ᱥᱟᱨᱚᱫᱟ ᱯᱨᱚᱥᱟᱫ ᱠᱤᱥᱠᱩ
ᱥᱟᱨᱚᱫᱟ ᱯᱨᱚᱥᱟᱫ ᱠᱤᱥᱠᱩ (ᱠᱷᱮᱨᱣᱟᱞ ᱵᱟ.ᱥᱤᱭᱟ.)
ᱠᱟᱛᱷᱟ ᱥᱟᱶᱦᱮᱫ ᱨᱮᱱ ᱠᱟ.ᱨᱤᱜᱚᱞ ᱢᱩᱫᱨᱮ ᱟᱨ ᱢᱤᱫᱴᱟᱝ ᱠᱟ.ᱨᱤᱜᱚᱞ ᱦᱩᱭᱩᱜ ᱠᱟᱱᱟᱭ ᱥᱟᱨᱚᱫᱟ ᱯᱨᱚᱥᱟᱫ ᱠᱤᱥᱠᱩ,ᱡᱟᱸᱦᱟᱭᱫᱚ ᱠᱷᱮᱨᱣᱟᱞ ᱵᱟᱥᱤᱭᱟ. ᱧᱩᱛᱩᱢᱛᱮ ᱥᱟᱱᱟᱢᱠᱳ ᱵᱟᱰᱟᱭᱟ᱾
ᱡᱟᱱᱟᱢ
ᱥᱟᱯᱲᱟᱣᱯᱩᱪᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱱᱟᱜ ᱱᱟᱦᱟᱜ ᱯᱩᱪᱪᱷᱤᱢ ᱢᱮᱫᱤᱱᱤᱯᱩᱨ ᱦᱚᱱᱚᱛᱨᱮ ᱢᱮᱱᱟᱜ ᱵᱮᱞᱯᱟᱦᱟᱲᱤ ᱛᱷᱟᱱᱟ ᱨᱮᱱᱟᱜ ᱵᱟᱸᱥᱯᱟᱦᱟᱲᱤ ᱟᱛᱳᱨᱮ,᱑᱙᱕᱙ ᱥᱟᱞ ᱨᱮᱱᱟᱜ ᱡᱟᱱᱩᱣᱟᱨᱤ ᱨᱮᱱᱟᱜ ᱑᱑ ᱢᱟᱹᱦᱤᱛ ᱦᱤᱞᱚᱜ ᱡᱟᱱᱟᱢ ᱛᱟᱭ᱾ ᱟᱯᱟᱛ ᱫᱚ ᱩᱠᱤᱞ ᱪᱚᱸᱫᱨᱚ ᱠᱤᱥᱠᱩ,ᱮᱸᱜᱟᱛ ᱫᱚ ᱞᱩᱠᱷᱤᱢᱩᱱᱤ ᱠᱤᱥᱠᱩ᱾
ᱚᱞᱚᱜ ᱡᱤᱭᱟ.ᱱ
ᱥᱟᱯᱲᱟᱣᱟᱛᱳ ᱨᱮᱱᱟᱜ ᱯᱨᱟᱭᱢᱟ.ᱨᱤ ᱤᱥᱠᱩᱞ ᱨᱮᱜᱤ ᱞᱟᱛᱟᱨ ᱪᱟᱱᱟᱪ ᱨᱮᱱᱟᱜ ᱥᱮ ᱚᱞᱚᱜ ᱯᱟᱲᱦᱟᱣ ᱮᱦᱚᱰ ᱫᱚ᱾ ᱚᱱᱟ ᱛᱟᱭᱚᱢ ᱟᱛᱳ ᱨᱮᱱᱟᱜ ᱵᱟᱸᱥᱯᱟᱦᱟᱲᱤ ᱠᱮ.ᱯᱤ.ᱮᱥ.ᱥᱤ ᱦᱟᱭ ᱤᱥᱠᱩᱞ ᱨᱮ ᱙(ᱟᱨᱮ) ᱪᱟᱱᱟᱪ ᱦᱟ.