ᱢᱚᱦᱟᱫᱮᱵᱽᱯᱩᱨ ᱩᱯᱚᱡᱮᱞᱟ

ᱢᱚᱦᱟᱫᱮᱵᱽᱯᱩᱨ ᱫᱚ ᱵᱟᱝᱞᱟᱫᱮᱥ ᱨᱮ ᱢᱮᱱᱟᱜ ᱱᱚᱶᱜᱟ ᱦᱚᱱᱚᱛ ᱨᱮᱱᱟᱜ ᱢᱤᱫᱴᱟᱝ ᱯᱚᱨᱥᱟᱥᱚᱱᱤᱠ ᱮᱞᱟᱠᱟ ᱠᱟᱱᱟ᱾

ᱢᱚᱦᱟᱫᱮᱵᱽᱯᱩᱨ Mohadevpur(মহাদেবপুর)
ᱩᱯᱚᱡᱮᱞᱟ
ᱢᱚᱦᱟᱫᱮᱵᱽᱯᱩᱨ Location in Bangladesh
Coordinates: 24°55.1′N 88°44.9′E
ᱫᱤᱥᱟᱹᱢ	ᱵᱟᱝᱞᱟᱫᱮᱥ
ᱠᱷᱚᱸᱰ	ᱨᱟᱡᱽᱥᱟᱦᱤ
ᱦᱚᱱᱚᱛ	ᱱᱚᱶᱜᱟ
ᱮᱨᱤᱭᱟ
• ᱞᱮᱠᱷᱟᱜᱩᱴ	397.67 ᱠᱤᱢᱤ২ (153.54 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(2011 census)
• ᱞᱮᱠᱷᱟᱜᱩᱴ	᱒,᱙᱒,᱕᱘᱙
• ᱰᱮᱱᱥᱤᱴᱤ	740/ᱠᱤᱢᱤ2 (1900/ᱜᱟᱺᱴ ᱢᱟᱹᱭᱤᱞ)
BST (ᱭᱩᱴᱤᱥᱤ+6)
ᱯᱤᱱ ᱠᱳᱰ	6530
ᱣᱮᱵᱽᱥᱟᱭᱤᱴ	Mohadevpur Website

ᱱᱟᱜᱟᱢ

ᱢᱚᱦᱟᱫᱮᱵᱽᱯᱩᱨ ᱩᱯᱚᱡᱮᱞᱟ ᱫᱚ ᱓᱙᱗.᱖᱗ ᱵᱚᱨᱜᱚ ᱠᱤᱞᱚᱢᱤᱴᱟᱹᱨ ᱥᱩᱢᱩᱝ ᱠᱟᱱᱟ᱾ ᱱᱤᱭᱟᱹ ᱨᱮᱱᱟᱜ ᱩᱛᱟᱹᱨ ᱫᱚ ᱯᱚᱛᱱᱤᱛᱚᱞᱟ ᱩᱯᱚᱡᱮᱞᱟ, ᱫᱟᱹᱠᱷᱤᱱ ᱫᱚ ᱢᱟᱱᱫᱟ ᱩᱯᱚᱡᱮᱞᱟ ᱟᱨ ᱱᱚᱶᱜᱟ ᱥᱚᱫᱚᱨ ᱩᱯᱚᱡᱮᱞᱟ, ᱯᱩᱨᱩᱵᱽ ᱫᱚ ᱵᱚᱫᱚᱞᱜᱟᱪᱷᱤ ᱩᱯᱚᱡᱮᱞᱟ, ᱯᱩᱪᱷᱤᱢ ᱫᱚ ᱱᱤᱭᱟᱢᱚᱛᱯᱩᱨ ᱩᱯᱚᱡᱮᱞᱟ ᱟᱨ ᱯᱚᱨᱥᱟ ᱩᱯᱚᱡᱮᱞᱟ ᱢᱮᱱᱟᱜ-ᱟ᱾

