ᱣᱤᱬᱟ ᱥᱚᱦᱚᱥᱛᱨᱚᱵᱩᱫᱽᱫᱷᱮ

ᱣᱤᱬᱟ ᱥᱚᱦᱚᱥᱛᱨᱚᱵᱩᱫᱽᱫᱷᱮ

(᱑᱔ ᱥᱮᱯᱴᱮᱢᱵᱚᱨ ᱑᱙᱔᱘ - ᱒᱙ ᱡᱩᱱ ᱒᱐᱑᱖) ᱵᱟᱡᱟᱣᱤᱡ ᱥᱤᱧᱚᱛᱤᱭᱟ ᱥᱤᱸᱜᱟᱲᱤᱭᱟᱹ ᱟᱨ ᱠᱟᱱᱯᱩᱨ ᱠᱷᱚᱱ

Pranab Mukherjee presenting the Sangeet Natak Akademi Award-2013 to Ms. Veena Sahasrabudhe, in the field of Hindustani Vocal Music

ᱥᱤᱧᱚᱛᱤᱭᱟ ᱥᱟᱥᱛᱨᱤᱭ ᱵᱟᱡᱟᱣᱤᱡ ᱨᱮᱱ ᱵᱟᱡᱟᱣᱤᱡ ᱠᱩᱲᱤ ᱛᱟᱦᱮᱸᱜ ᱠᱟᱱᱟᱭ ᱾ ᱩᱱᱤ ᱭᱟᱝ ᱥᱮᱨᱮᱧ ᱦᱩᱱᱟᱹᱨ ᱨᱮᱱᱟᱜ ᱨᱮᱦᱮᱫ ᱜᱽᱣᱟᱞᱤᱭᱚᱨ ᱜᱷᱚᱨᱟᱱᱮ ᱨᱮ ᱛᱟᱦᱮᱸᱜ ᱠᱟᱱᱟᱭ, ᱢᱮᱱᱠᱟᱷᱟᱱ ᱩᱱᱤ ᱫᱚ ᱡᱚᱭᱯᱩᱨ ᱟᱨ ᱠᱤᱨᱟᱱᱮ ᱠᱷᱚᱱ ᱦᱚᱸ ᱱᱚᱶᱟ ᱩᱫᱷᱟᱨ ᱦᱟᱛᱟᱣ ᱞᱮᱱ ᱛᱟᱭᱟ ᱾ ᱥᱚᱦᱚᱥᱛᱨᱚᱵᱩᱫᱽᱫᱷᱮ ᱫᱚ ᱠᱷᱭᱟᱞ ᱟᱨ ᱵᱷᱚᱡᱚᱱ ᱨᱤᱱᱤᱡ ᱥᱤᱸᱜᱟᱲᱤᱭᱟᱹ ᱢᱮᱱ ᱛᱮᱭ ᱮ ᱵᱟᱰᱟᱭᱚᱜ ᱠᱟᱱᱟᱭ ᱾

