ᱢᱟᱛᱚᱝᱜᱤᱱᱤ ᱦᱟᱡᱽᱨᱟ
ᱢᱟᱛᱚᱝᱜᱤᱱᱤ ᱦᱟᱡᱽᱨᱟ (᱑᱗ ᱱᱚᱵᱷᱮᱢᱵᱟᱨ ᱑᱘᱖᱙[᱑] - ᱒᱙ ᱥᱮᱯᱴᱮᱢᱵᱚᱨ ᱑᱙᱔᱒[᱒])) ᱫᱚ ᱥᱤᱧᱚᱛ ᱯᱷᱩᱨᱜᱟ.ᱞ ᱞᱟᱲᱟᱣᱟᱱᱟ ᱨᱮ ᱥᱮᱞᱮᱫ ᱞᱮᱱ ᱢᱤᱫ ᱧᱩᱛᱩᱢᱟᱱ ᱦᱩᱞᱜᱟ.ᱨᱤᱭᱟ. ᱱᱮᱛᱨᱤᱭ ᱛᱟᱦᱮᱸ ᱠᱟᱱᱟ᱾ ᱑᱙᱔᱒ ᱥᱟᱞᱮ ᱒᱙ ᱥᱮᱯᱴᱮᱢᱵᱚᱨ ᱩᱱ ᱡᱚᱠᱷᱟᱱ ᱛᱟᱦᱮᱸ ᱠᱟᱱ ᱢᱮᱫᱱᱤᱯᱩᱨ ᱦᱚᱱᱚᱛ ᱨᱮᱱᱟᱜ ᱛᱚᱢᱞᱩᱠ ᱛᱷᱟᱱᱟ ᱥᱟᱢᱟᱝ ᱨᱮ ᱵᱨᱤᱴᱤᱥ ᱥᱤᱧᱚᱛᱤᱭᱟ. ᱯᱩᱞᱤᱥ ᱟᱜ ᱜᱩᱞᱤ ᱛᱮ ᱠᱚ ᱜᱚᱡᱽ ᱞᱮᱫᱮᱭᱟ᱾ ᱩᱱᱤ ᱫᱚ "ᱜᱟᱱᱫᱷᱤ ᱵᱩᱲᱤ" ᱧᱩᱛᱩᱢ ᱛᱮ ᱦᱚᱸ ᱠᱚ ᱪᱤᱱᱦᱟ.ᱣ ᱮ ᱠᱟᱱ ᱛᱟᱦᱮᱸ ᱠᱟᱱᱟ᱾[᱓]
| Matangini Hazra | |
|---|---|
 | |
| ᱢᱩᱬ ᱧᱩᱛᱩᱢ | ᱢᱟᱛᱚᱝᱜᱤᱱᱤ ᱦᱟᱡᱽᱨᱟ |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱗ ᱱᱚᱵᱷᱮᱢᱵᱚᱨ ᱑᱘᱖᱙ ᱛᱚᱢᱞᱩᱠ, ᱵᱮᱝᱜᱚᱞ ᱥᱚᱵᱷᱟ ᱜᱚᱢᱠᱮ ᱦᱩᱫᱟᱹ, ᱵᱨᱤᱴᱤᱥ ᱥᱤᱧᱚᱛ |
| ᱜᱩᱨ | ᱒᱙ ᱥᱮᱯᱴᱮᱢᱵᱚᱨ ᱑᱙᱔᱒ (᱗᱒ ᱵᱚᱭᱚᱥ) ᱛᱚᱢᱞᱩᱠ, ᱵᱮᱝᱜᱚᱞ ᱥᱚᱵᱷᱟ ᱜᱚᱢᱠᱮ ᱦᱩᱫᱟᱹ, ᱵᱨᱤᱴᱤᱥ ᱥᱤᱧᱚᱛ |
| ᱧᱩᱢᱱᱟᱢ | ᱥᱤᱧᱚᱛ ᱯᱷᱩᱨᱜᱟᱹᱞ ᱞᱟᱲᱟᱣᱱᱟ ᱨᱮᱱ ᱠᱟᱹᱢᱤᱭᱟᱹ |
ᱢᱩᱲᱩᱛ ᱡᱤᱭᱚᱱ ᱟᱨ ᱯᱷᱩᱨᱜᱟ.ᱞ ᱞᱟᱲᱟᱣᱟᱱᱟ ᱨᱮ ᱥᱮᱞᱮᱫᱚᱜ ᱥᱟᱯᱲᱟᱣ
