ᱥᱤᱞᱟ ᱫᱤᱠᱥᱤᱛ

ᱢᱟ.ᱱᱤᱡ ᱥᱤᱞᱟ ᱫᱤᱠᱷᱤᱛ ᱫᱚ ᱵᱷᱟᱨᱚᱛ ᱨᱮᱭᱟᱜ ᱠᱮᱨᱚᱲ ᱯᱚᱱᱚᱛ ᱨᱤᱱᱤᱡ ᱢᱟᱬᱟᱝ ᱨᱟᱡᱽᱯᱟᱲ ᱠᱟᱱᱟᱭ ᱾ ᱠᱮᱨᱚᱲ ᱨᱤᱱᱤᱡ ᱨᱟᱡᱽᱯᱟᱲ ᱢᱟ.ᱱ ᱱᱤᱠᱷᱤᱞ ᱠᱩᱢᱟᱨ ᱟᱜ ᱵᱟ.ᱜᱤᱥᱟᱠᱟᱢ ᱮᱢ ᱛᱟᱭᱚᱢ ᱥᱤᱞᱟ ᱫᱤᱠᱷᱤᱛ ᱫᱚ ᱚᱱᱟ ᱴᱷᱟᱶ ᱨᱮᱠᱚ ᱫᱩᱲᱩᱵ ᱦᱚᱪᱚ ᱞᱮᱫᱮᱭᱟ ᱾ ᱱᱚᱶᱟ ᱞᱟᱦᱟᱨᱮ ᱱᱩᱭ ᱫᱚ ᱫᱤᱥᱚᱢ ᱨᱟᱡᱽᱜᱟᱲ ᱫᱤᱞᱞᱤ ᱯᱚᱱᱚᱛ ᱨᱤᱱᱤᱡ ᱥᱤᱨᱟ. ᱢᱚᱱᱛᱨᱤᱭ ᱛᱟᱦᱮᱸ ᱦᱩᱭ ᱟᱠᱟᱱᱟ ᱾ ᱱᱩᱭ ᱫᱚ ᱫᱤᱥᱚᱢ ᱨᱤᱱᱤᱡ ᱢᱤᱫ ᱱᱚᱝᱠᱟᱱ ᱛᱤᱨᱞᱟ. ᱥᱤᱨᱟ. ᱢᱚᱱᱛᱨᱤ ᱠᱟᱱᱟᱭ ᱡᱟᱦᱟᱸᱭ ᱫᱚ ᱛᱚᱸᱜᱮ ᱨᱮ ᱯᱮ ᱫᱷᱟᱣ ᱥᱤᱨᱟ. ᱢᱚᱱᱛᱨᱤ ᱯᱚᱫᱽ ᱮ ᱥᱟᱸᱵᱽᱲᱟᱣ ᱟᱠᱟᱫᱼᱟ ᱾ ᱱᱩᱭ ᱫᱚ ᱑᱗ ᱰᱤᱥᱮᱢᱵᱚᱨ ᱒᱐᱐᱘ ᱥᱟᱞᱮᱨᱮ ᱛᱚᱸᱜᱮᱛᱮ ᱛᱮᱥᱟᱨ ᱫᱷᱟᱣ ᱫᱤᱞᱞᱤ ᱵᱤᱫᱷᱟᱱ ᱥᱚᱵᱷᱟ ᱞᱟ.ᱜᱤᱫ ᱮ ᱵᱟᱪᱷᱚᱱ ᱞᱮᱱᱟ ᱾ ᱒᱐᱑᱓ ᱥᱟᱞᱮᱨᱮ ᱦᱩᱭ ᱮᱱ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱚᱱ ᱨᱮ ᱠᱚᱸᱜᱨᱮᱥ ᱮ ᱥᱟᱢᱟᱝ ᱠᱮᱫ ᱦᱟ.ᱨ ᱛᱟᱭᱚᱢ ᱩᱱᱤ ᱟᱡᱟᱜ ᱯᱚᱫᱽ ᱵᱟ.ᱜᱤ ᱛᱮ ᱦᱩᱭ ᱟᱫᱮᱭᱟ ᱾ ᱱᱩᱭ ᱫᱚ ᱫᱤᱞᱞᱤ ᱨᱤᱱᱤᱡ ᱫᱚᱥᱟᱨ ᱛᱤᱨᱞᱟ. ᱥᱤᱨᱟ. ᱢᱚᱱᱛᱨᱤ ᱠᱟᱱᱟᱭ ᱾ ᱒᱐᱑᱗ ᱨᱮᱭᱟᱜ ᱩᱛᱚᱨ ᱯᱨᱚᱫᱮᱥ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱠᱚᱸᱜᱨᱮᱥ ᱯᱟᱨᱴᱤ ᱨᱤᱱᱤᱡ ᱥᱤᱨᱟ. ᱢᱚᱱᱛᱨᱤ ᱯᱚᱫᱽ ᱯᱟ.ᱛᱟ.ᱛᱤᱭᱟ. ᱢᱮᱱᱛᱮᱭ ᱵᱤᱠᱱᱟ.ᱣ ᱟᱠᱟᱱᱟ ᱾

