ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ

ᱣᱤᱠᱤᱯᱤᱰᱤᱭᱟ ᱨᱮᱱᱟᱜ ᱥᱟᱱᱛᱟᱲᱤ ᱵᱷᱟᱨᱥᱚᱱ

ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ ᱫᱚ ᱦᱩᱭᱩᱜ ᱠᱟᱱᱟ ᱫᱷᱟᱹᱨᱛᱤ ᱨᱮᱱᱟᱜ ᱢᱤᱫᱴᱟᱹᱝ ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱾ ᱣᱤᱠᱤᱯᱤᱰᱤᱭᱟ ᱨᱮᱱᱟᱜ ᱥᱟᱱᱛᱟᱲᱤ ᱯᱟᱹᱨᱥᱤ ᱨᱩᱯ ᱾ ᱥᱮᱨᱢᱟ ᱒᱐᱑᱘ ᱨᱮᱱᱟᱜ ᱒ ᱚᱜᱚᱥᱴ[᱑] ᱠᱷᱚᱱ ᱱᱚᱣᱟ ᱣᱤᱠᱤᱯᱤᱰᱤᱭᱟ ᱫᱚ ᱮᱛᱚᱦᱚᱵ ᱟᱠᱟᱱᱟ ᱾ ᱱᱚᱣᱟ ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ ᱫᱚ ᱦᱚᱲ ᱦᱚᱯᱚᱱᱟᱜ ᱟᱯᱱᱟᱨ ᱪᱤᱠᱤ ᱛᱮ ᱚᱞ ᱦᱩᱭ ᱟᱠᱟᱱᱟ ᱾[᱒][᱓]

Favicon of Wikipedia ᱥᱟᱱᱛᱟᱲ ᱣᱤᱠᱤᱯᱤᱰᱤᱭᱟ
ᱥᱟᱱᱛᱟᱲ ᱣᱤᱠᱤᱯᱤᱰᱤᱭᱟ ᱨᱮᱱᱟᱜ ᱪᱤᱱ ᱪᱤᱛᱟᱹᱨ
Screenshot
ᱥᱟᱭᱤᱴ ᱨᱮᱭᱟᱜ ᱞᱮᱠᱟᱱ
Internet encyclopedia
ᱨᱮ  ᱧᱟᱢᱚᱜᱥᱟᱱᱛᱟᱲ
ᱦᱮᱰᱠᱩᱣᱟᱴᱟᱨᱢᱤᱭᱟᱢᱤ, ᱯᱷᱞᱳᱨᱤᱰᱟ
ᱢᱟᱹᱞᱤᱠᱣᱤᱠᱤᱢᱤᱰᱤᱭᱟ ᱯᱷᱟᱣᱱᱰᱮᱥᱚᱱ
ᱭᱩ.ᱟᱨ.ᱮᱞsat.wikipedia.org
ᱵᱮᱯᱟᱨᱤᱭᱟᱹNo
ᱨᱮᱡᱤᱥᱴᱨᱮᱥᱟᱱOptional
ᱩᱰᱷᱟᱹᱣ ᱢᱟᱦᱟᱚᱜᱚᱥᱴ 2, 2018; 5 years ago (2018-᱐᱘-02)