ᱢᱟᱛᱚᱝᱜᱤᱱᱤ ᱦᱟᱡᱽᱨᱟ ᱟᱜ ᱢᱩᱲᱩᱛ ᱡᱤᱭᱚᱱ ᱞᱟ.ᱭ ᱛᱮ ᱫᱚ ᱪᱮᱫ ᱦᱚᱸ ᱵᱟᱝ ᱵᱟᱰᱟᱭ ᱧᱟᱢ ᱟᱠᱟᱱᱟ᱾ ᱠᱷᱟᱱ.ᱞᱤ ᱱᱤᱭᱟ. ᱜᱮ ᱵᱟᱰᱟᱭ ᱟᱠᱟᱱᱟ ᱡᱮ ᱑᱘᱖᱙ ᱥᱟᱞᱮ ᱑᱗ ᱱᱚᱵᱷᱮᱢᱵᱚᱨ ᱨᱮ ᱛᱚᱢᱞᱩᱠ ᱨᱮᱱᱟᱜ ᱦᱳᱜᱞᱟ ᱧᱩᱛᱩᱢᱟᱱ ᱢᱤᱫ ᱦᱩᱰᱤᱧ ᱟᱛᱳ ᱨᱮ ᱨᱮᱸᱜᱮᱡᱽ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱨᱮᱸᱜᱮᱡᱽ ᱠᱷᱟ.ᱛᱤᱨ ᱛᱮ ᱦᱩᱰᱤᱧ ᱨᱮ ᱜᱮ ᱯᱟᱲᱟᱜ ᱠᱷᱚᱱ ᱫᱚᱭ ᱪᱷᱩᱰᱟ.ᱨ ᱞᱮᱱᱟ᱾ [᱔] ᱟ.ᱰᱤ ᱦᱩᱰᱤᱧ ᱩᱢᱮᱨ ᱨᱮ ᱜᱮ ᱵᱟᱯᱞᱟ ᱦᱳᱭ ᱞᱮᱱ ᱛᱟᱭᱟ᱾ ᱢᱟᱛᱨᱚ ᱑᱘ ᱥᱮᱨᱢᱟ ᱩᱢᱮᱨ ᱨᱮ ᱜᱮ ᱜᱤᱫᱽᱨᱟᱹ ᱵᱟᱝ ᱛᱮ ᱜᱮᱭ ᱨᱟᱺᱰᱤ ᱞᱮᱱᱟ᱾[᱓] ᱢᱮᱫᱱᱤᱯᱩᱨ ᱦᱚᱱᱚᱛ ᱨᱮᱱᱟᱜ ᱯᱷᱩᱨᱜᱟ.ᱞ ᱞᱟᱲᱟᱣᱱᱟ ᱨᱮ ᱢᱤᱫ ᱴᱟᱝ ᱜᱩᱱᱢᱟᱱ ᱛᱟᱦᱮᱸ ᱠᱟᱱᱟ ᱛᱤᱨᱞᱟ. ᱠᱚ ᱱᱚᱣᱟ ᱞᱟᱲᱟᱣᱱᱟ ᱨᱮ ᱥᱮᱞᱮᱫᱚᱜ᱾[᱕] ᱑᱙᱐᱕ ᱥᱟᱞᱮ ᱨᱮ ᱟᱭᱟᱜ ᱚᱱᱛᱚᱨ ᱠᱷᱚᱱ ᱯᱷᱩᱨᱜᱟ.ᱞ ᱞᱟᱲᱟᱣᱱᱟ ᱨᱮᱭ ᱢᱮᱥᱟ ᱞᱮᱱᱟ᱾[᱔] ᱑᱙᱓᱒ ᱥᱟᱞᱮ ᱨᱮ ᱟᱭᱤᱱ ᱚᱢᱟᱱᱭᱚ ᱟᱱᱫᱳᱞᱚᱱ ᱨᱮᱭ ᱢᱮᱥᱟ ᱞᱮᱱᱟ᱾ ᱩᱱ ᱚᱠᱛᱚ ᱨᱮ ᱞᱚᱜᱚᱱ ᱟᱭᱤᱱ ᱵᱟᱝ ᱢᱟᱱᱟᱣ ᱠᱷᱟᱹᱛᱤᱨ ᱯᱩᱞᱤᱥ ᱴᱷᱮᱱ ᱮ ᱥᱟᱵ ᱦᱚᱪᱚ ᱞᱮᱱᱟ᱾ ᱠᱤᱪᱷᱩ ᱢᱟᱦᱟ ᱛᱟᱭᱚᱢ ᱜᱮ ᱠᱚ ᱟᱲᱟᱜ ᱠᱟᱫᱮᱭᱟ᱾ ᱢᱮᱱᱠᱷᱟᱱ ᱮᱱᱛᱮ ᱨᱮ ᱦᱚᱸ ᱩᱱᱤ ᱫᱚ ᱠᱚᱨ ᱵᱚᱱᱫᱷᱚ ᱞᱟ.