ᱥᱚᱨᱚᱛᱪᱚᱱᱫᱨᱚ ᱪᱚᱴᱭᱚᱯᱟᱫᱷᱭᱟᱭ
ᱥᱚᱨᱚᱛᱪᱚᱱᱫᱽᱨᱚ ᱪᱚᱴᱭᱚᱯᱟᱫᱷᱭ (᱑᱕ ᱥᱮᱯᱴᱮᱢᱵᱚᱨ ᱑᱘᱗᱖ ᱑᱖ ᱡᱟᱱᱩᱣᱟᱨᱤ ᱑᱙᱓᱘; ᱓᱑ ᱵᱷᱟᱫᱚᱨ ᱑᱒᱘᱓ - ᱒ ᱢᱟᱜᱷ ᱑᱓᱔᱔ ᱵᱚᱝᱜᱟᱵᱟᱫᱚ) ᱫᱚ ᱢᱤᱫ ᱵᱮᱝᱜᱚᱞᱤ ᱚᱱᱚᱞᱤᱭᱟᱹ,ᱜᱟᱢᱟᱢᱤᱭᱟᱹᱹ , ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱮᱛᱚᱢ ᱮᱥᱤᱭᱟ ᱟᱨ ᱵᱟᱝᱞᱟ ᱯᱟᱹᱨᱥᱤ ᱨᱮᱱ ᱢᱤᱫ ᱧᱩᱛᱩᱢᱟᱱ ᱚᱱᱚᱞᱤᱭᱟᱹ ᱠᱟᱱᱟᱭ ᱾ ᱯᱷᱚᱨᱟᱥᱤ ᱨᱮᱱ ᱮᱢᱤᱞ ᱡᱳᱞᱟ ᱫᱚ ᱚᱞᱚᱜ ᱨᱮᱱ ᱜᱩᱨᱩ ᱠᱟᱱᱟᱭ᱾ ᱟᱡᱟᱜ ᱟᱹᱰᱤ ᱜᱟᱱ ᱚᱱᱚᱞ ᱥᱤᱧᱚᱛ ᱨᱮᱱᱟᱜ ᱢᱩᱬᱩᱛ ᱯᱟᱹᱨᱥᱤ ᱠᱚ ᱨᱮ ᱛᱚᱨᱡᱚᱢᱟ ᱟᱠᱟᱱᱟ ᱾ ᱵᱟᱲᱚᱫᱤᱫᱤ (᱑᱙᱑᱓), ᱯᱚᱨᱤᱱᱤᱛᱟ (᱑᱙᱑᱔), ᱯᱚᱞᱞᱤᱥᱥᱚᱢᱟᱡᱽ (᱑᱙᱑᱖), ᱫᱮᱵᱽᱫᱟᱥ (᱑᱙᱑᱗), ᱪᱚᱨᱚᱛᱨᱚᱦᱤᱱ (᱑᱙᱑᱗), ᱥᱨᱤᱠᱟᱱᱛᱚ (᱔ ᱦᱟᱹᱴᱤᱧ ᱨᱮ ᱑᱙᱑᱗-᱑᱙᱓᱓), ᱫᱚᱛᱛᱟ (᱑᱙᱑᱘), ᱜᱨᱤᱦᱚ ᱫᱟᱦᱚ (᱑᱙᱒᱐), ᱯᱚᱛᱷᱮᱨ ᱫᱟᱵᱤ (᱑᱙᱒᱖), ᱥᱮᱥ ᱯᱨᱚᱥᱱᱚ(᱑᱙᱓᱑) ᱮᱢᱟᱱ ᱥᱚᱨᱚᱛ ᱪᱚᱱᱫᱨᱚ ᱟᱜ ᱧᱩᱛᱩᱢᱟᱱ ᱜᱟᱢᱟᱢ ᱠᱟᱱᱟ ᱾ ᱩᱱᱤ ᱫᱚ ᱵᱟᱝᱜᱽᱞᱟ ᱥᱟᱶᱦᱮᱫ ᱨᱮᱱᱟᱜ ᱱᱟᱜᱟᱢ ᱨᱮ "ᱚᱯᱚᱨᱟᱡᱮᱭᱚ ᱠᱚᱛᱷᱟᱥᱤᱞᱯᱤ" ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱᱟᱭ ᱾ ᱩᱱᱤ ᱫᱚ ᱠᱚᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱑᱙᱒᱓ ᱥᱟᱞᱮ ᱨᱮ ᱡᱚᱜᱚᱛᱛᱚᱨᱤᱱᱤ ᱥᱚᱨᱚᱱᱚ ᱢᱮᱰᱟᱞ ᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱟᱨᱦᱚᱸ, ᱩᱱᱤ ᱫᱚ ᱑᱙᱓᱖ ᱥᱟᱞᱮ ᱨᱮ ᱰᱷᱟᱠᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ 'ᱰᱤᱞᱤᱴ' ᱧᱩᱛᱩᱢ ᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱥᱚᱨᱚᱛᱪᱚᱱᱫᱽᱨᱚ ᱟᱜ ᱟᱭᱢᱟ ᱚᱱᱚᱞ ᱯᱷᱤᱞᱢ ᱨᱮ ᱵᱮᱱᱟᱣ ᱟᱠᱟᱱᱟ ᱾
ᱡᱟᱱᱟᱢ ᱟᱨ ᱜᱷᱟᱨᱚᱧᱪ
