ᱥᱟᱨᱟᱭ ᱟᱞᱟᱢᱜᱤᱨ
ᱥᱟᱨᱟᱭ ᱟᱞᱟᱢᱜᱤᱨ (ᱯᱟᱧᱡᱟᱵᱤ: سرائے عالمگیر, ᱩᱨᱫᱩ: سرائے عالمگیر) ᱫᱚ ᱥᱟᱨᱟᱭ ᱟᱞᱟᱢᱜᱤᱨ ᱛᱚᱦᱥᱤᱞ ᱨᱮᱱᱟᱜ ᱢᱩᱬ ᱥᱚᱦᱚᱨ ᱠᱟᱱᱟ, ᱡᱟᱦᱟᱸ ᱫᱚ ᱯᱟᱠᱤᱥᱛᱟᱱ ᱨᱮᱱᱟᱜ ᱯᱟᱧᱡᱟᱵᱽ ᱯᱨᱚᱫᱮᱥ ᱨᱮᱱᱟᱜ ᱠᱚᱧᱮ ᱨᱮ ᱜᱩᱡᱽᱨᱟᱴ ᱦᱚᱱᱚᱛ ᱨᱮ ᱢᱮᱱᱟᱜᱼᱟ ᱾
| ᱥᱟᱨᱟᱭ ᱟᱞᱟᱢᱜᱤᱨ سرائے عالمگیر | |
|---|---|
| ᱥᱚᱦᱚᱨ | |
 ᱥᱟᱨᱟᱭ ᱟᱞᱟᱢᱜᱤᱨ ᱯᱟᱦᱴᱟ ᱠᱷᱚᱱ ᱡᱷᱤᱞᱟᱢ ᱜᱟᱰᱟ ᱟᱨ ᱯᱚᱞ | |
  ᱥᱟᱨᱟᱭ ᱟᱞᱟᱢᱜᱤᱨ سرائے عالمگیر | |
| Coordinates: 32°54′N 73°45′E / 32.900°N 73.750°ECoordinates: 32°54′N 73°45′E / 32.900°N 73.750°E | |
| ᱫᱤᱥᱚᱢ |  ᱯᱟᱠᱤᱥᱛᱟᱱ |
| ᱯᱨᱚᱫᱮᱥ | ᱯᱟᱧᱡᱟᱵᱽ |
| ᱦᱟᱹᱴᱤᱧ | ᱜᱩᱡᱽᱨᱟᱴ |
| ᱦᱚᱱᱚᱛ | ᱜᱩᱡᱽᱨᱟᱴ |
| ᱱᱚᱜᱚᱨ ᱠᱚ | ᱔ |
| ᱭᱩᱱᱤᱭᱚᱱ ᱠᱚᱣᱩᱱᱥᱤᱞ ᱠᱚ | ᱗ |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱒᱓) |
| • ᱞᱮᱠᱷᱟᱜᱩᱴ | ᱗᱓,᱙᱖᱗ |
| PKT (ᱭᱩᱴᱤᱥᱤ+᱐᱕:᱐᱐) | |
| • ᱥᱤᱛᱩᱝ (DST) | PDT (UTC+᱐᱖:᱐᱐) |
| ᱯᱤᱱ ᱠᱳᱰ | ᱕᱐᱐᱐᱐ |
ᱥᱟᱨᱟᱭ ᱟᱞᱟᱢᱜᱤᱨ ᱫᱚ ᱜᱩᱡᱽᱨᱟᱴ ᱦᱚᱱᱚᱛ ᱨᱮᱱᱟᱜ ᱯᱩᱱᱭᱟᱹ ᱛᱚᱦᱥᱤᱞ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾[᱑][᱒][᱓]
ᱥᱟᱨᱟᱭ ᱟᱞᱟᱢᱜᱤᱨ ᱥᱚᱦᱚᱨ ᱫᱚ ᱢᱩᱜᱚᱞ ᱥᱟᱢᱨᱟᱡᱽ ᱟᱣᱨᱟᱝᱡᱮᱵᱽ ᱟᱞᱟᱢᱜᱤᱨ ᱦᱚᱛᱮᱛᱮ ᱛᱷᱟᱯᱚᱱ ᱞᱮᱱᱟ ᱾[᱑] ᱚᱱᱟ ᱠᱷᱟᱹᱛᱤᱨ ᱛᱮ ᱱᱚᱣᱟ ᱥᱚᱦᱚᱨ ᱨᱮᱱᱟᱜ ᱧᱩᱛᱩᱢ ᱫᱚ ᱥᱟᱨᱟᱭ ᱟᱞᱟᱢᱜᱤᱨ ᱢᱮᱱᱛᱮ ᱟᱞᱟᱢᱜᱤᱨ ᱨᱮᱱᱟᱜ ᱥᱟᱸᱜᱷᱟᱨ ᱠᱟᱱᱟ ᱪᱮᱫᱟᱜ ᱥᱮ ᱱᱚᱶᱟ ᱴᱷᱟᱶ ᱫᱚ ᱟᱞᱟᱢᱜᱤᱨ ᱨᱤᱱ ᱯᱷᱟᱹᱫᱽ ᱦᱚᱛᱮᱛᱮ "ᱥᱟᱨᱟᱭ" (ᱡᱤᱨᱟᱹᱣ ᱴᱚᱴᱷᱟ) ᱞᱮᱠᱟᱛᱮ ᱵᱮᱵᱷᱟᱨᱚᱜ ᱠᱟᱱ ᱛᱟᱦᱮᱸᱫ ᱾