ᱵᱤᱡ ᱮ ᱯᱟᱲᱦᱟᱣ ᱮᱱᱟᱭ᱾ ᱵᱟᱯᱞᱟ ᱥᱩᱛᱟ.ᱢᱛᱮ ᱛᱚᱞᱮᱱ ᱠᱷᱟ.ᱛᱤᱨ ᱚᱞᱚᱜ ᱯᱟᱲᱦᱟᱣ ᱠᱮᱪᱮᱫ ᱞᱮᱱ ᱛᱟᱭᱟ᱾ ᱵᱟᱨ ᱥᱮᱨᱢᱟ ᱛᱟᱭᱱᱚᱢ ᱵᱷᱟᱫᱨᱚᱠᱟ.ᱞᱤ ᱦᱟᱭ ᱤᱥᱠᱩᱞ ᱨᱮ ᱵᱷᱚᱨᱛᱤ ᱞᱮᱱ ᱨᱮᱦᱚᱸ,ᱠᱟ.ᱣᱰᱤ ᱟᱱᱟᱴ ᱠᱷᱟ.ᱛᱤᱨ ᱩᱱ ᱚᱠᱛᱚ ᱦᱚᱸ ᱚᱞᱚᱜ ᱯᱟᱲᱦᱟᱣ ᱠᱮᱪᱮᱫ ᱮᱱ ᱛᱟᱭᱟ᱾ᱟᱨᱦᱚᱸ ᱵᱟᱸᱥᱯᱟᱦᱟᱲᱤ ᱨᱮ ᱨᱩᱣᱟ.ᱲ ᱦᱮᱡ ᱠᱟᱛᱮᱜ ᱑᱙᱘᱑ ᱥᱟᱞ ᱨᱮ ᱢᱟᱫᱽᱫᱷᱚᱢᱤᱠ ᱟᱨ ᱑᱙᱘᱓ ᱦᱟᱭᱟᱨ ᱥᱮᱠᱮᱱᱰᱟᱨᱤᱭ ᱯᱟᱥ ᱠᱮᱫᱟ᱾ ᱚᱱᱟ ᱛᱟᱭᱱᱚᱢ ᱠᱳᱞᱠᱟᱛᱟ ᱥᱩᱯᱷᱤ ᱠᱚᱢᱟᱨᱥᱤᱭᱟᱞ ᱠᱟᱞᱮᱡ ᱠᱷᱚᱱ ᱥᱴᱮᱱᱳᱜᱨᱟᱯᱷᱤᱭ ᱥᱮᱬᱟ ᱠᱮᱫᱟ᱾ ᱑᱙᱘᱕ ᱥᱟᱞᱨᱮ ᱴᱮᱞᱤᱯᱷᱳᱱ ᱟᱯᱟᱨᱮᱴᱤᱝ ᱥᱮᱬᱟ ᱠᱮᱫᱟᱭ᱾
ᱪᱟ.ᱠᱨᱤ ᱡᱤᱭᱟ.ᱱ
ᱥᱟᱯᱲᱟᱣ᱑᱙᱘᱗ ᱥᱟᱞᱨᱮ ᱵᱷᱟᱨᱚᱛ ᱥᱚᱨᱠᱟᱨᱟᱜ ᱟᱭᱠᱚᱨ ᱵᱤᱵᱷᱟᱜᱨᱮ ᱵᱟᱦᱟᱞ ᱮᱱᱟᱭ᱾
ᱥᱟᱶᱦᱮᱫ ᱨᱮ ᱮᱱᱮᱢ
ᱥᱟᱯᱲᱟᱣᱥᱚᱛᱛᱚᱨ ᱫᱚᱥᱚᱠᱨᱮ ᱥᱟᱨᱟᱫᱟ ᱯᱨᱚᱥᱟᱫ ᱠᱤᱥᱠᱩ ᱥᱟᱶᱦᱮᱫ ᱪᱚᱨᱪᱟᱨᱮᱭ ᱯᱷᱮᱰ ᱟᱠᱟᱱᱟ᱾ ᱥᱟᱶᱦᱮᱫ ᱪᱚᱨᱪᱟᱨᱮ "ᱠᱷᱮᱨᱣᱟᱞ ᱵᱟ.ᱥᱭᱟ." ᱧᱩᱛᱩᱢ ᱛᱮ ᱦᱚᱲ ᱠᱚᱴᱷᱮᱱ ᱧᱩᱢ ᱦᱟᱞᱟᱝ ᱟᱠᱟᱱᱟᱭ᱾᱑᱙᱗᱘ ᱥᱟᱞᱨᱮ ᱵᱷᱚᱫᱨᱚᱞᱟ.