ᱥᱟᱯᱲᱟᱣᱥᱚᱨᱚᱛ ᱪᱚᱱᱫᱨᱚ ᱪᱚᱴᱭᱚᱯᱟᱫᱷᱭᱟᱭ ᱫᱚ ᱓᱑ , ᱑᱒᱘᱓ ᱵᱚᱝᱜᱚᱵᱚᱫᱽ (᱑᱕ ᱥᱮᱯᱴᱮᱢᱵᱚᱨ ᱑᱘᱗᱖) ᱦᱤᱞᱚᱜ ᱵᱨᱤᱴᱤᱥ ᱥᱤᱧᱚᱛ ᱨᱮᱱᱟᱜ ᱯᱨᱮᱥᱤᱰᱮᱱᱥᱤ ᱨᱮᱱᱟᱜ ᱦᱩᱜᱽᱞᱤ ᱦᱚᱱᱚᱛ ᱨᱮᱱᱟᱜ ᱫᱮᱵᱟᱱᱚᱱᱫᱚᱯᱩᱨ ᱟᱹᱛᱩ ᱨᱮ ᱢᱤᱫ ᱵᱨᱟᱢᱦᱚᱱ / ᱵᱟᱸᱢᱲᱮ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡ ᱯᱩᱨᱵᱚᱡᱽ ᱠᱚᱣᱟ ᱜᱤᱨᱟᱹᱵᱟᱥ ᱯᱚᱪᱷᱤᱢ ᱵᱟᱸᱜᱽᱞᱟ ᱯᱚᱱᱚᱛ ᱨᱮᱱᱟᱜ ᱮᱛᱚᱢ ᱒᱔ ᱯᱟᱨᱜᱟᱱᱟ ᱦᱚᱱᱚᱛ ᱨᱮᱱᱟᱜ ᱠᱟᱪᱲᱟᱯᱟᱲᱟ ᱥᱩᱨ ᱨᱮ ᱢᱟᱢᱩᱫᱽᱯᱩᱨ ᱟᱹᱛᱳ ᱨᱮ ᱛᱟᱦᱮᱸ ᱠᱟᱱᱟᱭ ᱾ ᱫᱮᱵᱟᱱᱚᱱᱫᱚᱯᱩᱨ ᱫᱚ ᱟᱡ ᱵᱟᱵᱟ ᱟᱜ ᱢᱩᱛᱤᱞᱟᱞ ᱛᱟᱦᱮᱸ ᱠᱟᱱᱟ ᱾ ᱟᱡ ᱵᱟᱵᱟ ᱫᱚ ᱢᱩᱛᱤᱞᱟᱞ ᱪᱚᱴᱭᱚᱯᱟᱫᱷᱭᱟᱭ ᱟᱨ ᱮᱸᱜᱟᱛ ᱫᱚ ᱵᱷᱩᱵᱚᱱᱢᱚᱦᱤᱱᱤ ᱫᱮᱵᱤ ᱾ ᱟᱡ ᱟᱭᱚ ᱫᱚ ᱮᱛᱚᱢ ᱒᱔ ᱯᱟᱨᱜᱟᱱᱟ ᱦᱚᱱᱚᱛ ᱨᱮᱱᱟᱜ ᱦᱟᱞᱤᱥᱚᱦᱚᱨ ᱨᱮᱱ ᱨᱟᱢᱫᱷᱚᱱ ᱜᱚᱝᱜᱚᱯᱚᱫᱷᱭᱟᱭᱤᱡ ᱢᱟᱨᱟᱝ ᱜᱤᱫᱽᱨᱟ. ᱠᱮᱰᱟᱨᱱᱟᱛᱷ ᱜᱚᱝᱜᱚᱯᱚᱫᱷᱭᱟᱭᱤᱡ ᱠᱩᱲᱤ ᱠᱟᱱᱟᱭ ᱾ ᱜᱚᱝᱜᱚᱯᱚᱫᱷᱭᱟᱭ ᱫᱚ ᱵᱷᱚᱜᱚᱞᱯᱩᱨ ᱨᱮᱠᱚ ᱛᱟᱦᱮᱸ ᱠᱟᱱᱟ ᱾ ᱟᱡ ᱫᱚ ᱯᱩᱱᱭᱟᱹ ᱵᱚᱭᱦᱟ ᱟᱨ ᱠᱩᱲᱤ ᱨᱮᱱ ᱫᱚᱥᱟᱨ ᱜᱤᱫᱽᱨᱟ. ᱩᱱᱠᱩ ᱫᱚ ᱟᱱᱤᱞᱟ ᱫᱮᱵᱤ ᱵᱮᱜᱚᱨ ᱦᱚᱸ ᱵᱟᱨᱭᱟ ᱵᱚᱭᱦᱟ ᱯᱨᱚᱵᱟᱥ ᱪᱚᱸᱫᱽᱨᱚ ᱟᱨ ᱯᱨᱚᱵᱟᱥ ᱪᱚᱸᱫᱽᱨᱚ ᱟᱨ ᱢᱤᱫ ᱢᱤᱥᱨᱟ ᱠᱩᱲᱤ ᱥᱩᱥᱤᱞᱟ ᱫᱮᱵᱤ ᱛᱟᱦᱮᱸ ᱠᱟᱱᱟᱭ ᱾ ᱥᱚᱨᱚᱛᱪᱚᱱᱫᱨᱚ ᱟᱜ ᱦᱚᱦᱚ ᱧᱩᱛᱩᱢ ᱱᱮᱲᱟ ᱛᱟᱦᱮᱸ ᱠᱟᱱᱟ ᱾ ᱥᱚᱨᱚᱛ ᱪᱚᱱᱫᱨᱚ ᱫᱚ ᱟᱡᱟᱜ ᱜᱤᱫᱽᱨᱟᱹ ᱚᱠᱛᱚ ᱨᱮ ᱵᱷᱟᱜᱚᱞᱯᱩᱨ ᱨᱮ ᱛᱟᱦᱮᱸ ᱠᱟᱱᱟ ᱾[᱑]
ᱥᱮᱪᱮᱫ ᱡᱤᱭᱚᱱ
ᱥᱟᱯᱲᱟᱣᱥᱚᱨᱚᱛᱪᱚᱸᱫᱽᱨᱚ ᱫᱚ ᱯᱩᱱ ᱥᱮᱨᱢᱟ ᱩᱢᱮᱨ ᱨᱮᱜᱮ ᱢᱳᱴᱤᱞᱟᱞ ᱫᱚ ᱫᱮᱵᱟᱱᱚᱱᱫᱚᱯᱩᱨ ᱨᱮ ᱯᱟᱨᱤ ᱯᱚᱸᱰᱤᱛ ᱟᱜ ᱟᱥᱲᱟ ᱨᱮ ᱥᱮᱞᱮᱫ ᱞᱮᱫᱟᱭ, ᱡᱟᱦᱟᱸᱨᱮ ᱩᱱᱤ ᱫᱚ ᱵᱟᱨ ᱥᱮ ᱯᱮ ᱥᱮᱨᱢᱟ ᱯᱟᱲᱦᱟᱣ ᱞᱮᱱᱟᱭ ᱾ ᱛᱟᱭᱚᱢ ᱵᱷᱚᱡᱽᱞᱯᱩᱨ ᱥᱚᱦᱚᱨ ᱨᱮ ᱟᱡ ᱢᱟᱢᱚ ᱫᱚ ᱟᱡ ᱫᱚ ᱫᱩᱨᱜᱟᱪᱟᱨᱚᱱ ᱟᱜ ᱟᱥᱲᱟ ᱨᱮ ᱥᱠᱳᱞᱟᱨᱥᱤᱯ ᱨᱮ ᱥᱮᱞᱮᱫ ᱞᱮᱫᱟᱭ ᱾ ᱑᱘᱘᱗ ᱥᱮᱨᱢᱟ ᱨᱮ ᱥᱚᱨᱚᱛᱪᱚᱸᱫᱽᱨᱚ ᱫᱚ ᱵᱷᱟᱜᱚᱞᱯᱩᱨ ᱡᱤᱞᱞᱟ ᱟᱥᱲᱟ ᱨᱮ ᱥᱮᱞᱮᱫ ᱞᱮᱱᱟᱭ ᱾ ᱑᱘᱘᱙ ᱥᱮᱨᱢᱟ ᱨᱮ ᱢᱳᱴᱤᱞᱟᱞ ᱨᱮ ᱫᱤᱦᱨᱤ ᱟᱜ ᱠᱟᱹᱢᱤ ᱵᱚᱢᱫᱚ ᱠᱮᱫ ᱛᱟᱭᱚᱢ ᱩᱱᱤ ᱫᱚ ᱟᱡᱟᱜ ᱜᱷᱟᱨᱚᱸᱡᱽ ᱥᱟᱶ ᱫᱮᱵᱟᱱᱚᱱᱫᱚᱯᱩᱨ ᱛᱮᱭ ᱨᱩᱣᱟᱹᱲ ᱮᱱᱟ ᱟᱨ ᱥᱚᱨᱚᱛᱪᱚᱸᱫᱽᱨᱚ ᱡᱤᱞᱟ ᱟᱥᱲᱟ ᱫᱚᱭ ᱵᱚᱫᱚᱞ ᱠᱮᱫᱼᱟ ᱾ ᱱᱚᱣᱟ ᱚᱠᱛᱚ ᱨᱮ ᱩᱱᱤ ᱫᱚ ᱦᱩᱜᱽᱞᱤ ᱵᱨᱟᱱᱪ ᱟᱥᱲᱟ ᱨᱮᱭ ᱥᱮᱞᱮᱫ ᱞᱮᱱᱟ, ᱢᱮᱱᱠᱷᱟᱱ ᱑᱘᱙᱒ ᱥᱮᱨᱢᱟ ᱨᱮ ᱩᱱᱤ ᱫᱚ ᱱᱚᱶᱟ ᱟᱥᱲᱟ ᱦᱚᱸᱭ ᱵᱟᱦᱟᱞ ᱠᱮᱫᱮᱭᱟ, ᱪᱮᱫᱟᱜ ᱥᱮ ᱜᱷᱟᱨᱚᱧᱪ ᱨᱮᱱᱟᱜ ᱟᱱᱟᱴ ᱠᱷᱟᱹᱛᱤᱨ᱾ ᱩᱱ ᱚᱠᱛᱚ ᱨᱮ ᱩᱱᱤ ᱫᱚ 'ᱠᱟᱥᱤᱱᱟᱛᱷ' ᱟᱨ 'ᱵᱨᱚᱢᱦᱚᱫᱤᱛᱭᱚ' ᱧᱩᱛᱩᱢ ᱛᱮ ᱵᱟᱨᱭᱟ ᱠᱟᱹᱦᱱᱤ ᱚᱞ ᱞᱮᱫ ᱛᱟᱦᱮᱸᱫ ᱾ ᱑᱘᱙᱓ ᱥᱮᱨᱢᱟ ᱨᱮ ᱢᱳᱛᱤᱞᱟᱞ ᱫᱚ ᱵᱷᱟᱜᱚᱞᱯᱩᱨ ᱛᱮᱭ ᱨᱩᱣᱟ.ᱲ ᱞᱮᱱᱟ । ᱱᱩᱭ ᱫᱚ ᱯᱟᱸᱪᱠᱚᱲᱤ ᱵᱚᱱᱫᱭᱚᱯᱟᱫᱷᱭᱟᱭ ᱟᱜ ᱥᱮᱪᱮᱫ ᱨᱮ ᱟᱹᱰᱤ ᱟᱞᱜᱟ ᱛᱮᱭ ᱥᱮᱞᱮᱫ ᱞᱮᱫᱮᱭᱟ । ᱱᱚᱣᱟ ᱟᱥᱲᱟ ᱠᱷᱚᱱ ᱑᱘᱙᱔ ᱥᱟᱞᱮ ᱨᱮ ᱫᱚᱥᱟᱨ ᱛᱷᱚᱠ ᱨᱮ ᱮᱱᱴᱨᱟᱱᱥ ᱮ ᱯᱟᱥ ᱞᱮᱫᱟᱭ ᱟᱨ ᱛᱤᱡᱟᱱᱚᱨᱟᱭᱚᱱ ᱡᱩᱵᱤᱞᱤ ᱠᱚᱞᱮᱡᱽ ᱨᱮ ᱥᱮᱞᱮᱫ ᱞᱮᱱᱟᱭ ᱾ ᱩᱱ ᱚᱠᱛᱚ ᱨᱮ ᱩᱱᱤ ᱫᱚ ᱟᱡ ᱢᱟᱢᱚ ᱟᱜ ᱠᱚᱢ ᱩᱢᱮᱨ ᱨᱮᱱ ᱵᱟᱨᱭᱟ ᱜᱤᱫᱽᱨᱟ. ᱥᱩᱨᱮᱱᱫᱨᱚᱱᱟᱛᱷ ᱟᱨ ᱜᱤᱨᱤᱱᱫᱨᱚᱱᱟᱛᱷ ᱠᱚ ᱧᱤᱫᱟ ᱯᱟᱲᱦᱟᱣ ᱞᱮᱫᱮᱭᱟ, ᱚᱱᱟ ᱞᱟᱹᱜᱤᱫ ᱛᱮ ᱚᱜᱷᱳᱨᱱᱟᱛᱷ ᱟᱡᱟᱜ ᱠᱚᱞᱮᱡᱽ ᱨᱮ ᱯᱟᱲᱦᱟᱣ ᱞᱟᱹᱜᱤᱫ ᱞᱟᱹᱠᱛᱤᱭᱟᱱ ᱥᱚᱦᱚᱫ ᱮ ᱧᱟᱢ ᱞᱮᱫᱮᱭᱟ ᱾ ᱢᱮᱱᱠᱷᱟᱱ ᱩᱱᱤ ᱫᱚ F.A. ᱨᱮᱭᱟᱜ ᱯᱩᱭᱥᱟᱹ ᱵᱟᱭ ᱮᱢ ᱫᱟᱲᱮ ᱞᱮᱱᱟ ᱚᱱᱟᱴᱮ ᱵᱤᱱᱤᱰ ᱦᱚᱸᱭ ᱵᱟᱭ ᱮᱢ ᱫᱟᱲᱮ ᱞᱮᱱᱟ᱾
ᱠᱟᱹᱢᱤ ᱡᱤᱭᱚᱱ
ᱥᱟᱯᱲᱟᱣᱠᱚᱞᱮᱡᱽ ᱠᱷᱚᱱ ᱵᱟᱦᱨᱮ/ ᱯᱟᱥ ᱞᱮᱱ ᱛᱟᱭᱚᱢ, ᱥᱚᱨᱚᱛ ᱪᱚᱱᱫᱨᱚ ᱫᱚ ᱵᱷᱚᱜᱚᱞᱯᱩᱨ ᱥᱚᱦᱚᱨ ᱨᱮ ᱟᱫᱚᱢᱯᱩᱨ ᱠᱞᱟᱵᱽ ᱨᱮᱱ ᱠᱚ ᱥᱟᱶ ᱠᱷᱮᱞᱚᱸᱰ ᱟᱨ ᱮᱱᱮᱡ ᱨᱮᱭ ᱥᱮᱞᱮᱫ ᱮᱱᱟ ᱾ ᱱᱚᱶᱟ ᱚᱠᱛᱚ ᱨᱮ ᱟᱡ ᱵᱷᱚᱴᱴᱚ ᱟᱜ ᱚᱲᱟᱜ ᱨᱮ ᱢᱤᱫ ᱥᱟᱦᱤᱛᱭᱚ ᱥᱚᱝᱥᱚᱫ ᱮ ᱵᱮᱱᱟᱣ ᱞᱮᱫ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱩᱱᱤ ᱵᱟᱨᱚᱫᱤᱫᱤ, 'ᱫᱮᱵᱽᱫᱟᱥ', ᱪᱚᱱᱫᱨᱚᱱᱟᱛᱷ, ᱥᱩᱵᱷᱚᱫᱟ ᱮᱢᱟᱱ ᱜᱟᱢᱟᱢ ᱠᱚᱭ ᱚᱞ ᱞᱮᱫ ᱛᱟᱦᱮᱸᱫ ᱟᱨ 'ᱟᱱᱩᱯᱚᱢᱟᱨ ᱯᱨᱮᱢ', ᱟᱞᱳ ᱳ ᱪᱷᱟᱭᱟ , 'ᱵᱳᱡᱷᱟ', ᱦᱚᱨᱤᱪᱚᱨᱚᱱ ᱮᱢᱟᱱ ᱠᱟᱹᱦᱱᱤ ᱠᱚᱭ ᱚᱞ ᱞᱮᱫ ᱛᱟᱦᱮᱸᱫ ᱾ ᱱᱩᱭ ᱫᱚ ᱵᱚᱱᱮᱞᱤ ᱨᱟᱡᱽ-ᱮᱥᱴᱮᱴ ᱨᱮ ᱠᱤᱪᱷᱩ ᱫᱤᱱ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱾ ᱛᱚᱵᱮ ᱟᱡ ᱵᱟᱵᱟ ᱥᱟᱶ ᱢᱚᱱᱮ ᱟᱹᱲᱤᱥ ᱠᱷᱟᱹᱛᱤᱨ ᱚᱲᱟᱜ ᱮ ᱵᱟᱹᱜᱤ ᱞᱮᱫᱟ|᱾ ᱩᱱ ᱚᱠᱛᱚ ᱨᱮ ᱟᱡ ᱵᱟᱵᱟ ᱟᱜ ᱜᱩᱨ ᱦᱩᱭ ᱞᱮᱱ ᱠᱷᱟᱱ ᱩᱱᱤ ᱵᱷᱟᱜᱚᱞᱯᱩᱨ ᱛᱮᱭ ᱨᱩᱣᱟ.ᱲ ᱮᱱᱟ ᱟᱨ ᱟᱡ ᱵᱟᱵᱟ ᱟᱜ ᱠᱟᱹᱢᱤ ᱯᱩᱨᱟᱹᱣ ᱠᱟᱛᱮ ᱠᱚᱞᱠᱟᱛᱟ ᱛᱮᱭ ᱪᱟᱞᱟᱣ ᱮᱱᱟ, ᱡᱟᱦᱟᱸ ᱨᱮ ᱩᱱᱤ ᱫᱚ ᱠᱚᱞᱠᱟᱛᱟ ᱦᱟᱭ ᱠᱚᱨᱴ ᱨᱤᱱᱤᱡ ᱨᱟᱡᱟ ᱞᱟᱞᱢᱳᱦᱚᱱ ᱜᱚᱝᱜᱳᱯᱟᱫᱷᱭᱟᱭ ᱟᱜ ᱚᱲᱟᱜ ᱨᱮ ᱦᱤᱱᱫᱤ ᱯᱚᱛᱚᱵ ᱨᱮᱱᱟᱜ ᱤᱝᱞᱤᱥ ᱛᱮ ᱛᱚᱨᱡᱚᱢᱟ ᱞᱟᱹᱜᱤᱫ ᱛᱮ ᱪᱟᱸᱫᱚ ᱨᱮ ᱓᱐ ᱴᱟᱠᱟ ᱨᱮᱱᱟᱜ ᱠᱟᱹᱢᱤ ᱮ ᱧᱟᱢ ᱞᱮᱫ-ᱟ ᱾ ᱩᱱ ᱚᱠᱛᱚ ᱨᱮ, ᱩᱱᱤ 'ᱢᱚᱱᱫᱤᱨ' ᱧᱩᱛᱩᱢ ᱛᱮ ᱢᱤᱫ ᱠᱟᱹᱦᱱᱤ ᱚᱞ ᱞᱮᱫ ᱛᱟᱦᱮᱸᱫ ᱟᱨ 'ᱠᱩᱱᱛᱞᱤᱱ' ᱦᱮᱯᱨᱟᱣ ᱨᱮ ᱡᱤᱛᱠᱟᱹᱨ ᱞᱮᱱᱟ ᱾
᱑᱙᱐᱓ ᱥᱮᱨᱢᱟ ᱨᱮᱱᱟᱜ ᱡᱟᱱᱩᱣᱟᱨᱤ ᱪᱟᱸᱫᱚ ᱨᱮ ᱥᱚᱨᱚᱛᱪᱚᱱᱫᱨᱚ ᱞᱟᱞᱢᱳᱦᱚᱱ ᱜᱚᱝᱜᱳᱯᱟᱫᱷᱭᱟᱭ ᱟᱜ ᱠᱟᱹᱢᱤ ᱵᱟᱹᱜᱤ ᱠᱟᱛᱮ ᱚᱜᱷᱳᱨᱱᱟᱛᱷ ᱪᱚᱴᱴᱳᱯᱟᱫᱷᱭᱟᱭ ᱟᱜ ᱚᱲᱟᱜ ᱨᱮᱭ ᱛᱟᱦᱮᱸ ᱮᱱᱟ ᱾ ᱚᱜᱷᱳᱨᱱᱟᱛᱷ ᱫᱚ ᱩᱱᱤ ᱵᱚᱨᱢᱟ ᱨᱮᱞᱣᱮ ᱨᱮ ᱚᱰᱤᱴ ᱚᱯᱷᱤᱥ ᱨᱮ ᱢᱤᱫᱴᱟᱹᱝ ᱠᱟᱹᱢᱤ ᱮ ᱮᱢ ᱞᱮᱫ-ᱟ ᱾ ᱵᱟᱨ ᱥᱮᱨᱢᱟ ᱛᱟᱭᱚᱢ ᱟᱡᱟᱜ ᱠᱟᱹᱢᱤ ᱫᱚ ᱪᱟᱞᱟᱣ ᱠᱟᱱ ᱛᱟᱭᱟ ᱾ ᱩᱱ ᱡᱚᱦᱚᱜ ᱟᱡᱟᱜ ᱜᱟᱛᱮ ᱜᱤᱨᱤᱱᱫᱽᱨᱚᱱᱟᱛᱷ ᱥᱚᱨᱠᱟᱨ ᱥᱟᱶ ᱛᱮ ᱯᱮᱜᱩ ᱨᱮᱭ ᱥᱮᱱ ᱮᱱᱟ ᱾ ᱟᱨ ᱚᱸᱰᱮ ᱚᱵᱤᱱᱟᱥ ᱪᱚᱴᱴᱳᱯᱟᱫᱷᱭᱟᱭ ᱟᱜ ᱚᱲᱟᱜ ᱨᱮᱭ ᱛᱟᱦᱮᱸ ᱮᱱᱟ ᱾ ᱮᱯᱨᱤᱞ ᱑᱙᱐᱖ ᱥᱟᱞᱮ ᱨᱮ, ᱵᱚᱨᱢᱟᱱ ᱯᱚᱵᱞᱤᱠ ᱣᱟᱨᱠᱥ ᱮᱠᱟᱩᱱᱴᱥ ᱚᱯᱷᱤᱥ ᱨᱤᱱᱤᱡ ᱰᱮᱯᱩᱴᱤ ᱮᱠᱡᱟᱢᱤᱱᱟᱨ ᱢᱚᱱᱤᱱᱫᱨᱚᱱᱟᱛᱷ ᱢᱤᱛᱨᱚ ᱟᱜ ᱜᱚᱲᱚ ᱛᱮ, ᱥᱚᱨᱚᱛ ᱪᱚᱱᱫᱨᱚ ᱨᱮᱝᱜᱩᱱ ᱨᱮ ᱱᱚᱣᱟ ᱚᱯᱷᱤᱥ ᱨᱮ ᱠᱟᱹᱢᱤ ᱮ ᱧᱟᱢ ᱞᱮᱫ-ᱟ ᱟᱨ ᱚᱱᱟ ᱠᱷᱚᱱ ᱜᱮᱞ ᱥᱮᱨᱢᱟ ᱦᱟᱹᱵᱤᱡ ᱱᱚᱣᱟ ᱠᱟᱹᱢᱤ ᱨᱮᱭ ᱛᱟᱦᱮᱸ ᱠᱟᱱᱟ ᱾
