ᱥᱟᱸᱜᱟᱛ ᱠᱩᱲᱤ
ᱵᱟᱹᱦᱩ ᱨᱤᱱ ᱵᱚᱠᱚᱛ ᱠᱩᱲᱤ ᱫᱚ ᱥᱟᱸᱜᱟᱛ /ᱥᱟᱝᱜᱟᱛ[᱑] ᱠᱩᱲᱤ ᱠᱚ ᱢᱮᱛᱟ ᱠᱚ ᱠᱟᱱᱟ ᱾ ᱥᱟᱸᱜᱟᱛ ᱫᱚ ᱵᱟᱹᱦᱩ ᱨᱤᱱ ᱠᱟᱹᱴᱤᱡᱤᱡ ᱢᱤᱥᱮᱨᱟ ᱥᱮ ᱢᱟᱨᱟᱝ ᱢᱤᱥᱮᱨᱟ ᱦᱚᱸ ᱠᱚ ᱦᱩᱭ ᱫᱟᱲᱮᱭᱟᱜ - ᱟ ᱾ ᱥᱟᱸᱜᱟᱛ ᱠᱩᱲᱤ ᱫᱚ ᱦᱚᱦᱚ ᱵᱮᱵᱷᱟᱨ ᱞᱮᱠᱟᱛᱮ ᱧᱩᱛᱩᱢ ᱟᱛᱮ ᱜᱮ ᱠᱚ ᱦᱚᱦᱚ ᱟᱠᱚᱣᱟ ᱾ ᱡᱩᱫᱤ ᱥᱟᱸᱜᱟᱛ ᱠᱩᱲᱤ ᱵᱚᱭᱚᱥ ᱨᱮ ᱛᱮᱭᱟᱝ/ᱛᱮᱧᱟᱝ ᱠᱷᱚᱱ ᱵᱟᱹᱲᱛᱤ ᱢᱟᱨᱟᱝ ᱟᱭ, ᱠᱷᱟᱱ ᱥᱟᱸᱜᱟᱛ ᱠᱩᱲᱤ ᱫᱚ ᱦᱚᱦᱚ ᱵᱮᱵᱷᱟᱨ ᱨᱮ ᱧᱩᱛᱩᱢ ᱥᱟᱶ ᱢᱟᱱᱚᱛ ᱟᱛᱮ ᱫᱟᱹᱭ ᱧᱚᱜ ᱞᱮᱠᱟ ᱵᱮᱵᱷᱟᱨ ᱞᱟᱜᱟᱜ ᱠᱟᱱᱟ ᱾ ᱟᱨ ᱡᱩᱫᱤ ᱵᱚᱭᱚᱥ ᱨᱮ ᱵᱟᱹᱲᱛᱤ ᱜᱮ ᱢᱟᱨᱟᱝ ᱟᱭ ᱠᱷᱟᱱ ᱟᱫᱷᱟᱱ ᱠᱚ ᱫᱚ ᱦᱤᱞᱤ ᱥᱮ ᱫᱟᱹᱭ ᱞᱮᱠᱟ ᱜᱮ ᱠᱚ ᱢᱮᱛᱟ ᱠᱚᱣᱟ ᱾
ᱥᱟᱹᱜᱟᱹᱭ ᱥᱟᱯᱲᱟᱣ
ᱠᱚᱲᱟ ᱯᱟᱦᱴᱟ ᱥᱟᱯᱲᱟᱣ
ᱵᱟᱹᱦᱩ ᱠᱩᱲᱤ (ᱵᱟᱹᱦᱩ) ᱨᱤᱱ ᱢᱤᱥᱨᱟ ᱥᱟᱸᱜᱟᱛ ᱠᱩᱲᱤ ᱫᱚ ᱢᱮᱛᱟ ᱠᱚᱣᱟ ᱾ ᱥᱟᱹᱜᱟᱛ ᱠᱩᱲᱤ ᱫᱚ ᱵᱟᱹᱦᱩ ᱠᱩᱲᱤ ᱠᱷᱚᱱ ᱠᱟᱹᱴᱤᱡᱤᱡ ᱥᱮ ᱢᱟᱨᱟᱝ ᱤᱡ ᱦᱚᱸᱭ ᱦᱩᱭ ᱫᱟᱲᱮᱭᱟᱜ-ᱟ ᱾ ᱡᱩᱫᱤ ᱫᱟᱫᱟ ᱦᱚᱲ ᱨᱤᱱ ᱵᱟᱹᱦᱩ ᱠᱩᱲᱤ ᱨᱤᱱ ᱢᱤᱥᱮᱨᱟ ᱢᱟᱨᱟᱝ ᱜᱮᱭᱟᱭ ᱠᱷᱟᱱ ᱫᱤᱫᱤ ᱥᱟᱹᱜᱟᱹᱭ ᱛᱮᱭ ᱦᱚᱦᱚ ᱟᱭ ᱾
ᱠᱩᱲᱤ ᱯᱟᱦᱴᱟ ᱥᱟᱯᱲᱟᱣ
ᱡᱟᱣᱶᱟᱭ ᱠᱚᱲᱟ (ᱡᱟᱶᱟᱭ) ᱨᱤᱱ ᱢᱤᱥᱨᱟ ᱥᱟᱸᱜᱟᱛ ᱠᱩᱲᱤ ᱫᱚ ᱢᱮᱛᱟ ᱠᱚᱣᱟ ᱾ ᱥᱟᱹᱜᱟᱛ ᱠᱩᱲᱤ ᱫᱚ ᱡᱟᱶᱟᱭ ᱠᱚᱲᱟ ᱠᱷᱚᱱ ᱠᱟᱹᱴᱤᱡᱤᱡ ᱥᱮ ᱢᱟᱨᱟᱝ ᱤᱡ ᱦᱚᱸᱭ ᱦᱩᱭ ᱫᱟᱲᱮᱭᱟᱜ-ᱟ ᱾ ᱡᱩᱫᱤ ᱫᱟᱹᱭ/ᱫᱤᱫᱤ ᱦᱚᱲ ᱨᱤᱱ ᱡᱟᱣᱶᱟᱭ ᱠᱚᱲᱟ ᱨᱤᱱ ᱢᱤᱥᱮᱨᱟ ᱢᱟᱨᱟᱝ ᱜᱮᱭᱟᱭ ᱠᱷᱟᱱ ᱫᱤᱫᱤ ᱥᱟᱹᱜᱟᱹᱭ ᱛᱮᱭ ᱦᱚᱦᱚ ᱟᱭ ᱾
ᱱᱚᱸᱰᱮ ᱦᱚᱸ ᱧᱮᱞᱢᱮ ᱥᱟᱯᱲᱟᱣ
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ Biarezky, Belle (2020-08-07). "How To Get Along With Your Sister-in-Law". Bridestory Blog. Retrieved 2020-08-13.