ᱠᱤ ᱦᱟᱭ ᱤᱥᱠᱩᱞ ᱨᱮᱱᱟᱜ ᱤᱥᱠᱩᱞ ᱢᱮᱜᱟᱡᱤᱱ ᱨᱮ ᱯᱩᱭᱞᱟ. ᱚᱱᱚᱲᱚᱦᱮᱸ "ᱡᱟᱱᱟᱢ ᱟᱭᱳ" ᱩᱪᱷᱟ.ᱱ ᱞᱮᱱ ᱛᱟᱭᱟ᱾ ᱠᱷᱨᱣᱟᱞ ᱵᱟ.ᱥᱭᱟ. ᱟᱭᱢᱟ ᱚᱱᱚᱲᱚᱦᱮᱸ,ᱠᱟ.ᱦᱱᱤ,ᱩᱯᱚᱱᱟᱥ,ᱱᱟᱴᱟᱠ ᱮ ᱚᱞ ᱟᱠᱟᱫᱟ᱾ᱥᱟᱱᱛᱟᱲᱤ ᱥᱟᱶᱦᱮᱫ ᱪᱚᱨᱪᱟ ᱥᱟᱶᱛᱮ ᱵᱟᱝᱞᱟ ᱥᱟᱶᱦᱮᱫ ᱪᱚᱨᱪᱟ ᱨᱮᱦᱚᱸ ᱧᱩᱛᱩᱢᱮ ᱦᱟ.ᱨ ᱟᱠᱟᱫᱟ᱾ᱟᱡᱟᱜ ᱚᱞᱠᱚ "ᱦᱚᱲ ᱥᱚᱢᱵᱟᱫ","ᱛᱮᱛᱨᱮ","ᱥᱤᱞᱤ","ᱯᱩᱪᱷᱤᱢᱵᱟᱝᱞᱟ","ᱟᱨᱥᱤ" ᱮᱢᱟᱱ ᱯᱟᱛᱷᱟᱢ ᱠᱟᱨᱮ ᱪᱷᱟᱯᱟ ᱥᱚᱫᱚᱨ ᱟᱠᱟᱱ ᱛᱟᱭᱟ᱾
ᱩᱪᱷᱟ.ᱱ ᱟᱠᱟᱱ ᱯᱚᱛᱚᱵ ᱠᱚ ᱛᱟᱭ
ᱥᱟᱯᱲᱟᱣ(᱑) "ᱠᱷᱤᱡᱽᱞᱟ.ᱣ",᱑᱙᱘᱓ ᱥᱟᱞ
(᱒) ᱑᱙᱙᱓ ᱥᱟᱞᱨᱮ "ᱢᱚᱬᱮᱠᱚ ᱛᱩᱨᱩᱭᱠᱚ",
(᱓) ᱑᱙᱙᱘ ᱥᱟᱞᱨᱮ ᱥᱟᱯᱟᱯ,
(᱔) ᱒᱐᱐᱒ ᱥᱟᱞᱨᱮ "ᱵᱚᱨᱚᱱᱤᱭᱚ ᱟᱫᱤᱵᱟᱥᱤ ᱪᱚᱨᱤᱛᱢᱟᱞᱟ",
(᱕) ᱒᱐᱐᱓ ᱥᱟᱞᱨᱮ "ᱟ.ᱭᱠᱟ.ᱣ",
(᱖) ᱒᱐᱐᱔ ᱥᱟᱞ ᱨᱮ ᱧᱩᱛᱩᱢᱟᱱ ᱚᱱᱚᱲᱚᱦᱮᱸ ᱨᱟᱢᱫᱟᱥ ᱴᱩᱰᱩ ᱟᱜ "ᱠᱷᱨᱣᱟᱞ ᱵᱚᱝᱥᱚ ᱫᱷᱚᱨᱟᱢ ᱯᱩᱛᱷᱤ" ᱥᱩᱠᱩᱢᱟᱨ ᱥᱤᱠᱫᱟᱨ ᱥᱟᱶ ᱢᱤᱞᱟ.ᱣᱠᱟᱛᱮᱜ ᱛᱚᱨᱚᱡᱚᱢᱟ ᱟᱠᱟᱫᱟᱠᱤᱱ᱾
ᱥᱤᱨᱯᱟ.
