ᱢᱮᱠᱠᱟ
ᱢᱮᱠᱠᱟ (/ˈmɛkə/) ᱟᱨᱵᱟᱝ ᱢᱮᱠᱠᱟᱦ (ᱚᱯᱷᱤᱥᱤᱭᱟᱞᱤ: Makkah al-Mukarramah; ᱟᱨᱚᱵᱤᱠ: مكة المكرمة) ᱫᱚ ᱥᱟᱶᱫᱤ ᱟᱨᱚᱵᱽ ᱨᱮᱱᱟᱜ ᱱᱟᱜᱟᱨ ᱠᱟᱱᱟ ᱾ ᱒᱐᱐᱔ ᱥᱟᱞᱮ ᱨᱮᱟᱱᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱑,᱒᱙᱔,᱑᱖᱙ ᱦᱚᱲ ᱠᱚ ᱵᱟᱥᱟᱜ ᱠᱟᱱᱟ ᱾ ᱟᱵᱨᱟᱦᱟᱢ ᱨᱮᱱᱟᱜ ᱥᱟᱠᱲᱟ ᱵᱟᱹᱞᱤ ᱵᱷᱮᱞᱞᱤ ᱨᱮ ᱱᱟᱜᱟᱨ ᱫᱚ ᱢᱮᱱᱟᱜᱼᱟ ᱟᱨ ᱡᱮᱫᱟᱦ ᱠᱷᱚᱱ ᱗᱓ ᱠᱤᱞᱚᱢᱤᱴᱚᱨ ᱵᱷᱤᱛᱟᱹᱨ ᱥᱮᱫ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱥᱟᱹᱢᱩᱫᱽ ᱨᱮᱱᱟᱜ ᱛᱤᱸᱜᱩ ᱫᱟᱜ ᱠᱷᱚᱱ ᱒᱗᱗ ᱢᱤᱴᱚᱨ ᱪᱮᱛᱟᱱ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱟᱨᱟᱜ ᱥᱟᱹᱢᱩᱸᱫᱽ ᱠᱷᱚᱱ ᱘᱑ ᱠᱤᱞᱚᱢᱤᱴᱚᱨ ᱾
ᱢᱮᱠᱠᱟ ᱫᱚ ᱤᱥᱞᱟᱢᱤᱠ ᱡᱮᱜᱮᱛ ᱨᱮᱱᱟᱜ ᱯᱩᱱᱟᱹᱭᱟᱱ ᱱᱟᱜᱟᱨ ᱠᱟᱱᱟ ᱾ ᱡᱟᱶ ᱥᱮᱨᱢᱟ ᱜᱮ ᱜᱮᱞ ᱥᱟᱝᱜᱮ ᱥᱟᱥᱟᱭ ᱜᱟᱱ ᱢᱩᱥᱞᱤᱢ ᱦᱚᱲ ᱚᱸᱰᱮ ᱫᱟᱬᱟᱱ ᱠᱚ ᱥᱮᱱᱚᱜᱼᱟ, ᱡᱟᱦᱟᱸ ᱫᱚ ᱦᱟᱡᱽ ᱠᱚ ᱢᱮᱛᱟᱜ ᱠᱟᱱᱟ ᱾ ᱩᱱᱠᱩ ᱫᱚ ᱢᱚᱦᱢᱚᱫᱽᱼᱟᱜ ᱛᱟᱲᱟᱢ ᱰᱟᱦᱟᱨ ᱠᱚ ᱯᱟᱸᱡᱟᱭᱟ ᱾ ᱡᱚᱛᱚ ᱢᱩᱥᱞᱤᱢ ᱜᱮ ᱡᱤᱭᱚᱱ ᱨᱮ ᱢᱤᱫ ᱫᱷᱟᱶ ᱜᱟᱱ ᱦᱟᱡᱽ ᱫᱚ ᱪᱟᱞᱟᱜ ᱥᱟᱱᱟ ᱠᱚ ᱜᱮᱭᱟ ᱾ ᱠᱟᱵᱟ ᱟᱨ ᱢᱚᱥᱡᱤᱫᱽ ᱟᱞᱼᱦᱟᱨᱟᱢ ᱫᱚ ᱤᱥᱞᱟᱢ ᱨᱮᱱᱟᱜ ᱯᱩᱱᱟᱹᱭᱟᱱ ᱢᱚᱥᱡᱤᱫᱽ ᱠᱟᱱᱟ ᱾ ᱢᱮᱠᱠᱟ ᱫᱚ ᱢᱩᱥᱞᱤᱢ ᱦᱚᱲ ᱵᱮᱜᱚᱨ ᱮᱴᱟᱜ ᱠᱚ ᱫᱚ ᱵᱟᱠᱚ ᱵᱚᱞᱚ ᱫᱟᱲᱮᱭᱟᱜᱼᱟ ᱢᱮᱱᱠᱷᱟᱱ ᱛᱤᱢᱤᱱ ᱜᱟᱱ ᱠᱷᱚᱵᱚᱨᱤᱭᱟᱹ ᱠᱚᱫᱚ ᱠᱚ ᱵᱚᱞᱚ ᱫᱟᱲᱮᱭᱟᱜ ᱜᱮᱭᱟ ᱾
ᱱᱟᱜᱟᱢ ᱥᱟᱯᱲᱟᱣ