ᱜᱤᱫ ᱛᱮ ᱞᱟᱲᱟᱣᱱᱟᱭ ᱛᱚᱸᱜᱮ ᱤᱫᱤ ᱞᱮᱫᱟ᱾ ᱚᱱᱟ ᱛᱮ ᱟᱨ ᱦᱚᱸ ᱩᱱᱤ ᱫᱚ ᱡᱤᱦᱚᱞ ᱨᱮ ᱠᱚ ᱵᱚᱞᱚ ᱠᱮᱫᱮᱭᱟ᱾ ᱩᱱ ᱚᱠᱛᱚ ᱩᱱᱤ ᱫᱚ ᱖ ᱪᱟᱸᱫᱳ ᱵᱚᱦᱚᱨᱚᱢᱯᱩᱨ ᱡᱤᱦᱚᱞ ᱨᱮᱭ ᱛᱟᱦᱮᱸ ᱠᱟᱱᱟ᱾[᱓] ᱦᱤᱡᱞᱤ ᱡᱤᱦᱚᱞ ᱨᱮ ᱦᱚᱸ ᱠᱤᱪᱷᱩ ᱢᱟᱦᱟᱭ ᱛᱟᱦᱮᱸ ᱠᱟᱱᱟ᱾ ᱚᱸᱰᱮ ᱠᱷᱚᱱ ᱞᱟᱲᱟ ᱛᱟᱭᱚᱢ ᱜᱮ ᱥᱤᱧᱚᱛᱤᱭᱟ. ᱡᱟᱛᱤᱭᱚ ᱠᱚᱝᱜᱨᱮᱥ ᱨᱮᱱ ᱥᱚᱫᱚᱥ-ᱥ ᱞᱮᱠᱟᱛᱮ ᱴᱷᱟᱣ ᱮ ᱧᱟᱢ ᱠᱮᱫᱟ᱾ ᱟᱢᱟᱜ ᱛᱮ ᱜᱮ ᱪᱚᱨᱠᱟ ᱜᱮᱫ ᱠᱟᱛᱮᱫ ᱠᱷᱟᱫᱤ ᱨᱮᱱᱟᱜ ᱞᱩᱜᱽᱲᱤᱡ ᱵᱮᱱᱟᱣ ᱮ ᱮᱦᱚᱵ ᱠᱮᱫᱟ᱾ ᱑᱙᱓᱓ ᱥᱟᱞᱮ ᱨᱮ ᱥᱨᱤᱨᱟᱢᱯᱩᱱ ᱢᱚᱦᱚᱠᱩᱢᱟ ᱠᱚᱝᱜᱨᱮᱥ ᱚᱫᱷᱤᱵᱮᱥᱚᱱ ᱨᱮ ᱥᱮᱞᱮᱫ ᱞᱮᱱ ᱚᱠᱛᱚ ᱯᱩᱞᱤᱥ ᱟᱜ ᱫᱟᱞ ᱠᱷᱟ.ᱛᱤᱨ ᱮ ᱵᱟᱡᱟᱣ ᱞᱮᱱᱟ᱾[᱓]
ᱵᱷᱟᱨᱚᱛ ᱪᱷᱟᱲᱳ ᱞᱟᱲᱟᱣᱱᱟ ᱥᱟᱯᱲᱟᱣ
ᱵᱷᱟᱨᱚᱛ ᱪᱷᱟᱲᱳ ᱞᱟᱲᱟᱣᱱᱟ ᱚᱠᱛᱚ ᱠᱚᱝᱜᱨᱮᱥ ᱨᱮᱱ ᱥᱚᱫᱚᱥ-ᱥ ᱠᱚ ᱢᱮᱫᱱᱤᱯᱩᱨ ᱦᱚᱱᱚᱛ ᱨᱮᱱᱟᱜ ᱛᱷᱟᱱᱟ ᱟᱨ ᱥᱟᱱᱟᱢ ᱥᱚᱨᱠᱟᱨᱤ ᱠᱟ.ᱢᱤ ᱴᱷᱟᱣ ᱠᱚ ᱮᱥᱮᱫ ᱟ ᱢᱮᱱ ᱛᱮ ᱯᱚᱨᱤᱠᱚᱞᱯᱚᱱᱟ ᱠᱚ ᱦᱟᱛᱟᱣ ᱞᱮᱫᱟ᱾[᱓] ᱱᱚᱣᱟ ᱯᱚᱨᱤᱠᱚᱞᱯᱚᱱᱟ ᱨᱮᱱᱟᱜ ᱢᱩᱲᱩᱛ ᱡᱚᱥ ᱫᱚ ᱛᱟᱦᱮᱸ ᱠᱟᱱᱟ ᱚᱱᱟ ᱦᱚᱱᱚᱛ ᱠᱷᱚᱱ ᱵᱨᱤᱴᱤᱥ ᱠᱚ ᱞᱟᱜᱟᱣ ᱠᱟᱛᱮᱫ ᱢᱤᱫᱴᱟᱝ ᱯᱷᱩᱨᱜᱟ.