ᱡᱟᱝᱜᱞᱤ(᱒᱐᱑᱙ ᱥᱤᱱᱮᱢᱟ)
ᱡᱟᱝᱜᱞᱤ ᱫᱚ ᱥᱤᱧᱚᱛᱤᱭᱟ ᱦᱤᱱᱫᱤ ᱯᱟᱹᱨᱤᱥ ᱨᱮᱱᱟᱜ ᱢᱤᱫ ᱟᱠᱥᱚᱱ ᱟᱰᱽᱵᱷᱮᱱᱪᱳᱨ (Action Adventure) ᱥᱤᱱᱮᱢᱟ ᱠᱟᱱᱟ᱾[᱑]ᱡᱟᱦᱟᱸᱭ ᱫᱚ ᱟᱢᱮᱨᱮᱠᱤ ᱥᱤᱱᱮᱢᱟ ᱵᱮᱱᱟᱹᱣᱤᱡ ᱪᱳᱠ ᱨᱚᱥᱮᱞ ᱟᱡᱟᱜ ᱫᱤᱥᱟᱹ ᱩᱫᱩᱜ ᱛᱮ ᱟᱨ ᱡᱟᱝᱜᱞᱤ ᱯᱤᱠᱪᱳᱨᱥ ᱫᱟᱨᱟᱭ ᱛᱮ ᱵᱮᱱᱟᱣ ᱟᱠᱟᱫᱟᱹᱭ ᱾[᱒]ᱱᱚᱶᱟ ᱥᱤᱱᱮᱢᱟ ᱨᱮ ᱵᱤᱫᱭᱩᱛ ᱡᱟᱢᱣᱟᱹᱞᱟ, ᱯᱩᱡᱟ ᱥᱟᱶᱚᱛ,ᱟᱥᱥᱟ ᱵᱷᱳᱴ,ᱚᱛᱩᱞ ᱠᱩᱞᱠᱟᱹᱨᱱᱤ ᱟᱨ ᱛᱷᱟᱞᱟᱹᱭᱵᱷᱟᱥᱟᱞ ᱵᱤᱡᱚᱭ ᱛᱮᱠᱚᱣᱟ ᱢᱩᱞ ᱪᱩᱨᱤᱛ ᱢᱮᱱᱟᱜ ᱛᱟᱠᱚᱣᱟᱜ ᱾ ᱱᱚᱶᱟ ᱥᱤᱱᱮᱢᱟ ᱨᱮ ᱡᱤᱭᱟᱹᱞᱤ ᱰᱟᱠᱛᱚᱨ ᱞᱮᱠᱟᱛᱮ ᱜᱚᱴᱟ ᱯᱟᱲᱟ ᱫᱤᱥᱚᱢ ᱮ ᱫᱟᱬᱟ ᱟᱠᱟᱫᱟᱭᱮ ᱾ᱡᱟᱦᱟᱸ ᱟᱡ ᱵᱟᱵᱟ ᱟᱜ ᱢᱮᱱᱟᱜ ᱟᱠᱟᱫ ᱦᱟᱹᱛᱤ ᱨᱤᱡᱳᱴ ᱛᱮ ᱨᱩᱣᱟᱹᱲ ᱯᱚᱨᱮ ᱢᱤᱫ ᱤᱱᱴᱚᱨᱱᱮᱥᱱᱟᱞ ᱥᱤᱠᱟᱹᱨᱤᱭᱟ (International poachr's)ᱠᱚᱣᱟ ᱨᱟᱠᱮᱴ (Racket) ᱵᱤᱨᱩᱫᱷ ᱛᱮ ᱞᱟᱹᱰᱷᱟᱹᱭ ᱟᱠᱟᱫᱟᱹᱭ ᱾[᱓]ᱱᱚᱶᱟ ᱥᱤᱱᱮᱢᱟ ᱨᱮ ᱵᱤᱫᱭᱩᱛ ᱡᱟᱢᱣᱟᱹᱞᱟ ᱦᱚᱛᱮᱛᱮ ᱢᱟᱹᱨᱥᱚᱞ ᱟᱹᱴ (Martial Art) ᱟᱨ ᱟᱠᱥᱚᱱ ᱥᱴᱳᱱᱴ (Action stunt) ᱦᱚᱸ ᱠᱚᱨᱟᱹᱣ ᱟᱠᱟᱱᱟ ᱾ᱱᱚᱶᱟ ᱥᱤᱱᱮᱢᱟ ᱫᱚ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱪᱳᱸᱫᱚᱠᱟ ᱵᱤᱨ ᱨᱮ ᱥᱩᱴᱤᱧ(Shooting) ᱟᱠᱟᱱᱟ ᱾ ᱪᱳᱸᱫᱚᱠᱟ ᱵᱤᱨ ᱫᱚ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱢᱤᱫ ᱧᱩᱛᱩᱢᱟᱱ ᱦᱟ.ᱛᱤ ᱚᱵᱷᱚᱭᱟᱨᱚᱱᱚ ᱠᱟᱱᱟ ᱾[᱔]ᱱᱚᱶᱟ ᱥᱤᱱᱮᱢᱟ ᱫᱚ ᱒᱙ ᱢᱟᱹᱨᱪ ᱒᱐᱑᱙ ᱦᱤᱞᱚᱜ ᱨᱤᱞᱤᱡ ᱟᱠᱟᱱᱟ ᱾
ᱠᱟ.ᱦᱱᱤ ᱥᱟᱯᱲᱟᱣ
ᱫᱤᱯᱟᱸᱠᱚᱨ ᱱᱟᱭᱚᱨ ᱢᱤᱫ ᱦᱟ.ᱛᱤ ᱚᱵᱷᱭᱟ.ᱨᱚᱱ (Elephant Sentury) ᱪᱟ.ᱞᱩ ᱮᱫ ᱛᱟᱦᱮᱸᱱᱟᱭ ᱮᱱᱠᱷᱟᱱ ᱡᱤᱱᱤᱥ ᱠᱚ ᱠᱷᱟᱨᱟᱯᱚᱜ ᱠᱟᱱ ᱛᱟᱦᱮᱸᱫ, ᱪᱮᱫᱟ ᱥᱮ ᱥᱤᱠᱟ.ᱨᱤᱭᱟ ᱠᱚ ᱫᱚ ᱵᱟ.ᱲᱛᱤ ᱠᱟ.ᱭ ᱛᱮ ᱩᱱᱠᱩ ᱦᱟ.ᱛᱤ ᱠᱚᱣᱟ ᱰᱟᱴᱟ ᱠᱚ ᱤᱫᱤ ᱞᱟ.ᱜᱤᱫ ᱩᱱᱠᱩ ᱠᱚ ᱜᱚᱡᱽ ᱠᱚ ᱛᱟᱦᱮᱸᱫ ᱾ᱟᱡᱤᱡ ᱜᱤᱫᱽᱨᱟ ᱵᱟ.ᱵᱩ ᱨᱟᱡ, ᱢᱩᱢᱵᱟ.ᱤ ᱨᱮ ᱢᱤᱫ ᱡᱤᱭᱟ.ᱞᱤ ᱰᱟᱠᱛᱚᱨ ᱠᱟᱱ ᱛᱟᱦᱮᱸᱫ ᱾ᱟᱫᱚ ᱩᱱᱤ ᱟᱡ ᱟᱭᱳ ᱟᱜ ᱑᱐ ᱥᱮᱨᱢᱟ ᱯᱩᱨᱟᱹᱣ ᱜᱩᱨ ᱢᱟᱹᱦᱤᱛ (10th Death Anniversary)ᱨᱮᱱᱟᱜ ᱠᱟ.ᱢᱤ ᱛᱚᱨᱟᱣ ᱞᱟ.ᱜᱤᱫ ᱚᱲᱟᱜ ᱛᱮ ᱦᱤᱡᱩᱜ ᱠᱟᱱᱟᱭ ᱟᱨ ᱟᱡᱟᱜ ᱦᱩᱰᱤᱝ ᱥᱚᱢᱚᱭ ᱨᱮᱱ ᱡᱤᱭᱟᱠᱤ ᱵᱷᱳᱞᱟ ᱟᱨ ᱫᱤᱫᱤ ᱥᱟᱞᱟᱜ ᱜᱟ.ᱛᱮ ᱠᱟᱱᱟᱭ ᱾ ᱢᱤᱫ ᱥᱤᱠᱟ.ᱨᱤᱭᱟ,ᱠᱮᱥᱚᱵ,ᱵᱷᱳᱞᱟ ᱟᱜ ᱰᱟᱴᱟ ᱪᱮᱛᱟᱱ ᱨᱮ ᱱᱚᱡᱚᱨ ᱫᱚᱦᱚ ᱞᱟ.ᱜᱭᱮ ᱡᱟᱦᱟᱸ ᱚᱱᱟ ᱟ.ᱠᱷᱨᱤᱧ ᱠᱟᱛᱮ ᱟ.