ᱥᱤᱞᱟ ᱫᱤᱠᱷᱤᱛ
ᱫᱤᱞᱞᱤ ᱯᱨᱚᱫᱮᱥ ᱠᱚᱸᱜᱨᱮᱥ ᱠᱩᱢᱩᱴ ᱨᱤᱱᱤᱡ ᱯᱟᱨᱥᱮᱛ
ᱵᱟᱭᱴᱷᱮᱨ ᱟᱠᱟᱱᱤᱡ
Assumed office ᱑᱐ ᱡᱟᱱᱩᱣᱟᱨᱤ ᱒᱐᱑᱙
National President	ᱨᱟᱦᱩᱞ ᱜᱟᱱᱫᱷᱤ
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱚᱡᱚᱭ ᱢᱟᱠᱮᱱ
ᱠᱚᱨᱚᱲ ᱨᱤᱱᱤᱡ ᱨᱟᱡᱽᱯᱟᱲ
ᱟᱹᱢᱟᱹᱞᱤ ᱨᱮ ᱑᱑ ᱢᱟᱨᱪ ᱒᱐᱑᱔ – ᱒᱕ ᱚᱜᱚᱥᱴ ᱒᱐᱑᱔
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱱᱤᱠᱷᱤᱞ ᱠᱩᱢᱟᱨ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱯᱤ. ᱥᱟᱛᱷᱟᱥᱤᱵᱚᱢ
ᱫᱤᱞᱞᱤ ᱨᱤᱱᱤᱡ ᱖ ᱟ.ᱱᱤᱡ ᱟᱭᱟᱨ ᱢᱚᱱᱛᱨᱤ
ᱟᱹᱢᱟᱹᱞᱤ ᱨᱮ ᱓ ᱰᱤᱥᱮᱢᱵᱚᱨ ᱑᱙᱙᱘ – ᱒᱘ ᱰᱤᱥᱮᱢᱵᱚᱨ ᱒᱐᱑᱓
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱥᱩᱥᱚᱢᱟ ᱥᱣᱚᱨᱚᱡᱽ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱚᱨᱵᱤᱸᱫᱽ ᱠᱮᱡᱽᱨᱤᱣᱟᱞ
ᱮᱢ. ᱮᱞ. ᱮ. ᱱᱟᱣᱟ ᱫᱤᱞᱞᱤ ᱜᱳᱞᱮ ᱢᱟᱨᱠᱮᱴ (᱑᱙᱙᱘–᱒᱐᱐᱘)
ᱟᱹᱢᱟᱹᱞᱤ ᱨᱮ ᱓ ᱰᱤᱥᱮᱢᱵᱚᱨ ᱑᱙᱙᱘ – ᱒᱘ ᱰᱤᱥᱮᱢᱵᱚᱨ ᱒᱐᱑᱓
