ᱢᱚᱦᱚᱢᱚᱫᱽ ᱱᱟᱥᱤᱫᱽ
ᱢᱚᱦᱚᱢᱚᱫᱽ ᱱᱟᱥᱤᱫᱽ (ᱤᱝᱨᱟᱹᱡᱤᱺ Mohamed Nasheed, Gᱫᱷᱤᱶᱤᱦᱤ: މުހައްމަދު ނަޝީދު; ᱡᱟᱱᱟᱢᱺ ᱑᱗ ᱢᱮᱹᱭ ᱑᱙᱖᱗) ᱫᱚ ᱢᱟᱞᱫᱤᱯ ᱨᱮᱱ ᱢᱤᱫᱴᱮᱱ ᱜᱟᱹᱠᱷᱩᱲ ᱨᱟᱡᱟᱨᱤᱭᱟᱢ ᱠᱟᱱᱟᱭ, ᱢᱮᱹᱭ ᱒᱐᱑᱙ ᱥᱮᱨᱢᱟ ᱯᱤᱯᱚᱞᱥ ᱢᱟᱞᱡᱤ ᱨᱮᱱ ᱜᱟᱞᱚᱪᱤᱭᱟᱹ ᱠᱟᱱᱟᱭ ᱟᱨ ᱱᱤᱭᱟᱹ ᱢᱟᱲᱟᱝ ᱒᱐᱐᱘ ᱥᱮᱨᱢᱟ ᱠᱦᱚᱱ ᱒᱐᱑᱒ ᱥᱮᱨᱢᱟ ᱢᱟᱞᱫᱤᱯ ᱫᱤᱥᱚᱢ ᱨᱮᱱ ᱫᱤᱥᱚᱢ ᱜᱚᱢᱠᱮᱭᱮ ᱛᱟᱦᱮᱸᱠᱟᱱᱟ| ᱩᱱᱤ ᱫᱚ ᱦᱚᱲ ᱨᱟᱡᱽ ᱞᱮᱠᱟ ᱛᱮ ᱵᱟᱪᱷᱟᱣ ᱢᱟᱞᱫᱤᱣᱤᱭᱟᱱ ᱰᱤᱢᱚᱠᱨᱟᱴᱤᱠ ᱯᱟᱨᱴᱤ ᱨᱮᱱ ᱯᱟᱹᱦᱤᱞ ᱫᱤᱥᱚᱢ ᱜᱚᱢᱠᱮᱭᱮ ᱦᱩᱭ ᱞᱮᱱᱟ| ᱒᱐᱐᱘ ᱥᱮᱨᱢᱟ ᱫᱤᱥᱚᱢ ᱜᱚᱢᱠᱮ ᱵᱟᱪᱷᱱᱟᱣ ᱨᱮ ᱩᱱᱤ ᱫᱚ ᱢᱚᱦᱟᱰᱚᱴᱵᱚᱱᱫᱷᱚᱱ ᱨᱮᱱ ᱠᱮᱱᱰᱤᱰᱮᱴᱮ ᱛᱟᱦᱮᱸᱠᱟᱱᱟ ᱟᱨ ᱫᱤᱥᱚᱢ ᱜᱚᱢᱠᱮ ᱢᱟᱣᱟᱢᱩᱱ ᱟᱵᱫᱩᱞ ᱜᱟᱭᱩᱢᱮ ᱦᱟᱨᱟᱣ ᱞᱮᱫᱮᱭᱟ, ᱚᱠᱚᱭ ᱫᱚ ᱞᱮᱛᱟᱲ ᱓᱐ ᱥᱮᱨᱢᱟ ᱦᱟᱹᱵᱤᱡ ᱢᱟᱞᱫᱤᱯᱮ ᱥᱟᱥᱚᱱ ᱞᱮᱫ| ᱱᱟᱥᱤᱫᱽ ᱫᱚ ᱑᱑ ᱱᱚᱵᱷᱮᱢᱵᱚᱨ ᱒᱐᱐᱘ ᱠᱷᱚᱱ ᱫᱟᱹᱭᱤᱠ ᱵᱷᱟᱨᱮ ᱜᱚᱜ ᱞᱮᱫᱟ|
ᱮᱛᱚᱦᱚᱵ ᱡᱤᱭᱚᱱ ᱥᱟᱯᱲᱟᱣ