ᱥᱟᱯᱲᱟᱣ(᱑)ᱠᱷᱤᱡᱽᱞᱟ.ᱣ ᱱᱟᱴᱚᱠ ᱞᱟ.ᱜᱤᱫ ᱡᱩᱜ ᱥᱤᱨᱤᱡᱚᱞ ᱯᱟᱛᱷᱟᱢ ᱯᱟᱦᱴᱟ ᱠᱷᱚᱱ ᱥᱤᱨᱯᱟ.ᱭ ᱧᱟᱢ ᱟᱠᱟᱫᱟ᱾
(᱒)ᱥᱟᱶᱛᱟᱲᱤ ᱥᱟᱶᱦᱮᱫ ᱮᱱᱮᱢ ᱫᱚᱦᱚ ᱞᱟ.ᱜᱤᱫ ᱑᱙᱘᱖ ᱥᱟᱞᱨᱮ ᱡᱷᱟᱨᱜᱨᱟᱢ ᱡᱩᱵᱚ ᱠᱚᱞᱞᱟᱱ ᱫᱚᱯᱛᱚᱨ(ᱵᱮᱞᱯᱟᱦᱟᱲᱤ ᱪᱟᱸᱜᱟ)ᱯᱟᱦᱴᱟ ᱠᱷᱟᱱ ᱥᱤᱨᱯᱟ ᱪᱟᱞ|
(᱓) ᱑᱙᱙᱑ ᱥᱟᱞᱨᱮ ᱦᱩᱜᱽᱞᱤ ᱩᱛᱛᱟᱨᱯᱟᱨᱟ ᱨᱮᱱᱟᱜ ᱨᱩᱥᱤᱠᱟ ᱢᱟᱸᱰᱽᱣᱟ ᱯᱟᱦᱴᱟ ᱠᱷᱟᱱ ᱥᱤᱨᱯᱟ. ᱪᱟᱞ᱾
(᱔) ᱑᱙᱙᱒ ᱥᱟᱞᱨᱮ ᱯᱩᱪᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ `ᱜᱩᱱᱤᱡᱚᱱ` ᱥᱟᱨᱦᱟᱣ᱾
(᱕) ᱑᱙᱙᱓ ᱥᱟᱞᱨᱮ ᱵᱟᱸᱠᱩᱲᱟ ᱡᱮᱞᱟ ᱟ.ᱫᱤᱵᱟ.ᱥᱤ ᱥᱚᱢᱚᱱᱱᱟᱭ ᱠᱚᱢᱤᱴᱤ ᱯᱟᱦᱴᱟ ᱠᱷᱚᱱ ᱥᱟᱨᱦᱟᱣ᱾
(᱖) ᱑᱙᱙᱘ ᱥᱟᱞᱨᱮ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟ. ᱜᱟᱶᱛᱟ ᱯᱟᱦᱴᱟ ᱠᱷᱚᱱ ᱟᱡᱟᱜ ᱥᱟᱯᱟᱯ ᱠᱟ.ᱦᱱᱤ ᱞᱟ.ᱜᱤᱫ ᱥᱤᱨᱯᱟ. ᱪᱟᱞ᱾
