ᱡᱷᱟᱹᱞᱟᱜ ᱥᱟᱹᱲᱤ
ᱡᱷᱟᱹᱞᱟᱜ ᱥᱟᱹᱲᱤ ᱥᱟᱱᱛᱟᱲᱤ ᱞᱩᱜᱽᱲᱤ ᱠᱚ ᱫᱚ ᱯᱮᱬᱮ ᱞᱩᱢ ᱨᱮ ᱛᱮᱧ ᱟᱠᱟᱱ ᱞᱩᱜᱽᱲᱤ ᱠᱚ ᱠᱟᱱᱟ ᱡᱟᱦᱟᱸ ᱠᱚᱣᱟᱜ ᱥᱟᱱᱛᱟᱲᱤ ᱥᱟᱶᱛᱟ ᱨᱮ ᱟᱭᱢᱟ ᱵᱟᱯᱞᱟ ᱵᱮᱦᱟ ᱪᱷᱩᱛ ᱪᱷᱟᱹᱴᱤᱭᱟᱹᱨ ᱠᱚᱨᱮ ᱱᱤᱦᱟᱹᱛᱤ ᱞᱟᱹᱠᱛᱤᱜᱼᱟ ᱾ ᱱᱚᱣᱟ ᱞᱩᱜᱽᱲᱤ ᱠᱚ ᱫᱚ ᱛᱚᱲᱮ ᱥᱩᱛᱟᱹᱢ ᱟᱨ ᱵᱟᱝ ᱞᱩᱢᱟᱹᱝ ᱥᱩᱛᱟᱹᱢ ᱛᱮᱜᱮ ᱵᱮᱱᱟᱣᱜᱼᱟ ᱾
ᱥᱟᱹᱲᱤ ᱥᱯᱮᱥᱤᱯᱷᱤᱠᱮᱥᱚᱱ
ᱥᱟᱯᱲᱟᱣ- ᱡᱤᱞᱤᱧ ᱟᱨ ᱚᱥᱟᱨ
- ᱥᱟᱹᱲᱤ ᱨᱮᱱᱟᱜ ᱵᱷᱤᱱᱟᱹ ᱵᱷᱤᱱᱟᱹ ᱯᱟᱨᱴ
- ᱥᱟᱹᱲᱤ ᱨᱚᱝ
- ᱥᱟᱹᱲᱤ ᱨᱮ ᱛᱮᱧ ᱨᱟᱠᱟᱵ ᱵᱟᱦᱟ
- ᱥᱟᱹᱲᱤ
ᱟᱹᱨᱤ ᱪᱟᱹᱞᱤ ᱨᱮ ᱵᱮᱵᱷᱟᱨ
ᱥᱟᱯᱲᱟᱣ- ᱪᱷᱟᱹᱴᱤᱭᱟᱹᱨ
- ᱵᱟᱯᱞᱟ
- ᱵᱷᱟᱸᱰᱟᱱ
ᱞᱩᱜᱽᱲᱤ ᱛᱮᱭᱟᱨ
ᱥᱟᱯᱲᱟᱣᱥᱟᱱᱛᱟᱲᱤ ᱞᱩᱜᱽᱲᱤ ᱠᱚ ᱫᱚ ᱯᱮᱬᱮ ᱞᱩᱢ ᱨᱮ ᱛᱮᱧ ᱟᱠᱟᱱ ᱞᱩᱜᱽᱲᱤ ᱠᱚ ᱠᱟᱱᱟ ᱡᱟᱷᱟᱸ ᱠᱚᱣᱟᱜ ᱥᱟᱱᱛᱟᱲᱤ ᱥᱟᱶᱛᱟ ᱨᱮ ᱟᱭᱢᱟ ᱵᱟᱯᱞᱟ ᱵᱮᱦᱟ ᱪᱷᱩᱛ ᱪᱷᱟᱹᱴᱤᱭᱟᱹᱨ ᱠᱚᱨᱮ ᱱᱤᱦᱟᱹᱛᱤ ᱞᱟᱹᱠᱛᱤᱜᱼᱟ ᱾ ᱱᱚᱣᱟ ᱞᱩᱜᱽᱲᱤ ᱠᱚ ᱫᱚ ᱛᱚᱲᱮ ᱥᱩᱛᱟᱹᱢ ᱟᱨ ᱵᱟᱝ ᱞᱩᱢᱟᱹᱝ ᱥᱩᱛᱟᱹᱢ ᱛᱮᱜᱮ ᱵᱮᱱᱟᱣᱜᱼᱟ ᱾