ᱥᱟᱨᱟᱭ ᱟᱞᱟᱢᱜᱤᱨ ᱫᱚ ᱡᱷᱮᱞᱟᱢ ᱜᱟᱰᱟ ᱨᱮᱱᱟᱜ ᱥᱟᱢᱟᱝ ᱫᱷᱟᱨᱮ ᱨᱮ ᱕᱗᱕ ᱠᱤᱞᱚᱢᱤᱴᱟᱨ (᱒᱒᱒ ᱜᱟᱺᱴ ᱢᱟᱭᱤᱞ) ᱨᱮ ᱯᱟᱥᱱᱟᱣ ᱟᱠᱟᱱᱟ, ᱡᱷᱮᱞᱟᱢ ᱨᱮᱱᱟᱜ ᱢᱟᱨᱟᱝ ᱥᱚᱦᱚᱨ ᱛᱟᱞᱟ ᱨᱮ ᱾ ᱥᱚᱦᱚᱨ ᱨᱮᱱᱟᱜ ᱥᱟᱢᱟᱝ ᱨᱮ ᱪᱮᱛᱟᱱ ᱡᱷᱮᱞᱟᱢ ᱠᱮᱱᱟᱞ ᱢᱮᱱᱟᱜᱼᱟ ᱾ ᱑᱙᱗᱖ ᱥᱮᱨᱢᱟ ᱨᱮ ᱥᱟᱨᱟᱭ ᱟᱞᱟᱢᱜᱤᱨ ᱢᱩᱱᱥᱤᱯᱟᱞ ᱠᱚᱢᱤᱴᱤ ᱦᱟᱹᱴᱤᱧ ᱨᱮ ᱦᱮᱡ ᱞᱮᱱᱟ ᱾ ᱯᱟᱧᱡᱟᱵᱽ ᱴᱚᱴᱷᱟᱠᱤᱭᱟᱹ ᱥᱚᱨᱠᱟᱨ ᱚᱨᱰᱤᱱᱟᱱᱥ ᱒᱐᱐᱑ ᱯᱩᱨᱟᱹᱣ ᱛᱟᱭᱚᱢ, ᱱᱚᱣᱟ ᱫᱚ ᱛᱚᱦᱥᱤᱞ ᱢᱩᱱᱥᱤᱯᱟᱞ ᱮᱰᱢᱤᱱᱤᱥᱴᱨᱮᱥᱚᱱ (TMA) ᱨᱮᱱᱟᱜ ᱴᱷᱟᱶ ᱮ ᱧᱟᱢ ᱠᱮᱫᱼᱟ ᱾[᱒]
ᱚᱛᱱᱚᱜ ᱟᱨ ᱦᱚᱭ ᱦᱤᱥᱤᱫ
ᱥᱟᱯᱲᱟᱣᱥᱟᱨᱟᱭ ᱫᱚ ᱓᱒°᱕᱔′᱐᱐″ᱠᱚᱧᱮ ᱗᱓°᱔᱕′᱐᱐″ᱥᱟᱢᱟᱝ (᱓᱒.᱙᱐᱐᱐᱐᱐, ᱗᱓.᱗᱕᱐᱐᱐᱐) ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱫᱚᱨᱭᱟ ᱟᱴᱮᱫ ᱠᱷᱚᱱ ᱒᱓᱒ ᱢᱤᱴᱚᱨ (᱗᱖᱑ ᱯᱷᱤᱴ) ᱪᱮᱛᱟᱱ ᱨᱮ ᱢᱮᱱᱟᱜᱼᱟ ᱾ ᱢᱩᱱᱥᱤᱯᱟᱞᱴᱤ ᱨᱮᱱᱟᱜ ᱦᱚᱭ ᱦᱤᱥᱤᱫ ᱫᱚ ᱛᱟᱞᱟ ᱜᱮᱭᱟ ᱾ ᱥᱤᱛᱩᱝ ᱚᱠᱛᱚ ᱨᱮ, ᱞᱚᱞᱚᱥᱚᱝ ᱚᱠᱛᱚ ᱞᱟᱹᱜᱤᱫ ᱔᱕°C (᱑᱑᱓°F) ᱫᱷᱟᱹᱨᱤᱡ ᱫᱟᱲᱮᱭᱟᱜᱼᱟ ᱾ ᱨᱟᱵᱟᱝ ᱨᱤᱛᱩ ᱨᱮᱱᱟᱜ ᱪᱟᱸᱫᱚ ᱫᱚ ᱱᱟᱥᱮ ᱞᱚᱞᱚ ᱜᱮᱭᱟ, ᱞᱚᱞᱚᱥᱚᱝ ᱫᱚ ᱑°C (᱓᱔°F) ᱠᱷᱚᱱ ᱞᱟᱛᱟᱨ ᱨᱮᱜᱮ ᱦᱤᱡᱩᱜᱼᱟ ᱾ ᱥᱟᱨᱟᱭ ᱟᱞᱚᱢᱜᱤᱨ ᱫᱚ ᱡᱷᱮᱞᱟᱢ ᱥᱚᱦᱚᱨ ᱨᱮᱱᱟᱜ ᱮᱛᱚᱢ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱡᱷᱮᱞᱟᱢ ᱜᱟᱰᱟ ᱨᱮᱱᱟᱜ ᱥᱩᱨ ᱨᱮ ᱢᱮᱱᱟᱜᱼᱟ ᱾ ᱥᱟᱨᱟᱭ ᱨᱮᱱᱟᱜ ᱠᱚᱧᱮ ᱨᱮ ᱢᱤᱨᱯᱩᱨᱮ ᱟᱨ ᱵᱷᱤᱢᱵᱚᱨ ᱥᱚᱦᱚᱨ ᱢᱮᱱᱟᱜᱼᱟ ᱾ ᱢᱟᱱᱰᱤ ᱵᱟᱦᱟᱣᱩᱫᱤᱱ ᱟᱨ ᱨᱚᱥᱩᱞ ᱥᱟᱨᱟᱭ ᱟᱞᱚᱢᱜᱤᱨ ᱨᱮᱱᱟᱜ ᱮᱛᱚᱢ ᱨᱮ ᱢᱮᱱᱟᱜᱼᱟ ᱾[᱒][᱔]
ᱱᱟᱜᱟᱢ
ᱥᱟᱯᱲᱟᱣᱢᱟᱨᱮ ᱱᱟᱜᱟᱢ ᱨᱮ ᱱᱚᱣᱟ ᱴᱚᱴᱷᱟ ᱫᱚ ᱥᱤᱱᱫᱷᱩ ᱜᱷᱟᱹᱴᱤ ᱥᱚᱥᱱᱚᱜ ᱟᱨ ᱜᱟᱸᱫᱷᱟᱨ ᱥᱚᱥᱱᱚᱜ ᱨᱮ ᱥᱮᱞᱮᱫ ᱞᱮᱱᱟ ᱛᱟᱦᱮᱸᱫ ᱾ ᱤᱱᱟᱹ ᱛᱟᱭᱚᱢ ᱢᱟᱹᱦᱤᱛ ᱨᱮ ᱥᱤᱠᱚᱱᱫᱚᱨ ᱢᱟᱨᱟᱝ ᱟᱨ ᱢᱟᱨᱟᱝ ᱨᱟᱡᱟ ᱯᱳᱨᱚᱥ ᱨᱤᱱ ᱥᱤᱯᱟᱹᱦᱤ ᱛᱟᱞᱟ ᱨᱮ ᱦᱟᱭᱰᱮᱥᱯᱮᱥ ᱨᱮᱱᱟᱜ ᱞᱟᱹᱲᱦᱟᱹᱭ ᱦᱩᱭ ᱞᱮᱱᱟ ᱾[᱕][᱑] ᱢᱟᱲᱟᱝ ᱨᱮ, ᱱᱚᱣᱟ ᱴᱚᱴᱷᱟ ᱨᱤᱱ ᱢᱟᱨᱟᱝ ᱦᱚᱲ ᱠᱚ ᱢᱤᱫᱴᱟᱹᱝ ᱥᱟᱨᱟᱭᱟᱜ ᱵᱮᱱᱟᱣ ᱮᱫ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱦᱮᱡ ᱥᱮᱱ ᱞᱟᱹᱜᱤᱫ ᱢᱤᱫ ᱠᱟᱨᱣᱟᱝ ᱥᱴᱮᱥᱚᱱ ᱟᱨ ᱵᱷᱤᱥᱨᱚᱢ ᱚᱲᱟᱜ ᱛᱟᱦᱮᱸ ᱠᱟᱱᱟ ᱾ ᱢᱤᱫᱴᱟᱹᱝ ᱥᱟᱨᱟᱭ ᱨᱮ ᱫᱚ ᱢᱤᱫᱴᱟᱹᱝ ᱧᱩ ᱠᱩᱧ, ᱢᱤᱫᱴᱟᱹᱝ ᱱᱮᱦᱚᱨ ᱴᱚᱴᱷᱟ ᱟᱨ ᱦᱚᱲ ᱠᱚ ᱞᱟᱹᱜᱤᱫ ᱢᱤᱫᱴᱟᱹᱝ ᱡᱤᱨᱟᱹᱣ ᱴᱚᱴᱷᱟ ᱢᱮᱱᱟᱜᱼᱟ ᱾[᱑]
ᱰᱮᱢᱚᱜᱨᱟᱯᱷᱤ
ᱥᱟᱯᱲᱟᱣ᱑᱙᱗᱒ ᱥᱮᱨᱢᱟ ᱨᱮ ᱥᱚᱦᱚᱨ ᱨᱮ ᱒,᱖᱐᱙ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱯᱟᱠᱤᱥᱛᱟᱱ ᱨᱮᱱᱟᱜ ᱒᱐᱒᱓ ᱥᱮᱨᱢᱟ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱱᱚᱸᱰᱮ ᱗᱓,᱙᱖᱗ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾[᱖]
| ᱦᱚᱲ ᱞᱮᱠᱷᱟ ᱡᱚᱠᱷᱟ | ᱦᱚᱲ ᱮᱞ |
|---|---|
| ᱑᱙᱗᱒ | ᱒,᱖᱐᱙ |
| ᱑᱙᱘᱑ | ᱒᱓,᱖᱖᱔ |
| ᱑᱙᱙᱘ | ᱓᱗,᱑᱖᱖ |
| ᱒᱐᱑᱗ | ᱕᱔,᱘᱖᱔ |
| ᱒᱐᱒᱓ | ᱗᱓,᱙᱖᱗ |
ᱢᱩᱬ ᱡᱟᱭᱜᱟ ᱠᱚᱨᱮ
