ᱤᱴᱟᱨᱥᱤ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ
ᱤᱴᱟᱨᱥᱤ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ (ᱥᱴᱮᱥᱚᱱ ᱠᱳᱰ: ET) ᱫᱚ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱦᱳᱥᱚᱝᱜᱟᱵᱟᱫᱽ ᱦᱚᱱᱚᱛ ᱨᱮ ᱢᱤᱫ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ ᱠᱟᱱᱟ ᱾[᱑][᱒] ᱡᱟᱦᱟᱸ ᱠᱷᱚᱱ ᱫᱤᱱᱟᱹᱢ ᱦᱤᱞᱚᱜ ᱔᱒᱐ ᱜᱚᱴᱟᱝ ᱠᱷᱚᱱ ᱡᱟᱹᱥᱛᱤ ᱨᱮᱞ ᱥᱮᱱᱚᱜᱼᱟ ᱾ ᱱᱚᱣᱟ ᱫᱚ ᱥᱤᱧᱚᱛ ᱨᱮᱱᱟᱜ ᱘ ᱟᱱᱟᱜ ᱟᱹᱰᱤ ᱵᱟᱹᱲᱛᱤ ᱠᱟᱹᱢᱤ ᱟᱠᱟᱱ ᱨᱮᱞᱣᱮ ᱡᱚᱸᱠᱥᱚᱱ ᱠᱟᱱᱟ ᱾[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ] ᱱᱚᱣᱟ ᱫᱚ ᱥᱤᱧᱚᱛᱤᱭᱟᱹ ᱨᱮᱞᱣᱮ ᱱᱮᱴᱣᱟᱨᱠ ᱨᱮᱱᱟᱜ ᱯᱟᱪᱮ ᱛᱟᱞᱢᱟ ᱨᱮᱞᱣᱮ ᱴᱚᱴᱷᱟ ᱨᱮ ᱢᱮᱱᱟᱜᱼᱟ ᱾ ᱴᱨᱮᱱ ᱦᱚᱛᱮᱛᱮ ᱱᱚᱣᱟ ᱫᱚ ᱦᱳᱥᱚᱝᱜᱟᱵᱟᱫᱽ ᱠᱷᱚᱱ ᱑᱘ ᱠᱤᱞᱚᱢᱤᱴᱚᱨ (᱑᱑ ᱢᱤᱞ) ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ, ᱟᱨ ᱥᱚᱲᱚᱠ ᱦᱚᱛᱮᱛᱮ ᱱᱚᱣᱟ ᱫᱚ ᱒᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱯᱚᱸᱰᱤᱛ ᱫᱤᱱ ᱫᱚᱭᱟᱞ ᱩᱯᱚᱫᱷᱭᱟᱭ ᱡᱚᱸᱠᱥᱚᱱ ᱟᱨ ᱱᱟᱜᱽᱯᱩᱨ ᱡᱚᱸᱠᱥᱚᱱ ᱛᱟᱭᱚᱢ ᱡᱚᱛᱚ ᱠᱷᱚᱱ ᱢᱩᱬ ᱡᱚᱸᱠᱥᱚᱱ ᱥᱴᱮᱥᱚᱱ ᱠᱟᱱᱟ ᱾[᱓] ᱒᱐᱑᱕ ᱥᱮᱨᱢᱟ ᱨᱮ ᱢᱤᱫᱴᱟᱹᱝ ᱜᱷᱚᱴᱚᱱ ᱨᱮ ᱥᱤᱜᱽᱱᱟᱞ ᱠᱚᱱᱴᱨᱚᱞ ᱥᱤᱥᱴᱮᱢ ᱵᱚᱫᱚᱞ ᱞᱮᱱᱟ, ᱡᱟᱦᱟᱸ ᱠᱷᱟᱹᱛᱤᱨ ᱛᱮ ᱓᱐ ᱢᱟᱦᱟᱸ ᱠᱷᱚᱱ ᱦᱚᱸ ᱰᱷᱮᱨ ᱚᱠᱛᱚ ᱞᱟᱹᱜᱤᱫ ᱛᱮ ᱛᱤᱱᱟᱹᱜ ᱜᱟᱱ ᱴᱨᱮᱱ ᱠᱚ ᱵᱚᱫᱚᱞ ᱞᱮᱫᱟ ᱾[᱔]
