ᱥᱚᱢᱟᱡ
ᱥᱚᱢᱟᱡ ᱦᱩᱭᱩᱜ ᱠᱟᱱᱟ ᱱᱚᱝᱠᱟᱱ ᱢᱤᱫ ᱴᱟᱝ ᱵᱮᱵᱚᱥᱛᱷᱟ,ᱡᱟᱦᱟᱨᱮ ᱟᱭᱢᱟ ᱦᱚᱲ ᱢᱤᱫ ᱠᱟᱛᱮᱜ,ᱢᱤᱫ ᱥᱟᱶᱛᱮ ᱥᱩᱠ ᱥᱟ.ᱱᱛᱤ ᱛᱮ,ᱱᱤᱨᱚᱲ ᱢᱚᱱᱮᱛᱮ ᱛᱟᱸᱦᱮᱱ ᱞᱟᱹᱜᱤᱫ,ᱠᱤᱪᱷᱩ ᱟ.ᱱ ᱟ.ᱨᱤ ᱠᱚ ᱛᱮᱭᱟᱨ ᱠᱟᱛᱮᱜ ᱡᱤᱭᱟ.ᱱ ᱠᱷᱟᱸᱰᱟᱣ ᱨᱮᱱᱟᱜ ᱯᱚᱨᱤᱵᱮᱥᱠᱳ ᱛᱮᱭᱟᱨ ᱨᱟᱠᱟᱵᱟ ᱾ ᱢᱟ.ᱱᱢᱤ ᱠᱚᱫᱚ,ᱢᱤᱫ ᱦᱚᱲ ᱟᱨ ᱵᱟᱝᱠᱷᱟᱱ ᱟᱭᱢᱟ ᱦᱚᱲ ᱢᱤᱫ ᱠᱟᱛᱮᱜ ᱚᱞᱵᱤᱞ ᱛᱟᱞᱟᱛᱮ ᱟᱨ ᱵᱟᱝᱠᱷᱟᱱ ᱵᱤᱱᱟ. ᱚᱞᱵᱤᱞ ᱛᱟᱞᱟᱛᱮ ᱥᱚᱢᱟᱡᱽ ᱞᱟ.ᱜᱤᱫ ᱠᱤᱪᱷᱩ ᱟ.ᱱ ᱟ.ᱨᱤᱠᱳ ᱛᱮᱭᱟᱨᱟ,ᱱᱚᱱᱠᱟᱱ ᱟ.ᱱ ᱟᱨᱤ ᱟᱛᱮᱜ ᱢᱤᱫ ᱥᱟᱶᱛᱮ ᱛᱟᱦᱮᱱ ᱵᱮᱵᱚᱥᱛᱷᱟᱜᱮ ᱥᱚᱢᱟᱡᱽ ᱠᱚ ᱢᱮᱛᱟᱜᱼᱟ ᱾ ᱢᱟ.ᱱᱢᱤ ᱪᱷᱟᱰᱟ ᱡᱤᱵ ᱡᱤᱭᱟ.ᱠᱤ ᱠᱚᱣᱟᱜ ᱢᱩᱫᱽ ᱨᱮᱦᱚᱸ ᱱᱚᱱᱠᱟᱱ ᱥᱚᱢᱟᱡ ᱵᱮᱵᱚᱥᱛᱷᱟ ᱧᱮᱞᱚᱜ ᱜᱮᱭᱟ ᱾ ᱢᱮᱱᱠᱷᱟᱱ,ᱢᱟ.ᱱᱢᱤᱠᱳ ᱞᱮᱠᱟ ᱩᱱᱠᱚᱣᱟᱜ ᱫᱚ ᱛᱚᱞ ᱟ.ᱱ ᱟ.ᱨᱤ ᱵᱟᱝ ᱧᱮᱞᱚᱜᱼᱟ᱾ ==ᱟ.ᱱ ᱟ.ᱨᱤ== ᱥᱚᱢᱟᱡᱽ ᱢᱚᱸᱡᱽᱛᱮ ᱪᱟᱞᱟᱣ ᱞᱟ.ᱜᱤᱫ ᱠᱤᱪᱷᱩ ᱟ.ᱱ ᱟ.ᱨᱤ ᱠᱚ ᱛᱟᱸᱦᱮᱱᱟ ᱾ ᱚᱱᱟ ᱠᱚᱫᱚ ᱥᱚᱢᱟᱡ ᱨᱮ ᱛᱟᱸᱦᱮᱱ ᱥᱟᱱᱟᱢ ᱦᱚᱲᱼᱟᱜ ᱵᱷᱟ.ᱞᱟ.ᱭ ᱞᱟᱹᱜᱤᱫ ᱛᱮᱭᱟᱨᱚᱜᱼᱟ ᱾ ᱥᱚᱢᱟᱡᱽ ᱨᱮ ᱡᱟᱛᱮ ᱵᱟ.ᱲᱤᱡ ᱠᱟ.ᱢᱤ ᱠᱟ.ᱢᱤᱠᱳ ᱵᱟᱝ ᱵᱚᱞᱚᱱ ᱥᱮ ᱵᱟ.ᱲᱤᱡ ᱠᱟ.ᱢᱤ ᱨᱮᱱᱟᱜ ᱚᱨᱥᱚᱝ ᱠᱚ ᱥᱟ.