ᱞ ᱨᱟᱥᱴᱨᱚ ᱵᱮᱱᱟᱣ᱾ ᱛᱤᱨᱞᱟ. ᱦᱚᱯᱚᱱ ᱠᱚ ᱢᱮᱥᱟ ᱛᱩᱨᱩᱭ ᱦᱟᱡᱟᱨ ᱜᱟᱱ ᱦᱚᱲ ᱛᱚᱢᱞᱩᱠ ᱛᱷᱟᱱᱟ ᱮᱥᱮᱫ ᱞᱟ.ᱜᱤᱫ ᱛᱮ ᱢᱤᱪᱷᱤᱞ ᱨᱮ ᱠᱚ ᱳᱰᱳᱠ ᱞᱮᱱᱟ᱾ ᱱᱚᱣᱟ ᱢᱤᱪᱷᱤᱞ ᱨᱮ ᱟᱭᱩᱨᱤᱡ ᱫᱚᱭ ᱛᱟᱦᱮᱸ ᱠᱟᱱᱟ ᱗᱒ ᱥᱮᱨᱢᱟ ᱩᱢᱮᱨ ᱨᱮᱱ ᱢᱟᱛᱚᱝᱜᱤᱱᱤ ᱦᱟᱡᱽᱨᱟ᱾ ᱩᱱ ᱚᱠᱛᱚ ᱚᱱᱟ ᱢᱤᱪᱷᱤᱞ ᱥᱚᱦᱚᱨ ᱵᱟᱡᱟᱨ ᱛᱮ ᱥᱮᱴᱮᱨ ᱮᱱ ᱠᱷᱟᱱ ᱥᱤᱧᱚᱛ ᱨᱮᱱᱟᱜ ᱫᱚᱱᱰᱚᱵᱤᱫᱷᱤ ᱞᱮᱠᱟ ᱛᱮ ᱑᱔᱔ ᱫᱷᱟᱨᱟ ᱡᱟ.ᱨᱤ ᱠᱟᱛᱮᱫ ᱚᱱᱟ ᱜᱟᱫᱮᱞ ᱨᱟ.ᱯᱩᱫ ᱢᱟᱠᱚ ᱢᱮᱱ ᱛᱮ ᱟ.ᱪᱩ ᱠᱮᱫ ᱠᱚᱣᱟ ᱠᱚ᱾ ᱢᱮᱱᱠᱷᱟᱱ ᱢᱟᱛᱚᱝᱜᱤᱱᱤ ᱦᱟᱡᱨᱟ ᱫᱚ ᱩᱱᱠᱩᱣᱟᱜ ᱚᱠᱟ ᱠᱟᱛᱷᱟ ᱜᱮ ᱵᱟᱝ ᱟᱸᱡᱚᱢ ᱠᱟᱛᱮᱫ ᱟᱨ ᱦᱚᱸ ᱡᱚᱠᱷᱚᱱ ᱮ ᱞᱟᱦᱟ ᱤᱫᱤᱭᱮᱱᱟ ᱩᱱ ᱫᱚ ᱩᱱᱤ ᱫᱚ ᱠᱚ ᱜᱩᱞᱤ ᱠᱮᱫᱮᱭᱟ᱾ ᱢᱮᱱᱠᱷᱟᱱ ᱩᱱᱤ ᱫᱚ ᱟᱨ ᱦᱚᱸᱭ ᱞᱟᱦᱟ ᱤᱫᱤᱭᱮᱱᱟ ᱟᱨ ᱯᱩᱞᱤᱥ ᱮ ᱢᱮᱛᱟᱫ ᱠᱚᱣᱟ ᱢᱮᱱᱠᱷᱟᱱ ᱩᱱᱠᱩ ᱜᱟᱫᱮᱞ ᱟᱠᱟᱱ ᱠᱚ ᱢᱟ.ᱱᱢᱤ ᱪᱮᱛᱟᱱ ᱨᱮ ᱫᱚ ᱡᱮᱢᱚᱱ ᱜᱩᱞᱤ ᱵᱟᱝ ᱪᱟᱞᱟᱣ ᱢᱟ᱾ ᱛᱟᱢᱨᱚᱞᱤᱯᱛᱚ ᱡᱟᱛᱤᱭᱚ ᱥᱚᱨᱠᱟᱨ ᱟᱜ ᱵᱤᱯᱞᱚᱵᱤ ᱯᱟᱛᱷᱟᱢ ᱨᱮᱱᱟᱜ ᱵᱚᱨᱱᱚᱱᱟ ᱞᱮᱠᱟ ᱛᱮ ᱵᱟᱰᱟᱭ ᱧᱟᱢᱚᱜ ᱟ, ᱯᱷᱳᱣᱡᱚᱫᱟᱨᱤ ᱟᱫᱟᱞᱚᱛ ᱵᱷᱚᱵᱚᱱ ᱨᱣᱱᱟᱜ ᱠᱚᱸᱭᱮ ᱥᱮᱫ ᱠᱷᱚᱱ ᱢᱟᱛᱚᱝᱜᱤ ᱫᱚ ᱢᱤᱫᱴᱟᱝ ᱢᱤᱪᱷᱤᱞ ᱨᱮᱱᱟᱜ ᱱᱮᱛᱨᱤᱛᱚᱭ ᱮᱢ ᱞᱮᱫᱟ᱾ ᱯᱩᱞᱤ ᱜᱩᱞᱤ ᱠᱚ ᱪᱟᱞᱟᱣ ᱠᱮᱫ ᱠᱷᱟᱱ ᱟᱡ ᱨᱮᱱ ᱜᱚᱲᱚᱭᱤᱡ ᱠᱚ ᱛᱟᱭᱚᱢ ᱨᱮ ᱫᱚᱦᱚ ᱦᱚᱴᱚ ᱠᱟᱛᱮᱫ ᱟᱡ ᱮᱠᱞᱟ ᱜᱮᱭ ᱞᱟᱦᱟ ᱤᱫᱤ ᱞᱮᱱᱟ᱾ ᱯᱩᱞᱤᱥ ᱩᱱᱤ ᱫᱚ ᱯᱮ ᱫᱷᱟᱣ ᱠᱚ ᱜᱩᱞᱤ ᱠᱮᱫᱮᱭᱟ᱾ ᱜᱩᱞᱤ ᱛᱮ ᱚᱟᱡᱟᱜ ᱢᱚᱞᱚᱝ ᱨᱮ ᱟᱨ ᱵᱟᱱᱟᱨ ᱛᱤ ᱨᱮᱭ ᱵᱟᱡᱟᱣ ᱮᱱᱟ᱾ ᱮᱱᱛᱮ ᱨᱮᱦᱚᱸ ᱩᱱᱤ ᱫᱚᱭ ᱞᱟᱦᱟ ᱤᱫᱤ ᱞᱮᱱᱟ᱾ ᱱᱚᱣᱟ ᱛᱟᱭᱚᱢ ᱟᱨ ᱦᱚᱸ ᱟᱭᱢᱟ ᱫᱷᱟᱣ ᱠᱚ ᱜᱩᱞᱤ ᱠᱮᱫᱮᱭᱟ᱾ ᱩᱱᱤ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱦᱟᱛᱤᱭᱚ ᱯᱚᱛᱟᱠᱟ ᱟᱡᱟᱜ ᱛᱤ ᱨᱮ ᱟ.ᱰᱤ ᱠᱮᱴᱮᱡ ᱛᱮ ᱥᱤᱫᱷᱟ. ᱠᱟᱛᱮᱫ ᱥᱟᱵ ᱩᱨᱤᱡ ᱠᱟᱛᱮᱫ ᱟ ᱦᱟᱱᱟᱯᱩᱨᱤᱭᱮᱱᱟ᱾
ᱩᱛᱚᱨᱟᱫᱷᱤᱠᱟᱨ ᱥᱟᱯᱲᱟᱣ
ᱛᱟᱢᱨᱚᱞᱤᱯᱛᱚ ᱡᱟᱛᱤᱭᱚ ᱥᱚᱨᱠᱟᱨ ᱥᱚᱫᱮᱥ ᱞᱟ.ᱜᱤᱫ ᱛᱮ ᱢᱟᱛᱚᱝᱜᱤᱱᱤ ᱦᱟᱡᱨᱟᱣᱟᱜ ᱱᱚᱝᱠᱟ ᱠᱟᱛᱮᱫ ᱦᱟᱱᱟᱯᱩᱨᱤ ᱛᱮ ᱢᱚᱸᱦᱰᱟ ᱨᱮᱱᱟᱜ ᱪᱤᱛᱟ.ᱨ ᱟᱠᱳᱣᱟᱜ ᱢᱮᱫ ᱥᱟᱢᱟᱝ ᱨᱮ ᱧᱮᱞ ᱠᱟᱛᱮᱫ ᱩᱱᱠᱩ ᱫᱚ ᱟᱨ ᱦᱚᱸ ᱱᱚᱣᱟ ᱞᱟ.ᱲᱦᱟ.