ᱡᱚᱫᱩᱢᱚᱬᱤ ᱵᱮᱥᱨᱟ
ᱡᱚᱫᱩᱢᱚᱬᱤ ᱵᱮᱥᱨᱟ (ᱤᱝᱞᱤᱥ ᱺ Jadumani Besra) ᱫᱚ ᱢᱤᱫ ᱧᱩᱛᱩᱢᱟᱱ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱠᱟᱱᱟᱭ ᱾ ᱟᱡ ᱫᱚ ᱑᱗/᱓/᱑᱙᱖᱔ ᱥᱟᱞᱮ ᱨᱮᱭ ᱡᱟᱱᱟᱢ ᱟᱠᱟᱱᱟ ᱾ ᱡᱚᱫᱩᱢᱚᱬᱤ ᱵᱮᱥᱨᱟ ᱫᱚ ᱒᱐᱑᱕ ᱨᱮ ᱥᱟᱦᱤᱛᱭᱚ ᱮᱠᱟᱰᱮᱢᱤ, ᱱᱟᱣᱟ ᱫᱤᱞᱤ ᱯᱟᱦᱴᱟ ᱠᱷᱚᱱ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱥᱤᱨᱯᱷᱟᱹ ᱛᱮᱭ ᱢᱟᱹᱱ ᱦᱟᱞᱟᱝ ᱟᱠᱟᱱᱟ ᱾
| ᱡᱚᱫᱩᱢᱚᱬᱤ ᱵᱮᱥᱨᱟ | |
|---|---|
| ᱡᱟᱱᱟᱢ | (᱑᱗.᱐᱓.᱑᱙᱖᱔ ) 1964 (age 59–60) ᱠᱚᱨᱚᱧᱡᱟᱭ, ᱢᱚᱭᱩᱨᱵᱷᱚᱸᱡᱽ, ᱳᱰᱤᱥᱟ |
| ᱠᱟᱹᱢᱤ | ᱚᱱᱚᱞᱤᱭᱟ. |
| ᱡᱟᱹᱛᱤᱭᱟᱹᱛ | ᱥᱤᱧᱚᱛᱤᱭᱟᱹ |
| ᱥᱤᱨᱯᱷᱟᱹ | ᱠᱮᱸᱫᱽᱨᱚ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱥᱤᱨᱯᱷᱟ. (᱒᱐᱑᱕) |
ᱡᱟᱱᱟᱢ
ᱥᱟᱯᱲᱟᱣᱡᱚᱫᱩᱢᱚᱬᱤ ᱵᱮᱥᱨᱟ ᱫᱚ ᱑᱗ ᱢᱟᱨᱪ ᱑᱙᱖᱔ ᱥᱟᱞᱮ ᱨᱮᱭ ᱡᱟᱱᱟᱢ ᱟᱠᱟᱱᱟ ᱾ ᱟᱡᱟᱜ ᱡᱟᱱᱟᱢ ᱟᱹᱛᱩ ᱫᱚ ᱠᱚᱨᱚᱧᱡᱟᱭᱤ, ᱵᱤᱥᱩᱭ ᱵᱽᱞᱚᱠ, ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ, ᱳᱰᱤᱥᱟ ᱯᱚᱱᱚᱛ ᱨᱮ ᱾ ᱡᱟᱱᱟᱢ ᱵᱟᱵᱟ ᱧᱩᱛᱩᱢ ᱫᱚ ᱵᱚᱸᱜᱟ ᱛᱟᱞᱟ ᱟᱠᱟᱱ ᱵᱤᱠᱨᱟᱢ ᱵᱮᱥᱨᱟ ᱟᱨ ᱡᱟᱱᱟᱢ ᱟᱭᱳ ᱫᱚ ᱵᱚᱸᱜᱟ ᱫᱤᱥᱚᱢ ᱟᱠᱟᱱ ᱢᱟᱞᱦᱚ ᱵᱮᱥᱨᱟ ᱢᱮᱱᱛᱮ ᱧᱩᱛᱩᱢ ᱟᱹᱠᱤᱱᱟ ᱾
ᱚᱞᱚᱜ ᱯᱚᱲᱦᱚᱱ
ᱥᱟᱯᱲᱟᱣᱟᱡ ᱫᱚ ᱑᱙᱘᱔ ᱥᱟᱞᱮᱨᱮ ᱠᱚᱴᱚᱠ ᱨᱮᱭᱟᱜ ᱨᱮᱵᱷᱮᱱᱥᱟ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱠᱷᱚᱱ B.Com. ᱮ ᱯᱟᱲᱦᱟᱣ ᱟᱠᱟᱱᱟ ᱾ ᱯᱩᱪᱷᱤᱢ ᱵᱟᱸᱜᱽᱞᱟ, ᱠᱷᱚᱲᱚᱜᱽᱯᱩᱨ ᱨᱮ ᱨᱮᱞᱣᱮ ᱪᱟᱹᱠᱨᱤ ᱨᱮᱭ ᱠᱟᱹᱢᱤ ᱠᱟᱱᱟ ᱾
ᱥᱟᱶᱦᱮᱫ ᱪᱟᱨᱪᱟ
ᱥᱟᱯᱲᱟᱣᱟᱡᱟᱜ ᱢᱤᱜ ᱚᱱᱚᱬᱦᱮ ᱯᱩᱛᱷᱤ ᱵᱷᱟᱵᱽᱱᱟ ᱒᱐᱐᱒ ᱥᱟᱞᱮ ᱨᱮᱭ ᱩᱰᱷᱟᱹᱣ ᱥᱟᱹᱜᱩᱱ ᱟᱠᱟᱫᱼᱟ ᱾ ᱤᱱᱟᱹ ᱛᱟᱭᱚᱢ ᱟᱭᱢᱟ ᱯᱚᱛᱚᱵ ᱯᱩᱛᱷᱤ ᱪᱷᱟᱯᱟ ᱯᱟᱨᱥᱟᱞ ᱛᱟᱺᱜᱤ ᱨᱮ ᱢᱮᱱᱟᱜᱼᱟ ᱾ ᱟᱹᱰᱤ ᱞᱮᱠᱟᱱ ᱯᱟᱛᱷᱟᱢ ᱠᱚᱨᱮ ᱥᱟᱯᱲᱮᱛ ᱞᱮᱠᱟᱛᱮᱭ ᱠᱟᱹᱢᱤ ᱟᱠᱟᱫᱼᱟ, ᱚᱱᱟ ᱠᱚ ᱵᱷᱤᱛᱨᱤ ᱠᱷᱚᱱ ᱛᱤᱱᱟᱹᱝ ᱜᱟᱱ ᱯᱟᱛᱷᱟᱢ ᱫᱚ ᱦᱩᱭᱩᱜ ᱠᱟᱱᱟ - ᱡᱤᱣᱤ ᱡᱷᱟᱨᱱᱟ, ᱯᱷᱟᱹᱜᱩᱱ ᱠᱳᱭᱮᱞ, ᱢᱟᱱᱛᱟᱨ ᱮᱢᱟᱱ ᱾ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱱᱟᱣᱟ ᱫᱤᱞᱞᱤ ᱨᱮ ᱠᱚᱱᱵᱷᱮᱱᱚᱨ ᱞᱮᱠᱟᱛᱮ ᱦᱚᱸᱭ ᱛᱟᱦᱮᱸ ᱠᱟᱱᱟ ᱒᱐᱐᱘ ᱠᱷᱚᱱ ᱒᱐᱑᱒ ᱥᱟᱞᱮᱨᱮ ᱾ ᱚᱱᱟ ᱥᱟᱶᱛᱮ ᱟᱹᱰᱤ ᱜᱟᱱ ᱜᱟᱶᱛᱟ ᱠᱚ ᱥᱟᱶ ᱡᱤᱵᱚᱱ ᱵᱷᱳᱨ ᱥᱚᱦᱮᱛ ᱞᱮᱠᱟᱛᱮ ᱡᱩᱦᱩᱲᱟᱹᱣ ᱨᱮᱦᱚᱸ ᱢᱮᱱᱟᱭᱟ ᱾