ᱱᱟᱜᱟᱢ ᱥᱟᱯᱲᱟᱣ

ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ ᱥᱮᱯᱴᱮᱢᱵᱚᱨ ᱒᱐᱑᱐ ᱠᱷᱚᱱ ᱤᱱᱠᱭᱩᱵᱮᱴᱚᱨ ᱨᱮ ᱛᱟᱦᱮᱸ ᱠᱟᱱᱟ ᱾[᱔] ᱤᱱᱠᱭᱩᱵᱮᱴᱚᱨ ᱢᱮᱱ ᱞᱮᱠᱷᱟᱱ ᱱᱚᱣᱟ ᱵᱚ ᱢᱮᱱᱼᱟ ᱣᱤᱠᱤᱢᱮᱰᱤᱭᱟ ᱯᱨᱚᱡᱮᱠᱴ ᱡᱟᱦᱟᱸ ᱛᱤᱱᱟᱹᱜ ᱢᱮᱱᱟᱜᱼᱟ ᱚᱱᱟ ᱫᱤᱥᱚᱢ ᱦᱚᱲ ᱥᱟᱢᱟᱝ ᱨᱮ ᱩᱪᱷᱟᱹᱱᱚᱜ ᱞᱟᱦᱟ ᱨᱮ ᱡᱟᱦᱟᱸ ᱛᱷᱚᱠ ᱨᱮ ᱛᱟᱦᱮᱱᱟ ᱚᱱᱟ ᱫᱚ ᱤᱱᱠᱭᱩᱵᱮᱴᱚᱨ ᱠᱚ ᱢᱮᱛᱟᱜ ᱠᱟᱱᱟ ᱾ ᱥᱟᱱᱛᱟᱲᱤ ᱯᱟᱹᱨᱥᱤ ᱛᱮ ᱣᱤᱠᱤᱯᱤᱰᱤᱭᱟ ᱪᱟᱹᱞᱩ ᱞᱟᱹᱜᱤᱫ ᱛᱮ ᱒᱐᱑᱒ ᱥᱮᱨᱢᱟ ᱠᱷᱚᱱ ᱠᱩᱨᱩᱢᱩᱴᱩ ᱦᱩᱭᱩᱜ ᱠᱟᱱ ᱛᱟᱦᱮᱸᱱᱟ ᱾ ᱤᱠᱷᱟᱹᱱ ᱒᱐᱑᱒ ᱨᱮ ᱮᱛᱚᱦᱚᱵ ᱞᱮᱱ ᱠᱟᱹᱢᱤ ᱫᱚ ᱩᱱᱟᱹᱜ ᱠᱮᱴᱮᱡ ᱵᱟᱝ ᱪᱟᱞᱟᱣ ᱞᱮᱱᱟ ᱾ ᱒᱐᱑᱕ ᱥᱟᱞ ᱨᱮ ᱥᱤᱧᱚᱛ ᱨᱮ ᱟᱨ ᱚᱥᱣᱚᱱᱤ ᱵᱚᱱᱡᱚᱱ ᱢᱩᱨᱢᱩ ᱟᱨ ᱨᱟᱢᱡᱤᱛ ᱴᱩᱰᱩ ᱚᱞᱪᱤᱠᱤ ᱴᱮᱠ ᱧᱩᱛᱩᱢ ᱛᱮ ᱟᱱᱰᱨᱚᱭᱮᱰᱽ ᱟᱨ ᱤᱱᱴᱟᱨᱱᱮᱴ ᱨᱮ ᱚᱞᱪᱤᱠᱤ ᱨᱮᱱᱟᱜ ᱪᱷᱟᱨᱟᱣ ᱯᱟᱥᱱᱟᱣ ᱠᱟᱹᱢᱤᱠᱤᱱ ᱛᱚᱸᱜᱮ ᱞᱮᱫᱼᱟ ᱾ ᱤᱱᱟᱹ ᱚᱠᱛᱚ ᱯᱷᱮᱥᱵᱩᱠ ᱫᱟᱨᱟᱭ ᱛᱮ ᱵᱟᱝᱞᱟ ᱫᱤᱥᱚᱢ ᱨᱤᱱᱤᱡ ᱚᱞᱪᱤᱠᱤ ᱫᱩᱞᱟᱹᱲᱤᱭᱟᱹ ᱢᱟᱱᱤᱠ ᱥᱚᱨᱮᱱ ᱥᱟᱞᱟᱜ ᱥᱟᱹᱜᱟᱹᱭ ᱡᱚᱲᱟᱣ ᱮᱱᱟ ᱾ ᱒᱐᱑᱗ ᱮᱯᱨᱤᱞ ᱪᱟᱸᱫᱚ ᱨᱮ ᱢᱟᱱᱤᱠ ᱥᱚᱨᱮᱱ ᱥᱟᱶ ᱥᱩᱵᱟᱥ ᱢᱩᱨᱢᱩ, ᱥᱩᱵᱷᱟᱥ ᱪᱚᱸᱫᱽᱨᱚ ᱦᱮᱢᱵᱨᱚᱢ ᱟᱨ ᱢᱟᱨᱤᱭᱳ ᱥᱩᱭᱛᱮᱱ ᱢᱩᱨᱢᱩ ᱱᱩᱠᱩ ᱥᱟᱱᱟᱢ ᱥᱤᱧᱚᱛ ᱫᱤᱥᱚᱢ ᱨᱮᱱᱤᱡ ᱟᱨ ᱚᱥᱣᱚᱱᱤ ᱵᱚᱸᱡᱚᱱ ᱢᱩᱨᱢᱩ ᱦᱟᱜ ᱱᱮᱰᱟ ᱛᱮ ᱥᱤᱧᱚᱛ ᱨᱮᱱᱟᱜ ᱩᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱵᱟᱨᱤᱯᱚᱫᱟ ᱵᱟᱡᱟᱨ ᱫᱟᱲᱟᱱ ᱠᱚ ᱦᱮᱡ ᱞᱮᱱᱟ ᱾ ᱚᱱᱰᱮ ᱟᱨ ᱚᱥᱣᱚᱱᱤ ᱵᱚᱸᱡᱚᱱ ᱢᱩᱨᱢᱩ ᱥᱟᱶ ᱧᱟᱯᱟᱢ ᱠᱟᱛᱮᱫ ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ ᱵᱟᱨᱮ ᱛᱮ ᱫᱚᱚᱚᱲᱟ ᱨᱚᱯᱚᱲ ᱦᱩᱭ ᱮᱱᱟ ᱾ ᱟᱨ ᱚᱱᱟ ᱛᱟᱭᱚᱢ ᱒᱐᱑᱘ ᱥᱟᱞ ᱨᱮ ᱚᱱᱠᱟ ᱜᱮ ᱟᱨ ᱚᱥᱣᱚᱱᱤ ᱵᱚᱸᱡᱚᱱ ᱢᱩᱨᱢᱩ ᱱᱮᱯᱟᱞ ᱫᱤᱥᱚᱢ ᱨᱤᱱᱤᱡ ᱚᱞᱪᱤᱠᱤ ᱪᱷᱟᱨᱟᱣ ᱯᱟᱥᱱᱟᱣ ᱨᱮ ᱪᱷᱩᱴᱹᱟᱣ ᱢᱮᱱᱟᱭ ᱥᱤᱵᱩ ᱢᱩᱨᱢᱩ ᱥᱟᱶ ᱨᱚᱯᱚᱲ ᱮᱱᱟᱭ ᱟᱨ ᱥᱤᱵᱩ ᱢᱩᱨᱢᱩ ᱦᱚᱸ ᱣᱤᱠᱤᱯᱤᱰᱤᱭᱟ ᱮᱱᱮᱢ ᱮᱢ ᱞᱟᱹᱜᱤᱫ ᱮ ᱨᱮᱵᱮᱱ ᱮᱱᱟ ᱾ ᱱᱚᱣᱟ ᱞᱮᱠᱟ ᱛᱮ ᱒᱐᱑᱗ ᱥᱮᱨᱢᱟ ᱠᱷᱚᱱ ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ ᱥᱤᱧᱚᱛ ᱵᱟᱝᱞᱟᱫᱤᱥᱚᱢ ᱟᱨ ᱱᱮᱯᱟᱞ ᱨᱮᱱ ᱡᱩᱣᱟᱹᱱ ᱠᱚ ᱛᱩᱞᱩᱡ ᱱᱤᱭᱟᱹ ᱠᱟᱹᱢᱤ ᱦᱚᱨᱟ ᱫᱚ ᱢᱚᱸᱡᱽᱛᱮ ᱮᱛᱚᱦᱚᱵ ᱞᱮᱱᱟ ᱾ ᱵᱟᱝᱞᱟᱫᱮᱥ ᱟᱨ ᱵᱷᱟᱨᱚᱛ ᱨᱮᱱ ᱥᱟᱱᱛᱟᱲ ᱣᱤᱠᱤᱯᱤᱰᱤᱭᱟᱱ ᱠᱚ ᱢᱤᱫ ᱥᱟᱶᱛᱮ ᱠᱟᱹᱢᱤᱠᱚ ᱪᱷᱩᱴᱟᱹᱣ ᱮᱱᱟ ᱾ ᱟᱨᱦᱚᱸ ᱱᱮᱯᱟᱞ ᱨᱮᱱ ᱥᱟᱱᱛᱟᱲ ᱠᱚᱦᱚᱸ ᱥᱮᱞᱮᱫ ᱮᱱᱟ ᱾ ᱱᱚᱝᱠᱟᱛᱮ ᱠᱟᱹᱢᱤ ᱦᱚᱨᱟ ᱫᱚ ᱟᱹᱰᱤᱜᱮ ᱪᱟᱹᱞᱩ ᱮᱱᱟ ᱾ ᱒᱐᱑᱒ ᱥᱮᱨᱢᱟ ᱵᱟᱝᱞᱟᱫᱮᱥ ᱨᱮᱱᱟᱜ ᱫᱤᱱᱟᱹᱡᱽᱯᱩᱨ ᱡᱤᱞᱟᱹ ᱨᱮ ᱯᱩᱭᱞᱩ ᱛᱮ ᱢᱤᱫᱴᱟᱹᱝ ᱥᱚᱲᱠᱚ ᱦᱩᱭ ᱞᱮᱱᱟ ᱣᱤᱠᱤᱯᱤᱰᱤᱭᱟ ᱪᱟᱹᱞᱩ ᱵᱟᱠᱷᱨᱟ ᱾ ᱚᱱᱟ ᱯᱚᱨᱮ ᱟᱭᱢᱟᱫᱤᱱ ᱠᱟᱹᱢᱤ ᱵᱚᱸᱫᱽ ᱛᱟᱦᱮᱸ ᱠᱟᱱᱟ ᱾ ᱫᱚᱲᱦᱟᱛᱮ ᱒᱐᱑᱗ ᱥᱮᱨᱢᱟ ᱨᱮᱱᱟᱜ ᱓᱐ ᱰᱤᱥᱮᱢᱵᱚᱨ ᱨᱟᱡᱽᱜᱟᱲ ᱰᱷᱟᱠᱟ ᱨᱮ ᱥᱟᱱᱛᱟᱲ ᱣᱤᱠᱤᱯᱤᱰᱤᱭᱟᱱ ᱟᱨ ᱣᱤᱠᱤᱢᱤᱰᱤᱭᱟ ᱵᱟᱝᱞᱟᱫᱮᱥᱟᱜ ᱠᱩᱨᱩᱢᱩᱴᱩ ᱛᱮ ᱟᱨ ᱢᱤᱫᱴᱟᱹᱝ ᱥᱚᱲᱠᱚ ᱦᱩᱭ ᱮᱱᱟ ᱾[᱕] ᱩᱱ ᱡᱚᱠᱷᱚᱡ ᱵᱷᱟᱨᱚᱛ ᱨᱤᱱ ᱥᱟᱱᱛᱟᱲ ᱣᱤᱠᱤᱯᱤᱰᱤᱭᱟᱱ ᱠᱚᱦᱚᱸ ᱤᱱᱴᱟᱨᱱᱮᱴ ᱛᱮᱠᱚ ᱥᱮᱞᱮᱫ ᱞᱮᱱᱟ ᱾ ᱤᱱᱟᱹ ᱯᱟᱸᱡᱟ ᱠᱟᱛᱮ ᱵᱷᱟᱨᱚᱛ ᱨᱮᱱᱟᱜ ᱳᱰᱤᱥᱟ ᱨᱮᱦᱚᱸ ᱑᱑ ᱢᱟᱨᱪ ᱒᱐᱑᱘ ᱥᱮᱨᱢᱟ ᱨᱮ ᱟᱨ ᱢᱤᱫᱴᱟᱹᱝ ᱥᱚᱲᱠᱚ ᱩᱱᱡᱚᱦᱚᱜ ᱩᱛᱛᱚᱨ ᱳᱰᱤᱥᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱡᱟᱦᱟᱸ ᱱᱤᱛᱚᱜ ᱢᱚᱦᱟᱨᱟᱡᱟ ᱥᱨᱤᱨᱟᱢ ᱪᱚᱸᱫᱽᱨᱚ ᱵᱷᱚᱸᱡᱽᱰᱮᱣ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱥᱟᱯᱲᱟᱣᱦᱩᱭ ᱞᱮᱱᱟ ᱾[᱖]

ᱱᱚᱝᱠᱟ ᱱᱚᱝᱠᱟ ᱛᱮᱜᱮ ᱵᱟᱝᱞᱟᱫᱮᱥ, ᱵᱷᱟᱨᱚᱛ ᱟᱨ ᱱᱮᱯᱟᱞ ᱨᱤᱱ ᱥᱟᱱᱛᱟᱲ ᱣᱤᱠᱤᱯᱤᱰᱤᱭᱟᱱ ᱠᱚ ᱢᱮᱥᱟ ᱠᱟᱛᱮ ᱡᱚᱨᱥᱮ ᱠᱟᱹᱢᱤᱠᱚ ᱪᱟᱹᱞᱩ ᱤᱫᱤ ᱠᱮᱫᱼᱟ ᱾ ᱒᱐᱑᱘ ᱥᱮᱨᱢᱟ ᱨᱮᱱᱟᱜ ᱒᱘ ᱡᱩᱱ ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ ᱣᱤᱠᱤᱢᱤᱰᱤᱭᱟ ᱯᱷᱟᱣᱱᱰᱮᱥᱚᱱ ᱨᱮᱭᱟᱜ ᱯᱟᱹᱨᱥᱤ ᱵᱟᱪᱷᱟᱣ ᱠᱳᱢᱤᱴᱤ ᱠᱷᱚᱱ ᱟᱨᱫᱟᱥ ᱠᱚ ᱧᱟᱢ ᱠᱮᱫᱟ ᱾ ᱤᱱᱟᱹ ᱛᱟᱭᱚᱢ ᱒ ᱟᱜᱚᱥᱴ ᱒᱐᱑᱘ ᱛᱟᱹᱨᱤᱠᱷᱨᱮ sat.wikipedia.org ᱥᱟᱭᱤᱴ ᱛᱮᱭᱟᱨ ᱫᱟᱨᱟᱢᱛᱮ ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ ᱪᱟᱹᱞᱩᱭᱮᱱᱟ ᱾

