ᱢᱤᱨᱯᱩᱨ ᱦᱚᱱᱚᱛ


ᱢᱤᱨᱯᱩᱨ ᱦᱚᱱᱚᱛ (ضلع میر پور) ᱫᱚ ᱯᱟᱠᱤᱥᱛᱟᱱ ᱨᱮᱱᱟᱜ ᱟᱡᱟᱫᱽ ᱠᱟᱥᱢᱤᱨ ᱛᱟᱹᱨᱤ ᱨᱮ ᱢᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾[᱑] ᱱᱚᱶᱟ ᱦᱚᱱᱚᱛ ᱨᱮᱱᱟᱜ ᱧᱩᱛᱩᱢ ᱫᱚ ᱦᱚᱱᱚᱛ ᱦᱮᱰᱠᱩᱣᱟᱴᱚᱨ ᱢᱤᱨᱯᱩᱨ ᱱᱟᱜᱽᱨᱟᱦᱟ ᱞᱮᱠᱟᱛᱮ ᱠᱚ ᱧᱩᱢ ᱟᱠᱟᱫᱼᱟ ᱾ ᱢᱤᱨᱯᱩᱨ ᱦᱚᱱᱚᱛ ᱨᱮ ᱔᱕᱖,᱒᱐᱐ ᱦᱚᱲ ᱢᱮᱱᱟᱜ ᱠᱚᱣᱟ[᱒] ᱟᱨ ᱑᱐᱑᱐ ᱜᱟᱺᱴ ᱠᱤᱞᱚᱢᱤᱴᱚᱨ ᱮᱞᱟᱠᱟ ᱛᱮ ᱟᱴᱮᱫ ᱠᱟᱱᱟ ᱾ ᱱᱚᱸᱰᱮ ᱟᱭᱢᱟ ᱵᱩᱨᱩ ᱠᱚ ᱢᱮᱱᱟᱜᱼᱟ ᱟᱨ ᱞᱚᱞᱚ, ᱨᱚᱦᱚᱲ ᱦᱚᱭ ᱦᱤᱥᱤᱫ ᱵᱟᱡᱟᱣᱜᱼᱟ, ᱡᱟᱦᱟᱸ ᱨᱮᱱᱟᱜ ᱚᱛᱱᱚᱜ ᱚᱵᱚᱥᱛᱟ ᱡᱷᱮᱞᱚᱢ ᱟᱨ ᱜᱩᱡᱽᱨᱟᱴ ᱦᱚᱱᱚᱛ ᱨᱮᱱᱟᱜ ᱞᱮᱠᱟ ᱫᱷᱟᱨᱟ ᱜᱮ ᱛᱟᱦᱮᱸᱱᱟ ᱾

ᱢᱤᱨᱯᱩᱨ
ضلع میر پور
ᱦᱚᱱᱚᱛ
Pakistan - Azad Kashmir - Mirpur.svg
Coordinates: 33°08′57″N 73°45′12″E / 33.1491°N 73.7534°E / 33.1491; 73.7534Coordinates: 33°08′57″N 73°45′12″E / 33.1491°N 73.7534°E / 33.1491; 73.7534
ᱫᱤᱥᱚᱢ ᱯᱟᱠᱤᱥᱛᱟᱱ
ᱛᱷᱟᱯᱚᱱ ᱑᱙᱔᱗
ᱦᱮᱰᱠᱩᱣᱟᱴᱚᱨ ᱢᱤᱨᱯᱩᱨ
ᱮᱨᱤᱭᱟ
 • ᱞᱮᱠᱷᱟᱜᱩᱴ 1010 ᱠᱤᱢᱤ (390 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (2017)
 • ᱞᱮᱠᱷᱟᱜᱩᱴ ᱔᱕᱖,᱒᱐᱐
 • ᱰᱮᱱᱥᱤᱴᱤ 452/ᱠᱤᱢᱤ2 (1170/ᱜᱟᱺᱴ ᱢᱟᱹᱭᱤᱞ)
PST (UTC+5)

