ᱢᱟᱱᱟᱢᱟ
ᱢᱟᱱᱟᱢᱟ (ᱤᱝᱞᱤᱥ: Manama, ᱟᱨᱚᱵᱤᱠ: المنامة , ᱟᱞ-ᱢᱟᱱᱟᱢᱟ) ᱫᱚ ᱵᱟᱦᱚᱨᱟᱭᱤᱱ ᱨᱮᱱᱟᱜ ᱨᱟᱡᱽᱜᱟᱲ ᱱᱟᱜᱟᱨ ᱠᱟᱱᱟ ᱾ ᱱᱚᱶᱟ ᱫᱚ ᱵᱟᱦᱚᱨᱟᱭᱤᱱ ᱰᱷᱤᱯᱩ ᱨᱮᱱᱟᱜ ᱮᱛᱚᱢ ᱥᱟᱢᱟᱝ ᱥᱮᱦᱮᱫ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱯᱚᱨᱥᱤᱭᱟᱱ ᱜᱚᱞᱯᱷ ᱨᱮᱱᱟᱜ ᱛᱟᱞᱟ ᱨᱮ ᱪᱟᱯᱮ ᱭᱟᱠᱟᱱᱟ ᱾ ᱱᱚᱸᱶᱟ ᱫᱚ ᱵᱟᱦᱚᱨᱟᱭᱤᱱ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱟᱜᱟᱨ ᱠᱟᱱᱟ ᱾ ᱱᱚᱸᱰᱮ ᱑᱕᱐,᱐᱐᱐ ᱦᱚᱲ ᱠᱚ ᱛᱟᱦᱮᱸᱱ ᱠᱟᱱᱟ, ᱡᱟᱦᱟᱸ ᱫᱚ ᱵᱟᱦᱚᱨᱟᱭᱤᱱ ᱨᱤᱱ ᱞᱮᱠᱷᱟᱜᱩᱴ ᱦᱚᱲ ᱨᱮᱱᱟᱜ ᱑/᱔ ᱦᱟᱹᱴᱤᱧ ᱟᱨ ᱱᱚᱶᱟ ᱫᱚ ᱛᱟᱞᱟ-ᱥᱟᱢᱟᱝ ᱨᱮᱱᱟᱜ ᱢᱤᱫ ᱡᱮᱜᱮᱛ ᱟᱹᱭᱩᱨᱟᱱ ᱱᱟᱜᱟᱨ ᱠᱟᱱᱟ ᱾
| ᱢᱟᱱᱟᱢᱟ المنامة al-Manāmah | |
|---|---|
 Manama Skyline | |
 ᱢᱟᱱᱟᱢᱟ ᱟᱨ ᱵᱟᱦᱚᱨᱟᱭᱤᱱ | |
| Coordinates: 26°13′N 50°35′E / 26.217°N 50.583°ECoordinates: 26°13′N 50°35′E / 26.217°N 50.583°E | |
| ᱫᱤᱥᱚᱢ | ᱵᱟᱦᱚᱨᱟᱭᱤᱱ |
| ᱥᱚᱨᱠᱟᱨ | ᱨᱟᱡᱽᱜᱟᱲ |
| ᱥᱚᱨᱠᱟᱨ | |
| • ᱜᱚᱵᱷᱚᱨᱱᱚᱨ | ᱦᱩᱢᱩᱫᱽ ᱵᱤᱱ ᱟᱵᱫᱩᱞᱟ ᱵᱤᱱ ᱦᱟᱢᱟᱫᱽ ᱟᱞ ᱠᱦᱟᱞᱤᱯᱷᱟ |
| ᱮᱨᱤᱭᱟ | |
