ᱥᱟᱱᱛᱤᱭᱟᱥ ᱠᱩᱡᱩᱨ

ᱥᱟᱱᱛᱤᱭᱟᱥ ᱠᱩᱡᱩᱨ (ᱡᱟᱱᱟᱢ ᱚᱠᱴᱚᱵᱚᱨ ᱒᱖, ᱑᱙᱗᱓ ᱴᱚᱞᱟ ᱠᱷᱚᱠᱷᱟᱵᱟᱥᱛᱤ, ᱩᱫᱟᱞᱜᱩᱲᱤ ᱡᱤᱞᱟ, ᱟᱥᱟᱢ) ᱫᱚ ᱢᱤᱫᱴᱮᱱ ᱵᱷᱟᱨᱚᱛᱤᱭᱚ ᱥᱟᱶᱛᱟ ᱠᱟᱹᱢᱤᱭᱟᱹ, ᱨᱟᱡᱽᱟᱹᱨᱤᱭᱟᱹ ᱟᱨ ᱟᱥᱟᱢ ᱠᱷᱚᱱ ᱢᱤᱫᱴᱮᱱ ᱨᱟᱡᱭᱚ ᱥᱚᱵᱷᱟ ᱮᱢ ᱯᱤ ᱦᱚᱸ ᱠᱟᱱᱟᱭ, ᱩᱱᱤ ᱫᱚ ᱵᱷᱟᱨᱚᱛ ᱡᱟᱠᱟᱛ ᱠᱚᱝᱜᱨᱮᱥ ᱫᱚᱞ ᱠᱷᱚᱱᱮ ᱡᱤᱛᱠᱟᱹᱨ ᱟᱠᱟᱱᱟ ᱾

ᱥᱟᱱᱛᱤᱭᱟᱥ ᱠᱩᱡᱩᱨ
ᱟᱥᱥᱟᱢ ᱯᱚᱱᱚᱛ ᱫᱚᱨᱵᱟᱨ ᱨᱤᱱᱤᱡ MP
ᱵᱟᱭᱴᱷᱮᱨ ᱟᱠᱟᱱᱤᱡ
Assumed office ᱑᱕ ᱡᱩᱱ ᱒᱐᱑᱓
ᱵᱟᱪᱱᱟᱣ ᱮᱞᱮᱠᱟ	ᱟᱥᱟᱢ
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ	ᱥᱟᱱᱛᱤᱭᱟᱥ ᱠᱩᱡᱩᱨ ᱒᱖ ᱚᱠᱴᱚᱵᱚᱨ ᱑᱙᱗᱓ ᱟᱹᱛᱩ ᱠᱷᱚᱠᱟᱵᱩᱥᱛᱤ, ᱩᱫᱟᱹᱞᱜᱤᱨᱤ ᱡᱤᱞᱞᱟᱹ, ᱟᱥᱥᱟᱢ
ᱨᱟᱡᱽᱟᱹᱨᱤ ᱫᱚᱞ	INC
ᱡᱤᱭᱚᱱ ᱥᱚᱦᱮᱫ	ᱢᱮᱨᱤ ᱟᱨᱚᱛᱤ ᱠᱮᱨᱠᱮᱴᱟ
ᱦᱚᱯᱚᱱ	ᱢᱤᱫ ᱠᱚᱲᱟ ᱟᱨ ᱠᱩᱲᱤ ᱜᱤᱫᱽᱨᱟᱹ
ᱠᱟᱹᱢᱤ	Agiculturist, Trade Unionist, Teacher, Social Worker

ᱥᱟᱱᱛᱤᱭᱟᱥ ᱠᱩᱡᱩᱨ ᱟᱥᱟᱢ ᱠᱷᱚᱱ ᱨᱟᱡᱭᱚ ᱥᱚᱵᱷᱟ ᱮᱢ ᱯᱤ ᱞᱮᱠᱟᱛᱮ ᱫᱚ ᱑᱕ ᱡᱩᱱ ᱒᱐᱑᱓ ᱥᱟᱞᱮ ᱨᱮᱭᱮ ᱵᱟᱪᱷᱟᱣ ᱚᱪᱚ ᱞᱮᱱᱟ ᱾

