ᱡᱚᱦᱟᱱᱮᱥ ᱜᱚᱴᱮᱱᱵᱟᱨᱜᱽ
ᱡᱚᱦᱟᱱᱮᱥ ᱜᱮᱱᱥᱯᱷᱞᱟᱭᱤᱥ ᱡᱩᱨ ᱞᱟᱫᱮᱱ ᱡᱩᱢ ᱜᱚᱴᱮᱱᱵᱟᱨᱜᱽ ᱫᱚ ᱡᱚᱨᱢᱟᱱ ᱫᱤᱥᱚᱢ ᱨᱤᱱᱤᱡ ᱢᱤᱫ ᱠᱟᱢᱟᱨ (blacksmith), ᱥᱚᱱᱟᱨᱤ (goldsmith), ᱪᱷᱟᱯᱟᱭᱤᱡ (printer) ᱟᱨ ᱯᱟᱨᱥᱟᱞᱮᱛ (publisher) ᱠᱟᱱᱟᱭ, ᱡᱟᱦᱟᱟᱸᱭ ᱭᱩᱨᱚᱯ ᱨᱮ ᱯᱩᱭᱞᱩ ᱪᱷᱟᱯᱟ ᱠᱟᱹᱢᱤᱭ ᱮᱦᱚᱵ ᱞᱮᱜ-ᱟ ᱾ ᱟᱥᱮᱱ ᱜᱟᱱᱚᱜ ᱢᱤᱫ ᱥᱟᱢᱟᱱᱟᱢ ᱪᱷᱟᱯᱟ ᱢᱩᱥᱤᱱ ᱯᱩᱭᱞᱩ ᱫᱷᱟᱣ ᱭᱩᱨᱚᱯ ᱨᱮ ᱥᱚᱫᱚᱨ ᱠᱟᱛᱮ, ᱢᱤᱫ ᱪᱷᱟᱯᱟ ᱡᱩᱜᱽ ᱨᱮᱱᱟᱜ ᱦᱩᱞᱥᱟᱹᱭᱮ ᱟᱹᱜᱩ ᱞᱮᱜ-ᱟ ᱾ ᱱᱚᱶᱟ ᱨᱮᱱᱟᱜ ᱦᱩᱞᱜᱩᱞᱟᱹᱱ ᱫᱚᱲ ᱛᱮ ᱡᱚᱛᱚ ᱞᱮᱠᱟᱱᱟ ᱠᱟᱛᱷᱟ ᱟᱨ ᱜᱮᱭᱟᱱ ᱯᱟᱥᱱᱟᱣ ᱫᱚ ᱟᱹᱰᱤ ᱜᱮ ᱟᱞᱜᱟ ᱞᱮᱱ ᱛᱟᱦᱮᱸᱫ ᱾ ᱱᱚᱶᱟ ᱪᱷᱟᱯᱟ ᱢᱤᱥᱤᱱ ᱨᱮ ᱫᱚ ᱥᱩᱱᱩᱢ ᱢᱮᱥᱟ ᱠᱟᱹᱲᱤ ᱯᱩᱛᱷᱤ ᱪᱷᱟᱯᱟ ᱞᱟᱹᱜᱤᱫ, ᱵᱷᱮᱜᱟᱨ ᱵᱷᱮᱜᱟᱨ ᱪᱷᱟᱸᱪ, ᱟᱞᱜᱟ ᱛᱮ ᱟᱥᱮᱱ ᱞᱮᱠᱟᱱ ᱥᱩᱵᱤᱫᱷᱟ ᱠᱚ ᱛᱟᱦᱮᱸᱞᱮᱱᱟ ᱾ ᱜᱚᱴᱮᱱᱵᱟᱨᱜᱟᱜ ᱱᱚᱶᱟ ᱛᱩᱠᱱᱤᱠ ᱫᱚ ᱭᱩᱨᱚᱯ ᱨᱮ ᱵᱮᱥ ᱯᱟᱥᱱᱟᱣᱮᱱ ᱛᱟᱭᱚᱢ ᱜᱟᱴᱟ ᱫᱤᱥᱚᱢ ᱨᱮ ᱱᱟᱶᱟ ᱠᱚ ᱟᱯᱱᱟᱨ ᱠᱮᱜ-ᱟ ᱾
| ||||
| ᱧᱩᱛᱩᱢ | ᱡᱚᱦᱟᱱᱮᱥ ᱜᱮᱱᱥᱯᱷᱞᱟᱭᱤᱥ ᱡᱩᱨ ᱞᱟᱫᱮᱱ ᱡᱩᱢ ᱜᱚᱴᱮᱱᱵᱟᱨᱜᱽ | |||
|---|---|---|---|---|
| ᱡᱤᱭᱚᱱ | ||||
| ᱡᱟᱱᱟᱢ ᱢᱟᱺᱦᱤᱛ | ᱒᱔ ᱡᱩᱱ ᱑᱔᱐᱐ | |||
| ᱜᱩᱨ ᱢᱟᱺᱦᱤᱛ | ᱓ ᱯᱷᱮᱵᱽᱨᱩᱣᱟᱨᱤ ᱑᱔᱖᱘ | |||
| ᱮᱱᱮᱢ | ||||
| The invention of the movable-type printing press | ||||
ᱡᱤᱭᱚᱱ
ᱥᱟᱯᱲᱟᱣ
ᱜᱚᱴᱮᱱᱵᱟᱨᱜᱽ ᱫᱚ ᱡᱚᱨᱢᱟᱱ ᱨᱮᱱᱟᱜ ᱢᱮᱸᱧᱡᱽ ᱧᱣᱛᱩᱢᱟᱱ ᱱᱟᱜᱟᱨ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱟᱡᱟᱜ ᱡᱟᱱᱟᱢ ᱢᱟᱺᱦᱤᱛ ᱫᱚ ᱩᱱᱟᱹᱜ ᱯᱩᱥᱴᱟᱣ ᱵᱟᱝ ᱵᱟᱰᱟᱭ ᱟᱠᱟᱱᱟ, ᱮᱱᱛᱮ ᱨᱮᱦᱚᱸ ᱑᱓᱙᱔ ᱠᱷᱚᱱ ᱑᱔᱐᱔ ᱥᱟᱞᱮ ᱛᱟᱞᱟᱨᱮ ᱢᱮᱱᱛᱮ ᱵᱟᱰᱟᱭᱚᱜ-ᱟ ᱾ ᱢᱮᱱᱠᱷᱟᱱ ᱑᱘᱙᱐ ᱥᱟᱞᱮ ᱨᱮ ᱢᱮᱧᱡ ᱫᱚ ᱒᱔ ᱡᱩᱱ ᱑᱔᱐᱐ ᱢᱮᱱᱛᱮᱭ ᱩᱪᱷᱟᱹᱱ ᱞᱮᱫ ᱛᱟᱦᱮᱸᱫ᱾ ᱚᱱᱟ ᱛᱟᱭᱚᱢ ᱚᱱᱟ ᱜᱮ ᱠᱚ ᱥᱟᱵ ᱫᱚᱦᱚ ᱞᱮᱜ-ᱟ ᱾ ᱡᱚᱱ ᱞᱚᱭᱚᱱᱦᱟᱨᱰ ᱧᱩᱛᱩᱢᱟᱱ ᱢᱤᱫ ᱱᱟᱜᱟᱢᱤᱭᱟᱹ ᱢᱮᱱ ᱞᱮᱜᱟᱭ ᱪᱤ, ᱜᱚᱴᱮᱱᱵᱟᱨᱜᱟᱜ ᱡᱤᱭᱚᱱ ᱠᱟᱛᱷᱟ ᱫᱚ ᱟᱭᱢᱟ ᱜᱮ ᱦᱟᱹᱯᱤᱫ ᱛᱟᱦᱮᱸᱭᱮᱱᱟ ᱵᱟᱭ ᱵᱟᱰᱟᱭ ᱞᱮᱱᱟ ᱾ ᱜᱚᱴᱮᱱᱵᱟᱨᱜᱽ ᱫᱚ ᱦᱟᱨᱟ ᱤᱫᱤᱭᱮᱱ ᱛᱮ ᱨᱩᱭᱞᱩ ᱫᱚ ᱠᱟᱢᱟᱨ ᱠᱟᱹᱢᱤ ᱪᱮᱫ ᱞᱮᱱ ᱛᱟᱦᱮᱸᱫ ᱾ ᱢᱤᱫ ᱱᱟᱜᱟᱢᱤᱭᱟᱹ ᱦᱮᱱᱨᱤᱪ ᱣᱟᱞᱟᱣ ᱟᱨ ᱵᱟᱨ ᱯᱚᱫᱽ ᱠᱟᱛᱷᱟᱭ ᱡᱩᱲᱟᱹᱣ ᱞᱮᱫ ᱛᱟᱦᱮᱸᱫ ᱪᱤ, ᱟᱡᱟᱜ ᱧᱩᱛᱩᱢ ᱫᱚ ᱟᱠᱚᱨᱤᱱ ᱦᱟᱯᱲᱟᱢ ᱢᱮᱱᱫᱚ ᱟᱠᱚ ᱚᱲᱟᱜ ᱟᱨ ᱟᱡ ᱢᱟᱢᱚ ᱚᱲᱟᱜ ᱨᱮᱱᱟᱜ ᱦᱟᱯᱲᱟᱢ ᱧᱩᱛᱩᱢ ᱡᱩ ᱞᱟᱫᱮᱱ, ᱡᱩ ᱜᱚᱴᱮᱱᱵᱟᱨᱜᱽ ᱢᱮᱥᱟ ᱠᱟᱛᱮ ᱜᱮᱡ ᱟᱠᱟᱱᱟ ᱾ ᱑᱔᱑᱑ ᱥᱟᱞᱮᱨᱮ ᱢᱮᱧᱡᱽ ᱱᱟᱜᱟᱨ ᱫᱚ ᱵᱟᱹᱜᱤ ᱠᱟᱛᱮ ᱮᱞᱴᱵᱷᱤᱞᱮ ᱛᱮ ᱠᱚ ᱥᱮᱱ ᱮᱱᱟ ᱾ ᱥᱮᱱ ᱨᱮᱱᱟᱜ ᱠᱟᱨᱚᱱ ᱫᱚ ᱢᱮᱧᱡ ᱟᱨ ᱯᱚᱴᱨᱤᱥᱤᱭᱟᱱ ᱠᱚ ᱢᱩᱸᱫ ᱨᱮ ᱚᱯᱚᱴ ᱤᱫᱤᱠᱟᱛᱮ ᱚᱱᱟ ᱱᱟᱜᱟᱨ ᱫᱚ ᱵᱟᱹᱜᱤ ᱦᱩᱭᱟᱫ ᱠᱚᱣᱟ ᱾ ᱮᱞᱵᱷᱤᱞᱮ ᱨᱮ ᱫᱚ ᱟᱡ ᱟᱭᱚ ᱨᱤᱱ ᱯᱮᱲᱟ ᱠᱚ ᱛᱟᱦᱮᱸ ᱠᱟᱱᱟ , ᱚᱱᱟ ᱛᱮ ᱚᱸᱰᱮ ᱩᱪᱟᱹᱲᱚᱜ ᱨᱟᱭᱟᱜ ᱠᱚ ᱴᱷᱟᱹᱣᱠᱟᱹ ᱞᱮᱜ-ᱟ ᱾ ᱛᱚᱵᱮ ᱦᱮᱱᱨᱤᱪᱟᱜ ᱞᱟᱹᱭ ᱞᱮᱠᱟᱛᱮ ᱫᱚ "ᱨᱟᱡᱽᱟᱹᱨᱤ ᱠᱟᱨᱚᱱ ᱞᱟᱹᱜᱤᱫ ᱥᱴᱟᱨᱵᱟᱨᱜᱽ ᱛᱮ ᱠᱚ ᱩᱪᱟᱹᱲ ᱞᱮᱱᱟ" ᱡᱟᱦᱟᱸ ᱨᱮ ᱫᱚ ᱟᱠᱚ ᱜᱷᱟᱨᱚᱡᱽ ᱨᱮᱱᱟᱜ ᱥᱟᱹᱜᱟᱹᱭ ᱛᱟᱦᱮᱸ ᱠᱟᱱᱟ ᱾ ᱟᱹᱱᱩᱢᱟᱱ ᱫᱷᱟᱨᱟ ᱜᱮ ᱠᱚ ᱞᱟᱹᱭᱟ ᱪᱤ, ᱜᱚᱴᱮᱱᱵᱟᱨᱜᱽ ᱫᱚ ᱮᱨᱯᱷᱩᱴ ᱡᱟᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱚᱞᱚᱜ ᱠᱟᱱ ᱛᱟᱦᱮᱸᱫ-ᱮ ᱡᱟᱹᱱᱤᱡ ᱾ ᱑᱔᱑᱔ ᱠᱷᱚᱱ ᱑᱔᱓᱔ ᱥᱟᱞᱮ ᱛᱟᱞᱟᱨᱮ ᱨᱮᱱᱟᱜ ᱠᱟᱛᱷᱟ ᱠᱚ ᱫᱚ ᱟᱹᱰᱤ ᱫᱚ ᱵᱟᱭ ᱵᱟᱰᱟᱭ ᱞᱮᱱᱟ ᱾ ᱛᱚᱵᱮ ᱢᱟᱨᱪ ᱑᱔᱓᱔ ᱥᱟᱞᱮ ᱨᱮ ᱫᱚ ᱥᱴᱨᱟᱥᱵᱟᱨᱜᱽ ᱨᱮ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱫ ᱢᱮᱱᱛᱮ ᱵᱟᱰᱟᱭ ᱞᱮᱱᱟ, ᱚᱸᱰᱮ ᱫᱚ ᱟᱡ ᱮᱷᱜᱟᱛ ᱯᱟᱦᱴᱟ ᱨᱤᱱ ᱯᱮᱲᱟ ᱠᱚ ᱛᱟᱦᱮᱸ ᱞᱮᱱ ᱛᱟᱦᱮᱸᱫ ᱾ ᱟᱡ ᱟᱯᱟᱛ ᱫᱚ ᱑᱔᱑᱙ ᱥᱟᱞᱮ ᱨᱮ ᱵᱚᱝᱜᱟ ᱛᱟᱞᱟ ᱞᱮᱱᱟ ᱾ ᱜᱚᱴᱮᱱᱵᱟᱨᱜᱽ ᱫᱚ ᱑᱔᱖᱘ ᱥᱟᱞᱮᱨᱮ ᱵᱚᱝᱜᱟ ᱛᱟᱞᱟ ᱞᱮᱱ ᱛᱟᱦᱮᱸᱫ ᱾
ᱵᱟᱨᱦᱮ ᱡᱚᱲᱟᱣ ᱠᱚ
ᱥᱟᱯᱲᱟᱣ- English homepage of the Gutenberg-Museum Mainz, Germany.
- The Digital Gutenberg Project
- Treasures in Full – Gutenberg Bible Archived ᱒᱐᱑᱓-᱑᱐-᱑᱐ at the Wayback Machine. View the British Library's Digital Versions Online.