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱠᱤᱨᱛᱤ ᱟᱡᱟᱫᱽ
ᱯᱟᱨᱞᱤᱭᱟᱢᱮᱴ ᱨᱤᱱᱤᱡ ᱥᱚᱦᱮᱛ ᱠᱟᱱᱟᱣᱡᱽ
ᱟᱹᱢᱟᱹᱞᱤ ᱨᱮ ᱑᱙᱘᱔ – ᱘᱙
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱪᱷᱚᱴᱮ ᱥᱤᱝ ᱭᱟᱫᱚᱵᱽ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱪᱷᱚᱴᱮ ᱥᱤᱝ ᱭᱟᱫᱚᱵᱽ
Member of Indian delegation United Nations Commission on the Status of Women
ᱟᱹᱢᱟᱹᱞᱤ ᱨᱮ ᱑᱙᱘᱔ – ᱘᱙
ᱢᱟᱨᱟᱝ ᱢᱱᱛᱨᱤ	ᱤᱸᱫᱽᱨᱟ ᱜᱟᱱᱫᱷᱤ ᱨᱟᱡᱤᱵᱽ ᱜᱟᱱᱫᱷᱤ
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ	᱓᱑ ᱢᱟᱨᱪ ᱑᱙᱓᱘ (1938-03-31) ᱠᱟᱯᱩᱨᱛᱷᱟᱞᱟ, ᱯᱚᱧᱡᱟᱵᱽ, ᱵᱨᱤᱴᱤᱥ ᱤᱸᱰᱤᱭᱟ
ᱨᱟᱡᱽᱟᱹᱨᱤ ᱫᱚᱞ	ᱵᱷᱟᱨᱚᱛᱤᱭᱟ. ᱱᱮᱥᱣᱟᱞ ᱠᱚᱸᱜᱨᱮᱥ
ᱡᱤᱭᱚᱱ ᱥᱚᱦᱮᱫ	ᱵᱤᱱᱚᱫᱽ ᱫᱤᱠᱷᱤᱛ
ᱦᱚᱯᱚᱱ	ᱥᱚᱱᱫᱤᱯ ᱫᱤᱠᱷᱤᱛ ᱞᱚᱛᱤᱠᱟ ᱫᱤᱠᱷᱤᱛ ᱥᱟᱭᱮᱫᱽ
ᱥᱮᱪᱮᱫ ᱟᱠᱷᱲᱟ	ᱢᱤᱨᱚᱱᱰᱟ ᱦᱟᱣᱩᱥ, ᱫᱤᱞᱞᱤ ᱡᱮᱜᱮᱛ ᱵᱤᱨᱫᱟ.ᱜᱟᱲ

ᱯᱟ.ᱨᱚᱠᱷᱮᱛ

ᱱᱩᱭ ᱫᱚ ᱨᱟᱡᱽ-ᱟ.ᱨᱤ ᱨᱮ ᱯᱨᱚᱥᱟᱥᱚᱱ ᱟᱨ ᱥᱟᱝᱥᱚᱫᱤᱭᱟ. ᱠᱟ.ᱢᱤᱨᱮ ᱱᱟᱯᱟᱭ ᱯᱟ.ᱨᱚᱠᱷᱮᱛ (experience) ᱢᱮᱱᱟᱜ ᱛᱟᱭᱟ ᱾ ᱱᱩᱭ ᱫᱚ ᱛᱟᱞᱢᱟ ᱥᱚᱨᱠᱟᱨ ᱨᱮ ᱑᱙᱘᱖ ᱠᱷᱚᱱ ᱑᱙᱘᱙ ᱥᱟᱨᱮ ᱫᱷᱟ.ᱵᱤᱡ ᱢᱚᱱᱛᱨᱤ ᱯᱚᱫᱽ ᱦᱚᱸᱭ ᱦᱟᱛᱟᱣ ᱞᱮᱫ-ᱟ ᱾ ᱞᱟᱦᱟ ᱫᱚ ᱱᱩᱭ ᱥᱚᱝᱥᱚᱫᱤᱭᱟ. ᱠᱟ.ᱢᱤ ᱨᱤᱱᱤᱡ ᱯᱚᱱᱚᱛ ᱢᱚᱱᱛᱨᱤᱭ ᱛᱟᱦᱮᱸ ᱠᱟᱱᱟ , ᱑᱙᱘᱔-᱙᱘ ᱥᱟᱞᱮᱨᱮ ᱱᱩᱭ ᱫᱚ ᱩᱛᱚᱨ ᱯᱨᱚᱫᱮᱥ ᱠᱚᱱᱚᱣᱡᱽ ᱴᱚᱴᱷᱟ ᱨᱮᱭᱟᱜ ᱟᱺᱜᱤᱵᱷᱟᱨ ᱮ ᱦᱟᱛᱟᱣ ᱞᱮᱫ-ᱟ ᱾ ᱥᱟᱝᱥᱚᱫᱽ ᱥᱚᱦᱮᱛ ᱨᱮᱭᱟᱜ ᱠᱟ.ᱢᱤᱱᱟᱝ ᱨᱮ ᱱᱩᱭ ᱫᱚ ᱞᱳᱠᱥᱚᱵᱷᱟ ᱨᱮᱭᱟᱜ ᱮᱥᱴᱤᱢᱮᱸᱴ ᱠᱩᱢᱩᱴ ᱥᱟᱞᱟᱜ ᱥᱟᱶ ᱨᱮᱭ ᱠᱟ.ᱢᱤ ᱞᱮᱫ-ᱟ ᱾ ᱱᱩᱭ ᱫᱚ ᱥᱤᱧᱚᱛᱤᱭᱟ. ᱯᱷᱩᱨᱜᱟ.ᱞ ᱨᱮᱭᱟᱜ ᱔᱐ ᱟᱱᱟᱜ ᱥᱮᱨᱢᱟ ᱯᱩᱨᱟ.ᱣ ᱤᱢᱯᱞᱤᱢᱮᱱᱴᱮᱥᱳᱱ ᱠᱚᱢᱤᱴᱤ ᱨᱮᱦᱚᱸ ᱢᱩᱬ ᱟᱺᱜᱤᱵᱷᱟᱨ ᱮ ᱦᱟᱛᱟᱣ ᱞᱮᱫ-ᱟ ᱾ ᱫᱤᱞᱞᱤ ᱯᱨᱚᱫᱮᱥ ᱠᱚᱸᱜᱨᱮᱥ ᱠᱩᱢᱩᱴ ᱨᱤᱱᱤᱡ ᱯᱟᱨᱥᱮᱛ ᱞᱟ.ᱜᱤᱫ ᱑᱙᱙᱘ ᱥᱟᱞᱮᱨᱮ ᱠᱚᱸᱜᱨᱮᱥ ᱫᱚ ᱫᱤᱞᱞᱤ ᱨᱮ ᱟ.ᱰᱤ ᱢᱟᱨᱟᱝ ᱡᱤᱛᱠᱟ.ᱨ ᱮ ᱟ.ᱜᱩ ᱟᱫ ᱠᱚᱣᱟ ᱾ ᱒᱐᱐᱘ ᱥᱟᱞᱮᱨᱮ ᱦᱩᱭ ᱮᱱ ᱵᱤᱫᱷᱟᱱ ᱥᱳᱵᱷᱟ ᱵᱟᱪᱷᱱᱟᱣ ᱨᱮ ᱥᱤᱞᱟ ᱫᱤᱠᱷᱤᱛ ᱟᱜ ᱟᱺᱜᱤᱵᱷᱟᱨ ᱨᱮ ᱠᱚᱸᱜᱨᱮᱥ ᱫᱚ ᱗᱐ ᱜᱚᱴᱟᱝ ᱢᱟ.ᱪᱤ ᱠᱷᱚᱱ ᱔᱓ ᱜᱚᱴᱟᱝ ᱢᱟ.ᱪᱤ ᱠᱚ ᱟᱢᱮᱴ ᱞᱮᱫ-ᱟ ᱾

