ᱤᱰᱞᱤ

ᱤᱰᱞᱤ (IPA:ɪdliː), ᱫᱟᱪᱷᱤᱱ ᱥᱤᱧᱚᱛ ᱨᱮᱱᱟᱜ ᱡᱚᱢ ᱡᱤᱱᱤᱥ ᱠᱟᱱᱟ᱾ ᱱᱚᱶᱟ ᱯᱩᱸᱰ ᱨᱚᱝ ᱨᱮᱱᱟᱜ ᱵᱟᱱᱟᱣ ᱛᱟᱦᱮᱱ ᱠᱟᱱᱟ ᱞᱩᱢᱩᱝ ᱟᱨ ᱜᱩᱫᱜᱩᱫᱤ ᱞᱮᱠᱟ, ᱒-᱓ ᱤᱧᱪ ᱨᱮᱱᱟᱜ ᱣᱭᱟᱥ ᱨᱮᱱᱟᱜ ᱵᱟᱱᱟᱣ ᱛᱟᱦᱮᱱ ᱠᱟᱱᱟ᱾ ᱱᱚᱶᱟ ᱫᱚ ᱪᱟᱣᱞᱮ ᱟᱨ ᱩᱲᱷᱮᱫ ᱫᱟᱹᱞ ᱨᱮᱱᱟᱜ ᱫᱷᱩᱞᱤ ᱫᱟᱹᱞ ᱞᱚᱦᱚᱜ ᱠᱟᱛᱮ ᱯᱤᱥᱟᱣ ᱠᱟᱛᱮᱜ, ᱠᱷᱟᱢᱤᱨ ᱨᱟᱠᱟᱵ ᱠᱟᱛᱮᱜ ᱵᱟᱱᱟᱣ ᱠᱷᱚᱱ ᱵᱷᱟᱯ ᱨᱮ ᱥᱟᱯᱲᱟᱣ ᱦᱩᱭᱩᱜ ᱠᱟᱱᱟ᱾ ᱠᱷᱟᱢᱤᱨ ᱨᱟᱠᱟᱵ ᱨᱮᱱᱟᱜ ᱵᱟᱱᱟᱣ ᱛᱟᱨᱤᱠᱟ ᱫᱚ ᱜᱷᱚᱞ ᱠᱷᱚᱱ ᱵᱟᱱᱟᱣ ᱥᱟᱯᱲᱟᱣ ᱠᱟᱛᱮᱜ ᱛᱟᱦᱮᱱ ᱠᱟᱱᱟ᱾ ᱠᱷᱟᱢᱤᱨ ᱨᱟᱠᱟᱵ ᱨᱮᱱᱟᱜ ᱠᱟᱨᱚᱱ ᱢᱟᱨᱟᱝ ᱥᱴᱟᱨᱪ ᱟᱱᱩ ᱨᱮᱱᱟᱜ ᱠᱟᱹᱴᱤᱡᱽ ᱟᱱᱩᱠᱚ ᱨᱮ ᱨᱟᱹᱯᱩᱫᱚᱜ ᱠᱟᱱᱟ, ᱥᱮ ᱯᱟᱪᱚᱱ ᱠᱨᱤᱭᱟ ᱨᱮ ᱱᱚᱶᱟ ᱫᱚ ᱞᱟᱡ ᱞᱟᱹᱜᱤᱫ ᱟᱹᱰᱤ ᱟᱞᱜᱟ ᱣᱚᱜᱚᱜ ᱵᱟᱱᱟᱜ ᱠᱟᱱᱟ᱾

ᱤᱰᱞᱤ

ᱮᱴᱟᱜ ᱧᱩᱛᱩᱢ	ᱤᱰᱞᱤ
ᱠᱚᱨᱥ	ᱥᱮᱛᱟᱜ ᱡᱚᱢ
ᱡᱟᱱᱟᱢ ᱴᱷᱟᱶ	ᱥᱤᱵᱤᱞ ᱥᱟᱵᱠᱚᱸᱴᱮᱸᱴ
ᱴᱚᱴᱷᱟ ᱟᱨᱵᱟᱝ ᱯᱚᱱᱚᱛ	ᱠᱚᱧᱮ ᱥᱤᱧᱚᱛ
ᱡᱚᱲᱟᱣᱟᱱ ᱫᱤᱥᱟᱹᱢ ᱤᱥᱤᱱᱵᱟᱥᱟᱝ	ᱥᱤᱧᱚᱛ, ᱥᱤᱝᱜᱟᱯᱩᱨ, ᱥᱨᱤᱞᱟᱸᱠᱟ, ᱢᱟᱞᱟᱥᱤᱭᱟ
ᱵᱟᱥᱟᱝ ᱞᱚᱞᱚᱥᱚᱝ	Hot with a condiment such as sambar or chutney
ᱢᱩᱬ ᱤᱱᱜᱨᱤᱰᱮᱸᱴ	ᱦᱮᱸᱫᱮ ᱞᱮᱱᱴᱤᱱ (de-husked), ᱪᱟᱣᱞᱮ
ᱞᱮᱠᱟᱱ ᱵᱷᱮᱯᱮᱫ	ᱵᱚᱴᱚᱱ ᱤᱰᱞᱤ, ᱠᱟᱴᱮ ᱤᱰᱞᱤ, ᱥᱟᱱᱱᱟ, ᱥᱟᱢᱵᱟᱨ ᱤᱰᱞᱤ, ᱨᱟᱣᱟ ᱤᱰᱞᱤ
Cookbook: ᱤᱰᱞᱤ at Wikibooks   Media related to Media: ᱤᱰᱞᱤ at Wikimedia Commons

