ᱡᱟᱯᱷᱱᱟ
ᱡᱟᱯᱷᱱᱟ (ᱛᱟᱢᱤᱞ ᱺ யாழ்ப்பாணம்; ᱪᱤᱠᱤ ᱛᱮ ᱺᱭᱟᱞᱟᱯᱟᱱᱚᱢ) ᱥᱨᱤᱞᱚᱝᱠᱟ ᱫᱤᱥᱚᱢ ᱨᱮᱱᱟᱜ ᱮᱛᱚᱢ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ᱾ ᱱᱚᱣᱟ ᱫᱚ ᱡᱟᱯᱷᱱᱟ ᱦᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱦᱚᱸ ᱠᱟᱱᱟ᱾ ᱒᱐᱑᱒ ᱥᱮᱨᱢᱟ ᱱᱚᱰᱮ ᱘᱘,᱑᱓᱘ ᱜᱟᱱ ᱦᱚᱲ ᱥᱟᱶ ᱱᱚᱣᱟ ᱫᱚ ᱥᱨᱤᱞᱚᱝᱠᱟ ᱨᱮᱱᱟᱜ ᱑᱒ ᱟᱱᱟᱜ ᱢᱟᱨᱟᱝ ᱦᱚᱲᱮᱞ ᱱᱟᱜᱟᱨ ᱠᱟᱱᱟ᱾ ᱡᱟᱯᱷᱱᱟ ᱱᱟᱜᱟᱨ ᱨᱮᱱ ᱡᱟᱹᱥᱛᱤ ᱜᱟᱱ ᱦᱚᱲ ᱜᱮ ᱛᱟᱢᱤᱞ ᱠᱟᱱᱟ ᱠᱚ᱾ ᱡᱟᱯᱷᱟᱱ ᱨᱮᱱᱟᱜ ᱱᱟᱞᱞᱩᱨ ᱥᱚᱦᱚᱨ ᱯᱩᱱ ᱥᱟᱭ ᱥᱮᱨᱢᱟ ᱞᱟᱦᱟ ᱡᱟᱯᱷᱱᱟ ᱨᱟᱡᱽ ᱨᱮᱱᱟᱜ ᱨᱟᱡᱽᱜᱟᱲ ᱞᱮᱠᱟᱛᱮ ᱛᱟᱦᱮ ᱠᱟᱱᱟ᱾
| ᱡᱟᱯᱷᱱᱟ யாழ்ப்பாணம் යාපනය | |
|---|---|
| ᱱᱟᱜᱟᱨ | |
 ᱜᱷᱩᱲᱤ ᱥᱩᱭ ᱞᱮᱠᱟ ᱪᱮᱛᱟᱱ ᱠᱷᱚᱱ: ᱡᱟᱯᱷᱱᱟ ᱯᱟᱵᱽᱞᱤᱠ ᱞᱟᱭᱵᱨᱮᱨᱤ, ᱡᱟᱯᱷᱱᱟ-ᱯᱟᱱᱱᱟᱭ-ᱠᱟᱭᱴᱥ ᱦᱟᱭᱳᱭᱮ, ᱱᱟᱞᱞᱩᱨ ᱠᱟᱱᱫᱟᱥᱣᱮᱨᱤ ᱢᱚᱱᱫᱤᱨ, ᱡᱟᱯᱷᱱᱟ ᱫᱩᱨᱜᱳ, ᱥᱟᱜᱤᱞᱤᱭᱟᱱ ᱥᱟᱠᱳ, ᱡᱟᱯᱷᱱᱟ ᱨᱟᱡᱽ ᱨᱮᱱᱟᱜ ᱨᱟᱹᱯᱩᱛ ᱥᱟᱨᱮᱡᱽ | |
| Coordinates: 09°39′53″N 80°01′00″E / 9.66472°N 80.01667°ECoordinates: 09°39′53″N 80°01′00″E / 9.66472°N 80.01667°E | |
| ᱫᱤᱥᱚᱢ | ᱥᱨᱤᱞᱚᱝᱠᱟ |
| ᱯᱚᱱᱚᱛ | ᱮᱛᱚᱢ ᱯᱚᱱᱚᱛ |
| ᱦᱚᱱᱚᱛ | ᱡᱟᱯᱷᱱᱟ |
| ᱥᱚᱨᱠᱟᱨ | |
| • ᱞᱮᱠᱟᱱ | ᱢᱤᱭᱩᱱᱤᱥᱤᱯᱟᱞ ᱠᱟᱭᱩᱱᱥᱤᱞ |
| • ᱢᱮᱭᱚᱨ | E. Arnold (TNA) |
| ᱮᱨᱤᱭᱟ | |
| • ᱞᱮᱠᱷᱟᱜᱩᱴ | 20.2 ᱠᱤᱢᱤ২ (7.8 ᱜᱟᱺᱴ ᱢᱟᱭᱤᱞ) |
| ᱩᱥᱩᱞ | 5 ᱢᱤᱴᱚᱨ (16 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2012) |
| • ᱞᱮᱠᱷᱟᱜᱩᱴ | ᱘᱘,᱑᱓᱘ |
| • ᱰᱮᱱᱥᱤᱴᱤ | 4400/ᱠᱤᱢᱤ2 (11000/ᱜᱟᱺᱴ ᱢᱟᱹᱭᱤᱞ) |
| Sri Lanka Standard Time Zone (ᱭᱩᱴᱤᱥᱤ+5:30) | |
| ᱣᱮᱵᱽᱥᱟᱭᱤᱴ | Jaffna Municipal Council |
ᱥᱨᱤᱞᱚᱝᱠᱟ ᱜᱷᱟᱨᱚᱧᱡᱤᱭᱟᱹ ᱞᱟᱹᱰᱷᱟᱹᱭ ᱞᱟᱦᱟ ᱨᱮ ᱱᱚᱣᱟ ᱫᱚ ᱥᱨᱤᱞᱚᱝᱠᱟ ᱨᱮᱱᱟᱜ ᱫᱚᱥᱟᱨ ᱢᱟᱨᱟᱝ ᱦᱚᱲᱮᱞ ᱱᱟᱜᱟᱨ ᱛᱟᱦᱮ ᱠᱟᱱᱟ, ᱠᱟᱞᱚᱢᱵᱚ ᱛᱟᱭᱚᱢ᱾ ᱑᱙᱘᱐ ᱥᱮᱨᱢᱟ ᱚᱠᱛᱚ ᱞᱟᱹᱰᱷᱟᱹᱭ ᱨᱮ ᱱᱚᱰᱮ ᱟᱭᱢᱟ ᱠᱷᱚᱭᱼᱠᱷᱚᱛᱤ ᱦᱩᱭ ᱞᱮᱱᱟ, ᱟᱭᱢᱟ ᱦᱚᱲ ᱜᱮ ᱠᱚ ᱞᱟᱜᱟ ᱞᱮᱫ ᱠᱚᱣᱟ᱾ ᱒᱐᱐᱙ ᱥᱮᱨᱢᱟ ᱜᱷᱟᱨᱚᱧᱡᱤᱭᱟᱹ ᱞᱟᱹᱰᱷᱟᱹᱭ ᱪᱟᱵᱟ ᱛᱟᱭᱚᱢ ᱟᱭᱢᱟ ᱦᱚᱲᱜᱮ ᱨᱩᱭᱟᱹᱨᱚᱜ ᱠᱚ ᱮᱛᱚᱦᱚᱵ ᱞᱮᱱᱟ, ᱩᱱ ᱚᱠᱛᱚ ᱥᱚᱨᱠᱟᱨ ᱟᱨ ᱵᱮᱥᱚᱨᱠᱟ ᱛᱷᱚᱠ ᱨᱮ ᱵᱮᱱᱟᱣ ᱨᱩᱣᱟᱹᱨ ᱮᱛᱚᱦᱚᱵ ᱞᱮᱱᱟ᱾