ᱥᱮᱫᱟᱭ ᱠᱟᱛᱷᱟ

ᱱᱚᱨᱮᱱᱫᱨᱚ ᱚᱱᱪᱚᱞ ᱨᱮᱱᱟᱜ ᱱᱚᱶᱜᱟ ᱦᱚᱱᱚᱛ ᱢᱚᱦᱟᱫᱮᱵᱽᱯᱩᱨ ᱩᱯᱚᱡᱮᱞᱟ ᱟᱹᱰᱤ ᱥᱮᱫᱟᱭ ᱨᱮᱱᱟᱜ ᱦᱚᱲ ᱛᱟᱦᱮᱱ ᱡᱟᱜᱟ ᱠᱟᱱᱟ᱾ ᱚᱱᱟ ᱚᱠᱛᱚ ᱨᱮ ᱯᱮ-ᱯᱩᱱ ᱥᱟᱭ ᱟᱱᱟᱜ ᱥᱮᱨᱢᱟ ᱨᱮᱱᱟᱜ ᱱᱤᱭᱟᱹ ᱥᱮᱫᱟᱭ ᱦᱚᱲ ᱛᱟᱦᱮᱱ ᱡᱟᱜᱟ ᱨᱮ ᱛᱟᱦᱮᱱ ᱠᱟᱱᱟ ᱯᱩᱱᱰᱨᱚ ᱱᱚᱜᱚᱨ ᱧᱩᱛᱩᱢᱟᱱ ᱢᱤᱫᱽ ᱱᱚᱜᱚᱛ ᱥᱚᱵᱽᱵᱷᱚᱛᱟ ᱠᱮᱱᱫᱨᱚ᱾ ᱱᱤᱭᱟᱹ ᱱᱚᱜᱚᱨ ᱥᱚᱵᱽᱵᱷᱚᱛᱟ ᱨᱮᱱᱟᱜ ᱦᱟᱦᱟᱲᱟ ᱧᱮᱞᱚᱜ ᱡᱤᱱᱤᱥ ᱠᱚᱜᱮᱭ ᱯᱨᱚᱢᱟᱱ ᱫᱚ ᱱᱤᱭᱟᱹ ᱛᱟᱦᱮᱱ ᱠᱟᱱᱟ ᱟᱹᱰᱤ ᱠᱨᱤᱥᱤ ᱟᱵᱟᱫᱽ ᱡᱟᱜᱟ᱾ ᱱᱚᱸᱰᱮ ᱫᱚ ᱟᱹᱰᱤ ᱟᱭᱢᱟ ᱠᱨᱤᱥᱤ ᱥᱚᱢᱟᱡᱽ ᱛᱟᱦᱮ ᱠᱟᱱᱟ᱾ ᱵᱟᱹᱭ ᱵᱟᱹᱭ ᱛᱮ ᱦᱚᱲᱠᱚ ᱥᱟᱸᱜᱮ ᱭᱮᱱ ᱨᱮ, ᱠᱚᱢᱟᱣ ᱟᱫᱽ ᱱᱟ ᱚᱱᱟ ᱠᱨᱤᱥᱤ ᱥᱚᱢᱟᱡᱽ᱾ ᱟᱭᱢᱟ ᱞᱮᱠᱟᱱ ᱡᱟᱹᱛᱤ ᱨᱮᱱ ᱦᱚᱲᱠᱚ ᱛᱟᱦᱮ ᱥᱟᱸᱜᱮ ᱠᱟᱱᱟ ᱟᱨ ᱚᱸᱰᱮᱱᱟᱜ ᱥᱚᱢᱟᱡᱽ ᱵᱮᱵᱚᱥᱛᱟᱦᱚᱸ ᱵᱚᱫᱚᱞ ᱪᱟᱞᱟᱜ ᱠᱟᱱᱟ᱾

ᱯᱚᱨᱥᱟᱥᱚᱱᱤᱠ ᱮᱞᱟᱠᱟᱠᱚ

Map of Naogaon District

ᱢᱚᱦᱟᱫᱮᱵᱽᱯᱩᱨ ᱥᱚᱫᱚᱨ ᱥᱚᱦᱚᱨ ᱫᱚ ᱔ ᱜᱚᱴᱟᱝ ᱢᱳᱣᱡᱟ ᱛᱮ ᱦᱩᱭᱟᱠᱟᱱᱟ᱾ ᱟᱨ ᱱᱤᱭᱟᱹ ᱨᱮᱱᱟᱜ ᱥᱩᱢᱩᱝ ᱫᱚ ᱗.᱑᱕ ᱠᱤᱥᱳᱨᱜᱚᱸᱡᱽ᱾ ᱯᱚᱨᱥᱟᱥᱚᱱ ᱛᱷᱟᱱᱟ ᱑᱘᱙᱘ ᱥᱮᱨᱢᱟ ᱨᱮ ᱦᱩᱭ ᱞᱮᱱᱟ᱾ ᱱᱤᱛᱚᱱᱟᱝ ᱚᱠᱛᱚᱨᱮ ᱱᱤᱭᱟᱹ ᱫᱚ ᱢᱤᱫᱴᱟᱝ ᱩᱯᱚᱡᱮᱞᱟ ᱠᱟᱱᱟ᱾ ᱱᱤᱭᱟᱹ ᱫᱚ ᱑᱐ ᱜᱚᱴᱟᱝ ᱤᱭᱩᱱᱤᱭᱚᱱ, ᱓᱐᱗ ᱜᱚᱴᱟᱝ ᱢᱳᱣᱡᱟ ᱟᱨ ᱓᱐᱐ ᱜᱚᱴᱟᱝ ᱟᱛᱚ ᱠᱚᱛᱮ ᱦᱩᱭᱟᱠᱟᱱᱟ᱾