ᱥᱮᱨᱮᱧ ᱠᱟᱹᱢᱤ ᱥᱟᱯᱲᱟᱣ

ᱣᱤᱬᱟ ᱥᱚᱦᱚᱥᱛᱨᱚᱵᱩᱫᱽᱫᱷᱮ ᱦᱟᱜ ᱡᱟᱱᱟᱢ ᱫᱚ ᱥᱮᱨᱮᱧ ᱜᱚᱲᱚ ᱜᱷᱟᱨᱚᱸᱡᱽ ᱨᱮ ᱦᱩᱭ ᱞᱮᱱ ᱛᱟᱭᱟ ᱾ ᱩᱱᱤ ᱟᱡ ᱵᱟᱵᱟ ᱥᱚᱝᱠᱚᱨ ᱥᱨᱤᱯᱟᱫᱽ ᱵᱚᱫᱟᱥ ᱥᱤᱸᱜᱟᱲᱤᱭᱟᱹ ᱵᱤᱥᱱᱩ ᱫᱤᱜᱚᱢᱵᱚᱨ ᱯᱚᱞᱩᱥᱠᱚᱨ ᱨᱮᱱ ᱪᱮᱞᱟᱭ ᱛᱟᱦᱮᱸᱜ ᱠᱟᱱᱟ ᱾ ᱩᱱᱤ ᱫᱚ ᱟᱡ ᱵᱟᱵᱟ ᱥᱟᱶ ᱞᱮᱠᱟ ᱜᱮ ᱟᱡᱟᱜ ᱵᱟᱡᱟᱣ ᱨᱮᱱᱟᱜ ᱮᱛᱚᱦᱚᱵ ᱥᱤᱠᱱᱟᱹᱛ ᱮᱦᱚᱵ ᱨᱮᱱᱟᱜ ᱟᱨ ᱟᱨᱦᱚᱸ ᱟᱡ ᱵᱚᱭᱦᱟ ᱠᱟᱥᱤᱱᱟᱛᱷ ᱵᱚᱰᱥ ᱥᱮᱫ ᱠᱷᱚᱱ ᱯᱚᱨᱤᱠᱷᱚᱱ ᱦᱟᱛᱟᱣ ᱞᱮᱫ ᱟᱭ ᱾ ᱩᱱᱤ ᱫᱚ ᱦᱩᱰᱤᱝ ᱠᱷᱚᱱ ᱜᱮ ᱠᱚᱛᱷᱚᱠ ᱨᱮᱱᱟᱜ ᱮᱱᱮᱡ ᱦᱚᱸ ᱪᱮᱫ ᱞᱮᱫᱟᱭ ᱾ ᱣᱤᱬᱟ ᱫᱚ ᱥᱮᱨᱮᱧ ᱟᱨ ᱥᱚᱸᱥᱠᱨᱤᱛ ᱵᱟᱱᱟᱨ ᱨᱮ ᱜᱮ ᱥᱱᱟᱛᱚᱠ ᱟᱨ ᱯᱚᱨᱟᱥᱱᱟᱛᱚᱠ ᱦᱩᱭ ᱟᱠᱟᱱ ᱛᱟᱭᱟ ᱾ ᱒᱐᱑᱓ ᱨᱮ ᱩᱱᱤ ᱫᱚ ᱥᱮᱨᱮᱧ ᱜᱚᱲᱚ ᱵᱟᱡᱟᱣ ᱱᱟᱢᱚᱠ ᱮᱠᱮᱰᱢᱤ ᱥᱤᱨᱯᱷᱟᱹᱭ ᱧᱟᱢ ᱵᱟᱲᱟ ᱞᱮᱫ ᱟᱭ ᱾ ᱩᱱᱤ ᱫᱚ ᱚᱠᱷᱤᱞ ᱵᱷᱟᱨᱛᱤᱭ ᱜᱚᱱᱫᱷᱚᱨᱚᱣ ᱢᱚᱸᱰᱚᱞ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱥᱮᱨᱮᱧ ᱵᱟᱡᱟᱣᱤᱡ ᱚᱞᱚᱝᱠᱚᱨ ᱧᱟᱢ ᱞᱮᱫ ᱟᱭ ᱾ ᱩᱱᱤ ᱟᱭᱤ ᱟᱭᱤ ᱴᱤ ᱠᱟᱱᱯᱩᱨ ᱨᱮ ᱥᱤᱠᱷᱚᱱ ᱦᱚᱸ ᱥᱟᱹᱛ ᱟᱠᱟᱫ ᱛᱟᱦᱮᱱ ᱜᱮᱭᱟᱭ ᱾ ᱑᱙᱗᱙ ᱨᱮ ᱩᱱᱤ ᱫᱚ ᱠᱟᱱᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱥᱚᱸᱥᱠᱨᱤᱛ ᱨᱮ ᱯᱚᱨᱟᱥᱱᱟᱛᱚᱠ ᱨᱮᱱᱟᱜ ᱰᱤᱜᱽᱨᱤ ᱧᱟᱢ ᱠᱮᱫᱟᱭ᱾