ᱟᱭᱥᱮ ᱩᱯᱦᱟᱨ ᱨᱮ ᱦᱟᱹᱴᱤᱧ ᱤᱫᱤ ᱟᱱᱟᱜ ᱡᱤᱱᱤᱥ ᱨᱮ ᱤᱰᱞᱤ ᱠᱚ ᱥᱮᱞᱮᱫ ᱨᱮ ᱱᱟᱹᱨᱠᱟᱹᱲ ᱨᱮᱱᱟᱜ ᱪᱟᱹᱴᱱᱤ ᱟᱨ ᱥᱟᱸᱵᱷᱚᱨ ᱨᱮᱱᱟᱜ ᱥᱟᱸᱜᱽ ᱦᱟᱹᱴᱤᱧ ᱦᱩᱭᱩᱜ ᱠᱟᱱᱟ᱾ ᱤᱰᱞᱤ ᱫᱚ ᱡᱮᱜᱮᱛ ᱨᱮᱱᱟᱜ ᱥᱟᱱᱟᱢ ᱠᱷᱚᱱ ᱥᱚᱨᱮᱥ ᱣᱚᱨᱫᱷᱚᱠ ᱡᱚᱢ ᱡᱤᱱᱤᱥ ᱵᱨᱮ ᱢᱟᱱᱟᱣ ᱟᱠᱟᱱᱟ᱾