ᱭ ᱨᱮ ᱞᱟᱦᱟ ᱦᱮᱡ ᱞᱮᱱᱟ ᱠᱚ᱾ ᱢᱮᱱ ᱜᱟᱱᱚᱜ ᱟ ᱱᱚᱣᱟ ᱛᱟᱭᱚᱢ ᱫᱚ ᱩᱱᱠᱩ ᱥᱚᱨᱠᱟᱨ ᱫᱚ ᱑᱙᱔᱔ ᱥᱟᱞ ᱦᱟ.ᱵᱤᱡ ᱜᱮ ᱵᱷᱟᱷᱮ ᱞᱮᱠᱟ ᱟᱠᱳᱣᱟᱜ ᱥᱟᱥᱚᱱ ᱠᱚ ᱪᱟᱞᱟᱣ ᱫᱚᱦᱚ ᱫᱟᱲᱮᱭᱟᱫ ᱛᱟᱦᱮᱸ ᱠᱟᱱᱟ᱾ ᱛᱟᱭᱚᱢ ᱛᱮ ᱜᱟᱱᱫᱷᱤᱡᱤᱭᱟᱜ ᱱᱮᱦᱚᱨ ᱛᱮ ᱩᱱᱠᱩ ᱥᱟᱨᱠᱟᱨ ᱫᱚ ᱟᱠᱚᱣᱟᱜ ᱥᱟᱥᱚᱱ ᱠᱚ ᱵᱟᱜᱤᱭᱟᱫ ᱛᱟᱦᱮᱸ ᱠᱟᱱᱟ᱾ ᱑᱙᱔᱗ ᱥᱟᱞᱮ ᱨᱮ ᱥᱤᱧᱚᱛ ᱫᱤᱥᱚᱢ ᱫᱚ ᱯᱷᱩᱨᱜᱟ.ᱞ ᱞᱮᱱᱟ᱾ ᱟᱭᱢᱟ ᱜᱟᱱ ᱥᱠᱩᱱ, ᱴᱚᱞᱟ ᱟᱨ ᱨᱟᱥᱛᱟ ᱠᱚ ᱢᱟᱛᱚᱝᱜᱤᱱᱤ ᱟᱜ ᱧᱩᱛᱩᱢ ᱛᱮ ᱦᱳᱭ ᱞᱮᱱᱟ᱾ ᱠᱳᱞᱠᱟᱛᱟ ᱱᱟᱜᱟᱨ ᱨᱮ ᱯᱳᱭᱞᱳ ᱛᱮ ᱡᱟᱦᱟ ᱛᱤᱨᱞᱟ. ᱦᱚᱯᱚᱱ ᱟᱜ ᱴᱩᱴᱷᱟᱱ ᱵᱟ.ᱭᱥᱟ.ᱣ ᱦᱳᱭ ᱞᱮᱱᱟ ᱚᱱᱟ ᱫᱚ ᱢᱟᱛᱚᱝᱜᱤᱱᱤ ᱦᱟᱡᱨᱟᱣᱟᱜ᱾ ᱑᱙᱗᱗ ᱥᱟᱞᱮ ᱨᱮ ᱠᱳᱞᱠᱟᱛᱟ ᱨᱮ ᱱᱚᱣᱟ ᱢᱩᱴᱷᱟᱹᱱ ᱫᱚ ᱵᱟ.ᱭᱥᱟ.ᱣ ᱦᱳᱭ ᱞᱮᱱᱟ᱾ ᱛᱚᱢᱞᱩᱠ ᱨᱮᱱᱟᱜ ᱡᱟᱦᱟ ᱴᱷᱟᱶ ᱨᱮ ᱩᱱᱤᱭ ᱦᱟᱱᱟᱯᱩᱨᱤ ᱞᱮᱱᱟ ᱟᱸᱰᱮ ᱦᱚᱸ ᱢᱤᱫ ᱴᱟᱝ ᱟᱡᱟᱜ ᱢᱩᱴᱷᱟ.ᱱ ᱢᱮᱱᱟᱜ ᱛᱟᱭᱟ᱾ ᱒᱐᱐᱒ ᱥᱟᱞᱮ ᱨᱮ ᱵᱷᱟᱨᱚᱛ ᱪᱷᱟᱲᱳ ᱞᱟᱲᱟᱣᱱᱟ ᱟᱨ ᱛᱟᱢᱨᱚᱞᱤᱯᱛᱚ ᱥᱚᱨᱠᱟᱨ ᱛᱮᱭᱟᱨ ᱨᱮᱱᱟᱜ ᱖᱐ ᱥᱮᱨᱢᱟ ᱯᱩᱨᱛᱤ ᱨᱮ ᱥᱤᱧᱚᱛ ᱨᱮᱱᱟᱜ ᱰᱟᱠ ᱵᱤᱵᱷᱟᱜ ᱢᱟᱛᱚᱝᱜᱤ ᱦᱟᱡᱨᱟ ᱟᱜ ᱪᱤᱛᱟ.ᱨ ᱮᱢᱟᱜ ᱢᱚᱲᱮ ᱴᱟᱠᱟ ᱨᱮᱱᱟᱜ ᱯᱳᱥᱴᱟᱞ ᱥᱴᱮᱢᱯ ᱮ ᱪᱟᱞᱟᱣ ᱞᱮᱫᱟ᱾
