ᱢᱟᱨᱜᱤ ᱥᱟᱛᱷᱤ (ᱚᱯᱷᱤᱥᱤᱭᱟᱞ ᱧᱩᱛᱩᱢ ᱺ P. S. Sathi Devi; ᱑᱙᱖᱕-᱒᱐᱑᱕) ᱫᱚ 1965 - 2015) ᱫᱚ ᱢᱤᱫᱴᱮᱱ ᱱᱟᱝᱜᱤᱭᱟᱨ ᱠᱩᱛᱷᱩᱨ ᱮᱱᱮᱡ ᱨᱮᱱ ᱞᱟᱹᱞᱟᱹᱭᱤᱡ ᱠᱟᱱᱟᱭ, ᱚᱠᱟ ᱫᱚ ᱠᱮᱨᱟᱞᱟ ᱨᱮᱱ ᱪᱟᱠᱠᱤᱨ ᱜᱟᱛᱟᱠ ᱨᱮᱱ ᱢᱟᱭᱡᱤᱣ ᱠᱚ ᱦᱚᱛᱮ ᱛᱮ ᱨᱟᱠᱷᱟ ᱫᱚᱦᱚ ᱟᱹᱜᱩ ᱟᱠᱟᱱᱟ ᱟᱨ ᱠᱚ ᱮᱱᱮᱡᱚᱜ-ᱟ, ᱱᱚᱣᱟ ᱮᱱᱮᱡ ᱫᱚ ᱠᱩᱫᱤᱭᱟᱴᱴᱟᱢ ᱮᱱᱮᱡ ᱨᱮᱭᱟᱜ ᱢᱤᱫᱴᱮᱱ ᱛᱷᱚᱠ ᱠᱟᱱᱟ| ᱩᱱᱤ ᱫᱚ ᱠᱩᱫᱤᱭᱟᱴᱴᱟᱢ ᱢᱟᱭᱡᱤᱣ ᱪᱟᱹᱨᱤᱛ ᱠᱚ ᱜᱟᱜ- ᱜᱟᱵᱟᱱ ᱨᱮ ᱯᱟᱹᱨᱩᱠᱷᱤᱭᱟᱹᱭ ᱛᱟᱦᱮᱸ ᱠᱟᱱᱟ| ᱩᱱᱤ ᱫᱚ ᱥᱤᱧᱚᱛ ᱫᱤᱥᱚᱢ ᱟᱨ ᱡᱮᱜᱮᱫ ᱡᱟᱠᱟᱛ ᱨᱮ ᱟᱹᱰᱤ ᱟᱭᱢᱟ ᱟᱠᱷᱲᱟ ᱠᱚ ᱨᱮ ᱮᱱᱮᱡ-ᱮ ᱩᱫᱩᱜ ᱥᱚᱫᱚᱨ ᱵᱟᱲᱟᱣᱟᱠᱟᱫᱟ| ᱒᱐᱐᱑ ᱥᱮᱨᱢᱟ ᱨᱮᱭᱟᱜ ᱚᱠᱴᱚᱵᱚᱨ ᱪᱟᱱᱫᱚ ᱨᱮ ᱯᱮᱨᱤᱥ ᱨᱮ ᱦᱩᱭ ᱞᱮᱱ ᱭᱩᱱᱮᱥᱠᱚ ᱰᱤᱯᱟᱹᱴ ᱨᱮᱭᱟᱜ ᱫᱚᱵᱷᱟᱹᱴᱤᱭᱟᱹ ᱨᱮ ᱢᱤᱫᱴᱮᱱ ᱧᱩᱢᱩᱜᱚᱜ ᱞᱮᱠ ᱯᱟᱨᱯᱷᱚᱢᱮᱱᱥ ᱛᱟᱦᱮᱱ ᱠᱟᱱᱟ ᱠᱩᱫᱤᱭᱟᱴᱴᱟᱢ ᱢᱟᱱᱣᱟ ᱜᱩᱱ ᱨᱮᱭᱟᱜ ᱫᱟᱨᱟᱦᱟᱨᱟ ᱟᱨ ᱥᱮᱨᱣᱟ ᱨᱮᱭᱟᱜ ᱪᱤᱱᱦᱟᱹ ᱞᱮᱠᱟ ᱢᱤᱫᱴᱮᱱ ᱦᱤᱸᱥ ᱜᱮ ᱛᱟᱦᱮᱸ ᱠᱟᱱᱟ|