ᱥᱟᱯᱲᱟᱣᱥᱟᱨᱟᱭ ᱟᱞᱟᱢᱜᱤᱨ ᱫᱚ ᱢᱟᱨᱮ ᱜᱨᱟᱸᱰ ᱴᱨᱟᱸᱠ ᱨᱳᱰ ᱟᱨ ᱡᱷᱮᱞᱟᱢ ᱜᱟᱰᱟ ᱛᱟᱞᱟ ᱨᱮ ᱢᱮᱱᱟᱜ ᱢᱤᱫ ᱱᱟᱜᱟᱢᱤᱭᱟᱹ ᱡᱟᱜᱟ ᱠᱟᱱᱟ ᱾[᱑] ᱦᱟᱭᱰᱮᱥᱯᱮᱥ ᱨᱮᱱᱟᱜ ᱞᱟᱹᱲᱦᱟᱹᱭ ᱨᱮᱱᱟᱜ ᱴᱷᱟᱶ, ᱱᱟᱜᱟᱢᱤᱭᱟᱹ ᱟᱨ ᱢᱟᱨᱮ ᱟᱞᱮᱠᱡᱮᱱᱰᱨᱤᱭᱟᱱ ᱥᱚᱦᱚᱨ ᱵᱩᱠᱮᱯᱷᱟᱞᱟ (ᱟᱨᱵᱟᱝ ᱵᱩᱥᱮᱯᱷᱟᱞᱟ) ᱟᱨ ᱢᱟᱨᱟᱝ ᱨᱳᱦᱛᱟᱥ ᱠᱤᱞᱟ ᱢᱮᱱᱟᱜᱼᱟ ᱾[᱕][᱗]
ᱡᱚᱜᱟᱡᱩᱜᱽ
ᱥᱟᱯᱲᱟᱣᱥᱩᱨ ᱨᱮᱱᱟᱜ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱤᱥᱞᱟᱢᱟᱵᱟᱫᱽ ᱟᱨ ᱥᱤᱭᱟᱞᱠᱚᱴ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱑᱒᱗ ᱠᱤᱞᱚᱢᱤᱴᱚᱨ (᱗᱙ ᱢᱤᱞ) ᱟᱨ ᱙᱐ ᱠᱤᱞᱚᱢᱤᱴᱚᱨ (᱕᱖ ᱢᱤᱞ) ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾[᱘] ᱥᱚᱦᱚᱨ ᱨᱮ ᱨᱮᱞᱣᱮ ᱥᱴᱮᱥᱚᱱ, ᱜᱨᱟᱸᱰ ᱴᱨᱟᱸᱠ ᱨᱳᱰ, ᱡᱷᱮᱞᱟᱢ ᱜᱟᱰᱟ ᱟᱨ ᱪᱮᱛᱟᱱ ᱡᱷᱤᱞᱟᱢ ᱠᱮᱱᱟᱞ ᱥᱟᱶ ᱮᱴᱟᱜ ᱥᱮᱵᱟ ᱡᱚᱲᱟᱣ ᱢᱮᱱᱟᱜᱼᱟ ᱾ ᱥᱟᱨᱟᱭ ᱟᱞᱚᱢᱜᱤᱨ ᱡᱤᱴᱤ ᱨᱳᱰ (N5) ᱟᱨ ᱯᱟᱠᱤᱥᱛᱟᱱ ᱨᱮᱱᱟᱜ ᱢᱩᱬ ᱨᱮᱞᱣᱮ ᱞᱟᱭᱤᱱ ᱨᱮ ᱢᱮᱱᱟᱜᱼᱟ ᱾ ᱢᱤᱫᱴᱟᱹᱝ ᱨᱟᱡᱽᱰᱟᱦᱟᱨ ᱱᱚᱶᱟ ᱢᱟᱱᱰᱤ ᱵᱟᱦᱟᱩᱫᱫᱤᱱ ᱠᱷᱚᱱ ᱡᱚᱲᱟᱣ ᱟᱠᱟᱱᱟ, ᱟᱨ ᱢᱤᱫᱴᱟᱹᱝ ᱫᱚ ᱢᱤᱨᱯᱩᱨ, ᱟᱡᱟᱫᱽ ᱠᱟᱹᱥᱢᱤᱨ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ ᱢᱤᱫ ᱢᱚᱴᱚᱨ ᱣᱮ ᱤᱱᱴᱟᱨᱪᱮᱸᱡᱽ ᱦᱚᱸ ᱯᱟᱭᱤᱯᱞᱟᱭᱤᱱ ᱨᱮ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱒᱐᱒᱓ ᱥᱟᱞ ᱫᱷᱟᱹᱨᱤᱡ ᱯᱩᱨᱟᱹᱣ ᱦᱩᱭᱩᱜᱼᱟ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ ᱑.᱐ ᱑.᱑ ᱑.᱒ ᱑.᱓ ᱑.᱔ ᱛᱩᱢᱟᱹᱞ ᱦᱩᱲᱟᱹᱜ:Invalid
<ref>tag; no text was provided for refs namedTheNation - ↑ ᱒.᱐ ᱒.᱑ ᱒.᱒ "Sarai Alamgir". Tehsil Municipal Administration Sarai Alamgir, Government of the Punjab website. Archived from the original on 8 June 2016. Retrieved 30 October 2024.
- ↑ PML-N's 'long march' begins from Lahore's Model Town Business Recorder (newspaper), Published 27 March 2022, Retrieved 20 January 2023
- ↑ Detailed satellite map of Sarai Alamgir and its nearby places Retrieved 20 January 2023
- ↑ ᱕.᱐ ᱕.᱑ Battle between Alexander the Great and King Porus near Sarai Alamgir and Jhelum area on livius.org website, Retrieved 20 January 2023
- ↑ "Sarāi Ālamgīr (Gujrat, Punjab, Pakistan) - Population Statistics, Charts, Map, Location, Weather and Web Information". www.citypopulation.de. Retrieved 2024-09-05.
- ↑ Rohtas Fort article on The Nation (newspaper) Published 3 June 2013, Retrieved 20 January 2023
- ↑ Nearest Islamabad International Airport on Civil Aviation Authority website Retrieved 20 January 2023