ᱡᱤᱭᱚᱱ

ᱥᱤᱞᱟ ᱫᱤᱠᱷᱤᱛ ᱟᱜ ᱡᱟᱱᱟᱢ ᱫᱚ ᱓᱑ ᱢᱟᱨᱪ, ᱑᱙᱓᱘ ᱥᱟᱞᱮᱨᱮ ᱦᱩᱭ ᱞᱮᱱ ᱪᱟᱦᱮᱸᱫ ᱾ ᱱᱩᱭ ᱟᱡᱟᱜ ᱥᱮᱪᱮᱫ ᱫᱚ ᱫᱤᱞᱞᱤ ᱨᱮᱭᱟᱜ ᱠᱚᱱᱵᱷᱮᱸᱴ ᱳᱯᱷ ᱡᱮᱥᱩᱥ ᱮᱱᱰ ᱢᱮᱨᱤ ᱟᱥᱲᱟ ᱠᱷᱚᱱ ᱮ ᱦᱟᱛᱟᱣ ᱞᱮᱫ-ᱟ ᱾ ᱛᱟᱭᱚᱢ ᱛᱮ ᱥᱚᱱᱮᱨ ᱟᱨ ᱯᱚᱥᱴᱜᱨᱟᱫᱩᱣᱮᱴ ᱨᱮᱭᱟᱜ ᱥᱮᱪᱮᱫ ᱫᱚ ᱢᱤᱨᱟᱸᱰᱟ ᱦᱟᱣᱩᱥ ᱵᱤᱨᱫᱟ.ᱜᱟᱲ ᱠᱷᱚᱱ ᱮ ᱦᱟᱛᱟᱣ ᱞᱮᱫ-ᱟ ᱾ ᱱᱩᱭ ᱫᱚ ᱧᱩᱛᱩᱢᱟᱱ ᱯᱷᱩᱨᱜᱟ.ᱞᱤᱭᱟ. ᱥᱮᱱᱟ ᱟᱨᱵᱟᱝ ᱞᱟᱦᱟ ᱨᱟᱡᱽᱯᱟᱞ ᱟᱨ ᱛᱟᱞᱢᱟ ᱢᱚᱱᱛᱨᱤ ᱢᱚᱱᱰᱚᱞ ᱨᱮ ᱢᱚᱱᱛᱨᱤᱭ ᱛᱟᱦᱮᱸ ᱞᱮᱱ ᱩᱢᱟ ᱥᱚᱝᱠᱚᱨ ᱫᱤᱠᱷᱤᱛ ᱟᱜ ᱜᱷᱟᱨᱚᱸᱡᱽ ᱨᱮ ᱵᱟᱯᱞᱟ/ᱜᱚᱝ ᱫᱚ ᱦᱩᱭ ᱞᱮᱱᱟ ᱾ ᱟᱡᱤᱡ ᱡᱤᱛᱟ. ᱫᱚ ᱢᱟ.ᱣ ᱵᱤᱱᱚᱫᱽ ᱫᱤᱠᱷᱤᱛ ᱵᱷᱟᱨᱚᱛᱤᱭᱟ. ᱯᱨᱚᱥᱟᱥᱚᱱᱤᱠ ᱥᱮᱵᱟ ᱨᱤᱱᱤᱡ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟ ᱾ ᱟᱡ ᱨᱤᱱ ᱫᱚ ᱵᱟᱨᱮᱭᱟ ᱜᱤᱫᱽᱨᱟ. ᱢᱮᱱᱟᱜ ᱠᱤᱱᱟ, ᱢᱤᱫ ᱫᱚ ᱠᱚᱧᱟ ᱜᱤᱫᱽᱨᱟ. ᱟᱨ ᱫᱚᱥᱟᱨ ᱫᱚ ᱠᱩᱲᱤ ᱜᱤᱫᱽᱨᱟ. ᱾

