ᱥᱠᱟᱣᱩᱴ

ᱥᱠᱟᱣᱩᱴ (Scouting)

ᱫᱷᱟ.ᱨᱛᱤ ᱨᱮ ᱟ.ᱰᱤ ᱞᱮᱠᱟᱱ ᱢᱟ.ᱱᱢᱤ ᱦᱤᱛ ᱞᱟ.ᱜᱤᱫ ᱥᱚᱸᱥᱛᱷᱟ ᱢᱮᱱᱟᱜᱼᱟ ᱾ ᱚᱱᱟ ᱠᱚ ᱢᱟ.ᱫᱽ ᱨᱮ ᱥᱠᱟᱣᱩᱴ ᱫᱚ ᱢᱤᱫ ᱧᱩᱛᱩᱢᱟᱱ ᱜᱟᱶᱛᱟ ᱠᱟᱱᱟ ᱾ ᱱᱚᱣᱟ ᱨᱤᱱᱤᱡ ᱛᱷᱟᱯᱚᱱᱤᱭᱟ. ᱫᱚ ᱞᱚᱨᱰ ᱵᱮᱰᱮᱱ ᱯᱟᱣᱮᱞ (Lord Baden Powell) ᱾

ᱟᱱᱤᱵᱮᱥᱟᱸᱛ ᱦᱚᱛᱮᱛᱮ ᱵᱷᱟᱨᱚᱛ ᱨᱮ ᱥᱠᱟᱣᱩᱴ ᱥᱚᱸᱥᱛᱷᱟ ᱛᱷᱟᱯᱚᱱ ᱮᱱᱟ ᱾ ᱟᱥᱲᱟ ᱮᱢᱟᱱ ᱠᱚᱨᱮ ᱱᱠᱟᱣᱩᱴ ᱥᱚᱸᱥᱛᱷᱟ ᱢᱮᱱᱟᱜᱼᱟ ᱾ ᱚᱱᱠᱟ ᱫᱚ ᱒᱔ ᱦᱚᱲ ᱥᱠᱟᱣᱩᱴ ᱟᱨ ᱢᱤᱫ ᱦᱚᱲ ᱥᱠᱟᱣᱩᱴ ᱢᱟᱪᱮᱛ ᱤᱫᱤ ᱠᱟᱛᱮ ᱱᱚᱣᱟ ᱥᱚᱸᱥᱛᱷᱟ ᱫᱚ ᱵᱮᱱᱟᱣᱜᱼᱟ ᱾ ᱖ ᱦᱚᱲ ᱥᱠᱟᱣᱩᱴ ᱥᱮᱞᱮᱫ ᱠᱟᱛᱮ ᱢᱤᱫ ᱯᱮᱴᱨᱳᱞ ᱵᱮᱱᱟᱣᱜᱼᱟ ᱾ ᱔ ᱯᱮᱴᱨᱳᱞ ᱛᱮ ᱢᱤᱫ ᱴᱨᱩᱯ ᱾ ᱛᱤᱱᱟ.ᱝ ᱜᱟᱱ ᱴᱨᱩᱯ ᱠᱚ ᱤᱫᱤ ᱠᱟᱛᱮ ᱢᱤᱫ ᱥᱚᱸᱜᱷ ᱾