ᱠᱟᱵᱟ ᱫᱚ ᱦᱩᱰᱤᱧ ᱠᱭᱩᱵᱤᱠᱟᱞ (cubical) ᱵᱤᱞᱰᱤᱝ ᱠᱟᱱᱟ, ᱡᱟᱦᱟᱸ ᱨᱮ ᱢᱩᱥᱞᱤᱢ ᱠᱚ ᱚᱦᱬᱮᱭᱟ ᱟᱠᱚᱶᱟᱜ ᱯᱟᱹᱛᱭᱟᱹᱶ ᱞᱮᱠᱟᱛᱮ ᱡᱟᱦᱟᱸ ᱟᱵᱽᱨᱟᱦᱤᱢ ᱫᱟᱨᱟᱭ ᱛᱮ ᱵᱮᱱᱟᱶ ᱞᱮᱱ ᱛᱟᱦᱮᱸᱫ ᱟᱨ ᱱᱤᱛᱚᱜ ᱦᱟᱹᱵᱤᱡ ᱫᱷᱚᱨᱚᱢ ᱛᱟᱞᱢᱟ ᱞᱮᱠᱟᱛᱮ ᱢᱮᱱᱟᱜᱼᱟ ᱾ ᱢᱩᱥᱞᱤᱢ ᱠᱚᱶᱟᱜ ᱯᱟᱹᱛᱭᱟᱹᱶ ᱛᱟᱦᱮᱸ ᱠᱟᱱᱟ ᱪᱤ ᱵᱚᱝᱜᱟ ᱜᱮ ᱤᱵᱽᱨᱟᱦᱤᱢᱻᱤᱡ ᱫᱚᱥᱟᱨ ᱮᱨᱟ ᱦᱟᱡᱚᱨ ᱟᱨ ᱟᱡᱤᱡ ᱦᱚᱯᱚᱱ ᱤᱥᱢᱟᱭᱤᱞ ᱫᱚ ᱵᱷᱮᱡᱟ ᱞᱟᱹᱜᱤᱫᱻᱮ ᱟᱫᱮᱥ ᱮᱢ ᱞᱮᱫ ᱛᱟᱦᱮᱸᱫ ᱾[᱑] ᱩᱱᱠᱩ ᱡᱟᱢᱡᱟᱢ ᱠᱩᱧ ᱠᱚ ᱧᱟᱢ ᱠᱮᱫᱼᱟ, ᱡᱟᱦᱟ ᱫᱤ ᱛᱮ ᱦᱚᱲᱠᱚ ᱚᱱᱟ ᱥᱩᱨ ᱨᱮ ᱠᱚ ᱵᱟᱥᱟᱭᱮᱱᱟ ᱟᱨ ᱢᱟᱠᱟᱦ ᱵᱮᱱᱟᱶᱮᱱᱟ ᱾ ᱡᱚᱠᱷᱚᱱ ᱤᱥᱢᱟᱭᱤᱞ ᱫᱚᱭ ᱥᱮᱬᱮ ᱭᱮᱱᱟ, ᱩᱱᱤ ᱟᱡ ᱵᱟᱵᱟ ᱠᱟᱵᱟ ᱛᱮᱭᱟᱨ ᱞᱟᱹᱜᱤᱫ~ᱮ ᱜᱚᱲᱚ ᱟᱫᱮᱭᱟ ᱾ ᱠᱟᱵᱟ ᱫᱚ ᱢᱤᱫ ᱴᱷᱟᱶ ᱠᱟᱱᱟ ᱡᱟᱦᱟᱸᱨᱮ ᱢᱩᱥᱞᱤᱢ ᱦᱚᱲ ᱠᱚ ᱱᱮᱦᱚᱸᱨ~ᱟ ᱾ ᱱᱚᱶᱟ ᱫ ᱠᱤᱵᱽᱞᱟ ᱢᱮᱱᱛᱮ ᱠᱚ ᱵᱟᱰᱟᱭᱟ ᱾[᱒]
ᱵᱟᱨᱦᱮ ᱡᱚᱱᱚᱲ ᱥᱟᱯᱲᱟᱣ
- Direction to Makkah Archived ᱒᱐᱐᱖-᱐᱘-᱒᱕ at the Wayback Machine.
- The Emirate of Makkah[permanent dead link]
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ "The Qur'an 14:37". Archived from the original on 2007-10-15. Retrieved 2018-04-30.
- ↑ The Qur'an 2:217
- Inside Mecca DVD Archived ᱒᱐᱐᱗-᱐᱙-᱒᱘ at the Wayback Machine. National Geographic documentary about Makkah