ᱱᱟᱥᱤᱫᱽ ᱫᱚ ᱑᱗ ᱢᱮᱹᱭ ᱑᱙᱖᱗ ᱢᱟᱹᱦᱤᱛ ᱨᱮ ᱢᱟᱞᱫᱤᱯ ᱨᱮᱭᱟᱜ ᱢᱟᱞᱮ ᱧᱩᱛᱩᱢᱟᱱ ᱡᱟᱭᱜᱟ ᱨᱮ ᱢᱤᱫᱴᱮᱱ ᱛᱟᱞᱱᱟ ᱵᱤᱨᱤᱛ ᱜᱷᱟᱨᱚᱧᱡᱽ ᱨᱮᱭᱮ ᱡᱟᱱᱟᱢ ᱞᱮᱱᱟ| ᱩᱱᱤ ᱫᱚ ᱢᱟᱞᱫᱤᱯ ᱨᱮᱭᱟᱜ ᱢᱟᱡᱤᱫᱤᱭᱭᱟ ᱥᱠᱩᱞ ᱨᱮ ᱑᱙᱗᱑ ᱥᱮᱨᱢᱟ ᱠᱷᱚᱱ ᱑᱙᱘᱑ ᱥᱮᱨᱢᱟ ᱦᱟᱹᱵᱤᱡ-ᱮ ᱯᱟᱲᱦᱟᱣ ᱞᱮᱫᱟ| ᱩᱱᱤ ᱫᱚ ᱟᱡᱟᱜ ᱯᱟᱲᱦᱟᱣ ᱛᱩᱝᱜᱤ ᱤᱫᱤ ᱞᱟᱹᱜᱤᱫ ᱫᱚᱨᱭᱟ ᱯᱟᱨᱚᱢ ᱥᱨᱤ ᱞᱚᱝᱠᱟ ᱫᱤᱥᱚᱢ ᱨᱮᱭᱟᱜ ᱠᱚᱞᱚᱢᱵᱚ ᱨᱮ ᱑᱙᱘᱑ ᱠᱦᱚᱱ ᱑᱙᱘᱒ ᱦᱟᱵᱤᱡ ᱜᱤᱹᱥᱤᱹᱤᱹ ᱠᱚᱢᱯᱞᱤᱴ ᱞᱮᱫᱟ| ᱑᱙᱘᱒ ᱥᱮᱨᱢᱟ ᱨᱮ ᱫᱚ ᱤᱝᱜᱽᱞᱮᱱᱰ ᱛᱮᱭᱮ ᱥᱮᱱ ᱞᱮᱱᱟ, ᱚᱱᱰᱮ ᱩᱱᱤ ᱫᱚ ᱣᱤᱞᱥᱤᱭᱟᱨ ᱨᱮᱭᱟᱜ ᱰᱟᱣᱩᱱᱥᱤ ᱥᱠᱩᱞ ᱠᱷᱚᱱ ᱦᱟᱭᱟᱨ ᱥᱮᱠᱮᱱᱰᱟᱨᱤ ᱫᱚᱭ ᱯᱟᱲᱦᱟᱣ ᱥᱟᱹᱛ ᱞᱮᱫᱟ| ᱩᱱᱤ ᱫᱚ ᱑᱙᱘᱙ ᱥᱮᱨᱢᱟ ᱡᱚᱱ ᱢᱩᱨᱥᱮ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱠᱷᱚᱱ ᱜᱽᱨᱮᱡᱩᱣᱮᱴᱮ ᱯᱩᱨᱟᱹᱣ ᱞᱮᱫᱟ|
ᱮᱥᱠᱟᱨ ᱡᱤᱭᱚᱱ ᱥᱟᱯᱲᱟᱣ
᱑᱙᱙᱑ ᱥᱮᱨᱢᱟ ᱥᱚᱫᱚᱨ ᱞᱮᱱ ᱢᱤᱫᱴᱮᱱ ᱨᱟᱡᱟᱨᱤ ᱯᱟᱛᱷᱟᱢ ᱥᱟᱝᱜᱩ' ᱨᱮ ᱚᱞ ᱵᱟᱵᱚᱛ ᱛᱮ ᱱᱟᱥᱤᱫᱽ ᱡᱮᱦᱮᱞ ᱨᱮᱠᱚ ᱵᱦᱚᱨᱟᱣ ᱞᱮᱫᱮᱭᱟ, ᱚᱱᱟ ᱞᱟᱹᱞᱤᱥ ᱛᱟᱦᱮᱸᱠᱟᱱᱟ ᱵᱟᱝᱢᱟ ᱥᱚᱨᱠᱟᱨ ᱫᱚ ᱑᱙᱘᱙ ᱥᱮᱨᱢᱟ ᱨᱮᱭᱟᱜ ᱵᱟᱪᱷᱱᱟᱣ ᱨᱮ ᱮᱲᱮ ᱞᱮᱫᱟᱭ| ᱑᱙᱙᱑ ᱥᱮᱨᱢᱟ ᱩᱱᱤ ᱫᱚ ᱡᱮᱜᱮᱫ ᱡᱟᱠᱟᱛ ᱮᱢᱤᱱᱤᱥᱴᱤ ᱠᱮᱭᱫᱤ ᱠᱚ ᱧᱩᱛᱩᱢ ᱞᱮᱫᱮᱭᱟ| ᱩᱱᱤᱭᱮ ᱞᱟᱹᱭ ᱞᱮᱫᱟ ᱵᱟᱝᱢᱟ, ᱡᱮᱦᱮᱞ ᱨᱮ ᱟᱹᱰᱤ ᱟᱸᱴ ᱠᱚ ᱥᱟᱥᱮᱛ ᱞᱮᱫᱮᱭᱟ, ᱩᱱᱨᱮ ᱩᱱᱤ ᱫᱚ ᱑᱒ ᱢᱟᱦᱟ ᱦᱟᱹᱵᱤᱡ ᱢᱟᱹᱪᱤ ᱨᱮ ᱛᱚᱞ ᱠᱟᱛᱮ ᱠᱚ ᱫᱚᱦᱚ ᱞᱮᱫᱮᱭᱟ ᱟᱨ ᱠᱚᱪᱲᱚᱫ ᱜᱤᱞᱟᱹᱥ ᱨᱮ ᱡᱚᱢᱟᱜ ᱠᱚ ᱮᱢᱟᱭ ᱠᱟᱱ ᱛᱟᱦᱮᱸᱠᱟᱱᱟ|
ᱫᱤᱥᱚᱢ ᱜᱚᱢᱠᱮ ᱥᱟᱯᱲᱟᱣ
᱑᱙᱗᱘ ᱥᱮᱨᱢᱟ ᱨᱮ ᱢᱟᱢᱩᱱ ᱟᱵᱽᱫᱩᱞ ᱜᱟᱭᱭᱩᱢ ᱫᱚ ᱢᱟᱞᱫᱤᱯ ᱨᱮᱱ ᱫᱤᱥᱚᱢ ᱜᱚᱢᱠᱮ ᱞᱮᱠᱟ ᱛᱮ ᱫᱟᱭᱤᱠ ᱵᱷᱟᱨᱮ ᱪᱟᱞᱟᱫᱮ ᱛᱟᱦᱮᱸᱠᱟᱱᱟ ᱟᱨ ᱥᱮᱞᱮᱧ ᱓᱐ ᱥᱮᱨᱢᱟ ᱫᱤᱥᱚᱢᱮ ᱥᱟᱥᱚᱱ ᱠᱮᱫᱟ| ᱒᱐᱐᱘ ᱥᱮᱨᱢᱟ ᱨᱮ ᱢᱟᱞᱫᱤᱯ ᱨᱮᱭᱟᱜ ᱯᱟᱹᱦᱤᱞ ᱟᱭᱢᱟ ᱫᱚᱞᱟᱱ ᱵᱟᱪᱷᱸᱟᱣ ᱦᱩᱭ ᱞᱮᱱᱟ ᱟᱨ ᱚᱱᱟ ᱵᱟᱪᱷᱱᱟᱣ ᱨᱮ ᱢᱟᱢᱩᱱ ᱟᱵᱽᱰᱩᱞ ᱜᱟᱭᱭᱩᱢ ᱦᱟᱨᱟᱣ ᱠᱟᱛᱮ ᱮᱢᱹᱰᱤᱹᱯᱤᱹ ᱢᱚᱦᱚᱢᱚᱫᱽ ᱱᱟᱥᱤᱫᱽ ᱫᱚ ᱫᱤᱥᱚᱢᱜᱚᱢᱠᱮ ᱞᱮᱠᱟ ᱛᱮᱭᱮ ᱵᱟᱪᱷᱱᱟᱣ ᱚᱪᱚ ᱞᱮᱱᱟ| ᱩᱱᱤ ᱛᱟᱭᱚᱢ ᱠᱷᱚᱱ ᱜᱮ ᱢᱟᱞᱫᱤᱯ ᱨᱮ ᱱᱟᱣᱟ ᱠᱟᱭᱛᱮ ᱦᱚᱲᱨᱟᱡᱽ ᱮᱦᱚᱵ ᱞᱮᱱᱟ| ᱢᱮᱱᱠᱷᱟᱱ ᱯᱮ ᱥᱮᱨᱢᱟ ᱛᱟᱭᱚᱢ ᱵᱤᱪᱟᱹᱨ ᱰᱤᱯᱟᱹᱴ ᱟᱨ ᱯᱷᱟᱹᱫᱽ ᱠᱚ ᱥᱟᱶ ᱵᱷᱤᱱ ᱢᱚᱛ ᱵᱟᱵᱚᱛ ᱛᱮ ᱦᱩᱫᱟᱹ ᱟᱲᱟᱜ ᱜᱤᱰᱤ ᱦᱩᱭᱮᱱ ᱛᱟᱭᱟ|