ᱥᱟᱹᱯᱟᱹᱨᱤ

ᱥᱟᱹᱯᱲᱤ ᱥᱩᱭᱛᱩᱢᱵᱟᱹ
Apple Guava (Psidium guajava)
ᱥᱟᱬᱮᱥ ᱞᱮᱠᱟᱛᱮ ᱦᱟᱹᱴᱤᱧ
ᱡᱮᱜᱮᱛ:	Plantae
ᱰᱤᱵᱤᱥᱚᱱ:	Magnoliophyta
ᱦᱟᱹᱴᱤᱧ:	Magnoliopsida
ᱡᱚᱜᱚ ᱦᱟᱹᱴᱤᱧ:	Rosidae
ᱫᱷᱟᱹᱲ:	Myrtales
ᱜᱷᱟᱨᱚᱡᱽ:	Myrtaceae
ᱡᱚᱜᱚ ᱜᱷᱟᱨᱚᱡᱽ:	Myrtoideae
ᱜᱩᱥᱴᱤ:	Myrteae
ᱯᱨᱚᱡᱟᱹᱛᱤ:	Psidium L.
Species
About 100, see text
Synonyms
Calyptropsidium O.Berg Corynemyrtus (Kiaersk.) Mattos Guajava Mill. Mitropsidium Burret

ᱥᱟᱹᱯᱲᱤ ᱥᱮ ᱥᱟᱹᱯᱟᱹᱨᱤ ᱥᱮ ᱥᱩᱭᱛᱟᱹᱢ ᱫᱚ ᱦᱟᱹᱨᱭᱟᱹᱲ ᱨᱚᱝ ᱨᱮᱱᱟᱜ ᱵᱮᱨᱤ ᱞᱮᱠᱟᱱ ᱢᱤᱫ ᱨᱚᱠᱚᱢ ᱡᱚ ᱠᱟᱱᱟ᱾ ᱛᱚᱵᱮ ᱟᱨᱦᱚᱸ ᱮᱴᱟᱜ ᱨᱚᱝ ᱨᱮᱱᱟᱜ ᱥᱟᱹᱯᱲᱤ ᱦᱚᱸ ᱢᱮᱱᱟᱜ ᱜᱮᱭᱟ᱾ ᱟᱨᱟᱜ ᱥᱟᱹᱯᱲᱤ ᱫᱚ ᱟᱨᱟᱜ ᱟᱯᱮᱞ ᱦᱚᱸ ᱠᱩ ᱢᱮᱛᱟᱜᱼᱟ᱾ ᱥᱟᱹᱯᱲᱤ ᱨᱮᱱᱟᱜ ᱑᱐᱐ ᱜᱚᱴᱟᱝ ᱡᱟᱹᱛ ᱢᱮᱱᱟᱜᱼᱟ᱾ ᱢᱮᱠᱥᱤᱠᱳ, ᱛᱟᱞᱟ ᱟᱢᱮᱨᱤᱠᱟ, ᱠᱚᱧᱮ-ᱥᱟᱢᱟᱝ ᱮᱥᱤᱭᱟ ᱨᱮ ᱥᱟᱹᱯᱲᱤ ᱡᱚᱛᱚ ᱠᱷᱚᱡ ᱡᱟᱹᱥᱛᱤ ᱦᱩᱭᱩᱜᱼᱟ᱾ ᱑᱗ ᱥᱟᱭ ᱥᱮᱨᱢᱟ ᱠᱷᱚᱱ ᱥᱟᱹᱯᱲᱤ ᱧᱮᱞ ᱟᱠᱟᱱᱟ᱾  ᱮ

ᱵᱤᱵᱚᱨᱚᱱ (Description)