ᱱᱟᱜᱟᱢ

ᱤᱰᱞᱤ ᱨᱮᱱᱟᱜ ᱫᱪᱷᱤᱱ ᱥᱤᱧᱚᱛ ᱨᱮ ᱡᱚᱢ ᱧᱩ ᱨᱮᱱᱟᱜ ᱡᱮᱞᱮᱝ ᱱᱟᱜᱟᱢ ᱢᱮᱱᱟᱜ ᱟ᱾ ᱱᱚᱶᱟ ᱨᱮᱱᱟᱜ ᱮᱱᱮᱢ ᱢᱮᱱᱟᱜ ᱟ ᱱᱚᱶᱟ ᱨᱮᱱᱟᱜ ᱮᱱᱮᱢ ᱥᱷᱤᱣᱠᱚᱴᱤ ᱟᱪᱟᱨᱭᱚ ᱨᱤᱱᱤᱡ ᱠᱟᱱᱟᱲ ᱯᱨᱟᱞᱮᱠᱷ ᱨᱮ ᱙᱒᱐ ᱨᱮ ᱧᱟᱢᱚᱜ ᱠᱟᱱᱟ᱾ ᱟᱨ ᱵᱟᱰᱟᱭ ᱧᱟᱢᱚᱜ ᱟᱠᱟᱱᱟ, ᱡᱮ ᱱᱚᱶᱟ ᱡᱚᱢ ᱡᱤᱱᱤᱥ ᱫᱚ ᱥᱩᱢᱩᱝ ᱩᱲᱟᱫ ᱫᱟᱹᱞ ᱨᱮᱱᱟᱜ ᱯᱤᱥᱟᱣ ᱟᱠᱟᱱ ᱜᱷᱚᱞ ᱨᱮᱱᱟᱜ ᱠᱤᱱᱣᱚᱱ ᱠᱷᱚᱱ ᱵᱟᱱᱟᱜ ᱠᱟᱱ ᱛᱟᱦᱮᱱᱟ ᱟᱨ ᱵᱟᱰᱟᱭ ᱧᱟᱢᱚᱜᱚᱜ ᱠᱟᱱᱟ, ᱡᱮ ᱱᱚᱶᱟ ᱡᱚᱢ ᱡᱤᱱᱤᱥ ᱫᱚ ᱥᱩᱢᱩᱝ ᱩᱲᱟᱫ ᱫᱟᱹᱞ ᱨᱮ ᱯᱤᱥᱟᱣ ᱠᱟᱛᱮᱜ ᱜᱷᱚᱞ ᱨᱮᱱᱟᱜ ᱠᱤᱱᱣᱚᱱ ᱠᱷᱚᱱ ᱜᱮ ᱵᱟᱱᱟᱜ ᱠᱟᱱᱟ᱾ ᱪᱟᱣᱩᱸᱶᱨᱟᱭ- ᱫᱣᱤᱛᱤᱭ, ᱯᱨᱚᱪᱤᱱᱛᱚᱢ ᱠᱟᱱᱟᱲ ᱵᱤᱫᱣᱚᱠᱚᱥᱷ ᱞᱚᱠᱚᱯᱠᱟᱨ ᱨᱮᱱᱤᱡ ᱨᱟᱪᱟᱭᱤᱛᱟ ᱮᱞ.᱑᱐᱒᱔ ᱨᱮ ᱣᱟᱨᱱᱤᱛ ᱦᱩᱭᱩᱜ ᱠᱟᱱᱟ, ᱤᱰᱞᱤ ᱵᱟᱱᱟᱣ ᱨᱮᱱᱟᱜ ᱵᱤᱫᱷᱤ᱾ ᱦᱮᱸᱫᱮ ᱩᱲᱟᱫ ᱫᱟᱹᱞ ᱫᱚ ᱪᱷᱟᱪ ᱨᱮ ᱞᱚᱦᱚᱜ ᱠᱟᱛᱮᱜ ᱚᱱᱟ ᱛᱟᱭᱚᱢ, ᱵᱟᱨᱤᱠ ᱨᱮ ᱫᱚᱦᱚᱭ ᱢᱮ ᱟᱨ ᱚᱱᱟ ᱫᱚ ᱫᱟᱦᱤ ᱨᱮᱱᱟᱜ ᱥᱟᱯᱷᱟ ᱫᱟᱜ ᱟᱨ ᱢᱟᱥᱟᱞᱟ ᱠᱚ ᱢᱤᱞᱟᱹᱣ ᱢᱮ᱾ ᱟᱨᱦᱚᱸ ᱚᱱᱟ ᱵᱷᱟᱯ ᱨᱮ ᱤᱥᱤᱱ ᱢᱮ᱾ ᱠᱟᱱᱱᱟᱲ ᱨᱟᱡᱟ ᱟᱨ ᱜᱭᱟᱱᱤ ᱥᱚᱢᱮᱥᱣᱚᱨ ᱛᱨᱤᱛᱤᱭᱚ ᱱᱤᱛᱟᱝ ᱠᱟᱨᱱᱟᱴᱟᱠ ᱨᱚᱡᱭᱚ ᱨᱮ ᱦᱩᱭᱩᱜ ᱠᱟᱱ ᱛᱟᱦᱮᱱ ᱟ᱾ ᱩᱱᱤ ᱦᱚᱸ ᱟᱡᱟᱜ ᱵᱟᱱᱟᱣ ᱵᱤᱫᱣᱚᱠᱚᱥᱷ ᱨᱮ ᱤᱰᱞᱤ ᱨᱮᱱᱟᱜ ᱡᱟᱭᱜᱟ᱾ ᱱᱚᱶᱟ ᱠᱚᱥᱷ ᱩᱱᱤ ᱴᱟᱱᱥᱚᱞᱞᱟᱥ ᱧᱩᱛᱩᱢ ᱛᱮ ᱑᱑᱓᱐ ᱤ ᱨᱮ ᱵᱟᱱᱟᱣ ᱟᱠᱟᱱ ᱛᱟᱤ᱾ ᱱᱚᱶᱟ ᱨᱮ ᱪᱟᱣᱞᱮ ᱠᱚ ᱢᱮᱥᱟ ᱠᱟᱛᱮᱜ ᱡᱟᱦᱟᱱ ᱵᱟᱰᱟᱭ ᱱᱟᱜᱟᱢ ᱜᱮᱭᱟᱭ ᱥᱟᱛᱟᱵᱚᱫᱤ ᱦᱟᱹᱵᱤᱡ ᱵᱟᱝ ᱧᱟᱢᱚᱜ ᱠᱟᱱᱟ᱾ ᱛᱟᱭᱱᱚᱢ ᱛᱮ ᱠᱷᱚᱡ ᱟᱠᱟᱱᱟ, ᱡᱮ ᱪᱟᱣᱞᱮ ᱢᱮᱥᱟ ᱞᱮᱠᱷᱟᱱ ᱠᱤᱱᱣᱟᱱ ᱨᱮᱱᱟᱜ ᱯᱨᱚᱠᱨᱤᱭᱟ ᱜᱟᱛᱤ ᱥᱟᱵᱚᱜ ᱠᱟᱱᱟ᱾ ᱦᱟᱞᱟᱸᱠᱤ ᱛᱚᱠᱷᱚᱱ ᱞᱟᱹᱭ ᱟᱠᱟᱱ ᱟᱫᱷᱟᱱ ᱥᱚᱢᱟᱱ ᱟᱸᱥᱷ ᱵᱚᱫᱚᱞ ᱮᱱᱟ, ᱮᱱᱨᱮᱦᱚᱸ ᱯᱟᱠ ᱵᱤᱫᱷᱤ ᱫᱚ ᱚᱱᱟ ᱠᱟᱱ ᱜᱤᱭᱟ᱾