ᱱᱤᱭᱟᱹ ᱩᱯᱚᱡᱮᱞᱟ ᱨᱮᱱᱟᱜ ᱤᱭᱩᱱᱤᱭᱚᱱᱠᱚ ᱫᱚ ᱦᱩᱭᱩᱜ ᱠᱟᱱᱟ ᱺ

1. ᱢᱚᱦᱟᱫᱮᱵᱽᱯᱩᱨ ᱥᱚᱫᱚᱨ ᱤᱭᱩᱱᱤᱭᱚᱱ
2. ᱦᱟᱛᱩᱲ ᱤᱭᱩᱱᱤᱭᱚᱱ
3. ᱠᱷᱟᱡᱩᱨ ᱤᱭᱩᱱᱤᱭᱚᱱ
4. ᱫᱟᱸᱫᱟᱥ ᱤᱭᱩᱱᱤᱭᱚᱱ
5. ᱨᱟᱭᱜᱟᱸ ᱤᱭᱩᱱᱤᱭᱚᱱ
6. ᱮᱱᱟᱭᱮᱛᱯᱩᱨ ᱤᱭᱩᱱᱤᱭᱚᱱ
7. ᱥᱚᱯᱷᱟᱯᱩᱨ ᱤᱭᱩᱱᱤᱭᱚᱱ
8. ᱩᱛᱛᱚᱨᱜᱨᱟᱢ ᱤᱭᱩᱱᱤᱭᱚᱱ
9. ᱪᱮᱨᱟᱜᱽᱯᱩᱨ ᱤᱭᱩᱱᱤᱭᱚᱱ
10. ᱵᱷᱤᱢᱯᱩᱨ ᱤᱭᱩᱱᱤᱭᱚᱱ

ᱦᱚᱲᱠᱚ

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱞᱮᱠᱷᱟ ᱧᱟᱢ ᱟᱠᱟᱱ ᱱᱤᱭᱟᱹ ᱩᱯᱚᱡᱮᱞᱟ ᱨᱮ ᱒,᱙᱒,᱘᱕᱙ ᱜᱚᱴᱟᱝ ᱦᱚᱲ ᱢᱮᱱᱟᱜ ᱠᱚᱣᱟ᱾ ᱚᱱᱟ ᱛᱟᱞᱟᱨᱮ ᱠᱚᱲᱟ-᱕᱒.᱘᱓%(᱑,᱔᱖,᱙᱕᱕ ᱜᱚᱴᱟᱝ), ᱠᱩᱲᱤ-᱔᱗.᱑᱗%(᱑,᱔᱕,᱙᱐᱔) ᱜᱚᱱᱟᱝ᱾

ᱚᱱᱚᱞ-ᱪᱤᱪᱤᱫᱤᱭᱟᱹ

ᱚᱱᱚᱞᱤᱭᱟᱹ ᱠᱚ ᱔᱙.᱘%᱾ ᱢᱚᱦᱟᱵᱤᱫᱫᱟᱞᱚᱭ ᱑᱒ ᱜᱚᱴᱟᱝ, ᱢᱟᱫᱽᱫᱷᱚᱢᱤᱠ ᱵᱤᱫᱫᱟᱞᱚᱭ ᱔᱖ ᱜᱚᱴᱟᱝ, ᱱᱤᱢᱱᱚ ᱢᱟᱫᱽᱫᱷᱚᱢᱤᱠ ᱵᱤᱫᱫᱟᱞᱚᱭ ᱗ ᱜᱚᱴᱟᱝ, ᱢᱟᱫᱨᱟᱥᱟ ᱒᱘ ᱜᱚᱴᱟᱝ ᱢᱮᱱᱟᱜ-ᱟ᱾

