ᱡᱩᱜᱽ ᱥᱤᱨᱤᱡᱚᱞ
ᱱᱚᱣᱟ ᱥᱟᱛᱟᱢ ᱣᱤᱠᱤ ᱞᱚᱵᱽᱥ ᱞᱤᱴᱮᱨᱮᱪᱚᱨ ᱒᱐᱒᱒ ᱞᱟᱹᱜᱤᱫ ᱵᱮᱨᱮᱫ ᱟᱠᱟᱱᱟ । |  |
ᱡᱩᱜᱽ ᱥᱤᱨᱤᱡᱚᱞ ᱫᱚ ᱢᱤᱫ ᱥᱟᱱᱛᱟᱲᱤ ᱥᱟᱶᱦᱮᱫ ᱟᱨ ᱞᱟᱠᱪᱟᱨ ᱯᱟᱛᱷᱟᱢ ᱠᱟᱱᱟ᱾ ᱠᱚᱞᱠᱟᱛᱟ ᱠᱷᱚᱱᱟᱜ ᱑᱙᱗᱑ ᱥᱮᱨᱢᱟ ᱨᱮᱱᱟᱜ ᱟᱜᱚᱥᱴ ᱪᱟᱸᱜᱟ ᱠᱷᱚᱱ ᱱᱚᱣᱟ ᱯᱟᱛᱷᱟᱢ ᱫᱚ ᱯᱟᱨᱥᱟᱞᱚᱜ ᱠᱟᱱᱟ᱾ ᱧᱩᱛᱩᱢᱟᱱ ᱥᱟᱶᱦᱮᱫᱤᱭᱟᱹ, ᱥᱟᱶᱛᱟ ᱥᱩᱥᱟᱹᱨᱤᱭᱟᱹ ᱟᱨ ᱨᱟᱡᱽᱟᱹᱨᱤ ᱱᱮᱛᱟ ᱱᱮᱛᱷᱟᱱᱤᱭᱮᱞ ᱢᱩᱨᱢᱩ ᱱᱚᱣᱟ ᱨᱮᱱ ᱯᱩᱭᱞᱩ ᱥᱟᱥᱟᱯᱲᱟᱣᱤᱡ ᱮ ᱛᱟᱦᱮᱸ ᱠᱟᱱᱟ᱾
 | |
| ᱥᱟᱼᱥᱟᱯᱲᱟᱣᱤᱡ |
|
|---|---|
| ᱛᱷᱚᱠ | ᱥᱟᱶᱦᱮᱫ ᱟᱨ ᱞᱟᱠᱪᱟᱨ |
| ᱯᱟᱨᱥᱟᱞ ᱚᱠᱛᱚ | ᱪᱟᱸᱫᱚᱠᱤᱭᱟᱹ |
| ᱯᱟᱯᱟᱨᱥᱟᱞᱤᱡ | ᱥᱟᱱᱛᱟᱞᱤ ᱞᱤᱴᱟᱨᱟᱨᱤ ᱮᱱᱰ ᱠᱟᱞᱪᱟᱨᱟᱞ ᱥᱳᱥᱟᱭᱴᱤ |
| ᱛᱷᱟᱯᱚᱱᱤᱡ | ᱱᱮᱛᱷᱟᱱᱤᱭᱮᱞ ᱢᱩᱨᱢᱩ |
| ᱯᱩᱭᱞᱩ ᱩᱪᱷᱟᱹᱱ | ᱚᱜᱚᱥᱴ ᱑᱙᱗᱑ |
| ᱫᱤᱥᱚᱢ | ᱥᱤᱧᱚᱛ |
| ᱴᱷᱟᱶ | ᱠᱚᱞᱠᱟᱛᱟ |
| ᱯᱟᱹᱨᱥᱤ | ᱥᱟᱱᱛᱟᱲᱤ (ᱨᱳᱢᱟᱱ ᱪᱤᱠᱤ ᱛᱮ) |