ᱦᱩᱫᱟᱹ ᱠᱚ

᱒᱐᱐᱘-᱒᱐᱑᱐ ᱵᱚᱰᱚᱞᱮᱸᱰ ᱴᱮᱨᱤᱴᱚᱨᱤᱭᱮᱞ ᱠᱟᱶᱩᱱᱥᱤᱞ (BTC) ᱨᱮᱱ ᱥᱚᱦᱮᱫ, ᱒᱐᱑᱐ ᱠᱷᱚᱱ ᱒᱐᱑᱓ ᱦᱟᱹᱵᱤᱡ ᱫᱚ ᱵᱚᱰᱚᱞᱮᱸᱰ ᱴᱮᱨᱤᱴᱚᱨᱤᱭᱮᱞ ᱠᱟᱶᱩᱱᱥᱤᱞ (BTC) ᱨᱮᱱ ᱤᱠᱡᱮᱠᱭᱩᱴᱤᱵᱽ ᱥᱚᱦᱮᱫ ᱞᱮᱠᱟᱛᱮ, ᱡᱩᱱ ᱒᱐᱑᱓ ᱨᱮ ᱫᱚ ᱨᱟᱡᱭᱚ ᱥᱚᱵᱷᱟ ᱨᱮᱱ ᱥᱚᱦᱮᱫ ᱞᱮᱠᱟᱛᱮ ᱵᱟᱪᱷᱟᱣ ᱚᱪᱚᱞᱮᱱᱟᱭ, ᱟᱜᱚᱥᱴ ᱒᱐᱑᱓ ᱠᱷᱚᱱ ᱟᱜᱚᱥᱴ ᱒᱐᱑᱔ ᱦᱟᱹᱵᱤᱡ ᱫᱚ ᱠᱚᱢᱤᱴᱤ ᱚᱱ ᱦᱚᱢ ᱟᱯᱷᱟᱭᱟᱨᱥ ᱠᱚᱱᱥᱟᱞᱴᱤᱵᱽ ᱠᱩᱢᱤᱴᱤ ᱚᱱ ᱯᱮᱴᱨᱚᱞᱤᱭᱟᱢ ᱮᱱᱰ ᱱᱮᱪᱟᱨᱮᱞ ᱜᱮᱥ ᱨᱮ ᱥᱚᱦᱮᱫ ᱞᱮᱠᱟᱛᱮ, ᱥᱮᱯᱴᱮᱢᱵᱚᱨ ᱒᱐᱑᱔ ᱨᱮ ᱠᱩᱢᱤᱴᱤ ᱚᱱ ᱤᱱᱯᱷᱚᱨᱢᱮᱥᱚᱱ ᱴᱮᱠᱱᱚᱞᱚᱡᱤ ᱨᱮᱱ ᱥᱚᱦᱮᱫ ᱞᱮᱠᱟᱛᱮ, ᱠᱩᱢᱤᱴᱤ ᱚᱱ ᱯᱮᱯᱟᱨ ᱞᱮᱰ ᱚᱱ ᱫᱤ ᱴᱮᱵᱚᱞ ᱨᱮᱱ ᱥᱚᱦᱮᱫ ᱟᱨ ᱠᱚᱱᱥᱟᱞᱴᱮᱴᱤᱵᱽ ᱠᱩᱢᱤᱴᱤ ᱯᱷᱚᱨ ᱫᱤ ᱢᱤᱱᱤᱥᱴᱨᱤ ᱚᱯᱷ ᱴᱨᱟᱭᱵᱮᱞ ᱟᱯᱷᱟᱭᱟᱨᱥ ᱨᱮᱱ ᱥᱚᱦᱮᱫ ᱞᱮᱠᱟᱛᱮ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾

