ᱡᱷᱮᱴᱷ ᱵᱚᱸᱜᱟᱨᱮ ᱨᱟᱡᱟ ᱥᱟᱠᱨᱟᱛ ᱨᱮᱱᱟᱜ ᱠᱟᱛᱷᱟ
ᱢᱮᱱᱟᱠᱚ, ᱥᱮᱫᱟᱭ ᱢᱟᱨᱟᱝ ᱵᱩᱨᱩ ᱫᱚ ᱢᱟᱱᱣᱟ ᱠᱚ ᱪᱟᱥ ᱵᱟᱥ ᱠᱟᱛᱮᱜ ᱟᱹᱥᱩᱞᱚᱜ ᱮ ᱪᱮᱫ ᱦᱚᱴᱚ ᱟᱠᱟᱫ ᱠᱚ ᱛᱟᱦᱮᱸᱜ ᱠᱟᱱᱟ᱾ ᱩᱱ ᱡᱚᱦᱚᱜ ᱢᱟᱨᱟᱝ ᱵᱩᱨᱩ ᱮ ᱟᱹᱨᱤ ᱚᱴᱚ ᱟᱠᱟᱫ ᱟᱭ ᱡᱮ, ᱟᱯᱮ ᱢᱟᱱᱣᱟ ᱠᱚ, ᱢᱤᱫ ᱫᱤᱱ ᱫᱚ ᱫᱷᱟᱹᱨᱛᱤ ᱟᱞᱚᱯᱮ ᱥᱤᱭᱟ ᱫᱷᱟᱹᱨᱛᱤ ᱨᱮ ᱠᱤᱲᱤ, ᱠᱟᱠᱣᱟ, ᱥᱟᱵᱲᱤ ᱮᱢᱟᱱ ᱛᱮᱭᱟᱜ ᱟᱞᱚᱯᱮ ᱟᱬᱜᱚᱭᱟ᱾ ᱚᱱᱟ ᱜᱮ ᱢᱟᱨᱟᱝ ᱵᱩᱨᱩ ᱣᱟᱜ ᱞᱮᱜ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ ᱱᱤᱛ ᱦᱚᱸ ᱨᱟᱡᱟ ᱥᱟᱠᱨᱟᱛ ᱦᱤᱞᱚᱜ ᱫᱚ ᱪᱟᱥ ᱵᱟᱥ ᱠᱟᱹᱢᱤ ᱫᱚ ᱵᱟᱝ ᱦᱩᱭᱩᱜᱼᱟ᱾ ᱠᱟᱛᱷᱟᱭ ᱢᱮᱱᱟᱠᱚ ᱤᱱᱟ ᱦᱤᱞᱚᱜ ᱫᱚ ᱫᱷᱟᱹᱨᱛᱤ ᱟᱭᱚ ᱣᱟᱜ ᱦᱚᱲᱢᱚ ᱫᱚ ᱸᱸᱯᱩᱣᱟᱛᱤᱸᱸ ᱟ᱾ ᱫᱷᱟᱹᱨᱛᱤ ᱟᱵᱚᱣᱟᱜ ᱯᱩᱣᱟᱛᱤ ᱦᱚᱲᱢᱚ ᱫᱤᱱ ᱫᱚ ᱢᱟᱨᱟᱝ ᱵᱩᱨᱩ ᱫᱚ ᱢᱟᱱᱣᱟ ᱠᱚ ᱱᱟᱦᱮᱞ ᱟᱬᱜᱚᱭ ᱠᱟᱱᱟ ᱟᱠᱟᱫ ᱵᱚᱱᱟ᱾ ᱚᱱᱟᱛᱮ ᱱᱟᱦᱮᱞ ᱫᱚ ᱚᱛ ᱦᱟᱥᱟ ᱨᱮ ᱵᱟᱝ ᱠᱚ ᱫᱚᱦᱚᱭᱟ, ᱡᱟᱦᱟᱱ ᱫᱷᱤᱨᱤ ᱪᱮᱛᱟᱱᱨᱮ ᱱᱟᱦᱮᱞ ᱫᱚᱠᱚ ᱫᱚᱦᱚ ᱠᱟᱜᱼᱟ᱾
ᱤᱱᱟ ᱦᱤᱞᱚᱜ ᱫᱚ ᱥᱟᱠᱨᱟᱛ ᱧᱩᱛᱩᱢ ᱛᱮ ᱫᱟᱠᱟ ᱩᱛᱩ, ᱡᱤᱞ ᱯᱤᱴᱷᱟᱭᱟ ᱠᱚ᱾ ᱡᱚᱢ ᱧᱩ ᱠᱟᱛᱮᱜ, ᱞᱟᱸᱜᱟ ᱦᱚᱲᱢᱚ ᱯᱷᱟᱸᱰᱜᱟᱨ ᱞᱟᱹᱜᱤᱫ ᱛᱮ ᱥᱤᱸᱜᱟᱲ ᱠᱷᱚᱱ ᱜᱮ ᱞᱟᱸᱜᱬᱮ ᱠᱚ ᱮᱱᱮᱡ ᱥᱮᱨᱮᱧᱟ᱾