ᱨᱳᱢᱟᱱ ᱪᱤᱠᱤ ᱛᱮ ᱯᱟᱨᱥᱟᱞᱚᱜ ᱠᱟᱱ ᱠᱷᱟᱹᱛᱤᱨ, ᱨᱳᱢᱟᱱ ᱪᱤᱠᱤ ᱵᱟᱲᱟᱭᱟᱱ ᱦᱚᱲ ᱠᱚ ᱢᱩᱸᱫᱽ ᱨᱮᱜᱮ ᱱᱚᱣᱟ ᱨᱮᱭᱟᱜ ᱪᱟᱨᱪᱟ ᱡᱟᱹᱥᱛᱤ ᱢᱮᱱᱟᱜᱼᱟ᱾
ᱱᱟᱜᱟᱢ
ᱥᱟᱯᱲᱟᱣᱠᱚᱧᱮ ᱵᱟᱝᱞᱟ ᱟᱨ ᱫᱩᱢᱠᱟᱹ ᱴᱚᱴᱷᱟ ᱠᱷᱚᱱ ᱠᱚᱞᱠᱟᱛᱟ ᱨᱮ ᱠᱟᱹᱢᱤ ᱞᱟᱹᱜᱤᱫ ᱦᱮᱡ ᱟᱠᱟᱱ ᱤᱥᱟᱹᱭ ᱥᱟᱱᱛᱟᱲ ᱠᱚ ᱤᱫᱤ ᱠᱟᱛᱮ ᱑᱙᱖᱕ ᱥᱮᱨᱢᱟ ᱨᱮ ᱱᱮᱛᱷᱱᱤᱭᱮᱞ ᱢᱩᱨᱢᱩ ᱟᱜ ᱟᱹᱭᱩᱨ ᱛᱮ ᱥᱟᱱᱛᱟᱞᱤ ᱞᱤᱴᱟᱨᱟᱨᱤ ᱮᱱᱰ ᱠᱟᱞᱪᱟᱨᱟᱞ ᱥᱳᱥᱟᱭᱴᱤ ᱧᱩᱛᱩᱢ ᱛᱮ ᱢᱤᱫ ᱜᱚᱱᱚᱴᱷᱚᱱ ᱵᱮᱨᱮᱫ ᱞᱮᱱᱟ᱾ ᱥᱟᱶᱦᱮᱫ ᱟᱨ ᱞᱟᱭ ᱞᱟᱠᱪᱟᱨ ᱩᱛᱷᱱᱟᱹᱣ ᱞᱟᱹᱜᱤᱫ ᱛᱮ ᱱᱚᱣᱟ ᱜᱚᱱᱚᱴᱷᱚᱱ ᱦᱚᱛᱮᱛᱮ ᱑᱙᱖᱖ ᱥᱮᱨᱢᱟ ᱠᱷᱚᱱ ᱥᱟᱨ ᱥᱟᱫᱽᱞᱮ ᱧᱩᱛᱩᱢ ᱛᱮ ᱢᱤᱫ ᱵᱟᱨᱼᱪᱟᱸᱫᱚᱠᱤᱭᱟᱹ ᱥᱟᱶᱦᱮᱫ ᱯᱟᱛᱷᱟᱢ ᱯᱟᱨᱥᱟᱞ ᱮᱦᱚᱵ ᱞᱮᱱᱟ᱾ ᱢᱚᱬᱮ ᱥᱮᱨᱢᱟ ᱯᱟᱨᱥᱟᱞ ᱛᱟᱭᱚᱢ ᱱᱚᱣᱟ ᱫᱚ ᱑᱙᱗᱑ ᱥᱮᱨᱢᱟ ᱨᱮ ᱡᱩᱜᱽ ᱥᱤᱨᱤᱡᱚᱞ ᱧᱩᱛᱩᱢ ᱨᱮ ᱧᱩᱢ ᱟᱹᱨᱩ ᱞᱮᱱᱟ᱾
ᱥᱟᱥᱟᱯᱲᱟᱣᱤᱡ ᱠᱚ
ᱥᱟᱯᱲᱟᱣᱱᱚᱣᱟ ᱨᱮᱱ ᱯᱩᱭᱞᱩ ᱥᱟᱥᱟᱯᱲᱟᱣᱤᱡ ᱫᱚᱭ ᱛᱟᱦᱮᱸ ᱠᱟᱱᱟ ᱱᱮᱛᱷᱱᱤᱭᱮᱞ ᱢᱩᱨᱢᱩ᱾ ᱱᱚᱣᱟ ᱨᱮᱱ ᱥᱟᱥᱟᱯᱲᱟᱣᱤᱡ ᱠᱚᱫᱚ ᱠᱚ ᱦᱩᱭᱩᱜ ᱠᱟᱱᱟ -