ᱮᱱᱮᱢ

ᱥᱤᱞᱟ ᱫᱤᱠᱷᱤᱛ ᱵᱤᱵᱮᱠᱟᱱᱚᱱᱫᱚ ᱥᱞᱚᱢ ᱠᱚᱞᱚᱱᱤ, ᱫᱤᱞᱞᱤ ᱨᱮ ᱜᱟᱞᱚᱪ ᱮ ᱮᱢ ᱮᱫ ᱛᱩᱞᱩᱡ

ᱱᱩᱭ ᱫᱚ ᱛᱤᱨᱞᱟ. ᱠᱚᱣᱟᱜ ᱩᱛᱱᱟ.ᱣ ᱟᱨᱵᱟᱝ ᱡᱤᱛᱠᱟ.ᱨ ᱞᱟ.ᱜᱤᱫ ᱵᱟᱝᱞᱟᱸᱜᱟᱭ ᱠᱩᱨᱩᱢᱩᱴᱩ ᱟᱠᱟᱫ-ᱟ ᱾ ᱟᱡ ᱫᱚ ᱛᱤᱨᱞᱟ. ᱠᱚ ᱥᱟᱶᱛᱟ ᱨᱮ ᱵᱟᱨᱟᱵᱟ.ᱨᱤ ᱴᱷᱟᱶ ᱟᱢᱮᱴ ᱚᱪᱚ ᱠᱚ ᱨᱮᱭᱟᱜ ᱦᱩᱞᱥᱟ.ᱭ ᱨᱮ ᱟ.ᱜᱩᱣᱟ.ᱱ ᱮ ᱛᱟᱦᱮᱸ ᱟᱠᱟᱱᱟ ᱾ ᱟᱡ ᱫᱚ U.N. ᱨᱮ ᱛᱤᱨᱞᱟ. ᱠᱚᱣᱟᱜ ᱛᱷᱟᱨ ᱠᱩᱢᱩᱴ ᱨᱮᱦᱚᱸ ᱵᱷᱟᱨᱚᱛ ᱨᱮᱭᱟᱜ ᱨᱤᱯᱨᱮᱡᱮᱸᱴ ᱢᱚᱬᱮ ᱥᱮᱨᱢᱟ (᱑᱐᱘᱔-᱘᱙) ᱫᱷᱟ.ᱵᱤᱡ ᱮ ᱛᱚᱨᱟᱣ ᱞᱮᱫ-ᱟ ᱾ ᱟᱡ ᱫᱚ ᱩᱛᱚᱨ ᱯᱨᱚᱫᱮᱥ ᱨᱮ ᱟᱡ ᱨᱤᱱ ᱘᱒ ᱥᱟᱶᱛᱮᱱ ᱠᱚ ᱥᱟᱶ ᱚᱜᱚᱥᱴ ᱑᱙᱙᱐ ᱥᱟᱞᱮᱨᱮ ᱒᱓ ᱢᱟᱦᱟᱸ ᱞᱟ.