ᱥᱮᱪᱮᱫ ᱪᱟᱞ

ᱥᱠᱟᱣᱩᱴ ᱠᱚ ᱞᱟ.ᱜᱤᱫ ᱫᱚ ᱥᱮᱪᱮᱫ ᱮᱢ ᱨᱮᱭᱟᱜ ᱦᱚᱸ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾ ᱩᱱᱠᱩ ᱫᱚ ᱞᱮᱠᱟᱱ ᱞᱮᱠᱟᱱ ᱫᱟ.ᱲ ᱫᱚᱱ ᱟᱨ ᱰᱨᱤᱞ ᱮᱢᱟᱱ ᱥᱮᱪᱮᱫ ᱮᱢᱛᱮ ᱦᱩᱭᱩᱜᱼᱟ ᱾ ᱪᱤᱨ ᱫᱮᱠᱷᱟᱣ ᱠᱟᱛᱮ ᱟᱨᱵᱟᱝ ᱥᱩᱨᱞᱩᱡ ᱠᱟᱛᱮ ᱩᱱᱠᱩ ᱫᱚ ᱮᱸᱜᱮᱫ ᱮᱢ ᱨᱮᱭᱟᱜ ᱠᱚ ᱪᱮᱫᱟ ᱾ ᱠᱮᱸᱯ ᱨᱮ ᱧᱤᱫᱟ. ᱫᱚ ᱥᱠᱟᱣᱩᱴ ᱠᱚ ᱠᱮᱸᱯ ᱯᱷᱟᱭᱟᱨ ᱠᱚ ᱠᱚᱨᱟᱣᱟ ᱾ ᱥᱠᱟᱣᱩᱴ ᱠᱚ ᱞᱟ.ᱜᱤᱫ ᱫᱚ ᱢᱤᱫ ᱞᱮᱠᱟᱱ ᱠᱤᱪᱨᱤᱫ ᱢᱮᱱᱟᱜᱼᱟ ᱾ ᱩᱱᱠᱩ ᱫᱚ ᱠᱷᱟᱠᱤ ᱫᱚᱛᱚ ᱯᱮᱸᱴ ᱠᱚ ᱦᱚᱨᱚᱜᱟ ᱾

ᱫᱤᱱ ᱥᱟᱨᱟ ᱥᱟᱯᱲᱟᱣ ᱨᱮ ᱛᱟᱦᱮᱸᱱ ᱜᱮ ᱥᱠᱟᱣᱩᱴ ᱠᱚᱣᱟᱜ ᱨᱤᱛ (Motto) ᱫᱚ ᱾ The Scout Motto is : "BE PREPARED" ᱾ ᱱᱚᱣᱟ ᱞᱟ.ᱜᱤᱫ ᱛᱮ ᱠᱮᱴᱮᱡ ᱦᱚᱲᱢᱚ, ᱱᱟᱯᱟᱭ ᱢᱚᱱᱮ ᱡᱤᱣᱤ ᱫᱟᱲᱮ ᱟᱨ ᱞᱟᱯᱷᱟᱝ ᱨᱤᱠᱟ. ᱞᱟ.ᱠᱛᱤ ᱾

ᱥᱠᱟᱣᱩᱴ ᱟᱜ ᱠᱟ.ᱢᱤ

ᱥᱠᱟᱣᱩᱴ ᱠᱚᱫᱚ ᱞᱟ.ᱰᱷᱟ.ᱭ ᱚᱠᱛᱚ ᱨᱮ ᱜᱷᱟ.ᱞ ᱟᱠᱟᱱ ᱥᱮᱱᱟ ᱠᱚᱠᱚ ᱥᱮᱵᱟ ᱡᱚᱛᱚᱱ ᱠᱚᱣᱟ ᱾ ᱯᱩᱨᱠᱩᱛ ᱜᱷᱚᱴᱚᱱ ᱚᱠᱛᱚ ᱨᱮ ᱫᱩᱠ ᱟᱱᱟᱴ ᱟᱠᱟᱱ ᱦᱚᱲ ᱠᱚᱠᱚ ᱜᱚᱲᱚ ᱥᱚᱦᱚᱫ ᱠᱚᱣᱟ ᱾ ᱯᱟᱛᱟ ᱯᱟᱨᱟᱵᱽ ᱚᱠᱛᱚ ᱨᱮ ᱦᱚᱲ ᱠᱚᱣᱟᱜ ᱟ.ᱰᱤ ᱵᱟ.ᱲᱛᱤ ᱵᱷᱤᱲ ᱛᱟᱦᱮᱸᱱᱟ ᱾ ᱩᱱᱠᱩ ᱚᱸᱰᱮ ᱦᱚᱸ ᱥᱮᱴᱮᱨ ᱛᱟᱦᱮᱸ ᱠᱟᱛᱮ ᱥᱮᱵᱟ ᱛᱤᱠᱪᱷᱟ. ᱠᱟ.ᱢᱤ ᱠᱚ ᱛᱚᱨᱟᱣᱟ ᱾