ᱥᱟ.ᱠᱷᱭᱟ.ᱛ ᱥᱟᱯᱲᱟᱣ
- ↑ "বিপŕ§?ŕŚ˛ŕŚŹŕ§€ ŕŚŽŕŚžŕŚ¤ŕŚ™ŕ§?ŕŚ—ŕŚżŕŚ¨ŕ§€ ŕŚšŕŚžŕŚœŕŚ°ŕŚž". Biplobiderkotha.com. 17 ᱱᱚᱵᱷᱮᱢᱵᱚᱨ 2010. Archived from the original on 15 ᱚᱜᱚᱥᱴ 2021. Retrieved 3 ᱚᱠᱴᱚᱵᱚᱨ 2012.
- ↑ "মাতঙ্গিনী হাজরা". Amardeshonline.com. 29 ᱥᱮᱯᱴᱮᱢᱵᱚᱨ 2010. Retrieved 3 ᱚᱠᱴᱚᱵᱚᱨ 2012.
- ↑ ᱓.᱐ ᱓.᱑ ᱓.᱒ ᱓.᱓ ᱓.᱔ Amin, Sonia (2012). "Hazra, Matangini". In Islam, Sirajul; Jamal, Ahmed A. (eds.). Banglapedia: National Encyclopedia of Bangladesh (Second ed.). Asiatic Society of Bangladesh.
- ↑ ᱔.᱐ ᱔.᱑ Maity, Sachindra (1975). Freedom Movement in Midnapore. Calcutta: Firma, K.L. pp. 112–113.
- ↑ Chakrabarty, Bidyut (1997). Local Politics and Indian Nationalism: Midnapur (1919-1944). New Delhi: Manohar.