ᱜᱤᱫ ᱡᱤᱦᱚᱞ ᱦᱚᱸᱭ ᱥᱟᱸᱜᱷᱟᱨ ᱞᱮᱫ-ᱟ ᱾ ᱛᱤᱱ ᱡᱚᱦᱚᱜ ᱱᱩᱭ ᱛᱤᱨᱞᱟ. ᱠᱚ ᱪᱮᱛᱟᱱ ᱨᱮ ᱥᱟᱶᱛᱟ ᱨᱮᱭᱟᱜ ᱱᱟᱦᱟᱪᱟᱨ ᱵᱤᱨᱩᱫᱷ ᱨᱮᱭ ᱛᱤᱸᱜᱩ ᱞᱮᱱᱟ , ᱩᱱ ᱡᱚᱵᱚᱜ ᱱᱩᱭ ᱩᱫᱩᱜ ᱥᱚᱫᱚᱨ ᱦᱚᱸᱭ ᱛᱚᱨᱟᱣ ᱞᱮᱫ-ᱟ ᱾ ᱑᱙᱗᱐ ᱥᱟᱞᱮᱨᱮ ᱟᱡ ᱫᱚ ᱡᱩᱣᱟ.ᱱ ᱛᱤᱨᱞᱟ. ᱜᱟᱶᱛᱟ ᱨᱮᱭᱟᱜ ᱢᱟ.ᱪᱤ ᱦᱚᱸᱭ ᱥᱟᱸᱵᱽᱲᱟᱣ ᱞᱮᱫ-ᱟ ᱾ ᱡᱟᱦᱟᱸ ᱚᱠᱛᱚ ᱨᱮ ᱟᱡ ᱫᱚ ᱫᱤᱞᱞᱤ ᱨᱮ ᱵᱟᱨᱭᱟ ᱢᱟᱨᱟᱝ ᱛᱤᱨᱞᱟ. ᱟᱪᱮᱛᱥᱟᱲᱟ ᱦᱚᱸᱭ ᱡᱷᱤᱡ ᱦᱚᱪᱚ ᱞᱮᱫ ᱠᱚᱣᱟ ᱾ ᱟᱡ ᱫᱚ ᱤᱸᱫᱽᱨᱟ ᱜᱟᱱᱫᱷᱤ ᱢᱮᱢᱚᱨᱤᱭᱟᱞ ᱴᱨᱚᱥᱴ ᱨᱤᱱᱤᱡ ᱦᱚᱸ ᱥᱩᱛᱨᱮᱛ ᱞᱮᱠᱟ ᱛᱮᱦᱚᱸ ᱢᱮᱱᱟᱭᱟ ᱾ ᱱᱚᱣᱟ ᱴᱨᱚᱥᱴ ᱫᱚ ᱡᱮᱜᱮᱛ ᱡᱟ.ᱛᱤᱭᱟ.ᱨᱤ ᱛᱷᱚᱱᱚᱛ ᱨᱮ ᱴᱷᱟᱶ ᱮ ᱵᱮᱱᱟᱣ ᱟᱠᱟᱫ-ᱟ ᱾ ᱱᱚᱶᱟ ᱴᱨᱚᱥᱴ ᱜᱮ ᱥᱟ.ᱱᱛᱤ, ᱰᱤᱥᱟᱨᱢᱟᱢᱮᱸᱴ ᱟᱨ ᱩᱛᱱᱟ.ᱣ ᱞᱟ.ᱜᱤᱫ ᱤᱸᱫᱽᱨᱟ ᱜᱟᱱᱫᱷᱤ ᱥᱤᱨᱯᱷᱟ. ᱦᱚᱸᱭ ᱮᱢᱚᱜ-ᱟ ᱟᱨ ᱡᱮᱜᱮᱛ ᱯᱟᱥᱱᱟᱣ ᱥᱟᱛᱟᱢ ᱪᱮᱛᱟᱱ ᱨᱮᱦᱚᱸ ᱦᱮᱞᱢᱮᱞ ᱮ ᱥᱟᱯᱲᱟᱣᱟ ᱾