ᱤᱴᱟᱨᱥᱤ ᱡᱚᱸᱠᱥᱚᱱ | |
|---|---|
| ᱴᱚᱴᱷᱟᱠᱤᱭᱟᱹ ᱨᱮᱞ, ᱞᱟᱭᱤᱴ ᱨᱮᱞ ᱟᱨ ᱠᱚᱢᱩᱭᱩᱴᱚᱨ ᱨᱮᱞ | |
 ᱤᱴᱟᱨᱥᱤ ᱡᱚᱸᱠᱥᱚᱱ ᱵᱳᱨᱰ | |
| ᱢᱮᱱᱮᱞᱟ ᱠᱟᱛᱷᱟ | |
| ᱴᱷᱟᱶ | ᱯᱷᱩᱴ ᱚᱵᱷᱟᱨ ᱵᱨᱤᱡᱽ, ᱵᱷᱮᱱᱠᱟᱴᱮᱥ
ᱠᱚᱞᱚᱱᱤ, ᱤᱴᱟᱨᱥᱤ, ᱦᱚᱥᱟᱸᱜᱟᱵᱟᱫᱽ ᱦᱚᱱᱚᱛ, ᱢᱚᱫᱷᱭᱚ ᱯᱨᱚᱫᱮᱥ ᱥᱤᱧᱚᱛ |
| ᱚᱛᱱᱚᱜ ᱴᱷᱟᱶ | 22°36′29″N 77°46′01″E / 22.608°N 77.767°E |
| ᱩᱥᱩᱞ | 329.400 metres (1,080.71 ft) |
| ᱢᱟᱹᱞᱤᱠ ᱛᱟᱹᱨᱤ ᱨᱮ | ᱥᱤᱧᱚᱛᱤᱭᱟᱹ ᱨᱮᱞᱣᱮ |
| ᱪᱟᱪᱟᱣ | ᱯᱟᱪᱮ ᱛᱟᱞᱢᱟ ᱨᱮᱞᱣᱮ |
| ᱞᱟᱭᱤᱱ (ᱠᱚ) | ᱦᱟᱣᱲᱟ–ᱯᱨᱚᱭᱟᱜᱽᱨᱟᱡᱽ–ᱢᱩᱢᱵᱟᱭ ᱞᱟᱭᱤᱱ ᱫᱤᱞᱞᱤ–ᱪᱮᱱᱱᱟᱭ ᱞᱟᱭᱤᱱ |
| ᱯᱞᱮᱴᱯᱷᱚᱨᱢ | ᱘ |
| ᱴᱨᱮᱠ | ᱑᱑ |
| ᱮᱴᱟᱜ ᱠᱟᱛᱷᱟ ᱠᱚ | |
| ᱦᱟᱞᱚᱛ | ᱠᱟᱹᱢᱤᱦᱚᱨᱟ |
| ᱥᱴᱮᱥᱚᱱ ᱠᱳᱰ | ET |
| ᱴᱚᱴᱷᱟ (ᱠᱚ) | ᱯᱟᱪᱮ ᱛᱟᱞᱢᱟ ᱨᱮᱞᱣᱮ ᱴᱚᱴᱷᱟ |
| ᱦᱟᱹᱴᱤᱧ(ᱠᱚ) | ᱵᱷᱚᱯᱟᱞ |
| ᱤᱞᱮᱠᱴᱨᱤᱯᱷᱤᱠᱮᱥᱚᱱ | ᱢᱮᱱᱟᱜᱼᱟ |
| ᱴᱷᱟᱶ | |
  ᱤᱴᱟᱨᱥᱤ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ Location within ᱢᱚᱫᱷᱭᱚ ᱯᱨᱚᱫᱮᱥ  ᱤᱴᱟᱨᱥᱤ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ ᱤᱴᱟᱨᱥᱤ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ (India) | |
ᱵᱮᱱᱟᱣ ᱟᱨ ᱴᱷᱟᱶ
ᱥᱟᱯᱲᱟᱣᱤᱴᱟᱨᱥᱤ ᱨᱮᱞᱣᱮ ᱥᱴᱮᱥᱚᱱ ᱨᱮ ᱘ ᱜᱚᱴᱟᱝ ᱯᱞᱮᱴᱯᱷᱚᱨᱢ ᱢᱮᱱᱟᱜᱼᱟ ᱾ ᱯᱟᱥᱮᱱᱡᱚᱨ ᱠᱚ ᱡᱚᱛᱚ ᱞᱟᱹᱠᱛᱤ ᱯᱩᱨᱟᱹᱣ ᱞᱟᱹᱜᱤᱫ ᱛᱮ ᱯᱞᱮᱴᱯᱷᱚᱨᱢ ᱫᱚ ᱱᱟᱯᱟᱭ ᱛᱮ ᱛᱮᱭᱟᱨ ᱟᱠᱟᱱᱟ ᱾[᱑][᱓]