᱑᱙᱑᱒ ᱥᱮᱨᱢᱟ ᱨᱮᱱᱟᱜ ᱚᱠᱴᱚᱵᱚᱨ ᱪᱟᱸᱫᱚ ᱨᱮ ᱥᱚᱨᱚᱛ ᱪᱚᱱᱫᱽᱨᱚ ᱢᱤᱫ ᱪᱟᱸᱫᱚ ᱵᱷᱩᱴᱤ ᱦᱟᱛᱟᱣ ᱠᱟᱛᱮᱭ ᱨᱩᱣᱟ.ᱲ ᱞᱮᱱᱟ, ᱩᱱ ᱚᱠᱛᱚ ᱨᱮ 'ᱡᱚᱢᱩᱱᱟ' ᱧᱩᱛᱩᱢᱟᱱ ᱢᱤᱫ ᱯᱟᱛᱷᱟᱢ ᱨᱮᱱ ᱚᱱᱚᱞᱤᱭᱟᱹ ᱯᱷᱚᱱᱤᱱᱫᱨᱚᱱᱟᱛᱷ ᱯᱟᱞ ᱫᱚ ᱩᱱᱤ ᱴᱷᱮᱱ ᱠᱷᱚᱱ ᱚᱞ ᱧᱟᱢ ᱞᱟᱹᱜᱤᱫ ᱛᱮ ᱞᱟᱹᱭ ᱠᱮᱫᱮᱭᱟ । ᱚᱱᱟ ᱞᱮᱠᱟᱛᱮ, ᱥᱚᱨᱚᱛᱪᱚᱱᱫᱽᱨᱚ ᱨᱟᱢ ᱟᱜ ᱥᱩᱢᱚᱛᱤ ᱠᱟᱹᱦᱱᱤ ᱠᱳᱞ ᱞᱮᱫᱟ| ᱟᱨ ᱡᱚᱢᱩᱱᱟ ᱯᱟᱛᱷᱟᱢ ᱨᱮ ᱑᱓᱑᱙ ᱵᱚᱝᱜᱟᱵᱰᱚ ᱯᱷᱟᱞᱜᱩᱱ ᱟᱨ ᱪᱟᱭᱛᱨᱚ ᱮᱞ ᱨᱮ ᱯᱟᱨᱥᱟᱞ ᱞᱮᱱᱟ ᱾ ᱛᱟᱭᱚᱢ ᱩᱱᱤ ᱫᱚ ᱵᱷᱟᱨᱚᱛ ᱵᱚᱨᱥ ᱨᱮᱱᱟᱜ ᱢᱮᱜᱟᱡᱤᱱ ᱨᱮ ᱚᱞᱚᱜ ᱮ ᱮᱛᱚᱦᱚᱵ ᱞᱮᱫ-ᱟ ᱾ ᱯᱷᱚᱱᱤᱱᱫᱽᱨᱚᱱᱟᱛᱷ ᱯᱟᱞ ᱫᱚ ᱟᱡᱟᱜ ᱜᱟᱢᱟᱢ ᱵᱚᱨᱫᱤᱫᱤ ᱯᱚᱛᱚᱵ ᱞᱮᱠᱟᱛᱮ ᱯᱟᱨᱥᱟᱞ ᱞᱮᱫᱟᱭ ᱾ ᱮᱢ ᱥᱤ ᱥᱚᱨᱠᱟᱨ ᱮᱸᱰ ᱥᱚᱱᱥ ᱟᱨ ᱜᱩᱨᱩᱫᱟᱥ ᱪᱚᱴᱭᱚᱯᱟᱫᱷᱟᱭ ᱮᱸᱰ ᱥᱚᱱᱥ ᱫᱚ ᱟᱡᱟᱜ ᱜᱟᱢᱟᱢ ᱯᱩᱛᱷᱤ ᱠᱚᱨᱮ ᱯᱟᱥᱱᱟᱣ ᱟᱠᱟᱫᱟ ᱾
᱑᱙᱑᱖ ᱥᱮᱨᱢᱟ ᱨᱮ ᱥᱚᱨᱚᱛᱪᱚᱱᱫᱽᱨᱚ ᱟᱡᱟᱜ ᱠᱟᱹᱢᱤ ᱠᱷᱚᱱ ᱪᱷᱩᱴᱤ ᱦᱟᱛᱟᱣ ᱨᱮᱱᱟᱜ ᱵᱤᱨᱳᱫᱷ ᱠᱟᱛᱮ ᱨᱮᱝᱜᱩᱱ ᱠᱷᱚᱱ ᱵᱚᱝᱜᱟ ᱫᱤᱥᱚᱢ ᱛᱮᱭ ᱨᱩᱣᱟ.ᱲ ᱦᱮᱡ ᱮᱱᱟ |
ᱵᱟᱯᱞᱟ ᱡᱤᱭᱚᱱ
ᱥᱟᱯᱲᱟᱣᱥᱚᱨᱚᱛ ᱪᱚᱱᱫᱨᱚᱚ ᱵᱚᱨᱢᱟ ᱫᱚ ᱑᱙᱐᱕ ᱥᱟᱞᱮ ᱨᱮ ᱨᱮᱞᱣᱮ ᱨᱮ ᱦᱤᱥᱟᱵ ᱯᱩᱨᱟᱹᱣᱤᱡ ᱞᱮᱠᱟᱛᱮ ᱑᱙᱗᱐ ᱴᱟᱠᱟ ᱢᱟᱭᱱᱮ ᱨᱮ ᱠᱟᱹᱢᱤ ᱮ ᱧᱟᱢ ᱞᱮᱫᱼᱟ ᱾ ᱨᱮᱝᱜᱩᱱ ᱨᱮᱱᱟᱜ ᱯᱳᱡᱚᱱᱰᱚᱝ ᱴᱚᱴᱷᱟ ᱨᱮ ᱯᱚᱞᱞᱤ ᱨᱮ ᱛᱟᱦᱮᱸ ᱠᱟᱱᱟᱭ ᱾ ᱟᱡᱟᱜ ᱚᱲᱟᱜ ᱞᱟᱛᱟᱨ ᱨᱮ ᱢᱤᱫ ᱵᱨᱟᱦᱚᱱ ᱠᱩᱲᱤ ᱛᱟᱦᱮᱸ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱥᱟᱱᱛᱤ ᱫᱮᱵᱤ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱾ ᱟᱡ ᱵᱟᱵᱟ ᱟᱡ ᱥᱟᱶ ᱢᱤᱫ ᱢᱟᱛᱟᱞ ᱟᱜ ᱵᱟᱯᱞᱟ ᱦᱩᱭᱩᱜ ᱞᱟᱹᱜᱤᱫ ᱥᱟᱱᱛᱤ ᱫᱮᱵᱤ ᱥᱚᱨᱚᱛ ᱪᱚᱱᱫᱨᱚ ᱮ ᱞᱟᱹᱭ ᱠᱮᱫᱼᱟ ᱾ ᱚᱱᱟᱛᱮ ᱥᱚᱨᱚᱛ ᱪᱚᱱᱫᱨᱚ ᱟᱡ ᱥᱟᱶ ᱵᱟᱯᱞᱟ ᱮᱱᱟ ᱾ ᱟᱠᱤᱱᱟᱜ ᱢᱤᱫ ᱜᱤᱫᱽᱨᱟ. ᱦᱚᱸᱭ ᱡᱟᱱᱟᱢ ᱞᱮᱱᱟ, ᱢᱮᱱᱠᱷᱟᱱ ᱨᱮᱝᱜᱩᱲ ᱯᱞᱮᱜ ᱛᱮ ᱜᱷᱟᱹᱞ ᱠᱟᱛᱮ ᱥᱟᱱᱛᱤ ᱫᱮᱵᱤ ᱟᱨ ᱟᱡᱟᱜ ᱢᱤᱫ ᱥᱮᱨᱢᱟ ᱜᱤᱫᱽᱨᱟ. ᱠᱤᱱ ᱜᱚᱡ ᱮᱱᱟ ᱾ ᱱᱚᱶᱟ ᱛᱟᱭᱚᱢ ᱟᱹᱰᱤ ᱫᱤᱱ ᱛᱟᱭᱚᱢ, ᱥᱚᱨᱚᱛᱪᱚᱱᱫᱨᱚ ᱨᱮᱝᱜᱩᱱ ᱨᱮ ᱠᱨᱤᱥᱱᱚᱫᱟᱥ ᱚᱫᱷᱤᱠᱟᱨᱤ ᱧᱩᱛᱩᱢᱟᱱ ᱢᱤᱫ ᱵᱷᱟᱜᱮ ᱢᱚᱱᱮᱭᱟᱱ ᱦᱚᱲᱟᱜ ᱠᱟᱛᱷᱟ ᱟᱡᱚᱢ ᱠᱟᱛᱮ ᱟᱡᱟᱜ ᱑᱔ ᱥᱮᱨᱢᱟ ᱠᱩᱲᱤ ᱜᱤᱫᱽᱨᱟ. ᱢᱳᱠᱷᱭᱚᱫᱟ ᱥᱟᱶ ᱵᱟᱯᱞᱟ ᱮᱱᱟᱭ ᱾ ᱵᱟᱯᱞᱟ ᱛᱟᱭᱚᱢ ᱩᱱᱤ ᱫᱚ ᱢᱳᱠᱷᱭᱚᱫᱟ ᱧᱩᱛᱩᱢ ᱵᱚᱫᱚᱞᱛᱮ ᱫᱚᱦᱚ ᱠᱮᱫᱼᱟ ᱦᱤᱨᱚᱱᱢᱚᱭᱤ ᱫᱮᱵᱤ ᱾ ᱱᱩᱠᱩ ᱨᱮᱱ ᱜᱤᱫᱽᱨᱟ. ᱵᱟᱝ ᱛᱟᱦᱮᱸ ᱠᱟᱱᱟ ᱾
ᱢᱩᱪᱟᱹᱫ ᱡᱤᱭᱚᱱ
ᱥᱟᱯᱲᱟᱣᱥᱚᱨᱚᱛᱪᱚᱱᱫᱨᱚ ᱫᱚ ᱦᱟᱣᱲᱟ ᱦᱚᱱᱚᱛ ᱨᱮᱱᱟᱜ ᱯᱟᱱᱤᱛᱨᱟᱥ (ᱥᱚᱢᱛᱟᱵᱮᱲ) ᱟᱹᱛᱩ ᱨᱮ ᱢᱤᱫᱴᱟᱹᱝ ᱦᱟᱥᱟ ᱚᱲᱟᱜ ᱨᱮ ᱛᱟᱦᱮᱸ ᱠᱟᱱᱟᱭ ᱾ ᱨᱩᱯᱱᱟᱨᱟᱭᱚᱱ ᱫᱷᱟᱨᱮ ᱨᱮ ᱢᱮᱱᱟᱜ ᱱᱚᱣᱟ ᱚᱲᱟᱜ ᱫᱚ ᱫᱮᱭᱩᱞᱴᱤ ᱥᱴᱮᱥᱚᱱ ᱠᱷᱚᱱ ᱔-᱕ ᱠᱤᱞᱳᱢᱤᱴᱟᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱟᱨᱦᱚᱸ ᱵᱟᱰᱟᱭ ᱧᱟᱢᱚᱜ ᱠᱟᱱᱟ ᱑᱙᱗᱘ ᱥᱮᱨᱢᱟ ᱨᱮ ᱵᱟᱱ ᱫᱟᱜ ᱞᱮᱱ ᱠᱷᱟᱱ ᱟᱹᱛᱩ ᱨᱮᱱ ᱥᱟᱱᱟᱢ ᱚᱲᱟᱜ ᱠᱚ ᱨᱟᱹᱯᱩᱫ ᱞᱮᱱᱟ᱾ ᱥᱚᱨᱚᱛ ᱪᱚᱱᱫᱨᱚ ᱟᱜ ᱚᱲᱟᱜ ᱫᱚ ᱨᱩᱯᱱᱟᱨᱟᱭᱚᱱ ᱟᱜ ᱫᱟᱜ ᱛᱮ ᱵᱟᱝ ᱪᱤᱠᱟᱹ ᱞᱮᱱᱟ| ᱚᱲᱟᱜ ᱫᱚ ᱟᱭᱢᱟ ᱞᱮᱠᱟᱱ ᱡᱚᱵᱮᱞᱮ ᱛᱮ ᱜᱷᱮᱨᱣ ᱢᱮᱱᱟᱜ ᱟ| ᱛᱟᱭᱚᱢ ᱥᱚᱨᱠᱟᱨ ᱦᱚᱛᱮᱛᱮ ᱥᱟᱨᱟᱭ ᱟᱨ ᱧᱮᱞ ᱥᱟᱢᱴᱟᱣ ᱦᱩᱭᱩᱜ ᱠᱟᱱᱟ᱾ ᱛᱟᱭᱚᱢ ᱥᱚᱨᱚᱛᱪᱚᱱᱫᱨᱚ ᱥᱤᱵᱽᱯᱩᱨ ᱨᱮ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱥᱤᱵᱽᱯᱩᱨ ᱵᱭᱮᱛᱟᱭᱛᱚᱞᱟ ᱵᱟᱡᱟᱨ ᱠᱷᱚᱱ ᱪᱮᱴᱟᱨᱡᱤᱦᱟᱴ ᱦᱟᱹᱵᱤᱡ ᱰᱟᱦᱟᱨ ᱫᱚ ᱥᱚᱨᱚᱛᱪᱚᱱᱫᱨᱚ ᱟᱜ ᱧᱩᱛᱩᱢ ᱛᱮ ᱛᱮᱭᱟᱨ ᱟᱠᱟᱱᱟ ᱾ ᱑᱙᱓᱗ ᱥᱮᱨᱢᱟ ᱨᱮ ᱥᱚᱨᱚᱛᱪᱚᱱᱫᱨᱚ ᱫᱚ ᱟᱭᱢᱟ ᱫᱷᱟᱣ ᱟᱡᱟᱨ ᱨᱮ ᱯᱟᱲᱟᱣ ᱟᱠᱟᱱᱟ|ᱰᱟᱠᱛᱚᱨᱟᱜ ᱠᱟᱛᱷᱟ ᱞᱮᱠᱟᱛᱮ ᱩᱱᱤ ᱫᱚ ᱫᱮᱣᱜᱷᱚᱨ ᱨᱮ ᱯᱮ ᱯᱩᱱ ᱪᱟᱸᱫᱚ ᱛᱟᱦᱮᱸ ᱠᱟᱛᱮ ᱠᱚᱞᱠᱟᱛᱟ ᱨᱮᱭ ᱨᱩᱣᱟ.