ᱡᱤᱭᱚᱱ

ᱯᱟᱹᱴᱷᱣᱟᱹ ᱡᱤᱭᱚᱱ ᱠᱷᱚᱱᱜᱮ ᱥᱟᱶᱛᱟᱟᱹᱨᱤ ᱠᱟᱹᱢᱤ ᱨᱮ ᱚᱠᱛᱚ ᱮᱢᱚᱜ ᱠᱟᱱ ᱛᱟᱦᱮᱸᱱᱟᱸᱭ ᱾ ᱪᱟ ᱵᱟᱜᱣᱟᱱ ᱟᱨ ᱴᱚᱞᱟ ᱠᱚᱨᱮᱱ ᱟᱫᱤᱵᱟᱥᱤ ᱠᱚᱣᱟᱜ ᱩᱛᱷᱱᱟᱹᱣ ᱟᱨ ᱞᱟᱦᱟᱱᱛᱤ ᱠᱟᱹᱢᱤ ᱨᱮ ᱟᱹᱰᱤ ᱜᱚᱨᱚᱡ ᱛᱟᱦᱮᱸ ᱠᱟᱱ ᱛᱟᱭᱟ ᱾ ᱱᱩᱭ ᱫᱚ ᱜᱚᱴᱟ ᱟᱥᱟᱢ ᱟᱫᱤᱵᱟᱥᱤ ᱯᱟᱹᱴᱷᱣᱟᱹ ᱜᱟᱶᱛᱟ (AASAA) ᱨᱮ ᱛᱟᱦᱮᱸ ᱠᱟᱛᱮᱜ ᱟᱫᱤᱵᱟᱥᱤ ᱥᱟᱶᱛᱟ ᱞᱟᱹᱜᱤᱫ-ᱮ ᱠᱟᱹᱢᱤ ᱟᱹᱜᱩ ᱟᱠᱟᱫᱟ ᱟᱨ ᱟᱫᱤᱵᱟᱥᱤ ᱠᱚ ᱢᱮᱱᱮᱥᱴᱨᱤᱢ ᱨᱮ ᱟᱹᱜᱩ ᱠᱚ ᱞᱟᱹᱜᱤᱫ ᱯᱩᱨᱟᱹᱣᱮ ᱠᱩᱨᱩᱢᱩᱴᱩ ᱞᱮᱫᱟ ᱾ ᱨᱟᱡᱽᱟᱹᱨᱤ ᱜᱟᱯᱟᱞᱢᱟᱨᱟᱣ ᱠᱚ ᱨᱮ ᱟᱹᱰᱤ ᱨᱟᱹᱥᱠᱟᱹᱭ ᱵᱩᱡᱷᱟᱹᱣᱟ, ᱪᱟᱥᱵᱟᱥ ᱛᱮ ᱞᱟᱦᱟᱜ ᱨᱮᱱᱟᱜ ᱢᱚᱱᱮ ᱜᱚᱴᱟ ᱢᱮᱱᱟᱜ ᱛᱟᱭᱟ; ᱵᱮᱯᱟᱨ ᱠᱟᱹᱢᱤ ᱠᱚᱨᱮ ᱦᱚᱸ ᱜᱚᱨᱚᱡ ᱢᱮᱱᱟᱜ ᱛᱟᱭᱟ ᱾

ᱠᱷᱮᱞᱚᱱᱰ, ᱠᱞᱟᱵᱽ, ᱨᱚᱲ ᱞᱟᱱᱫᱟ,ᱜᱟᱛᱮᱜ; ᱯᱷᱩᱴᱵᱚᱞ, ᱠᱨᱤᱠᱮᱴ, ᱵᱷᱚᱞᱤᱵᱚᱞ ᱮᱢᱟᱱ ᱠᱷᱮᱞᱟ ᱠᱚ ᱢᱚᱸᱡᱮ ᱵᱩᱡᱷᱟᱹᱣᱟ, ᱯᱟᱴᱷᱣᱟᱹ ᱡᱤᱭᱚᱱ ᱨᱮ ᱰᱩᱞᱩᱝ ᱜᱟᱹᱰᱤ ᱪᱟᱞᱟᱣ, ᱴᱚᱞᱟ ᱯᱟᱲᱟ ᱨᱮ ᱠᱷᱮᱞᱚᱱᱰ ᱩᱛᱷᱱᱟᱹᱣ ᱟᱨ ᱞᱟᱦᱟᱱᱛᱤ ᱨᱮᱭᱟᱜ ᱢᱚᱱᱮ ᱡᱚᱝ ᱛᱟᱸᱦᱮᱸ ᱠᱟᱱᱟ, ᱫᱟᱲᱟᱱ ᱟᱨ ᱥᱟᱝᱜᱷᱟᱨ, ᱥᱤᱨᱡᱚᱱ ᱫᱩᱜ-ᱞᱟᱹᱲᱤᱭᱟ, ᱵᱟᱜᱣᱟᱱ ᱵᱮᱱᱟᱣ, ᱥᱟᱶᱛᱟ ᱥᱮᱨᱮᱧ ᱟᱧᱡᱚᱢ, ᱯᱷᱤᱞᱤᱢ ᱧᱮᱞ ᱟᱨ ᱥᱟᱶᱛᱟᱟᱹᱨᱤ ᱠᱟᱹᱢᱤ, ᱞᱟᱠᱪᱟᱨ ᱠᱟᱹᱢᱤ ᱨᱮ ᱜᱚᱨᱚᱡ ᱢᱮᱱᱟᱜ ᱛᱟᱭᱟ!