ᱰᱤᱜᱟᱱ ᱴᱟᱠᱟ ᱧᱟᱢᱚᱜᱚ ᱟᱟ ᱾ ᱠᱮᱥᱚᱵ ᱴᱟᱠᱟ ᱧᱟᱢ ᱞᱳᱵᱷ ᱛᱮ ᱵᱷᱳᱞᱟ ᱜᱚᱡᱮ ᱠᱟᱱᱟᱭ ᱟᱨ ᱵᱷᱳᱞᱟ ᱵᱟᱝᱪᱟᱣ ᱞᱟ.ᱜᱤᱫ ᱦᱤᱡᱩᱜ ᱠᱟᱱ ᱟᱡᱤᱡ ᱢᱟ.ᱞᱤᱠ ᱫᱤᱯᱟᱸᱠᱚᱨ ᱱᱟᱭᱚᱨ ᱦᱚᱸᱭ ᱜᱚᱡ ᱠᱟᱭᱮ ᱠᱟᱱᱟᱭ ᱾ ᱫᱤᱯᱟᱸᱠᱚᱨ ᱟᱜ ᱵᱷᱟᱸᱰᱟᱱ ᱚᱠᱛᱚ ᱨᱮ ᱚᱸᱰᱮ ᱯᱩᱞᱤᱥ ᱦᱮᱡ ᱥᱮᱴᱮᱨ ᱠᱟᱛᱮ ᱵᱚᱸᱜᱟ ᱛᱟᱞᱟ ᱦᱟᱠᱟᱱ ᱫᱤᱯᱟᱸᱠᱚᱨ ᱮ ᱩᱱᱠᱩ ᱥᱤᱠᱟ.ᱨᱤᱭᱟ ᱥᱟᱞᱟᱜ ᱢᱮᱥᱟ ᱢᱮᱱᱟᱭᱮ ᱛᱮ ᱫᱳᱥᱮ ᱠᱟᱱᱟᱭ ᱟᱨ ᱚᱱᱟ ᱥᱟᱞᱟᱜ ᱨᱟ.ᱡ ᱦᱚᱸᱭ ᱫᱳᱥᱮ ᱠᱟᱱᱟᱭ ᱾ ᱩᱱᱤ ᱠᱟᱨᱟᱜᱟᱨ ᱛᱮ ᱠᱚ ᱤᱫᱤᱭᱮ ᱠᱟᱱᱟ ᱠᱚ ᱟᱨ ᱟᱡᱟᱜ ᱛᱤ ᱠᱚ ᱛᱳᱞ ᱫᱚᱦᱚ ᱠᱟᱜ ᱠᱟᱱᱟ ᱾ ᱮᱱᱠᱷᱟᱱ ᱨᱟᱡ ᱤᱡ ᱦᱩᱰᱤᱧ ᱥᱚᱢᱚᱭ ᱨᱮᱱ ᱜᱟ.ᱛᱮ ᱥᱚᱸᱠᱟᱨᱟ ᱟᱨ ᱢᱤᱨᱟ ᱧᱩᱛᱩᱢ ᱛᱮ ᱢᱤᱫ ᱯᱟᱨᱥᱟᱞᱮᱫ ᱡᱟᱦᱟᱸᱭ ᱨᱟᱡ ᱥᱟᱞᱟᱜ ᱦᱮᱡ ᱟᱠᱟᱱᱟᱭᱮ ᱦᱟ.ᱛᱤ ᱚᱵᱷᱚᱭᱟᱨᱚᱱ ᱱᱤᱭᱮ ᱥᱟᱛᱟᱢ ᱚᱞ ᱞᱟ.ᱜᱤᱫ ᱦᱮᱡ ᱟᱠᱟᱱᱟᱭᱮ ᱩᱱᱤ ᱟᱨ ᱫᱤᱫᱤ ᱧᱩᱛᱩᱢ ᱢᱤᱫ ᱦᱟ.ᱛᱤ ᱡᱷᱩᱨᱠᱟ ᱠᱷᱚᱱ ᱨᱟᱡ ᱠᱚ ᱳᱨ ᱩᱰᱩᱠᱮ ᱠᱟᱱᱟᱭᱮ ᱾ ᱨᱟᱡ ᱩᱱᱠᱤᱱ ᱮ ᱢᱮᱛᱟᱜ ᱠᱤᱱ ᱠᱟᱱᱟᱭ ᱡᱟᱦᱟᱸᱭ ᱤᱱᱥᱯᱮᱠᱴᱚᱨ(Inspector) ᱤᱧᱟ ᱫᱳᱥ ᱢᱮᱱᱟᱜ ᱛᱮ ᱥᱟ.