ᱟ.ᱰᱤ ᱚᱠᱛᱚ ᱨᱮ ᱥᱠᱟᱣᱩᱴ ᱛᱚᱣᱟᱜ ᱠᱮᱸᱯ ᱥᱟᱯᱲᱟᱣ ᱦᱩᱭᱩᱜᱼᱟ ᱾ ᱠᱮᱸᱯ ᱯᱷᱟᱭᱟᱨ ᱚᱠᱛᱚ ᱨᱮ ᱛᱤᱱᱟ.ᱝ ᱜᱟᱱ ᱨᱟ.ᱥᱠᱟ. ᱨᱚᱢᱚᱡᱽ ᱠᱟ.ᱢᱤᱦᱚᱨᱟ ᱦᱚᱸ ᱩᱫᱩᱜ ᱥᱚᱫᱚᱨ ᱛᱟᱦᱮᱸᱱᱟ ᱾ ᱠᱮᱸᱯ ᱨᱮ ᱥᱟᱯᱲᱟᱣ ᱟᱠᱟᱱ ᱠᱟ.ᱢᱤᱦᱚᱨᱟ ᱨᱮ ᱠᱮᱸᱯ ᱯᱷᱟᱭᱟᱨ ᱥᱠᱟᱣᱩᱴ ᱠᱚ ᱛᱟᱞᱟᱨᱮ ᱱᱟᱯᱟᱭ ᱩᱭᱦᱟ.ᱨ, ᱫᱩᱞᱟ.ᱲ, ᱜᱟᱛᱮ ᱜᱟᱯᱟᱛᱮ, ᱵᱚᱭᱦᱟ ᱫᱩᱞᱟ.ᱲ ᱫᱚ ᱟᱨ ᱦᱚᱸ ᱠᱮᱴᱮᱡᱚᱜᱼᱟ ᱾

ᱥᱠᱟᱣᱩᱴ ᱠᱚᱫᱚ ᱠᱤᱨᱤᱭᱟ. ᱦᱟᱛᱟᱣ ᱠᱟᱛᱮ ᱱᱚᱣᱟ ᱠᱚ ᱢᱮᱱ ᱟᱫᱚ ᱩᱱᱠᱩ ᱫᱚ ᱫᱷᱚᱨᱢᱚ ᱟᱨ ᱫᱤᱥᱚᱢ ᱞᱟ.ᱜᱤᱫ ᱟᱺᱜᱤᱵᱷᱟᱨ ᱠᱚ ᱛᱚᱨᱟᱣᱟ ᱾ ᱮᱴᱟᱜ ᱦᱚᱲ ᱠᱚ ᱥᱟᱨᱟ ᱜᱷᱟᱱᱮ ᱠᱚ ᱜᱚᱲᱚ ᱥᱚᱦᱚᱫ ᱠᱚᱣᱟ ᱾ ᱥᱠᱟᱣᱩᱴ ᱱᱤᱭᱚᱢ (Scout Law) ᱢᱟᱱᱟᱣᱟ ᱠᱚ ᱾

On my honour, I promise that I will do my best

1. To do my duty to God and my Country;

2. To help other people at all times;

3. To obey the Scout Law.

(ᱱᱚᱰᱮ God ᱴᱷᱟᱶ ᱨᱮ Dharma (ᱫᱷᱚᱨᱚᱢ) ᱦᱚᱸ ᱵᱮᱵᱷᱟᱨ ᱦᱩᱭ ᱫᱟᱲᱮᱭᱟᱜᱼᱟ ᱾)