ᱯᱟᱠ ᱤᱰᱞᱤ

ᱫᱟᱹᱞ ᱪᱟᱣᱞᱮ ᱨᱮᱱᱟᱜ ᱤᱰᱞᱤ ᱵᱟᱱᱟᱣ ᱞᱟᱹᱜᱤᱫ ᱛᱮ, ᱫᱟᱹᱞ ᱪᱟᱣᱞᱮ ᱫᱚ ᱞᱚᱦᱚᱜ ᱠᱟᱛᱮᱜ ᱯᱤᱥᱟᱣ ᱠᱟᱛᱮᱜ ᱢᱮᱥᱟ ᱥᱟᱯᱲᱟᱣ ᱦᱩᱭᱩᱜ ᱟᱨ ᱚᱱᱟ ᱢᱮᱥᱟ ᱠᱚ ᱯᱷᱚᱨᱢᱮᱸᱴ ᱦᱚᱸ ᱦᱩᱭ ᱫᱟᱲᱮᱭᱟᱜ ᱟ, ᱤᱰᱞᱤ ᱱᱟᱯᱟᱭ ᱞᱮᱠᱟᱛᱮ ᱥᱯᱚᱸᱡᱤ ᱛᱚᱵᱮ ᱵᱟᱱᱟᱜ ᱟ ᱡᱚᱠᱷᱚᱱ ᱢᱤᱥᱨᱚᱱ ᱱᱟᱯᱟᱭ ᱛᱮ ᱯᱷᱚᱨᱢᱮᱸᱴ ᱦᱩᱭ ᱟᱠᱟᱱᱟ᱾ ᱚᱱᱟᱛᱮ ᱥᱟᱱᱟᱢ ᱠᱷᱚᱱ ᱢᱟᱲᱟᱝ ᱥᱟᱯᱲᱟᱣ ᱦᱩᱭᱩᱜ ᱟ᱾ ᱡᱩᱫᱤ ᱥᱤᱸᱜᱮ ᱢᱟᱦᱟᱸ ᱨᱮ ᱤᱰᱞᱤ ᱵᱟᱱᱟᱣ ᱥᱟᱱᱟᱢᱮ ᱠᱷᱟᱱ, ᱞᱚᱞᱚ ᱯᱨᱟᱫᱮᱥᱷ ᱨᱮ ᱛᱟᱦᱮᱱ ᱟᱱ ᱧᱩᱦᱩᱢ ᱢᱟᱦᱟᱸ ᱦᱤᱞᱚᱜ ᱥᱮᱛᱟᱜ ᱜᱮ ᱫᱟᱹᱞ ᱞᱚᱦᱚᱜ ᱠᱟᱜ ᱟᱢ ᱫᱟᱲᱮᱭᱟᱜ ᱟ, ᱢᱮᱱᱠᱟᱷᱟᱱ ᱨᱮᱭᱟᱲ ᱫᱤᱥᱚᱢ ᱨᱮ ᱛᱟᱦᱮᱱ ᱟᱱ ᱠᱚ ᱡᱟᱹᱨᱩᱢ ᱢᱟᱦᱟᱸ ᱦᱤᱞᱚᱜ ᱞᱚᱦᱚᱜ ᱦᱩᱭᱩᱜ ᱟ, ᱪᱮᱫᱟᱜ ᱥᱮ ᱨᱮᱭᱟᱲ ᱨᱮ ᱯᱷᱚᱨᱢᱮᱸᱴ ᱫᱤᱨᱤ ᱦᱚᱸ ᱦᱩᱭ ᱫᱟᱲᱮᱭᱟᱜ ᱟ᱾