ᱡᱤᱭᱚᱱ ᱥᱟᱯᱲᱟᱣ

ᱢᱟᱨᱜᱤ ᱥᱟᱛᱷᱤ ᱫᱚ ᱑᱙᱖᱕ ᱥᱮᱨᱢᱟ ᱨᱮᱭᱮ ᱡᱟᱱᱟᱢ ᱞᱮᱱᱟ, ᱠᱮᱨᱟᱞᱟ ᱯᱚᱱᱚᱛ ᱨᱮᱭᱟᱜ ᱛᱨᱤᱥᱩᱨ ᱧᱩᱛᱩᱢᱟᱱ ᱡᱟᱭᱜᱟ ᱨᱮ| ᱟᱯᱟᱛ ᱛᱮᱫ ᱟᱜ ᱧᱩᱛᱩᱢ ᱫᱚ ᱯᱩᱛᱷᱤᱞᱟᱛᱷᱩ ᱥᱩᱵᱽᱨᱟᱢᱩᱱᱤᱭᱟᱢ ᱤᱢᱵᱽᱨᱟᱱᱛᱷᱤ ᱛᱟᱦᱮ ᱠᱟᱱᱟ ᱟᱨ ᱮᱝᱜᱟᱛ ᱛᱮᱫ ᱟᱜ ᱧᱩᱛᱩᱢ ᱫᱚ ᱯᱟᱨᱵᱟᱛᱤ ᱟᱱᱫᱟᱨ ᱡᱟᱱᱟᱢ ᱛᱟᱦᱮ ᱠᱟᱱᱟ| ᱩᱱᱤ ᱫᱚ ᱠᱮᱨᱟᱞᱟ ᱯᱚᱱᱚᱛ ᱨᱮᱭᱟᱜ ᱠᱟᱞᱟᱢᱟᱱ ᱰᱟᱞᱟᱢ ᱧᱩᱛᱩᱢ ᱟᱱᱟ ᱡᱟᱭᱜᱟ ᱨᱮ ᱯᱟᱭᱟᱱ ᱠᱩᱞᱟᱢ ᱪᱟᱠᱭᱟᱨ ᱴᱷᱮᱱ ᱠᱷᱚᱱ ᱠᱩᱫᱤᱭᱟᱴᱴᱟᱢ ᱮᱱᱮᱡ ᱪᱮᱪᱮᱫ-ᱮ ᱮᱛᱚᱦᱚᱵ ᱞᱮᱱᱟ| ᱩᱱᱤᱭᱟᱜ ᱵᱟᱯᱞᱟ ᱛᱟᱭᱚᱢ ᱫᱚ, ᱟᱡ ᱡᱟᱶᱟᱭ ᱵᱚᱝᱜᱟ ᱛᱟᱞᱟᱣᱟᱠᱟᱱ ᱢᱟᱱᱳᱴᱟᱱ ᱢᱟᱭᱥᱴᱨᱚ ᱮᱱᱹ ᱥᱩᱵᱽᱨᱟᱢᱩᱱᱤᱭᱟᱢ ᱯᱩᱴᱴᱤ ᱥᱚᱝᱜᱮ ᱛᱤᱨᱩᱣᱟᱱ ᱛᱷᱟᱯᱩᱨᱟᱢ ᱛᱮᱠᱤᱱ ᱩᱪᱟᱹᱲ ᱪᱟᱞᱟᱣ ᱮᱱᱟ| ᱟᱨ ᱢᱟᱨᱜᱤ ᱮᱱᱮᱡ ᱟᱥᱲᱟ ᱨᱮ ᱑᱙᱘᱘ ᱥᱮᱨᱢᱟ ᱨᱮᱭᱮ ᱵᱷᱩᱨᱛᱤ ᱞᱮᱱᱟ| ᱱᱚᱣᱟ ᱮᱱᱮᱡ ᱟᱥᱲᱟ ᱨᱮ ᱥᱮᱞᱮᱫ-ᱮ ᱛᱟᱦᱮ ᱠᱟᱱ ᱛᱮ, ᱚᱱᱟ ᱟᱥᱲᱟ ᱨᱮᱭᱟᱜ ᱧᱩᱛᱩᱢ ᱞᱮᱠᱟ ᱛᱮ ᱜᱮ ᱢᱟᱨᱜᱤ ᱯᱟᱹᱨᱤᱥ ᱫᱚᱭ ᱧᱟᱢ ᱞᱮᱫᱟ| ᱢᱟᱨᱜᱤ ᱫᱚ ᱢᱤᱫᱴᱮᱱ ᱮᱱᱱᱮᱡ ᱟᱥᱲᱟ ᱠᱟᱱᱟ, ᱚᱠᱟ ᱫᱚ ᱠᱮᱨᱟᱞᱟ ᱯᱚᱱᱚᱛ ᱨᱮᱭᱟᱜ ᱵᱟᱨᱭᱟ ᱥᱟᱥᱛᱚᱨ ᱮᱱᱮᱡ ᱛᱷᱚᱠ ᱠᱟᱛᱷᱟᱠᱟᱞᱤ ᱟᱨ ᱠᱩᱫᱤᱭᱟᱴᱴᱟᱢ ᱩᱫᱩᱜ ᱥᱚᱫᱚᱨᱚᱜ ᱠᱟᱱᱟ| ᱓᱐ ᱡᱩᱱ ᱒᱐᱐᱕ ᱢᱟᱹᱦᱤᱛ ᱦᱤᱞᱚᱜ ᱩᱱᱤ ᱟᱡ ᱡᱟᱶᱟᱭ ᱫᱚ ᱠᱩᱫᱤᱭᱟᱴᱴᱟᱟᱢ ᱜᱟᱵᱮ ᱠᱟᱛᱮ ᱢᱤᱫᱴᱮᱱ ᱯᱷᱤᱞᱢ ᱱᱚᱴᱴᱟᱢ ᱨᱮᱭᱟᱜ ᱥᱩᱴᱤᱝ ᱚᱠᱛᱚ ᱵᱤᱡᱽᱞᱤ ᱨᱮᱭᱟᱜ ᱥᱮᱝᱜᱮᱞ ᱛᱮᱭᱮ ᱞᱚ ᱜᱚᱡ ᱞᱮᱱᱟ| ᱟᱡ ᱡᱟᱶᱟᱭ ᱜᱚᱡ ᱛᱟᱭᱚᱢ ᱥᱟᱛᱷᱤ ᱫᱚ ᱠᱮᱨᱟᱞᱟ ᱥᱚᱨᱠᱟᱨ ᱟᱜ ᱟᱹᱪᱩ ᱞᱮᱠᱟ ᱛᱮ ᱠᱩᱫᱤᱭᱟᱴᱴᱟᱢ ᱮᱱᱮᱡ ᱨᱮᱱᱱ ᱢᱟᱪᱮᱛᱟᱱᱤ ᱞᱮᱠᱟ ᱛᱮ ᱠᱟᱞᱟᱢᱟᱱ ᱰᱟᱞᱟᱢ ᱛᱮᱭᱮ ᱩᱪᱟᱹᱲ ᱪᱟᱞᱟᱣ ᱮᱱᱟ|ᱩᱱᱤ ᱫᱚ ᱤ ᱰᱤᱥᱮᱢᱵᱚᱨ ᱒᱐᱑᱕ ᱢᱟᱹᱦᱤᱛ ᱦᱤᱞᱚᱜ ᱛᱤᱨᱩᱣᱟᱱᱛᱟᱢ ᱯᱩᱨᱟᱟᱢ ᱨᱮᱭᱟᱢ ᱴᱚᱴᱷᱟ ᱠᱤᱭᱟᱹ ᱠᱮᱱᱪᱟᱨ ᱛᱟᱞᱢᱟ ᱨᱮ ᱱᱚᱣᱟ ᱫᱷᱩᱲᱤ ᱫᱷᱟᱹᱨᱛᱤ ᱫᱚᱭ ᱵᱟᱹᱜᱤ ᱭᱟᱫᱟ| ᱩᱱᱤ ᱫᱚ ᱟᱹᱰᱤ ᱟᱭᱢᱟ ᱫ᱾ᱱ ᱠᱷᱚᱱ ᱜᱮ ᱠᱮᱱᱥᱟᱨ ᱟᱡᱟᱨ ᱛᱮᱭᱮ ᱡᱟᱹᱵᱽᱲᱤ ᱟᱟᱠᱟᱱ ᱛᱟᱦᱮ ᱠᱟᱱᱟ ᱟᱨ ᱡᱤᱭᱚᱱ ᱢᱚᱨᱚᱱ ᱛᱩᱞᱩᱡ-ᱮ ᱞᱟᱹᱲᱦᱟᱹᱭ ᱠᱟᱱ ᱛᱟᱦᱮ ᱠᱟᱱᱟ, ᱤᱱᱟᱹ ᱛᱟᱭᱚᱢ ᱩᱱᱤᱭᱟᱜ ᱦᱚᱲᱢᱚ ᱦᱟᱹᱴᱤᱧ ᱟᱹᱰᱤ ᱠᱟᱹᱦᱤᱞ ᱤᱫᱤᱭᱮᱱᱱ ᱛᱟᱭ ᱛᱮ ᱟᱨᱹᱥᱤᱹ ᱥᱤᱹ ᱨᱮ ᱠᱚ ᱵᱷᱩᱨᱛᱤ ᱞᱮᱫᱮᱭᱟ| ᱩᱱᱤ ᱫᱚ ᱟᱡ ᱨᱮᱱ ᱵᱟᱨᱭᱟ ᱜᱤᱫᱽᱨᱟᱹᱭ ᱵᱟᱹᱜᱤ ᱚᱴᱚᱣᱟᱫ ᱠᱤᱱᱟᱹ, ᱢᱤᱫᱴᱮᱱ ᱫᱚ ᱨᱮᱵᱷᱟᱛᱤ ᱠᱩᱫᱤᱭᱟᱴᱴᱟᱢ ᱮᱱᱮᱡ ᱜᱟᱭᱱᱟᱦᱤᱭᱟᱹ ᱟᱨ ᱢᱮᱪᱮᱛᱟᱱᱤ ᱟᱨ ᱢᱤᱫᱴᱮᱱ ᱟᱜ ᱧᱩᱛᱩᱢ ᱫᱚ ᱫᱮᱵᱽ ᱱᱟᱨᱟᱭᱚᱱ, ᱮᱰᱰᱟᱠᱠᱟ ᱜᱟᱭᱱᱟᱦᱤᱭᱟᱹ ᱟᱨ ᱯᱟᱛᱟᱢᱵᱤ ᱥᱟᱝᱥᱠᱨᱤᱛ ᱠᱚᱞᱮᱡᱽ ᱨᱮᱱ ᱢᱟᱨᱮ ᱯᱟᱹᱴᱷᱟᱹᱣᱟᱹᱭ ᱛᱟᱦᱮ ᱠᱟᱱᱟ|

ᱥᱟᱛᱷᱤ ᱦᱚᱛᱮ ᱛᱮ ᱚᱞ ᱯᱚᱛᱚᱵ ᱠᱚ ᱥᱟᱯᱲᱟᱣ

  • ᱥᱤᱛᱟᱭᱟᱱᱟᱢ (ᱥᱴᱮᱡᱽ ᱯᱨᱮᱡᱮᱱᱴᱮᱥᱚᱱ ᱢᱮᱱᱩᱣᱮᱞ) (᱒᱐᱐᱘)
  • ᱠᱟᱱᱱᱟᱠᱤ ᱪᱟᱨᱤᱛᱷᱟᱢ (ᱥᱴᱮᱡᱽ ᱯᱨᱮᱡᱮᱱᱴᱮᱥᱚᱱ ᱢᱮᱱᱩᱣᱮᱞ) (᱒᱐᱐᱒)
  • ᱥᱨᱤ ᱨᱟᱢᱟ ᱪᱟᱨᱤᱛᱷᱟᱢ ᱱᱟᱝᱜᱤᱭᱟᱨ ᱠᱩᱴᱷᱩ (ᱥᱴᱮᱡᱽ ᱯᱨᱮᱡᱮᱱᱴᱮᱥᱚᱱ ᱢᱮᱱᱩᱣᱮᱞ) -ᱰᱤᱹᱥᱤᱹ ᱵᱩᱠᱥ ᱦᱚᱛᱮ ᱛᱮ ᱥᱚᱫᱚᱨ ᱟᱠᱟᱱ, ᱠᱚᱴᱴᱟᱭᱟᱢ, ᱠᱮᱨᱟᱞᱟ (᱑᱙᱙᱙)|

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