ᱱᱤᱭᱟᱹ ᱩᱯᱚᱡᱮᱞᱟ ᱨᱮᱱᱟᱜ ᱧᱩᱛᱩᱢᱟᱱ ᱤᱥᱠᱩᱞ ᱫᱚ ᱯᱟᱭᱞᱚᱴ ᱩᱪᱪᱚ ᱵᱤᱫᱫᱟᱞᱚᱭ᱾

ᱫᱩᱨᱤᱵᱽᱠᱚ

ᱱᱤᱭᱟᱹ ᱩᱯᱚᱡᱮᱞᱟ ᱨᱮᱱ ᱡᱟᱹᱥᱛᱤ ᱜᱟᱲ ᱜᱮ ᱠᱨᱤᱥᱤ ᱠᱟᱹᱢᱤ ᱨᱮ ᱫᱩᱨᱤᱵᱽᱠᱚ ᱛᱩᱢᱟᱸᱞ-ᱟ᱾ ᱚᱱᱟ ᱵᱮᱜᱚᱨᱦᱚᱸ ᱱᱤᱭᱟᱹ ᱩᱯᱚᱡᱮᱞᱟ ᱨᱮ ᱕᱕ ᱜᱚᱴᱟᱝ ᱪᱟᱣᱞᱮ ᱢᱤᱞ, ᱑᱒ ᱜᱚᱴᱟᱝ ᱚᱴᱚ ᱪᱟᱣᱞᱮ ᱢᱤᱞ, ᱒᱕ ᱜᱚᱴᱟᱝ ᱤᱴᱟᱹ ᱵᱷᱟᱴᱟ, ᱕ ᱜᱚᱴᱟᱝ ᱥᱩᱱᱩᱢ ᱯᱟᱢ ᱢᱮᱱᱟᱜ-ᱟ᱾

ᱧᱮᱞᱡᱚᱝ ᱡᱟᱜᱟᱠᱚ

• ᱢᱚᱦᱟᱫᱮᱵᱽᱯᱩᱨ ᱡᱚᱢᱤᱫᱟᱨ ᱵᱟᱲᱤ
• ᱟᱞᱛᱟᱫᱤᱜᱷᱤ
• ᱵᱷᱤᱢᱥᱟᱜᱚᱨ
• ᱢᱚᱦᱟᱫᱮᱵᱽᱯᱩᱨ ᱠᱮᱱᱫᱨᱤᱭᱳ ᱥᱚᱦᱤᱫᱽ ᱢᱤᱱᱟᱨ
• ᱠᱮᱱᱫᱨᱤᱭᱳ ᱢᱚᱥᱡᱤᱫᱽ ᱢᱤᱱᱟᱨ
• ᱵᱟᱠᱵᱟᱝᱞᱳ
• ᱡᱤᱭᱟ ᱥᱩᱥᱩ ᱯᱟᱨᱠ

ᱧᱩᱛᱩᱢᱟᱱ ᱦᱚᱲ

ᱢᱰᱤᱺ ᱟᱠᱷᱛᱟᱨ ᱦᱟᱢᱤᱫᱽ ᱥᱤᱫᱫᱤᱠᱤ(ᱥᱚᱝᱥᱚᱫ ᱥᱚᱫᱚᱥᱥᱚ)

ᱟᱨᱦᱚᱸ ᱵᱟᱰᱟᱭ ᱠᱟᱛᱷᱟ

ᱥᱚᱨᱠᱟᱨᱤ ᱦᱟᱥᱯᱟᱴᱟᱞ ᱺ ᱑ ᱴᱟᱝ ᱠᱞᱤᱱᱤᱠᱺ ᱙ ᱜᱚᱴᱟᱝ ᱯᱚᱥᱴᱚ ᱚᱯᱷᱤᱥᱺ ᱑ ᱴᱟᱝ ᱱᱟᱸᱭ-ᱱᱟᱞᱟᱺ ᱑ᱴᱟᱝ (ᱟᱛᱨᱟᱭ ᱜᱟᱰᱟ) ᱦᱟᱹᱴᱤᱭᱟᱹ ᱵᱟᱦᱟᱨᱺ ᱒᱑ ᱜᱚᱴᱟᱝ ᱵᱮᱝᱺ ᱑᱒ ᱜᱚᱴᱟᱝ

ᱟᱨᱦᱚᱸ ᱧᱮᱞ

• ᱵᱟᱝᱞᱟᱫᱮᱥ ᱨᱮᱱᱟᱜ ᱩᱯᱚᱡᱮᱞᱟᱠᱚ
• ᱱᱚᱶᱜᱟ ᱦᱚᱱᱚᱛ
• ᱨᱟᱡᱽᱥᱟᱦᱤ ᱠᱷᱚᱸᱰ

ᱥᱟ.ᱠᱷᱭᱟ.ᱛ 

Chittaranjan Mandal (2012). "Mohadevpur Upazila". In Sirajul Islam and Ahmed A. Jamal (ed.). Banglapedia: National Encyclopedia of Bangladesh (Second ed.). Asiatic Society of Bangladesh.