ᱜᱤᱧ ᱨᱮ ᱛᱟᱸᱦᱮ,ᱚᱱᱟ ᱧᱮᱞ ᱫᱟᱨᱟᱢ ᱥᱚᱢᱟᱡ ᱨᱮᱱ ᱥᱟᱱᱟᱢ ᱦᱚᱲᱼᱟᱜ ᱛᱟᱸᱦᱮᱱᱟ ᱾ ᱢᱮᱱᱠᱷᱟᱱ ᱱᱚᱣᱟᱠᱳ ᱧᱮᱞ ᱫᱟᱨᱟᱢ ᱞᱟ.ᱜᱤᱫ ᱥᱮ ᱥᱚᱢᱟᱡ ᱪᱟᱼᱪᱟᱞᱟᱣ ᱞᱟ.ᱜᱤᱫ ᱠᱤᱪᱷᱩ ᱢᱩᱠᱷᱽᱭᱟ./ᱢᱟᱺᱡᱷᱤ ᱥᱮ ᱯᱨᱚᱥᱟᱥᱚᱠ ᱠᱚ ᱛᱟᱸᱦᱮᱱᱟ ᱾ ᱱᱩᱠᱩ ᱜᱮ ᱵᱟ.ᱲᱤᱡ ᱠᱟ.ᱢᱤ ᱦᱚᱲ ᱫᱚ ᱠᱟ.ᱭ ᱨᱮᱱᱟᱜ ᱠᱩᱲᱟ.ᱭ ᱠᱚ ᱜᱚᱴᱟᱭ ᱛᱟᱠᱚᱣᱟ ᱾ ᱥᱚᱢᱟᱡ ᱨᱮ ᱛᱟᱸᱦᱮᱱ ᱦᱚᱲ ᱠᱚ ᱢᱩᱫ ᱨᱮ ᱡᱮᱞᱮᱠᱟ ᱢᱤᱫ ᱦᱚᱲ ᱪᱮᱛᱟᱱ ᱟᱨ ᱢᱤᱫ ᱦᱚᱲᱼᱟᱜ ᱫᱩᱞᱟ.ᱲ,ᱫᱟᱭᱟ ᱢᱟᱭᱟ,ᱜᱚᱲᱟᱜᱚᱯᱚᱲᱚᱜ,ᱵᱚᱭᱦᱟ ᱥᱟ.ᱜᱟ.ᱭ ᱛᱮᱭᱟᱨ ᱫᱟᱲᱮᱭᱟᱜᱼᱟ ᱚᱱᱠᱟᱜᱮ ᱦᱤᱨᱠᱟ.,ᱦᱤᱝᱥᱟ.,ᱞᱳᱵᱷ,ᱞᱟᱞᱚᱪ,ᱫᱩᱥᱢᱚᱱ ᱦᱚᱸ ᱠᱚ ᱛᱟᱸᱦᱮ ᱫᱟᱲᱮᱭᱟᱜᱼᱟ ᱾ ᱚᱱᱟᱛᱮ ᱥᱚᱢᱟᱡ ᱵᱮᱵᱚᱥᱛᱷᱟ ᱢᱚᱸᱡᱽ ᱛᱮ ᱫᱚᱦᱚ ᱞᱟ.ᱜᱤᱫ ᱟ.ᱱ ᱟ.ᱨᱤ ᱫᱚ ᱛᱮᱭᱟᱨᱚᱜᱼᱟ ᱾ ᱟᱨ ᱡᱟᱦᱟᱭ ᱱᱚᱣᱟ ᱟ.ᱱ ᱟ.ᱨᱤᱠᱳ ᱵᱟᱭ ᱢᱟᱵᱟᱣ ᱵᱟᱛᱟᱣᱼᱟ,ᱩᱱᱤ ᱞᱟ.ᱜᱤᱫ ᱫᱚ ᱥᱚᱢᱟᱡᱽ ᱠᱤᱪᱷᱩ ᱥᱟ.ᱥᱛᱤ ᱪᱟᱞ ᱟᱭᱟ ᱾ ᱥᱚᱢᱟᱡᱽ ᱢᱚᱸᱡᱽ ᱪᱟᱞᱟᱣ ᱞᱟ.ᱜᱤᱫ ᱥᱮ ᱥᱚᱢᱟᱡᱽ ᱨᱮᱱ ᱦᱚᱲ ᱥᱩᱠ ᱥᱟ.ᱱᱛᱤ ᱫᱚᱦᱚ ᱞᱟ.ᱜᱤᱫ,ᱥᱚᱢᱟᱡᱽ ᱛᱚᱞ ᱫᱚᱦᱟ ᱞᱟ.ᱜᱤᱫ ᱟ.ᱱ ᱟ.ᱨᱤ ᱟ.ᱰᱤ ᱞᱟᱠᱛᱤ ᱢᱮᱱᱟᱜᱼᱟ ᱾ ᱚᱱᱟ ᱥᱟᱶᱛᱮ ᱥᱚᱢᱟᱡᱽ ᱨᱮ ᱛᱟᱸᱦᱮᱱ ᱠᱟᱱᱠᱳ ᱥᱟᱱᱟᱢ ᱦᱚᱲᱼᱟᱜ ᱜᱚᱲᱚᱥᱚᱯᱚᱲᱦᱚᱫ ᱨᱮᱱᱟᱜ ᱦᱚᱸ᱾