ᱲ ᱞᱮᱱᱟ| ᱱᱩᱭ ᱫᱚ ᱟᱡᱟᱜ ᱡᱤᱵᱚᱱ ᱨᱮ ᱠᱮᱱᱥᱟᱨ ᱧᱟᱢ ᱞᱮᱫᱟᱭ| ᱵᱤᱫᱷᱟᱱᱪᱚᱱᱫᱨᱚ ᱨᱟᱭ, ᱠᱩᱢᱩᱫᱽᱥᱚᱝᱠᱚᱨ ᱨᱟᱭ ᱯᱨᱚᱢᱩᱠᱷ ᱰᱟᱠᱴᱚᱨ ᱟᱡᱟᱜ ᱟᱡᱟᱨ ᱵᱷᱟᱜᱮ ᱞᱟᱜᱤᱫ ᱜᱚᱲᱚᱭ ᱮᱢ ᱞᱮᱫ ᱛᱟᱦᱮᱸᱫ ᱾ᱫᱚᱠᱷᱤᱱ ᱠᱚᱞᱠᱟᱛᱟ ᱨᱮᱭᱟᱜ ᱥᱟᱵᱚᱨᱵᱟᱱ ᱦᱟᱥᱯᱟᱛᱟᱞ ᱨᱳᱰ ᱨᱮ ᱢᱮᱱᱟᱜ ᱢᱤᱫ ᱭᱩᱨᱳᱯᱤᱭᱟᱱ ᱱᱚᱨᱥᱤᱝ ᱦᱳᱢ ᱨᱮ ᱟᱨ ᱛᱟᱭᱚᱢ ᱛᱮ ᱔ ᱵᱷᱤᱠᱴᱳᱨᱤᱭᱟ ᱴᱮᱨᱮᱥ ᱨᱮ ᱢᱮᱱᱟᱜ ᱯᱟᱨᱠ ᱱᱟᱨᱥᱤᱝ ᱦᱳᱢ ᱵᱷᱩᱨᱛᱤ ᱞᱮᱱᱟᱭ ᱾ ᱑᱒ ᱡᱟᱱᱩᱣᱟᱨᱤ ᱑᱙᱓᱘ ᱥᱟᱞᱮᱨᱮ ᱥᱚᱞᱞᱚᱪᱤᱠᱤᱛᱥᱚᱠ ᱞᱚᱞᱤᱛᱢᱚᱦᱚᱱ ᱵᱚᱱᱫᱭᱳᱯᱟᱫᱷᱭᱟᱭ ᱫᱚ ᱟᱡᱟᱜ ᱚᱯᱟᱨᱮᱥᱚᱱ ᱠᱚᱨᱟᱣ ᱞᱮᱫᱟ| ᱯᱩᱱ ᱫᱤᱱ ᱛᱟᱭᱚᱢ ᱑᱖ ᱡᱟᱱᱩᱣᱟᱨᱤ ᱦᱤᱞᱚᱜ ᱑᱐ ᱴᱟᱲᱟᱝ ᱨᱮ ᱜᱩᱨ ᱞᱮᱱᱟᱭ ᱾
- ↑ জাহিদ, জাহাঙ্গীর আলম (2017-10-01). "বাংলা ভাষা উন্নয়নে রামমোহনের ভূমিকা". সাহিত্য পত্রিকা - Shahitto Potrika | University of Dhaka. 55 (1). doi:10.62328/sp.v55i1.1. ISSN 3006-886X.
{{cite journal}}: Check|doi=value (help)
ᱥᱤᱱᱮᱢᱟ
ᱥᱟᱯᱲᱟᱣᱱᱤᱛ ᱦᱟᱹᱵᱤᱡ ᱛᱮ ᱵᱟᱝᱞᱟ , ᱦᱤᱱᱫᱤ , ᱛᱮᱞᱮᱜᱩ ᱯᱟᱹᱨᱥᱤᱛᱮ ᱕᱐ ᱜᱚᱴᱟᱝ ᱯᱷᱞᱤᱢ ᱵᱮᱱᱟᱣ ᱟᱠᱟᱱᱟ| ᱚᱱᱟ ᱢᱩᱫᱽ ᱨᱮ 'ᱫᱮᱵᱽᱫᱟᱥ' ᱜᱟᱢᱟᱢ ᱫᱚ ᱵᱚᱝᱜᱟ, ᱦᱤᱱᱫᱤ ᱟᱨ ᱛᱮᱞᱩᱜᱩ ᱯᱟᱹᱨᱥᱤ ᱛᱮ ᱘ ᱫᱷᱟᱣ ᱛᱮᱭᱟᱨ ᱟᱠᱟᱱᱟ ᱾ ᱵᱷᱮᱜᱟᱨ ᱵᱷᱮᱜᱟᱨ ᱚᱠᱛᱚ ᱨᱮ 'ᱫᱮᱵᱽᱫᱟᱥ' ᱵᱟᱝᱞᱟ ᱟᱨ ᱦᱤᱱᱫᱤ ᱯᱷᱤᱞᱢ ᱨᱮ ᱯᱨᱚᱢᱚᱛᱮᱥ ᱵᱚᱲᱩᱣᱟ, ᱠᱟᱱᱚᱱ ᱫᱮᱵᱤ, ᱩᱛᱛᱚᱢᱠᱩᱢᱟᱨ, ᱥᱩᱢᱤᱛᱨᱟ ᱪᱚᱴᱴᱳᱯᱟᱫᱷᱭᱟᱭ, ᱫᱤᱞᱤᱯ ᱠᱩᱢᱟᱨ, ᱥᱩᱪᱤᱛᱨᱟ ᱥᱮᱱ, ᱥᱩᱯᱨᱤᱭᱟ ᱫᱮᱵᱤ, ᱥᱩᱢᱤᱛᱨᱟ ᱢᱩᱠᱷᱟᱨᱡᱤ, ᱥᱟᱦᱨᱩᱠᱷ ᱠᱷᱟᱱ, ᱭᱮᱥᱣᱚᱨᱚᱭ ᱨᱟᱭ ᱵᱚᱪᱪᱚᱱ, ᱢᱟᱫᱷᱩᱨᱤ ᱫᱤᱠᱪᱤᱛ ᱯᱨᱚᱢᱩᱠᱷ ᱮᱢᱟᱱ ᱠᱚᱭ ᱠᱟ.