(᱗) ᱒᱐᱐᱔ ᱥᱟᱞᱨᱮ,ᱫᱩᱨᱜᱟᱯᱩᱨ ᱯᱳ.ᱨᱚ ᱱᱤᱜᱚᱢ ᱟᱨ ᱟᱠᱚᱨᱤ ᱜᱟᱶᱛᱟ ᱯᱟᱦᱴᱟ ᱠᱷᱚᱱ ᱥᱤᱨᱯᱟ. ᱟᱨ ᱥᱟᱨᱦᱟᱣ ᱪᱟᱞ᱾
(᱘) ᱒᱐᱐᱕ ᱥᱟᱞᱨᱮ,ᱯᱩᱨᱵᱚ ᱢᱮᱫᱤᱱᱤᱯᱩᱨ ᱨᱮᱱᱟᱜ ᱠᱟᱸᱛᱷᱤ,ᱯᱩᱨᱵᱚ ᱢᱚᱦᱚᱢᱽᱢᱚᱫᱯᱩᱨ ᱨᱮᱱᱟᱜ ᱚᱵᱤᱫᱷᱟ ᱯᱟᱦᱴᱟ ᱠᱷᱚᱱ ᱨᱤᱥᱤ ᱵᱚᱢᱠᱤᱢ ᱥᱤᱨᱯᱟ. ᱪᱟᱞ᱾
(᱙) ᱒᱐᱐᱕ ᱥᱟᱞ ᱨᱮ,ᱨᱚᱜᱷᱩᱱᱟᱛᱷᱯᱩᱨ ᱞᱳᱠ ᱳ ᱟᱫᱤᱵᱟᱥᱤ ᱵᱤᱠᱟᱥ ᱥᱚᱢᱤᱛᱤ,ᱨᱚᱜᱷᱩᱱᱟᱛᱷᱯᱩ,ᱛᱟᱢᱟᱡᱩᱲᱤ,ᱯᱩᱪᱪᱷᱤᱢ ᱴᱮᱫᱤᱱᱤᱯᱩᱨ ᱯᱟᱦᱴᱟ ᱠᱷᱚᱱ ᱥᱤᱨᱯᱟ. ᱟᱨ ᱥᱟᱨᱦᱟᱣ ᱪᱟᱞ᱾
ᱥᱟᱨᱚᱫᱟ ᱯᱨᱚᱥᱟᱫ ᱠᱤᱥᱠᱩ(ᱠᱷᱮᱨᱣᱟᱞ ᱵᱟ.ᱥᱭᱟ.) ᱟᱭᱢᱟ ᱥᱟᱶᱦᱮᱫ ᱪᱚᱨᱪᱟ ᱜᱟᱶᱛᱟ ᱥᱟᱶᱛᱮ ᱡᱟᱯᱲᱟᱣ ᱢᱮᱱᱟᱭᱟ᱾ᱵᱤᱫᱮᱥ ᱠᱟᱨᱮᱱᱟᱜ ᱥᱟᱶᱦᱮᱫ ᱟᱠᱷᱲᱟᱨᱮ ᱥᱮᱞᱮᱫ ᱟᱠᱟᱱᱟᱭ᱾ ᱥᱟᱶᱦᱮᱫ ᱪᱚᱨᱪᱟ ᱥᱟᱶ ᱥᱟᱶᱛᱮ ᱥᱟᱱᱛᱟᱲ ᱥᱟᱶᱛᱟ ᱵᱷᱟ.ᱞᱟ.ᱣ ᱠᱟ.ᱢᱤ ᱨᱮ ᱟᱭᱢᱟ ᱜᱟᱶᱛᱟ ᱥᱟᱶᱛᱮ ᱡᱟᱯᱲᱟᱣ ᱢᱮᱱᱟᱭᱟ᱾