- ᱱᱮᱛᱷᱱᱤᱭᱮᱞ ᱢᱩᱨᱢᱩ
- ᱡᱮ. ᱥᱤ. ᱴᱩᱰᱩ
- ᱰᱨ. ᱛᱤᱢᱳᱛᱷᱤᱭᱟᱥ ᱦᱮᱢᱵᱽᱨᱚᱢ[᱑] [᱒]
- ᱫᱤᱞᱤᱯ ᱦᱮᱢᱵᱽᱨᱚᱢ
ᱮᱱᱮᱢ
ᱥᱟᱯᱲᱟᱣᱡᱩᱜᱽ ᱥᱤᱨᱤᱡᱚᱞ ᱯᱟᱛᱷᱟᱢ ᱨᱮ ᱠᱷᱚᱵᱚᱨ ᱥᱟᱶᱛᱮ, ᱠᱟᱹᱦᱱᱤ, ᱚᱱᱚᱬᱦᱮᱸ, ᱚᱱᱚᱞ ᱟᱨ ᱜᱟᱞᱢᱟᱨᱟᱣ ᱮᱢᱟᱱ ᱠᱚ ᱞᱮᱛᱟᱲ ᱜᱮ ᱱᱚᱣᱟ ᱨᱮᱭᱟᱜ ᱟᱹᱰᱤ ᱜᱟᱱ ᱞᱮᱠᱷᱟ ᱨᱮ ᱯᱟᱨᱥᱟᱞᱚᱜ ᱠᱟᱱᱟ᱾ ᱱᱚᱣᱟ ᱯᱟᱛᱷᱟᱢ ᱨᱮᱱᱟᱜ ᱥᱟᱱᱟᱢ ᱠᱷᱚᱱ ᱥᱚᱨᱮᱥ ᱦᱤᱸᱥ ᱫᱚ ᱦᱩᱭᱩᱜ ᱠᱟᱱᱟ ᱱᱚᱣᱟ ᱨᱮᱭᱟᱜ "ᱥᱟᱯᱲᱮᱛ ᱟᱲᱟᱝ"᱾ ᱱᱚᱣᱟ ᱨᱮ ᱥᱟᱶᱛᱟ, ᱞᱟᱠᱪᱟᱨ, ᱯᱟᱹᱨᱥᱤ, ᱥᱟᱶᱦᱮᱫ ᱨᱮᱭᱟᱜ ᱱᱟᱱᱟᱼᱦᱩᱱᱟᱹᱨ ᱠᱟᱛᱷᱟ ᱠᱚ ᱥᱟᱵ ᱨᱟᱠᱟᱵ ᱦᱩᱭᱩᱜᱼᱟ᱾ "ᱥᱟᱯᱲᱮᱛ ᱟᱲᱟᱝ" ᱛᱷᱚᱠ ᱨᱮ ᱥᱟᱥᱟᱯᱲᱟᱣᱤᱡ ᱫᱚ ᱢᱮᱱᱢᱮ ᱥᱩᱥᱟᱹᱨᱤᱭᱟᱹ ᱟᱜ ᱮ ᱠᱟᱹᱢᱤᱭᱟ᱾ ᱞᱮᱛᱟᱲ ᱜᱮ ᱱᱤᱛ ᱦᱚᱸ ᱱᱚᱣᱟ ᱯᱟᱛᱷᱟᱢ ᱯᱟᱨᱥᱟᱞᱚᱜ ᱠᱟᱱ ᱜᱮᱭᱟ, ᱟᱨ ᱯᱟᱹᱨᱥᱤ ᱥᱟᱶᱦᱮᱫ ᱦᱟᱨᱟ ᱵᱩᱨᱩ ᱨᱮ ᱡᱩᱜᱽ ᱥᱤᱨᱤᱡᱚᱞ ᱨᱮᱭᱟᱜ ᱡᱟᱦᱟᱸ ᱮᱱᱮᱢ ᱚᱱᱟ ᱫᱚ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮ ᱥᱚᱱᱟ ᱟᱠᱷᱚᱨ ᱛᱮ ᱚᱞ ᱛᱟᱦᱮᱸᱱᱟ᱾