| • ᱱᱟᱜᱟᱨ | 30 ᱠᱤᱢᱤ২ (10 ᱜᱟᱺᱴ ᱢᱟᱭᱤᱞ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱐) |
| • ᱱᱟᱜᱟᱨ | ᱑᱕᱗᱔᱗᱔ |
| • ᱰᱮᱱᱥᱤᱴᱤ | 5200/ᱠᱤᱢᱤ2 (14000/ᱜᱟᱺᱴ ᱢᱟᱹᱭᱤᱞ) |
| • ᱢᱟᱦᱟᱱᱟᱜᱟᱨ | ᱓᱒᱙᱕᱑᱐ |
| ᱣᱮᱵᱽᱥᱟᱭᱤᱴ | ᱚᱯᱷᱤᱥᱤᱭᱟᱞ ᱣᱮᱵᱽᱥᱟᱭᱤᱴ |
ᱱᱟᱜᱟᱢ
ᱥᱟᱯᱲᱟᱣ᱑᱓᱔᱕ ᱥᱟᱞᱮ ᱨᱮ ᱢᱟᱱᱟᱢᱟ ᱫᱚ ᱯᱩᱭᱞᱩ ᱫᱦᱟᱣ ᱤᱥᱞᱟᱢ ᱨᱮᱱᱟᱜ ᱱᱟᱜᱟᱢ ᱨᱮ ᱧᱮᱞ ᱞᱮᱱᱟ ᱾ ᱑᱕᱒᱑ ᱥᱟᱞᱮ ᱨᱮ ᱚᱸᱰᱮ ᱯᱚᱨᱛᱩᱜᱤᱡᱽ ᱦᱚᱲ ᱠᱚ ᱥᱮᱱ ᱮᱱᱟ, ᱚᱱᱟ ᱛᱟᱭᱚᱢ ᱑᱖᱐᱒ ᱥᱟᱞᱮ ᱨᱮ ᱯᱚᱨᱥᱤᱭᱟᱱ ᱦᱚᱲ ᱠᱚ ᱥᱮᱱ ᱞᱮᱱᱟ ᱾ ᱦᱟᱨᱭᱟ ᱨᱟᱡᱟ ᱦᱟᱜ ᱜᱷᱟᱨᱚᱡᱽ ᱛᱮ ᱑᱗᱘᱓ ᱦᱟᱹᱵᱤᱡ ᱱᱚᱶᱟ ᱫᱚ ᱠᱚ ᱥᱟᱥᱚᱱ ᱟᱹᱜᱩᱭᱮᱫ ᱛᱟᱦᱮᱸᱫ, ᱛᱤᱢᱤᱱ ᱫᱷᱟᱣ ᱫᱚ ᱥᱟᱥᱚᱱ ᱠᱷᱚᱱ ᱠᱷᱚᱱ ᱚᱪᱚᱜ ᱞᱮᱫ ᱠᱚ ᱜᱮ ᱛᱟᱦᱮᱸᱫ ᱢᱮᱱᱠᱷᱟᱱ ᱵᱷᱟᱹᱨᱭᱟᱹ ᱠᱚ ᱧᱟᱢ ᱨᱩᱣᱟᱹᱲ ᱞᱮᱫ ᱛᱟᱦᱮᱸᱫ ᱜᱮ ᱾ ᱑᱙᱕᱘ ᱥᱟᱞᱮ ᱨᱮ ᱱᱚᱟ ᱨᱟᱲᱟ ᱯᱚᱨᱴ (ᱵᱟᱥᱟ ᱰᱟᱹᱦᱤ) ᱢᱮᱱᱛᱮ ᱠᱚ ᱢᱟᱨᱠᱷᱟ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱑᱙᱗᱑ ᱥᱟᱞᱮ ᱨᱮ ᱵᱟᱦᱚᱨᱟᱭᱤᱱ ᱫᱚ ᱯᱷᱩᱨᱜᱟᱹᱞ ᱞᱮᱱ ᱛᱟᱦᱮᱸᱫ ᱟᱨ ᱚᱱᱟᱛᱟᱭᱚᱢ ᱒᱐᱐᱓ ᱥᱟᱞᱮ ᱨᱮ ᱢᱟᱱᱟᱢᱟ ᱫᱚ ᱚᱸᱰᱮᱱᱟᱜ ᱨᱟᱡᱽᱜᱟᱲ ᱞᱮᱠᱟᱛᱮ ᱠᱚ ᱵᱮᱨᱮᱫ ᱠᱮᱫᱼᱟ ᱾
ᱠᱟᱹᱣᱰᱤ ᱟᱹᱨᱤ
ᱥᱟᱯᱲᱟᱣᱢᱮᱱᱟᱢᱟ ᱨᱮᱱᱟᱜ ᱠᱟᱹᱣᱰᱤᱭᱟᱹᱨᱤ ᱢᱩᱸᱫ ᱨᱮ ᱯᱮᱴᱨᱚᱞᱤᱭᱚᱢ, ᱞᱟᱹᱠᱛᱤᱭᱟᱱ ᱥᱩᱱᱩᱢ, ᱰᱦᱚᱝᱜᱟ ᱛᱮᱭᱟᱨ, ᱦᱟᱹᱠᱩ ᱥᱟᱵ ᱥᱟᱢᱟᱱ ᱠᱟᱹᱨᱜᱟᱲ, ᱯᱮᱭᱟᱨᱞ ᱮᱢᱟᱱ ᱠᱟᱹᱨᱜᱟᱲ ᱠᱚ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱵᱟᱦᱚᱨᱟᱭᱤᱱ ᱨᱮᱱᱟᱜ ᱞᱮᱠᱷᱟᱜᱩᱴ ᱠᱟᱹᱣᱰᱤ ᱟᱹᱨᱤ ᱵᱟᱨᱟᱨᱟᱵᱟᱹᱨᱤ ᱜᱮᱭᱟ ᱾ ᱢᱩᱦᱨᱟᱠ ᱰᱷᱤᱯᱩ ᱨᱮᱱᱟᱜ ᱵᱟᱦᱚᱨᱟᱭᱤᱱ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱠᱷᱚᱱ ᱨᱟᱡᱽᱦᱚᱨ ᱛᱮ ᱱᱚᱶᱟ ᱱᱟᱜᱟᱨ ᱫᱚ ᱡᱚᱲᱟᱣᱟᱠᱟᱱᱟ ᱾ ᱢᱟᱱᱟᱢᱟ ᱫᱚ ᱵᱟᱦᱚᱨᱟᱭᱤᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱜᱦᱟᱨᱚᱡᱽ ᱴᱷᱟᱶ ᱠᱟᱱᱟ ᱡᱟᱦᱟᱸ ᱫᱚ ᱑᱙᱘᱖ ᱥᱟᱞᱮ ᱨᱮ ᱛᱷᱟᱯᱚᱱ ᱞᱮᱱ ᱛᱟᱦᱮᱸᱫ ᱾
ᱪᱷᱟᱹᱴᱭᱟᱹᱨ
ᱥᱟᱯᱲᱟᱣᱢᱟᱱᱟᱢᱟ ᱧᱩᱛᱩᱢ ᱫᱚ ᱟᱨᱚᱵᱤᱠ ᱟᱹᱲᱟᱹ ᱟᱞ-ᱢᱟᱱᱟᱢᱟ ( المنامة ) ᱠᱷᱚᱱ ᱦᱮᱡ ᱟᱠᱟᱱᱟ, ᱡᱟᱦᱟᱸ ᱨᱮᱱᱟᱜ ᱢᱮᱱᱮᱛ ᱫᱚ "ᱡᱤᱨᱟᱹᱣᱜ ᱴᱷᱟᱶ" ᱵᱟᱝᱢᱟ "ᱠᱩᱠᱢᱩ ᱨᱮᱱᱟᱜ ᱴᱷᱟᱶ" ᱢᱮᱱᱛᱮ ᱵᱟᱰᱟᱭᱚᱜᱼᱟ ᱾[᱑]
ᱥᱮᱪᱮᱫ
ᱥᱟᱯᱲᱟᱣᱠᱩᱨᱟᱱᱤᱠ ᱟᱥᱲᱟ ᱫᱚ ᱒᱐ ᱥᱟᱭᱟᱸᱫ ᱨᱮ ᱥᱮᱪᱮᱫ ᱨᱮᱱᱟᱜ ᱟᱠᱷᱲᱟ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾[᱒] ᱚᱱᱟ ᱟᱥᱲᱟ ᱠᱚᱨᱮ ᱫᱚ ᱢᱩᱬ ᱞᱮᱠᱟᱛᱮ ᱠᱩᱨᱟᱱ (Quran) ᱠᱚ ᱯᱟᱲᱦᱟᱣᱮᱫ ᱠᱚ ᱛᱟᱦᱮᱸᱫ ᱾ ᱫᱤᱥᱚᱢ ᱨᱮᱱᱟᱜ ᱯᱩᱭᱞᱩ ᱢᱚᱰᱚᱨᱱ ᱟᱥᱲᱟ "ᱢᱤᱥᱚᱱᱟᱨᱤ ᱮᱞᱮᱢᱮᱱᱴᱟᱨᱭ ᱟᱥᱲᱟ" ᱫᱚ ᱑᱘᱙᱒ ᱥᱟᱞᱮ ᱨᱮ ᱛᱷᱟᱯᱚᱱ ᱞᱮᱱ ᱛᱟᱦᱮᱸᱫ ᱟᱢᱮᱨᱤᱠᱟ ᱨᱮᱱᱟᱜ ᱪᱚᱨᱪ ᱫᱟᱨᱟᱭ ᱛᱮ ᱾ ᱱᱚᱶᱟ ᱟᱥᱲᱟ ᱨᱮ ᱥᱤᱞᱟᱵᱚᱥ ᱞᱮᱠᱟᱛᱮ ᱤᱝᱞᱤᱥ, ᱮᱞᱠᱷᱟ ᱟᱨ ᱠᱤᱨᱤᱥᱛᱟᱱ ᱫᱷᱚᱨᱚᱢ ᱵᱟᱵᱚᱫᱽ ᱠᱟᱛᱷᱟ ᱠᱚ ᱠᱚ ᱯᱟᱲᱦᱟᱣᱮᱫ ᱠᱚ ᱛᱟᱦᱮᱸᱫ ᱾ ᱢᱟᱨᱟᱝ ᱵᱮᱯᱟᱨᱤᱭᱟᱹ ᱠᱚ ᱨᱤᱱ ᱦᱚᱯᱚᱱ ᱠᱚ ᱱᱚᱸᱰᱮ ᱚᱞᱚᱜ ᱞᱟᱹᱜᱤᱫ ᱠᱚ ᱠᱳᱞ ᱮᱫ ᱠᱚ ᱛᱟᱦᱮᱸᱫ, ᱢᱮᱱᱠᱷᱟᱱ ᱠᱟᱹᱣᱰᱤ ᱟᱱᱟᱴ ᱠᱞᱷᱟᱹᱛᱤᱨ ᱑᱙᱓᱓ ᱥᱟᱞᱮ ᱨᱮ ᱱᱚᱶᱟ ᱟᱥᱲᱟ ᱫᱚ ᱵᱚᱸᱫᱽ ᱥᱟᱹᱨᱤ ᱞᱮᱱᱟ ᱾[᱓]
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ Room 1997, p. 223.
- ↑ "History". Ministry of Education - Bahrain. Archived from the original on 18 January 2013. Retrieved 20 January 2013.
{{cite web}}: Unknown parameter|deadurl=ignored (help) - ↑ Shirawi 1987, p. 59.
ᱵᱟᱨᱦᱮ ᱡᱚᱱᱚᱲ
ᱥᱟᱯᱲᱟᱣ| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱢᱟᱱᱟᱢᱟ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
ᱢᱟᱱᱟᱢᱟ ᱴᱨᱟᱵᱷᱮᱞ ᱵᱟᱵᱚᱫᱽ ᱠᱟᱛᱷᱟ ᱣᱤᱠᱤᱦᱤᱨᱤ (Wikivoyage) ᱨᱮ- ᱢᱩᱠᱷᱭᱟᱹ ᱣᱮᱵᱽᱥᱟᱭᱤᱴ