ᱵ ᱤᱫᱤ ᱞᱮᱫᱤᱧ ᱟᱭᱮ ᱩᱱᱠᱩ ᱥᱤᱠᱟᱹᱨᱤᱭᱟ ᱠᱚ ᱥᱟᱞᱟᱜ ᱡᱚᱯᱲᱟᱣ ᱢᱤᱱᱟᱭᱤᱧ ᱟ ᱢᱮᱱᱛᱮ , ᱩᱱᱤ ᱦᱚᱸ ᱩᱱᱠᱩ ᱥᱤᱠᱟᱹᱨᱤᱭᱟ ᱠᱚ ᱥᱟᱞᱟᱜ ᱡᱚᱯᱲᱟᱣ ᱢᱮᱱᱟᱭᱟᱜ ᱾ ᱩᱱᱤ ᱤᱱᱥᱯᱮᱠᱴᱚᱨ (Inspector)ᱦᱚᱸ ᱱᱚᱣᱟ ᱦᱟᱹᱛᱤ ᱠᱤᱨᱤᱧ ᱟᱹᱠᱷᱨᱤᱧ ᱨᱮ ᱡᱚᱯᱲᱟᱣ ᱢᱮᱱᱟᱭᱟᱜ ᱾ ᱨᱟᱡ ᱤᱡ ᱟᱹᱰᱤ ᱵᱮᱥ ᱜᱟᱹᱛᱮ ᱫᱮᱵ ᱦᱚᱸ ᱱᱩᱠᱩ ᱥᱤᱠᱟᱹᱨᱤᱭᱟ ᱥᱟᱞᱟᱜ ᱡᱚᱲᱟᱣ ᱢᱮᱱᱟᱭᱟ ᱢᱮᱱᱛᱮ ᱵᱟᱰᱟᱭᱮ ᱧᱟᱢ ᱠᱮᱫᱟ ᱾ ᱮᱸᱰᱮᱠᱷᱟᱱ ᱫᱮᱵ ᱟᱨ ᱨᱟᱡ ᱠᱤᱱ ᱛᱟᱯᱟᱢ ᱮᱱᱟ, ᱛᱟᱯᱟᱢ ᱡᱚᱦᱚᱜ ᱥᱤᱠᱟᱹᱨᱤᱭᱟ ᱠᱚ ᱦᱮᱡ ᱮᱱᱟ, ᱟᱨ ᱨᱟᱡ ᱫᱚᱠᱚ ᱫᱟᱞ ᱛᱚᱞ ᱠᱟᱛᱮ ᱠᱚ ᱜᱷᱟᱹᱭᱚᱞ ᱠᱮᱫᱮᱭᱟ ᱠᱚ ᱟᱨ ᱫᱮᱵ ᱫᱚ ᱠᱚ ᱜᱚᱡ ᱠᱮᱫᱮᱭᱟ ᱠᱚ, ᱡᱟᱦᱟᱸᱭ ᱨᱟᱡ ᱵᱟᱝᱪᱟᱣ ᱫᱮᱵ ᱮ ᱦᱮᱡ ᱞᱮᱱᱟᱭᱮ᱾ ᱥᱤᱠᱟᱹᱨᱤᱭᱟ ᱥᱚᱸᱠᱟᱨᱟ ᱦᱚᱸ ᱠᱚ ᱥᱟᱵ ᱤᱫᱤ ᱠᱮᱫᱮᱭᱟ ᱠᱚ, ᱟᱫᱚ ᱚᱱᱟᱠᱚ ᱡᱚᱛᱚ ᱢᱤᱨᱟ ᱠᱮᱯᱪᱳᱨ (Capture) ᱫᱚᱦᱚ ᱠᱫᱟᱭᱮ᱾ ᱨᱟᱡ ᱤᱡ ᱜᱩᱨᱩ, ᱜᱚᱡᱟ ᱜᱩᱨᱩ ᱟᱨ ᱢᱤᱨᱟ ᱛᱤᱠᱤᱱ ᱢᱮᱥᱟ ᱠᱟᱛᱮ ᱨᱟᱡ ᱠᱤᱱ ᱴᱨᱤᱴᱢᱮᱸᱴ (Treatment) ᱠᱮᱫᱮᱭᱟ ᱠᱤᱱ ᱾ ᱚᱸᱰᱮ ᱜᱚᱡ ᱟᱠᱟᱱᱟ ᱢᱤᱫ ᱥᱤᱠᱟᱹᱨᱤᱭᱟᱜ ᱯᱷᱚᱱ ᱠᱷᱚᱱ ᱨᱟᱡ ᱮ ᱵᱟᱰᱟᱭᱮ ᱧᱟᱢ ᱠᱮᱫᱟᱭᱮ ᱡᱮ ᱦᱟᱹᱛᱤ ᱰᱟᱴᱟ ᱨᱮᱱᱟᱜ ᱠᱤᱨᱤᱧ ᱟᱹᱠᱷᱨᱤᱧ ᱠᱚ ᱫᱚ ᱯᱟᱨᱟᱫᱤᱯ ᱨᱮ ᱦᱩᱭᱩ ᱠᱟᱱᱟ ᱟᱨ ᱚᱸᱰᱮ ᱥᱚᱸᱠᱟᱨᱟ ᱦᱚᱸ ᱠᱚ ᱥᱟᱵ ᱫᱚᱦᱚ ᱠᱟᱫᱮᱭᱟ ᱠᱚ ᱾ ᱨᱟᱡ ᱚᱱᱟ ᱫᱚᱨᱵᱟᱨ ᱚᱲᱟᱜ ᱨᱮ ᱟᱴᱟᱠ (Attack) ᱮᱫᱟᱭᱮ ᱟᱨ ᱡᱚᱛᱚ ᱵᱳᱰᱤᱜᱟᱹᱰ (Boduguard) , ᱥᱤᱠᱟ.