ᱥᱟᱹᱯᱲᱤ ᱫᱚ ᱵᱟᱨᱮᱭᱟ ᱡᱟᱝ ᱩᱫᱵᱷᱤᱫᱽ ᱠᱟᱱᱟ᱾ ᱡᱚ ᱫᱚ ᱵᱮᱥ ᱥᱤᱵᱤᱞᱟ ᱟᱨ ᱟᱭᱢᱟ ᱡᱟᱝ ᱛᱮ ᱯᱮᱨᱮᱡ ᱛᱟᱸᱦᱮᱸᱱᱟ᱾ ᱥᱟᱹᱯᱲᱤ ᱫᱚ ᱨᱟᱵᱟᱝ ᱟᱨ ᱥᱤᱛᱩᱝ ᱵᱟᱱᱟᱨ ᱚᱠᱛᱚ ᱨᱮᱜᱮ ᱦᱩᱭᱩᱜᱼᱟ᱾ ᱥᱟᱹᱯᱲᱤ ᱫᱚ ᱟᱹᱫᱤ ᱥᱤᱵᱤᱞ ᱟᱨ ᱜᱩᱱᱢᱟᱱ ᱡᱚ ᱠᱟᱱᱟ᱾ ᱱᱚᱣᱟ ᱨᱮᱫᱚ ᱵᱷᱤᱴᱟᱢᱤᱱ ᱥᱤ, ᱯᱚᱴᱟᱥᱤᱭᱟᱢ, ᱠᱮᱞᱥᱤᱭᱟᱢ ᱮᱢᱟᱱᱛᱮᱭᱟᱜ ᱠᱚ ᱢᱮᱱᱟᱜᱼᱟ᱾ ᱢᱤᱫ ᱥᱚ ᱜᱨᱟᱢ ᱥᱟᱹᱯᱲᱤ ᱨᱮ ᱵᱟᱨ ᱥᱟᱭ ᱢᱤᱞᱤ ᱜᱨᱟᱢ ᱵᱷᱤᱴᱟᱢᱤᱱ ᱥᱤ ᱛᱟᱸᱦᱮᱸᱱᱟ᱾ ᱢᱤᱫᱴᱮᱱ ᱠᱚᱢᱞᱟ ᱠᱷᱚᱱ ᱡᱟᱹᱥᱛᱤ ᱵᱷᱤᱴᱟᱢᱤᱱ ᱥᱤ ᱥᱟᱹᱯᱲᱤ ᱨᱮ ᱢᱮᱱᱟᱜᱼᱟ᱾ ᱥᱟᱹᱯᱲᱤ ᱨᱮ ᱟᱹᱰᱤ ᱠᱟᱡᱟᱠ ᱮᱱᱴᱤᱚᱠᱥᱤᱰᱮᱱᱴ ᱟᱨ ᱯᱚᱞᱤᱯᱷᱮᱱᱚᱞ ᱢᱮᱱᱟᱜᱼᱟ ᱡᱟᱸᱦᱟᱸ ᱫᱚ ᱠᱮᱱᱥᱟᱨ ᱞᱮᱠᱟ ᱨᱩᱣᱟᱹᱭ ᱨᱩᱠᱷᱤᱭᱟᱹ ᱫᱟᱲᱮᱜᱼᱟ᱾ ᱱᱤᱭᱟᱹ ᱵᱟᱫᱽ ᱠᱟᱛᱮ ᱦᱚᱸ ᱟᱭᱢᱟ ᱞᱮᱠᱟᱱ ᱨᱩᱣᱟᱹ ᱦᱟᱥᱚ ᱨᱮ ᱥᱟᱹᱯᱲᱤ ᱨᱟᱱ ᱨᱮᱱᱟᱜ ᱮ ᱠᱟᱹᱢᱤᱭᱟ᱾ ᱥᱟᱹᱯᱲᱤ ᱥᱟᱠᱟᱢ ᱨᱮᱱᱟᱜ ᱨᱟᱥᱟ ᱛᱮ ᱦᱚᱸ ᱨᱩᱣᱟ ᱦᱟᱥᱚ ᱤᱡ ᱨᱮᱱᱟᱜ ᱨᱟᱱ ᱠᱚ ᱵᱮᱱᱟᱣᱟ᱾