ᱧᱩᱛᱩᱢ
ᱥᱟᱯᱲᱟᱣᱱᱟᱜᱟᱢ
ᱥᱟᱯᱲᱟᱣᱡᱟᱯᱷᱱᱟ ᱢᱤᱫ ᱚᱠᱛᱚ ᱡᱟᱯᱷᱱᱟ ᱨᱟᱡᱽ ᱨᱮᱱᱟᱜ ᱨᱟᱡᱽᱜᱟᱲ ᱛᱟᱦᱮ ᱠᱟᱱᱟ᱾ ᱛᱟᱭᱚᱢ ᱛᱮ ᱑᱖᱒᱑ ᱥᱮᱨᱢᱟ ᱨᱮ ᱱᱚᱣᱟ ᱫᱚ ᱯᱚᱨᱛᱩᱜᱤᱡᱽ ᱠᱚᱣᱟᱜ ᱩᱯᱚᱱᱤᱵᱮᱥ ᱨᱮᱱᱟᱜ ᱥᱟᱥᱚᱱᱤᱭᱟᱹ ᱛᱟᱞᱢᱟ ᱞᱮᱠᱟᱛᱮ ᱛᱟᱦᱮᱠᱟᱱᱟ᱾ ᱑᱗᱙᱖ ᱥᱮᱨᱢᱟ ᱨᱮ ᱱᱚᱰᱮ ᱵᱨᱤᱴᱤᱥ ᱥᱟᱥᱚᱱ ᱮᱛᱚᱦᱚᱵ ᱞᱮᱱᱟ᱾ ᱵᱨᱤᱴᱤᱥ ᱥᱟᱥᱚᱱ ᱚᱠᱛᱚ ᱨᱮ ᱱᱚᱣᱟ ᱫᱚ ᱫᱚᱨᱭᱟ ᱵᱟᱱᱤᱡᱽ ᱛᱟᱞᱢᱟ ᱞᱮᱠᱟᱛᱮ ᱵᱮᱱᱟᱣ ᱨᱟᱠᱟᱯ ᱮᱱᱟ᱾ ᱱᱚᱣᱟ ᱚᱠᱛᱚ ᱨᱮᱜᱮ ᱱᱚᱰᱮ ᱛᱟᱢᱤᱞ ᱯᱟᱹᱨᱥᱤ ᱦᱚᱲ ᱠᱚ ᱰᱷᱮᱨ ᱪᱟᱞᱟᱣ ᱮᱱᱟ᱾ ᱫᱤᱥᱚᱢ ᱯᱷᱩᱱᱩᱨᱜᱟᱹᱞ ᱛᱟᱭᱟᱢ, ᱡᱟᱯᱷᱱᱟ ᱛᱟᱞᱢᱟ ᱨᱮ ᱫᱚᱦᱚ ᱠᱟᱛᱮᱡᱽ ᱛᱟᱢᱤᱞ ᱦᱚᱲ ᱮᱴᱟᱜ ᱯᱷᱩᱱᱩᱨᱜᱟᱹᱞ ᱫᱤᱥᱚᱢ ᱞᱟᱹᱜᱤᱫ ᱞᱟᱹᱰᱷᱟᱹᱭ ᱠᱚ ᱮᱦᱚᱵ ᱠᱮᱫᱟ᱾ ᱑᱙᱘᱐ ᱠᱷᱚᱱ ᱒᱐᱐᱙ ᱥᱮᱨᱢᱟ ᱦᱟᱹᱵᱤᱫ ᱱᱚᱣᱟ ᱞᱟᱹᱰᱷᱟᱹᱭ ᱪᱟᱞᱟᱣ ᱞᱮᱱᱟ᱾ ᱒᱐᱐᱙ ᱥᱮᱨᱢᱟ ᱨᱮ ᱡᱟᱯᱷᱱᱟ ᱥᱨᱤᱞᱚᱝᱠᱟ ᱨᱮᱱ ᱟᱨᱢᱤ (ᱥᱮᱱᱟ) ᱫᱚᱠᱷᱚᱞ ᱛᱟᱭᱚᱢ ᱱᱚᱣᱟ ᱞᱟᱹᱰᱷᱟᱹᱭ ᱪᱟᱵᱟᱭᱮᱱᱟ᱾
ᱥᱚᱨᱠᱟᱨ
ᱥᱟᱯᱲᱟᱣᱚᱛᱱᱚᱜ
