ᱢᱩᱨᱟᱹᱞᱤ

ᱢᱩᱨᱟᱹᱞᱤ ᱫᱚ ᱢᱤᱫ ᱚᱨᱚᱝ ᱥᱟᱯᱟᱵ ᱠᱟᱱᱟ ᱱᱚᱶᱟ ᱫᱚ ᱢᱟᱫ ᱨᱮᱱᱟᱜ ᱠᱟᱱᱟ ᱾ ᱛᱨᱤᱭᱟᱹᱣ ᱞᱮᱠᱟᱜᱮ ᱥᱟᱰᱮᱭᱟ ᱾ ᱱᱟᱥᱮ ᱵᱮᱱᱟᱣ ᱨᱮᱱᱟᱜ ᱛᱚᱦᱚᱨ ᱡᱩᱫᱟᱹ ᱧᱚᱜᱼᱟ ᱾ ᱛᱨᱤᱭᱟᱹᱣ ᱨᱮ ᱫᱚ ᱮᱭᱟᱭ ᱜᱚᱴᱟᱜ ᱵᱷᱩᱜᱟᱹᱜ ᱛᱟᱦᱮᱱᱟ ᱾ ᱤᱠᱷᱟᱹᱱ ᱢᱩᱨᱟᱹᱞᱤ ᱨᱮ ᱫᱚ ᱛᱩᱨᱩᱭ ᱜᱚᱴᱟᱝ ᱵᱷᱩᱜᱟᱹᱜ ᱛᱟᱦᱮᱱᱟ ᱾ ᱢᱩᱨᱟᱹᱞᱤ ᱨᱮ ᱫᱚ ᱯᱷᱮᱰᱟᱛ ᱥᱮᱫ ᱨᱮ ᱠᱚ ᱠᱷᱚᱞᱟᱣᱟ ᱾ ᱠᱷᱚᱞᱟᱣ ᱠᱟᱛᱮ ᱢᱤᱫ ᱮᱛᱟᱝ ᱧᱚᱜ ᱟᱞᱟᱝ ᱠᱚ ᱠᱷᱚᱞᱟᱣ ᱚᱰᱚᱠᱟ ᱾ ᱚᱱᱟ ᱪᱮᱛᱟᱱ ᱨᱮ ᱠᱷᱚᱞ ᱵᱷᱤᱛᱨᱤ ᱨᱮ ᱢᱤᱫ ᱟᱹᱱᱴᱤᱞ ᱠᱚ ᱥᱟᱸᱵᱟᱣᱟ ᱾ ᱚᱱᱟ ᱟᱹᱱᱴᱤᱞ ᱦᱚᱸ ᱱᱟᱥᱮ ᱠᱚ ᱠᱷᱚᱞᱟᱣ ᱦᱚᱨᱟ ᱾ ᱱᱚᱝᱠᱟ ᱠᱚ ᱞᱟᱜᱟᱣᱟ, ᱡᱮᱢᱚᱱ ᱟᱹᱱᱴᱤᱞ ᱨᱮᱱᱟᱜ ᱠᱷᱚᱞᱟᱣ ᱦᱚᱨ ᱦᱚᱨ ᱛᱮ, ᱢᱟᱬᱟᱝ ᱠᱷᱚᱞᱟᱣ ᱚᱰᱚᱠ ᱟᱞᱟᱝ ᱨᱮ ᱦᱚᱭ ᱵᱟᱡᱟᱣᱜ ᱢᱟ ᱾ ᱟᱫᱚ ᱞᱩᱴᱤ ᱨᱮ ᱵᱷᱤᱲᱟᱹᱣ ᱠᱟᱛᱮ ᱠᱚ ᱚᱝ ᱟ᱾ ᱚᱱᱟ ᱚᱝ ᱦᱚᱭ ᱜᱮ ᱟᱹᱱᱴᱤᱞ ᱵᱷᱩᱜᱟᱹᱜ ᱨᱮ ᱛᱟᱵ ᱠᱟᱛᱮ ᱢᱟᱫ ᱟᱞᱟᱝ ᱨᱮ ᱛᱟᱹᱠᱤᱡ ᱠᱟᱛᱮ ᱥᱟᱰᱮᱭᱟ ᱾ ᱚᱱᱟ ᱥᱟᱰᱮ ᱜᱮ ᱠᱚᱴᱟᱵ ᱞᱮᱠᱷᱟᱱ ᱱᱟᱱᱟ ᱦᱩᱱᱟᱹᱨ ᱨᱟᱦᱟ ᱚᱰᱚᱠᱚᱜ ᱼᱟ ᱾ ᱚᱱᱟ ᱜᱮ ᱠᱚ ᱢᱮᱛᱟᱜᱼᱟ ᱢᱩᱨᱟᱹᱞᱤ ᱾ ᱢᱩ ᱛᱮ ᱦᱟᱛᱟᱣ ᱠᱟᱛᱮ ᱢᱚᱪᱟ ᱛᱮ ᱚᱝ ᱠᱟᱛᱮ ᱥᱟᱰᱮ ᱠᱟᱱᱛᱮ ᱢᱩᱨᱟᱹᱞᱤ ᱠᱚ ᱢᱮᱛᱟᱜᱼᱟ ᱾