ᱠᱟᱹᱢᱤ ᱦᱚᱨᱟ ᱥᱟᱯᱲᱟᱣ

ᱩᱱᱤ ᱟᱡ ᱵᱟᱵᱟ ᱥᱚᱝᱠᱚᱨ ᱥᱨᱤᱯᱟᱫᱽ ᱵᱳᱫᱚᱥ ᱚᱝᱠᱟᱨᱱᱟ ᱴᱷᱟᱠᱩᱨ ᱟᱨ ᱣᱤᱱᱟᱭᱠᱚᱨᱟᱣ ᱯᱚᱴᱣᱚᱨᱫᱷᱚᱱ ᱨᱮᱱ ᱱᱟᱤᱦᱟᱜ ᱦᱚᱲ ᱮ ᱛᱟᱦᱮᱸᱜ ᱠᱟᱱᱟ, ᱟᱨ ᱵᱤᱥᱱᱩ ᱫᱤᱜᱚᱢᱵᱚᱨ ᱯᱚᱞᱩᱥᱠᱚᱨ ᱨᱮᱱᱟᱜ ᱮᱛᱚᱦᱚᱵ ᱯᱟᱹᱴᱷᱩᱣᱟᱹ ᱠᱚᱨᱮ ᱢᱤᱫ ᱟᱥᱚᱞ ᱜᱮᱭ ᱮ ᱛᱟᱦᱮᱸᱜ ᱠᱟᱱᱟ ᱡᱟᱦᱟᱸᱭ ᱵᱟᱰᱟᱭᱟᱱ ᱜᱚᱱᱫᱷᱚᱨᱣ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱮ ᱛᱷᱟᱯᱚᱱ ᱞᱮᱫ ᱟᱭ ᱾ ᱵᱚᱫᱟᱥ ᱫᱚ ᱵᱤᱥᱮᱥ ᱢᱮᱱᱛᱮᱭ ᱯᱟᱞᱩᱥᱠᱚᱨ ᱦᱚᱛᱮᱛᱮ ᱢᱩᱢᱵᱚᱭ ᱠᱷᱚᱱ ᱠᱟᱱᱯᱩᱨ ᱥᱮᱱᱚᱜ ᱟᱨ ᱵᱟᱡᱟᱣ ᱨᱮᱱᱜ ᱯᱟᱨᱥᱟᱞ ᱞᱟᱹᱜᱤᱫ ᱛᱮ ᱠᱟᱹᱢᱤ ᱞᱮᱫ ᱟᱭ ᱾ ᱑᱙᱒᱖ ᱨᱮ ᱵᱚᱫᱟᱥ ᱟᱨ ᱥᱟᱱᱛᱟ ᱠᱟᱸᱯᱩᱨ ᱥᱮᱱ ᱮᱱᱟᱭ, ᱢᱤᱫ ᱥᱚᱝᱜᱤᱛ ᱥᱟᱶᱛᱟ ᱨᱮᱱᱟᱜ ᱛᱷᱟᱯᱚᱱ ᱨᱮᱱᱟᱜ ᱟᱨ ᱯᱟᱹᱴᱷᱩᱣᱟ ᱠᱚ ᱯᱟᱲᱦᱟᱣ ᱮ ᱮᱦᱚᱵ ᱠᱮᱫᱟᱭ᱾

ᱜᱩᱨ ᱥᱟᱯᱲᱟᱣ

ᱣᱤᱬᱟ ᱛᱟᱭᱤ ᱫᱚ ᱒ ᱰᱤᱥᱮᱢᱵᱚᱨ ᱒᱐᱑᱒ ᱦᱤᱞᱚᱜ ᱟᱡᱟᱜ ᱱᱩᱪᱟᱹᱫ ᱵᱟᱡᱟᱣ ᱯᱨᱚᱜᱽᱨᱟᱢ ᱞᱮᱫ ᱟᱭ ᱾ ᱩᱱᱤ ᱫᱚ ᱯᱨᱚᱜᱚᱛᱤᱥᱤᱞ ᱚᱛᱤᱥᱚᱠᱨᱤᱭ ᱱᱟᱵᱷᱤᱠ, ᱢᱤᱫ ᱫᱩᱨᱞᱳᱵᱷ ᱚᱯᱪᱷᱳᱭᱤ ᱱᱭᱩᱨᱚᱞᱚᱡᱤ ᱨᱮ ᱛᱟᱦᱮᱱ ᱥᱟᱶ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱱᱟ ᱡᱟᱦᱟᱸ ᱫᱚ ᱢᱤᱫ ᱦᱚᱲ ᱜᱮᱥᱟᱭ ᱠᱷᱚᱱ ᱢᱤᱫ ᱫᱚ ᱯᱨᱚᱵᱷᱚᱣᱤᱛ ᱮᱫ ᱠᱚᱣᱟᱭ ᱾ ᱱᱚᱶᱟ ᱨᱩᱣᱟᱹ ᱟᱨᱮᱱᱟᱜ ᱚᱠᱟ ᱜᱮ ᱡᱩᱛ ᱞᱟᱹᱜᱤᱫ ᱛᱮ ᱪᱮᱫ ᱦᱚᱸ ᱩᱯᱟᱭ ᱜᱮ ᱵᱟᱝ ᱛᱟᱦᱮᱸᱜ ᱼ ᱠᱟᱱᱟ ᱾ ᱒᱙ ᱡᱩᱱ ᱒᱐᱑᱖ ᱦᱤᱞᱚᱜ ᱩᱱᱤᱭᱟᱜ ᱜᱩᱨ ᱦᱩᱭ ᱮᱱᱟ ᱾

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