ᱢᱟᱹᱱ ᱥᱤᱨᱯᱷᱟᱹ
ᱥᱟᱯᱲᱟᱣᱟᱡ ᱫᱚ ᱒᱐᱑᱕ ᱥᱟᱞᱮᱨᱮ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱥᱤᱨᱯᱷᱟᱹ ᱛᱮᱭ ᱢᱟᱹᱱ ᱦᱟᱞᱟᱝ ᱟᱠᱟᱱᱟ ᱾ ᱚᱱᱟ ᱥᱟᱶᱛᱮ "ᱰᱨ. ᱵᱤᱹ ᱟᱨᱹ ᱟᱢᱵᱮᱫᱽᱠᱚᱨ ᱯᱷᱮᱞᱳᱥᱤᱯ" ᱑᱙᱙᱒ ᱥᱟᱞᱮ ᱨᱮᱭ ᱟᱛᱟᱝ ᱟᱠᱟᱫᱼᱟ ᱾ ᱱᱚᱣᱟ ᱥᱟᱶᱛᱮ ᱟᱹᱰᱤ ᱜᱟᱱ ᱜᱟᱶᱛᱟ ᱯᱟᱦᱴᱟ ᱠᱷᱚᱱ ᱢᱟᱹᱱ ᱥᱟᱨᱦᱟᱣᱱᱟ ᱦᱚᱸᱭ ᱪᱟᱞ ᱟᱠᱟᱱᱟ ᱾ ᱚᱱᱟ ᱜᱟᱶᱛᱟ ᱠᱚ ᱢᱩᱫᱽᱨᱮ ᱛᱤᱱᱟᱹᱝ ᱜᱟᱱ ᱜᱟᱶᱛᱟ ᱫᱚ ᱦᱩᱭᱩᱜ ᱠᱟᱱᱟ,
- ᱥᱟᱱᱛᱟᱲᱤ ᱵᱷᱟᱥᱟ ᱢᱚᱨᱪᱟ ᱠᱷᱚᱱ ᱒᱐᱐᱐ ᱨᱮ ᱾
- ᱠᱟᱹᱯᱩᱨᱢᱩᱞᱤ ᱯᱚᱛᱨᱤᱠᱟ, ᱠᱚᱴᱚᱠ ᱯᱟᱦᱴᱟ ᱠᱷᱚᱱ ᱒᱐᱐᱖ ᱨᱮ ᱾
- ᱵᱟᱢᱚᱱᱜᱷᱟᱹᱴᱤ ᱢᱚᱦᱚᱛᱥᱚᱵᱚ ᱯᱟᱦᱴᱟ ᱠᱷᱚᱱ ᱒᱐᱐᱖ ᱥᱟᱞᱮᱨᱮ ᱾
- ASECA ᱠᱷᱚᱲᱚᱜᱽᱯᱩᱨ ᱪᱟᱸᱜᱟ ᱯᱟᱦᱴᱟ ᱠᱷᱚᱱ ᱒᱐᱐᱖ ᱨᱮ ᱾
- ᱡᱩᱜᱽ ᱡᱟᱨᱯᱟ ᱜᱟᱶᱛᱟ, ᱥᱤᱝᱜᱩᱨ ᱯᱟᱦᱴᱟ ᱠᱷᱚᱱ ᱒᱐᱐᱖ ᱥᱟᱞᱮᱨᱮ ᱾
- ᱞᱟᱦᱟᱱᱛᱤ ᱯᱚᱛᱨᱤᱠᱟ ᱯᱟᱦᱴᱟ ᱠᱷᱚᱱ ᱒᱐᱐᱗ ᱨᱮ ᱟᱨ ᱦᱚᱸ ᱱᱚᱝᱠᱟ ᱜᱮ ᱟᱹᱰᱤ ᱜᱟᱱ ᱢᱟᱹᱱ ᱥᱟᱨᱦᱟᱣ ᱠᱤᱱ ᱟᱢᱮᱴ ᱟᱠᱟᱫᱼᱟ ᱾