ᱡᱚᱲᱟᱣ
ᱥᱟᱯᱲᱟᱣᱤᱴᱟᱨᱥᱤ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ ᱫᱚ ᱡᱚᱛᱚ ᱴᱷᱟᱶ ᱠᱷᱚᱱ ᱜᱮ ᱡᱚᱲᱟᱣ ᱟᱠᱟᱱᱟ ᱾ ᱱᱚᱝᱠᱟ ᱛᱮ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱴᱷᱟᱶ ᱞᱟᱹᱜᱤᱫ ᱴᱨᱮᱱ ᱢᱮᱱᱟᱜᱼᱟ ᱾
ᱤᱴᱟᱨᱥᱤ ᱡᱚᱸᱠᱥᱚᱱ ᱨᱮ ᱴᱨᱮᱱ ᱨᱮᱱᱟᱜ ᱦᱮᱡ ᱥᱮᱱ ᱟᱨ ᱪᱟᱞᱟᱜ ᱨᱮᱱᱟᱜ ᱥᱟᱹᱛ ᱡᱟᱹᱛᱤᱭᱟᱹᱨᱤ ᱴᱨᱮᱱ ᱤᱱᱠᱣᱟᱭᱚᱨᱤ ᱥᱤᱥᱴᱮᱢ ᱦᱚᱛᱮᱛᱮ ᱞᱟᱭᱤᱵᱽ ᱥᱴᱮᱥᱚᱱ ᱦᱚᱛᱮᱛᱮ ᱧᱮᱞ ᱫᱟᱲᱮᱭᱟᱜᱼᱟ ᱾[᱕]
ᱞᱟᱭᱤᱱ ᱠᱚ
ᱥᱟᱯᱲᱟᱣᱡᱚᱸᱠᱥᱚᱱ ᱨᱮ ᱯᱟᱴᱨᱤ ᱠᱚ ᱱᱚᱝᱠᱟᱱ ᱜᱮᱭᱟ ᱡᱮ ᱚᱱᱟ ᱠᱚᱫᱚ ᱜᱚᱴᱟ ᱥᱮᱫ ᱢᱤᱫ ᱢᱟᱨᱟᱝ ᱡᱚᱯᱚᱲᱟᱣ ᱮ ᱮᱢᱚᱜᱼᱟ ᱾ ᱠᱚᱧᱮ ᱨᱮ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱢᱩᱬ ᱨᱟᱡᱽᱜᱟᱲ ᱵᱷᱚᱯᱟᱞ ᱢᱮᱱᱟᱜᱼᱟ ᱟᱨ ᱱᱚᱣᱟ ᱞᱟᱭᱤᱱ ᱱᱟᱶᱟ ᱫᱤᱞᱞᱤ ᱫᱷᱟᱹᱨᱤᱡ ᱪᱟᱞᱟᱜᱼᱟ ᱾ ᱥᱟᱢᱟᱝ ᱨᱮ ᱟᱨ ᱢᱤᱫᱴᱟᱹᱝ ᱢᱩᱬ ᱨᱮᱞᱣᱮ ᱡᱚᱸᱠᱥᱚᱱ ᱫᱚ ᱡᱟᱵᱟᱞᱯᱩᱨ ᱠᱟᱱᱟ ᱡᱟᱦᱟᱸ ᱠᱷᱚᱱ ᱞᱟᱭᱤᱱ ᱯᱨᱚᱭᱟᱜᱽᱨᱟᱡᱽ ᱟᱨ ᱦᱟᱣᱲᱟ ᱫᱷᱟᱹᱨᱤᱡ ᱪᱟᱞᱟᱜᱼᱟ ᱾ ᱮᱛᱚᱢ ᱯᱟᱪᱮ ᱨᱮ ᱫᱚ ᱠᱷᱟᱸᱰᱣᱟ ᱟᱨ ᱵᱷᱩᱥᱟᱣᱚᱞ ᱢᱮᱱᱟᱜᱼᱟ ᱡᱟᱦᱟᱸ ᱨᱮ ᱞᱟᱭᱤᱱ ᱢᱩᱢᱵᱟᱭ ᱥᱤ.ᱮᱥ.ᱢ.ᱴᱤ. ᱨᱮ ᱢᱩᱪᱟᱹᱫᱚᱜᱼᱟ, ᱟᱨ ᱮᱛᱚᱢ ᱯᱟᱪᱮ ᱨᱮ ᱫᱚ ᱟᱢᱞᱟ ᱡᱚᱸᱠᱥᱚᱱ, ᱵᱟᱭᱛᱩᱞ ᱟᱨ ᱱᱟᱜᱽᱯᱩᱨ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱪᱮᱱᱱᱟᱭ ᱥᱮᱱᱴᱨᱟᱞ ᱫᱷᱟᱹᱨᱤᱡ ᱪᱟᱞᱟᱜᱼᱟ ᱾ ᱥᱴᱮᱥᱚᱱ ᱨᱮ ᱟᱹᱰᱤ ᱜᱮ ᱴᱨᱟᱯᱷᱤᱠ ᱛᱟᱦᱮᱸᱱᱟ ᱪᱮᱫᱟᱜ ᱥᱮ ᱦᱟᱣᱲᱟ-ᱯᱨᱚᱭᱟᱜᱽᱨᱟᱡᱽ-ᱢᱩᱢᱵᱟᱭ ᱞᱟᱭᱤᱱ ᱟᱨ ᱡᱷᱟᱸᱥᱤ-ᱵᱷᱚᱯᱟᱞ-ᱱᱟᱜᱽᱯᱩᱨ ᱰᱟᱦᱟᱨ ᱨᱮ ᱴᱨᱮᱱ ᱠᱚ ᱤᱴᱟᱨᱥᱤ ᱞᱮᱠᱟᱛᱮ ᱪᱟᱞᱟᱜᱼᱟ ᱾
