ᱥᱟᱠᱟᱢ ᱪᱤᱨᱟ. (ᱤᱝᱞᱤᱥᱺ Divorce ) ᱫᱚ ᱥᱟᱶᱛᱟ ᱨᱮᱱᱟᱜ ᱢᱤᱫ ᱟᱹᱱᱟᱹᱨᱤ ᱠᱟᱱᱟ ᱾ ᱠᱩᱲᱤ ᱠᱚᱲᱟ ᱵᱟᱯᱞᱟ ᱠᱟᱛᱮ ᱛᱤᱨᱤ ᱡᱩᱨᱤ ᱞᱮᱠᱟ ᱠᱤᱱ ᱛᱟᱦᱮᱸᱱ ᱵᱮᱲᱟᱨᱮ ᱡᱤᱭᱚᱱ ᱨᱮᱭᱟᱜ ᱡᱟᱦᱟᱸᱱᱟᱜ ᱮᱴᱠᱮᱴᱚᱬᱮ ᱠᱷᱟ.ᱛᱤᱨ ᱥᱟᱶᱨᱮ ᱡᱩᱨᱤ ᱯᱟ.ᱨᱤ ᱛᱟᱦᱮᱸᱱ ᱵᱟ.ᱠᱤᱱ ᱨᱮᱵᱮᱱᱟ ᱾ ᱱᱚᱝᱠᱟᱱ ᱵᱮᱲᱟᱨᱮ ᱵᱟᱱᱟ ᱦᱚᱲ ᱵᱟᱯᱟᱜᱚᱜ ᱨᱮᱭᱟᱜ ᱴᱷᱟ.ᱣᱠᱟ. ᱜᱚᱴᱟ ᱠᱟᱛᱮ ᱟ.ᱛᱩ ᱢᱚᱬᱮ ᱢᱟᱯᱟᱧᱡᱤ ᱠᱚ ᱛᱟᱞᱟᱨᱮ ᱥᱟᱶᱛᱟ, ᱫᱷᱚᱨᱚᱢ ᱟᱨ ᱫᱷᱚᱨᱢᱚ ᱥᱟ.ᱠᱷᱤ ᱫᱚᱦᱚ ᱠᱟᱛᱮ ᱢᱤᱫ ᱡᱩᱨᱤ ᱵᱟᱯᱞᱟ ᱥᱟ.ᱜᱟ.ᱭ ᱠᱷᱚᱱ ᱡᱟᱭ ᱡᱩᱜᱽ ᱠᱤᱱ ᱵᱟᱯᱟᱜᱽ ᱥᱟ.ᱨᱤᱜ ᱜᱮ ᱥᱟᱠᱟᱢ ᱪᱤᱨᱟ. ᱫᱚᱵᱚ ᱢᱮᱛᱟᱜ ᱠᱟᱱᱟ ᱾