ᱢᱤ ᱟᱠᱟᱫᱟ ᱾ ᱤᱱᱟᱹ ᱛᱟᱭᱚᱢ ᱥᱟᱱᱫᱷᱭᱟᱨᱟᱱᱤ ᱟᱨ ᱩᱛᱛᱚᱢᱠᱩᱢᱟᱨ ᱮᱱᱮᱡ ᱟᱠᱟᱱ ᱵᱚᱝᱞᱟ ᱯᱷᱤᱞᱢ ᱵᱚᱨᱫᱤᱫᱤ, ᱥᱟᱹᱣᱢᱤᱛᱨᱚ ᱪᱚᱴᱴᱳᱯᱟᱫᱷᱭ ᱟᱨ ᱢᱟᱹᱣᱥᱩᱢᱤ ᱪᱚᱴᱴᱳᱯᱟᱫᱷᱭ ᱛᱮ ᱯᱚᱨᱤᱱᱤᱛᱟ ᱯᱷᱤᱞᱢ ᱵᱮᱱᱟᱣ ᱞᱮᱱᱟ ᱾ 'ᱯᱚᱨᱤᱱᱤᱛᱟ' ᱧᱩᱛᱩᱢᱟᱱ ᱜᱟᱢᱟᱢ ᱫᱚ ᱵᱟᱨ ᱫᱷᱟᱣ ᱯᱷᱤᱞᱢ ᱨᱮ ᱩᱫᱩᱜ ᱥᱚᱫᱚᱨ ᱟᱠᱟᱱᱟ ᱾ ᱚᱱᱟ ᱠᱚ ᱢᱩᱫᱽ ᱨᱮ ᱢᱤᱫ ᱫᱚ ᱵᱟᱝᱞᱟ ᱯᱷᱤᱞᱢ ᱪᱚᱱᱫᱽᱨᱚᱱᱟᱛᱷ, ᱡᱟᱦᱟᱸ ᱨᱮ ᱩᱛᱛᱚᱢᱠᱩᱢᱟᱨ ᱟᱨ ᱥᱩᱪᱤᱛᱨᱟ ᱥᱮᱱ ᱚᱵᱷᱤᱱᱚᱭ ᱟᱠᱟᱫᱟ ᱾ ᱟᱨ ᱢᱤᱫ ᱫᱚ ᱵᱤᱨᱟᱡᱽ ᱵᱚᱣ, ᱡᱟᱦᱟᱸ ᱨᱮ ᱨᱟᱡᱽᱞᱚᱠᱷᱢᱤ-ᱥᱨᱤᱠᱟᱱᱛ, ᱩᱛᱛᱚᱢᱠᱩᱢᱟᱨ ᱟᱨ ᱢᱟᱫᱷᱚᱵᱤ ᱢᱩᱠᱷᱟᱨᱡᱤ ᱚᱵᱷᱤᱱᱚᱭ ᱟᱠᱟᱫᱟ ᱾ ᱟᱨ ᱢᱤᱫ ᱫᱚ ᱨᱤᱥᱤᱠᱮᱥ ᱢᱩᱠᱷᱟᱨᱡᱤ ᱭᱟᱜ ᱦᱤᱱᱫᱤ ᱯᱷᱤᱞᱢ ᱢᱟᱡᱷᱚᱞᱤ ᱫᱤᱰᱤ ᱾ᱥᱚᱨᱚᱛ ᱵᱟᱵᱩ 'ᱥᱣᱟᱢᱤ' (᱑᱙᱗᱗) ᱯᱷᱤᱞᱢ ᱯᱷᱮᱭᱟᱨ ᱥᱤᱨᱯᱷᱟᱹ ᱡᱚᱛᱚ ᱠᱷᱚᱱ ᱱᱟᱯᱟᱭ ᱚᱱᱚᱞᱤᱭᱟᱹ ᱥᱤᱨᱯᱷᱟᱹᱭ ᱧᱟᱢ ᱞᱮᱫᱼᱟ ᱾ 'ᱵᱤᱱᱫᱩᱨ ᱪᱷᱮᱞᱮ' ᱫᱚ 'ᱪᱳᱴᱤ ᱵᱚᱦᱩ' (᱑᱙᱗᱑) ᱧᱩᱛᱩᱢᱟᱱ ᱯᱷᱤᱞᱢ ᱨᱮ ᱵᱮᱱᱟᱣ ᱞᱮᱱᱟ ᱾ ᱑᱙᱗᱖ ᱥᱟᱞ ᱨᱮ, 'ᱫᱚᱛᱛᱟ' ᱯᱷᱤᱞᱢ ᱨᱮ ᱥᱩᱪᱤᱛᱨᱟ ᱥᱮᱱ ᱟᱨ ᱥᱟᱹᱣᱢᱤᱛᱨᱚ ᱪᱚᱴᱴᱳᱯᱟᱫᱷᱭᱟ ᱫᱚ ᱢᱩᱬᱩᱛ ᱨᱮ ᱠᱟ.ᱢᱤ ᱞᱮᱭᱟ । ᱥᱚᱨᱚᱛ ᱜᱚᱢᱠᱮ ᱟᱜ ᱱᱚᱵᱚᱵᱤᱫᱷᱟᱱ ᱜᱟᱢᱟᱢ ᱞᱮᱠᱟᱛᱮ ᱒᱐᱑᱓ ᱥᱟᱞ ᱨᱮ, 'ᱛᱚᱢᱦᱟᱨᱤ ᱯᱟᱠᱷᱤ' ᱧᱩᱛᱩᱢ ᱛᱮ ᱢᱤᱫ ᱥᱤᱧᱚᱛᱤᱭᱟᱹ ᱴᱤᱵᱷᱤ ᱥᱤᱨᱤᱡᱽ ᱵᱮᱱᱟᱣ ᱞᱮᱱᱟ ᱾[᱑]
ᱜᱟᱢᱟᱢ ᱠᱚ
ᱥᱟᱯᱲᱟᱣ- ᱵᱚᱲᱫᱤᱫᱤ -᱑᱙᱐᱗
- ᱯᱚᱨᱤᱱᱤᱛᱟ - ᱑᱙᱑᱔
- ᱢᱮᱡᱽ ᱫᱤᱫᱤ - ᱑᱙᱑᱖
- ᱥᱨᱤᱠᱟᱱᱛᱚ ᱑ - ᱑᱙᱑᱗
- ᱫᱮᱵᱽᱫᱟᱥ - ᱑᱙᱑᱗
- ᱥᱨᱤᱠᱟᱱᱛᱚ ᱒ - ᱑᱙᱑᱘ ᱮᱢᱟᱱ ᱠᱚ
ᱜᱟᱭᱟᱱ
ᱥᱟᱯᱲᱟᱣ- ᱥᱳᱲᱚᱥᱤ - ᱑᱙᱒᱘
- ᱵᱤᱡᱚᱭᱟ - ᱑᱙᱓᱕ ᱮᱢᱟᱱ
ᱠᱟᱹᱦᱱᱤ
ᱥᱟᱯᱲᱟᱣ- ᱨᱟᱢᱮᱨ ᱥᱩᱢᱚᱛᱤ - ᱑᱙᱑᱔
- ᱢᱮᱡᱽᱫᱤᱫᱤ - ᱑᱙᱑᱕
- ᱢᱚᱦᱮᱥ - ᱑᱙᱒᱖
- ᱢᱚᱱᱫᱤᱨ
- ᱞᱟᱞᱩ ᱮᱢᱟᱱ
ᱚᱱᱚᱞ
ᱥᱟᱯᱲᱟᱣ- ᱱᱟᱨᱤᱨ ᱢᱩᱞᱭᱚ
- ᱥᱢᱨᱤᱛᱤ ᱠᱚᱛᱷᱟ
- ᱥᱟᱦᱚᱛᱭᱚ ᱳ ᱱᱤᱛᱤ
- ᱥᱟᱦᱤᱛᱭᱮ ᱟᱨᱴᱳ ᱫᱩᱨᱱᱤᱛᱤ
ᱵᱟᱦᱮᱨ ᱡᱚᱲᱟᱣ
ᱥᱟᱯᱲᱟᱣᱤᱱᱴᱟᱨᱱᱮᱴ ᱟᱨ ᱯᱚᱛᱚᱵ
- ↑ "Sarat Chandra Chattopadhyay | Writer". IMDb (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2024-08-18.