ᱨᱤᱭᱟ ᱠᱚᱭᱮ ᱫᱟᱞ ᱠᱮᱫ ᱠᱚᱣᱟᱭ ᱾ᱤᱱᱮ ᱛᱟᱭᱚᱢ ᱥᱚᱸᱠᱟᱨᱟ ᱦᱚᱸᱭᱮ ᱵᱟᱝᱪᱟᱣ ᱠᱮᱫᱮᱭᱟᱭᱮ ᱟᱨ ᱚᱸᱰᱮ ᱢᱤᱨᱟ ᱟᱨ ᱡᱚᱭᱮᱥ (ᱨᱟᱡ ᱤᱡ ᱦᱩᱰᱤᱧ ᱥᱚᱢᱚᱭ ᱨᱮᱱ ᱜᱟᱹᱛᱮ) ᱦᱚᱸ ᱠᱤᱱ ᱥᱮᱴᱮᱨᱚᱜ ᱠᱟᱱᱟ ᱠᱤᱱ ᱾ ᱨᱟᱡ ᱠᱮᱥᱳᱵ ᱮ ᱟᱴᱟᱠ (Attack) ᱮ ᱠᱟᱱᱟᱭᱮ ᱟᱨ ᱩᱱᱤ ᱫᱟᱞ ᱜᱷᱟᱣ ᱠᱟᱛᱮ ᱚᱪᱮᱛ ᱠᱟᱭᱮ ᱠᱟᱱᱟᱭᱮ ᱟᱨ ᱮᱴᱟᱜ ᱠᱚ ᱵᱟᱝᱪᱟᱣ ᱮ ᱪᱟᱞᱟᱣ ᱮᱱᱟᱭᱮ ᱾ᱩᱱ ᱡᱚᱦᱚᱜ ᱠᱮᱥᱳᱵ ᱵᱮᱨᱮᱫ ᱠᱟᱛᱮ ᱵᱟᱹᱱᱫᱷᱩᱠ ᱮ ᱛᱩᱞ ᱮᱫᱟᱭᱮ, ᱩᱱ ᱨᱮ ᱜᱚᱡᱟ ᱜᱩᱨᱩ ᱟᱨ ᱫᱤᱫᱤ ᱛᱤᱠᱤᱱ ᱠᱤᱱ ᱥᱮᱴᱮᱨᱚᱜ ᱮᱱᱟ ᱠᱤᱱ, ᱫᱤᱫᱤ ᱫᱚᱭ ᱠᱮᱥᱳᱵ ᱮ ᱜᱚᱡ ᱠᱮᱫᱮᱭᱟᱭᱮ ᱟᱨ ᱠᱤᱨᱤᱧ ᱟᱹᱠᱷᱨᱤᱧᱭᱟ ᱠᱚ ᱯᱩᱞᱤᱥ ᱠᱚ ᱥᱟᱵ ᱤᱫᱤ ᱠᱮᱫ ᱠᱚᱣᱟ ᱠᱚ ᱾ ᱫᱤᱫᱤ ᱤᱡ ᱜᱤᱫᱽᱨᱟ ᱦᱩᱭᱤ ᱮᱱ ᱛᱟᱭᱟ ᱾ ᱯᱮ ᱪᱟᱸᱫᱚ ᱯᱚᱨᱮ ᱫᱤᱯᱟᱸᱠᱚᱨ ᱱᱟᱭᱮᱨ ᱟᱜ ᱢᱩᱪᱟᱫ ᱥᱟᱸᱫᱮᱥ ᱱᱚᱶᱟ ᱧᱮᱞ ᱦᱚᱪᱚ ᱮᱫ ᱠᱚᱣᱟᱭᱮ, ᱡᱟᱦᱟᱱ ᱫᱚ ᱡᱟᱣ ᱑᱕ ᱢᱤᱱᱤᱴ (Minute) ᱨᱮ ᱦᱟᱹᱛᱤ ᱠᱚᱣᱟ ᱰᱟᱴᱟ ᱧᱟᱢ ᱞᱟᱹᱜᱤᱫ ᱜᱚᱡ ᱮᱫ ᱠᱚ ᱛᱟᱦᱮᱸᱫ ᱾ ᱦᱟᱹᱛᱤ ᱰᱟᱴᱟ ᱛᱮ ᱵᱮᱱᱟᱣ ᱡᱤᱱᱤᱥ ᱵᱟᱵᱚᱱ ᱦᱟᱛᱟᱣ ᱠᱷᱟᱱ ᱟᱵᱚ ᱨᱤᱱ ᱡᱤᱵ ᱡᱤᱭᱟᱹᱞᱤ ᱠᱚ ᱞᱟᱹᱜᱤᱫ ᱵᱷᱟᱹᱞᱟᱭᱤ ᱦᱩᱭᱩ ᱟ ᱾ ᱟᱸᱰᱮ ᱫᱤᱫᱤ ᱤᱡ ᱠᱩᱲᱤ ᱜᱤᱫᱽᱨᱟ ᱟᱥᱥᱟ ᱦᱚᱸ ᱠᱚ ᱫᱮᱠᱷᱟᱹᱣ ᱮ ᱠᱟᱱᱟ ᱠᱚ ᱾ ᱢᱩᱪᱟᱹᱫ ᱨᱮ ᱨᱟᱡ ᱟᱡᱟᱜ ᱡᱳᱵ (Job) ᱛᱮ ᱵᱟᱭ ᱨᱩᱣᱟᱹᱲ ᱞᱟᱹᱜᱤᱫ ᱢᱮᱱ ᱠᱮᱫᱟ ᱡᱮ "ᱤᱧ ᱱᱤᱛᱚᱜ ᱵᱟᱹᱧ ᱦᱮᱡ ᱫᱟᱲᱮᱭᱟᱹᱜ-ᱟ, ᱪᱮᱫᱟ ᱥᱮ ᱱᱚᱰᱮ ᱫᱩᱨᱤᱵ ᱠᱚ ᱡᱟᱝᱜᱞᱤ ᱠᱟᱱᱟ" ᱾
ᱠᱚᱞᱟᱠᱟᱨ ᱠᱚᱣᱟᱜ ᱪᱩᱨᱤᱛ ᱥᱟᱯᱲᱟᱣ
᱑.ᱵᱤᱫᱭᱩᱛ ᱡᱟᱢᱣᱟᱹᱞᱟ-ᱨᱟᱡ ᱪᱩᱨᱤᱛ ᱛᱮ ᱒.ᱯᱩᱡᱟ ᱥᱟᱶᱚᱛ-ᱥᱚᱸᱠᱟᱨᱟ ᱪᱩᱨᱤᱛ ᱛᱮ ᱓.ᱟᱥᱥᱟ ᱵᱷᱳᱴ-ᱢᱤᱨᱟ ᱪᱩᱨᱤᱛ ᱛᱮ ᱔.ᱢᱚᱠᱨᱚᱸᱫ ᱫᱮᱥᱯᱟᱸᱰᱮ-ᱜᱚᱡᱟ ᱜᱩᱨᱩ ᱪᱩᱨᱤᱛ ᱛᱮ ᱕.ᱚᱛᱩᱞ ᱠᱩᱞᱠᱟᱹᱨᱱᱤ-ᱠᱮᱥᱳᱵ ᱠᱭᱟᱯᱴᱤᱴᱮᱱ(Captain)ᱪᱩᱨᱤᱛ ᱛᱮ ᱖.ᱚᱠᱷᱳᱭ ᱳᱵᱮᱨᱟᱭ-ᱫᱮᱵ ᱪᱩᱨᱤᱛ ᱛᱮ
᱗.ᱛᱷᱟᱞᱟᱹᱭᱵᱷᱟᱥᱟᱞ ᱵᱤᱡᱚᱭ-ᱫᱤᱯᱟᱸᱠᱚᱨ ᱱᱟᱭᱮᱨ(ᱵᱟᱵᱟ) ᱪᱩᱨᱤᱛ ᱛᱮ ᱘.ᱠᱩᱥᱟᱞ ᱢᱮᱱᱳᱱ-ᱰᱳᱱ(Don)ᱪᱩᱨᱤᱛ ᱛᱮ ᱙.ᱞᱟ.ᱨᱥ ᱠᱮᱡᱮᱞᱥᱮᱱ-ᱢᱤᱥᱴᱚᱨ ᱣᱮᱱ(Mr.Vane)
ᱢᱟᱨᱠᱮᱴᱤᱧ ᱟᱨ ᱨᱤᱞᱤᱡ ᱥᱟᱯᱲᱟᱣ
ᱥᱤᱱᱮᱢᱟ ᱨᱮᱱᱟᱜ ᱢᱤᱫ ᱴᱮᱡᱳᱨ(Teaser)᱑᱗ ᱳᱠᱴᱳᱵᱳᱨ (October)᱒᱐᱑᱙ ᱨᱮ ᱩᱪᱷᱟᱱ ᱞᱮᱱ ᱛᱟᱦᱮᱸᱱᱟ ᱾[᱕]ᱥᱤᱱᱮᱢᱟ ᱨᱮᱱᱟᱜ ᱯᱳᱥᱴ(Post) ᱪᱤᱛᱟᱹᱨ ᱓ ᱯᱨᱮᱵᱨᱩᱟ.ᱨᱤ(February)᱒᱐᱑᱙ ᱨᱮ ᱩᱪᱷᱟᱱ ᱞᱮᱱᱟ ᱟᱨ ᱵᱟ.