ᱥᱟᱯᱲᱟᱣᱡᱟᱯᱷᱱᱟ ᱫᱤᱥᱚᱢ ᱨᱮᱱᱟᱜ ᱮᱛᱚᱢ ᱥᱮᱫ ᱡᱟᱯᱷᱱᱟ ᱩᱯᱫᱤᱯ ᱨᱮ ᱢᱮᱱᱟᱜᱼᱟ᱾ ᱡᱟᱯᱷᱱᱟ ᱨᱮᱱᱟᱜ ᱴᱷᱟᱹᱶᱠᱟᱹ ᱫᱚ ᱐᱙°᱓᱙'᱕᱓"ᱮᱛᱚᱢ ᱟᱨ ᱘᱐°᱐᱑'᱐᱐" ᱥᱟᱢᱟᱝ ᱠᱟᱱᱟ᱾ ᱱᱚᱣᱟ ᱨᱮᱱᱟᱜ ᱮᱛᱚᱢ ᱥᱮᱫ ᱠᱳᱠᱠᱩᱵᱷᱤᱞ ᱟᱨ ᱛᱷᱤᱨᱩᱱᱮᱞᱵᱷᱞᱤ ᱟᱨ ᱱᱚᱞᱞᱩᱨ ᱥᱚᱦᱚᱨ ᱢᱮᱱᱟᱜᱼᱟ᱾ ᱡᱟᱯᱷᱱᱟ ᱫᱤᱥᱚᱢ ᱨᱮᱱᱟᱜ ᱨᱟᱡᱽᱜᱟᱲ ᱠᱚᱞᱚᱢᱵᱚ ᱠᱷᱚᱱ ᱓᱐᱐ ᱠᱤᱞᱳᱢᱤᱴᱟᱨ (᱑᱘᱘ ᱢᱟᱭᱤᱞ) ᱮᱛᱚᱢ ᱥᱮᱫ ᱨᱮ ᱢᱮᱱᱟᱜᱼᱟ ᱟᱨ ᱱᱚᱣᱟ ᱫᱚ ᱫᱚᱨᱭᱟ ᱟᱴᱮᱫ ᱠᱷᱚᱱ ᱑᱕ ᱠᱷᱚᱱ ᱑᱖ ᱯᱷᱩᱴ ᱪᱮᱛᱟᱱ ᱨᱮ ᱢᱮᱱᱟᱜᱼᱟ᱾
ᱦᱚᱭ ᱦᱤᱥᱤᱫ
ᱥᱟᱯᱲᱟᱣᱰᱮᱢᱚᱜᱽᱨᱟᱯᱷᱤ
ᱥᱟᱯᱲᱟᱣᱱᱟᱜᱟᱢ ᱠᱷᱚᱱ ᱜᱮ ᱡᱟᱯᱷᱱᱟ ᱨᱮ ᱛᱟᱢᱤᱞ, ᱢᱳᱨ (ᱢᱩᱥᱞᱟᱹ) ᱤᱭᱩᱨᱳᱯᱤᱭᱟᱱ ᱟᱨ ᱤᱭᱳᱥᱤᱭᱟᱱ ᱠᱚ ᱛᱟᱦᱮᱱ ᱠᱟᱱ ᱛᱟᱦᱮᱱᱟ᱾ ᱚᱠᱛᱚ ᱯᱟᱨᱚᱢ ᱨᱮ ᱛᱟᱢᱤᱞ ᱟᱨ ᱢᱳᱨ ᱦᱚᱲ ᱠᱚ ᱰᱷᱮᱨ ᱪᱟᱞᱟᱣ ᱮᱱᱟ ᱟᱨ ᱤᱭᱩᱨᱳᱯᱤᱭᱟᱱ ᱟᱨ ᱤᱭᱳᱥᱤᱭᱟᱱ ᱦᱚᱲ ᱠᱚ ᱠᱚᱢ ᱪᱟᱞᱟᱣ ᱮᱱᱟ ᱟᱨ ᱮᱴᱟᱜ ᱡᱟᱜᱟ ᱠᱚᱛᱮ ᱠᱚ ᱤᱪᱟᱹᱨᱮᱱᱟ᱾ ᱑᱙᱐᱐ ᱥᱮᱨᱢᱟ ᱛᱟᱭᱚᱢ ᱠᱷᱚᱱ ᱥᱤᱝᱦᱚᱞᱤ ᱦᱚᱲ ᱠᱚᱧᱮ ᱥᱮᱫ ᱠᱷᱚᱱ ᱦᱮᱡᱽ ᱠᱟᱛᱮᱡᱽ ᱱᱚᱰᱮ ᱛᱟᱦᱮ ᱠᱚ ᱞᱟᱜᱟᱣ ᱮᱱᱟ᱾ ᱒᱐᱑᱐ ᱥᱮᱨᱢᱟ ᱨᱮᱱᱟᱜ ᱦᱚᱲᱞᱮᱠᱷᱟ ᱞᱮᱠᱟᱛᱮ ᱱᱚᱰᱮ ᱘᱔,᱔᱑᱖ ᱜᱚᱴᱟᱝ ᱦᱚ ᱠᱚ ᱛᱮᱦᱮ ᱠᱟᱱᱟ᱾