ᱤᱞᱟ ᱢᱤᱛᱨᱚ

ᱤᱞᱟ ᱢᱤᱛᱨᱚ (᱑᱘ ᱚᱠᱴᱚᱵᱟᱨ, ᱑᱙᱒᱕ — ᱑᱓ ᱚᱠᱴᱚᱵᱚᱨ, ᱒᱐᱐᱒) ᱫᱚ ᱢᱤᱫ ᱵᱟᱝᱜᱟᱞᱤ ᱢᱚᱦᱤᱭᱚᱥᱤ ᱛᱤᱨᱞᱟᱹ ᱦᱚᱲ ᱟᱨ ᱠᱨᱤᱥᱚᱠ ᱱᱮᱛᱨᱤᱭ ᱛᱟᱸᱦᱮᱸᱠᱟᱱᱟ᱾ ᱩᱱᱤᱫᱚ ᱛᱮᱵᱷᱟᱜᱟ ᱟᱱᱫᱳᱞᱳᱱ ᱨᱮ ᱞᱟᱦᱟᱨᱮᱭ ᱛᱟᱸᱦᱮᱸᱠᱟᱱᱛᱮᱭ ᱡᱟᱹᱥᱛᱤ ᱠᱚ ᱪᱤᱱᱦᱟᱹᱣᱮᱭᱟ᱾ ᱵᱟᱝᱞᱟ ᱨᱮᱱ ᱠᱤᱥᱟᱱ ᱞᱟᱹᱜᱤᱛ ᱩᱱᱤ ᱫᱚᱭ ᱞᱟᱹᱲᱦᱟᱹᱭ ᱟᱠᱟᱱᱟ᱾ ᱚᱱᱟ ᱠᱟᱠᱷᱟᱱᱟᱜ ᱛᱮ ᱟᱭᱢᱟ ᱱᱤᱨᱡᱟᱛᱚᱱᱮ ᱥᱟᱦᱟᱣ ᱟᱠᱟᱫᱟ᱾

Ila Mitra
Mitra in 1955
Member of the West Bengal Legislative Assembly for Maniktala
ᱟᱹᱢᱟᱹᱞᱤ ᱨᱮ 1962 – 1971, 1972-1977
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	Ranendra Nath Sen,Anila Debi
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	Anila Debi,Suhrid Mallick Chowdhury
ᱵᱟᱪᱱᱟᱣ ᱮᱞᱮᱠᱟ	Maniktala
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ	Ila Sen ᱑᱘ ᱚᱠᱴᱚᱵᱚᱨ ᱑᱙᱒᱕(1925-10-18) Kolkata, Bengal Presidency, British India
ᱜᱩᱨ	᱑᱓ ᱚᱠᱴᱚᱵᱚᱨ ᱒᱐᱐᱒ (᱗᱖ ᱵᱚᱭᱚᱥ) Kolkata, India
ᱨᱟᱡᱽᱟᱹᱨᱤ ᱫᱚᱞ	Communist Party of India
ᱡᱤᱭᱚᱱ ᱥᱚᱦᱮᱫ	Ramendra Mitra

ᱮᱛᱦᱚᱵ ᱡᱤᱭᱚᱱ

ᱤᱞᱟ ᱢᱤᱛᱨᱚ ᱑᱙᱒᱕ ᱥᱮᱨᱢᱟ ᱨᱮᱱᱟᱜ ᱑᱘ ᱚᱠᱴᱚᱵᱚᱨ ᱠᱳᱞᱠᱟᱛᱟᱨᱮᱭ ᱡᱟᱱᱟᱢ ᱞᱮᱱᱟ᱾ ᱟᱡ ᱵᱟᱵᱟ ᱱᱚᱜᱮᱱᱫᱨᱚᱱᱟᱛᱷ ᱥᱮᱱ ᱫᱚ ᱵᱨᱤᱴᱤᱥ ᱥᱚᱨᱠᱟᱨ ᱚᱫᱷᱤᱱ ᱵᱟᱝᱞᱟ ᱨᱮᱱ ᱮᱠᱟᱣᱱᱴᱮᱱᱴ ᱡᱮᱱᱟᱨᱮᱞᱮ ᱛᱟᱸᱦᱮᱸᱠᱟᱱᱟ᱾ ᱩᱱᱠᱩᱣᱟᱜ ᱢᱟᱨᱮ ᱚᱲᱟᱜ ᱫᱚ ᱡᱚᱥᱳᱨ ᱨᱮᱱᱟᱜ ᱡᱷᱤᱱᱟᱭᱫᱚᱦᱚ ᱨᱮᱱᱟᱜ ᱵᱟᱜᱩᱴᱤᱭᱟ ᱟᱛᱚ ᱨᱮ᱾ ᱟᱡ ᱵᱟᱵᱟᱣᱟᱜ ᱪᱟᱹᱠᱨᱤ ᱠᱟᱨᱚᱱ ᱛᱮᱜᱮ ᱩᱱᱠᱩ ᱫᱚ ᱠᱳᱞᱠᱟᱛᱟ ᱨᱮᱠᱚ ᱛᱟᱸᱦᱮᱸᱱ ᱠᱟᱱ ᱛᱟᱸᱦᱮᱸᱱᱟ᱾ ᱱᱚᱸᱰᱮᱜᱮ ᱤᱞᱟ ᱢᱤᱛᱨᱚ ᱫᱚ ᱚᱞᱚᱜ ᱯᱟᱲᱦᱟᱣ ᱟᱠᱟᱱᱟᱭ᱾ ᱠᱳᱞᱠᱟᱛᱟ ᱵᱮᱛᱷᱩᱱ ᱠᱚᱞᱮᱡᱽ ᱠᱷᱚᱱ ᱑᱙᱔᱔ ᱥᱮᱨᱢᱟ ᱨᱮ ᱵᱤ ᱮ ᱰᱤᱜᱨᱤᱭ ᱦᱟᱢᱮᱴ ᱞᱮᱫᱟ᱾ ᱤᱱᱟᱹ ᱛᱟᱭᱚᱢ ᱠᱳᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱑᱙᱕᱘ ᱥᱮᱨᱢᱟ ᱨᱮ ᱮᱢ ᱮ ᱰᱤᱜᱨᱤᱭ ᱦᱟᱢᱮᱴ ᱞᱮᱫᱟ᱾

