤᱱ ᱜᱟᱱ ᱠᱤᱨᱤᱥᱛᱟᱱ ᱫᱚ ᱡᱤᱞ ᱵᱟᱠᱚ ᱡᱚᱢᱟ, ᱪᱮᱫᱟᱜ ᱥᱮ ᱟᱭᱟᱭᱟᱱᱟᱜ ᱫᱤᱱ ᱫᱚ ᱪᱚᱨᱪ ᱨᱮ ᱡᱤᱞ ᱡᱚᱢ ᱢᱟᱱᱟ ᱜᱮᱭᱟ ᱾

ᱵᱟᱨᱦᱮ ᱡᱚᱱᱚᱲᱥᱟᱯᱲᱟᱣ

ᱥᱟᱹᱠᱷᱭᱟᱹᱛᱥᱟᱯᱲᱟᱣ