ᱥᱟᱠᱟᱢ ᱪᱤᱨᱟ. ᱮᱛᱮᱫ ᱥᱟᱯᱲᱟᱣ

ᱟᱵᱚ ᱥᱟᱶᱛᱟ ᱨᱮ ᱢᱤᱫ ᱠᱚᱲᱟ ᱟᱨ ᱠᱩᱲᱤ ᱡᱩᱨᱤ ᱡᱚᱛᱟ ᱠᱟᱛᱮ ᱥᱟᱶᱨᱮ ᱛᱟᱦᱮᱸᱱ ᱞᱟ.ᱜᱤᱫ ᱵᱟ.ᱠᱤᱱ ᱜᱟᱯᱟᱱ ᱠᱷᱟᱱ, ᱵᱟᱱᱟᱨ ᱠᱤᱱ ᱨᱮᱨᱟᱲ ᱠᱷᱟᱱ, ᱟᱵᱚ ᱥᱟᱶᱛᱟ ᱨᱮ ᱢᱮᱱᱟᱜ ᱠᱚ ᱥᱟᱶᱛᱟ ᱞᱟ.ᱣᱲᱤᱭᱟ. ᱢᱟᱺᱡᱷᱤ, ᱡᱚᱜᱽ ᱢᱟᱺᱡᱷᱤ, ᱯᱟᱨᱟᱱᱤᱠ ᱯᱟᱨᱜᱟᱱᱟ ᱮᱢᱟᱱ ᱠᱚ ᱟᱱᱛᱮ ᱫᱷᱚᱨᱚᱢ ᱟᱠᱷᱲᱟ ᱛᱟᱞᱟᱨᱮ ᱠᱚ ᱜᱟᱞᱚᱪ ᱢᱤᱫᱟ ᱾ ᱟᱨ ᱡᱩᱨᱤ ᱠᱤᱱᱟᱜ ᱫᱚᱥ ᱵᱤᱥ ᱠᱚ ᱥᱟᱞᱟ ᱚᱰᱚᱠᱟ ᱾ ᱟᱨ ᱠᱩᱲᱤ ᱦᱚᱸᱠᱚ ᱠᱩᱞᱤ ᱵᱩᱴᱟ. ᱮᱭᱟ ᱾ ᱡᱩᱫᱤ ᱵᱟᱭ ᱨᱮᱵᱮᱱ ᱠᱟᱱᱟ ᱡᱟᱶᱟᱭ ᱚᱲᱟᱜ ᱨᱮ ᱛᱟᱦᱮᱸᱱ ᱞᱟ.ᱜᱤᱫ ᱮᱱᱠᱷᱟᱱ ᱥᱟᱶᱛᱟᱨᱮ ᱢᱮᱱᱟᱜ ᱵᱟᱯᱟᱜᱚᱜ ᱨᱮᱭᱟᱜ ᱥᱮᱨᱣᱟ ᱞᱮᱠᱟ ᱛᱮᱜᱮ ᱠᱚ ᱵᱟᱯᱟᱜᱽ ᱠᱟ.ᱠᱤᱱᱟ ᱾