ᱱᱟᱜᱟᱢᱥᱟᱯᱲᱟᱣ

ᱵᱨᱤᱴᱤᱥ ᱨᱟᱡᱽ ᱚᱠᱛᱚ ᱨᱮ ᱡᱟᱢᱢᱩ ᱟᱨ ᱠᱟᱥᱢᱤᱨ ᱨᱮᱱᱟᱜ ᱢᱤᱫ ᱦᱚᱱᱚᱛ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾[᱓][᱔] ᱑᱙᱔᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱱᱚᱸᱰᱮ ᱓᱘᱖,᱖᱕᱕ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱱᱟ ᱢᱩᱸᱫᱽ ᱠᱷᱚᱱ ᱘᱐% ᱜᱟᱱ ᱦᱚᱲ ᱫᱚ ᱢᱩᱥᱞᱟᱹ ᱟᱨ ᱑᱖% ᱜᱟᱱ ᱫᱚ ᱦᱤᱱᱫᱩ ᱫᱷᱚᱨᱚᱢ ᱨᱤᱱ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾[᱕] ᱱᱚᱶᱟ ᱫᱚ ᱯᱮᱭᱟ ᱛᱚᱦᱥᱤᱞ ᱛᱮ ᱵᱮᱱᱟᱣ ᱟᱠᱟᱱᱟ, ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱺ ᱠᱚᱴᱞᱞᱤ (Kotli), ᱢᱤᱨᱯᱩᱨ (Mirpur) ᱟᱨ ᱵᱷᱤᱢᱵᱮᱨ (Bhimber)᱾[᱖] ᱠᱚᱴᱞᱤ ᱟᱨ ᱵᱷᱤᱢᱵᱮᱨ ᱫᱚ ᱵᱷᱮᱜᱟᱨ ᱦᱚᱱᱚᱛ ᱞᱚ ᱵᱮᱱᱟᱣ ᱟᱠᱟᱫᱼᱟ, ᱡᱟᱦᱟᱸ ᱫᱚ ᱱᱤᱛᱚᱜ ᱯᱟᱠᱤᱥᱛᱟᱱ ᱪᱟᱪᱞᱟᱣᱮᱫ ᱠᱟᱥᱢᱤᱨ (Pakistan-administered Kashmir) ᱢᱤᱨᱯᱩᱨ ᱠᱷᱚᱸᱰ (Division) ᱛᱟᱹᱨᱤ ᱨᱮ ᱢᱮᱱᱟᱜᱼᱟ ᱾ ᱩᱱᱚᱠᱛᱚ ᱨᱮᱱᱟᱜ ᱢᱤᱨᱯᱩᱨ ᱦᱚᱱᱚᱛ ᱨᱮᱱᱟᱜ ᱦᱩᱰᱤᱧ ᱫᱷᱟᱨᱟ ᱦᱟᱹᱴᱤᱧ ᱫᱚ ᱥᱤᱧᱚᱛ ᱪᱟᱪᱞᱟᱣᱮᱫ ᱠᱟᱥᱢᱤᱨ (Indian-administered Kashmir) ᱨᱮᱱᱟᱜ ᱨᱟᱡᱚᱣᱨᱤ ᱦᱚᱱᱚᱛ ᱨᱮ ᱥᱮᱞᱮᱫ ᱢᱮᱱᱟᱜᱼᱟ ᱾

ᱚᱥᱚᱞ ᱢᱤᱨᱯᱩᱨ ᱦᱚᱱᱚᱛ, ᱯᱳᱸᱪ ᱦᱚᱱᱚᱛ ᱟᱨ ᱨᱟᱡᱚᱣᱨᱤ ᱦᱚᱱᱚᱛ ᱫᱚ ᱚᱛᱱᱚᱜ (geographic), ᱡᱟᱹᱛᱤ (ethnic) ᱟᱨ ᱞᱟᱠᱪᱟᱨ (cultural) ᱮᱢᱟᱱ ᱫᱚ ᱯᱟᱪᱮ ᱯᱚᱧᱡᱟᱵᱽ ᱥᱟᱶ ᱡᱚᱯᱚᱲᱟᱣ ᱢᱮᱱᱟᱜᱼᱟ ᱾ ᱚᱱᱟᱛᱮ ᱯᱚᱸᱰᱮᱛ ᱠᱨᱤᱥᱴᱚᱯᱷᱟᱨ ᱥᱱᱮᱰᱮᱱ (Christopher Snedden) ᱚᱞ ᱞᱮᱫᱼᱟᱭ, ᱵᱟᱝᱢᱟ ᱥᱤᱧᱚᱛ ᱦᱟᱹᱴᱤᱧᱚᱜ ᱠᱟᱱ ᱚᱠᱛᱚ ᱨᱮ ᱢᱤᱨᱯᱩᱨ ᱦᱚᱲ ᱫᱚ ᱯᱟᱠᱤᱥᱛᱟᱱ ᱨᱮᱜᱮ ᱢᱮᱥᱟᱜ ᱥᱟᱱᱟᱭᱮᱫ ᱠᱚ ᱛᱟᱦᱮᱸᱫ ᱾[᱗]