ᱮᱢᱟᱱ ᱵᱟᱯᱟᱰᱟᱭ

ᱟᱭᱢᱟ ᱞᱮᱠᱟᱱ ᱦᱩᱞᱥᱟᱹᱭ ᱠᱟᱹᱢᱤ ᱨᱮ ᱡᱚᱯᱲᱟᱣᱮ ᱛᱟᱸᱦᱮᱸ ᱠᱟᱱᱟ ᱾ ᱑᱙᱙᱖ ᱨᱮ ᱜᱚᱴᱟ ᱟᱥᱟᱢ ᱟᱫᱤᱵᱟᱥᱤ ᱯᱟᱴᱷᱣᱟᱹ ᱜᱟᱶᱛᱟ ᱨᱮ ᱛᱟᱸᱦᱮᱸ ᱠᱟᱛᱮᱜ ᱟᱭᱢᱟ ᱦᱩᱞᱥᱟᱹᱭ ᱠᱚᱭ ᱠᱚᱨᱟᱣ ᱞᱮᱫᱟ; ᱜᱚᱴᱟ ᱟᱫᱤᱵᱟᱥᱤ ᱯᱟᱴᱷᱣᱟᱹ ᱜᱟᱶᱛᱟ (AASAA) ᱵᱮᱦᱟᱹᱴᱤᱧ ᱫᱚᱨᱚᱝ ᱡᱤᱞᱟᱹ ᱟᱥᱟᱢ ᱨᱮᱱ ᱡᱚᱜᱚ ᱯᱟᱨᱥᱮᱛ ᱞᱮᱠᱟᱛᱮ ᱛᱟᱸᱦᱮᱸ ᱠᱟᱸᱱᱟᱸᱭ ᱑᱙᱙᱖ ᱥᱟᱞᱮ ᱠᱷᱚᱱ ᱒᱐᱐᱐ ᱦᱟᱹᱵᱤᱡ ᱾ ᱯᱟᱨᱥᱮᱛ ᱞᱮᱠᱟᱛᱮ ᱒᱐᱐᱐ ᱠᱷᱚᱱ ᱒᱐᱐᱕ ᱦᱟᱹᱵᱤᱡ; ᱵᱩᱫᱽ ᱵᱟᱹᱛᱞᱟᱹᱣ ᱞᱮᱠᱟᱛᱮ ᱒᱐᱐᱕ ᱠᱷᱚᱱ ᱒᱐᱑᱐ ᱦᱟᱹᱵᱤᱡ; ᱟᱨ ᱟᱥᱟᱢ ᱪᱟ ᱢᱟᱡᱫᱩᱨ ᱥᱚᱝᱜᱷᱚ ᱥᱟᱶ ᱡᱚᱯᱲᱟᱣᱮ ᱛᱟᱸᱦᱮᱸ ᱠᱟᱱᱟ ᱟᱨ ᱚᱨᱜᱟᱱᱟᱭᱡᱤᱝ ᱥᱩᱛᱨᱮᱫ ᱞᱮᱠᱟᱛᱮ ᱠᱚ ᱵᱟᱦᱟᱞ ᱞᱮᱫᱮᱭᱟ; ᱰᱚᱱ ᱵᱚᱥᱠᱚ ᱵᱤᱨᱫᱟᱹᱜᱟᱲ ᱴᱚᱝᱞᱟ ᱨᱮᱱ ᱢᱟᱪᱮᱫ ᱞᱮᱠᱟᱛᱮ ᱦᱚᱸ ᱒᱐᱐᱐ ᱠᱷᱚᱱ ᱒᱐᱐᱕ ᱦᱟᱹᱵᱤᱡ ᱮ ᱛᱟᱸᱦᱮᱸ ᱠᱱᱟ ᱾ ᱵᱤᱹᱴᱤᱹᱥᱤ ᱠᱚᱝᱜᱨᱮᱥ ᱞᱮᱡᱤᱥᱞᱮᱪᱟᱨ ᱯᱟᱨᱴᱤ ᱨᱮᱱ ᱟᱹᱜ-ᱭᱩᱨᱤᱡ ᱞᱮᱠᱟᱛᱮ ᱒᱐᱑᱐ ᱠᱷᱚᱱ ᱒᱐᱑᱓ ᱦᱟᱹᱵᱤᱡ ᱟᱨ ᱚᱱᱟ ᱯᱟᱨᱴᱤ ᱟᱹᱰᱤ ᱡᱚᱨᱫᱟᱨᱮ ᱠᱟᱹᱢᱤ ᱞᱮᱫᱟ ᱟᱨ ᱟᱭᱢᱟ ᱥᱚᱢᱚᱥᱴᱤ ᱠᱩᱢᱩᱴ, ᱵᱞᱚᱠ ᱟᱨ ᱢᱚᱱᱰᱚᱞ ᱠᱩᱢᱩᱴ ᱦᱚᱸᱭ ᱛᱮᱭᱟᱨ ᱞᱮᱫᱟ ᱾ ᱯᱚᱧᱪᱟᱭᱚᱛᱤ ᱨᱟᱡᱽ ᱮᱠᱴ ᱠᱮᱴᱮᱡᱚᱜ ᱞᱟᱹᱜᱤᱫ ᱵᱤᱹᱴᱤᱹᱮᱹᱰᱤ ᱨᱮ ᱴᱮᱨᱤᱴᱚᱨᱤᱭᱮᱞ ᱠᱚᱱᱥᱴᱤᱴᱩᱣᱮᱱᱥᱤ ᱞᱮᱵᱮᱞ ᱠᱚ-ᱚᱨᱰᱤᱱᱮᱥᱚᱱ ᱠᱩᱢᱤᱴᱤ (TCLCC) ᱟᱨ ᱵᱷᱤᱞᱮᱡᱽ ᱠᱟᱶᱩᱱᱥᱤᱞ ᱰᱮᱵᱞᱚᱯᱢᱮᱱᱴ ᱠᱩᱢᱤᱴᱤ (VCDC) ᱨᱮᱱ ᱪᱮᱭᱟᱨᱢᱮᱱ ᱞᱮᱠᱟᱛᱮᱭ ᱛᱟᱸᱦᱮᱸ ᱠᱟᱱᱟ ᱾ ᱟᱥᱟᱢ ᱯᱨᱚᱫᱮᱥ ᱠᱚᱝᱜᱨᱮᱥ ᱠᱩᱢᱤᱴᱤ (APCC) ᱨᱮᱱ ᱥᱚᱦᱮᱫ; ᱒᱐᱑᱐ ᱥᱟᱞᱮ ᱠᱷᱚᱱ ᱩᱫᱟᱞᱜᱩᱲᱤ ᱡᱤᱞᱟᱹ ᱠᱚᱝᱜᱨᱮᱥ ᱠᱩᱢᱤᱴᱤ ᱨᱮᱱ ᱥᱩᱛᱨᱮᱫ ᱞᱮᱠᱟᱛᱮ ᱦᱚᱸᱭ ᱛᱟᱸᱦᱮᱸ ᱠᱟᱱᱟ ᱾