ᱥᱟᱠᱟᱢ ᱪᱤᱨᱟ. ᱥᱮᱨᱣᱟ ᱥᱟᱯᱲᱟᱣ

ᱫᱷᱚᱨᱚᱢ ᱟᱠᱷᱲᱟ ᱛᱟᱞᱟᱨᱮ ᱟᱵᱚ ᱨᱤᱱ ᱢᱟᱺᱡᱷᱤ ᱯᱟᱨᱟᱱᱤᱠ ᱠᱚ ᱟᱱᱛᱮ ᱜᱮ ᱥᱟᱠᱟᱢ ᱪᱤᱨᱟ. ᱠᱟ.ᱢᱤᱦᱚᱨᱟ ᱨᱮ ᱵᱮᱵᱷᱟᱨᱚᱜ ᱥᱟᱯᱟᱵ ᱦᱚᱸᱠᱚ ᱟ.ᱜᱩ ᱛᱟᱨᱟᱭᱟ ᱾ ᱚᱱᱟ ᱠᱚᱫᱚ ᱦᱩᱭᱩᱜ "ᱯᱮᱨᱮᱡ ᱞᱚᱴᱟ ᱫᱟᱜ, ᱥᱚᱡᱷᱮ ᱥᱤᱨ ᱥᱟᱨᱡᱚᱢ ᱥᱟᱠᱟᱢ, ᱟᱨ ᱠᱟᱴᱠᱚᱢ ᱪᱟᱨᱮᱡ ᱾" ᱟᱫᱚ ᱫᱷᱚᱨᱚᱢ ᱟᱠᱷᱲᱟ ᱛᱟᱞᱟᱨᱮ ᱯᱩᱱ ᱠᱚᱬ ᱜᱩᱨᱤᱡ ᱠᱟᱛᱮ ᱥᱟ.ᱜᱩᱱ ᱞᱚᱴᱟ ᱫᱟᱜ ᱠᱚ ᱫᱚᱲᱚᱢᱟ ᱵᱮᱲᱟ ᱨᱟᱠᱟᱵ ᱥᱮᱫ ᱥᱟᱢᱟᱝ ᱠᱟᱛᱮ ᱾ ᱚᱱᱟ ᱪᱮᱛᱟᱱ ᱨᱮ ᱦᱟ.ᱨᱩᱵ ᱛᱮ ᱚᱱᱟ ᱥᱚᱡᱷᱮ ᱥᱤᱨ ᱯᱮᱭᱟ ᱥᱟᱨᱡᱚᱢ ᱥᱟᱠᱟᱢ ᱠᱚ ᱫᱚᱦᱚᱭᱟ ᱾ ᱟᱨ ᱚᱱᱟ ᱪᱮᱛᱟᱱ ᱨᱮᱫᱚ ᱠᱟᱴᱠᱚᱢ ᱪᱟᱨᱮᱡ ᱾ ᱟᱫᱚ ᱵᱟᱯᱟᱜᱚᱜ ᱠᱟᱱ ᱡᱩᱨᱤ ᱠᱤᱱᱟᱜ ᱵᱟᱱᱟᱨ ᱞᱮᱸᱜᱟ ᱛᱤᱛᱮ ᱚᱱᱟ ᱠᱟᱴᱠᱚᱢ ᱪᱟᱨᱮᱡ ᱠᱚ ᱨᱟ.ᱯᱩᱫ ᱚᱪᱚ ᱠᱤᱱᱟ ᱾ ᱤᱱᱟ. ᱛᱟᱭᱚᱢ ᱥᱟᱨᱡᱚᱢ ᱥᱟᱠᱟᱢ ᱠᱚ ᱚᱨ ᱪᱤᱨᱟ. ᱚᱪᱚ ᱠᱤᱱᱟ ᱞᱮᱸᱜᱟ ᱛᱤ ᱛᱮ ᱜᱮ ᱾ ᱟᱨ ᱢᱩᱪᱟ.ᱫ ᱨᱮᱫᱚ ᱵᱟᱱᱟᱨ ᱞᱮᱸᱜᱟ ᱡᱟᱸᱜᱟ ᱛᱮ ᱚᱱᱟ ᱥᱟ.ᱜᱩᱱ ᱞᱚᱴᱟ ᱫᱟᱜ ᱠᱚ ᱛᱷᱟ.ᱭᱟ. ᱦᱤᱨᱤᱡ ᱚᱪᱚ ᱠᱤᱱᱟ ᱾ ᱤᱱᱟ. ᱛᱟᱭᱚᱢ ᱟᱯᱟᱱ ᱟ.ᱯᱤᱱ ᱦᱚᱨ ᱨᱮ ᱟᱯᱟᱱ ᱟ.ᱯᱤᱱ ᱚᱲᱟᱜ ᱥᱮᱱᱚᱜ ᱨᱮᱭᱟᱜ ᱠᱚ ᱢᱮᱛᱟ ᱠᱤᱱᱟ ᱾

ᱤᱱᱟ. ᱦᱤᱞᱚᱜ ᱠᱷᱚᱱ ᱫᱚ ᱩᱱᱠᱤᱱ ᱧᱩᱛᱩᱢ ᱟᱛᱮ ᱠᱤᱱ ᱦᱚᱯᱚᱦᱚ ᱫᱟᱲᱮᱭᱟᱜ ᱨᱮᱭᱟᱜ ᱠᱚ ᱟᱸᱫᱮ ᱟ.ᱠᱤᱱᱟ ᱾ ᱟᱫᱚ ᱫᱚᱦᱲᱟ ᱫᱚ ᱟᱞᱚ ᱠᱤᱱ ᱧᱟᱯᱟᱢ ᱨᱩᱣᱟ.ᱲᱚᱜ ᱢᱟ ᱢᱮᱱᱛᱮ ᱠᱚ ᱞᱟ.ᱭ ᱛᱟᱨᱟ ᱟ.ᱠᱤᱱᱟ ᱾ ᱟᱨᱵᱟᱝ ᱠᱷᱟᱱ ᱥᱟᱶᱛᱟᱨᱤ ᱥᱟᱡᱟ ᱮᱢ ᱛᱮ ᱦᱩᱭ ᱟ.ᱠᱤᱱᱟ ᱢᱮᱱᱛᱮ ᱠᱚ ᱢᱮᱛᱟ ᱠᱤᱱᱟ ᱾ ᱱᱚᱶᱟ ᱜᱮ ᱥᱟᱠᱟᱢ ᱪᱤᱨᱟ. ᱫᱚ ᱵᱚ ᱢᱮᱛᱟᱜ ᱠᱟᱱᱟ ᱾

ᱵᱟᱨᱦᱮ ᱡᱚᱱᱚᱲ ᱥᱟᱯᱲᱟᱣ

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