ᱦᱩᱰᱤᱧ ᱨᱮᱫᱚ ᱱᱟᱱᱟᱱ ᱜᱟᱛᱮ ᱨᱮ ᱩᱱᱤ ᱫᱚ ᱟᱹᱰᱤ ᱵᱷᱟᱜᱮᱭ ᱛᱟᱸᱦᱮᱸᱠᱟᱱᱟ᱾ ᱑᱙᱓᱕ ᱠᱷᱚᱱ ᱑᱙᱓᱘ ᱫᱷᱟᱹᱵᱤᱡ ᱩᱱᱤ ᱜᱮ ᱨᱟᱡᱡᱚ ᱡᱩᱱᱤᱭᱚᱨ ᱮᱛᱷᱞᱮᱴᱤᱠ ᱪᱟᱢᱯᱤᱭᱚᱱᱮ ᱛᱟᱸᱦᱮᱸᱠᱟᱱᱟ᱾ ᱯᱟᱭᱨᱟ, ᱵᱟᱥᱠᱮᱴᱵᱚᱞ ᱟᱨ ᱵᱮᱰᱢᱤᱱᱴᱚᱱ ᱜᱟᱛᱮ ᱨᱮᱦᱚᱸ ᱟᱹᱰᱤ ᱛᱩᱠᱷᱟᱹᱲᱮ ᱛᱟᱸᱦᱮᱸᱠᱟᱱᱟ᱾ ᱩᱱᱤᱜᱮ ᱯᱟᱹᱦᱤᱞ ᱵᱟᱝᱜᱟᱞᱤ ᱠᱩᱲᱤ ᱦᱚᱯᱚᱱ ᱡᱟᱸᱦᱟᱸᱭ ᱫᱚ ᱑᱙᱔᱐ ᱥᱮᱨᱢᱟ ᱨᱮ ᱡᱟᱯᱟᱱ ᱨᱮ ᱦᱩᱭ ᱟᱠᱟᱱᱟ ᱚᱞᱤᱢᱯᱤᱠ ᱨᱮᱭ ᱱᱤᱨᱵᱟᱪᱤᱛᱚ ᱞᱮᱱᱟ᱾ ᱫᱚᱥᱟᱨ ᱡᱮᱜᱮᱛ ᱡᱟᱠᱟᱛ ᱞᱟᱹᱲᱦᱟᱭ ᱠᱟᱨᱚᱱᱛᱮ ᱚᱞᱤᱢᱯᱤᱠ ᱵᱟᱹᱛᱤᱞ ᱠᱟᱠᱷᱟᱱᱟᱜ ᱛᱮ ᱟᱨ ᱥᱮᱞᱮᱫᱽ ᱵᱟᱝ ᱦᱩᱭᱞᱮᱱ ᱛᱟᱭᱟ᱾ ᱜᱟᱛᱮ ᱵᱟᱫᱽ ᱠᱟᱛᱮ ᱥᱮᱨᱮᱧ, ᱚᱵᱷᱤᱱᱚᱭ ᱞᱮᱠᱟᱱ ᱥᱟᱛᱟᱢ ᱠᱚᱨᱮ ᱩᱱᱤᱭᱟᱜ ᱪᱷᱩᱴᱟᱹᱣ ᱛᱟᱸᱦᱮᱸᱠᱟᱱ ᱛᱟᱭᱟ᱾