ᱠᱜᱨᱟᱣᱩᱸᱰ (Background) ᱨᱮ ᱢᱤᱫ ᱦᱟ.ᱛᱤ ᱥᱟᱞᱟᱜ ᱡᱟᱢᱣᱟᱞᱟ ᱛᱟᱠᱤᱱᱟᱜ ᱪᱷᱩᱵᱤ ᱛᱩᱞᱟ.ᱣ ᱞᱮᱱᱟ ᱾[᱖]ᱥᱤᱱᱮᱢᱟ ᱨᱮᱱᱟᱜ ᱳᱯᱷᱤᱥᱤᱭᱟᱞ ᱴᱨᱮᱞᱳᱨ (Official trailer) ᱖ ᱢᱟᱨᱪ (March) ᱒᱐᱑᱙ ᱨᱮ ᱩᱪᱷᱟᱱ ᱞᱮᱱ ᱛᱟᱦᱮᱸᱱᱟ ᱾ᱱᱚᱶᱟ ᱴᱨᱮᱞᱳᱨ(Trailer) ᱩᱪᱷᱟᱱ ᱨᱮᱱᱟᱜ ᱢᱟᱦᱤᱛ ᱠᱷᱚᱱ ᱱᱤᱛ ᱫᱷᱟᱵᱤᱡ ᱓᱓ ᱢᱤᱞᱤᱭᱳᱱ(33 Million) ᱠᱷᱚᱱ ᱵᱤᱥᱤ ᱜᱮ ᱠᱚ ᱧᱮᱞ ᱟᱠᱟᱫᱟ ᱟᱨ ᱕᱐᱑,᱐᱐᱐ ᱞᱟ.ᱭᱤᱠ(Like) ᱠᱚ ᱮᱢ ᱟᱠᱟᱫᱟ ᱾[᱗]
ᱦᱳᱢ ᱢᱤᱰᱤᱭᱟ ᱥᱟᱯᱲᱟᱣ
ᱱᱚᱶᱟ ᱥᱤᱱᱮᱢᱟ ᱒᱕ ᱢᱮᱭ ᱠᱷᱚᱱ ᱦᱳᱴᱥ ᱥᱴᱟᱨ(Hotstar) ᱨᱮ ᱵᱤᱰᱤᱳ (VDO) ᱞᱮᱠᱟᱛᱮ ᱧᱮᱞ ᱧᱟᱢᱚᱜ ᱠᱟᱱᱟ ᱾[᱘]
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ "Junglee (2019)". Box Office Mojo.
- ↑ "'Junglee' starring Vidyut Jammwal up for a Dussehra 2018 release". The Times of India. 13 November 2017. Retrieved 28 March 2019.
- ↑ "Ahead of 'Junglee' trailer launch, Vidyut Jammwal, Pooja Sawant and Asha Bhat visit Siddhivinayak temple". The Times of India. 4 March 2019. Retrieved 5 March 2019.
- ↑ "Vidyut made a new friend while shooting for Junglee. The movie was shot at Chandaka forest in Odisha. Chandaka forest in Odisha also known for elwphant reserve". Firstpost. 14 March 2018. Retrieved 6 April 2018.
- ↑ "Junglee teaser out: Vidyut Jamwal is friends with elephants in this Chuck Russell directorial". The Financial Express. 17 October 2018. Retrieved 5 March 2019.
- ↑ "Junglee first look: Action star Vidyut Jammwal is back in action". Deccan Chronicle. 4 February 2019. Retrieved 5 March 2019.
- ↑ "Junglee Official Trailer - Vidyut Jammwal, Pooja Sawant & Asha Bhat - Chuck Russell". YouTube. 6 March 2019.
- ↑ "Junglee". April 2019. Retrieved 25 May 2019.