ᱪᱟᱥ ᱵᱟᱥ

ᱥᱟᱹᱯᱲᱤ ᱫᱚ ᱡᱟᱹᱥᱛᱤ ᱵᱷᱟᱜᱽ ᱜᱮ ᱠᱚᱞᱚᱢ ᱪᱟᱨᱟ ᱠᱟᱛᱮ ᱠᱚ ᱨᱚᱦᱚᱭᱟ᱾ ᱡᱟᱹᱯᱩᱫ ᱚᱠᱛᱚ ᱨᱮᱜᱮ ᱥᱟᱹᱯᱲᱤ ᱫᱟᱨᱮ ᱫᱚ ᱠᱚ ᱨᱚᱦᱚᱭᱟ᱾ ᱨᱚᱦᱚᱭ ᱛᱟᱭᱚᱢ ᱵᱟᱨ ᱯᱮ ᱥᱮᱨᱢᱟ ᱛᱟᱭᱚᱢ ᱨᱮᱜᱮ ᱫᱟᱨᱮ ᱨᱮ ᱵᱟᱦᱟᱜᱼᱟ ᱟᱨ ᱡᱚ ᱦᱚᱸ ᱡᱚᱜᱼᱟ᱾ ᱢᱤᱫ ᱥᱮᱨᱢᱟ ᱨᱮ ᱵᱟᱨ ᱫᱷᱟᱣ ᱥᱟᱹᱯᱲᱤ ᱡᱚᱜᱼᱟ᱾ ᱟᱫᱚ ᱨᱟᱵᱟᱝ ᱚᱠᱛᱚ ᱨᱮᱜᱮ ᱥᱟᱹᱯᱲᱤ ᱫᱚ ᱡᱟᱹᱥᱛᱤ ᱥᱤᱵᱤᱞᱟ᱾ ᱱᱮᱛᱟᱨ ᱚᱵᱚᱥᱥᱚ ᱵᱟᱨᱚ ᱢᱟᱥᱤ ᱥᱟᱹᱯᱲᱤ ᱦᱚᱸ ᱩᱰᱩᱜᱽ ᱟᱠᱟᱱᱟ᱾

ᱥᱟᱹᱯᱲᱤ ᱪᱟᱥ ᱨᱮᱱᱟᱜ ᱢᱩᱬᱩᱛ ᱡᱷᱟᱢᱮᱞᱟ ᱫᱚ ᱜᱤᱨᱟᱹ ᱨᱚᱦᱚᱲ ᱨᱩᱣᱟᱹ᱾ ᱱᱚᱣᱟ ᱨᱩᱣᱟᱹ ᱦᱩᱭᱞᱮᱱ ᱠᱷᱟᱱ ᱢᱤᱫ ᱢᱤᱫ ᱛᱮ ᱜᱚᱴᱟ ᱫᱟᱨᱮ ᱨᱚᱦᱚᱲ ᱪᱟᱵᱟᱜᱼᱟ᱾ ᱚᱸᱰᱮ ᱠᱷᱚᱱ ᱟᱫᱮᱯᱟᱥᱮ ᱨᱮᱱᱟᱜ ᱫᱟᱨᱮ ᱨᱮᱦᱚᱸ ᱩᱪᱟᱹᱲᱚᱜᱼᱟ᱾ ᱚᱱᱟᱛᱮ ᱚᱝᱠᱟᱱ ᱨᱩᱣᱟᱹ ᱦᱮᱡ ᱞᱮᱱ ᱠᱷᱟᱱ ᱜᱚᱴᱟ ᱥᱟᱹᱯᱲᱤ ᱫᱟᱨᱮ ᱩᱴᱠᱟᱹᱣ ᱜᱤᱰᱤ ᱠᱟᱜ ᱜᱮ ᱴᱷᱤᱠᱟ᱾ ᱛᱟᱦᱞᱮ ᱟᱨ ᱮᱴᱟᱜ ᱫᱟᱨᱮ ᱠᱟᱨᱮ ᱚᱱᱟ ᱨᱩᱣᱟᱹ ᱵᱟᱝ ᱩᱪᱟᱹᱲᱚᱜᱼᱟ᱾

ᱯᱩᱥᱴᱤ ᱜᱩᱱ

ᱥᱟᱹᱯᱲᱤ ᱨᱮ ᱫᱚ ᱵᱷᱤᱴᱟᱢᱤᱱ ᱥᱤ ᱟᱹᱰᱤ ᱡᱟᱹᱥᱛᱤ ᱜᱮ ᱢᱮᱱᱟᱜᱼᱟ᱾ ᱵᱷᱤᱴᱟᱢᱤᱱ ᱥᱤ ᱫᱚ ᱦᱚᱲᱢᱚ ᱨᱮ ᱨᱩᱣᱟᱹ ᱦᱟᱥᱚ ᱵᱟᱭ ᱦᱮᱡ ᱚᱪᱚᱭᱟ᱾ ᱚᱱᱟ ᱵᱟᱫᱽ ᱠᱟᱛᱮ ᱦᱚᱸ ᱡᱟᱸᱦᱟᱸ ᱞᱮᱡᱟᱱ ᱨᱩᱣᱟᱹ ᱠᱷᱚᱱ ᱦᱚᱸ ᱥᱟᱹᱯᱲᱤ ᱢᱟᱹᱱᱢᱤᱭᱟᱜ ᱦᱚᱲᱢᱚ ᱴᱷᱤᱠᱮ ᱫᱚᱦᱚᱭᱟ᱾ ᱥᱟᱹᱯᱲᱤ ᱟᱜ ᱟᱨᱦᱚᱸ ᱯᱩᱥᱴᱤ ᱜᱩᱱ ᱠᱚ ᱱᱚᱝᱠᱟᱱᱟ:

• ᱥᱟᱹᱯᱲᱤ ᱡᱚᱢ ᱞᱮᱠᱷᱟᱡ ᱠᱮᱱᱥᱟᱨ ᱦᱩᱭᱩᱜ ᱨᱮᱱᱟᱜ ᱥᱚᱢᱵᱷᱚᱵᱚᱱᱟ ᱠᱚᱢᱚᱜᱼᱟ᱾
• ᱢᱟᱭᱟᱢ ᱨᱮ ᱥᱚᱨᱠᱚᱨᱟ ᱴᱷᱤᱠ ᱛᱟᱸᱦᱮᱸᱱᱟ᱾
• ᱦᱚᱲᱢᱚᱨᱮ ᱥᱳᱰᱤᱭᱟᱢ ᱟᱨ ᱯᱚᱴᱟᱥᱤᱭᱟᱢ ᱨᱮᱱᱟᱜ ᱢᱟᱛᱨᱟ ᱴᱷᱤᱠᱮ ᱫᱚᱦᱚᱭᱟ ᱚᱱᱟᱛᱮ ᱢᱟᱭᱟᱢ ᱨᱮᱱᱟᱜ ᱡᱟᱹᱥᱛᱤ ᱪᱟᱯ ᱵᱟᱝ ᱦᱩᱭᱩᱜᱼᱟ᱾
• ᱤᱡ ᱠᱚ ᱴᱷᱤᱠ ᱢᱚᱛᱚ ᱵᱟᱝ ᱦᱩᱭ ᱞᱮᱱ ᱠᱷᱟᱱ ᱥᱟᱹᱯᱲᱤ ᱡᱚᱢ ᱠᱟᱛᱮ ᱩᱯᱠᱟᱨ ᱧᱟᱢᱚᱜᱼᱟ᱾
• ᱢᱮᱫ ᱛᱮ ᱧᱮᱞ ᱨᱮᱱᱟᱜ ᱫᱟᱲᱮ ᱦᱚᱸ ᱴᱷᱤᱠ ᱛᱟᱸᱦᱮᱸᱱᱟ᱾
• ᱜᱤᱫᱨᱟᱹ ᱠᱩ ᱦᱩᱭᱩᱜᱼᱟ ᱚᱝᱠᱟᱱ ᱜᱚᱜᱚ ᱦᱚᱲᱠᱩ ᱞᱟᱹᱜᱤᱛ ᱥᱟᱹᱯᱲᱤ ᱟᱹᱰᱤ ᱵᱷᱟᱜᱮᱭᱟ᱾
• ᱥᱟᱹᱯᱲᱤ ᱡᱟᱹᱥᱛᱤ ᱡᱟᱹᱥᱛᱤ ᱡᱚᱢ ᱞᱮᱠᱷᱟᱡ ᱢᱚᱪᱦᱟ ᱵᱷᱤᱛᱨᱤᱨᱮ ᱟᱞᱥᱟᱨ ᱦᱚᱸ ᱵᱟᱝ ᱦᱩᱭᱩᱜᱼᱟ᱾
  

ᱪᱤᱛᱟᱹᱨᱠᱩ

• 
  ᱜᱮᱫ ᱥᱟᱹᱯᱲᱤ
• 
  ᱟᱨᱟᱜ ᱥᱟᱹᱯᱲᱤ
• 
  ᱦᱟᱹᱨᱭᱟᱹᱲ ᱥᱟᱹᱯᱲᱤ
• 
  ᱵᱮᱝᱜᱟᱞᱳᱨ ᱨᱮᱱᱟᱜ ᱥᱟᱹᱯᱲᱤ
• 
  ᱤᱱᱫᱳᱱᱮᱥᱤᱭᱟ ᱨᱮᱱᱟᱜ ᱥᱟᱹᱯᱲᱤ

ᱵᱟᱨᱦᱮ ᱡᱚᱱᱚᱲ

• Media related to Psidium at Wikimedia Commons
• Data related to Psidium at Wikispecies
• California Rare Fruit Growers: Tropical Guava Fruit Facts Archived ᱒᱐᱑᱐-᱐᱘-᱒᱒ at the Wayback Machine.