ᱯᱟᱹᱨᱥᱤ ᱟᱨ ᱡᱟᱹᱛᱤᱥᱟᱯᱲᱟᱣ

ᱚᱱᱟ ᱴᱚᱴᱷᱟ ᱨᱮᱱᱟᱜ ᱯᱟᱹᱨᱥᱤ ᱧᱩᱛᱩᱢ ᱫᱚ ᱴᱷᱟᱹᱣᱠᱟᱹ ᱵᱟᱹᱱᱩᱜᱼᱟ ᱾[᱘] ᱱᱚᱱᱰᱮ ᱠᱚ ᱨᱚᱲᱮᱫ ᱯᱟᱹᱨᱥᱤ ᱱᱟᱥᱮ ᱱᱟᱥᱮ ᱵᱷᱮᱯᱮᱜᱮᱫ ᱢᱮᱱᱟᱜᱼᱟ ᱡᱟᱦᱟᱸ ᱠᱚ ᱯᱟᱦᱟᱲᱤ (Pahari), ᱢᱤᱨᱯᱩᱨ ᱯᱟᱦᱟᱲᱤ,ᱢᱤᱨᱯᱩᱨᱤ, ᱟᱨ ᱯᱚᱛᱷᱣᱟᱨᱤ,[᱙] ᱮᱢᱟᱱ ᱞᱮᱠᱟ ᱠᱚ ᱧᱩᱛᱩᱢᱮᱫ ᱵᱮᱲᱟ ᱨᱮ ᱛᱤᱢᱤᱱ ᱜᱟᱱ ᱫᱚ ᱯᱚᱧᱡᱟᱵᱤ ᱦᱚᱸ ᱠᱚ ᱧᱩᱛᱩᱢᱟᱜ ᱠᱟᱱᱟ ᱾[᱑᱐] ᱥᱟᱶᱛᱟ ᱯᱟᱹᱨᱩᱠᱷᱤᱭᱟᱹ ᱠᱚ ᱯᱟᱦᱟᱲᱤ-ᱯᱚᱛᱷᱟᱣᱨᱤ ᱯᱟᱹᱨᱥᱤ ᱛᱟᱹᱨᱤ ᱨᱮᱱᱟᱜ ᱯᱮᱭᱟ ᱨᱚᱲ ᱫᱚ ᱢᱤᱫᱴᱟᱜ ᱢᱮᱱᱛᱮ ᱠᱚ ᱢᱟᱱᱟᱣᱮᱫᱼᱟ,[᱑᱑] ᱡᱟᱦᱟᱸ ᱫᱚ ᱞᱟᱸᱦᱰᱟ ᱟᱨ ᱯᱚᱧᱡᱟᱵᱤ ᱯᱟᱹᱨᱥᱤ ᱛᱟᱞᱟᱢᱟᱞᱟ ᱨᱮ ᱦᱤᱡᱩᱜᱼᱟ ᱾[᱑᱒] ᱢᱤᱨᱯᱩᱨ ᱯᱟᱦᱟᱲᱤ ᱨᱮᱱᱟᱜ ᱟᱨ ᱵᱟᱨᱭᱟ ᱯᱟᱹᱨᱥᱤ ᱫᱚ ᱯᱚᱧᱡᱟᱵᱽ ᱨᱮᱱᱟᱜ ᱯᱟᱴᱷᱚᱦᱟᱨ ᱯᱚᱴᱷᱟᱨ ᱨᱮᱱᱟᱜ ᱯᱚᱛᱷᱣᱟᱨᱤ ᱟᱨ ᱟᱡᱟᱫ ᱠᱟᱥᱢᱤᱨ ᱨᱮᱱᱟᱜ ᱢᱩᱨᱟᱨᱤ ᱥᱩᱨᱥᱩᱯᱩᱨ ᱨᱮ ᱠᱚ ᱨᱚᱲᱮᱫ ᱯᱟᱦᱟᱲᱤ ᱥᱟᱶ ᱢᱤᱫ ᱢᱤᱫ ᱫᱷᱟᱨᱟ ᱜᱮᱭᱟ ᱾ ᱟᱨ ᱟᱡᱟᱜ ᱢᱩᱬ ᱟᱹᱲᱟ ᱨᱮᱱᱟᱜ ᱗᱗% ᱠᱷᱚᱱ ᱘᱔% ᱜᱟᱱ ᱫᱚ ᱢᱮᱥᱟᱜ ᱠᱟᱱᱟ ᱾[᱑᱓]

ᱥᱟᱹᱠᱷᱭᱟᱹᱛᱥᱟᱯᱲᱟᱣ