ᱨᱳᱪ

ᱢᱟ.ᱱᱤᱡ ᱫᱤᱠᱷᱤᱛ ᱫᱚ ᱛᱤ ᱵᱮᱱᱟᱣᱟᱜ, ᱟ.ᱛᱩ ᱵᱟᱰᱚᱦᱤ ᱟᱨ ᱵᱟᱰᱚᱦᱤᱭᱟ. ᱠᱚ ᱪᱮᱛᱟᱱ ᱨᱮ ᱵᱟ.ᱲᱛᱤ ᱨᱳᱪ ᱟᱨᱵᱟ.ᱝ ᱨᱟ.ᱥᱠᱟ. ᱛᱟᱦᱮᱸᱱ ᱛᱟᱭᱟ ᱾ ᱟ.ᱛᱩ ᱜᱟᱭᱟᱱ ᱢᱮᱞᱟᱝᱠᱤ ᱠᱚ ᱩᱛᱱᱟ.ᱣ ᱨᱮ ᱟ.ᱰᱤᱜᱟᱱ ᱮᱱᱮᱢ ᱢᱮᱱᱟᱜ ᱛᱟᱭᱟ ᱾ ᱑᱙᱗᱘ ᱠᱷᱚᱱ ᱑᱙᱘᱔ ᱥᱟᱞ ᱵᱷᱤᱛᱨᱤ ᱨᱮ (ᱞᱩᱜᱽᱲᱤ ᱵᱟ.ᱭ ᱯᱟ.ᱨᱩᱠᱷᱤᱭᱟ. ᱜᱟᱶᱛᱟ) ᱠᱟ.ᱢᱤᱭᱟ. ᱯᱟᱨᱥᱮᱛ ᱯᱚᱫᱽ ᱨᱮ, ᱱᱩᱠᱩ ᱵᱮᱱᱟᱣ ᱞᱩᱜᱽᱲᱤ ᱫᱚ ᱢᱤᱫ ᱞᱟᱯᱷᱟᱝ ᱴᱷᱟᱶ ᱨᱮᱭ ᱥᱮᱴᱮᱨ ᱦᱚᱪᱚ ᱟᱠᱟᱫ-ᱟ ᱾

ᱟᱨ ᱦᱚᱸ ᱧᱮᱞ ᱢᱮ

https://en.m.wikipedia.org/wiki/Fifth_Legislative_Assembly_of_Delhi

ᱥᱟᱹᱠᱷᱭᱟᱹᱛ

http://indiatoday.intoday.in/story/sathasivam-kerala-governor-cji-home-ministry-supreme-court/1/380730.html

http://www.thehindubusinessline.com/news/politics/in-delhi-bjp-bets-on-surgeon-to-take-on-techie-crusader/article5265435.ece

http://www.thehindu.com/news/national/kerala-governor-sheila-dikshit-resigns/article6353435.ece

https://www.ndtv.com/india-news/sheila-dikshit-former-chief-minister-to-be-new-delhi-congress-chief-1975829

http://archives.digitaltoday.in/indiatoday/20031215/state_delhi.html

https://web.archive.org/web/20131202223536/http://archives.digitaltoday.in/indiatoday/20031215/state_delhi.html

http://www.expressindia.com/news/fullstory.php?newsid=26734 Archived ᱒᱐᱑᱒-᱑᱐-᱑᱑ at the Wayback Machine.

https://archive.is/20130125233533/http://www.hindustantimes.com/Censure-Dikshit-Delhi-lokayukta-to-President/H1-Article1-722686.aspx%23disqus_thread#disqus_thread

https://en.m.wikipedia.org/wiki/The_Times_of_India

http://www.dnaindia.com/india/report_nothing-illegal-or-unlawful-in-manu-sharma-parole-sheila-dikshit_1317759

http://www.ndtv.com/article/india/commonwealth-fiasco-government-s-auditor-faults-sheila-too-123831

http://timesofindia.indiatimes.com/city/delhi/Court-orders-FIR-against-Sheila-Dikshit/articleshow/22194077.cms

ᱵᱟᱦᱨᱮ ᱡᱚᱱᱚᱲ

https://commons.wikimedia.org/wiki/Category:Sheila_Dikshit

https://web.archive.org/web/20120814044512/http://delhi.gov.in/wps/wcm/connect/DoIT_DGE/directorate+of+gurdwara+elections/minister/sheila+dikshit

https://en.m.wikipedia.org/wiki/Ajay_Maken

https://en.m.wikipedia.org/wiki/Delhi_Pradesh_Congress_Committee