- ᱥᱩᱛᱟᱹᱢ ᱵᱮᱱᱟᱣ
ᱥᱟᱱᱛᱟᱲ ᱦᱚᱨᱚᱜ ᱞᱩᱜᱽᱲᱤ ᱠᱚ ᱫᱚ ᱥᱮᱫᱟᱭ ᱫᱚ ᱛᱚᱲᱮ ᱥᱩᱛᱟᱹᱢ ᱛᱮᱜᱮ ᱛᱮᱧᱚᱜ ᱠᱟᱱ ᱛᱟᱦᱮᱸᱫ ᱾ ᱜᱳᱰᱟ, ᱵᱟᱲᱜᱮ ᱟᱨ ᱵᱟᱹᱫᱽ ᱟᱲᱮ ᱠᱚᱨᱮ ᱱᱚᱣᱟ ᱥᱩᱛᱟᱹᱢ ᱫᱟᱨᱮ ᱨᱚᱦᱚᱭᱚᱜ ᱠᱟᱱ ᱛᱟᱦᱮᱸᱫ ᱾ ᱱᱚᱣᱟ ᱛᱩᱞᱟᱹᱢ ᱫᱟᱨᱮ ᱫᱚ ᱜᱮᱞ ᱢᱚᱠᱟ ᱫᱷᱟᱹᱵᱤᱡ ᱩᱥᱩᱞ ᱦᱟᱨᱟᱜᱼᱟ ᱾ ᱫᱟᱨᱮ ᱦᱟᱨᱟ ᱥᱟᱹᱛ ᱞᱮᱱ ᱠᱷᱟᱱ ᱩᱴᱤ ᱠᱮ ᱩᱴᱤ ᱯᱩᱸᱰ ᱥᱟᱥᱟᱝ ᱵᱟᱦᱟ ᱯᱷᱩᱴᱟᱹᱣᱜᱼᱟ ᱟᱨ ᱵᱟᱦᱟ ᱧᱩᱨ ᱞᱮᱱ ᱠᱷᱟᱱ ᱚᱱᱰᱮ ᱜᱮ ᱛᱩᱞᱟᱹᱢ ᱫᱚ ᱡᱚᱜᱼᱟ ᱾ ᱯᱚᱴᱚᱢ ᱮᱥᱮᱫ ᱛᱩᱞᱟᱹᱢ ᱡᱚ ᱨᱮ ᱦᱮᱸᱫᱮ ᱦᱮᱸᱫᱮ ᱡᱟᱝ ᱦᱚ ᱛᱟᱦᱮᱸᱱᱟ ᱾ ᱡᱚ ᱨᱚᱦᱚᱲ ᱞᱮᱱ ᱠᱷᱟᱱ ᱵᱟᱹᱭ ᱵᱟᱹᱭ ᱛᱮ ᱯᱚᱴᱚᱢ ᱫᱚ ᱨᱟᱲᱟᱜᱼᱟ ᱟᱨ ᱛᱩᱞᱟᱹᱢ ᱥᱩᱛᱟᱹᱢ ᱥᱤᱛᱩᱝ ᱧᱟᱢ ᱛᱮ ᱨᱚᱦᱚᱲ ᱤᱫᱤᱜᱼᱟ ᱾ ᱛᱩᱞᱟᱹᱢ ᱨᱚᱦᱚᱲ ᱥᱟᱹᱛ ᱞᱮᱱ ᱠᱷᱟᱱ ᱡᱚ ᱯᱚᱴᱚᱢ ᱜᱷᱳᱱ ᱵᱟᱦᱨᱮ ᱚᱰᱚᱠᱚᱜᱼᱟ ᱟᱨ ᱱᱚᱣᱟ ᱚᱠᱛᱚ ᱜᱮ ᱛᱩᱞᱟᱹᱢ ᱫᱚᱭ ᱦᱟᱞᱟᱝ ᱟᱨ ᱵᱟᱝ ᱜᱚᱫ ᱦᱩᱭᱩᱜᱼᱟ ᱾ ᱱᱚᱣᱟ ᱜᱚᱫ ᱛᱩᱞᱟᱹᱢ ᱨᱮ ᱫᱚ ᱡᱚ ᱨᱮᱱᱟᱜ ᱨᱚᱦᱚᱲ ᱥᱟᱠᱟᱢ ᱦᱚᱸ ᱛᱟᱦᱮᱸᱱ ᱜᱮᱭᱟ ᱟᱨ ᱡᱟᱝ ᱦᱚᱸ ᱛᱟᱦᱮᱸᱱ ᱜᱮᱭᱟ ᱾ ᱜᱚᱫ ᱦᱩᱭ ᱠᱟᱛᱮ ᱛᱩᱞᱟᱹᱢ ᱫᱚ ᱵᱷᱟᱹᱜᱤ ᱥᱟᱦᱤᱸᱡ ᱨᱚᱦᱚᱲᱚᱜ ᱞᱟᱹᱜᱤᱫ ᱛᱟᱥᱮ ᱦᱩᱭᱩᱜᱼᱟ, ᱡᱮᱢᱚᱱ ᱰᱩᱢᱵᱩᱜ ᱟᱠᱟᱱ ᱛᱩᱞᱟᱹᱢ ᱠᱚ ᱨᱚᱦᱚᱲ ᱛᱮ ᱯᱟᱥᱱᱟᱣ ᱤᱫᱤ ᱜᱚᱫᱚᱜ ᱢᱟ ᱾ ᱚᱱᱟ ᱛᱟᱭᱚᱢ ᱛᱩᱞᱟᱹᱢ ᱠᱷᱚᱱ ᱨᱚᱦᱚᱲ ᱥᱟᱠᱟᱢ ᱟᱨ ᱡᱟᱝ ᱠᱚ ᱥᱟᱞᱟ ᱚᱰᱚᱠ ᱦᱩᱭᱩᱜᱼᱟ ᱟᱨ ᱛᱤ ᱛᱮ ᱪᱷᱤᱸᱵᱽᱲᱟᱹᱣ ᱦᱩᱭᱩᱜᱼᱟ ᱾ ᱪᱷᱤᱸᱵᱽᱲᱟᱹᱣ ᱦᱩᱭ ᱠᱟᱛᱮ ᱛᱟᱥᱮ ᱨᱮᱜᱮ ᱦᱟᱯᱟ ᱛᱮ ᱫᱟᱞ ᱫᱟᱞ ᱠᱟᱛᱮ ᱛᱩᱞᱟᱹᱢ ᱫᱚ ᱫᱟᱞ ᱨᱟᱣᱟᱞ ᱦᱩᱭᱩᱜᱼᱟ ᱾ ᱚᱱᱟ ᱛᱟᱭᱚᱢ ᱢᱮᱬᱦᱮᱫ ᱱᱟᱹᱠᱤᱡ ᱟᱨ ᱵᱟᱝ ᱠᱟᱴᱷ ᱱᱟᱹᱠᱤᱡ ᱛᱮ ᱟᱨ ᱦᱚᱸ ᱵᱷᱟᱹᱜᱤ ᱛᱮ ᱪᱷᱤᱸᱵᱽᱲᱤ ᱞᱟᱹᱜᱤᱫ ᱱᱟᱹᱠᱤᱡ ᱦᱩᱭᱩᱜᱼᱟ ᱾ ᱞᱟᱦᱟ ᱨᱮ ᱠᱤᱴᱤᱡ ᱯᱷᱟᱸᱫᱽᱲᱟ ᱱᱟᱹᱠᱤᱡ ᱛᱮ ᱱᱟᱹᱠᱤᱡ ᱠᱟᱛᱮ ᱛᱟᱭᱟᱢ ᱫᱚ ᱥᱩᱨ ᱥᱩᱨ ᱰᱟᱴᱟ ᱛᱟᱦᱮᱸᱱ ᱱᱟᱹᱠᱤᱡ ᱛᱮ ᱪᱷᱤᱸᱵᱽᱲᱤ ᱦᱩᱭᱩᱜᱼᱟ ᱾ ᱢᱤᱢᱤᱫ ᱴᱟᱹᱝ ᱥᱩᱛᱟᱹᱢ ᱟᱯᱟᱱ ᱟᱹᱯᱤᱱ ᱞᱮᱱ ᱠᱷᱟᱱ ᱱᱟᱱᱦᱟ ᱠᱷᱚᱱ ᱱᱟᱱᱦᱟ ᱥᱩᱛᱟᱹᱢ ᱯᱮᱴᱮᱨ ᱜᱟᱱᱚᱜᱼᱟ ᱾ ᱱᱚᱣᱟ ᱥᱩᱛᱟᱹᱢ ᱠᱷᱚᱱ ᱜᱮ ᱛᱤ ᱛᱮ ᱛᱟᱹᱠᱞᱤ ᱵᱮᱵᱷᱟᱨ ᱠᱟᱛᱮ ᱱᱚᱣᱟ ᱛᱩᱞᱟᱹᱢ ᱠᱷᱚᱱ ᱥᱩᱛᱟᱹᱢ ᱵᱮᱱᱟᱣᱜᱼᱟ ᱾ ᱢᱤᱫ ᱛᱤ ᱨᱮ ᱪᱷᱤᱸᱵᱽᱲᱤ ᱛᱩᱞᱟᱹᱢ ᱥᱟᱵ ᱠᱟᱛᱮ ᱟᱨ ᱢᱤᱫ ᱛᱤ ᱨᱮ ᱴᱟᱠᱞᱤ ᱥᱟᱵ ᱠᱟᱛᱮ ᱵᱟᱹᱭ ᱵᱟᱹᱭ ᱛᱮ ᱟᱹᱪᱩᱨ ᱞᱮᱠᱷᱟᱱ ᱪᱷᱤᱸᱵᱽᱲᱤ ᱛᱩᱞᱟᱹᱢ ᱵᱟᱹᱭ ᱵᱟᱹᱭ ᱛᱮ ᱩᱧᱩᱜᱼᱟ ᱟᱨ ᱖ᱼ᱙ ᱜᱚᱴᱟᱜ ᱛᱩᱞᱟᱹᱢ ᱥᱟᱶ ᱛᱮ ᱩᱧ ᱢᱮᱥᱟᱜᱼᱟ ᱾ ᱱᱟᱱᱦᱟ ᱥᱩᱛᱟᱹᱢ ᱞᱟᱹᱠᱛᱤᱜ ᱠᱟᱱ ᱠᱷᱟᱱ ᱠᱟᱹᱡ ᱠᱟᱹᱡ ᱛᱩᱞᱟᱹᱢ ᱟᱲᱟᱜ ᱦᱩᱭᱩᱜᱼᱟ ᱟᱨ ᱢᱚᱴᱟ ᱥᱩᱛᱟᱹᱢ ᱞᱟᱹᱠᱛᱤᱜ ᱠᱟᱱ ᱠᱷᱟᱱ ᱱᱟᱥᱮ ᱰᱮᱦᱮᱨ ᱰᱮᱦᱮᱨ ᱛᱩᱞᱟᱹᱢ ᱞᱮᱸᱜᱟ ᱛᱤ ᱠᱷᱚᱱ ᱟᱲᱟᱜ ᱦᱩᱭᱩᱜᱼᱟ ᱾ ᱥᱩᱛᱟᱹᱢ ᱵᱮᱱᱟᱣ ᱤᱫᱤ ᱠᱟᱛᱮ ᱛᱟᱹᱠᱞᱤ ᱨᱮ ᱜᱩᱲᱤᱭᱟᱹᱣ ᱤᱫᱤ ᱦᱩᱭᱩᱜᱼᱟ ᱾ ᱚᱱᱟ ᱛᱟᱭᱟᱢ ᱛᱟᱠᱞᱤ ᱨᱮ ᱵᱮᱱᱟᱣ ᱟᱠᱟᱱ ᱥᱩᱛᱟᱹᱢ ᱮᱴᱟᱜ ᱨᱤᱞ ᱨᱮ ᱜᱩᱲᱤᱭᱟᱹᱣ ᱩᱪᱟᱹᱲ ᱦᱩᱭᱩᱜᱼᱟ ᱟᱨ ᱯᱟᱸᱠ ᱧᱚᱜ ᱦᱩᱭᱩᱜᱼᱟ ᱾ ᱚᱱᱟ ᱛᱟᱭᱚᱢ ᱞᱟᱹᱪᱷᱤ ᱵᱮᱱᱟᱣ ᱠᱟᱛᱮ ᱨᱚᱝ ᱞᱟᱹᱜᱤᱫ ᱵᱷᱮᱡᱟ ᱦᱩᱭᱩᱜᱼᱟ ᱾
- ᱥᱩᱛᱟᱹᱢ ᱨᱚᱝ
ᱞᱩᱜᱽᱲᱤ ᱛᱮᱧ ᱥᱩᱛᱟᱹᱢ ᱫᱚ ᱥᱮᱫᱟᱭ ᱫᱚ ᱪᱟᱹᱭᱞᱤ ᱨᱮᱦᱮᱫ ᱟᱨ ᱪᱷᱟᱞ ᱛᱮ ᱠᱚ ᱨᱚᱝ ᱛᱟᱦᱮᱸᱫ ᱱᱮᱛᱟᱨ ᱫᱚ ᱵᱟᱡᱟᱨ ᱨᱮ ᱧᱟᱢᱚᱜ ᱠᱟᱱ ᱨᱚᱝ ᱵᱮᱵᱷᱟᱨ ᱠᱟᱛᱮ ᱥᱩᱛᱟᱹᱢ ᱨᱚᱝ ᱦᱩᱭᱩᱜ ᱠᱟᱱᱟ ᱾
- ᱛᱮᱧ
ᱥᱟᱱᱛᱟᱲᱤ ᱞᱩᱜᱽᱲᱤ ᱠᱚ ᱫᱚ ᱯᱮᱬᱮ ᱞᱩᱢ ᱨᱮ ᱛᱮᱧ ᱟᱠᱟᱱ ᱞᱩᱜᱽᱲᱤ ᱠᱚ ᱠᱟᱱᱟ ᱡᱟᱦᱟᱸ ᱠᱚᱣᱟᱜ ᱥᱟᱱᱛᱟᱲᱤ ᱥᱟᱶᱛᱟ ᱨᱮ ᱟᱭᱢᱟ ᱵᱟᱯᱞᱟ ᱵᱮᱦᱟ ᱪᱷᱩᱛ ᱪᱷᱟᱹᱴᱤᱭᱟᱹᱨ ᱠᱚᱨᱮ ᱱᱤᱦᱟᱹᱛᱤ ᱞᱟᱹᱠᱛᱤᱜᱼᱟ ᱾ ᱱᱚᱣᱟ ᱞᱩᱜᱽᱲᱤ ᱠᱚ ᱫᱚ ᱛᱚᱲᱮ ᱥᱩᱛᱟᱹᱢ ᱟᱨ ᱵᱟᱝ ᱞᱩᱢᱟᱹᱝ ᱥᱩᱛᱟᱹᱢ ᱛᱮᱜᱮ ᱵᱮᱱᱟᱣᱜᱼᱟ ᱾
ᱠᱤᱨᱤᱧ ᱟᱠᱷᱨᱤᱧ
ᱥᱟᱯᱲᱟᱣ