ᱤᱱᱠᱭᱩᱵᱮᱴᱚᱨ ᱚᱠᱛᱚ ᱨᱮᱱ ᱵᱮᱵᱷᱟᱨᱤᱭᱟᱹ ᱠᱚ ᱥᱟᱯᱲᱟᱣ

ᱤᱱᱠᱭᱩᱵᱮᱴᱚᱨ ᱚᱠᱛᱚ ᱨᱮᱱ ᱵᱮᱵᱷᱟᱨᱤᱭᱟᱹ ᱠᱚ
ᱮᱞ ᱵᱮᱵᱷᱟᱨᱤᱭᱟᱹ ᱧᱩᱛᱩᱢ ᱣᱤᱠᱤ ᱨᱮ ᱥᱮᱞᱮᱫ ᱢᱟᱹᱦᱤᱛ ᱫᱤᱥᱚᱢ
1 ᱢᱟᱱᱤᱠ ᱥᱳᱨᱮᱱ 23 February 2017 [᱗] ᱵᱟᱝᱞᱟ ᱫᱤᱥᱚᱢ
2 ᱥᱳᱦᱟᱜᱤᱱᱤ ᱦᱟᱸᱥᱫᱟ 22 November 2017[᱘] ᱵᱟᱝᱞᱟ ᱫᱤᱥᱚᱢ
3 ᱥᱩᱵᱟᱥ ᱢᱩᱨᱢᱩ 6 May 2017[᱙] ᱵᱟᱝᱞᱟ ᱫᱤᱥᱚᱢ
4 ᱢᱟᱨᱤᱭᱳ ᱥᱩᱭᱤᱛᱮᱱ ᱢᱩᱨᱢᱩ 6 September 2017[᱑᱐] ᱵᱟᱝᱞᱟ ᱫᱤᱥᱚᱢ
5 ᱟᱨ ᱚᱥᱣᱚᱱᱤ ᱵᱚᱸᱡᱚᱱ ᱢᱩᱨᱢᱩ 17 February 2017[᱑᱑] ᱥᱤᱧᱚᱛ
6 ᱨᱟᱢᱡᱤᱛ ᱴᱩᱰᱩ 16 June 2017[᱑᱒] ᱥᱤᱧᱚᱛ
7 ᱢᱟᱭᱱᱚ ᱴᱩᱰᱩ 19 September 2017 [᱑᱓] ᱥᱤᱧᱚᱛ
8 ᱯᱷᱟᱹᱜᱩ ᱵᱟᱥᱠᱮ 24 December 2017 [᱑᱔] ᱥᱤᱧᱚᱛ
9 ᱠᱨᱤᱥᱱᱚ ᱯᱚᱫᱚ ᱦᱮᱢᱵᱨᱚᱢ 19 December 2017 [᱑᱕] ᱥᱤᱧᱚᱛ
10 ᱵᱤᱨᱟᱢ ᱥᱚᱨᱮᱱ 08 November 2017 [᱑᱖] ᱥᱤᱧᱚᱛ
11 ᱨᱟᱡᱮᱱᱫᱨᱚ ᱦᱮᱢᱵᱨᱚᱢ 24 February 2018[᱑᱗] ᱥᱤᱧᱚᱛ
12 ᱫᱩᱨᱜᱟ ᱥᱚᱨᱮᱱ 11 March 2018 [᱑᱘] ᱥᱤᱧᱚᱛ
13 ᱥᱤᱛᱟᱢᱚᱬᱤ ᱠᱤᱥᱠᱩ 24 March 2018 [᱑᱙] ᱥᱤᱧᱚᱛ
14 ᱥᱤᱵᱩ ᱢᱩᱨᱢᱩ 21 February 2018 [᱒᱐] ᱱᱮᱯᱟᱞ
15 ᱵᱤᱡᱚᱭ ᱢᱩᱨᱢᱩ 12 February 2018 [᱒᱑] ᱱᱮᱯᱟᱞ
16 ᱥᱚᱨᱳᱡ ᱴᱩᱰᱩ 27 December 2017 [᱒᱒] ᱱᱮᱯᱟᱞ

ᱵᱮᱵᱷᱟᱨᱤᱭᱟᱹ ᱟᱨ ᱪᱟᱪᱞᱟᱣᱤᱭᱟᱹ ᱠᱚ ᱥᱟᱯᱲᱟᱣ

ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ ᱨᱮᱱᱟᱜ ᱮᱥᱴᱮᱴᱤᱥᱴᱤᱠᱥ
ᱵᱮᱵᱷᱟᱨᱤᱭᱟᱹ ᱮᱞᱮᱞ ᱟᱨᱴᱤᱠᱮᱞ ᱮᱞᱮᱞ ᱨᱮᱫ ᱮᱞᱮᱞ ᱪᱟᱪᱞᱟᱣᱤᱭᱟᱹ ᱮᱞᱮᱞ
7720 10870 0 3

ᱪᱤᱛᱟᱹᱨᱠᱚ ᱥᱟᱯᱲᱟᱣ

ᱟᱨᱦᱚᱸ ᱧᱮᱞᱢᱮ ᱥᱟᱯᱲᱟᱣ

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ

  1. ⚓ T198400 Create Wikipedia Santali"phabricator.wikimedia.org
  2. "উইকিপিডিয়ায় সাঁওতালি ভাষা - banglatribune.com"।
  3. ""উইকিপিডিয়ায় সাঁওতালি ভাষা - samkal.com"।". Archived from the original on 2018-11-19. Retrieved 2018-08-09.
  4. https://incubator.wikimedia.org/w/index.php?title=Wp/sat&oldid=449706
  5. Workshop for Santali Wikipedia Community in Bangladesh, 2017
  6. Santali Wikipedia workshop on 11 March 2018
  7. https://meta.wikimedia.org/wiki/Special:CentralAuth?target=Manik+Soren
  8. https://meta.wikimedia.org/wiki/Special:CentralAuth?target=Sohagini+Hasdak
  9. https://meta.wikimedia.org/wiki/Special:CentralAuth?target=SubasMurmu
  10. https://meta.wikimedia.org/wiki/Special:CentralAuth?target=Mario+Suiten+Murmu
  11. https://meta.wikimedia.org/wiki/Special:CentralAuth?target=R+Ashwani+Banjan+Murmu
  12. https://meta.wikimedia.org/wiki/Special:CentralAuth?target=Ramjit+Tudu
  13. https://meta.wikimedia.org/wiki/Special:CentralAuth?target=Maina+Tudu
  14. https://meta.wikimedia.org/wiki/Special:CentralAuth?target=Fagu+Baskey
  15. https://meta.wikimedia.org/wiki/Special:CentralAuth?target=Krishnapada+Hembram
  16. https://meta.wikimedia.org/wiki/Special:CentralAuth?target=Soren+Biram
  17. https://meta.wikimedia.org/wiki/Special:CentralAuth?target=Rajend1996
  18. https://meta.wikimedia.org/wiki/Special:CentralAuth?target=Durga+Soren
  19. https://meta.wikimedia.org/wiki/Special:CentralAuth?target=Sitamani+Kisku
  20. https://meta.wikimedia.org/wiki/Special:CentralAuth?target=Shibu+Murmu
  21. https://meta.wikimedia.org/wiki/Special:CentralAuth?target=Bijay+Murmu+Triumph
  22. https://meta.wikimedia.org/wiki/Special:CentralAuth?target=Saroj+tudu

ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