ᱞᱳᱠᱳ ᱥᱮᱰ ᱠᱚ
ᱥᱟᱯᱲᱟᱣᱤᱞᱮᱠᱴᱨᱤᱠ ᱞᱳᱠᱳ ᱥᱮᱰ, ᱤᱴᱟᱨᱥᱤ ᱨᱮ WAP-4, WAP-7 ᱟᱨ WAG-9 ᱛᱷᱚᱠ ᱨᱮᱱᱟᱜ ᱤᱱᱡᱤᱱ ᱢᱮᱱᱟᱜᱼᱟ ᱾ ᱱᱚᱣᱟ ᱨᱮᱱᱟᱜ ᱥᱩᱵᱤᱫᱷᱟ ᱫᱟᱲᱮ ᱑᱗᱕ ᱞᱚᱠᱳᱢᱳᱴᱤᱵᱽ ᱢᱮᱱᱟᱜᱼᱟ ᱾ ᱱᱚᱣᱟ ᱨᱮᱱᱟᱜ ᱯᱩᱭᱞᱩ ᱨᱳᱞᱤᱝ ᱥᱴᱚᱠ ᱫᱚ WAM-4 (ᱡᱚᱛᱚ ᱫᱚ ᱨᱩᱣᱟᱹᱲᱞᱮᱱᱟ ᱟᱨᱵᱟᱝ ᱚᱸᱰᱚᱠ ᱟᱠᱟᱱᱟ) ᱟᱨ WAG-5 (ᱡᱚᱛᱚ ᱫᱚ NKJ ᱨᱮ ᱦᱮᱡ ᱟᱠᱟᱱᱟ) ᱛᱟᱦᱮᱸ ᱠᱟᱱᱟ ᱾
ᱱᱤᱛᱚᱜ ᱱᱚᱣᱟ ᱨᱮ ᱗᱕ ᱣᱮᱯᱤ-᱔, ᱒᱕ ᱣᱮᱯᱤ-᱗ ᱟᱨ ᱕᱕ ᱣᱮᱜᱤ-᱙ ᱢᱮᱱᱟᱜᱼᱟ ᱾
ᱰᱤᱡᱮᱞ ᱞᱳᱠᱳ ᱥᱮᱰ, ᱤᱴᱟᱨᱥᱤ ᱨᱮᱦᱚᱸ ᱟᱞᱠᱳ ᱟᱨ ᱤ.ᱮᱢ.ᱰᱤ. ᱢᱚᱰᱮᱞ ᱰᱤᱡᱮᱞ ᱞᱳᱠᱳᱢᱳᱴᱤᱵᱽ ᱠᱚᱦᱚᱸ ᱢᱮᱱᱟᱜᱼᱟ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ ᱑.᱐ ᱑.᱑ "Itarsi Junction railway station". Retrieved 2 June 2018.
- ↑ "ITARSI JN (ET) Railway Station". NDTV. Retrieved 22 Feb 2019.
- ↑ ᱓.᱐ ᱓.᱑ "Overview of Itarsi Railway Station – ET". Retrieved 22 Feb 2019.
- ↑ "ITARSI RRI fire – Not an Ordinary Disruption" (PDF). Archived from the original (PDF) on 22 February 2019. Retrieved 22 Feb 2019.
- ↑ "Indian Railways National Train Enquiry System". Retrieved 2 June 2018.